رواية الإرهابي وذات النقاب الفصل الثاني بقلم ام غايب
ام غايب
توني وصلت للمنطقه شفت سيارات المكافحه بالباب
وكفت توهم نزلو بقيت واكف
ينعل غيرتكم عزوز وراشد دكيت عليهم جاوب
عزوز-لك خضررر تحاصرنه
خضر-عوفووو محمد...... واطفر من السطح بسرعه البيت الورايه بس حريم........ مكدورلهم بسررررعه عزوز
واذا ممفتوح الباب اعبر بالسطووووح واذا واحدكم الزم لا يخبر عل ثاني وصي راشد
انسد الخط بسرعه .........بقيت اترقب من بعيد مبحلق عيوني شفتهم .......خشوووو المكافحه للبيت من السياج لان جان مقفل الباب ......وتطشروا عل بيون يدكون البيبان ......صارت المنطقه انذار واكو بيوت هياكل مابيهه بيبان اذا عبر بيهه يلكفون
جنت مخلي بيبان داخليه جوه محكمه هم يحتاجلهم وقت يالله يخشوووون
رجعت سيارتي عل سريع ..... ورحت للفرع الثاني ......وابلع بريكي ....خايف عليهم .....لزمت الستيرن بيدي اثنينهن .....وقربت وجهي على الستيرن واباوع فاتح عيني بكل وسعهن ...ومتوتر ....اني رحت بيهه ميه بالميه...... بس ذولي مااريد اورطهم
عزوز-عفنه محمد ابن خالد وصعدنه عل سطح ركض
راشد يركض انزع نعاله هو توتر باوع على نعاله من كل عقله يريد يوكف .......عطت بي لك امشي
لك امشي استعجل حماررررررررر
وفتحت السطح طفرت بسرعه على البيت الورا بيته .....وورايه راشد.....تأذه أذته الطلقه ....عاط
سديت حلكه ....لك اللصم .......الباب جان مسدود مال سطحهم ....
عزوز_لك يالله شنسوي بتوتر وسرعه باوعت على البيت البصفهم ....مديت راسي.... هيكل ......
عزوز-بعصبيه .....راشد كوم ولك خل نطفر استعجل
راشد-عزوز مااكدر موجوع مااكدر اطفر
عزوز-رجعت علي بسرعه رفعته لك امشي مطي حيلزمونه ملحكت ....شافونه ومن البيت الثاني هم على السطح طاوقونه ........ ووجهو السلاح علينه بقيت اباوع عليهم وعلى راشد .....انتهيت وماكو اي مفر بعد طفرو طلعت سلاحي وجهته عليهم وهمه موجهين السلاح مااكدر......فيلق كامل تقربو علينه حاوطونه
ارررررررمي سلاحك
بقيت اباوع عليهم داير مدايري واباوع على السطح .....أيست مااكدر شمرت السلاح بالكاع لان داير مدايري رأساً لزمونه من ايدنه ونومونه على بطنه
لتتحررررررك ابد ....وكلبشونه باوعت على راشد خزرته .....
عزوز-كله من وره راشد .....تففففففو عليك ابو ثرب
مااحس اله ضربني الفوك راسي ...... براسي لتحجي هيووووووو ....كومونه ويدفعون بينه .....كمت اتنفس سريع من خشمي .....مااكدر احجي لان يهينون اكثر ...جنت اطلع حركتي اصك بسنوني
خضر-جنت اترقب .....انكلبت الدنيا .....مكدرت ادخل بعد طلعت.......عل سريع الزمو مبين......طلعت من المنطقه بسرعه .....الى ان ابتعدت وكفت السياره .....كمت اضرب بالستيرن حيل براسي
يااااااه واعصر بوجي واصك سنوني حيل وصكيت ايدي بحيث ايدي ووجهي يرجفن .......خرررررب ليش هيج ليش
شلون راح يطلعون من هاي السالفه........ماادري
دك عليه علي.......شغلته ......وغلقت الموبايل .....وطلعت السيمكارت .....كسرته وذبيته
وطلعت سلاحي من الجكمجه
اليوم اله اذبحهه بيدي ....بسيطه بت الكلببببببببب
اوكفيلي اليوم شلون اخليج تشمين الهوا ......
بقيت قريب على المنطقه ......شفت السيارات مال مكافحه طلعو من المنطقه .......
رحت اشتريتلي مكينة حلاقه .....ووجهت المرايه الاماميه على راسي....وبديت ازين بي سويته صفر .......رجعت طلعت موس طبرت حاجبي
ورجعت جرحت خدي .....المنطقه يعرفوني
لازم اغير خلقتي .......بقيت على الشارع واكف.....
