رواية ذاري النجوم الفصل الثالث بقلم زهراء السراي
:
تصويتكم بنجمة ياجميلات
قبل القراءة دعماً للقصة
كلماتكم الجميلة في خانة
التعليقات💛
:
✥━━━༺ زهراء جودة السراي ༻━━━✥
وأن حاولت كسري
فلن تجرح الا يداك
:
: عذبة
✥━━━༺༺༺༺༻༻༻༻━━━✥
بعد أول صدمة الروح تبرررد
ويحل الشته عليها ومايهمها
الدفووو بعد
1 ت
لازم أيدي وانا گاعدة
يم رازقياتي الدنيا
ليييل وماكو بس صوت العگاريك
بالماي وصراصير الليل صوتها
يصرچ
يعاينلي يريد يشوفني
شگول
-بس باوعيلي ترى اقصد
جاهلة صغيرة
2
-اي
-لا تجمدين احچي وياي
-مابيه شي اذا جاهلة علم گصدك
هذا طبعكم ماتعلمون البنات وكل بنات
السلف مابيهن وحدة تفك الخط غيري
وأذا جاهلة عمر عمري هسه ١٨
واذا جاهلة بالولاية وعوجة اللسان
مابيها شي اول وتالي أتعلم
وان چانك مستعر مني وتشوفني
ماانفعك مااخليك تحتار
نظل ولد عم وتظل عزيز
بس انا بهالدنيا ماعندي غير گلبي
واذا ناوي تكسره گلي گبل بوكت
حتى احزن والبس أسود خووووش
4 تع
-شبييييييج
-مابيه بس والله ياهاجس بكل
نزلة الك تكسرلك وصلة من گلبي
اذا تحبني صدگ حافظ عالبقة منة
گمت دگيت على چتافه
-ذني اذا لبسن نجوم
لا ينسنك اهلك وبت عمك
الناطرتك مثل ماي مطر
اول آذار تسگي گلبها
1 ت
مشيت طالعة ولحگني
-عذبة
سواها بضحك وجر راسي ضربني
بخفية ايده
-ولچ صايرة تردين وحدة
بوووحدة
-والبادي أظلم
دخل حجرتي وعاينلي
-گعدي
گعدت ومدد حط راسه بحضني يسولف
-عالتعليم بس نشيل لبغداد
أعلمچ والله اخليج حتى كلية تطبين
واذا عالحچي تتعلمين شويه شويه
خوش
1 ت
-خوش بس راح تبقالي
مثل گبل لو هم هوا بغداد
يلفحك ويغيرك
دار راسه على بطني عضها
-متسووودنة ولچ صايرة زلمة
لأن وحدددچ
محتاجة دلال زلمتچ
گعد گعدة وعينه بعيني
-عيونچ دومها تفتر بيها الدموع
-هاي العيون الماشافت الراحة
هيچ تصير
-وذيچ نظرة الوله بيه راحت
-لا كبرت ونزلت من عيوني لگلبي
بساعة التروح من گلبي احسبني متت
2 ت
صفن عليه محتار مااعرف سبب
حيرته شنهو
اليومين البعدها يطلع ويرد
للولاية گصلي ثياب جدد
ومخيطهن وجايبهن
گاصلي عبا جديدة ومخيطها
جايبلي چفيتين بدال الشيلة
يگعد بالليل يسولفلي على بغداد
1 ت
-تدرين گمنا نشوف عبد الحليم
-الله وشكله حلو مثل صوته
-حلو بس گصير بس ويا مريم
فخر الدين وفاتن حمامة
يسموهن هواااانم
-وين شفتهن بالشارع
-هههههههههههههه لا ياشارع بسينما
ريكس بشارع الرشيد
لو سينما النصر بشارع السعدون
ياويلي على جمال هند رستهم
-مني هاي
-ممثلة مصرية
-وتروح تگطع دوامك
-اي بالنزلات الما انزلها يمكم
اتونس هناك
والتياترو والتمثيليات
حلووووة بغداد
-من هاي گلبك تعلگ بيها
-هووووواي ولو شايفة
بالصيف يسوون سينما صيفي
بالهوا العذيبي سينما وعوايل تجي تتابع
-نسووووان
-اي نسوان وزلم وجهال
-مايستحن
-لا ليش يستحن وياهن زلمهن
من نروح غاد اخذج انت وابوي
وراح لدوامه هاجس هالنزلة هي
نزلة السنة الأخيرة بدت السنة الجديدة
١٩٦٠
استقر الوضع العسكري
رغم هذا مانزل الا بعد ست أشهر
بشهر السادس روحة متروسة غضب وعيونه
تجدح نار بسبب انتماءه لجماعة ضد حكم الزعيم
گعد يحجي ويه عمي ولسانه يبرد
شرار وعمي يهدي بي
اني گعدته وياي على گد اكلته
وشربته ونص وكته بالولاية يفتر
نزلته عشر أيام اجت بيهن
نعمة علي وعيونها بالحق گدام
عمي گعدتني وگعدته
-عميييي شناطرين
شمتااااني هاجس بعد
البت راح تخش العشرين
وهووو راح ياخذ نجماته
لييييش ماتعرسلهم
فز واگف
-لا تحطين روحج بالمالچ بي نعمة
2 تع
-اختيييي هاي الصغيرة شلون
مااحط رووووحي أنت موگفها لا المعرس
عليها ولا غيرك ماخذها
الخطابة كل يوم داگة بابها وعمي
يصد وهي تصصصد
بس شووووو طالت وهي گصييييييرة
-ماعلييييج انا وياها متفقين
عتتني من ايييدي
-متفقققققة ويا ولج البعمرج
عدهن كوكش جهال وانت تعدين
نجووووم حدر السدررررة كاااافي
يزززي عاد اخصمها هسه
لو اخذها وووووياي لبيتي
ورووووح اهلي
1 ت
عتني هو وخلاني ورا
-مررررتي بشرع الله
-موگفها للخدمة والكرااااب ياالافندي
ولك هاي ام ايدين الناعمات تكرب مكانيس
وتطبخ للعالم هاي ام عيون تحجي
بيها الديييرة صخام الجدورة
يغطيها استحي على دممممممك
هااااجس لو تلم مرتك
لو تفض قريان الفاتحة والمهر ونزوووووجها
2 ت
-اطلعي برررررره نعمة رجلج هااااي كسرتها
