رواية ليليان الفصل الثاني 2 بقلم زينب نور

احاول اقره وانسى ..

بس ماكدر ..

                                

طنين موتني براسي ..

يروح ويجي مثل نغمة موسيقية ..

                                

اكعد الصبح نغمة براسي ..

ماكدر اسمع شي..

                                

وراهه يختفي بدقائق ..

اكل واكمل شغل بدون اي شي ..

اروح اقره وانام ..

                                

تبدي النغمة براسي مره ثانيه ..

طكت روحي اريد اعيط من الدوخه والم الي سببته براسي ..

المن اكول خلي اسكت احسنلي ..

                                

احاول اتجاهل انوب يزيد عندي ..

صرت اكره شي اسمه النوم او الاغاني والميوزك ..

                                

بقه اسبوع ع امتحاناتي واني عزلت نفسي ..

ما اكل هواي واصلاً مالي نفس بلاكل ..

واريد احقق ذاتي بشي ..

                                

لان كل الي اشوفه ويصير وياي مايحسسني انو اني عندي دعم بلمستقبل ..

اهلي صحيح ربوني وكبروني بس ماعتقد يكملون ويايه للاخير..

                                

ضليت ع هل حال لحد مااجتي الامتحانات ..

ضليت اتخربط كل اسبوع مره ..

والطنين لسعه براسي ..

                                

كمت اخاف حته من نفسي ..

من خلال التفكير بمصدر الصوت ..

                                

الصوت عبالك خارجي وبس اني داسمعه ..

مو داخلي ولا داخل عقلي ..

                                

ماحجيت شي واكول بلمدرسه اني ما اكل ويصير عندي هبوط واتمرض ..

فكرت بأنو اني مريضه جسدياً ايجوز ..

                                

بس ماكدر اكول لأحد ..

اني مابقالي شي واكمل ..

                                

شبيهم اهلي مايحبوني ولا يردوني اكمل مثل باقي البنات ..

هم زين خلوني هسه اكمل واوصل ..

ايجوز ع واهس ميان حته يشجعوهه من خلالي ..

                                

واذا ماخلوني اكمل كليه ..

لا اكيد راح يخلوني اذا كليه زينه لازم اشد حيلي ..

                                

كملت امتحانات واجاوب بينهن كلش زين ..

اتاملت هواي بمعدلي يكون عالي ..

                                

واتمنى مايروح تعبي ..

واتمنى اشوف اهلي يفتخرون بيه ويتغيرون ..

                                

خلصت من تفاهات البنات ..

يحجن كأنهن مثاليات ومابينهن عيب ..

مايعرفن هي النميمه كافي ..

                                

ارتاحيت شوي من ضغط الامتحانات رغم خوف من النتائج اكثر..

واتفرغت للحجي ويا جمانه ..

وقررت احجيلهه الي ديصير ويايه ..

                                

- ليليان .. هلوو جمجم هههه

- جمانة .. هههه اسم الله ، جمجمه اني يله باي

- انجبي تعاي شلونج اخبارج ؟

- بخير وانتي ؟

-امم شكولج بخير ..

- خير شكو ؟!!

- داريد احجي ويا بموضوع!

- اي كولي ..

- اني من فتره داسمع صوت نغمه من الخارج عبالك بس اني اسمعهه وطنين براسي وراهه كمت ماكل لهذا كمت اتخربط

- عززه  هاي شوكت يصير هيج ؟

- من انام واكعد، صرت اكره النوم وحته اغاني ماسمع

- انتي ماسمعين اغاني وتكرهين النوم ؟ عجيب

- اي ولج لعد شداكلج بس تعرفين اني المن اكول 

- اي هسه اسئل واشوف ..

- اوك حبي تسلمين 

- ولو حروح اني امي اصيحني 

- الله وياج ان شاء الله المعدل العالي ..

- ميرسي ليلو وانتي هم دكتوره ان شاء لله ..

- كافي تحمين هههه باي 

- ههههه فوك مداصبغج باي 

                                            

                                              

                                                    

دائماً ارتاح من احجي ويا جوجو ..

احسها بمثابة امي او اختي ميان ..

