رواية في ظلام مغتصبي الفصل الثاني بقلم توته
ڪل ألم تعيشه، هـو جرعه زائده للنضج."
>>>>>>>>>>>>>>>>
بعدني هستوني مديت ايدي علئ الاكل اريد اكل دخل ابوي وهوه عيونه صايره بكصته خزرني خزره خلتني جمدت مكاني .
گام عمي سعد هوه ولولد سلموو عليه گعد وياهم بس وجهه مو طبيعي ضاهر متعارك هوه وامي.
معاذ : تعبانه بحوره ومتغيره شمالكم وياها حته ماتاكل
مناف/ كلشي ما بيه اتكول حصان م وهل جاي تاكل باليوم عشر وجبات
سعد/مناف شبيك بنتك هاي
مناف / وانه هسه شمسويلها.
ابوي كل مايتعارك ويه امي يفش خلكه بيه ضجت كلش وتفشلت گدام اعمامي لزمت ايدي عمتي موده وغمضت عيونها معنه لاتهتمين. تغدينه سمج وخلصنه شكد اكلت يمه انفجر كرشي.
تقرب م̷ـــِْن يمي ابن عمي عباس وهمس بصوت ناصي
عباس بهمس/بحورتي كرشج راح ينفجر شويه شويه علئ روحج.
بحر/ خلوني هذا اكل مال يومين هههه
عباس / عليج الله
بحر/ انجب حاط عنيك عليه شنوو.
بقه يضحك عليه تغدينه كلنه سويه كملتنه شلت الصحون ويه بنات عمي ونضفنه المطبخ بقيت گاعده وياهم بغرفتهن وهنه يراوني ملابسهن واغراضهم.
لليل واخذني عمو حاتم ما تدخل لبيتنه بسبب امي ومشاكله وي اعمامي هيه حقوده حته اعمامي لأن يحبوني تكرهم.
_ادخل وياي عمو
حاتم/ ااووف والله ما اگدر بنيتي ادخلي انتي
_ يمته الخطوبه
حاتم/ عكب باجر حبيبتي اريدج اول وحده تكونين حاضره.
_اذا ما گدرت اجيت اتسامحني
حاتم/ لا اني اجي واخذج عموو اريدج تكونين موجوده بخطبتي.
_تمام انتضرك
حاتم/ يلا بويه ادخلي تصبحين عل خير وسلميلي علئ امج
بحر/ وانته من اهل الخير.
فتحت الباب بعد ما راح عمو دخلت ابوي كل عاده ماكو يكضيه بالكهوه وامي لگيته تخابر بس شافتني سدت الجهاز وكامت بعصبيه.
سناء/اني كلت لا ترحين اتكسرين كلمتي ولج
_يمه وين رحت للمريخ لملاهي غي لبيت جدي وصارلي شكدد ماشايفتهم وانتي سمعتي باذنج ابوي هوه الي گالي روحي.
سناء بصياح/ روحي للملاهي روحي للكواويد لعمامج هوه ابوج *** اضرب منهم اذا شفتج مره ثانيه كاسره كلامي اكسر رجليج.
بحر/ الله اكبر عليكم الله اكبر شنو فلمكم وياي خلوني اتنفس ما عشت حالي حال البنات كااافي مليييت منكم ومن ضلمكم.
سناء/ اترفعين صوتج عليه بت الجلاب.
شردت لغرفتي بس لحگتني اجيت اسد الباب بس خلت الصوند بين الباب والحايط ودفعته لو اتوسل للصبح ما يفيد وين الترجعج بالصونده خلت جسمي ازرك اجت ضربتين عل ايدي. شاغت روحي من الوجع.
بقيت ابچي بصوت مسموع واشهك ماجني بتها ولاكسرت خاطرها بدموعي وتوسلي.
سناء/ اتادبتي هسه موو
ما حجيت ابد بس لازمه ايدي بوجع بقت تباوع حواليه شافت العلاكه الي بيها ملابسي.
سناء/ هاي شنوو العلاكه
ماحجيت شي راحت للعلاكه الي بيه ملابسي فستاني وبنطروني شالت العلاگه عرفتها راح تسوي شي بيهن كمت واني ارجف وابجي
_ لا لا عليج الله عوفيهن اريد امشي بيهن للخطوبه
سناء/اي ليش لا تدللين والله ما اخليج اتفرحين بيهن
شكت الفستان والقميص من الطول للطول والبنطرون كصته بالكمص سوته قطع قطع حاولت اخذه منه ما گدرت مكسره اتكسر كسرت كلبي وخاطري ما كملت فرحتي بالملابس ابد.