على ايدي اذا عتبتي هنا
-بيت اهلي وبيت عميييييي
مادايسة بساطك
-حصتچ واخذتيها مالچ شي هنا
الكل يصيح عمي وهاجس
ونعمة وانا ظالة بالنص
طلعت وعفتهم وراي سديت باب
حجرتي على روحي تغطيت
وانگطعت اصواتهم
فتحته دفعني للحجرة
-تشكيني لاختچ انا نعييييمة السايبة
العاتية تعيرني
ليييييييييش تشتغليييين دامني
اوديلچ مصرف
1 ت
باوعتله ورحت گعدت
-مصرفك لعمي والباقي منه
تلگه عمي ضامه بقوطية الك
-انا گايلج شي حتى ماتصرفين
-من ادش بيتك بعد تحل عليه فلوسك
-لييييش نعمة مچلبتلي هسه تريدنا
نعرس
-ماادري بس الادري الناس
اكلت وجهه من النشد والشماتة
هفتت ناره وسكت
عاينلي
-ترى ماظال شي ست أشهر واتخرررررج
تحمليني چا حبكت عالعرس
ضحكت
-أنا ما مطالبتك ومحللتك حتى لو ماتريد نعرس
مشى ودفر الباب برجله وطلع
نزلته گضاها بس صياح وعرك
هو وعمي لأن طرد نعمة
گبل لا يرد لدوامه اجاني
-انتِ خاف هم تطالبين بحصتچ
بعدين مثل اخيتچ
1 ت
-انا ماادور فلوس تعرفني
-من هاي گلتي لأبوي حصتي يم
هاجس دين
صفنت بوجهه
-حجاية التنگال بس ماردت عمي يشيل هم حصتي
-عالعموم انا المهة واطيجياها
مو نمونة
-وانا واهبتك هالچم فلس المايعلن
شان ولا يكبرن بخت الله وياك ابن
عمي
طلع ماشي التفتلي مرتين
متنطرلي ارشله طاسة ماي
بس هالمرة طشيت دموعي على
كل حچاية بزني بيها وكسر گلبي
ومشى ومشى وماكو مرسال بس الفلوس
تجينه بيد سايق الشيخ
گاطعني هاجس كلشششش چنه
مايعرفني ولا چنتله بيوم
گلب لامه وحضن دافي
مل عمي من الصبر هاي انتهت سنة ١٩٦٠
ودخلنا سنة ١٩٦١
وهو مابين ردته يرد بأي حال
عمي حتى تمرض علموده
وأنا محد مصبرني غير گعداتي
وية مزنة تجيني نگعد يم رازقياتي
وكلما يطول الوكت تگلي ايسي
لأن مرات ابچي گدامها لحد ما لگتني بمرة
گاعدة بصف الساجية
أدندل أصابعي بالماي البارد
وأهجس برودته تگص گلبي گص
وعيوني شابحة لغاد عالدرب
اليودي للصوب الثاني يم الولاية
روحي فزت وگالت إجه صارلي أسبوع على هالرنة أناشغ الهوا وبنفس المچان أنطر رغم السوا
بيه فزيت على صوت حفيف وخطوات وراي
التفتت بت خالي
عاينت بوجهي وسألتني بصوت يكسر الخاطر
-بعدج تتانينه الشمس غطت ورا الشط والطارش لسه ما ردلج خبر راد لولا
بلعت ريجي وگلتلها بصوت يرجف
-ها لا خايبة
منهو گالج أناطر أحد
أنا گعدت هنا أسگي الرازقيات گبل لا يطمس الضوه ويليل الوكت
هزت راسها وگالت
-يا رازقي التسگينه ولج
لو تسگين گلبج العطشان مناطر ذاك اللبس الأبيض والنجوم لمعت بجتافه
الولد صار ابن ولاية وعيشته تبدلت
1 تع
غمضت عيوني وحسيت چلماتها الأخيرة لچمت گلبي تذكرت وگفته حدر السدرة براگ الشط گبل ٣ سنين يوم الوداع من گال
-تانيني وحق هو الله
إلا أردلج وبچتفي نجوم أزرعها بجييدج گلادة
2 ت
عاينتلها بتعب وگلتلها
-خله يصير ضابط
وخله يلبس نجوم الدنيا كلها
يظل هو ابن عمي ورفعة راسي
مادامه ماناسي أهله وديرته
ويروح ويرد على أبوه
-خايبة الولاية خذته وغرته
هناك شاف العز واللبس
تظنينه يذكر سدرتكم وذاك الوعد
-خله ينسى الگلبه انترس ضيم ما تمر عليه ساعات فرح مايهمه الينسى واليذكر
خله يعلى ويكبر موش لخاطره
لخاطر عمي
-بعدج تودينه وتحبينه
نزلت دمعتي وگلت
-أحبه وهو جاهل نلعب بالتراب بگاع الشيخ
وأحبه وهو شاب يتختل حدر السدرة
تالي الليل بس كون يلمح طرف ضفيرتي وأحبه وهو ضابط وحتى لو صار وزير هم يظل بوسط روحي
2 ت
-بس هو مبين نساج
-خله ينسى أنا خليت الله ونجومه وگمره الشهدوا على گعداتنا هم الحكام خليت ذيچ الأيمان الغليظة برگبته
خله ينساني بس وحق روح هلي لأركب بروحه مثل الهاجس يمر عليه بنص ليله ويفززه
ويحرم النوم على عيونه
واجه راس الشهر
ونطرنا انا وعمي جية سايق الشيخ
بشهر الثالث جايب المصرف
لزمة عمي تلثمت انا وطلعت ويا
-عمي انشدك نشد
-گول ابو هاجس
-شني جعفر ماينزل
-مرات يجي يشوف اهله مرات لا
تعرف بعد بيته غاد ومرته غاد
-چا الفلوس منين توصلنا اذا محد
ينزل
-أنا أروحلهم لبغداد كل شهر اخذ
القاسمة الله لشيخ جعفر
-هم الك روحه لغاد
-اي رايح بعد يومييين
-اخذنه وياك بعد ابوووك هالولد
راح زعلان مني
-هاي هي على عيني عگب باچر
فجرية جايكم خوش
-خوووش
مشيت بعمي خطوات للحوش وسألته
-شلون تروح وحيدك
-غير عيوني وياي
-ياهو
-أنتِ شلووون اخليج وراي
