رواية لست غجرية الفصل الثاني بقلم روز الحيدر
طبعاً اني ضعيفة امام كلامكم وتفاعلكم
حتى وان كانت وحدة لي تشجع يصير عندي حماس😂
مو كتلكم لا تتفاعلون اعرف نفسي🫣
يله ما دام حماس عندي اخلي تنزيل كل يومين او بين يوم ويوم متفقين روزاتي 👍🏻
التكملة♡
كلها إجت على صياحي من شفتهم التمو ركضو عليه
جدة اجت لزمت ايدي لان ورمت وجهي من الضرب
واني اصيح
ابنه ركضله ملهوف
: شلون صار هيج!
بصوت يرجف اشر
ورده : الحمل، دخل يركض وگلب الماي اجيت شفته
وصحتلكم
: وردة لاتخافين اهدي عمه
بسرعة كلبت عيوني وراسي صار يرجف وكعت نفسي لزمتني
بين ماشافو فتحت عيوني ببطء جدة حضنتني خايفة
درت عيني بنظرت أنتصار غمزتله وهم يشلو للطبيب
صار يرعص ويصرخ،يصرخ بوجع يريح گلبي واني أشوف
جلده نسلخ..
اجت وحده من البنات
: ورده هاج شربي ماي ان شاءلله مابي شي
اخذت الكلاص ارجف ودموعي تنزل شلال
ورده : خطية أكيد توجع كلها بسببي لو لحكت
على حمل ماصار هيج
: ان شاءلله ماكو شي هسه نتصل بمصعب ونشوف
ردت اخته
: خطية وليداته مافرحو بطلعت ابيهم
ورده : لمفروض مايخلو وحده بكلي احتاح شي
شلووون هيج يعوفو لو اني باقية يمه..
جدة ساكته بس عيونها عليه وتصم بحلكها حركاتها
رادت تفضحني لزمت راسي بثنين كأني دايخة
جدة : شبيج؟
عود صوتي تعبان من الصياح ابلع ريكي بصعوبه
: جدةةة راسي ماعرف يمكن سكري نزل
جدة : كومييي
سكتت واني عود راسي مدري شبي اغمض وافتح
بعيوني ع اساس مغوشات
طلعنا واجه باهر يركض مااحجه شي لحد ماوصلنا
الدار
كعدت باهر مكابلني وكاعد جدة راحت تجيب غطوة
تغطيني، من شافها راحت نهض صار مقابيلي بنظرة
أستغراب هزيت راسي
: خير؟
باهر : ليش حرگتي؟
نصدمت شلون عرف؟ وهو مايكدر يحجي أبد ولو
حجه مامفهوم رديت بدلع واني ابتسم
: گلبك؟
كعد مقابيلي مبتسم
باهر : وج نار گلبي،.. بس جوري اريد اعرف ليش
حركتي؟
بستغراب واني الاعرف
: شبيك حركت شنو؟
رفع راسه، وضحك بصوت عالي، بعدها رجع
عينه بعيني يذكرني بالمتناسيته
باهر : هاااا بعدج مانسيتي! وتاخذين ثارج؟
برود
ورده : جؤ...متوهم اريدك انتَ السبع تاخذ بثاري
صك سنونه
باهر : ظافر اني شفتج بعيني شلون حركتي وذبيتي
المي المغلي عليه وبعد كملتي تمثيليتج بحجة الحمل
هو الفاعل، ذيبة ولج انتِ ذيبة
برود
: وليش مقهور عليه؟ الظاهر حضن بنته مغزر بيك!
بتوتر
باهر : ماكو هيج شي، لاتجذبين وتصدكين جذبتج
جريته بزيج، سكت لان اجت جدة غطتني لفتني
وهي تحجي
جدة : باهر لاتخليها تنهار نتبه بين ماسويلها شي
يدفيها
باهر : صار اذا اني ماانتبه عليها منو ينتبع!
بس طلعت بسرعة،رد وهو يريد يلزم شفتي بأيده
باهر : شكم مره كتلج لا تعفطين!
قبل مايلمسني بعدت ايده صحت
ورده : تخسه تلزمهن
سند راسه على جف أيده، ينظر بعيوني كال
باهر : أوعدج وعد يصيرن ألي ومايصيرن لغيري
رجعت عفطتله ضحك وهو يهز راسه، نزع قملته
يمرر ايده على ركبته
باهر : اسمعي جوريتي، لو ماشايفج جان صدكت تمثيليتج بس شفتج بعيني وانت دفرين لكدر.
