رواية في ظلام مغتصبي الفصل الثلاثون بقلم توتة
ليـت الغـلا مـع نسمة الليل جابك
وليت الحنين اللي بقلبي سكن فيك
طاحـت مراسيل الهـوا عنـد بابك
وتاهت خطاوي عاشقك في موانيك❤️
༺༻༺༻༺༻༺༻༺
حالتي من سيئ الى اسوئ صح محد مقصر وياي بشي ابد حالي حال البنات بس التفكير هلكني هلك كلش
متت ولا اكل ولا اشرب ماعرف أسمر شصار وياه وليش هيج مختفي ومنگدر نوصله ..
طيبه/ لخاطري بحر والله حرام عليج اتسوين هيج
بحر بدموع/وين راح مغلق ليش هاي صار شهر ونص وهوه مختفي كتله لتروح ماسمع مِڼـّي
ضي بدموع/ ليش امي واخواني احسن من حالج كلها خايفه عليه
_وين وين اروح وين انطي وجهي وين ادور علي ولج ولله ليل ماگدر انامه
ضي/ وين ادورين علي انزلي يم امي فدوه احجي وياها راح اتموت والله صبري عليها شويه
هزيت راسي بأي مسحت ادموعي ونزلت جوه لعمتي
ام عفوان بدموع/ تعاي يمدهوره تعاي ولله هديتو حيلي انتم
نزلت يمه كوه مسيطره عل دموعي روحي محتركه ومخنوكه كلش
_ عمه فدوه اروحلج ما يقطع من رحمه الله اله الكافر اني عندي أمل بربي اسمر ما بي شي اكلي شي هيج راح تموتين
طيبه/ فدوه يماا لخاطرنه والله نضيع بدونج اكليلج شي
ام عفوان/ وين راح وليدي كضه عمره مشلوع كلبه مارتاح يوم بحياته
_ بست ايده لخاطر وليداتي غير يموتون عليج بحضينج انهار كله اكلي شي فدوه
طيبه/ يالله يوم فدوه لخاطرهم
عمران/ كولي يالله يوم هل جاي نتصل عل رائد مالتهم ونشالله يرد بس نوصل الهم اكولج ولله هسه اكليلج شي
راحت ضي جابت اكل وكلته بيدي واجو جون وجاد وجان ويمه هم سوو واهس كلش للغروب صعدت
وجهالي بره وعمران ما بطل اتصال ابد اتوضه اريد اصلي سمعت صياح لو ماتن رجله مَآعِرَفتّ شنوو صار گــلبي نعصر عصر من الصياح
ام عفوان بصياح/ ياااااا اسمررررر ياااا يمااااااااا
يااا شبابك يا يمه ولك اسمرررررر يمه
طيبه/ يماااا اسمرررر وليداتك ليش هيج اسمررررر يا خويه.
ما صدكتك البنات يلطمن طيبه ضي عماتي جناين كله عل الصياح انكلب البيت بس صياح وصراخ التمت علينه الجيران كلها
ام عفوان/ يا بحران يا عمه ولج رااااح ابو وليداتج راح أسمرررر
اني بس صافنه مامصدكه الكلام الي يحجونه وكعت من طولي ملخت روحي اريد اطلع صوت اختنكت ماگدر
خلود/ ركضنه عليهه خطيه الله يساعد گــلبها
امنه/ دخلوو اكرم وعمران وعفوان وغالي ومحمود كلهم دخلو يبجون واكرم يملخ بروحه اتملخ ويلطم علئ صدره
بحر بصياح/ اسمرررررررر ياااا يمااااا اسمرررر ليش هيج ليششش كتلك لا ترووووح لا ترووحححح ليش يتمتني ويتمت ولدك ليشششش اسمرررر خلود فدوه كولي جذب كولي جذب اسمر ما يعوفني كولي جذب هوه گال ماعوفج شلوووون يروووح هيج شلووون يخليني مكسوره.