اكيد راح تطلع ام الجعج
بعدين كلت خل اعوف السياره واخش للمنطقه برجليني.....واراقبهه من بعيد
صدك رحت امشي ومدنج عيوني خاف واحد ماحود يعرفني ....صح مااعرف واحد هنا بالمنطقه بس خاف يعرفوني ......بقيت اترقب من بعيد ....بالساعتين وطابك سيارتي بفرع قريب على الشارع العام
باوعت طلعت من البيت ....ابتسمت ...كمت امشي وراهه بس خطواتي بعيده عن خطواتهه
جانت معدله مشيتهه ....متتماوع اظاهر من تشوف ولد تتماوع .....
اليوم اله اخليج تتندمين على الساعه الي بلغتي بيهه
طلعتهه سريع مشيت كدامهه وجنت سريع مااريدهه تنتبه عليه ....وصلت قبلهه ....ورحت جبت سيارتي بسرعه ....تقربي بعد ....بعد ....تعالي واصك بسنوني
ماادخل للسجن بدون فايده ....اعرف هسه كاعد يدورون عليه ....بس وحق الله ماادخل للسجن فارغ بدون تهمه تستاهل ...
بس مااكدر اروحلهه باوعت بقت واكفه تنتظر
صعدت بالسياره بقيت اباوع عليهه .....اجتي عبريه مصعدت ......رادت تأجر تكسي .....كيفت .....رحت عليهه سيارتي سايبه صفره ...... وكفت
خفت خاف تعرفني باوعت على جهرتي ونزلت المرايه الاماميه على وجهي واحرك بيهه .... ....شلقضيه يابه شكلك يبين وتنفضح ومتصعد هاي ام اللسان جهزت السلاح كلت اذا كشفتني ....كبل اهددهه بالسلاح تصعد وكفت بالسياره كبالهه
ميمونه-بلا زحمه لشارع المغرب
خضر-٧كروه يلله صعدي باوعت عليهه ودنكت جانت عيونهه صفر حيل كمت اتسائل بروحي نفس العين لو ذيج يالون هنه جانن كبار هذني مدري تك وتك وحده صفه ووحده جوزيه
باوعت لك شلقضيه انت جنت اعمى لو شنو السالفه....انحولت وكمت تشوف لونين .... بس الطول نفسه مشايف منقبه بالمنطقه ثانيه غيرهه ....واصلاً طلعت من نفس البيت
ميمونه-مابيهه مجال ٦
خضر-صعدي يابه
صعدت .....حسيت بالانتصار ابتسمت ....ابتسامة نصر بس منتبهت عليه .....معرفتني
هنا اخذتهه وبيدي هيه .....بس وين اروح بيهه ....هاي المشكله ......وين وين اخذج واذبحج بيدي كمت افتر بالشوارع هيه ولا يمهه .....اظاهر متندل
......عدلت المرايه ووجهتهه عليهه
اباوع عليهه كل شويه ترفع عينهه وتدنك ......
وصلت منطقه مبينه جديده .....شفتهه من الجسر بيهه بيوت قليله .....
ميمونه-بلا زحمه هاي وين احنه وصلنه الشارع المغرب
خضر-شلقضيه متندلين
ميمونه-لا والله اول مره اجيهه بلا زحمه بشارع عمر
خضر-باوعت عليهه اي هو احنه هسه بشارع المغرب
ميمونه- بلا زحمه شارع عمر
خضر-سكتت وكمت اباوع عليهه .....بالمرايه
وادور مكان فارغ دخلت كومه اماكن بس بقيت اباوع اريد مكان اخذ راحتي بي....وكل شويه اباوعلهه اخر شي توترت ورفعت راسهه وجسمهه وتتلفت يمنه ويسره
ميمونه-بلازحمه انت وين جايبني ....خاف تيهت العنوان
خضر-لا متيه ولا يحزنوووون العنوان مضبوط
مشيت شويه ...شفت چوله ......ووكفت السياره ....ونزلت السلاح ونزلت من السياره بسرعه .....
فتحت الباب .....هيه خلت ايدهه كبالي ....لا فددددوه
ورادت تعيط وتحاول تقاوم
سحبتهه من السياره جريتهه من عبايتهه .....
ونزلتهه وهيه تتوسل .....خنكتهه بيدي بس عيونهه مبينه صارت حمر اخر شي عفتهه من حسيت نفسهه راد يروح
كامت تكح ....اختنكت وخرت البوشيه و عثرت بعبايتهه ......ووكعت وجهت سلاحي عليهه انصدمت
انتي منوووووو
لان اني شايفهه ذيج هاي وحده ثانيه
خضر-ااااااااانتي منيه
ميمونه-اني ميمونه
رفعت عبايتهه وطلعت رجلهه ....رجعت للثانيه ماكو هذا الماعوف شيسمووووو
انتي عندج اخت ثانيه لو وحده ببيتكم منقبه
بقت تباوع عليه وترجف ....
