رواية الشيخ واليتيمة الفصل الثاني بقلم مجهول
المس مالتنة اجتي جان عدنة درس قرآن وتجويد
المس: رنا محمد وينج يردونج بالأدارة
كمت ورحت وراها بس مجنت متوقعه هالشي
دخلت لكيت شاب كاعد يم المديرة مجان كبير حيل تقريبن عمرة ٣٠ سنة او ازغر وملابسة غريبة
المشرفة اتكولي مامة اني جنت اسميهة مامة وجانت اجيبلي كولشي اللي اريدة يسمنهة المربيات مالتنة ام فيصل بس جانت انسانه متدينة وتخاف لله انطتني حنان كومة بس ميعادل حنان الام جان ناقص شي جواي من داخلي بس اليهون عليه انو ميجي طفل اهلة ذابيه او بنت معوقة وذابيها بشارع او طفلة بعمر ٣ اسنين وابوها مسجون واهلهة متخلين منهة اكول اني احسن منهم
المديره:ماما رنا تعاي
رنا :نعم ماما
ماما اجى عمج يريد ياخذج
رنا :هذا عمي 😢😢😭😭😭
ماادري ليش بجيت وركضت عليه وحضنتة اكو بداخلي شي ناقص مااعرف شنو وشفت بي ابوية وحنانة وطلعنة وجان عموو مئجر بيت ازغير على كدنة عمو مايقبل يزوج
وعموو كال من باجر اتكملين دراستج
وجنت ادرس الوحيد الحسسني هوة يهتم بيه بعد صادق هو عمووو...
وعموو جابلي اهدوم كومة وجنت فرحانة حيل ويكولي لاتكوليلي عمو كوليلي بابا
ومشى الوقت وجان هو اليدرسني وجنت شاطرة حيل
عم رنا: بابا انتي كبرتي واني اخاف عليج اريدج اديرين بالج من الطريق ومن صديقاتج
رنا :بابا ماعندي بس نرجس بنت جيرانة حبابة حيل واحنة ندرس سوة
بابا: ادري بيها خوش بنية بس احجي على البقية ديري بالج وصير سباعية
رنا: بابا اريد احجي وياك بموضع ولاتكولي انتي ازغيرة صار عمري ١٤ سنة كبرت
بابا كووول
رنا اشوكت تزوج عود. اريد اصير عندي ام اريد اصيح الوحدة ماما كلهن عدهن امهات اريد احس بهذا الشعور
بابا: عموو انتي تدرين بيه مديون بكد شعر راسي وعلى ساعة يدخلوني سجن واني افكر بيج وين اتروحين انوب اجيب وحدة ثانية عمو العيشة صعبة اريدج اتكملين حتى تعتمدين ع نفسج محد يفيدج بين مايجي ابن الحلال
رنا:😢😭😭بابا اني اريد ابقة يمك ماريد احد وماأريد ازوج باجر اصير بوضيفة وواوفيلك الدين كوله
بابا: ههههه ماشي بنيتي انشالله روحي نامي اتأخر الوكت عود باجر نطلع نتونس مدام جمعة
رنا : باجر اروح البيت نرجس عدنة امتحانات اخير السنة عموو ع عكبة نطلع بالليل
بابا :ماشي يروحي انتي الله عوضني بيج انتي.. اني جنت بغربة بس من اباوعلج احسج عوضتيني
رنا :فديتك بابا راح انام تصبح ع خير
بابا :ونتي من اهل الخير
رنا :صارلي سنتين يم عموو بس ولايوم نسيت صادق ولاماما ولا المربيات ابد اشكد احبهن اكثر شخص اشتاقيتلة صادق اذكر كلامه لمن يكولي راح اكمل دراستي ونزوج ويي ياالله اشوكت وين يندلني بس عنواني عند ماما بالميتم وعدنة اتصال بيها بين مدة ومدة تتصل بعموو ونحجي نمت وكعدت بطني حيل توجعني عزااا شكوو اليوم
واحس اكو شي حار نزل مني 😲😲😲 هاي شنوو هاي ليش اخاف احجي البابا واستحي
سبحت وهذا الشي يكثر يالله
بابا :رنا شنوو اليوم اضلين بالغرفة وطب علية واني خايفة
بابا: اشبيج رنا ليش خايفة
رنا: هااا عموو باوعلي وضحك كال دقيقة واجيج
راح دك الباب ع ام نرجس كالهة محتاجج رنا صار عدها شي واني ماعرف شسوي ممكن اتروحين هو مافهمة اجتي ام نرجس اشبيج رنا
خالة ينزل مني دم كومة اني راح اموت وبابا يضل وحدة
ام نرجس: لا ماما هاي الشغله عادية انتي كبرتي وصرتي مرة وهسة كل شهر راح يصير هيج بيج وفهمتني
رنا :وكتهة ضليت اسبوع استحي
وملامح جسمي كامت اتبين ومشى الوكت وصرت ثالث وجان صعب حيل الامتحنات وامتحنت اخر امتحان
رنا :لج نرجس وعلي خايفة حيل ولج صعب
نرجس: لا موصعب ولا شي بس انتي خوافة صدك رنا مو كلتي اريد احجي وياا ام الميتم حتى تسمعين اخبار صادق
رنا: يي من ارجع احاجي بابا
واخابرهة واحاجيهة وحدي حتى بابا لايسمع.....بعد هالسوالف هسة انطيكم موصفاتي
طولي حلوو موقصيرة بيضة اعيوني عسلي حلكي حيل ازغير وعيوني اكبار وخشمي مكطووم ع كوالت بابا وجهي دائري جسمي ضعيف بس الملامح الانثوية اشوية بارزة وماعندي غير نرجس هية سري وسالفتي وبجيتي وكلشي الية وهية هم نرجس اهلهة ماعدهم ذرية اهواية اول منولدت صار نزيف برحم امهة وشالوو هية الوحيدة واتحب ابن خالها وابن خالها هم يحبهة
رجعنة للبيت واني افكر اشلون احجي وياا ماما البل ميتم واكوله اريد رقم اللي اتبنو صادق وضليت افكر ونرجس كالت باعي اني راح اجي يمج وخابريها وكوليلها صديقي واشتاقيت اسمع اخبارة واني وياج بالبيت وعود تحجين وياا واحجي وياهم وشوفي اخباره
رنا :هااا اوك 😌
راحت نرجس اتبدل واجتي لكيت عموو يسوي معكرونة هلوو بابا
بابا : هله بيج اشلونج بالامتحان
رنا: الحمد لله ع لله انكول زين اباوع على عموو جنة مهموم مو مثل كل مرة يضحك...
