رواية لأني عاقر الفصل التاسع والعشرون بقلم مريم خفاجة
عيناكِ ما أدراكِ ما عيناكِ
مُدنٌ منَ الألوانِ والأفلاكِ
انا احسدُ الاجفانَ ترمشُ فوقها
والكحلَ إذ يلهو بهِ رمشاكِ
#لأني_عاقر
#البارت_التاسع_والعشرون
#مريم_الخفاجي
صوتوا للبارت+تعليق بين الفقرات+متابعة
ــــــــــــــــــــــــــــــــــــــــــــــــــ
...
أيمان:-گومن يلا يمة صار المغرب
گمت راسي گوة اشيلة من المخدة
من النوم
رحت للحمام غسلت احاول اصحي
روحي خليت راسي ؏ غسالة
ورجعت غفيت
وفزيت ؏ ضربة ملك:-يا جلبة
ملك:-اطلعي برة اريد اسبح
طلعت واني اترنح
نزلت لجوة نجلاء يمنة لان ابوي مسافر
نجلاء:-مدللات عمي ينزلن المغربية يتماوعن
ملاك:-شعليج انتي هم گاعدة ببيت أمي وهم تتأمر
باوعتلي بتك عين وضلت تكرز حب
وبناتها يتمكيجن يمها
والله الهن خلك من الصبح لليل يتحمرن
ويتكحلن وهنة لسة مجلبات بالثالث متوسط
رحت لأمي لگيتها تگلي
بتيتة:-ولجن شنو ميتات ماتگعدن عايفاتني وحدي
ملاك:-اني ادري بهذا النوم خرب نعسانة بعدني
ايمان:-جا محبوسة بين الحيطان لا طلعة ولا طبة
مثل البشر اكيد بس نوم
ملاك:-وين اولي اركص بالملاهي
ايمان:-اي هو انتي بس لسان
كلشي ماكو شگد گتلج ادرسي
ملاك:-يووو هو اني الي خلك
ارجع انام احسلي
ايمان:-تعاي تعاي غسلي الاماعين يلا
اجيت وشعري هوسة
اغسل الاماعين وفاتحة تك عين
طب جاسر دمغني وكال:-غسلي عدل
ملاك:-راح اطيح حظك
جاسر:-لج هاي عليمن
ملاك:-يمممممة گليلة خلي يوخر
ايمان:-تعال يمة حبيبي
راحلها واني اباوعلها صفح
تبوس بي وتوكلة بتيتة
والله يالله
رجعت اغسل الاماعين
خلصتهن وصعدت اكلب بالموبايل
لحد ما صار العشة نزلت
اكلت وغسلت هم اماعين وصعدت
لمكاني
حياتي
تنضيف ونوم وموبايل
تلمست رحايتي الشلعتها جمالة
يگلي من تضحكين ماتبين
وهي مبينة فراغ شكبرة
خرب شوداني عليك
رجعت نزلت راسي اكلب بالقصص
سمعت صوت جاسر يصيحني
جوة
صحت من مكاني:-هاااا شتريد
جاسر:-تعاي اريد احاجيج
وخرت بطانيتي
ولبست برجلي واني الف بشعري وانزل
دخلت لغرفة امي سمعت اصواتهم
يسولفون وگفت وكلت:-ها
جاسر:-تعاي گعدي
گعدت ؏ طرف الجرباية واني اباوعلهم
امي وجهه اصفر وهو مرتبك
جاسر:-ملاك راح أگلج شي
ملاك:-اي؟
جاسر:-بس مو تضوجين اذا ماتردين عادي گولي
ملاك:-شنو
لزمت امي ايدي واني اموت
من هاي المقدمات اكرههن
ملاك:-شكو احجوا
جاسر:-خطبوج
ابتسمت:-أي؟
جاسر:-أي شو ضحكتي
ملاك:-شو تصيحولي اني شكو اكيد ترفضون
جاسر:-بس النة غير رأي