هو گال هيج وانا طرت بجناحات
حمامة بين اجهز واعدل وانظف
هدوم عمي غسل وكوي مثل
ماعلمني هو وهدومي حضرتها
عباتي الجديدة والثوب
الجابة الي والشحاطة التلمع
والچفية التلائم لون الثوب
والعطر واجانه السايق عالوعد
رتبت علاگتي شيشة دهن حر
وسويتله تمر وزبد بشيشة
وخبزتله خبزات عروگ
اما روحي جريت الكحل العرب جر
ومال لون عيوني الاخضر صار طوخ
لبست الجفية الموردة ابيض واخضر
والثوب الاخضر الحلو وشحاطتي
وعباتي وريحتي وطلعت ويه عمي
توكلنا الدرب صار شطولاته
يامن يوصلني اله ويخليني
أشوفة عمي طول الدرب ينشد السايق
1 ت
-نگدر نشوفه بكليته
-اييي عمي شلون چا انا كل
شهر چنت اخذ الشيخ لو حرمته يشوفون
جعفر بالايام الماينزل بيها
وطوت السيارة المسافة بساعات
ودشينة بغداد
التفر الراس فر وتنغنغش العين
الوان الهدوم النسوان المفرعة
الزلم الافندية
ومنا لمن وصلنا الكلية
هوووسة واصوات عالية
وسيارات اول مرة اشوف
عددها
نزلنا وعلاگتي بيدي وعمي
يمشي بي السايق
دخلنا ولاحتلنا عوايل عالكراسي
ونسوان ينگطن ورد
وزلام بسداراتهم وقوطهم
وناس تهلهل وناس تبارك
باوعلنا السايق
-اليوم التخرج مالتهم لبسوهم
رتبهم كلهم
-چاليش ماادري انا شني عذبة
ماكتبلج بالمرسال التخرج هسه
-عميييي ماموديلي مرسال هالفترة وروح اهلي
مشى بينه بين صفوف الناس
ولاحلنا بطوله الفارع
واخييييراً حطت نجوم السما على چتافه
واگف وياه رجال عسكري
وويا نسوان ثلاثة مرة جبيرة
كاشخة
وبنات اثنين حلوووات شعرهن ممشط
حلوو وثيابهن وكعوبهن
صاحله السايق واحنه نقترب منه
بس وصل السايق وعمي هو
تفاجأ حضن عمي وقدمه للرجال
مشيتله أنا ملثمة لأن ما يرضى
بله الثام التفت وانفتحت عيونه
بسرعة اشرلي اوگف
جمدت بمكاني واجاني ماشي
علاگتي بيدي وصافنة
تقرب والنجمات يلالن اريد احچي
واباركله
عاينلي وعيونه تجدح
-شجابچ
2 ت
عت العلاگة من ايدي عت
وعينه تفتر عن لا واحد يشوفنه
ماعرفت شرد علي
-اجيت ويه عميييي
-بعللااااگتچ السوتلي خزيتيني
1 ت
وخرت منه ودرت وجهي اسمع صوت
عمي يحجي ويه السايق
رد بالعلاگة يم الرتبة وعايلته وضحكته
وصلتني واصواتهن الناعمة تنشدة
-هاي شنو
-هاي من العمال بگاعنا خطية جاية ويه الوالد
وهاي انا وصيتهن الكم من خير الگاع
3 تع
ركضت امشي وحدي اريد هسسه
اختفي وينمسح اثري من الگاع
اسمع صوت خطوات مسرعة وراي
وصوته يحجي بهداي
-عذبة اوووگفي
مشيت ماادري بس عالشوف اندليت باب
الطلعة من المكان
وگفت بره مااشوف شي مغوووش
عيوووني الدمع
وصدري حصرة تجمعت بي
اريد اصررررخ منا لمن تطلع روحي
مني واخلص من هم الدنياااااااا
وصلني وگف گبالي
صوته اهدى ووجهه يطي الوان
-باااعي فاجئتوني انتِ وأبوي
1 تع
هزيت راسي وسكتت
طاحت دموعي مسحتها بچفيتي الموردة
-شوووفي ترى مو انقص من قدرج خاف
سمعتيني ترى هذا اللواء الاشتغل عنده
اجة لبسني رتبتي وهو يعرف كل شي عني
يدري انا وحيد ابوووي
حرت وتتلوهت شگله عليج
2 تع
جريت نفس ذبيت اللثام وعدلت وجهي
-مرررتك أنا تروح تگله فلاحة بگاعنا
مامجذب فلاحة بگاعك وخدامة وكت اللزوم
-عذبة وروح امي مو قصدي
-خزييتك بعلاگتي
وانا السهرانه ليليتين احطلك بيها
شيحب گلبك وشتشتهي
ماادري بروحي راح انكسر بهالجية
ولك انت عمييي عمي الباع گاعه
الك ما طرشتله يفررررح بيك
وخليت الغريب يفرحلك
-ولك
-لزمتك هاي الچلمة زعلتك مو
روح هاجس ردلي عمي خل نرد لدريتنا
تذكرها مو وبوكت مايذبك ريح الشوگ تعاااال
انا وعمي موجودين
مشى مسرع وحچيي كسر شوكته
شويه ورد السايق بعمي وهو وياهم
السايق تعذر بعد وراح وهو اجرله سيارة
من الشارع عمي ليگدام مصعده
وانا ويا وره عمي يحچي بهداي
-چا بويه لوما جاي مااعرف بيك
تخرجت
-خرجونا من وكت يردون يحشدونا
صايرة بلبلة الزعيم اجه وخطب بينه
خطبة وكرمني لأن واحد من الاوائل
-وشني مكرمته
-فلوس بويه
-وماناوي ترد ويانه
-لا بويه وين اگدر ارد وياكم
بس اليوم اونسكم واغديكم
وتباتون وباجر تردون
ماحسبت لكلمته حساب
-عمي ردلنا هسه انا مااريد اظل هنا
هو گاعد بصفي يجر بيديه بين
ايدي
عتيتهن عت ورديت لعمي
-ها عمي شگلت
-اييييي
عصر اصابعي عصر
-بويه انا گتلك الليلة هنا تبات
-وين نبات بعد ابوك اكو خان نأجر بي
-لا انا ببيتي
1 تع
طاحت ايدي من ايده عاينلي يريد يحچي