برود
: غلطان الحمل هو سبب
ضرب على رجله وضحك بستهزاء طلع موبايله شوفني
الحقير مصورني تفلت بوجهه مسحه يضحك ويردد
باهر : مي ورد منج جوري
: حقير
مصغر عيونه
باهر : بس مو احقر منج صح؟
سحب نفس
باهر : تكولين اخاف واخاف خابصه الدنيا ومحد
يطخج ولي يطخج تنگلبين ذيبة عليه بسسسس
مو بعد اليوم.
عقدت حاحبي
: شنو قصدك؟
: قصدي الي اطلبه تسوي وله اروح اشتكي عليج
بتسمت
: نذل كلشي يطلع منك.
: صح اسوي المستحيل بس حتى احصلج
بقوة رديت
: لو تموت ويكولون ورده علاجك لخليك تموت
بحسرتي.
باوعلي بنظرة ثابتة
باهر : اششش اسمعيني زين وردايتي الحلوة
هذا الصور اذا ماتسوين لي اريده اول شي اخلي
ولد ظافر يشوفون ابوهم المشلول شلون ورده
سلخت جلده، بعدها راح ينتقمون منج
ضحك بخبث همس
باهر : يهاجمون نقطة ضعفج واني؟ اسمحلهم.
: لأنك حقيررر
باهر : بكيفج شنو تسميها سميها وهاااا قبل مانسى
اخليهم يودون الصور والتقرير للمركز، وتعرفين اذا
البنت دخلت مركز شنو يصير بيها ياحزرج؟
: تفوووو عليك خسيس
باهر : هههههه مقبولة منج
رجع كعد مقابيلي سند ضهره للحايط وعيونه مانزلت
باهر : ذيبة بوجهه خروف
قهقهت بقهر
: معقوله هذا الجمال كله وتكول ذيبة بوجهه خروف!
تنهد بحسرة
: داهية ولج داهية انت شنو!؟
أجت جدة وهو نهض يلبس قمصلته وعدل الياخه
باهر : اروح ألحكهم واشوف ان شاءلله مابي شي
جدة : ان شاءلله
وردة : ايدك بأيده ان شاءلله وثنينكم للكبر
عقد حواجبه
باهر : لاااا تردين تترملين قبل الزواج!
بقهر
: بس اتموت ألبس احمر وارگص هجع على تابوب
بتسم
باهر :اويليييي اكطع الجفن واكوم احضنج
: ههههه مخبل
قرب شوي همس
باهر : وليش ماتلبسين احمر وتركصين هسه؟
بس مو هجع مااريد الشياطين تشوفج
غمز، سكتت وجدة كعدت تصب الحليب وتخلي
عليه عسل وزبد
جدة : روح باهر
باهر : صار جدة، صار
قبل مايطلع
باهر : كلامنا ماخلص جوريتي
مارديت وهو طلع كعدت سولفت لجدة لي سويته
مانصدمت وبقت تكول غلط هو لي بي كافي هسه
باهر يستغلج نطيتني فرصة يلزم عليج لزمة ماهمني
لان باهر أكدرله اهم شي بردت گلبي بالحقير، ولو
بأيدي مو اشرب من دمه لان دمه نكس، اخلي عبرة
لكل واحد مثله.
لليل اني كاعدة احوك وجدة تشرب جاي تركت من
ايدها واني ملتهيه احوك
جدة : جوري
: هممم
جدة : جهزي نفسج باجر ترحين وياي اخذ وارد
المحلات
رفعت راسي
: خوش بس شنو من محلات؟ وشكد واردهن؟
جدة : ثلاثة هيج محلات مأجرتهن واخذ الايجار
: زين لان محتاجه كم شغله
جدة : صار اشتري كل الي تردي
كملت وجمعت كل الجفوف لي احوكهن ولكنزات
حتى من انزل ابيعهن كل مره جدة تاخذهن بس
من انزل وياها اني اخذهن وافرح لان تعب أيدي
هذا، جهزتهن ونمت من وكت،
كعدنا الصبح دك مبايل جدة ردت اسمعها ترد
: اي... شوية ونطلع سدته رجعت تصلت
: ها باهر يله جدة تعال
اني جهزت نفسي لبست تنورة وبلوز ويا سترة قصيرة
باللون التنورة وبوت اسود فتحت شعري اخذت لفاف
حياكه شغل أيدي لفيته على رگبتي وطلعت
: ها جدة
جدة : يله باهر ينتظرنا
لفت عليه بتسمت
جدة : كبرتي حبوبه
ضحكت وحضنتها اخذت اغراضي طلعنا باهر كاعد