ملاك:-اي بلا اطربني؟
جاسر:-لاتضلين تسوين هاي السوالف خلي احجي
ملاك:-بابا احجي اي خلي اضحك عليك شو
جاسر:-يمة ترة والله اكتلها
ايمان:-دنجب تكتلها يمة خلي يحجي وياج
عليمن تطفرين وحدج
ملاك:-دحجي يلا
جاسر:-غيث هذا العالجتي يمة رحايتج
صديقي خطبج گال اريدها
ملاك:-ها حلو والله
جاسر:-شنو حلو؟
ملاك:-جاي ويخطب ؏ حسب الأصول
رجعت لورا تمددت ؏ جرباية وصعدت
رجلية وفتحت تلفوني واني
اعلج:-هو يدري بية مطلگة وعاگر؟
جاسر:-اي يدري حتى بطلاگج جان موجود
ملاك:-روحوا سولفو هاي النكتة لغيري
ايمان:-يمة شبيج الولد حباب ورايدج واذا
رادج بعيبوبج فـ هو قابل
طبگت الموبايل واني
اباوعلها بعصبية:-وشنية عيوبي بلا؟
هاي عود انتي امي والله يالله
جاسر:-ملاك لاتغشمين روحج مو قصدي
اجرحج بس منو يتقبل هيج وضع؟
وصدگي اليتقبلج ومايباوع لهاي الشغلات
هو الراح يضل وياج طول عمرج
ملاك:-لو امووووت ماتزززززووووج
انتووووووا تخبلتوووو فهمووووني شبيكم
أيمان:-لج يمة اگعدي خلي نحجي بهدوء
هسة ليش هاي العصبية
ملاك:-والله ماتزززززووووج لو مدررري شيصير
مارريييد مو کووووة هية
جاسر:-مانريد نجبرج احنة ياعيني
بس جاي احاول انطيج الموجود واليريدة
هو
ملاك:-ماريد يا اخي ماريد وانتوا تعرفوني
كلش زين ماريد اتزوج وفوگاها جاي تسألني
عفتة ورحت صعدت فوك وجهي
جمر
طبيت للغرفة ورگعت الباب حيل
ملك وريم فزن ثنينهن جانن يختارن
ملابس
ملك:-شبيج
بجيت بسرعة وضميت راسي
بالمخدة:-ماررررررييييييددددد اتززززززووووج
افهموووو ماريد ماريد
ريم:-هاي شبيها شو باوعيلي
تحاول تخليني اباوعلها يردن يشيلني
ماقبلت
طب جاسر للغرفة صحت بي:-اااااااطلع
جاسر:-و وجعة أمي نصي صوتج
ملك:-شبيها منو خطبها
جاسر:-غيث صديقي
ملك:-جذذذذاااب
جاسر:-والله
ريم:-عزة غيث حباب كلش
جاسر:-وانتي شمدريج بي حباب
ريم:-لا والله كيوت اني احبة
سمعتة ضربها واني بعدني
ضامة راسي بالمخدة وابجي
شالني من زنودي واني ادفع بي:-وخرررر وخررر
جاسر:-ولج بس احاجيج
ملاك:-ماريد اتزووزووج
جاسر:-ولج هسة منو مزوجج
گعدت واني امسح بدموعي
دگيت ؏ جربايتي اكثر من مرة وصحت
ماهمني ريم الزغيرة التسمعني ولا همني
اي بشر:-هننننناااا هننننناااا اغتصصبنننني
النذذذذل وترررريدددددني اررررجع واتززززوج
واخلي رجاللللل يتقربللللي بعدددددد
جاسر:-مو كلهاااا مثللللل هذااااا النعاااال
لاتخليني اكفر بيج هسةةةة
ملاك:-شنوووو مو مثلللللة كلللللهههها مثللللة كلها كلها
جاسر:-يعني اني مثلة؟
هزيت راسي بأكثر من مرة بـ لا
ملك:-باعي هو اني ضد فكرة الزواج تماماً
بس غيث احنة نعرفة كلش زين
حتى مرات يتشاقة وياي بس بحدود يعني
مبين هو اخلاقة شنو
ومادام اجة وطلب ايدج بهذا الوضع اكيد يريدج
جاسر:-هسة غير أكللها هيج بس تزاگط ماتثبت
ملاك:-كمال نعرفة نعررررفة وشسوة بية؟
جاسر:-لاتجذبين مانعرفة هذا ابن النذل اجالة سنتين شعرفنة منة
ملاك:-وانت شعرفت من صديقك؟
جاسر:-خواتج يشهدن واني عاشرتة
وتعرفين ماصادق ياهو الجان
مسحت دموعي وكلت:-ماريد هسة جاي اگلك
عوفني اذا متضايقين من وجودي بيناتكم گولوا
واتزوج
جاسر:-باعي تفكيرها امداج تبقين بهذا الثول
عافني وراح
وملك وريم گعدن يمي
ملك:-ملاك ترة والله ما متضايقين منج يعني
احنة طلگناج من عندة نوب نتضايق منج
بعدين منين اكو اهلج يضوجون من بتهم؟
بس احنة نريد مصلحتج وانتي ماجاي
تساعدين روحج
كلنالج ادرسي واحنة نساعدج ماقبلتي
يمكن لو تدرسين جان حتى مافكرنة
نزوجج ترة احنة ماندوم الج
باجر حي ؏ الصلاة اني اتزوج مستحيل اضل
هيج وريم تتزوج وجاسر يتزوج
وأمي؟ تموت قابل تضل عدلة علمودج
تضلين تالي مرت الأخو تصفك بيج
ملاك:-الزواج مو الحل الوحيد
ملك:-لعد شنو حلج الوحيد؟
ملاك:-خلوني كاعدة بيناتكم
ملك:-احنة ما ندوم الج والله
ملاك:-ملك افهمي ماريد اتزوج جاي تفهمين
الفكرة ماجاي تطب بعقلي ونرجع نفس
الشي؟ ليش؟ اني ماعول خلصت من الماضي
ترجعوني الة
ملك:-بكيفج بعد الله كريم بس غيث
اذا قاتل علمودج نصيحتي لاترفضي
ضحكت:-هاي اذا قاتل
ريم:-يعني يگول جاسر جان حاضر بطلاگج
فـ اكيد يريدج مادام يدري بيج مُطلقة وعاقر
وماهمه هالموضوع واجة خطب
ملك:-هذا اخلي ؏ راسي
بلا لو كمال يدري بوضعج وعاقر قبل لاتتزوجي
ياخذج؟ والله لو ترگعين راسج بميت حايط
ماياخذج
وترة من تزوجج شفقةً بيج
شاف ابوية يضربج ويأذيج كال خطية
بغلط واحد منج عافج
وألا انتي شنو الناقصج؟؟
ملاك:-ماجاي اقتنع بالفكرة
يعني قطار وعاف المحطة يرجعلها ليش؟
ولازم نرحع هاي المسافة كلها؟ علمود زواج؟
الماراح احقق ولا شيء بي
؏ نومة؟ هي هاي؟ ماريدها ماحس بأي شعور
ملك
لاراح اصير أم ولاراح اكون عائلة بعد
الزواج شنو فايدتة بالموضوع؟
هزت جتفها بـ مادري وگامت
عني
ضليت طول الليل عيني تتخايل الوضعية
واتنرفز شلون لو صارت حقيقة؟
من السهر گضيت طول اليوم نايمة
ثاني يوم نزلت مطنگرة وما حاجي أمي
گعدت ؏ تخم واني اداور بالريموت
گعد بصفي جاسر باوعتلة بتك عين
ورجعت عيني للتلفيزون
جاسر:-ملاك
ملاك:-شكو؟
جاسر:-والله رفضت وگتلة ماتريدك
بس رافض يگول لو هي لو هي
ملاك:-لا بالله؟ عمي ماريدة ولو عني
جاسر:-اسمعي البصمات
ملاك:-ماسمع وخر عني
فتح البصمات واني اسوي روحي
ماسمع
غيث:-جاسر وهاي حلفتلك بالقرآن
لو هي تطب ببيتي لو مادخل مرة غيرها
وجاسر يگلة:-ولك ماترضى انه ادري
بيها وشگد قنعتها وامي قنعتها ومارضت
غيث انه سولفتلك ؏ الصارلها قبل
شلون تريدها ترضى بعد
غيث:-مايهمني الماضي
وانتَ گلتها قبل يعني تنساه شوية شوية
جاسر:-مادري بعد خليها ورا الله
قابل ما اكيف تصير الك واني اعرف انت
شنو بس هي شيقنعها
ملاك:-شمسولفلة حضرت جنابك؟؟
جاسر:-ماجبت طاري كمال بس گتلة
شكد الخايس عذبج ولا جبت طاري
الاعتداء هم
ملاك:-والله يالله بطران هذا كوم عني
وگلة ماتوافق لو مدري شيصير
جاسر:-بكيفج بعد هاي سمعتي بصماتة
والي مايريد جان من اول رفض اجاه
يبتعد
ملاك:-اي ديلا كوم
گام عني وهو يذب نفس
بعدم رضا
ومرت ايام ويحاول جاسر وأمي
يقنعون بية
واني رافضة الفكرة
گاعدين ؏ غدة واني مدنگة راسي
؏ التلفون واباوع مسلسل وآكل
أيمان:-اني مو کايلة ممنوع التلفونات
؏ السفرة
ملاك:-جاي اباوع مسلسل
ايمان:-طفي بسرعة
ملاك:-يمة شسالفة شبيج هسة گتلج جاي
اباوع
ايمان:-عندج وكت وفراغ هواي باوعي
بي الة بوكت الأكل
گلبت وجهي وشمرت التلفون
وهمه يباوعون لتمردي وعدم رضاي بكلشي
شوية وجاسر گال:-رجع غيث يحاجيني
علمود ملاك
ملاك:-اهوووووو
أيمان:-وقزرقطوا الولد رايدج
ملاك:-وطبة مرض شسويلة اني
جاسر:-لسانج لا أكصة
ملاك:-انتوووووووووا اله تطلعوووون
الاكل زقوووم علية انعل ابووو الياكل
وياكم بعددد
شلت تلفوني واني دموعي
تنزل يحرگن خدي حرك
صعدت لغرفة جاسر وسديت الباب
واني اشهك وابجي بحرگة
طب جاسر گمت وصحت:-اطلللللعععع برةةةةة
جاسر:-ولللللج شبييييييج اثببببتي
ملاك:-وخرررر وخرررر
ضل يريد يلزمني واني ادفع واضرب
بي
شال ايدة وضربني راشدي
نزلن دموعي اكثر وشهگت وهو صافن
اول مرة يسويها
دفعتة وركضت للسطح
طلعت لبرة وقفلت الباب من يمي
وشهگت بعلو صوتي واني اصيح
واضرب بروحي
وهمه يدگون بالباب يريدوني اطلع
واسمع صوت أمي تبجي
ساعة كاملة واني گاعدة ؏ الشمس
وضامة رجلية لصدري
واشهك شهگة الطفل من يريد صدر أمة
ضليت افرك بصدري واحس اختنگت
من الحر
گمت نكثت ملابسي وفتحت الباب
گبالي جاسر
جرني من ايدي وضمني لحضنة
وهو يهمس:-اششششش كافي
ملاك:-ماريد اتزوج ماررريد
جاسر:-هذا هو اسكتي بابا مانزوجج
بقيت اهتز بصدرة وامي تبوس
بشعري وتمسح ؏ ايدي
بهدوء
عفتهم ورحت للغرفة
من الدوخة والهبوط نمت وگعدت
متخربطة خذوني للمستشفى وشكلولي مغذي
ويوم يمر
ويومين وتلاثة
واني ؏ وضعي
وردة رجعت تسولف وتحجي وياي
بس ماجيب طاري كمال
ابد
وهي هم ماتحجي وياية هواي
بس نحجي قليل وتروح
واني هم ماراسلها ولا اتصل
واجة يوم
جاسر خايف وهو يگول:-ملاك لاتعصبين
ولاتضوجين
ملاك:-استغفرالله يالله خير شكو بعد
جاسر:-غيث يريد يحجي وياج
ملاك:-الله شكد حلو وعادي يعني اختك تطلع للزلم
جاسر:-اني اذا ماعرفة ومامعاشرة برأيج اخلي اختي تطلع وتحجي وياه
ملاك:-شو والله انت خبصتني باخلاقة
ديلا افتهمنة وماطلع واحجي وياه لو يموت
شنو هو ومنو حتى اطلع واحجي والله عمي زين
ملك:-بت الوزير مو هي ولا يگول بت
علاء اليدمغ بينة اربعة وعشرين ساعة
ملاك:-وخر عني اريد انام
ايمان:-اطلع عمي اطلع اني احاجي الولد مبينة قافلة
ملاك:-تسون فضل اصلاً
هز ايدة وطلع
ورجعت اني اباوع ؏ قصة واندمج بأحداثها
ورجع يلح يلح يريد يجي
يحجي وياي
اجة جاسر يگلي:-منتضرج جوة عمي والله عيب
انة استحي
ملاك:-يعني عادي تدمرني بس انت تستحي منة؟؟
جاسر:-ما يدمرج صدگي
اذا انتي ماتثقين بية هسة أطلع منا
وما أخلي يرجع بعد ولا يوصل
باوعتلة وعيوني تلمع دموع
گمت لبست جبتي فوك التراك
ولفيت شال اسود وعبايتي ولبست جواريب
وهو يباوعلي عاكد حاجبة
جاسر:-لبسي بوشية بعد
ملاك:-اذا تريد البس عادي
هز ايدة واني مسحت الصبغ أضافر
ومكومة كومة حجي حتى احجي
واخلي بعد ما يفكر ويرجع يخطبني
طبيت همست:-السلام عليكم
غيث:-أهلاً وسهلاً
طب جاسر وياي وگعد اخر شي
واني گبالة تماماً
رفعت عيوني عليّ وكلت بصوت
ناصي بعصبية:-تفضل شرايد؟
غيث:-رايدج
ملاك:-السبب؟
غيث:-ماكو سبب اني اريد ازوجج ؏ سنة الله ورسوله بيها شي؟
ملاك:-اي اكيد بيها شي
غيث:-فسريلي
بللت شفتي وهمست:-شون تريد تاخذ وحدة
مطلقة وعاقر يعني؟ فسرلي انت مو اني
غيث:-مايهمني
ملاك:-شلون مايهمك مثلاً؟
لعد المن تتزوج غير تكون أسرة
غيث:-اني ماريد اكون اسرة
ملاك:-واني ماريد اتزوج
غيث:-السبب؟
ضحكت:-يعني عود انت جاي تستفزني لو شنو بضبط؟
غيث:-ليش استفزج انتي كتيلي ليش
جاي تخطب وگتلج السبب اريدج
انتي ليش ماتردين؟
غمضت عيوني وگتلة:-اني عاقر يعني عمامك
واهلك شلون؟
غيث:-گتلج مايهمني
ملاك:-يعني راح تگللهم؟
غيث:-لا
ضحكت:-انتَ دتضحك علية؟
غيث:-ماضحك
بس ماحب احد يدخل بخصوصياتي
ملاك:-ولشوكت محد يدخل؟
عشر سنين؟عشرين سنة؟
غيث:-شعليج انتي اني العلية انتي ماعلية بالناس
ملاك:-يعني لنفرض سألوك ليش
ماعندكم اطفال شتگللهم؟
غيث:-اني عقيم
ملاك:-تستنكف تگللهم مرتي عاقر يعني؟
ابتسم:-صيري مرتي والباقي احلة
ملاك:-جاوبني ؏ سؤالي؟
غيث:-لا ، ماحب احد يسمعج حجاية
وانا اعرف ناسي شنو
وهسة كليلي سبب رفضج هذا؟ بس؟ لو اكو
شي ثاني؟
ملاك:-الماضي يأثر ؏ حاضري
غيث:-كل أنسان عندة ماضي
ملاك:-بس مو كلها تخطت الماضي؟
غيث:-أكدر انسيج كلشي
ملاك:-واثق يعني؟
هز راسة بـ اي
ملاك:-بس اني ماريد ما مستعدة اصلا للزواج
غيث:-عادي
ملاك:-عجيب يعني جاي اگلك
ماريد اريد اعرف سبب ملحتك هاي شنو؟
ابتسم وطلع جگارة
واشرلي بيدة:-تختنگين لو عادي؟
ذبيت نفس وكلت:-لا عادي
حط رجل ؏ رجل وهو يدخن
غيث:-باعي راح اسولفلج قصة
هزيت رجلي سريع وهمست:-اممم
غيث:-هذا اكو فد كاتب الماني
جان يحب وحدة هواي وهي هم تحبة
جانت علاقتهم عبر القارات ويحجون بالرسائل
فقط مالتقوا بس من گد ما يحبها
خاف عليها تضل وياه فـ تدرين شگاللها؟
ملاك:-اي
غيث:-احجيلج الگالة بالفصحى؟
ملاك:-بكيفك
غيث:-گاللها انا رخو أزحف على الأرض
انا صامت طول الوقت ، انطوائي ، كئيب
متذمر اناني وسوداوي هل ستتحملين حياة الرهبنة، كما أحياها أقضي معظمَ الوقتِ
محتجزاً في غرفتي أو أطوي الأزقَّة وحدي هل
ستصبرين على أن تعيشي معي بعيدة كلياً عن
والديكِ وأصدقائكِ بل وعن كل علاقة أخرى, ما دام لا يمكنني مطلقاً تصور الحياة الجماعية بطريقةٍ مغايرة؟لا أريدُ تعاستكِ يا ميلينا
أخرجي من هذه الحلقةِ الملعونةِ التي سجنتكِ فيها عندما أعماني الحب
فـ هي شردت علي؟
گالتلة و إنْ كنتَ مجرّد جثّة في العالم .. فأنا أحبّك
عگدت حواجبي:-هاي شلون هيج حافضها
ضحك بقوة وهو يفرك صدرة
من الجگاير:-باعي انا قليل اقرة لان
ماحب اقرة الكتب
بس قاري قصتهم لان جذبتني
وماقريتها قراية لا سمعتها باليوتيوب
واحبها دائماً اسمعها
ملاك:-كمل المطلوب لحد الان اني مافاهمة شي
غيث:-يا عزيزة العين
حالياً ادوارنة معكوسة انا ميلينا وانتي
كافكا الي ضيع حُبة بسبب تركيزة ؏ عيوبة
ملاك:-يعني ماتزوجوا؟
غيث:-تؤ لان هي جانت متزوجة
باوعتلة بأستغراب:-هاي شلون لعد شلون حبها؟
غيث:-بعدين اسولفلج القصة مالتهم
ملاك:-شوكت يعني بعدين؟
ضحك بتك خد
وتجاهل سؤالي وكمل:-فـ ياعيني
بما انو انتي تركزين بعيوبج واني مطلقة وعاقر
وهاي السوالف الماتهمني
ماراح ترتاحين بحياتج كلها وتاليتج
مثل كافكا
واني اگلج لو تصيرين جثة هم أريدج
وها اكو مقولة حلوة لكافكا قبل لا يموت
تدرين شكتب الها
من شدة فضولي كتلة:-شكتب؟
غيث:-وأنتِ يا ميلينا لو أحبكِ مليون فأنا منهُم، وإذا أحبكِ واحدٌ فهذا أنا، وإذا لم يُحبكِ أحدٌ فـ اعلمي حينها أنِّي مُت
وهذا مختصر حبي الج
بلعت ريگي:-شلون تحبني يعني؟
انتي حتى ماشايفني غير كم مرة
غيث:-ثمن سنين منتضرج
عكدت حواجبي:-شلون؟
رجع تجاهل سؤالي:-وهسة الزبدة؟
ملاك:-ماريد اتزوج نهاية الحديث وشكراً ؏ جيتك
وتعبتك واتمنى متفكر بهالموضوع بعد
لان من سابع المستحيلات ارجع افكر
بالزواج
هز راسة وهو يبتسم عفتة
وگمت وطلعت برة اباوع لايدي ترجف
طبيت لأمي لگيتها تفتر متوترة:-ها
ملاك:-شنو الها
ايمان:-وافقتي؟
ملاك:-اكيد لا
غمضت عيونها بصبر وعفتها ورحت
صعدت
لكيت وردة داگة علية
كلت بليل احاجيها نمت
وگعدت
تعشيت ونضفت ورجعت صعدت
لفوك فتحت موبايلي
وكتبت لوردة:-هلو شلونج
هي جانت بالأصل متصلة
جاوبتني بسرعة:-هلو ملوكة حبيبتي شلونج
ملاك:-زينة بخير انتي شخبارج
وردة:-زينة عادي نفتح اتصال؟ لو ماترضى عمتي
ملاك-لا عادي
فتحتلها اتصال وهي ضلت تسولفلي
؏ الجامعة جان قسمها ادارة واقتصاد
سمعت صوت علاوي ابتسمت
شكد مشتاقتلة:-فتحيلي كامرة خلي اشوف علوش
فتحت كامرة وهو اتخبل من شافني
ضل يبوس بالتلفون ويگلي:-مشتاقلج خالة
واني ابتسم واسولف وياه
رجعت الكامرة وردة ؏ وجهها
بلعت ريكي مرتبكة من شكلها
گالت:-ملاك
ملاك:-ها
وردة:-هم ناوية تتزوجين يعني اجو خطبوج شي
شمعنى سألت هذا السؤال؟ واليوم؟
گلتلها:-اي صديق جاسر يريدني
وردة:-هاا يعني يعرف بيج مطلقة
ملاك:-اي
وردة:-انتي توافقين؟
ملاك:-افكر
ضلت عيونها القلقانة مدمعة:-يعني عادي تتزوجين؟
ملاك:-اذا هو متقبل عيوبي فـ مو مشكلة
وردة:-اها ان شاء الله يصير من نصيبج
وهي عيونها مرتبكة
حجت شوية وطبگتة عنها
ونزلت لأمي تخصرت وهي جانت
تلگط خضرة باوعتلي
ودنگت:-انتي هم حاجية لخالاتي عن الخطبة
ايمان:-اي لخالتج وجدان
ملاك:-ها حلو وهسة اطشها عند العشيرة كلها
ايمان:-وعليمن خايفين
ملاك:-و؏ شنو خايفين منو گالج خايفة
الخطبة مارايدتها ولا اريد اتزوج ولا ببالي
الموضوع اصلا شكو رحتي گتيلهم
ايمان:-وشنو تحاسبيني حضرت جنابج؟
اختي وگتلها
ملاك:-وخلي اباركلج وردة عرفت هم
ايمان:-وخلي تعرف ؏ اساس انتي وافقتي
دمغني جاسر من ورا:-مرة الثانية
من تحجين ويا امي عدلي وگفتج واحجي
عدل لا لسانج اگصة سكتتلج هواي
خزرتة وصعدت فوك
وملك گالتلي:-ليش گتيلها تفكرين؟
خو گليلها ما موافقة
ملاك:-ادري بيها شراح تسوي
سكتت وهي تباوعلي
مستغربة
هو اني مستغربة من روحي؟
ومرت يومين
واحنة كاعدين بالصالة نسولف
اندك باب المطبخ حيل
كلها كامت مستغربة من الوضعية
جاسر اول واحد طفر وراح للمطبخ
واسمع صوتة
دك گلبي برعب وريم لزمت ايدي
رجفن شفايفي ونعزلت ؏ صفحة
شوداني وحجيت؟؟
ابقة غبية طول عمري وماتصيرلي جارة
واسمعة يصيح بعلو صوتة
جسمي يرجف ومغمضة عيوني
واسمعة يگول لأمي:-عمة لاتسوين هيج
لاتزوجوها خلوها هيج يمكم بس لا تحرگون گلبي بزفتها
جاسر:-دكل *** لككككك امششششششششيييي
اطللللللع بررررررررا گ*
باوعت بدون مايشوفني
اشوف مسدس بيدة
گعد بالگاع ودموعة نزلت وحط
المسدس براسة:-اكتلني ولاتخليني اشوفها بحضن غيري جاسر اكتلني رجعوليها ابوس رجلك
والله ماگدر بدونها
دفرة جاسر واني دموعي يبست
بعيوني ضليت اعصر بزندي من الخوف
تكاتلوا وهو مايقاوم جاسر
بحيث حتى مايصيح
وجاسر كتلة كتل للحظة حسيتة راح
يموت
وامي وملك يحاولن يوخرن
جاسر عنة
طلعت واني حتى بدون حجاب
همست بخوف:-جاسر
باوعلي وخزرني خزرة
وشال كمال راسة وابتسملي
ملاك:-عوفة وخر عنة
جاسر:-ولللللج انتتتتتتتي شنوووووو من بششششر
وخرررررنهااااا منننننا لا أحرررررك ****
ملاك:-خلي احجي
وهو خازرني وعيونة دم وامي
تضرب بضهري وتريد تدخلني لجوة
حطيت عيوني بعيونة
وهمست:-ردت اگلك باب گلبي سديتة
ومالك رجعة الة بعد ودير بالك توصل وتفكر
ارجعلك لو تموت والله لو تموت
لو اشوفك مذبوح ومنحور گبالي هم مارجعلك
لو ادري بيك ميت ورجعتي الك تحييك
ادفنك بيدي ومافكر اصلاً ارجع وياك
ابتسم جاسر وشالة من خوانيگة
وهو ميت بين ايدة
ويباوعلي ويضحك وبيدة مسدسة عود يريد
يخوفنة والله يالله
عفتهم وركضت لفوك
شلت تلفوني ارجف اتصلت ؏ وردة
شالتة
ملاك:-ولج اني ماشايفة صلافة مثلج لا والله ابد
شهالجرأة هاي؟ اني كتلج ترحين تحطيها
بحلك اخوج النذل من عسى لاتهنى ولا شاف
يوم سعيد بحياتة مادام دمرني وصرت
اشوف عذابة بكل مكان ديري بالج بعد
ترجعين تتصلين وحق محمد اسوي بيج سواية
اخيلج تكرهين بشر ؏ الأرض اسمة ملاك
وجنت رافضة فكرة الزواج
بس لا والله عناد بيكم اله اوافق
حجيتها وطبگتة
وگعدت ؏ الجرباية وحطيت راسي
بين رجلية واني اتنفس بقلق
رجعت نزلت وجاسر
يشرب بأمي ماي ويدك ؏ ضهرها
ملاك:-جاسر
التفتتلي وگال:-ها
ملاك:-صديقك غيث گلة اختي موافقة...
ــــــــــــــــــــــــــــــــــــــــــــــــــ
وعريسنة حبها واخذها 🔥💃🏻