درت وجهي وهو يفتر بينه بشوارع
بغداد ويسولف يأشرلي اشوف
وانا منزلة راسي وماببالي
غير الردة للبيت
وصلنا بمكان گعد يجيب اكل ويحط
وانا ان جان الميت يشتهي اكل
انا اشتهي
بده عمي يحجي
-منيلك البيت شو بويه سرك ببطنك
ماندري بشي
-بوية آجار بيت قديم هالگدوته
يم بيت اللواء وبيت جعفر
-هاااا جعفر هنا يمك
-اي بت اللواء الچبيرة مرت جعفر
هاي السلمت عليك
وباست راسك والصغيرة هاي الصافحتك
عاينلي حطله فخذ دجاج گدامي
-اكلي عذوبة
هزيت راسي يمي گلاص ماي
شربته
-ادري زعلتي مني والله بلا قصد
رااااح اطيب خاطرج بس انطري
1 تع
ابد مامديت ايدي على لگمة
طلع بينه نزور ابو الجوادين
خلاني اني وعمي وغطله نص ساعة ورد
اخذ سيارة ورد بينه للبيت
منطقة هادية مشجرة ورد
بكل مكان بيت قديم صدگ
دخلنا بي نظيف ومبخر
بريمز بالمطبخ
غراض طبخ وغرفة نوم
بيهة قريولة ومنضد صغير بي
مرايه وهدومه معلگه بتعاليك بالحايط
وهول صغير مفروش
وبي كرويته خشب وراديون معلگ برف
-ارتاح بويه
-ارد أتمدد تعبان بعد ابوك
-تعال نام عالقريولة
اخذ عمي وانا رحت ادورلي مكان
اذب عباتي
ماكو غير الهول نزعتها صفطتها
وخليتها على صفحة نزعت الچفية
وليت بالثوب
گعدت احس چتافي ثگيلة
من التعب والسمعته
دنيا بعد الغروب طب للهول
شغل ضوه اصفر بالمكان اجاني مبدل
بجامة وقميص مقلم
گعد بصفي
-عذوبة
-ها
-لايگلچ الثوب
-مطلعني حضرية مثل ماتريد
-لا مطلعچ گمرية
-هاجس
-روحة البين أجنابه
-من اجيتك ويه عمي اجيتك
وصخة سبالتي تجري
خشمي يخر هدومي وصخة
-لا لاااااا ليش ظال ببالج
الحچي
-چاليش هيج حچيت حتى
لو ماگايل مرتي چان گلت بت عمي
مادامني لا وصخة ولا ريحتي مو طيبة
-اگلج تتلوهت وحرت شگول
بعدنا نحچي واندگ الباب
طلع مشيت اعاين من الشباك البنية الچانت
ويه اهلها بالكلية بثوبها الاحمر الگصير
وشعرها الگصير الملفلف
وياها وحدة شايلة صينية
تحجي صوتها ناعم
-هاية ماما دزت العشة لوالدك
تگول چان عزمتهم يمي بالبيت
بس بابا راح طلع بعد الحفلة للشمال
-مشكور من الوالدة هووواي تعبت
روحها
ردت تعاينله وتحچي
-هاجس اسفة بس ماما تگول الفلاحة
الاجت ويه والدك اذا هذا شغلها
ماما تگول تگدر تسويلنه باچر كمية كليچة
وخبز عروگ لبابا من يطلع طلعاته
2 تع
التفت طاحت عينه بعيني
وردها
-لا البنية ماتشتغل نايمة
وباجر الفجر طالعين
مشت اعاينلها تعرج
ورجل اگصر من رجل رغم حلاتها
الزين مايكمل
بس طب اشرلي اهدى نزل الصينية
ورفع ايدي حتى يبرر الصار
-نحچي
-لا ارد أنام
عفته وراي وتمددت عالكرويته
-افرشلچ گومي
-مااااااااا اررررررررريد
كل خنگتي وضيجة خلگي طلعت
بهالصيحة
-شبييييچ
-شلووون هنت عليك
هيج انهااااان
اختنگت وصار نفسي يطلع بشهگات
وحدة بأثر الأخرة
-عاينيلي عذبة
گوة طلعت الحچاية من بين نفسي
المگطوع وقهرتي
-ويييين الله الياخذ عمرررررررري
صرخت حييييل وطحت للگاع
وهو يريد بس يلمني
مارضيت گوه گمت ودفعته رحت
للحجرة يم عمي جريتلي مخدة من المنضد
الصغير ولحاف كطن
ونمت مغطية راسي الليل المر كله
هو مراوسني على نفس المخدة
وايده لازمه ضفيرتي يبوس بيها
مد ايده لچفي لبسني معضد ذهب
مخرز بشذر أزرگ باس چفي
ويتعذر عالصار بس هيهات هاي الكسرة
الاخيرة بعد گلبي مابي مچان
وماكو شي بجبر خاطري بعد الصار
1 تع
احس علي وهو يمسح
عيوني ورمشي يمشي أيده
عالاثر جوه شفتي
-اصبريلي شووويه بعد
ماحجيت لحد ماطر الفجر واندگت
باب بيته واجانه سايق الشيخ
يردنه وياه
عمي تجهز وطلع بره للسايق
أنا الم بالفراش مالتي نضدته بمكانه
عالمراية لبست چفيتي
وعدلت عباتي طبلي للحجرة
صار وراي وحضني
دفعته مني ودارني اله
يريد يبوسني من قهرتي بقوة ايدي
دفعته ارتد ليوره وطاح
وگف صافن عيونه جدحت مد ايده
وضربني بكل حيلة على خدي
1 تع
خليت عيني بعينه ونزعت المعضد
حطيته گدام عينه عالقريولة
رص سنونه رص
-گوووويانة شوكتچ بس سهلة
كسرتها على ايييييدي
1 ت
غثيته وطلعت ساكتة وصعدت السيارة
ورديت منين مااجيت
اگعد بالليل حدر السدرة اعاين للنجم
انزرعت النجوم بمتنه
وشلعني من گلبه حقه ولاية
ونسوان حلوة مفرعة
عذبة شنهي اللافة روحها الف لفة
ونزل علينه بعد شهر
شهر الرابع بنجومة وقيافته
راكب سيارة تلمع وتلالي ويه
الشمس
وگف بباب البيت وصاح بصوت عالي
-حضرة الضابط هاجس سالم ال......