بالسيارة من شافني نزل ولابتسامة الاذانه
باهر : جوريتي تخبلين طالعه
تجاهلته وفتح الباب ماصعدت خليت جدة تصعد
كدام واني صعدت ورا عيني عالشارع
ورده :ظافر شلون صار؟
لتفت
باهر :يعني درجة الحرك عالية يخافون يصير عنده
تسمم
جوري :ان شاءلله
سكتو لحد ما وصلنا سوك جبير كلش نزلنا ولزمت
جدة
جدة : من اخابرك تعالنا نفس المكان
باهر : صار
راح مشينا انه وجدة اول شي بعت شغلي وبكل مره
ابيع من تعب أيدي احس الدنيا ماتوسع فرحتي كوني
اني لا دراسه ولا شهادة كوني غجرية محرمومه من
التعليم
والبعض اساساً غير مسجلين بسجلات حكومية لان ماثابتين بمكان واحد (رحالة) بس اخر
عشر سنوات ستقرينا هنا، لذلك جدة علمتني خياطة وحياكة
بعد ماكملنا أصرت نروح للمصور ستغربت اصرارها
وشنو نسوي بالصور! اخذتلي كم صورة
وبعدين سحبتها تصورنا اني وياها، كملنا مشتريات
ورحنا لمكان هواي ناس بي كأنه دائرة
تهجيت الاسم مصرف لزمت جدة ستوقفتها مستغربة
: حبوبه شلنا شغل هنا؟
جدة : امشي حبوبه اريد اعرفج شتسوين خاف
يجي يوم واحط راسي واموت اضمن حقج ماريدج
تضيعين بين الرجلين
: عمري عالعمرج جدة لا تحجين هيج فدوتج ورده
جدة : الناس ماترحم حبوبة، يله امشي
: بس!
جدة : لا تخافين حجيت لهاي المرأة لي مأجرة
محلات أهلج الله يرحمهم وكالت عدها عرف هسه
هي منتظرتنا يله فشله نتأخر
هزيت راسي دخلنا لمكان عبارة عن هوسسسه كلها
تحجي بقيت اباوع بالوجوه ماحس له جدة سحبتني
من أيدي مشينا بتجاه مرأة جانت كاعدة لا بسه لبس
محتشم كلش وشكلها محترم وراقي شافتنا نهضت
بسرعة سلمت على جدة بس عيونها تعلكو بيه
ستغربت بعدت عن جدة وعيونها صارت تلمع دموع
جدة : هاي وردة
ضحكت وسحبتني لحضنها ردت
: فدوة حتى عطرها عطر الورد
بعدت عنها ابتسم مستغربه تصرفها
وردة : شكراً
مررت ايدها على شعري
: حلوة انتِ هواي حلوة عطرج حلو شعرج لبسج
كلش بيج حلوة
بقت تتغزل بيه وتلمس شعري بتسمت مجامله
وردة : عيونج الحلوة
: شنو عطرج؟
عقدت حواجبي مستغربة
: هااا؟
: عطرج عجبني شنو اسمه؟
ورده : ياسمين
: ممكن اشوفه؟ لان بنتي هم تحب هيج عطور
ورده : اي طبعاً
طلعت العطر من الجنطة نطيتهيا
ورده : تفضلي
: لا مااريده بس اشوفه واني اشتري مثله
ورده : لا ابد طلعته مايرجع بعد
جدة : اخذي وردة كلمتها وحدة
اخذت العطر ورجعت حضنتني اشرت الجدة شبيها
غمضت عيونها يعني سايريها حضنتها طبطبت على
ضهرها بعدت عنها وهي لسه تمدح
:ما شاءلله تخبلين سبحانه الخالق
جدة : نكمل الاجرائات بعد ورانا طريق
: اي اي يله
مشت كدامنه اني لزمت جدة
ورده : حبوبة شنو قصتها؟ شبيها لزمتني
تشمشم وتبوس!
جدة : لان تعرف بيج يتيمة
ورده : ولو يتيمة! ماستجديت منها عاطفة؟
جدة : وردة امشي بلاية اسألتج المرأة تعزج
وكلتلج عدها بت مثلج
وردة : وشكو بتها تروح تحضنها ألها
ضربت ايديد
جدة : امشي وسكتي خلي تكمل شغل لو لاها
ماسويت شي
وردة : اممم مشينا
المرأة حارت شنو تسوي بأيدها المعاملة وتركض منا
وترجع منا وتحجي ويا الموضف وترجع للمدير واحنه
كاعدين اجت مبتسمه
: يله ماما يردون توقيعج
باوعت الجدة رديت بستغراب
وردة : ماما!!!