امنه/ يمااا انريد نلزم اديه ملخت روحها لا شعر لا وجه وتلطم عل وجها وتصرخ بصوت عالي
بحر بصياح/ ليشششش ليشششش ربي ليشششش اخذته مني ليششش يمااااا ليشششش عممممه ررااااح راااح اسمررر راح ابو ولدي شلوووون بيه
موده بدموع/يا يمه يا حضج يابحررر. المصايب ادورج ادواره يا حضج
رقيه/ فدوه عمه عل كيفج احنه نريد انهديه خطيه انتي تزيدين عليها
موده/ ويلي يحضج ويلي ما ناويه ترتاحين ولج لو ميته ولا هل عيشه هاي
بحر بلطم/ووووين الموووت وين ما اخذني اني وخلاه هو لجهاله ليش اخذه وخلاني عايشه ولج عمممممه گتله لاترووووح ماسمع منيييي.
طيبه/ حلكها كام يصب دم تلطم عل وجها وتملخ بروحهااا
اكرم/ كاافي والله اتاذينه هيج والله حرام الي تسوينه
_وين انطي وجهي وين وين اروح خويه هو ضلي وهو خيمتي حاميني وحاوينه من الضلم كله وين اروح هسسسه
اكرم/ كلنه اخوتج بس لا تسوين هيج شوف شصار بوجهج.
طيبه/ ولا سمعت ابد كضت اليوم كله تملخ بروحها اتملخ وتبجي وتصرخ
اكرم/ فدوه لطولك ميثاق حاجيه راح اتموت روحها مايصير هيج
ميثاق/ وين ادخل ولك البيت مليان نسوان بعدين منو كال ميت ماكو جثه اله
اكرم/ العميد كال صار فتره مئسورين حاولو ينقذوهم بس ما كادرين والمكان الي بي هم كله مفجور
ميثاق/ يعني حته جثه ماكو الهم
اكرم بدموع/ اي محتركين صايرين فحم يكول ما نعرف راس من رجلين.
ادم بدموع/ عمي اكرم جيب الجهال ناخذهم ويانه خطيه يضلون تاهين هناا والصريخ والمكان يخوفهم
اكرم/ اي والله عمي وخطيه خافين من صريخ النسوان
عفوان/ دير بالك عليهم عمي فدوه ماوصيك
ادم/ يمي والله اني ربيتهم بيدي لاتخافون عليهم
اكرم/ دخلت جوه البيت عباره عن نسوان كلها تبحي وتنوح ..طيبه طيبه
طيبه بدموع/ هاا اكرم
اكرم/ جان وجون و جاد جيبيهم يم ميثاق
طيبه/ فوك يم امهم فقدت
اكرم/ جيبهم يريدهم ادم ياخذهم يمه
طيبه/اي رايحه اجيبهم صعدت عليهم يكسرون الخاطر يباوعون علئ امهم ومايعرفون شنوو الصار اخذتهم ونزلت جوه. ... اكرم وصي عليهم
اكرم/ ما عليهم شي تعالو عمي
من سمعت بالخبرر فقدت انهاريت مَآعِرَفتّ شسوي بروحي ملخت روحي ضربت علئ وجهي علئ جسمي اريد ارتاح ماكوو فقدت گعدت جهالي ولا ادري بيهم وين صفت بيهم الدنيا بلاعيمي ولاكدر احجي منهم صوتي كله راح
ملك/ هاج هذا حليب اشربي لبلاعيمج زين
هزيت راسي لا واني دموعي تنزل عشره عشره اريد استوعب الصار ماكدر
ملك/ الساعه ب2 بحر نامي شويه
حجيت بهمس صوتي رايح من الصريخ ودموعي اتصب كل ما اتذكر اخر مره يمي
_شنام شنام ملك واني روحي راحت وياه توني بلشت احبه وراح مِڼـّي
رقيه/ لخاطر جهالج ما يجوز علي بعد بس الرحمه صليله اقريله قران لاتخلصينها بس بجي
_عساني بالموت ولا هو ضال يدلل جهاله يشمهم وي الهوه
رقيه/ حرام عليج فكري بيهم ما ضل الهم غيرج بالدنيا صيري قويه لخاطرهم.