فز عمي اخذته بيدي وصلته يمه هو نزل للگاع
يحب رجل عمي
شاله عمي وباسه من چتافه
-يارفعة راس ابوووك يابووووويه
عاينلي ونزل عيونه واشرلي
-ماتباركين لرجلج
مشيتله مديت ايدي
صافحني وجرني لحضنه
مو ذاك الحضن القديم حضن بارد
فارررغ من الحنية
ارتاح هالليلة ونام لثاني
يوم صبحت الناس بين المبارك بكلمة
وبين الجايب ذبيحة وبين الجايبلة فلوس
والچاي والماي نتداور علي انا وسنية
وبنات خالتي
تالي الليل فضت الناس واعاينله
من سگيفة الرازقي
گاعد عالشط واول مرة اشوف
بيده جگارة
مشيت سمع خطوة جدامي والتفت
گعدت على حافة الشط گعد بصفي
-واذا نزلت وياج هسه
-هم أخاف
-افاااااا بعد ماكبرت وعليت وصرت
ضابط رديتي تخافين كون هسه تذبين
روح بنص الروج دام انا يمچ
1 تع
-الچف الطگتني مرتين وثلاثة
ماتأمنلها روحي للدوم
دفعني بخفية ايده للماي
غطيت وطفيت على وجه الماي اتراجف
ذب روحه وراي ولزمني بين ادي
-وهسه
ضحكت وصارلي شهور ماضاحكة
چفوفة بچفوفي
فرني بالماي فر
-تذكرين من چنه صغار
الجهال كلها تغط بالشط الا أنا
مگابلچ واسبح وياچ
بالساجية ومن يحلالج
تنزلين الا أنا وياج
عاينتله
-شغيرك عليه هاجس
-ماتغيييرت بس عليت شوويه
-عليت عليه
-عالماكو والفگر وقلة الحيييلة
رفعني يفر بيه بالماي ويسولفلي
ويوعدني بوووعود
طلعنا من الماي لبست هدوم
يابسة ودگ باب الحجرة وطب
-اكو اليه مكان بحضنج لو لا
گعدت واشرتله خله راسه على
حجري بتعب
-تعبان
-حيييل تعبان واجازتي گصيرة
ومحتااااار
-الله لا يحير عبده
عاينلي وعيونه بيها حچي
-بيك شي
-اذا طلبت منج حاجة تسوينها
-شنية تتدلل
-ترحين باچر لديوان الشيوخ
اريد تنظفينه
-وانا شعلي وانظف ديوانهم الخادمة تنظفه
-اريدج هناك من تكملين تجهزين كل
شي حتى الاكل تطبخين
-ياااااا صدگ تحچي هاجس
هذا انت التكره روحتي هناك
-جايني خطار انا وجعفر
-ياهووو
-نسابته واللواء جاي مخصوص
يبارك لأبوي وزحممممممة اكلف الشيخ بعزيمتي
-اذا هيج سهلة تتدلل
شويه وراح للحجرة يم
عمي الفجرية اخذني
بلشت ويه الخادمة الديوان نظيف
بس هم رديت نظفته
حضرت الدلال مال الگهوة
وقواري الچاي وانا والخادمة طبخنه
كل شي جاهز محضره هاجس
هدنه ونزل للولاية ورد بعينج وماتشتهي
من الفواكه كملت
كل شي واجاني لورة البيت
2 ت
-عااااااشت اييييدچ
وگوااااچ الله
-يگوي بختك هاي كل شي خلص بس
للصب بعد يمتى تريد انصب
- بعد الخادمات يصبن
انت ارتاحي ومن تردين للبيت بدلي لأبوووي كون
تلبسينه هدومه الجبتهن البارحة
-خوووش وانا البس واحد من الثياب الجبتهن
-لا انا اوديله السايق مال الشيخ بسيارتي ياخذه
بلعت ريگي مامصدگه السمعته
التفتت ماشي وردت اصيح ورا ليش
ما تخليني وياك هنا بس رووووحي
عزت علي رديت للبيت
6 تع
طلعت هدوم عمي لبس
عدلت غترته ورشيتله عطر
اندگ الباب اخذه السايق وراح
غسلت وصليت وذبيت روحي
بفراشي سمعت دگة الباب فتحته
الخادمة لافتلي غده
-هذا وداه الضابط گال خلها تتغده
وترتاح
اخذته من ايدها وخليته بمچانه
مامديت ايدي علي
والساعة مرت والساعتين والثلاثة
وردو عمي يتراااجف من الاعصاب
وهاجس وجهه مرتاح
عمي صاحلي
-ها عمي
-خل ياخذ غرررررراضه ويررررروح
-هااااجس
لحگني راكض ورد على عمي
-اييييييي لازم اروح
جعفر راح يروح وياي
ياخذ عايلة اللواء
واللواء محتاجنا بلبلة صايرة
وراح يسحبون قطعاتنا
عمي سد الحجرة وطب ماطلع
بعد
وهو صاحلي
-ادري بيچ ماماكله حمي الاكل اتعشى
وياج
-وعدنا يم السدرة
نفخ بوجهي بضحك وراح
حميت الاكل اكلت انا وياه
ومن هدة الوكت ونامت العيون
رحنه حدر السدرة
بس صرنا حدرها لمني بين
ذرعانة ومدري شني بيده
-هاي هديتچ
گال چلمته وخله بأذني ترجية
ورد عالثانية
باس خدي وجرني گعدنه حدر النجم
-الچ عليه كل شهر انزل
اجيبلچ وصلة ذهب
-چا ماتاخذنه
-مو هسة الاوضاع مدري شلونها
خل اثبت روحي غاد
واخذچ انتِ وابوي وهاي اديچ
التعبت
اريدها ترد ناعمة ماكووو زرع
ماتنمد ايدچ بس على زرع
الورد
كل شهر يجيچ المصرف
ساعة الانزل بيدي
واذا مانزلت بيد السايق
دللي روحچ والبسي واكلي لا
تجمعين خوش
1 ت
-وگاعي
-وصلة الگاع بصف الحوش
راح اترسها نخل وسوباط عنب
صغير تتونسين بيها
احطلج بطات تلعبين عليهن وبشوش
باس ايدي وطلع المعضد من جيبه
-هذا مكانه هنا
بعد مانامت عيوني مرتاحة لحچيه
هالليلة راح هاجس لدوامه
والفلوس الخلاها عمي حلف يمين
مايصرف منها من اسأله يگول
تعاركت ويه هاجس ومااريد فلوسه
صرت اصرف واگله ذني مني انا
وشهرين ورد هاجس ليلتين بس
يشوفنه بيها لأن حشدو فوج
المشاة ماله لزاخو والعمادية
وراوندوز
مانمت ليلتها مگابلته وگاعدة
عمي ابد ماحچه ويا لمن طلع الفجر
باس راس عمي
اندار علي حضني باس راسي
فوته من حدر القرآن للحفظ
وطشيت وراه طاسة الماي
وراح والشهر يجر الشهر
وماكوووو والفليسات العدنه
صرفتهن
وهناك اجتنه البشارة
بعد ماخلصت السنة
واجانه الخبر بيد السايق
والخبر هاجس رد تمركز ببغداد
وجاي هو وجعفر هالايام