جاوووووووبي
ميمونه-اي اختي فلك
خضر-فلك طررررهه ان شاء الله
منو منجن بلغت علينه
ميمونه-محد
خضر-جاووووووبي انتي لو هيه
ميمونه-والله ماادري
خضر-اااااااحجي
ميمونه-ابوس ايدك والله امي ماعدهه غيرنه
خضر-منوووووو بيجن بلغت علينه انتي مبوشه وهيه مبوشه وشكوووووووو مبوشات
ميمونه-فلك
خضر-فلك .....فلك فلكهه ان شاء الله اذا مذبحتهه بيدي مااطلع ابن امي وابويه وانتي هم وخليت المسدس عليهه
باوعت عليهه بحقد......ليش بلغت
كامت ترجف حتى شفتهه مبين عليهه الرجفه وتبجي
الله يخليك ابوس ايدك
باوعت عليهه.....طنت بأذني الذكريات واني خاتل بس اسمع صوتهم
اشجان-ابوووس ايدك لتذبح ولددددي ولدي ....اذبحني قبلهم وكل ما جان ينذبح واحد بيهم تصرخ بعلووو صوتهه وجعني كلبي عليهه
ميمونه-ابوس ايدك ....الله يخليك لتموتني ....اخاف والله ....والله ماعيدهه بعد ....والله انقهرت على الطفل ....والله
خضر-انتي لوووو هيه وشيتي علينه
ميمونه-بقيت اتوسل بي اباوع علي شكله يخوف ....الوم بنفسي شلون منتبهت علي ...وصعدت ويا
غمضت عيني وبكلبي تشاهدت والمسدس بوجهي
خضر-متحجين شلقضيييييييه انخرستي احجي
هيه لو انتي تذبيهه براسهه
بالحالتين اثنينجن اكتلجن
ميمونه-الله يخليك والله امي تموت ماعدهه غيرنه ....والله اسفه ...مااعيدهه بعد ....واختي مالهه ذنب ......والله اني وذبيتهه براس اختي....جنت راجعه
من الشغل وشفتهم ..
باوعت علي.....شرايين كصته بينت وعيونه ....شرار
خضر-اذا ضربتج هسه طلقه براسج.....كبل تموتين
بس اذا ضربتج بأي مكان ثاني ....تبقين عايشه ....وهم تموتين من النزيف لان ابقيج وحدج هنا بالچوله ......
المشكله الفرق الموت السريع اريح الج ....بس البطيء يموت اكثر من الموت السريع .....لذلك تستاهلين تتعذبين
ميمونه- ...ضربني طلقه برجلي عطت وفتحت عيني من الوجع حراره صارت واحس العظم مدري شصار بي
عطت اكثر .....وجه السلاح على رجلي الثانيه لزمت ايده.......واني اعصر من الوجع .....راح امووووووت من الوجع
خضر-هذا المطلوب .....هسه ادخل السجن واني مرتاح شويه..... بسببج سنين راح اتإخر وماانطيهم جزائهم رجعت ضربت رجلهه الثانيه ....عاطت اكثر راح تموتين من الوجع والنزيف وهنا متلكين احد منطقه مهجوره مثل متشوفين
جماعتي بسببج راح ينسجنون ويعفنون بالسجن ....وحقي الي اسنين منتظره راح يتأجل
كمت وعفتهه تصرخ وتبجي ....المنطقه فارغه تقريباً ..... تبجي من الوجع ......تفاجئت من شفتهه مو هيه ابد مااعرف هنه اثنين
ذيج تختلف هواي فرق بينهن بالشكل بس الي مخلاني اميز ماادري عدهه اخت ..تفاجئت مرات جنت الاحظ المشيه بس دوم تلبس هذا المدري شيسمو صارت عليه هوسه
جانت تصرخ من الالم ... صعدت بالسياره وحركتهه ....
ووكفت ...محتار تذكرت امي واخواني وابويه الي جنت اريد اخذ بثارهم ....وتذكرت صرخات امي ....انصدمت من نفسي صح اني اطلع عركات وهوسات عشاير ودك بيوت بس مكاتل روح بحياتي
نزلت من السياره رحت تقربت عليهه
تون من الوجع وتعصر برجليهه .....