_وين هم ما شفتهم من العصر
ملك/ خاب ما نسمعج شتگولين
_ اكلج وين جهالي ما شفتهم
رقيه/ اخذهم ادم يمه يگــول يخـافون من الصريخ
هزيت راسي بـ أي طلعن من الغرفه واني عيوني ما غمضن ابد بس يصبن ادموع علي اتذكرت اخر گـعده هو زعلان من كعدته وهو نايم ما صدك من كتله احبك
…
اسمر/ بداعتي عيديه
_ وخر ما صدكت شنوو
اسمر/ شبيج وين سامع وحده اتكلي احبك هيج بهل كميه من الحنان لو ادري بيهم خاطفينج من زمان مو احسن
_هاا هيج اتكول
اسمر/ ههههه يجوز بدلو صماخج العنيد وخلولج واحد جديد
_ وخر عني زعلت والله
اسمر/ ههههه اكعدي ولج والله اتشاقه وياج
_تتشاقه اتكول لو خاطفينج من زمان يعني عاجبك الصار بيه موو.
اسمر بخدر/ لج افقد واموت عليج من ازعلين هيج وتدلعين گــدامي لو ما. هاي الست عليج هسه جان عرفت شسويلج
_ بلعت ريكي يااا شسويلي
اسمر/ نلعب غير انتي بحضني تلبدين واني ادور عليج وابوسج هيج افيششششش يراحتي ولج شهل عطر
_ههههه هاا هااا بلشنه تتحرش
اسمر/ عليج الله من اتقربلج وابوسج خو ما اتضوجين لو تتذكرين شي
رفعت راسي لان اني ضايعه بحضنه وهو ضخم بسته من ركبته
_ لا
اسمر/ اخخخ يابه هسه هذا الي تحرش بيك وانته صايم ما تگـدر تفطر
_ههههه ابقه صايم للغروب حته تفطر
اسمر/ لا تعيدينه هاي اموتج مو هسه من اتخلصين الفلك البيج
رجعت بذاكرتي لواقعي ادموعي ينزلن احسن يدخلن بذاني بس ارجع والله كلشي اسويلك بس ارجع احبك بكل حيلي وقوتي الي اخذته مني ليش عفتني لوحدي أسمر غمضت عيوني مثل الجمر اندك الباب دخلت طيبه
طيبه/ كاعده بحر
_ تعالي
طيبه/ دنيه الفجر صلي حته ننزل بس شويه تجي الملايه ونسوان
هزيت راسي گمت بدلت اهدومي هذا ثالث دشداشته اشكه من من حركه كلبي وحياتي وعيشتي الي ما راضيه تتعدل سبحت وبدلت ولفيت شالي ونزلت جوه
ام غالي بدموع/ تعاي عمه اكليلج لكمه اشربليج شي حار لبلاعيمج
_ ما اريد عمه عمتي وين شلون صارت.