من فرررحتي حرت شسووووي
نظفت وعطرت وروحي عاينتله
شلت شعر حاجبي
وشورابي وتكحلت يومين
وبين اول ما دش طگيتها هلهلولة
ركض باسني وراح لعمي طاح
على رجلي
-بوووويه چنت بوسط الموووت
ارضى عنيييييي
حضن عمي وگام يبچي
وعمي منزل ايده ولا رد علي
من قهرته عاف الحجرة مالتهم واجه يمي
بليلتهه انا الماخليته
نام ساندة راسي على زنده
ومرتاحة
-ليش هيچ بطيت
-شحجيلچ تدمرنا بالشمال
وهاي صارلي شهر من رديت لبغداد
1 ت
عاينت لأيده بيها اثر داير اصبعه
-شني چنت لابس محبس
3 ت
جر ايده وضحك
-لا هذا مكان الزناد مال السلاح
دومنا مستعدين
-اخذت بيت
صفنت بوجها
-اشتريت
-ايييييييي
حضنته واضحك
-رااااح تاخذنا وياك
-من الشهر الجااااي خوش
ولو صغير وقديم وبمنطقة شعبية
-شني شعبية
-منطقة عادية مو راقية
-وين ماچان المهم وياك
-فرحانة
-حييييل الله ماقصر وجبر گلبي
-اذيتج ذيج الفترة جنت مخربط مااعرف شريد
-هاي هي انسى المهم رديتلي
ثاني يوم فرحانة بجيته وصارت
لمة بالدويرة
هذا مچان محاوطينه بسياج
طين من يصير عرس
لو فرح عدنه بي تنانير وافران
طين نسوي بي اكل وكليچة
والبنيات يلتمن هاي التمشط
وهاي التحف وذيچ التتزوگ وتحني
روحها
چانت حنة وحدة من حموات نعمة وسنية
بلغت هاجس بروحتي عالواهس گلت اشويله
كليچات گبل لا ينزل لدوامه
فرحانة مدنشدشة بذهباتي الجابها الي
واخواتي وياي نسولف ونعدل برواحنا
صوانيي بعدهن مامستويات
وصاحت وحدة من البنات من طرف المكان
-خااااايبة عذيبة
مشيتلها
-ها خيه
-ولچ أحچي انا والبنات على صبرچ
وجلادتچ
صفنت عليها وصوتها العالي لم البنات
حوالينه
-صبريش ان شاء الله خير
-اگل لاختي هاي شوفيها عيونها
طاگة زلمتها عرس عليها
اگلهة هاي عذبة الچنها فلعة گمر
راحت جهزت
ديوان الشيوخ والغدة لشريجتها
3 تع
بلعت ريگي وردت الثانية كملت
-صدگ والله شفت الخادمة مال الشيخ
گالت عذبة طبخت لشريجتها غدة ينحلف بييييي
دفعت البنات ووصلت الباب
لزمتني نعمة
-رااااح اموت نعمة
-خلصي وموتي بهدااااي وووحدچ
جرتني تضحك
-چا شبيها ولچن مررررة ماتاكل مرة
وهاي عذوووبة المدللة معززة مكرمة
ومدندشها ذهب وحتى الشيلة ذبتها
مايرضى رجلها يريد تلبس چفية
يگلها هالجهامة مايلوگلها التعب
-چا خية شو مازفها
-غير اشترالها بيت ببغداد راح
ياخذها
انگلبت السالفة من شماتة
لمباركة والكل حواليه يسألني
عن هاجس ومرته الثانية بت اللواء
ركضت بعد ماخلصت للبيت ونعمة
ماتگدر تسوي بلبلة حنة حماتها ردت للبنات
وانا وصلت الحوش
هو ماكو گال انزل للولاية عدهم
شغل عسكري ويرد بالليل
اول ماطبيت ذبيت روحي حدر
رجل عمي جمد بمچانه
-شبييييچ يابعد أبوچ
-بروووح عمتي تحجيلي الصدگ
بلع ريگه وچنه عرف مقصدي
-بروووح أبوي شصار بليلة عزيمة هاجس
بييت الشيوخ
گام عمي جرني من ايدي وگعدني
-تسمعيلي وأنا أحچي
-أسمعلك برد گلبي فدوة اروحلك
-تتذكرين البنيات ويه اللواء السلمن
عليه
-اي مرررت جعفر واختها هاي التعرج
1 تع
-ايييييي يابويييييه
هيييييييي
لطمت على خدي
-البت العرجة شنييييي رااااايدها
-گتلچ سمعيني لا تلطمين خدج مايستاهل
اخذني هناك وسلام وكلام لزمني
الشيخ على صفحة هاجس محشمه
يحاجيني گال
- ابنك رايد سهاد
بت اللواء
- وبت عمه العاقدها ومناطرته ٤ سنين
-زووواجة مصلحة يفيد روحه
ويفيدكم وها ترى مبلغهم هو عاقد
على بت عمه مو عبالك مايعرفون
-ماااگعد بگعدة كسران گلب بنيتي
-لخاطر سمعة ابنك گدام الناس والشيوخ
وهاي الرتب الجاية لعيونك گاللهم ابوي
تعبان وضرير مايتحمل يمشي ليغاد
يخطب خلاهم حباً بنسبك
هم يجونك
شگلج يابويه گعدت ان چان هذا الحايط
حچة عمچ حچه لا اكلت زاد وهذا فنجان
الگهوة ماشربته ردني الدرب كله يتوسلني
اقنعج السالفة سالفة مصلحة
5 تع
-عمي
-يروحلچ فدووووووة
-عقدها مو
-عقدها هنا ومعرس صارلة شهرين
ابني عايش هناك دنيته كاملة بويه
منضمله مچان ومرتب وضعه
-وأنا عمييييييي وسهر ليلي
وتعب ايديه ومناطر السنين
والعشرررررررة هذا عمرررري النذرته
حدرررر رجلين هاااااجس هيچ باعه
بساع
-ضاعن بعد أبوووچ ضاعن
مثل ذاري النجوووم شايفته
من يمر الشهاب وذاري يتلامع ورا
بس تطفى ناره يصير رماااااد
تعبچ ويه هاجس ذارررري نجوووم
راح بويه طار ويه الريح
-لييييش
لطمت على وجهي وهو تلمس ايديه ولزمهن
-هذا الليش بووويه أبني چلببببب
چاليش طردته بساعة الررررد من العزيمة
گتله مالك گعدة هنا مادامك ظالم
عذبة
-يطلگني بس يررررد باچر يطلگني
-بس اهدي بووويه لا يوگف گلبج
-ياگلب عمييييي حتى گلب ماعندي بعددددد
مشيت للحجرة مالتي ونمت
بفراشي لزمتني رجفة قوووية
مااگدر حتى افكر بالسواه أريد
بس أنااااام منا لمن انسى
ماغمضت عيني وگمت من مچاني
مقهورة على عمي رحتله ينعنى نعاوي
حزينة بست راسه
-عمييييي انا اتعذر منك صيحت بوجهك
-ياااابويه ياكسرررتچ
1 تع
-عمي خل ناكلنا لگمة وتطلع تتونس
بالگاع يم البطات
-مالي خلگ ياعمي
-لخاطري أنا جوووعانة
گوة قنعته يرضى ياكل
خليت الصينية اكل ودموعي
