رواية بنت المدينه الفصل الثاني بقلم احمد
بعد مااستقرينا بيت اهلي في القرية رحنا لبيتنا الي بالمدينة اني واخوي الكبير هيثم وزوجتة حتى نشوف وضع البيت لكينا مليان تراب والجام مكسر لان كان بوقتها بعدها وضع المدينة مو تمام يعني مداهمات الامريكان لبيوت باي لحظه وهمين تصير ضربات عل امريكان باي لحضة يعني الوضع مو تمام 😢المهم كملنا تنضيف البيت وكات لأخوي خلي اروح لبيت صديقتي زهراء اخذت ابن اخوي ورحنا ودكيت الباب واني متوقعة حتطلع زهراء او امها عل باب ولكن للأسف طلعت مراة وكالت اشترينا البيت منهم وأهل البيت طلعو من منا ماتعرف وين شالو😭 ..اني من طلعت من مدينتنا نقطع تواصلي ويا زهراء لان بوقتها ماكو موبايلات والتلفون الأرضي خرج عن الخدمة...كلش حزنت لان مالكيت زهراء وكفت بشارعنا واذكرت شلون كنا نروح ونرجع لمدرسة 😔😔 المهم كملنا تنضيف البيت قفلنا الأبواب ورجعنا لبيت الوالد بقينا ساكنين ويا بيت الوالد رغم كان كلش مزدحم بس ماكو غير حل اخوي اخذ غرفة هو وزوجته واني ويا خواتي بغرفتهن...بيت عمتي منيرة اشترو بيت ويا كم دونم وتحولت لبيتهم نوعا ما خفت الهوسة بس همين العدد هواي بالأخص بأيام العطلة الصيفية يجن خواتي هنة واطفالهن البيت بعد ماينحمل من الهوسة..بس نوعا ما تاقلمنا رغم اكرة حياة القرى ماكو غير حل اخواني باعو التريلات وبنو محلات بمنطقة تجارية عل شارع رئيسي وخلف المحلات كراجات تصليح لسيارات يعني صار شغلهم خير وبركة اكثر من قبل اخوي هيثم بعد مايفكر يروح لبيتنا لان كل وقتة بالشغل..صار عندة اربع اطفال ولد اثنين وبنات اثنين ...اختي الكبيره منتهى طلعت من بغداد لان الوضع صار اسوء من كنا بغداد سكنت بمجمع سكني بقضاء الدور صار عدها ثلاث بنات ولد اثنين كلهم طلاب زوجها فتح شغل أسواق غذائية ماشاء الله الله فتح باب الرزق عليهم☺️☺️اني كلشي تغير بية لبسي اناقتي كلشي صار اختلاف ..داءما خطار يعني شغل مستمر اكثر تواجد البنات بالمطبخ...المهم واحد من اقاربنا تقدم لخطبتي وبقى يلح واني رافضة عمتي منيره بدأت تقنعني اوافق من ال٢٠٠٦ لحد ٢٠٠٧ وهو بين فتره واخرى يتقدم الي واني ارفض..الوالد كال انت ماتكدرين تعيشين ويا هاي العائلة لان حياتهم تختلف من حياتنا ..ناس فلاليح وعدهم ابقار انتي وين وهاي العيشة وين..اخواني كالو انتي بكيفج هذا القرار يمج..بهاي الفترة رجع ابن خالتي تقدم لخطبتي واني رفضتة نهائي لان خالتي دزتلي كلام اني هية ماتريدني اصير زوجة لابنها....واني لغيت فكرة الزواج نهائي ...😢وبقت عمتي منيره تلح علية اوافق عل زواج ادكلي الكرايب احسن من الي مانعرفة وفجاة وافقت بس ليش وافقت ماادري المهم نطيت الموافقه..عمتي منيره واكفة وياي بشغلة الخطوبة واني ماادري ليش قبلت بهاي الخطوبة والدي حجى راد كتلة اني موافقة المهم كملت إجراءات الزفاف بسرعة والجهاز والذهب ابسط ماتوقعت وبيت اهلة كلش قديم بس مااعرف شنو الي خلاني اوافق وصرت عروس وزوجة محمد من اول ليلة ويا عرفت يريد يذلني لان رفضتة 😢وصرت زوجة محمد..هو رجل قروي عقليتة قروية مايعرف غير بس يزرع لايقرا ولا يكتب ماكو بينا اي تفاهم من يريد يقرب علية يكمل شغلتة وكانو ماكو يمة بشر.😢من ثاني يوم زواج بديت اعاني من حياتهم بس ماكدرت اشكي وضعي..عمتي منيره دائما ادكلي لاتخلين مرت ابوج تسمع بوضعج حياتهم فقيرة لأبعد الحدود..النا شهر مزوجين وأم زوجي بدا مشاكلها وياي ليش ماتشتغلين ويانا بالزرع لو تخلين اكل لابقار اني مااعرف اي شي بشغلهم بعد شهر واحد طردتنا من البيت مااريد مرتك بيتي اضطرينا نبيع غرفة الأخشاب والحلقه والتراجي وذبينا مواد بناء وتداين وبناغرفة ومطبخ ازغير يم بيت اهلة شهرين وكملنا بناء وتحولنا ماعدنا غير بوفيه بيها ملابسنا وافراش قليل..عمتي منيره جابتلي طباخ وبنكة والدي جابلي ثلاجة ..واختي منتهى اشتقتلك زولي ومواعين..اغلب الاحيان ماعدنا عشى نتعشى. 😔مر ست أشهر عل زواجنا بدا الأقارب تسأل ليش ما صار عدكم اطفال..ام زوجي تسولف ادكلهم مايصير عدها اطفال رغم بعدني مارايحة لأي دكتورة ...بعد هاي الفترة راجعت عيادة نسائية وكالت لازم فحوصات كاملة انتي وزوجج بلبداية ماقبل يسوي تحاليل كال اني مابية شي اني سويت كل الفحوصات طلعت سليمة مية بالمية وأخذت منة عينة وسويت تحاليل آلة طلعت نسبتة ضعيفة 🤨