خلود/ عمتي ما گــعدناها خطيه الفجر يلا نامت
_خليهه من تجي الملايه نگعدها اكرم وين
طيبه/ شنوو
_خاب اكرم اكرم وين جهازي ما ادري بي وين اريد اساله هم متصل عل ميثاق عل جهالي اريد اعرف شصار بيهم
ضي/ اتوقع ميثاق هناا بالفاتحه
هزيت راسي وسكتت اخذنه شويه وعمتي گعدت كوه جبرناها تاكل علمود علاجه
ضي/ هذا اكرم يريدج بحر
ام غالي/ شلون تطلع حرام بعد لعزم تلزم العده
_لا ياعده عمه والله گـلبي يكلي اسمر عدل متاكده ميعوفني
طيبه/ اتقبلي الواقع بحر فدوه لاتسوين بروحج هيج
_اسمر عدل ولحد يجادلني
ضي/ تعاي يلا
طلعت اني وضي اشوف اكرم شيريد
_ هاا خويه
اكرم/ عمج معاذ يگـول تمشين ويانه بليل لان بليل توكع الفاتحه وادم يريد يسلم عليج
_ لا ما امشي وي عمي معاذ وينه عمي ادم
اكرم/ ماشي
بقيت واكفه مكاني انتضر عمي ادم شويه واجه شفته لو دموعي صارن وحده تسابق الثانيه
ادم/ شلونج باباتي
بحر دموع/ الحمد الله زينه عمي وانته
ادم/ ليش هيج بحر ملخه نفسج وصوتج كوه ينسمع مايصير بويه
_عمتي ليش ما اجت وياك
ادم/حامل وتنزف خطيه ما خليته تجي
_ لا اذا هيج معذوره جهالي وين
ادم/ يمها لا تخافين عليهم
_ ماشي
ادم/ ليش ما تمشين لبيت عمج معاذ ترتاحين شويه
_ اسمر عايش عمي والله عايش ليش محد يصدكني هسه يرجع وميلكاني
ادم/ بحر عمي اتاكدنه من الرائد لاكين السلاسال
الي بي اسمه من ضمن المحترگــين
بحر بدموع/ ما اصدك والله عمي ما اصدك اسمر عدل گـلبي حاس هوه عايش
ضي/ بقت تحجي ويه عمها شويه وخلت ودخلت لا اكل ولا شرب هس تموت
ميثاق/ هاا عمي بشر شفتها
ادم/ عساني لا شفتهت اتگطع الگــلب
معاذ/ ليش ما تقبل تجي تلزم العده عدنه موو احسللها
ادم/ اتگـول اسمر عايش ما الزم عده عليه
معاذ/ بكيفها شنوو
الجد/ بعد شويه ناخذه ويانه ترتاح هناك
عمران/ عمي عل كيفكم وياها طفله وما مصدكه خلوها واحنه نجيبه الكم
جواد/ الله كريم
طيبه/ خلص اليوم وبحر شويه وتموت الملايه سوت فلك بالبيت صار عباره عن صريخ
خلود/ بحر بحرر انطيني مي ضي
ضي/ هاي ثالث مره تفقد حقها لا ماكله ولا شاربه من امس كل ماتبجي وتصرخ يغمي عليها
خلود/ اكلي عليج النبي بس هاي الي بيدي
_ صدري يوجعني يمه اااه
امنه/ حقه من امس دك ولطم علي ولا داخل شي مبلل كلبج مايصير هيج
اخذت لفه منه بيه تمر وكرفس ودجاج من الثواب الي بالبيت وشربت كلاص مي سوو ثواب الولد وعشه للزلم
رقيه/ عمه موده زوجج يريدج
موده/ خير هسه اروح اشوفه
_عمه اذا كالج تجي ويانه كليله ما تمشي
موده/ ليش ولج
_ ما اريد اروح هناك اسمع كلام من مرام مرت عمي ومرت ابوي هنا احسن
موده/ شدخلج بيهن تعاي وياي وشحدها التحجي عليج.
_ما اروح
موده/ تمام ؏ راحتج رايحه أكله
اتعشت وراحت عمتي طحنه بالبيت وغسلناه اني والبنات الجو صيف وحار وتعبانين من الفاتحه اني ما احجي لان محد يسمع صوتي وجهالي عد عمو لحد هسه ماشفتهم
طييه/ بحر
_هاا
طيبه/ ابوي يكول لازم تلزم عده وتحد
_ما اريد والله عدل اسمر ليش محد يصدكني
طيبه/ انتي خسرانه شي مجرد محد يشوفج من الزلم تحصلين حرام وانتي مؤمنه
_اشوف افكر
خلصنه غسل البيت كله ونضفنه كلشي رغم حيلي مهدود هد بس البنات مو احسن مني خلصنه ودخلت لغرفتي فتحت الكنتور ملابسه عمت عيني كله موجوده عنده البوم صور هو وجماعته بالتدريب وجيش وحته وي ميثاق بالكليه
لزمت الابوم خليته علئ صدري واني اشهك ياربي دخيلك ولله عقلي مجاي يصدك أسمر خلص مات وبعد ماگدر اشوفه.