                                

الله عوضني عن كلشي بيها ..

تفهمني وتنصحني اكثر من أي شخص ..

اتمنى هسه اشوفها واحضنها ..

                                

ارتاحيت اسبوع من الشغل فقط ..

والنغمه لسعهه تنعزف براسي ..

                                

فوكاهه استلمتني امي كله شغل ..

وطلعتلي سالفه تزوج مراد ..

                                

اني ماعندي اعتراض بس..

شلون اذا تجيني وحده من هذني التافهات جماعه الاوي ..

تتموع بلحجي والمشي براسي وام وجهين ..

                                

تكلب الكل عليه فوك ما اني بي ..

واني شلوني شكدر احجي واكول ..

                                

كون هيج وتطلع زينه وفقيره ..

وهاي منين يجيبهه لهلنادره ..

وهو مراد شلون اختياره لو امي ..

                                

اختي ميان طلعت ناجحه ..

طبعاً امي من عرفت فرحت حيل ..

                                

الفرحه ماوسعتها ومتأكده مراح تفرح بكد هاي الفرحه من تعرف بنجاحي ..

كأنو ميان حصلت دكتوراه ع اساس اني مانجحت هم من الثالث والرابع والخامس وهسه سادس ..

                                

خلي تفرح بميان هيه اختي مابيهه شي ..

بس ليش تحسسني اني غير ..

                                

ليش ماتفرح ولو شويه ..

هيه تفاصيل صغيره بس معناهه كلش جبير للفاقدهه ..

                                

كالتلي نخطبله من تطلع النتائج ..

حسيت راح تكون درجاتي هيه مقدار ألمي ..

                                

كتلني التوتر والخوف مو لان خاف اطلع معدل مو زين ..

خفت من اقرب الناس الي ..

                                

اخاف امي تضربني او تتغير عليه بلزايد ..

ماريد هذا الخوف يكبر بداخلي ..

                                

خلي تضربني عادي ..

بس ماريد ابداخلي تتغير مشاعري اتجاهه ..

هذا هو الماريده يصير فشما يكون هيه تبقى امي ..

                                

الوقت صار يمشي بسرعه ..

ماحس بي ابد ..

ماكدر اعد الايام من هلكد ماتركض ..

                                

كضيتهه شغل وماكو طلعه وحته حجي ويا جمانه ماكو ..

اووف شوكت يرحموني عاد ..

                                

وره اسبوعين ..

كعدت الفجر فجأه مسطوره ورأسي يوجعني ..

                                

اسمع صوت ماعرف شنو ..

ركزت اكثر ..

                                

هذا صوت بجي ..

كمت كعدت بلكوه اشوف ..

                                

لسعني نعسانه وعيوني مغوشه ..

ميان تنام يمي بس ماكو بجربايتها ..

                                

دورت ماكو بلغرفه ..

الحمام يصير داخل الغرفه ..

                                

تقربت اكثر للباب وسمعت صوت بجي ..

خفت شوي وراهه راح الصوت ورجعلي طنين خفيف ..

فتحت الباب وكلشي ماشوف ..

                                            

                                              

                                                    

علكت الضوه وانعميت ..

ماشوف شي بس لون احمر ..

                                

اتخربطت احوالي ونزل ضغطي ..

ردت اوكع ولزمت الباب ..

                                

عيطت بكل صوتي ..

طلعت غصه بكلبي من زمان ..

                                

عمرهه ماعرف شكد بس شايخ ..

وكعت للكاع وكعدت ..

                                

جريت نفس عميق ..

ماعتقد جنت اعرف شلونه موقفي ..

                                

بس كلشي ماسمع ..

اسمع بس صوتي وبجيتي ..

                                

حسيت ع نفسي وجمعت قوتي وكمت بسرعه ..

رحت ع ميان وهيه مدده بلكاع ..

مغركه بلدم ..

                                

- صيحت عليهه مياااان .. كومي .. هاي شسويتي بروحج ..

                                

باوعت ع ايدهه ..

مكطعه شرايينهه ..

                                

- كمت اضرب بيهه وابجي وهيه ماتتحرك مثل الميته .. عزه بعينج ميان .. ولج شسويتي .. كومي ماعندي غيرج اخت .. لا تحرميني منج .. مياان 

                                

باوعت منا ومنا ..