تتلاحگ وحدة ورة الثانية
وگوة لازمة شهگتي ذب عمي
لگمته وصفگ چف بچف
-الچ الله يابووويه
شلت الصينية وعمي طلعت يفضي خلگه
بالگاع بصف الحوش
دشيت لسگيفة الرازقي
ومر العصر كله للمغرب
طببت عمي للحوش توضى
يصلي للغروب
ماقبل ياكل شي شربله
أستكان چاي وگعد متحزم
منتظر هاجس
بس ليلت الدنيا وگفت سيارته
بباب البيت فتح الباب أنا
بحجرتي صاحلي مرة مرتين
مارديت سمعت صوت عمي
-شراااااااايد منها
سمعت لهفته وهو يحاجي
عمي
-بووووووويه
-ها بويه
-بوووويه ارضى عنييييي بروح امي
خل اخذكم وياي بعد ماظلنه شي هنا
1 تع
بس سمعت صوته ينحب ويبچي
يم عمي طلعت للحجرة
شافني وضعي مخربط
وراسي طاگ من البچي
حطيت عيني بعينه
-عمي يروح وياك ماله غيرك
وانتَ مالك غييييره بس بشرررط
-شنوووو يشرط على رگبتي
-تفك أسري
صفن بوجهي وفز واگف
-تطلگني ياابن عمي
وگف حاير شيرد
-تطلگني وترد لمرتك البغدادية
الخاتوووون
تطلگني وتاخذ عمي مو تگول
بعد ماعدنا شي صدگ ماظلك
شي هنا أنا من يوووم البعتني
وغافلتني وأنا اطبخ وانظف
واحظرلك هدومك حتى تگطع
مهرك على غيري أنا تحرررررمت عليك
مشالي يفرفك بوجهه محتار
-اسمعييييني
سديت اذاني بيدي
-مااسمعك خوووووش مااسمعك
ولك هييييچ رررررخيصة
عندك
-زواجة مصلحة والله البت شفتيها
شبيها البت محد داگ بابها
ابوها وضحها گدامي گال الياخذ
سهاد اخلي فوگ النجممممم وأنا
ردت اوووصل
2 ت
-حتى لو بكسرررة گلبي
-بأي وسسسيلة ردت ابنيلچ
مستقبل غاد ورضيت اخذها رغم
البيها
-مابييييها شي على رجلها التعرج
هذا موووو عيب مرة كاملة مكملة حلوة
مثقفة وبت بغداد ولسانها معوووج
گووووول نفسي دنت أصدگك
لا تگول زواج مصلحة
-مصلحة ورووووح امي
عاينتله وحچيت ناسية وجود
عمي بالحجرة
-اخذتها موووو خليتها بحضنك
هز راسه مايريد يحجي
-ههههههههههههه شفت مووووگتلك
البت كاملة مكملة ومابيها شي
تعرررف انت شنووو
انت طمعت بت عمي الفقيرة
النطرتني سنيييين راح ترررضى
لأن مالها أحددددد موووو راح
ترررضى بعرررسي واقنعها
بوصلة ذهب
1 تع
ملخت الذهب اللابسته الجابه
الي وگع عد رجليه
انشرمت اذني وتخر دم على رگبتي
مديت ايدي اگطع گلادة النجم
ماگدرت
بچيت وعاينت للذهب بالگاع
-هذا كله جبته تشتري بي سكتتي
وانت ظالمني ومخليني هنا بيت
وقف وعايش دنيتك بحضن غييييري
مسحت دموعي ولازمة الگلادة
-ورووووح امي لو بس گلادة
النجم برگبتي ونعرس على نفس
فراشنا وبعدك انت هاجس مثل
ماانت چان رضيت
-وروح امي مثل مااني والله اريدج
-وتريد سهاد وتررريد المنصب
وتريد السيييارة وتريييد الفلووووس
تررررريد الدنياااااااا والاخرة
-بس اگعدي بروح أهلج ابينلچ
كل شي
مد ايده يلزم چفوفي بعدت
-أنت ادييييك بردت من تغيرت
چلماتك وأنا ايييدي جمرررر تحرگ
أنا ومن هالساعة حرمت رووووحي عليك
صاح عمي
-التريده بت عمك تسوووووي
-ماااااااطلگ مااطلگها ارررريدها
بووووويه والله أحبها
-لا لا ماتحبني اليحب مايغافل اليحبه
ويسوووي مضحكة
اليحب يووود حبيبه بكل ساعة ويا
ولگ گمت تگسم السنة نصين اشوفك مرتين
ثلاثة وبكل جية تثلم وصلة من گلبي
بكلامك تخليني اتمنى المووووت ويه اهلي
انا ثوووولة وخبگة
چان دريت من گمت تنام وماتنطرني
وحلت چلمة النعم بدال البعد رووووحي
وتدور عليه الززززلة
چان اشترررريت روحي العززززيزة وتطلگت
-ماااااا اطلگچ ماااااكو الليلة الفجر
اخذكم وأروح لبغدااااااااد
ترحييييين والله گدام العالم كلها ازززفج
لبيتي والله ماتهنالي عيشة بلياچ
أنا غلطت ادري برووووحي
-لا انت ماغلطت انت فجرررت بحگي
انا الچنت أعد نجوم السما حتى تلهيني عن غيابك
والله من ترووووح وتنبح الچلاب
اسرگي الباب عليه وعلى عمي
وبيدي المگوووار وسلاحك القديم
ومن نجوع ويقل العدنه ادورلي شي
من جوه الگاع اگول والله مااكسر بهاجس
گدام خووواتي ومااگلهن ماكو
اگلهن خيير من الله نذرت روووح
حدر رجليك حسبالي تستاهل
-والله اعووووضچ عن كلهن
وعيونچ
-ماااريد
بردت حجايتي وبهالساعة ربي ذب
عليه برد وطلع هاجس من گلبي
رحت لعمي بست ايده
-اذا تگول عذبة هي عيوني
ترضالي العمى
-شلووون يابعد ابوج لا
-گلة خل يطلگني عمي
مااظل ويا والله وروح اهلي
لوووو هااااي روووحي معلگة
بي مااااظل
-مااااااا اطلگ
-اموووووت روحي وعلي
اموووت رووووحي
ركض عليه حضني
دفعته ويا مادفعته جريت سلاحه
من حزامه ووگفت بعيد
1 تع
-اكتل رووووحي والله
سحبته وخليته على گلبي
عيونه غورگت وگعد بالگاع
-عوفي المسدس والتردينه يجرالچ
صاح عمي
-بوووووية عذيبة يامسدس بعد ابووووج
هدييييييي انا اخلي يطلگچ
-بوووويه وبروووح أمي اي شي
تطلبه لو روحي بس لا الطلاگ
ماااطلگها
1 ت
مشاله عمي وشاوره مدري ششاوره
وهو وجهه اختلف وأرتاح
عاينلي وهز راسه
-اطلگچ هاي هي
-احلف بداعة عمي
-وداعة ابوييييي هاي هييييي
هديت المسدس اخذه من ايدي ومشيت بالباب
-باچر من الصبح تجيب المومن
طلعت وگعدت بحجرتي بعد
ماسرگيت بابها
برد برووووحي مثل عين
