 |
رواية شمس البدر الفصل الثاني بقلم جيجي
.بدر كان بيبصلها يمين وشمال وابتسم ابتسامه ما فهمتهاش بس ادركتها اخيرا لما وجه سلاحو عليها وضربها رصاصه فى دراعها بصت لدراعها بصدمه ورجعت بصتله ورجعت بصت لدراعها تاني.. وقالت بصراخ....
يا لهوى دراعى دراعى راح ااااه
بدر مسك فكها وقال بتحزير.. اش ولا نفس اقعدي عاقله عشان تقعدي عايشه ماشى
شمس اتنفضت من صوته وبدر زقها على الارض واتوجه للحمام وهو بيقول...
داخل استحمى عشان الحق صلاه العصر.. ويفضل ما اسمع صوتك فى العصريه عشان صايم واخر كام ساعه دول نفوخي بيبقى بيوت... لحد ما افطر واصلى للتراويح ما سمعش نفس
قالت بتوهان... عصر.. ومغرب.. وصيام.. وتراويح... قبل دراعى ولا بعد... اه يا دراعااااى
بعد شويه بدر طلع من الحمام لقاها بتحاول تطلع الرصاصه من دراعها بوجع... ودموعها نازله قرب منها وقال..
احم عنك انا هطلعها معايا عده
شمس... لا مش عاوزه منك حاجه انا هعملها لحالى خليك بعيد منى يا عم انت
بدر قعد جمبها وقال.. عندي علبه فيها مخدر وفي حاجات تخليني اساعدك وما توجعكش
ومد ايدو جاب العلبه قالت بسخريه..
من غير ما توجعني اه
وكملت بغيظ.. لا هو انت لما ضربتني بالرصاص ما وجعتنيش
بدر... ما تلويش وشك كده انتى مش مرتي
شمس... اكيد بس انا مرت محسن
بدر بقى يطلعلها الرصاصه وقال.... هو انتى مرتو مرتو ولا كاتبين كتابكم بس اصلك ساكنه في بيت ثاني
شمس بوجع .. وانا لو مرتو هسكن فى بيت تانى ليه احنا كاتبين الكتاب وبعدين هتفرق معاااك اه
بدر... اجمدى عاد دى يدوب رصاصه
شمس بسخريه... اه قرصة نموسه كدا معلش انا منعنعه
انا ليه هنه
بدر... لحد ما جوزك يرجع بضاعتى
شمس.. بضاعة ايه
بدر.. الحاجه اللى ادتهالو كان المفروض يسلمها وهو خفاها وصدرنى للناس وانا ملزم اوصلهالهم لانهم دافعين حقها ليا انا وهضطر اديهالهم من جيبى لو جوزك خلع وبكده ابقى دفعت لجوزك وليهم يعنى خسارتين مش واحده
شمس... اه غاليه طيب انا شايله قرشين حلوين ممكن اديهملك قد ايه كده
بدر... مش قوى ٧ مليون جنيه بس
شمس قالت.. كل الهيصه دى على سبعه مل
بس برقت بشده وقالت بتوتر... س سب سبعه كام ليه يا عم بتبيع ايه لده كلو
بدر... تفتكرى ايه
شمس... دهب اكيد انت جواهرجى
بدر... تؤ تؤ منوعات من الممنوعات انا اللى بديهم لجوزك يوصلهم لناس وهو المره دى ما وصلش
شمس.... انت عايز تقول ان جوزى انا محسن بيتاجر زيك كدا
بدر... لا انا بتاجر عشان انا كبير هو موصلاتى يدوب بس يوم ما شطح نطح وبيسرقنى وانا مش اى حد يلعب معايا
واللى يغفلنى لسه ما تخلقش
شمس... انت كداب
بدر... طالما مش هتصدقى بتسالى ليه ما علينا انا مش فاضى اسايرك قصرو انتى هتقعدى هنه لحد ما يرجع حاجتى.. بس ازاى ما تسمعيش عنى منو هو مش انتى شريكتو
شمس... شريكتو فى ايه
بدر.. فى التهريب ما هو اما بيهربهم بيهربهم فى العرايس القماش اللى انتى بتخيطيهم ولا انتى ما تعرفيش وهو مستغلك بما انك هبله كدا
شمس... انت اللى اهبل محسن مستحيل يعمل كدا العرايس بيبيعهم لمحل بتاع لعب اطفال وعليهم طلب على فكره
بدر... طلب اه انتى كمان عليكى طلب ما علينا لو صايمه يلا زمان حسنه اختى جهزت الفطره ولو فاطره برضو انزلى هى مش هتحضر عشا مرتين
وسابها ونزل... قالت بشرود...