محد اجه وكعد ع صياحي ..

                                

احس نفسي انثولت وماعرف شصرف ..

باوعت ع ملابسي بيهن دم ..

                                

ركضت بسرعه ع غرفه ماما وبابا ..

اكعد بيهم واصيح ..

                                

- ولكم ميان .. امكن ماتت .. كوموا ..

                                

شاطت امي وكامت قبل ابويه وركضت للغرفه ..

راح وراهه ابويه واني رحت اكعد اخواني ..

                                

كعدوا وركضوا وركضت وياهم للغرفه ..

دموع تتطاير وراي ..

                                

دخلت للحمام واخويه مراح شالهه ..

خلاها بلسياره ويا امي وابويه وراحوا ..

                                

بدلت بسرعه ورحت ويا جود بتكسي للمستشفى ..

وصلت ماكو عالم هواي ..

دامشي وامي جرتني وتضرب بيه وتعيط ..

                                

- هاي شسويتي بميان ولج .. شلون انطاج كلبج هيج اسوين .. ولج انتي شنو من بشر .. هاي اختج ليليان شبيج تخبلتي ..

                                

جرهه بابا واخواني ..

وسكتوهه ..

                                

كعدت وخليت راسي بين رجلي وابجي ..

ماعرف من الوجع لو ع ميان ..

                                

دخلت بعالمي وافكر ..

مادري بأي شي يصير حولي ..

                                

امي مانطتني فرصه ادافع بيهه عن نفسي ..

هيه تعرف كلش زين بتهه انتحرت ..

                                

ميان الي تحسبهه احسن مني واوعى مني هيج اسوي ..

مستحيل تفكر بيهه هيج واطلعني اني موتتهه ..

                                

كأنو ميان ملاك مو بشر ومو لازم تغلط ..

وهيه غلطتهه مو سهله منين جابت هاي الجرأه؟؟

                                

بس يبقى السؤال والحيرة ليش هيج سوت ؟؟

هيه ميان صحيح عاقله وذكيه ..

                                

فقيره اعرفهه ماعدهه سوالف مكسره رغم هيه ماتحجيلي ..

بس احسهه بعدهه صغيره هم وملتهيه بلدراسه ..

                                

معقوله حبت مثلي ..

بس اني تجاهلت وعشت ..

                                

حتلو حبهه اكثر مستحيل اسوي هيج ..

واني اعرفهه زين بس يبقى كل شخص اله سر مخفي بداخله ..

                                

بلحظه اجتني فكره ..

لا تكون غلطت مع احد وخسرت شرفهه ..

                                

ضغطت ع نفسي ..

اني شجاي افكر ..

                                

من سابع المستحيلات هيج تسوي ..

ميان عاقله وتفهم وماتتأثر حتلو صديقات سوء وياهه ..

                                

ميان رجعي اريدج حتلو بس هيج شكل ..

اذكرت طفولتي اني وياهه ..

                                

الله احلى ايام وياهه ..

ليش ماجنت احس بوقتي بهليج الايام ..

اضيع الوقت وماستفاد واستمتع بطفولتي ..

                                

شكد جنه نلعب بيت بيوت وختيلان ..

وبلابتدائية من نلعب بلساحه ويا صديقاتنه ..

                                

ماجنه نحس بقيمه الوقت وطفلوتنه ماعشناهه كلهه ..

شكد اتمنى ارجع ..

                                

ذكريات طفولتي وياهه مرت بشريط كدامي ..

مثل كل مره من اخسر شي ..

                                

ازداديت بجي ..

تمنيت النسيان ..

                                

رفعت راسي وشفت الكل كاعد يبجي ..

وجوهم ماتتفسر ..

امكن راح تموت ..

                                

امي احس بيهه راح تموت وراهه ..

ماريد ميخالف خلي تحبهه اكثر مني بس ترجعلي ..

                                

شويه ورجعلي الصوت بأذني ..

اريد اموت ابدالهه ..

                                

فوك موقفي هاي عليه ..

ليش هيج ديصير ويايه ليش ..