رواية الشيخ جلال الفصل التاسع والعشرون بقلم مرج البحر
..
ساره : فتحت العلبه وتفاجٸت رفعت الفستان وکعت ادموعي مثل ما حلمتي بي بالضبط اتذکر مرا من جانت رجلي مجویه وهو یجي یکعد یمي سٸلني
جلال : اي یا امیرتي الحلوا شلون تردین فستان عرسج
ساره : ممم اتمنه اطلع مثل ذني الترکیات فستان یکون بسیط ما اریده منفوش وبي خراخش هواي هیج بسیط وناعم عله جسمي واسوي تسریه همات بسیطه وما اخلي بیهه شي بس تاج وکلیل ومکیاج خفیف واطلع مثل ذني البصور مم شنو رایك
جلال : طالعه مثل ملاک صدک یلوکلج هاذ الشي
ساره : وین طالعه
جلال : مو انه بعد ما وصفتیلي تخیلتج شلون طالعه
ساره : ماني لیش خرب المفاجٸه
جلال : ههههه لاتخافین اکید راح اطلعین احله من توقعاتي
.....
ساره : لازمه الفستان وانه اضحک وابجي من اتذکرت کلامه مثل ما تخیلته واحله بعد حضنته وبقیت اکمز بعدین ضمیته ورحت للتلفون ردت ادزله رساله شکر وتراجعت لیش هوا ما سٸل من یومین
...رحت احولت انام الحد ما غفیت کعدت عله جرجره
مروا : ولج یالله ساره جکد تنامین کومي الیوم عرسج راح نتاخر
ساره : ما ما ارید اعرس نعسانه
سما : ههههه قویه هاي
مروا : نتضري سما انه اعرف شلون اکعده سطل مي بارد هسه تکعد مثل الشطوره
ساره : لا لا کعدت خلص اف منج مروا والله نعسانه
کعدني یسحن بیه وانه کوا فاتحه عیوني راویتهن الفستان تخیلن علیه
سما 😍😍واو یجنن راح اطلعین ترکیه بهاذ الفستان
مروا : اي والله یخبل وعلج راح یطلع احله یالله جهزي نفسج حته نروح قبل لا نتاخر
ساره : ماشي غیرت ملابسي ومروا لمت الشغلات الراح احتاجهم والسایق وصلنه المرکز ......حجزنه بي جلال اول ما دخلت دخلوني غسل وتشحین سولي تنضیف ومساج للجسم ونضفت واجهي ورتبت حاجبي وسوتله تنضیف ومساجات حسیت روحي دجاجه بیدهم ومروا معرسه ویاي شنو اسوي تسوي 😁
مروا : نجبي جا بس انتي تردین اطلعین حلوا
ساره : لا عمه اخذي راحتج ههههه سما خطیه بس سوت تنضیف للوجه بعد ما خلصنه اجوا وقت المکیاج والتسریحه راویت الفستان لام الصالون وشرحت الهه الاریده وهیه فهمت علي سوتلي محیاج یجنن وتسریحه بسیطه کمت لبست الفستان واجیت تعجبن علي حته الب لصالون طلعت اخبل اعیوني دمعت ومروا حضنتني وتببجي من الفرحه ورنه رغم الغصه البکلبي بس حسیت بشعور حلو اول مرا احس بي سما همات حضنت علي وهیه ومروا طلعو یجننون حسیت بالتوتر من الانتضار وخوفه
اجه عماد اخذنه من الصالون اباوعله بالمرایه کل شوي یباوعلي یبتسم بحزن ویرجع یسوق
مروا : نتبهت عله عماد شبیك عمده متفاجٸ وحزین
عماد : اي والله متفاجٸ هاي شوکت کبرت وصارت عروس لازم استعجل واجیب بنیه مثلهه لان اکید بیتنه راح یفهه من خبالاتهه
ساره : طول عمري علاقتي بعماد سطحیه وجنت داٸما احجي علیه بس بالفترا الاخیر کتشفت انه جکد ضالمته وانو انه جکد عزیزه عنده صرت اناشغ وابجي
عماد: اف اف ساره کولي یالله ولج احنه ورا البیت یمعوده راح تخربین شغل ١٦ساعه
ساره :بدموع کله بسببک لیش تصیر عاطفي وتبجیني
عماد : هههه والله راح نشتاق لخبالج مسحي دموعج خویه شیفکني من جلال امشي ویوصي بیه علیج
مروا : تمسح بدموعه هسه واکتکم تصیرون حساسین خربتو جمالي
ساره و عماد وسما :ههههههه
عماد : هههه ونتي شکو تبجین
مروا : شدراني صایرا اتاثر بسرعه یالله کافیکم
ساره : هههه خلصنه الطریق نسولف ونضحک وصلنه البیتنه وعماد فدیته ساعدني بالدخول لان ما اشوف کدمي اسمع خبصت الزلم الیم بیت جدو واصل لهنا تلکتني ماما وخالاتي بالهلاهل والاحضان حضنت ماما وبجیت وهیه ویاي دخلت للصاله البنات طار عقلهم بیه وشتغلت الفعالیت ماتکول البارحه کلبن الدنیه رجعن نفس الشي وکوني ویاهن خو الصور انثولت من الفلاشات واخذت ویه ماما همات جانو علي وعماد بالستقبال ردت اسلم اعلیهم ساعدتني مروا وهدی غطیت جسمي اول ما فتت علیهم علي صار یبجي بس عماد یکابر عیونه مدمعه حضنت علیهم وبقیت ابجي وهمه یمسحون بدموعي ویحششون علي لان قریبه وعله مکیاجي یردوني اسکت وضحکو عله مروا وهدی لان یبجن ویاي
علي : سامحیني ساره بس هاذ جلال مخبل من توصل الشغله یمج محد یکدر یوکف کبالة وحبه الج هوا الیخلینه ساکتین علیه
ساره : انه مستحیل ازعل منك
علي : حبیبتي یالله روحي الزفه علة جیه
ساره: یالله حضنته ورحت عله عماد حنته وکتله ونته مو تنسه اجیب ابنیه مثلي وتسمیهه ساره
علي : یبو لزمتیهه علي ونوب یطلعلي واحد مثل جلال وادفنه اذا خذاهه مني بس شفایتلي بنیه مثلج
ساره :کلنه ضحکنه عله کلامه رجعت للصاله مروا رتبت المکیاج مالتي شویه وسمعنه صوت الطبل والزمر والرمي احس کلبي نخمش ونفسي صار غیر منتضم من التوتر لبسني الکلیل والکبوس عل نص شتغلت الهلال والهوسات رعفت رسي باوعتله شلون دخل اخذ کلبي بطلته بتسملي جانت عیونه تلمع من الفرح ومرکز علي وکانو ما کو احد غیرنه بالمکان اوف یا کلبي جکد مشتاقله وکاني اول مرا اشوفه شکله هیبه بالملابس العربیه مال الشیخ وعطرا سابقه دخل بابا کدامه کوني هوا وجدو حضنت عله بابا کلبي ما شایل علیه شفت بعیونه دمعه وکعت دموعي بست ایده وراسه وجدو نفس الشي سلموني الجلال اجه وکف یمي ولزم اید صاح المروا تجیب عبایه لبسني یاهه وباس راسي بهاي اللحضه حسیت بفرحه کامله وکاني ملکت العالم کله اي هو جان حلمي وهسه تحقق لزم ایدي بقوا والبسمه ما تفارکه همس
جلال : مبروك یابنیتي وامیرت کلبي
ساره: جسمي رجف من کلماته وکانه یجاوب عني لزم ایدي بقوا وکانه یتحده العالم طلعنه من بیتنه وهاي لحضه صعبه عل کل بنیه بس اذا جانت ویه الشخص التحبه راح تکون اسعد لحضه صعدني بسیارته جانت مزینه بطیقه ممیزه ساعدني کعدت بالصدر وهوا یسوق ماعرف شعوري ارتباك خجل وخوف همسي
جلال : مارح تکلیلي مبروک
ساره : مبروک علیك انه
جلال : هههه طبعا وهاذ راح یکون اسعد یوم بحیاتي
ساره :لیش
جلال : لان انتي ختصار کل احلامي صار١٩ سنه منتضر هاذ الیوم التصیرین بي مرتي
ساره : بس داٸما برحله الانتضار اکو محطات ستراحه
جلال : یمکن بس حلوات الرحله بالوصول واکید مارح اضیع وقتي بالراحه وانه حلمي اوصل بسرعه
ساره : رفع ایدي ویبوس بیهه طول الطریق کلما یحجي جلال صح بالغاز بس ایمان بداخلي یکلي انو جلال مستحیل حب احد غیري لهفته وحبه وفرحته هیه التحجي عنه شغل اغنیه واحد یحب واحد ویدندن ویاهه وقابض عله ایدي ارید اسیطر عله دموعي ما اکدر وانه اباوعله فرحانه بفرحته وصلنه المرکز تصویر کلش جبیر نزلني دخلنه جان اکو مصوره دخلت مروا ویاي وهوا کال لحضه واجي نزعت الکبوس وشبعت رزایل من مروا لان باجیه خطیه کل شویه تعدلي المکیاج طلعنه وجان یدخل جلال بقینه انه ومروا وحده نباوع بالثانیه جان لابس قاط اسود طالع ومرتب شعرا طالع یجنن اول مرا اشوفه هیج تقرب مني وانه صافنه علیه بس هوا مافرق عني جانت بعیونه نضرت اعجاب وکصني کص من فوك لجوا ولمعه طیرت عقلي بعیونه
مروا : خرب منین هاذ الصاک طلع انه
جلال : بتسم وعیونه عله ساره کال .. جاي احول اصیر امیر الهاي الامیرا الطیرت عقلي دنک راسه وهمس الهه...طالعه بقلاوه مثل ما تخیلته علیج
ساره : بدون وعي کتله والله انته البقلاوا ضحک ضحکه عالیه نبهني خرب شنو من جفصی هاي
سحبني علیه وستغل الوضع والمصورا تصور حته اهي خجلت من حرکاته انه متت من الخجل بس مندمجه ویا سوینه لقطات اتجنن وتفشل لا تلیق بشیخ ابدا وبعدین اخذت ویه مروا ودخلن البنات اخذن ویاي وماما وحته سما لبین ما راح اهو رجع غیر ملابسه ورجعنه اخذنه کم لقطه المصورا انصدمت مث ثکله وانه متت ضحک من کلتله حضنهه وهوا یکله لا عیب انه شیخ ماتلیق بیه هاي الحرکات هیه ضلت صافنه وانه ومروا انتهینه من الضحك
جلال : شبیجن اضحکن ساره ذیج الصور محد یشوفهه وتفضحیني سویتهم الخاطرج وخاطرت بسمعتي جیل اخر وکت شیخ شکدي یلبسني قاط
ویخلني اسوي حرکات ستغفر الله کدام العالم
ساره : فکیت حلکي والمصوره ومروا نتهو من الضحك وانه باوعله بغیض خلصنه من التصویر وطلعنه هل مرا صعدت مروا ویاي ما اعرف السبب
المهم وصلنه البیت جدو دخلو السیاره جوا وانه اسمع الرمي تکول غاره وهوسات جابو الذبیحه جوا رجلي ضمیت راسي بحضن جلال من الخوف همس الي
جلال : ساره لاتخلین اتهور العالم تنضرني ستري علي ترا بالتصویر کو لزمت نفسي
ساره : جکد ما یستحي بعدت عنه دخلني للبیت نطرشته من الهلاهل والجکلیت فلکنه اسمعه یسب ویلعن یخبل من صوت النسوان کعدني وطلع بسرعه .....عماتي کامن یهوسن بالهوسات المعرفه واهم شي هاي الرادهه وهاي التمناهه بت الشیخ لبن الشیخ ومروا کالت ابن عمي واریدنه وسمعن یل تحبنه انه هنا باوعت الغفران شلون مدخنه وغمزت الهه ردت اکوم اهوس ویاهن بیهه بعد کومه هوسات حته بیبي هوست شکلهه تحفه المهم خذلهن ساعه یهوسن لحد مانهد حیلهن من اجه العشه طاحن عمیان حکهن والله الرکص هم یحتاجله طاقه خو مروا صدمتني 😁تاکل من کل کلبهه رفستهه توکلني متت من الجوع ولا جنهه خطیه سما کامت وکلتني کم لکمه ..
.........
مروا : جان یوم ممیز لثنین ممیزین وعزاز عله کلبي ساره طلعت امیرا وجلال الفرحه ما سایعته اول مرا انتبه الضحکته وخفت دمه عمري کله ماشایفته هیج
الفرحه مبینه بعیونه ویضحک من کل کلبه اما انه عله کولت ساره عرستي هههه لبست فستان یجنن وسویت شعري وخلیت مکیاج قوي شویه تمردت یمکن لان نفسیتي اصلن تعبانه اجتي الزفه کل عاده لبسنه العبي انه وسما بعد ما طلعو ساره وجلال اجتي سما کالت بابا راح یاخذنه طلعت انه ویاهه
وصلت یم السیاره جنت فرحانه بشوفته طالع هیبه لابس دشداشه نیلي ولاف غترا شخصیته ادوخ فدوا
صالح : سما تعالي صعدي یمي
سما : بس بابا مروا
مروا : عادي سما ماکو فرق بینه انه ماتهمني هاي السوالف فتحت الباب وصعدت ورا بس حسیت بالاهانه مو لان سما لان انه صدک ما تهمني هاي السوالف ما المقامات بس ضجت عل اساس میته علیه مو صوجه طول الطریق ساکتین جانت الزفه کلش ضخمه بعد زفت الشیخ جلال صرت اباوع من الجامه عل سیارات ماهتمیت للعیون الي مراقبتني
صالح : دور وجهج عن الشارع ماتشوفین السیارت بصف السیاره تمشي
مروا : بس انه مغطیه وجهي
صالح : لا لیش شیلي خل العالم تشوفج احسن
مروا : عصبني بهاي کلمته وعل عناد تهورت ورفعت عن وجهي وباوعتله بحدي
صالح : صاح بعصبیه مرواااااااا
مروا:کمزت کمزه من صوته انه وسما وجعت غطیت وجهي وبقیت ارجف ضل یحجي ویسب ویلعن
صالح : هاذ تصرفج ما راح انسا بسیطه بس خل یخلص هاذ العرس وانه اعرف شلون اتصرف ویاج واربیج من جدید اضاهر انطیتج وجه ازیاده بسیطه
مروا : جان یحجي وانه دموعي تصب ونوب وهوا معصب ویسوق بسرعه حسیت بخنکه ودوخه مو طبیعیه کتله بصوت مخنوک ...دخیلک بطٸ السرعه راح اموت ختنکت حسیته هدٸ وبطٸ السرعه
صالح : بقلق اخذي هاذ ماي شربي راح ارجعج للبیت
سما : مروا انتي زینه بابا اوکف
مروا : لا زینه ماکو داعي نرجع ساره تنتضرني رفعت صرت شویه زینه ورفعت الغطه عن خشمي ارید اتنفس رجع الصمت وقلل السرعه شویه وکمزت سما فززتنه انه وصالح
سما : شهکت واو مروا یمکن انتي حامل هاي اکید اعراض حمل
مروا : هیه کالت هیج وهوا شخط السیاره وکفهه وضلینه واحد یباوع للثاني وبعیونه سٶال دنکت وکتلهه
مروا : لا مستحیل بس انه دخت لان بله غده رجعت تمشي السیار ودار وجهه عني بس حسیته ضاج معقوله یفرح اذا طلعت حامل لان انه همات جنت شاکه بالموضوع وجاي تصیر عندي اعراض غریبه معقوله لا لا مستحیل لا امل نفسي عل فاضي وصلنه للستودیو ما التصویر قبل لاننزل کال یحاجي سما
صالح : سما بابا ورا الزفه جهزي نفسج ورا الزفه ترجعین ویاي للبیت
سما : ماشي بابا اتصل علي واطلعلك
مروا : جان یحجي وعینه علي ترکتهم ونزلت وهاي قهرا ثانیه یاریت ما صعدت ویاا جانت طالعه روحي بس صراحه وصلت الحب الشفتهه بین ساره وجلال نستني همي طلع صاك ابن الاذینه جنت اتمنه هیج ستایل بس هسه احبه صالح بکل حالاته عندي کامل بالرجعه قررت الزک للعرسان بس کون ما اصعد ویاا
ذبیت کلشي وراي وستمتعت بالحفله وخاصه العشه طحت فرد طیحه کلش شتهیته ماسٸلت سما بس کالت انو ما حجه شي بس شکله جان معصب احسن
.......
ساره : اجتي بیبي وطلبت من البنات انو یصعدوني للغرفه نخمش کلبي ونهم ما اعرف لیش اخذني البنات دخلت للغرفه رفعت راسي نصدمت حالي حال البنات تجنن مسویهه وفوك هاذ کله وزین الارض بشمع ورد ریحتهه تجنن والسریر خبل کله ورد ما عرف لیش خجلت وتوترت وخفت مشاعل هواي جتاحتني وخاصه البنات اجن یکحلنهه عمنهه خوفني بزیاده کعدت رتاحیت شویه وجابولي ملاک حبیبتي مشتاقت الهه جانت لابسه بدلت عروسه جبتهه اله طالعه تخبل کعدتهه یمي ومروا اخذت النه صور انه ویاهه روحي تعلقت بیهه اجت ماما رح تبقی یمهه جنت مرتاحه بس یاراحه ما تمت شویه ودخلت غفران غلست عنهه جان الحقد مبین بعیونهه سمعنه صوت رمي قوي وهوسات راح يزفونه توترت وخفت البنات کلهه رکضت ترید تشوف الزفه حته مروا وسما ترکني یردن یشوفن الزفه بس هاي المسمومه اجتي تطلع ورجعت علي
غفران : ممم واخیرا تحقق حلمج وتزوجتي الشیخ جلال اول حب بحیاتج بس یاخساره انتي بالنسبه اله خطه بدیله بعد ما ماتت مرته وحبیبتي وام بته بس الضاهر جان یحبهه کلش الدرجه هوا هواراح عاش ویاهه وما جابهه وجبرهه عله عیشتنه حته علاقته ویاهه خلاهه سریه وباع الهه والعشیرا وخلص عمرا ویاهه بغداد تدرین والله تکسرین الخاطري یعني مجبورا تربین بت وحده کل یوم جلال راح یشوفهه بته وعیش عله ذکراهه لیله سعید یا عروسه جاااو
ساره : جنت اسمعهه وضاغطه عله اعصابي واحس کلبي حترک والشي الیوجع اکثر انو ما اکدر ارد اعلیهه او اسکتهه لان کلامهه کله صحیح انه مجرد خطه بدیله اله حته لا تربا بنته بدون ام ضلیت ابجي بهستیریه وتذکرت شلون ضوبني وهددني وشلون یعامل ملاک ویحضنهه ویشمهه من ینام اکید جان هیج یعامل امهه تخبلت بزیاده والغیرا حرکت کلبي مر کلشي مثل الشریط کدامي کمت طلعت قهري بالزینه والغرفه خربت الفرشه وطفیت الشموع وخربت الورد بعصبیه خربت کلشي وجریت النشرات واخر شي جریت الکلیل وذبتهه لحد ما تعبت کعت بین السریر وبین الکنتور وحضنت رجي واشهک وابجي شویه وسمعت الهوسات جوا زدت بجي ولحضات ونفتح الباب .......
......
مروا : رکضنه انشوف زفت الزلم من فوک السطح ما یشوفونه ظلمه ما شاء الله الکاع الکدام البیت والطرامه کلهه ملیانه خفنه من السلاح لاتجینه طقله تکول غاره الرمي بس انه هاذ التجمهر کله ما یهمني ادور عله واحد بس بعیوني جانو یهوسون هوسات تجنن کل عشیر یدخل واحد یسوي هوسه وعمامي وخوالي یمه فدیت دخل بالنص وسواله هوسه عل صدیق وتلکا جلال بعدین سوو دبجه تخبل ولزمو راسهه یبو اسمع البنات یتغزلن بي شطت من الغیرا هسه شدعو هل کد حلو اخذولهم اکثر من ساعه عله هاي الحاله بعدین زفو للباب سلم علیهم ودخل وحنه نزلنه ندخل تلکینا بالهوسات وهم الحبایب عماته ما قصرا لان جلال عزیز عد الکل وفرحته اکبر فرحه صارت عدنه یعني عرسه صار ینضرب بي المثل عله کد مو جبیر وحله شي هوا بتسامته الفتقدناهه من سنین الله یممله عله خیر بلکو فتک من وصعد مبین مستعجل بس لاحضت انو غفران واکفه عل درج وتبتسم بخباثه وهنا ندمت انو ترکت ساره وحده وطلعت اکید سوتلهه مصیبه بعد ما صعد جلال بدت العالم تکف وکلمن یندل دربه ومن ضمنهم سما اتصل بیهه صالح حته یاخذهه ویا نقهرت لان ما طلب مني ارجع الباب الامامي جان کلش جوله کتلهه کلیله یدورلج من الباب الخلفي وکلهه ماشي اصرت اوصلهه خلیت شال جبیر عله شعري وکتفي لان ماکو احد بستان من الجهه الثانیه وصلتهه للباب وکفنه ننتضر الجو موت برد شوي دک الباب فتحته وصرت تقریبن ورا اول مادخل مانتبه علي
صالح : باوع السما یالله امشي بامل بس شلون طلعتي ابحدج
سما : اشرتله بعیونهه ورا الباب
مروا : الله یلعنج یا سما اکید را یحجي علي لان طالعه هیج دخل واجه وکفك کدامي رفعت راسي وتصلت انضارنه اباوعله صفن علي وکص جسمي کص من فوك لجوا بنضرات جریٸه جنت لا بسه
وشعري خالته مفتوح وترني بنضراته یذوبن کتلهه یالله سما تصبحین عله خیر وانه اباوعله اجیت مشیت من کدامه خطوتین ونسحبت من ایدي
صالح : سما سبقیني عل سیاره
سما : ببتسامه حاضر بابا
مروا : جسمي رجف من نبرته اجاک الموت طلعت سما وهوا رجع باوعلي دنکت راسي بتوتر
صالح : لیش طالعه هیج تردین تخبلیني یعني ما تکولين عرس والامه کایمه مروا تصرفاتج صایرا لا تطاق
مروا : جنت منتضرته یتغزل بیه مثل قبل بس صدمني بکلامه صایر کا مایشوفني یجرحني بکلامه
.....بصوت مخنوک طلعت مستعجله ومحد یوصل هنا جلال منبه علیهم تکدر تفلت ایدي ارید افوت بردت جاي احجي حسیت شي حاوطني باوعت شفت غترته غله کتافي رفعت راسي کتله ماکو داعي
راح افوت بس اترک ایدي
صالح : لیش مستعجله تلحکین تخلصین مني هل مرا ما راح اجبرج ترجعین القرار بیدج وانه جاهز التردینه یجرالج مهما کان قرارج انه راح انفذه الج
مروا : الدمعه وکفت بعیني والعبرا خنکتني ونفس ضاک علي معقوله راح یتخله عني بعد ما حبیته وکعت ادمعي دنکت راسي امسح بیهه مارید اضعف
صالح : تنهد غیر اعرف لیش البجي هسه احجي لا اضلین ساکته فهمیني شنو التردینه مني تردین ننف
مروا : قاطعته لان اتخبل اذا حجاهه نترت ایده وخلیت بیده غترته ودخلت کبل الغرفتي بقیت ابجي لیش یاربي بعد ما حبیته وتعلقت بي یرید یتخله عني بعدین اتصلت بجعفر وکتله ارید اجیبلي شغله.
.........
ساره : افتح الباب ودخل جلال انصدم من المنضر نضراته تنقلت عل غرفه لحد ما وکعت علي باوعلي بقلق وانه باوعتله بنکسار وعضب سد الباب وذب الغترا والعبایه عل سریع وتقرب مني بقلق مد ایده راد یلمسني رجعت لورا کل ما یتقدم مني ارجع لورا
اخر شي غمض اعیونه اخذ نفس رجع شعرا لورا کعد وتکه عل کنتور مقابیلي بتعب طلع علبه الجکایر وصار یدخن وهو یفتح دکم الدشداشه کال
جلال : را احجیلج قصه زغیر قصه ثنین اخوان مو بس اصدقاء بکلیه الطب اي جان اکثر واعز من خواني عندي قضیت اجمل ایام عمري ویا نساني کل همومي بروحه الحلوا وطیبت کلبه جانه طیب الدرجه ماتنوصف حته معزته بکلبي احسهه من الله مثل حبي الج بس اضاهر انه مکتوب اعلي اخسر کل شخص احبه وما اتهنه بي داٸما یرحون وما یترکون غیر الذکریات التحرک بکلبي المهم بیوم هاذ الکلب الطیب حب بوحده ومن تکون النیه صافیه یکون الحب کلش قوي والتعلق اقوا حبهه من کل کلبه وتعلق بکل تفصیله بیهه بس هیه ماحبته ولا جانت شایفه حبهه بعیونه لان هیه اصلن جانن عیونهه عل شخص ثاني تنهد صدیقه والمعتبرا مثل اخوه وروحه حاول یصدهه بکل الطرق