يا مرى معقول كلامو صوح كده انا هتورط معاهم.. لاه لاه محسن ما يعملهاش واصل محسن بيحبنى وراجل كويس بس لو كويس ده عاوز منو ايه وهو ليه ما جاش يطلعنى من هنه
ونزلت اول ما سمعت صوت الاذان ولقتو هو واختو قاعدين بياكلو ومعاهم طفل ٥ سنين كان بيتكلم مصراوى وبيقول...
بابا هتودينى اجيب لبس العيد امتى
بدر... يوه يا ياسين تانى مش قولت شويه لقدام لسه الدنيا كفايه اصلا انك جيت هنا قولتلك خليك مع امك اليومين دول بس لا راسك زى الحجر دلوك تجيبها تنكد على اللى خلفونى
ياسين .. امى قالت انى طالعلك دماغى ناشفه بس هو انت مش هترجع تتجوزها تانى انت قولتلى هفكر
بدر.. ايوه ما انا لسه بفكر افطر بقى
شمس.. احم انا عاوزه افطر
بدر.. ما تقعدى ولا مستنيانى اقوم اشدلك الكرسى
حسنه... اقعدى يا حبيبتى اقعدى هنه جارى
شمس قعدت وبصت للولد ببتسامه وهو كمان ابتسم وخلصو فطار وحسنه طلعت مع الولد وبدر طلع اوضته وكان قاعد قدام التلفزيون شمس بصتلو بضيق وقالت..
انت يا جدع انت قول الحقيقه هو فعلا مهرب واياك تكدب عليا
بدر... انا مش مضطر احلفلك على فكره
شمس بغضب... لا مضطر انت جبتنى من دارى على ملا وشى ولقحتى هنه وضربتنى بالرصاص وحبسنى عندك ومقعدنى وياك فى اوضه واحده ولا كانى متجوزه وجوزى عملتو فيه ايه لو كان عايش كان جيه اخدنى من عندك
بدر... ههه لا هو عايش بس ما يقدرس ياخدك من دارى زى ما انا اخدتك من دارو فرق قدرات يا اما تانى حاجه حافظى على صوتك وما تزعقيش ونامى بقى ها نامى
ونام وهى فضلت قاعده بضيق فى يوم جديد قام من النوم مالقهاش جرى بسرعه فتح باب الحمام بدون استأذان وكانت لافه الفوطه عليها وشعرها الطويل نازل على كتافها بصلها باعجاب وقال...
يخربيت جمال امك
بس حدفته بعلبة الشامبو وقال.. يخربيت امك يحرق ابو اللى جابك اطلع بره يا جزمه
بدر قفل الباب بسرعه وقال...
ايه ده الشكل عروسه والاصل جاموسه
شمس لبست وطلعت ومسكته من جلابيته باديها وقالت بغل...
انت اهبل ياض انت كيف تدخل كده ها داخل زريبه امك انت
بدر حط اديه على اديها وقال....
واه واه ايه يا بت ده والله وجابك قلبك للمسكه دى
شمس بقت تهزو وقالت بضيق...
بت اما تبتك جاتك القرف شغل حمدى الوزير ده مش معايا والا قسما بالله اساوى وشك بالاسفلت انت ما تعرفنيش يا اض
بدر ابتسم وقال... قوى قوى يا عسل ومالو نتعرف
وضربها فى رقبتها ضربه واحده وقعتها على الارص مغمى عليها
وبصلها وقال... غبيه قوى بس حلوه قوى
وبعد شويه شمس فاقت لقت نفسها مربوطه فى الكرسى
مسكت دماغها وقالت...
اخ يا ابوي انا
بس لقتو قاعد قصادها.. قالت....
بسم الله الرحمن الرحيم ربطتنى ليه جدع انت فكني
بدر... هو انا مش قايلك ما تزعقيش في وشي... مين اللي هتساوي وشه بالاسفلت ها مين برب الكعبه لولا اني محتاجك انا اللي كنت عملتك اسفلت هنا
شمس بتوتر... هو مش الستات ناقصين عقل ودين جاي دلوقتي وتاخد على عقلى اعتبرني عيله الله يهديك وفكنى...
بدر.. بس من شويه ما كانش ده كلامك.. كان لسانك 9 متر لقدام..
شمس... غبيه انا غبيه هتاخد على عيله.. خليك انت الكبير ما شاء الله عليك عارف انا عيلة والله يدوب عندي 18 سنه
بدر.. لا عيله فعلا تمام انا هسيبك عشان عيله واهو اديكة عرفتي اقدر اعمل ايه..
حاوط وشها بايدو وقال.... اذا عاوزه تفضلي عايشه تسكتي... لو مش هتسكتى يبقى ما تلومنيش اللهم بلغت اللهم ف اشهد
شمس... ربنا شاهد وانا كمان هشهد حضرتك انا وكل المشاهدين ما تقلقش بس فكنى وحياة ولدك هو مش ولدك
قرب منها وفكها وقال.. ما لكيش فيه
شمس وقفت وقالت. عارف انا مش هسامح محسن ده طول عمري ايوه والله عشان وقعني معاك انا كنت فكراه بيحبنى بس لبسنى حضرتك وانت ولا اجدع مصيبه بس على رى المثل.. ناس كيف البصله قشره ورا قشره وابكي يا قلبي على العشره
بدر.. امم هو فعلا بصله واقطمى بقى عشان انا مصدع
ما قلتليش هو انتى ما لكيش حد غير الود ده اخ ملكيش اب عم خال ناس يعني
شمس بتأثر مصطنع... لاه يا بيه انا يتيمه امي توكلت فى حادثه عربيه وابوى زعل عليها ومات واهلو رمونى بره عشان الورث وانا قاعده متلطمه لحالي في الدنيا ما فيش حد يقولي مالك... ببقى قاعده في البيت كده وخايفه اموت.. مش خايفه من الموت يعنى بس خايفه اما اموت ما حدش يشوفنى واعفن لوحدى
بدر... مش هتعفنى لا لان انتى كده كده اصلا معفنه.. ليه بتعملي افلام وافلام ملهاش عازه ومهروشه ليه
شمس..... ما انا ما عنديش حد بجد والله بس بحب التمثيل انا متخطيه بس بحب الدراما قوى اعمل ايه
بدر.. زفت تمثيلك زفت بس طبعكم كدا تحبو النكد زى عنيكم ما علينا انتى جد ما كنتيش عارفه انه بيشتغل كده ومشركاه
شمس... ان شاء الله يا رب اعدمك لو ما كنتش اعرف..
بدر.. ايه ايه
شمس.. احم قصدى.. ايه ما انا عايزه اخلص منك بصراحه
بدر.. امم.. يعنى الدباديب والعرايس الهبله اللي كان بياخدهم منك دول وجابلك فيهم فلوس كتيره زى دى ما كنتيش بتشكى مثلا ان البضاعه دي اتباعت بالسعر ده
شمس.. حضرتك سعر ايه ده كان بيبيع العروسه على 100 جنيه مبلغ ايه
بدر.. الواطي فكرت هيقسم معاكي بالنص احنا فاكرينك شريكه معاه
شمس... والله ما اعرف بص انا لو شفته هتف في وشه انا كنت قاعده ببيع اللعب فى السوق جيه قالى هشتري منك الحاجات دي كلها ب 500 جنيه كان صندوق كبير قد كده حضرتك انا فرحت زي العبيطه وقلتله يا باشا خدو ادانى 500 جنيه فرحت بيهم... وصندوق في صندوق لحد ما هوبا لبسنى خذوق... تتجوزينى اتجوزك كتبنا الكتاب بس قلتله ان انا هتجوزه اخر السنه عشان اخلص الثانوي دي اخره سنه ليا. فيه حضرتك حسبي الله ونعم الوكيل بتبصلى كده ليه حضرتك ما مصدقنيش
بدر.. لا اصدقك مع ان تبانى اذكى من كده بصراحه
شمس بفخر اهبل... انا الله يكرم اصلك يا بيه انا كده من زمان امى كانتش تندهنى غير يا اذكى اخواتك مع ان ما عنديش اخوات حضرتك
بدر... امك ان شاء الله فى الجنه لانها فهمت جايبه اى ع الدنيا ورحمت الناس من عينات تانى زيك
وسابها ومشى بصت لطيفه وقالت بعدم فهم...
ايه اللى يودى امى الجنه فى انها ما خلفتش تانى عيل اهطل صح
وقفت بحماس وبصت من البلكونه وقالت..
عاليه قوى وعبايتى ضيقه قوى..
واخدت ترنج من دولابو وراحت الحمام لبستو وفتحت باب البلكونه ووووو