تدرين انتي من بلغتي عليه شخسرتيني.....خسرتيني اخذ بثاري
ميمونه- راح اموت بردانه حيل وموجوعه ....راح اموت
اخ ....راح اموت ....اخاف من الموت ....ماريد اموت والله
شلتهه وخليتهه بصندوك ....وسقت سريع لان خاف تفقد تنفسهه تختنك باوعت ايدي وملابسي كلهن دم شلون اكدر اداويهه هسه .....وموبايلي مفلش ....
.....كمت ادور بالمنطقه على بيت هيكل ....كوه لكيت .... رحت فتحت الصندوق تونون خليت راسي اريد اسمع نبضهه بي مجال لو لا .....
ميمون-بصوت يرجف راح اموت
وامي هم راح تموت لان كلبهه يوجعهه ....مبقه شي ونكمل فلوس عمليتهه .....
خضر-ليش بلغتي
ميمونه-غمضت عيني ....مااعرف شجاوبه ...طاقتي خلصت ورجلي تون عليه ...وتجري دم
نزلتهه بسرعه ودخلتهه جان مقفول بس الطرمه موجوده ومابيهه باب خليتهه بالكاع بقت مجلبه بتشيرتي .... نزعت ملابسي بسرعه جان اكو بوري جانبي
غسلتهن من الدم ورجعت نزعتهن وعيني عليهه
اللحظه ردت اساعدهه ورجعت كلت لازم تموت هاي
......طلعت وعفتهه ....صعدت سيارتي وكمت افتر بيهه
تأذيت هواي اول مره اكتل احد ....جنت اعرف بروحي وحش من داخلي ...وجنت اوحش داخلي بنفسي ...حتى اكدر اكتل ذباحين اخويه
طلعت بسيارتي اسوق سريع ....مو عبالك سايبه
وبداخلي وحش هايج ....مااريد ادخل السجن هسه اعرف خالد هسه كالب الدنيا عليه بقيت افتر بسيارتي واعرف سيارتي هم خطر عليه ......اكيد معممهه خالد على السيطرات
بقيت افكر بهاي ام تك عين .....ماتت لو لا هسه
انت كاتل روح يالاغم والروح حرمه شتكول الروحك
اي لازم اتعلم واقوي كلبي وتستاهل ....
مااعرف كتلتهه حقي بيهه لو لا .....جنت عصبي ومااشوف بدربي
ووحده مثلهه دخلت ٢زلم للسجن . ....وواحد شارد وماعنده مكان
مااخاف السجن ....بس اعرف اخيس بي وثاري مااخذه
احجي واجاوب روحي
باوعت على الساعه ... رجعت للمنطقه للبيت وكفت مالهه اثر واكو دم بالكاع ......تخبلت عفتهه هنا ....معقوله ماتت
صعدت بسيارتي كمت ادورعليهه بالمنطقه ماكو اثر الهه ....رجليهه اثنينهن ضاربهن شلون تكدر تكوم
واذا بلغت عليه هسه .....تزيد تهمتي ومااطلع بعد
طلعت من المنطقه بسرعه وشمرت سيارتي ....بفرع وطلعت منه بقيت امشي ماادري وين اروح ....أجرت تكسي للمنطقه
بلكت رجعت للبيت جان الفرع اظلم وبيتهم بي كلوب خفيف واصلاً ماكو بيوت بصفهم تسحبت ورفعت نفسي من سياجهم اباوع جانت
مره جبيره كاعده سمينه مدهربه مبينه رجليهه سمان وكصار مادتهن ....وبيضه توض وض بناتهه عليهه اظاهر
وتحجي ويه رب العالمين
ربي انت اعرف بحالي ....بتي وين راحت مالهه حس ....شصاب بنيتي ....وين انطي وجي .... انت ادرى بحالي ماعندي احد غير بس ابوهن وابوهن موات ميحس
لا عندي الولد اليسندني ....ولا الاهل الانتجي عليهم
رجعلي بتي ....مالي غيرهن بالدنيا ...وين وين اطي وجي
لاعندي الاخ الي بي خير لا العمام البيهم خير
مااحس اله طلعت فلك عرفت اسمهه من اختهه ام تك عين
كبل دنكت راسي هاي نعله تشوفني .....شويه ورجعت رفعت راسي حتى متحس.....جانت تبجي ..