نهضت وسحبت أيدي
جدة : يله
دخلنا غرفة المدير سلمنا وبسرعة صاحلي
:: بابا تعاي وقعي هنا
ماكدرت الزم ضحكت همست لجدة
وردة : بساعة وحده صار عندي ماما وبابا
دغتني
جدة : احترام ولج، امشي وسكتي
مشيت كعدت مقابيله اشرلي على اوراق
: وقعي هنا
وردة : ماعرف اوقع
: مومهم هذا اجراء روتيني حتى لو تشخطين
لان الأهم البصمة
هزيت راسي وسحبت الاوراق واخذت القلم كتبت
اسمي بخط وحدة أمية"شخطت ضحك رد مجامله
: وتكول ماعرف
بتسمت ونطاني بصمت، كملنا بعدها نتظرنا شوية
واجت المرأة نطتني بطاقة ودفتر توفير كالت
: حافضي عليهم مثل عيونج كل مستقبلج هنا وكل
شهر رح ينزل برصيدج مبلغ وقت ماتحتاجي سحبي
هزيت راسي بأيجابية
وردة : ان شاءلله
طلعنا نمشي واني اتصفح بالدفتر يكون بكد حجم
الكف ماعرف شكد المبلغ ضميته بالجنطة وكفت
كالت
: شنو رأيكم اعزمك على غدا بما انو هاي اول
مرة اشوف وردة
جدة : لا ان شاءلله غير وكت وردة تريد تشتري
اغراض حياكه
: هاا تحوك؟!
جدة : اي وشغلها يخبل
: ما شاءلله
جدة دارت عينها الي
جدة : ماعندج قطعة تشوفيها؟
باوعت ماعندي غير الي لابسته نزعته ونطيتهيا
وردة : هذا شغلي تفضلي
جدة : اخذي ولمرة الثانية اخليها تشتغل ألج
مخصوص
ماصدكت اخذته من أيدي تتشكر وكأنه اجاها
هدية من السماء كالت
: ان شاءلله طبعاً لازم اشوفها الوردة
بتسمت ودعت جدة ورجعت ضمتني لحضنها تبوس
اجت سيارة اخذتها واني بقيت متبسمرة بأرضي
جدة : يله امشي، وردة
: همم
جدة : ماتمشين؟
: جدة شبيها احسها مو عالبعضها ابد مارتاحيت
النظراتها ولا لكلامها
جدة : خوش مرأة امشي قبل لا نتأخر
مشيت وصورتها وتصرفاتها ماتطلع من عقلي ابد
كملت مشتره وجدة نطتني المبايل تصلت باهر رد
: الووو
باهر : لك بعد روحي الووو فدوة رحت الصوتج
:باهررر
باهر :فدوة يروحلج باهر وعشيرته واحد واحد
امريني؟
:تعال اخذنه
باهر :والله منتظركم بنفس المكان
:يله احنه قريبين
باهر :يله يروحي باهر
سديت الخط اضحك شفته واكف لابس مناظر وساند
جسمه عالسيارة من شافنه نزعها واجه بسرعه اخذ
الاغراض من أيدي خلاهم بالسيارة فتح الباب صعدت
جدة وصعدت
باهر : جدة نروح نتغدا اكيد جعتو
جدة : ها وردة نروح؟
لتفت
باهر : وردايتي الحلوة جاعت؟ تعاي
منا خلي اشوفج
: اي والله عصافير بطني تصيح
باهر : ابوسهن عصافير بطنج
صحت
: لا تتماده عاد
ضحك كمل طريق صف يم مطعم نزلت اخذ ايد
جدة نزلتها دخلنا وكعدنا باهر كعد مقابيلي طلب
أكل وهو صافن بوجهي ضحكت هزيت راسي
باهر : مامصدك وردتي الحلوة گبالي
جدة : مو يومية مكابلها وكاعد
وردة : ههههه خلي جدة يريد يعيش الحضه
باهر : احلى لحضه بحياتي وردتي گبالي بس
كون أشمها..
جدة : لا تكسرها، لا تقطفها بس اهتم بيها حتى
دوم
باهر : والله اهتم بيها أكثر من روحي
ضحكت قربت عالميز باوعتله عيني عالرگبته
وردة : والزمبورة الكارصتك برگبتك شنو موضوعها؟
بتوتر وهو يعدل ياخته
باهر : هاا!.. لا ماكو شي مجرد خدش
وردة : هههه لا تبرر ترا اخر همي بس اشوف كثرانه
الزنبورات حواليك!
باهر : بس اني مااريد غير وردتي اشمها
بتسمت بخبث
وردة : بس وردتك غير صالحه للشم.