دخلت رقيه للغرفه شافت حالتي بقت واكفه بالباب وهيه تباوعلي بحزن
رقيه/ شسوين
بحر بدموع/ما اسوي شي تعالي
رقيه/ ضمي الابوم وترحميله وقريله قران وشكد ما اتگـدرين صلي اله
_ انشالله عمي اجه جدي شلون صار
رقيه/ جدي كل شويه يصعد ضغطه وعمي اجو لديوان قبل شويه الولد فلشو البيت مالت الجادر
_بعد ورانه السابع
رقيه/ ميخالف بس بيوم السابع كد ما تگـدرين محد يشوفج تره حرام والله مايصير
هزيت راسي رغم اني اصلا ما مقتنعه ابد وگـلبي وروحي يكلي اسمر عايش.
خلود/ كل يوم كل يوم تجي نسوان تكضيه نواعي عمتي وبحر اكثر ثنين تاذن بحر كلش كلش صارت جلد وعضم لاتاكل ولاتشرب عيونها محاوطهن السواد وجهه مابي روح ابدد
جون/ ماما بي صوتج.
_ما بي شي حبيبي
جاد/ ماما اين بابا ايش كيونه كول صال اجمه اسمه
_ لا يشتاقه وياك كيونه
جاد/ اعني بابا اشغل
_نامو كافي اسأله
جان/ ماما هسه اشاقين ابابا شون
_ادعو رب العالمين انتو زغار كولو يا رب انشالله بابا عايش ويرجع النه
جون/ اشالله اشالله اجع انه اشلينه مثل هذاك يوم
_انشالله حبيبي يلا نامو
جان/ اني حب بابا ماما حبه اهواااي
_ يالله نامو ورانه كعده الصبح ڪـافي
طيبه/ انام يمكم يحلوين
_تعالي
طيبه/ نمت وياهم بغرفه اسمر وهم يسالون اهوااي وامهم اتجاوب بكل لطافه… الله يساعدج
نامو واني من التعب نمت وياهم كعدنه من الصبح هم قرايه وبجي ولطم خلصت وهم شغل وهيج مر 20 يوم
عمران/ يماا البت ما تريد تمشي لهله وتضل هنا لازمه العده ليش تلحون
ام غالي/ يعقد عليه واحد بيكم عمران خلي اكرم يقعد عليهه احسن مايصير يمه
اكرم/ عممممه انه اعقد لا والعباس ابد البنيه اختي ولا الي نفس بيه مستحييييل
عفوان/ جاا شلون نضل هيج
محمود/ لا تباوعون الي اني طلعوني من السالفه كلها.
اني اسمع لو احس جسمي كله كزز اني كلهم اخواني ياربي ولله ماگدر اوافق عليهم
اكرم/ والحسن ابد ما اعقد عل بت مرت اخوي يوم شلون تحجين هيج ماگدر
ام عفوان/ وتبقه البت هيج وجهال اخوك منوو يربيهم
طلعت من الغرفه الولد بس شافوني دارو وجوهم لان عده ما يصير يشوفوني
_ليش عمه ليش اتخليني براس الولد كلهم متزوجين تريدين اتخربين عوائلهم.