الخووورة مال الهوى مابيها شي
بس فااااارغة وتخوووف
ناطرت الصبح ساعة ساعة وحتى
صلاتي نسيتها طلعت الصبح
فايت وكت لگيت عمي بالحجرة
-تعاي بووويه
-ها عمي
-اخذيني للربعة اتاني هاجس
والشيخ
ومشيته وگعدته بالربعة
ضحوية طب هاجس
ووياه سايق الشيخ
وزلمة آخر وداهم للربعة
وردلي دفع باب الحجرة
ماحجه ولا حجاية
بهذل احوالي اريد اخلص
روووحي منه ماكو سد حلگي
بيده وحل ضفيرتي يمشط بيها
بأصابعه وشفافه برگبتي
يشتم الهوا وحاضني مخالف ضلوعي
-والله والله رادچ الي
لوووو تموووتين ماتصيرين لغييير
هاجس
1 تع
باسني حييل وعافني ومشى لباب الحجرة
-تعاي وياي
لبست عباتي تلفلفت وطلعت
گعدت بصف عمي وبدع الشيخ
ساعة نصيحة وكلام
ووگع الطلاگ وقعو بعد
ماحچينه اثنينة بالموافقة
وطلعو ظلينه انا وعمي وهو للحجرة
عاينلي ونزل راسه
عمي صاح
-تحرمت علييييك بوووويه
لاتغضب الله علمود نفسك الامارة
بالسوووء
وانتِ بووويه وهم تحرم عليچ
الصار ماينحچي ولا ينگال
لأحددددددد خووووش
1 تع
وگف مايگدر يحجي
-بوية انا نازل لدوامي
مشيت وخليته وراي طبيت
الحجرة واجت ساعات الوجع
وهاي أحنه انتهيييييينا وخلص
كل شيييييي وين المناطر للفجر
وساهر الليل والچلمات وابيات الغزل
وين هاجس الچان مايغفى اذا
ماشم طارف ضفيرتي
هيچ باعني واشترى بثمن سنيني
غيييري وانحل شعرها على صدره
ولبست روحي الأسود
وچودر بگلبي القهررررر بس الصار
طش الخبر اخواتي تسودنن والقرية كلها
درت بيه انا الهديته لأن عرس عليه
وشهر والثاني مررررر وهو بس يودي
مصرف حللته وعلى عمي حرمته على روحي
وبنص الشهر الثاني انفتح باب الحوش
وطب هاجس شايل بيده
چيس چبييير بي بدلة بيضة
منفوشة نفش وترس الحوش علاليگ قِصٌصٌ مَآيِّ هِوِبَِّس
شافني ذبيت شيلتي على راسي
-شلونچ عذبة
-من الله بخييير
هز راسه يعاينلي
-ابوووووي وين
-بالگاع بصف البيت بصريفة الگصب
راح شويه ورد هو وعمي
عاينلي واشرلي رحت وراهم للحجرة
-اگعدي بويه هاذ انا أجيت
عالوعد مو گتلي البت گلبها محترگ
لو تسوي بروحها شي طلگها وانا
اردها الك بس خل ترتاحلها شهر
أنا سويتهن شهرررين وجبتلها عدادها
ونيشانها وياي وحتى ثوب العرررس
ازفها منا لبغداد واطيب خاطرك
وخاطرها
بلعت ريجي وعاينت لعمي مناطرته
يمتى يرد علي خفت لا صدگ عمي
يطلب يردني اله وانا مالي غير
عمي مااكسرلة حچاية
صاحله وصاحلي
-تعال هاجس وانتِ بويه عذبة
تعاااي
گعدت يم عمي مدلي چفه طبطب عليه
-اسمعو هالسالفة والعبرة منها شنهي
-ياسالفة بويه
-سالفة الواوي والشايب المومن
يگلك أكو شايب يمشي بصحراء مابيها
بس الرمل تاييييه تعبان ماكو بجعبته
بس جود ماي وكسرة خبز هايم على
وجه الگاع يشوف الخضار من بعيد
بس مايگدر يوصله
بنص دربه سمع صوووت ونييين عالي
مشى مشى مايعرف الصوت لأنس لو جان
لحد ماطاحت عينه على حفرة چبيرة
عاين بيها ياسبحان الله هذا واوي
گاله
-هااااه شطيحك هنا
گاله الواوي
-صارلي ثلث أيام حرگتني الشمس
-واكيد هسه جوعان وعطشان
-اي والله روحي انسلبت
-شوووف اريدك تحلفلي بأيمان الله
الغليظ أنك ماتغدر بيه ولا تخون الحلفان
-احلفلك باالله مااخون الحلفان
گام الشايب المومن حل عمامته من راسه
سوااااها حبل وذبها للواوي بالحفرة
طلعة صعد الواوي يتراااجف من الجوووع
والعطش
المومن حل جعبته وشربه ماي لمن
شبع وخلاله كسرة خبز بحلگه
مدد الواوي والمومن غشه عنه الشمس
حتى يرتاح لهناك صحة الواوي
وبغريزة الغدر وگف للشايب مكشر
سنونه
-أنا جووووعان
-انا وكلتك العندي ماظلي بس شربة
ماااااي
-انا جووووعان وانت وجبتي الحاضرة
مد الشايب عصاته يحمي روووووحه
-ويمين الله الحلفته
-عند السبب يبطل العجب وانا جوووعان
وانت موووجود ومن حصتي
گام الواوي يهادد والمومن يذكره
بأيمان الله الغليييظة لحد ما صاحله المومن
-اووووگف هذا موضوعنا لازم
يحله طررررف ثالث وانا اشوف زلمة
بذاك الدرب البعيد يمشي
نتاني ونشوف ياهو الحق وياه
انا العنتك وساعدتك
لو انت خاين الزاد والملح
والله الواوي مكشر سنونه
والمومن يستغفر لحد مو وصلهم رجال
خير عاينلهم بعد السلام والمومن حجاله
القضية كلها
عاينلهم الرجال اذا گال المومن اله الحق
الواوي ياكلهم اثنينهم
واذا گال الواوي راح يتحاسب يم الله
مشة يم المومن گاله انا مافهمت انتَ
وين شفت الواوي حتى احكم بالحق
-هناك بذيج الحفرة
-وانت وييين جنت يالواوي
-ببطن الحفرة
-شو بالله شوفني شلون ببطنها
مثلي الصار
راح الواوي وذب روحه بالحفرة
وصاح من بطنها
-أنا چنت هنااااا .........
1 ت
ماخلا الرجال يكمل عاينله وگاله
-وراااااااح تظل هنا ياخاين العشرة
والملح والزاد
ولا رباااااااط سالفتنه هسسسسه
فز هاجس واگف
-بوووووويه حلفتلي
3 تع
-وانت حلفتلها أيمان غليظة وچنت تشهدني
وتگلي مااريد غيرها
انت مثل الواوي خاااااااين
طمعتك بالشهر حتى ابردك عنها
-أنا مو أبو أحد أنا أبووووو
الحگ وعذبة هي الحگ
-يعني شنيييييي بووووويه
-يعني مالك مرة يمي
عذبة مهرة أصيلة
واجاها خيالها
:
