رواية ذيب الشامخ الفصل الثاني بقلم توتة
رباب / ليشش انته تعرفني ???
ذيب / لا وين اعرفج
رباب / لعد ليش تريد تربط العلك الي وانته ماتعرفني اصلا.
ذيب / موشرط اله اعرفج. اربطه النه واذا متزوجه انشالله تطلگين.
رباب / هههه لا ممتزوجه اني.
ذيب / اكدر اعرف اسمج.
رباب / رب..
بعدها مامكمله حجيها اجت بنيه تصير بكدها. لابسه عبايه.
ساره / رباااب شدسوووين هنااا امي دور عليج.
ابتسمت من عرفت اسمها رباب باوعت ؏ البنيه الثانيه بخزره ورجعت باوعت علي وابتسمت. دخلت عقلي هل بنيه. عيونها وشكلها كله عجبني.
رباب / يلا مع سلامه
ذيب / الله وياج.
راحت بقيت اباوع وراها. هاي اول مره بحياتي تلفت نضري بنيه طول عمري ماتهمني البنات.
باقر / ذيب وينك يمعود ندور عليك وماكوو عبالنه رحت
ذيب / زرت وطلعت هناا اتمشه شويه
باقر / تعال خلينه نروح نتعشئ مطعم ميت من الجوع.
ذيب / امشي.
باقر / شنو هاذه العلك الي بأيدك ?
باوعت علي وابتسمت اتذكرت البنيه. بقه باقر صافن بوجهي وهو مستغرب
باقر / اشوفك تتبسم شكوو.
ذيب / ماكوو شي يلا نروح
مشينه. اجه حسام ويانه رحنه علئ مطعم تعشينه ورجعنه طول الطريق اتذكر بالبنت اول مره بحياتي تدخل راسي بنيه .
وصلت جماعتي الاهلهم ورجعت اني للفندق بدلت ملابسي ونمت
_____________________________
رباب.
بعد ماجت علينه عمتي. ضجت كلش لأن هيه متعوده كل ماتجي لآزٍمٍ تسمعنه حجي.
بقيت گاعده بالغرفه. سمعت امي صاحت بأسمي غلست مانزلت ادري بيها تريدني اعتذر من عمتي
ساره / ولج رباب امي تصيحلج ماتسمعين شنو
رباب / ماروح ولله ادري بيها تريدني اعتذر من عمتي واني ممسويه شي.
ساره / روحي احسن ماترزلج امي
سلمت امري لربي وگمت طلعت م̷ـــِْن الغرفه ونزلت يمهم. جانت عمتي كاعده ويه امي وجهه مكلوب عود مرراضيه عليه لان رديت عليها.
رباب / هاا يمه صحتيلي.
ام رباب / ايي يمه تعاي خلينه نصب العشه عمتج تريد تروح لبيت عمج ابو جاسم.
رباب / حاضر
رحت بدون ايي كلام للمطبخ حضرت الاكل ويه امي وخليناه كدام عمتي شويه واجه ابوي.
وگعدو سويه اني خفت تحجي شي عمتي وتخلي ابوي يكتلني او يرزلني هوه كلشي تكوله عمتي يصدكها.
گعدنه كلنه سويه تعشينه بعدنه ممخلصين اكل فجأه گالت عمتي.
حرير / اكلك خويه بيت ابو سالم هذولي الي حجيتلك عليهم. يدورون علئ بنيه بنت اصول ومربايه زين وانته تدري بيهم ناس شبعانين وعدهم خير من الله
واني اگول لْـۆ تزوج رباب صارت جبيره ولمدرسه شوراها بس شلعان الگلب وين الي كملت دراسه وتوضفت
بس تدرس وتالي كلشي ماكو.
بقيت صافنه ياربي معقوله ابوي يوافق علئ كلام عمتي شراح يصير بيه ولله ادمر اني مقرره ماتزوج لاحد ماخلص دراستي.
ابو رباب / ولله خويه بعدني مامتوازي عليهن خليهم يكملون دراسه ولله كريم.
سحبت نفس براحه الف الحمدلله ماوافق علئ كلامها.
حرير / ولله خويه اني لمصلحتها مراح تلگه مثل هاذه المكان ناس عدهم خير وابنهم محامي. راح تكون مدللهه عدهم.
ابو رباب / لله كريم خويه.
ب نسبه الي همه يحجون واني ساكته اكل ومدنكه راسي. ساره كل شويه وخزرتني. عود شوفي عمتي شكدد خبيثه.
كملنه اكل اخذت صحون ويايه ساره.
بقينه نغسل بيهم سويه
ساره / هسه هيه شعليها تدخل بينه صارفه علينه دارسين الها.
رباب / ولج اشش لاتسمعج اسكتي ابوي هنااا لاتصير معركه.
ساره / ولله ملينه من هل سيره. كل ماتجي. نفس الموضوع تريد ابوي يبطلنه من المدرسه شون ماكان هيه شعليهاااا.
رباب / ختولي. اسكتي هاي ابوي ماوافق علئ كلامها والحمدلله.
ساره / اكلج صدك شعجب ابوي رفض كلام عمتي شنوو شصاير بالدنيا.
رباب / ولله مادري وخايفه من هل تغير المفأجه
ساره / خلينه نروح نكول لأبوي ياخذنه نزور الكاظم هوه گال ليوم م̷ـــِْن ارجع اخذكم.
رباب / وعمتي ???
ساره / ايي تروح ويانه.
رباب / خوش روحي انتي اني اخلص الي بايدي والحگج.
ساره / خوش
عافتني وراحت بقيت انضف وإرتب بالمطبخ. واني افكرر معقوله بابا يفكر بكلام عمتي ويقتنع ويزوجني.
واعوف دراستي.
كملت تنضيف وطلعت كان الكل كاعد كال ابوي حضرو نفسكم نروح نزور الكاظم قبل لاتصير ضكه ومانكدر نزور.
رحت صعدت لغرفتي بدلت ملابسي ولبست عبايه اسلاميه وساره وزهراء كذالك.
كملنه ونزلنه سويه كانو اهلي منتضرينه بالباب.
ابو رباب / شصاااار يالله.
ساره / يلا اجينه اجينه
طلعنه سويه وصعدنه بالسياره عمتي ماراحت ويانه گالت اروح ويه بيت ابو جاسم عمي الثاني.
احنه بالكاظميه يعني مسافه مو بعيد علينه الامام.
وصلنه للحضره دخلنه احنه وامي زرنه كانت الاجواء تجننن
بعدها مو كلش ضكه لان مشايه وبعدها زوار مواصله كلها.
زرت وكعدت اصلي دعيت ربي يوفقني بحياتي ويحفضلي اهلي. ويبعد عنهم كل شر.
كملت صلاه. شفت امي واختي يصلن. گلت اطلع اتمشه بالصحن بين مايخلصن. ونرجع للبيت
طلعت اتمشه شفت ولد صغير لآزٍمٍ علك ويبيع بيه. رحت يمه
رباب / شكدد سعره هاذه العلگ.
_اذا تاخذينه كله انطي الج ب 4
رباب / ايي انطينياه كله وهاك هاي خمسه وبعد لاتطلع لوحدك خلي شخص جبير يبع مكانك
هز راسه بقبول واخذ لفلوس مِڼـّي اخذت العلك وبقيت اتمشه. فجأه شفت رجال طول اسمراني شكله ضخم بس ملامحه كلشش حلووه عيونه كبار
شتت نضري عنه اشو هاذه صار يتقدم نحوي سويت نفسي ممنتبهه علي اجه يمي سلم عليه وكال انطني العلگ.
ماعرف شصار بيه بهل لحضه شلون انطيته واني هسه مشتريته.
انطيته اله صاار عندي فضول اساله لمنوو يريد يربطه سألته لمنوووو تريد تربطه.
گال الي والج صدمني عبالي يعرفني او يعرف اهلي. بس هو كال ماعرفج.
شويه واجت ساره گالت امي دور عليج عفته ورحت ويه ساره.
ساره / هاذه منو وشعندج واكفه وياه لْـۆ يدري بيج ابوس يصلخ جلدج ولله
رباب / انجبي اصلا ماعرفه هوه اجي اخذ مِڼـّي العلگ
ساره / علگ ???
رباب / ايي اشتريت علك وهو عباله اني ابيع وطلب مِڼـّي انطيته اله هاذه كلشي.
ساره / امممم ايي خوش تعاي امي دور عليج صار ساعه.
رباب / بعدها جوه لْـۆ طلعت
ساره / لا ضلت واكفه قريب من السوك.
رحنه علئ امي استلمتني برزله معدله شلون اطلع لوحدي م̷ـــِْن هل حجي.
المهم خلصنه زياره ورجعنه سويه للبيت. اني بوجهي للغرفه دخلت سبحت وغيرت ملابسي ونمت.
گعدت ثاني يوم علئ صوت المنبهه كمزت بسرعه شفت الساعه جانت. ب 7 صبح
بسرعه طفرت م̷ـــِْن مكانه ورحت علئ ساره اكعدها
للعلم اني وساره 2 بغرفه وحده.
رباب / ساااره ساااره كومي ولجج تاخرنه علئ الدوام.
ساره / عووفني انام بس شويه فدوه
عفتها ورحت للحمام غسلت وجهي واخذت ملابس مدرسه لبستهم ورتبت شالي وجهي. خليت شويه حمره وتنت لخدودي. وشويه عطر
شويه وكامت ساره كفشتها صايره هل ڪدها راحت للحمام تسبح وتبدل هاي عادتها دائما تتاخر علئ الدوام.
اخذت جنطه مالتي ونزلت لگيت امي كاعده رحت عليها وبست راسها.
رباب / صباح الخير ياحلئ ام بالدنيا.
ام رباب / صباح النور يمه يلا اكعدي تريكي وين ساره.
رباب / هسه شويه وتنزل اني راح اطلع كدامها
ام رباب / دير بالج يمه.
رباب / انشالله
اكلت لگمتين واني واكفه وشربت جاي وطلعت اتمشه. علئ الرصيف المدرسه مو كلش بعيده علينه بينه وبينها بس فرع وشارع العام.
تلاگت وياي صديقتي. مريم.
مريم / صباح الخير دبدوبه.
رباب / انجبي شنو دبدوبه اصلا هل فترا ضعفانه اني.
مريم. / ولج شضعفانه دشوفي خدودج هنيالج اني شكدد ماكل ماسمن مادري شبيه.
رباب / ولله احسلج. شكلج حلوو رشيقه.
مريم / لا ولله يابسه هههههه.
بقال