ومستحیل یکسر کلب صدیقه واصلن هوا بعمرا ما حبهه لان خسر کلبه من زمان وصار مو بامرا فما عنده شي یقدمه الهه بس هیه جانت مصرا رغم کل محاولاتهه الفاشله والاقسه من هاذ علیه جان من عرف صدیقه بحبهه الاقرب صدیق اله والغبي عله کد ما یحبهه صار یقنعه حته بیهه حته تکون سعیده ضحی بحبی وصداقته علمودهه بس بالاخیر فهم انو موکلهه تحبه مثل حبه الهه وخاصه صدیقه المستحیل یفکر یکسر کلبه وکال یالله عرف الحقیقه راح ینساهه ویبعد عنهه بس هه الحیاه داٸما تضملنه الاسٶ مو سهل الانسان ینسه حبه الحقیقي ادهورت صحته وصارت من سیٸ الاسٶء ماتحمل نو یخسر صدیقه لو مهما کلفه الامر مستحیل یخسر انسان ثاني غالي عله کلبه سوا کلشي یکدر علیه حته شغلت الانسان ما یسویهه لخو لدرجه انو سجل عقار من انجح الاستثمارات ابغداد ابسمه حته یکدر یبني حیاته من جدید وبالفعل کدر واکفه عله رجلیه وجعت صداقتهم اقوا من قبل او هیج جان معتقد قبل ما یلکه نفسة عله کفت میزان عند صدیقه بینه وبین الانسانه الطول عمرا یحلم بیهه شتتوقعین منو راح یختار صدیقه لو حبیبته هه طبعا الکلب داٸما اله القرار الاول والاخیر ختارهه وتخله عن صدیقه الي هوا اصلن ما جان عنده مشکله اهم شي یشوفه سعید رغم هوا متاکد ما راح یکون هیج لان هیه غایتهه الوحیده تفرق بینهم وماتکون الخاسرا الوحید بالعبه وتحرک کلبه مثل ما حرک کلبهه من رفضهه ابتعد وهو یتمنالهم السعاده وبس حته عرسه ما حضرا ومع بدایه حیاه جدیده بدت المشاکل بین مرا متذمره استغلالیه ورجل موحب مستعد یسوي کلشي حته یرضیهه ویشوف ولو ذرت حب بعیونهه اله او تقدیر الهاذ الحب بس لا هیه قابلته بالغدر وتجي تعرض نفسهه عله الانسان المستحیل یعرف الغدر حته لو للغدر بیه وتخله عنه بعد کل السوا اله وبتعد اکثر واکثر بس داٸما الصدیق الوفي ما یتعوض ونلجٸله باصعب اللحضات وهوا هیج سوا لجٸ الصدیقه وبدل ما یطلب من السماح خلیه بیده ملاک زغیر ماله اي ذنب بهاي الدنیه غیر انو امه انسانه انانیه ماهتمت بي وهو ابطنهه وحاولت تتخلص من بک الطرق بس الله کاتبله الحیا ومثل ما کتبله هاي الحیا ماکتبله انو یتربا عله اید هاي الام الماتستحق القب واب جان اکثر انانیه منهه وراح اتخلص من حیاته حته قبل لایسمیهه او یسخر حیاته الهه ویعتبرهه هدیه من رب العالمین ایعوضه بیهه عن المشاعر الزاٸفه من حب حیاته ورجع القدر لعب لعبته ویه صاحبنه وما خله بیده غیر ذکرا من شخص ثاني غزیز عله کلبه ..شنو شرایج بالقصه
ساره : جان یحجي وعیونه تصب اول مرا اشوف جلال یبجي وانه ویااا طول ما هوا یحجي وانه مصدومه ومو مصدک الجاي اسمعه یاربي جکد متحمل کلبه هموم بقیت مقهورا ومصدومه وانه اباوعله شلون یدخن خلص باکیت الجکایر ما اتجرء اتقرب منه واواسي وانه سبب الوضع الهوا بیه رجع باوعلي وعیونه حمر احس کلبي تکطع من القهر
جلال : هاي قصتي انه ومهند وملاك ساره انه تعباااان کلش وبعد ما اتحمل
ساره: رکضت علیه کعت کدامه وحضنته بقوا ارید اسحب کل التعب البي حضني وانه احس بدموعه عله جتفي مثل الشلال جکد صعب علي هاذ الشي
اشوفه موجوع وما اکدر اشیل من همه همستله.....
....
.......یالله کافي نکد روحو نامو 😁😁