سناء/ وهسه غصبن عليج اتنزلين جوه تنضفين البيت كله واذا لگيت شي موو نضيف اكسرج تكسر ولله.
عافتني وطلعت م̷ـــِْن الغرفه لزمت الملابس واني مصدومه بچيت هواي انكسر واهسي وخاطري ليش هيج امي تسوي بيه مسحت دموعي
نزلت ما بيدي شي ثاني لان حته جسمي تعب من الضرب وكتل نضفت البيت وصعدت سبحت واحس المي تيزاب طلعت من القهر والحاله النفسيه حته شعري وكع لفيت راسي ونمت كعدت الصبح بسرعه متاخره اخذتني النومه وعندي متحان يومي لبست عل سريع ما انتبهت عل قميصي وطكيته ركضه.
حته ماسويت لاريوك ولاسويت شي متاخره كلش طلعت اركض
سناء بصياح/ اني اعلمج كح** ساق** ترجعين لو لا.
رحت اركض مثل كل يوم وصلت للدرسه ما انتبهت بلكي گدامي انصدمت برجال مو رجال حايط يمممه خشمي.
اسمر/ عل كيفج يبوي شجاج
ما انتبهت عليه متو ولا رديت كملت ركضت الهث الهث اتلكتني بوارق باب المدرسه.
بوارق/ يااا يااا عزززه ولج شنوو هاذه
حجيت واني الهث وبالكوه اجرر النفس من كد مافحطانه
_ شبيج
رونق/ قميصج لابسته بمگلوب يالثوله
اجيت ابجي من الموقف كعدت يم باب المدرسه اتربعت اتربع وحطيت ايدي عل خدي واني مصدومه من حالتي.
رونق/ هههههههههه اخخخ يمه بطني شلون اجيتي هيج ولج
_ وعلي اكوملج البيه مكفيني ترا.
بوارق/ ههههه ديلا كومي للحمام عدلي قميصج.
كمت للحمام ما بيدي حل ثاني.
خلي احجيلكم شويه عني بين ماكمل تبديل هههه.
اني من نوع هادئه مارفع صوتي علئ الاكبرر مِڼـّي دائما حضي لاحكني يعني اذا فرحت بيوم لازم يصير شي ويخرب فرحتي.
من مواصفاتي. طولي 150 بس بعدني اطول مو تعيبون يعني صغيره ههه.
عندي خدود وحده بخدي ولو اشرب مي اسمن عيوني مو كلش كبار بنفسجي لونهن الكل راح يستغرب هل لون بس هل لون يسمو متلازمه الوان العين.
يعني لون غريب بس كلش حلوو ونادر يكون عند كل بنيه اكيد هسه الكل مستغرب من حالتي وليش هيج امي ضالمه وياي.
حچيت الكم انو هيه جانت تحب شخص وبسبب الاهل ماصارت
بس ابد مو مبرر لان مالي ذنب بشي اني شدخلني اذا اهله زوجوها لشخص هيه متريديه وابوي نفس الشي احس روحي صرت ضحيه بينهم.
كملت تبديل طلعت م̷ـــِْن الحمامات واني اعدل بشالي تلاكت وياي بوراق.
بوارق/ بشري
بحر/ خلصت يلا خلينه نروح
رونق/ يالله حبي
_ طلعت انزل بتلبستي
رونق/ لابسه لبا** لو لا
بحر/ شدخلج يختي هههههه عيب تسألين هيج اساله.
رونق/ اخاف عليج توكعين وتبين غراض وتشوفها الناس
بحر/ ههههههه رونق صايره مستهتره انتي
بوارق/ هسه هذا سوال بدل ما اتسلينه عل رياضيات
بحر/ امشي امشي
دخلنه للصف ودخلت ورانه مدرسه الرياضيات امتحنه يومي وخلصنه درس وره درس خلصنه الدوام وطلعنه اول ما طلعنه اني والبنات صار بوجهي ولد بالسايد الثاني اول مره اشوفه اسمر طويل عيونه زغار اتكول زروف جفجير.
_ههههه شوفي هذاك عيونه تگول زروف جفجير.
رونق/ وقت اتعيبين انتي اسكتي معلينه بيه.
_ انجبي خلي اعرف عن الولد اسمراني وطويل شويه ويوكل الطيور الطايره خبز لابس دشداشه سوده هو ازرك ولابس اسود يابه شصير هههههه
رونق / هههههه ولله انتي المستهتره امشي معلينه بيه.
مشينه للبيت اني وياها بس ولله ضحكت علئ الولد.
""""""""
نعوف كلشي وننتقل للبطل نعرفكم عليه .."
اسمي اسمر ملازم اول عمري 31 سنه طويل طولي 190 تقريبا.
عائلتي متكونه من اخواني 4 صمد وعارف واني و اكرم الصغير اخواتي 2 ضي وطيبه
اعمامي 3 عمي رضوان وراضي وازهر عمي الزغير بالخارج.
عمي رضوان/ عمره 66 سنه عنده 3 ولد غالي ومحمود وعلي وبنات 2 رجاء وصفاء رجاء مطلقه وغالي متزوج محمود متزوج.
عمي راضي/ عمره 50 سنه عنده 3 ولد فاضل وعباس وعون فاضل متزوج وعباس متزوج وعون لا بعده وبنات غصون وشجون
بالنسبه لخواني صمد وعارف متزوجين واني واكرم بعدنه ممتزوجين.
وعندي عمي ازهر بالخارج من زمان.
اسمر/ جنت رايح اجيب البنات اخواتي صف سادس علمي من الدوام وطلعت ابنيه سبحان الخالق العيون شكد شفت مثل هذول بنفسجي ما شفت والطول الجسم البياض الخدود ضاربه بيهن الشمس يلمعن لمع ما اعرف شحجت وي هذول الي وياها ومشت.
ضربت بيه وهيه تلهث مادري منوو جان يركض ورها خدودها صايره حمرر من الشمس.
اني بقيت صافن وهيه راحت مانتبهت عليه ولاشالت نضرها.
…
رجعت للبيت واني ضايجه اتذكر شسوت امي اريد يجي ابوي احجي وياه بلكي يوافق اروح للخطوبه ادري باأمي ما تقبل وراح تخليني وتمشي عل عنادي.
وصلت للبيت گبل صعدت لغرفتي بدلت ملابسي شويه وسمعت صوت عياط نزلت بسرعه جان ابوي هةه وامي يتعاركون ما اعرف علئ شنوو.
مناف/ شكايله انتي شكايله للخواني.
سناء/ اني شدخلني بخوانك بعدين بتك هيه الي جانت عدهم مو اني لاتسووي السالفه وتجي تذبها براسي معليه انه
ماحس غير سمعت بس صوت الراشدي ابوي ضرب امي وهل شي كلش عادي لان امي لسانه طويل هسه شويه اتخلي العصبيه بيه وطلعت كل حركت گلبها بيه اني.
مناف/قندره غضب الله نعاله تعاااااي
يمه اني سمعت صاحلي طبعا الكل مستغرب هسه ابوي وامي ميصيحولي باسمي كله هيج اني سمعته صاحلي بسرعه نزلت وانه خايفه.
_هاا هاا
مناف بصياح/ امشي ولي عمج جواد يريدج.
سناء/ وحق ابو فاضل بس تطلع اله احركه حرك وفن واحد يحجي اريدد اشوف شلووون تكسر كلامي.
_بس خليني اشوفه ورجع
سناء/ ارجعي للمطبخ لا قسم بالحسين اجنزج اتجنز هسه روحييييي.
هزيت راسي بـ أي رحت للمطبخ اتعودت علئ تصرفات امي.
مر اليوم عادي ثاني يوم الصبح. يوم جمعه الخطوبه مال عمي ابوي بدل ومشه اني بقيت اكل بروحي اكل لاخلوني رحت ويه عمي ولاخذوني هسه
_يمه خل اروح فدوه
سناء/ تاكلين خر*** وتكعدين وين موليه لورايحه للولد تتونسين وياهم هاا.
_يمه شنوو شايفتني وي واحد حته تحجين هيج خطوبه عمي واريد امشي ترا حقي هل شي ليش مانعتني.