فلك-يعني شلون يمه ....شلون فهميني كاعدين مجتفين نبقه وبابنه مسدود
ام فلك-شسوي لعد رحت للشرطه يكولون اله اربعه وعشرين ساعه ويكلولي خاف مهزومه ويه واحد....شلون بيه اذا صدك حجيهم
معقوله اختج تسويهه
فلك-لا يوم شتحجين انتي ميمونه ماعدهه هاي السوالف والله وداعة ابويه
ام فلك-دورت بالشوارع بالفروع كلهه ماكو بنيتي وين راحت
خضر-بقت تبجي بحركه وعيونهه مجمرات
انكسر كلبي عليهه ....نزلت من السياج ...طفرت ورحت طلعت على الشارع امشي ...جان مكسور خاطري بعدين كلت شلقضيه خضر لك انقهر على نفسك خطف وجريمة قتل
اذا ماتت اعدام وانت مماخذ حقك .....واذا مميته هم راح تبلغ وتصير مؤبد وانت كلشي ممستفاد
لازم ارجع اخطف واحد من ولد خالد وله خالد ميدليني بيهم واصلاً غايته يلزمني
بقيت امشي بالشوارع .... ماادري وين اروح .....باوعت هيكل طابق واحد مبني تسلقت على الحيط وصعدت فوك البنايه. ....كعدت نزعت حذائي رجلي توجعني ذبيته على صفحه
ونزعت تشيرتي وخليته جوه راسي اباوع على السما
غمضت عيني وجتفت ايدي حاولت اغفه ....مكدرت اصلاً
فكر يجيبني وفكر يوديني راشد وعزوز اصدقائي الوحيدين الي أأمن بيهم ونلزمو بسببي و حمصه مااضمنه لوكي يروح يصير لوكي خالد .....
شاهين مالي غير شاهين بس ماعندي رقمه وهناك شيوصلني قريب على خالد وهاي ام تك عين وين ولت لو كاتلهه احسن الي وخلصان
طر الصبح كمت لان منمت بالاساس ....سحبت حذائي نكته .....ولبسته ولبست تشيرتي وطفرت ماكو احد توه كاشف الكشاف رجعت رحت للسوك
اشتريتلي ترواكه بيهه كبوس ومناظر مااريد ابين واصلاً من زينت شعري تغير شكلي ولحيه خفيفه
رحت للمنطقه وعيني على بيتهم الحد التسعه بس اشوف كل شويه الباب ينفتح ساعه فلك وساعه امهه ويرجعن الخد مااخر شي شفتهن اثنينهن طلعن سريع .....مبين على ام تك عين
وراهن كمت ابجي فلك جانت اسرع من امهه ....وامهه مدعبله وكصيره وسمينه كوه تسحل بروحهه .....
فلك-استعجلي يمه بسرعه
ام فلك-كاعد امشي سررريع دخيلك يا ربي لتفجعني بيهه شكالولج همه
فلك-مااعرف بس كلولي انتو بلغتو على ميمونه عبد المحسن
كتلهم اي مقبلو يكلولي ....استعجلي يمه
جنت وراهم واتسمع الهم .....وصلو للمستشفى ....ببابهه امن ...خايف مااكدر اخاف يعرفوني اخاف معمم صورتي ...خالد
بقيت واكف الحد ما شفت عجوزه تسحل بروحهه ..كوه تمشي ....لزمت ايدهه
اساعدج يوم
الحجيه-ياهووووو انت وتباوع عليه
خضر-اشوفج كوه تمشين تحتاجين الزمج
الحجيه-رحم الله والديك لزمتهه ايدهه ترجف من ذني النسوان الكبار كلش ووجهن مكرمش حيل حبوبتي هم مثلهه بس اصغر ومدكدك حنجهه وحواجبهه بالاخضر لزمتهه ودخلت للمستشفى ....كالت ارتاح هنا كعدتهه كتلهه راح اروح اجيبلج مي وعفتهه ورحت للاستعلامات
خضر-بلا زحمه بت عمي اسمهه ميمونه عبد المحسن خابرونه عليهه
الاستعالامات-ردهه رقم ٦توني دليت امهه واختهه قبلك اجوي
خضر-شنو وضعهه
الاستعلامات -مااعرف روح هناك اكيد اكو ممرضات ومعارلي اهميه رحت مريت من يم الردهه لمحتهم وشفتهه جانت كاعده .......شويه وشفت ضابط وجندي اجوي .....كمت بسرعه ك قررت اطلع أأمن الي ....واراقب من بعيد البعيد
اكيد انطت معلوماتي هسه .....وكلتلهم
لليل طلعوهه واني وراهم ....بدون ميحسون ....
وكفو كبال البيت ....بقيت اترقبهم
نزلت من السياره وحاولو يشيلوهه هيه وامهه
بقيت اترقب اترقب الى ان انطفت الاضاءه مال بيتهم اتسلقت على الحايط جان الباب مردود ..... طفرت عليهم
بعدني توني طفرت طلع ........