باهر : بس گلبي وعقلي ادمن عطرها
سكتت من نزل الاكل بعد ماكملنا كمت غسلت وطلعت
شفت باهر منتظرني عقد حاجبي
: خير!
باهر : اريد احجي وياج
: احجي.
باهر : تعاي لهنا
اشر عالمكان بالمطعم بي منظر حلو ومراية واسعه
كتفت أيدي وكفت
: تفضل؟
باهر : شنو رأيج ناخذ صورة؟
: اي يله
طلع مبايله
باهر : قربي
: لا هيج افضل
لف عليه
باهر : هذا الحصن يمتى ينهد؟
مارديت هو اخذ المبايل واني واكفه خلفه على جنب
بعد متر واحد او خطوة بينا اخذ صور صار يشوفني والمبايل بأيده
: اممم اني محلية الكون
باوعليه وعيونه حب
باهر : اشهد والله
ضحكت
: يله احجي
باهر : شنو رأيج تلبسين الاحمر وتركصين؟
: امنية قبل الموت؟
ضحك
باهر : ممكن اذا تردين اعتبريها هيج.
: ليش الزمبورة ماركصتلك؟
عض شفته قرب مبتسم
باهر : تغارين؟ وردة تغارين؟
باوعتله بستحقار
: يعععع ابو التتن
باهر : والله ماشربت من البارحه لليوم
حتى السيارة عطرتها اعرف نفسج تلعب
منها
: اممم
باهر : هسه موافقه؟
: اي موافقه بالوقت لي تريده
فتح عيونه بدهشه
باهر : والله! كولي والله
: بدون مااحلف تعرف مااخلف بوعدي
هز راسه بأيجابية
باهر : اثق بيج
بتسمت
: يله نرجع حبوبة تعبت
باهر : صار يله
اخذت جدة وطلعنا رجعنا للقرية دخلت للبيت
بسرعة غيرت ملابسي وكعدت ارتب بالغرض لليل اجت
جدة : لا تعبين روحج جدة
: بالعكس فرحانه اني احب الحياكه اخلص وقت
تركت من ايدي رديت وحجيت لجدة لي مخطتله
جدة : هذا مسودن عقله خيط وخيط خاف يأذيج
: مااعتقد مثل الاذيه لي اتعرضلها خليني اسوي
ماخسرانه شي.
جدة : خايفه عليج جدة
: لا تخافين لي يحاول يكسرني أجرحه
كملت ومثل كل مرة انام على ايدها وهل مره شاغلني
باهر للصبح اتصل بجدة وطلبني حجيت ويا كال لليلة
جهزي نفسج رح توصلج هديتج ، بعد ماسديت لخط
ندك الباب طلعت شفت شخص غريب بأيده كارتون
اخذتها ورحت للغرفه فتحتها بدلة ركص تجننن لونها
ماروني تنورة بيها فتحه وحزامها ليرات وحاملة تنزل
منها عالبطن اليرات عجبني شكلها بديت
اجهز شعري وبعد ماكملت شغل كعدت اجهز نفسي
لليل خطيت عيوني بالكحل وحمرة ماروني وشعري مفتوح لبست الخلاخيل وسلسال خصري
اخذت الخنجر، سلاحي مايفاركني حتى من انام اخلي
تخت راسي، ومن امشي اربطه بفخذي، لو بخصري
تحت تنورتي و لبست نقاب ليرات مرصوص بعض مثل اليرات البدلة كملت بس خليت الوشاح على راسي، مااجه دز شخص اخذني بسيارته ودعت جدة وطلعت
كل خطوة اقرب بيها اتوتر أكثر عكس رنت خلخالي
لي تثبت قوتي
وصلت بسرعة لان نفس القرية ماطلعت خارجها
،شفت سيارة باهر بالباب والباب مفتوح دخلت،
اسمع اصوات زلم تسولف وضحك وغّنه بس قربت
رفعت البرده ومشيت بالصاله اول خطوة ويه رنة
حجلي صار هدوء لتفتو عليه عيوني دور على باهر
ماكو ماموجود بينهم
بس عيني وكعت على شخص اعرفه هذا صديق
باهر، عينه علقت بين خلخال رجلي وكركوشة
خصري
وكفت بالنص والوشاح مغطيني من راسي الرجلي
ولازم اكون مستعد وانطي اشارة حتى يبدي الغنّه
رفعت رجلي بهدوء وضربتها بخفه برجلي الثانية
اعلن برنين حجلي استعدادي ... هذا نوع من انواع الاستعراض لي جنت مهوسه بي...