سناء بصياح/ عمه العماج واعضم اللواج فوتي جوه اريد اشوف جهزتي بالبيت مفهوم قصص وروايات عراقية
خلتني وطلعت. بقيت ابجي ربي ربي اخذ امانتك وخلصني منهم شكدد حاقدين.
………
موده/ بنات ليش ما اجت بحر
سرئ: اكيد ما خلته امها لبارحه راحو عليها عمي ماخلتها حته تطلع علي.
غرام/ عمه موده هيه مو اختج الي راح نخطبها شعجب مو وياها انتي هسه وبقيتي بالبيت ويانه.
موده/ عود بقيت لخاطر بحران اريد اشوف شلوون يطلع الفستان عليها سوده عليه هل بنيه معلعله م̷ـــِْن اهلها.
سرئ/ عمه خل نروح نشوفها فدوه بعد وكت للخطبه نلحك.
موده ; اي ولله خلونه نروح عليها شنوو خطبت عمها وماتجي بس ياهو ياخذنه.
معاذ/ امشن اني اخذجن.
سرئ / يلا يلا بسرعه.
………
كاعده بالمطبخ لامه رجليه لحضني وعيني عل باب ضايجه كلش وطالعه الدنيه من عيني شويه وندك كمت ورحت وكفت قريب م̷ـــِْن الباب
_منو ??
معاذ/ اني عمو افتحي الباب
_ فتحته واني خجلانه اتفضل عمي
معاذ/ شلونج عمو
_ مثل ما تشوف
معاذ/ ليش ما اجيتي للخطبه
نزلت دمعتي. ماگدرت اكون قويه گدامه احس م̷ـــِْن سألني فتح جروحي
_ما رضو اجي
موده/ روحي بدلي ناخذج ويانه شتريد اتسوي اتكص راسج هل بربوك.
_لا عمو روحو ما اكدر امشي ولله تكتلني
سرئ/ امشي خايبه حفله اتجنن تفوتج ولله راح نتونس
موده / يلا يمه لاتخافين عمج وياج مايخليها تسويلج شي امشي
_ ما اگدر اروح وياكم شككت ملابسي
سرئ / عزززه صدك
_والله من البارحه
عمو معاذ خله وطلع وركع الباب وراه حيل بحيث فزينه كلنه ضاج كلش.
موده/ شكول شدعي هسه حسبي لله ونعم الوكيل
_روحو وصورن اني اشوف من عدجن عود
سرئ / وتضلين هنا اضل يمج
_ لا روحن اني راح اقره
موده/ امشن خاف تكتله
منى/ عمه ليش ما تحاجوها والله خطيه سوت بالبت حاله نفسيه
موده/ حاجوها عمه اكثر من مره اتكول بتي وبكيفي اتصرف وياها.
عافوني وراحو سديت الباب وصعدت لغرفتي مر اليوم عادي ولليل يلا امي اجت وابوي هم.
مناف/ رحتي لو لا
_لا ما رحت ليش حضرتك منطيني فلوس اشتري هدوم شلون اروح
مناف/ حاير بيج امج عده فلوس ما تنطيج لو تعرف بس تلغف بيهن.
_انتو واحد يذبني عل ثاني امي ملتهيه بروحها وانته ملتهي بروحك تلبسون احسن لبس واني حصره عليه كلشي
مناف/اكوم اكسرج عل هل لسان
عفته ورحت للمطبخ اباوع علئ امي دخلت لغرفتها ابوي بغرفه وهيه بغرفه اتكول خوان مو متزوجين من وعيت عل دنيه هيج لكيتهم عمري 3 سنوات اتذكر تسطرتي راشدي يكول للثاني اني احسن منك بحيث اتعودت صار عندي شي عادي.
يعني مايمر يوم واحد اذا ماتخلقلها سالفه وتضربني بيها حته كرهتني بطفولتي البنات تعيش اميرات بيت اهلها لاه اني عايشه الضيم م̷ـــِْن صغر سني.
صباح الصبح عادي هم شغل وتعب سبت ماكو دوام قريت امتحاني ادب ونضفت للبيت وما رحت لعمامي ضلت حسره بكلبي شوفت مرت عمي ثالث يوم كعدت
الصبح للدوام مثل كل يوم خلصت ورجعت للبيت فتحت الباب جان عباره عن صياح وعياط دخلت للبيت بسرعه.