رنا: بابا اشبيك شو مو على بعضك
بابا: لاماكوشي بس هيج ماكو شي 🤗
رنا: اجه عمو وحضني مادري احس اشلون يكولي راح اتفقديني
رنا:بابا اشبيك كولي فدوة
بابا: هسة خن ناكول ومن ترتاحين اسولفلج بالكت ارتاح اوك عمو وحنة جاي نحجي دك الباب طبت نرجس وكعندة نتغدة ونسولف ع الامتحان وعموو يشاركنة رئيه بس عموو كل ساعة اشوفة يسرح بغير عالم
نرجس: رنا ابوج اشبي اليوم احس نفسي ثكيلة
رنا: لاحبي مو هيج بس مادري شبي كومي خن نغسل المواعين حتى انكمل اتفاقنة ادير وجهي والكه بابا
بابا: شكو يا اتفاق
رنا :هااااا بابا ماكوو هاا
نرجس: عموو رنا كالت انريد نكعد نتونس اني وياج صارلنة اهواي مكاعدين ومسولفين
بابا هاااا خير انشالله
رنا :بابا اريد موبايلك اريد اتصل ع ام فيصل اشتاقيت اسئل عليهم
بابا :صار ياروحي انتي من اتكملين تلكينة ع شحن واني طالع اريد اروح الشيخ عشيرتنة اريد اسئلة افد موضوع
رنا: اوك بابا...... طلع بابا وسويت بوشار وعدنة حب وكعدنة واخذت الموبايل ودكيت ع ماما هلوو ماما ام فيصل اشلونكم
ام فيصل: هلوو رنااشلونج اخبارج اشلونج بالمدرسة
رنا: الحمدلله زينة
ام فيصل :عمج اشلونة
رنا :بخير يسلم عليج
ام فيصل: الله يسلمج
رنا :اماما اريد اكولج ع شي تدرين جنا اصدقاء اني وصادق حبيت اسئل عليه متعرفين اخبارة
ام فيصل: لا والله اخذوة ناس صاحبين خير ومن ادك عليهم دائما مشغولين ومو اهناا بجنوب ميسان عدهم معامل مال نسيج والبان وكذاا فماطول هوة بخير فالحمد لله
رنا :ممكن تنطيني رقمهم اريد اعرف اخباره بالكت اعرف شي عنة
ام فيصل: انشالله هسة ادزالجية بمسج
اخذت الرقم وجاي ادك وجان طب بابا
رنا هاا بابا اجيت
بابا: يي وليش هيج مرتبكات
نرجس: طبيت فجئة وشوف احنة جاي انباوع فلم رعب فخفنة
رنا:مسحت الرقم ورجعت الموبايل
بابا :دكيتي ع ام فيصل
رنا :هاا يي بابا اسلم عليك
نرجس: يالله اني اترخص ماما كالت ساعة وتعاي صارن ساعتي 😏خرب حضي خرب كلشي ابوج
رنا :اسكتي ليسمعج والج مسحت الرقم
نرجس: عززا وهسة جان حفضتي
رنا :اسكتي اليهسة ارجف اشلون دخل علينة فجئة وصلتها ودخلت
رنا: بابا اشبيك كللتي بعدين اسولفلج
بابا: والله يارنا اني مبتلي وامريدج اتفكرين بس اريد احاجيج
رنا :خير بابا اشبيك
بابا: جمعت واني اهناك اشكم فلس ودخلت بيهن شريك ويه واحد ابن اشيوخ وخسرت الاول والاخير اني اداينتهن منة مكتالة اريد شركة
وهسة اني مبتلي يريد افلوسة صارله اكثر من سنة او مصار عندي ومنرزقت وموفيت كل الدين بس الممحسبلة المن طحت بالكثير
رنا: بابا شتحجي زين الفلوس اشكد
بابا اووف كوومة لو مهما اسوي ماوفي راح احاول نسافر اني وياج
والمهن من المهن ارجع اوفيهن بس المصيبة يندل كبير عشيرتنة......
