رواية فتاة يتيمة الفصل الثاني 2 بقلم صفاء خليل

مٌصطفى:اسكتن اش ... ماريد عياط ....يلا بدلن فدوه اروحلجن نروح نشوفهم😪...

اريام:اوف يربي .... اوف يمه ليش ... يارب... ليش... يمه عفتي رويحاتج ...يمه مو بعد جم يوم عرسي... كلتي اركص بعرسج...ليش يايمه ليش... اوف ...اه اه...😪😪😭😭 كعدت علكاع..

                                

مريم:اريام كومي حبيبتي يله منكدر نسوي شي حكم الله ... وابجي وكومتها وبستها ...يله حبيبتي كومي انشوفها اخر شوفه ... خلص ... تيتمنه..😔😔 ..

                                

مصطفى:يلا مريم اريام .. 

                                

ماكو لبست عباتي اني واريام ورحنه وي مصطفى وبقى احمد يم بابا ...

بوكتها مشدوهين مانتبهنا البابا عفنا وطلعنه كل املي انشوف امي...خطيه هو من كايليله متخربط واكع ... ضغطه مرتفع ... جابو للبيت يرتاح... المهم عفنا وطلعنه....وصلنه المشفى...نزلنا من السياره... نبجي ..نزلت اريام ...دكت علوجها...دكلي ولج مريم ...منو النا ....وج امي راحت...ولج...ولج عبودي..راح... مصطفى كال...يلا حبابات بلا عياط...مستشفى وفضيحه منريد...دخيلجن..الله يساعدجن ...طبعا...الكل هناك واحنه اخر من يعلم... طبيت ...كالو طابق الثالث عنايه مركزه...مصطفى خطيب اختي طبعا...صعدنا بلمصعد...احس رجلي كوه حاملتني لازمه راسي... والحايط...متجيه علي...كوه واكفه...يعني تخيلو الموقف البي...مدري اقوي نفسي.. مادري اباع على اريام المسكينه... اريام جانت كلش متعلقه بامي ...صح اني هم احبها ..بس اريام مثل صديقتها... امي جانت تتقبل كلشي ...وحتى هي بير اسرارنا...تتعامل ويانه بهدوء ولامره صيحت ... اووف الله ميبقي الزين ....

                                

نفتح المصعد ..واحس كلبي نخمش .. اوف اشون اشوف منضر امي ممده واخر مره..اشوفها... اووف تره شعور دمار ...متت ميت موته ذاك اليوم...فجاه تحس ...فقدت الحنان..الامان..الحب...االاهتمام...مدري اباع علااريام مدري ع حالي مدري امي..مدري عبدالله...ماوصف لحضات العشتها جانت اشبه بسم تجرعته... وصلت للغرفه مصطفى كال تعالن ...شفت خالاتي وعلبجي علحضن.... واريام تنشغ مصطفى يبجي وياها مخلاها خطيه يحبها...بس ام بعد ....دقايق اشبه بسكرات موت... ثواني وكال الطبيب ...منو اريام ومريم... اريام طفرت طفرت اني وراها... كناله خير... كالو المريضه نطقت باسمكم... روحو ...ودنج وشرد... اني لطمت ع وجهي ...صحت يوم...طبينه اني واريام...يمه ...نكلبت المستشفى بلعياط... اصيح يوم وبوس بايدها ... وج يمه...منو يحضني.. منو يبوسني ...وج يمه ... منو يسمعني... اريام دكلها...يوم كومي وداعتج.. اسوي التردي ومنعاندج...بس احجي... اووف عبدالله مدد بصفها كمزت علي.. خوووويه... ليش خويه منو النا بعدكم... امي حركت شفافها كالت...وصيتي...يمه...ديربالجن ع ابوجن...مريض ... كالت اتذكرن الله موجود اني وسيله جنت... احبجن يمه... هي كالت يمه ...احنه جهشنه بجي...وغمضت عينها... عطنا وبجينه وطبو علصوت ... وخرونا سحل منها... لحدما خذوها لثلاجه الموتى بقينه ندك ونلطم ...رجعونا للبيت اريام فقدت وعيها... من العياط...واطوها مهدات ...وجابوها نامت مصطفى يبجي فوك راسها... اني .. كعدت ... وبس فاتحه عيني... كمت طبيت للغرفه شفت بابا متمدد ... ماكو لاصوت للاصوره بس فاتح عيونه... لكيت صوره امي بيده ..رحت فتحت الكنتور طلعت هدومها....واشمشم... اوف يمه ...ليش هيج .... تركتيني ...والله بعدني صغيره...ماعرف شي... ليش يمه عفتيني... وين اروح وراج... اجه بابا.... حضني ويبجي... اجت خالتي... كالت هاي شنو ماما بتي بمكان ..متقوي هذا حكم الله .. حرام عليك ...الرجال مريض ...وطلعتني من الغرفه ورجعته لفراشه نومته...المهم بابا مريض خفت ابجي كدامه عايزني ضيم بعد ..😔😪

بابا جان مريض مردت اذي ... فجنه دووم منبجي كدامه.... اروح اشرد بليل اخذ اهدوم امي افتح كنتورها وعبودي... وابجي بصوت ناصي... حتى ميسمع... مخلصيها مهدئات ومسكنات..💊💊💊

                                

ثاني يوم الفاتحه... سوو ثوابات🍮 ... 🍉🍊

بنات خالتي مقصرن خطيه.. لازمات الشغل..ويكعدن يمي...يهدني واريام تبقى يم النسوان خالاتي يمها... متت والله متت... خلصت الفاتحه وكلمن بيتها... بقينه عد ابويه دوم يمه منتركه.. خطيه ...مريض.. مو مثل صحته قبل..وادويه وهاي😔 ... حاله يرثى لها . ومر شهر علهحال... اسود ايام مرت عليه... اريام ... يسليها مصطفى💑 وتشكيله...من تخابره... 📲ع اقل يمها احد... الااني اموت جاي...😣 واذكر امي👩..البيت يفرغ ... واكعد ابجي💔 ... مرت ايام تقريب .. ابويه قنعو عماتي يتزوج... اتزوج... اتزوج.. كلن راسه... اجه كال عماتج هيج يكلن... كلنا بابا نته ممحتاج شي اني واريام جوه ايديك..😟. كال باجر عكبه تتزوجن وين ابقى وحدي وامج الله يرحمها متفارك بالي واكعد بس مررض... .. المهم تزوج... اجت البنيه... غريبه هنه عماتي جابنها😏... اول ايام مثل الورد تصيح بناتي. كلنا الحمدالله بلكي نرتاح وتصير مثل امنه ... بس😔 بعدين سوتنه خدامات... فدك

                               

                                

يوم جنت نايمه وبابا طالع ... اريام اجه خطيبها اخذها رح تتزوج👰 ياخذها يجهزون للعرس اجتني هي مرت ابويه... اسمها افنان..😡

                                

افنان:هلو اعرفكم اسمي افنان عمري25 تزوجت ابو البنات... هو زين ..وياي بس يحب مرته..ذيج ودوم يبجي عليها... ولهذا اكرهن لبناتها كلش... وجنت دوم اذيهن ..بشغل ..بس فلتت مني اريام بقت.. مريم...اني الها😏

                                

افنان:لج 📣 لو بيدها تصيح بهاي السماعه اني كمزت من مكاني تخيلو بنومي ....الكاتب كاظم العربي 🌹🌹

 الفصل الثالث من هنا