ام غالي/ وضلين هيج بحر وجهالج شلون
_ متغاثين مني عمه متغاثين من لكمتي ولكمته جهالي اخلي وروح لهلي بس ما اصير براس الولد واني كلهم احسبهم اخواني مستحيل اقبل بهل حجي
ام عفوان/ مو قصه لكمه ولا اكل بحر يما بس انتي ازغيره وجهالج ازغار والبيت كله شباب مايصير تبقين هيج واحد منهم يعقد عليج لخاطر جهالج
_فهمت عمه فهمت هذا هو تحجي عليكم الناس وتگـول ارمله وزغيره گـاعده بنص الزلم اني من باجر اخذ ولدي وامشي علئ بيت عمي
زاهر/ اكعدي بويه شنوو هل حجي
_ العفو منك عمي بس والله الولد كلهم اخواني ونسوانهم اخواتي شلون اخلي دمعت وحده تنزل ونزل عليه شريجه ماگدر اسوي هيج تصرف
رضوان/ يابه خو ما تبقين هيج انتي وجهالج
شسوي احتاريت اجيبهم عل رجليهم يجون عل روسهم
خلود/ عمه شلون هيج ترضينه علينه
رقيه/ هيه اتكلج اخواني ولدنه كلمن عائلته
_والله وروح اسمر ما انزل شريجه عل وحده بيجن لو اموت شبيجن تخبلتن
طيبه/ يماا شهل حجي
ام عفوان/ ما تعرفن بهل سوالف يماا انخلي جهال اخوج هيج
عفتهم وصعدت لغرفتي صحت عل جهال واجو هم تعشو وخلصو وطشو لغرفهم جهالي نزلو تعشو
وصعدولي گضيت ليل كله اون وابجي معتازتك أسمر ليش عفتني لوحدي دخلت طيبه للغرفه مسحت دموعي.
طيبه/ اجيبلج عشه
_لا خيه تسلمين اكرم وين راح
طيبه/ ليش
_اريد امشي ساعديني
طيبه/ فلك وين
_ وين ما عد الله كاع اروح لبغداد لشقتي قبل ابقه بيها
ضي/ روحي بحر
طيبه/ شتحجين انتي انجبي تشجعينها علئ الغلط
ضي/ روحي ولا دمرين حياتج ودمرين حياة غيرج هسه سمعت عفوان ومرته تعاركو علئ الموضوع
_نامو غير كلهم
ضي/ اي
لميت املابسي وملابس جهالي كله واخذت ملابس اسمر وياي هم متندمه من كل كلبي عل كل لحضه كضيته بدونه كل لحضه منعته عني.
طيبه/ وين اتروحين
_ اروح لميثاق ياخذني لبغداد
طيبه/طمنينه عليج فدوه
_أنشالله
أنشالله گعـدت جهالي وهم خطيه نايمين اسحل بيهم سحل بس الكه تكسي فتحت الباب ساعه 1 ونص وصار بوجهي اكرم
اكرم/ خير يا ستار وين طالعه
_ اريد امشي لا توكف بطريقي
اكرم/ وين غير اعرف
_ اروح لبغداد المدينه الي لفتني وكت مصيبتي الي احتنضتني وقت شدتني هذاك مكاني
اكرم/ واهلي شلون
_يريدون يدمروني ويدمرون اخوانك وانته هم ساعدني خليني اطلع منا فدوه قصص وروايات عراقية
اكرم/ امشي يلا
اخذني وصعدت وياه بالسياره وجهالي راسن غفو عمت عيني شلعت كلبهم.
اكرم/ تندلين شقتج انتي
_ اي بس دزني لميثاق هو ياخذني
اكرم/ اني اخذج الهاا
بقيت ساكته دزيت رساله لميثاق حته عاد يصير عدهم علم ..
ميثاق اني رايحه لبغداد لشقتي القديمه اكرم ماخذني شردت اذا تريد تعال لهناك. اشوفك
اكرم/ شسوين
_ دزيت رساله لميثاق حته يصير عنده علم
اكرم/ متعلقه بي موو
_اخوي والله مثلك
اكرم/ ماشي
ضل يسوق النوب يدخن صافن بالطريق استغربت يدخن
_ما شايفتك ادخن
اكرم/ من الفاتحه ادخن
_مو زين عليك
اكرم/ حركت گـلبي بيه
سكتت لان اكرم حيل متعلق باأسمر اغلب طلعاته وياه بقه يسوق لوين واني نمت اخذتني النومه
اكرم/ بحر بحر اكعد وصلنه
_ وين وصلنه
اكرم/ سيطره بغداد
گـعدت وصحصح ودليته للشقه ربع ساعه اله وصلنه
اكرم/هنا
_اي فوك
اكرم/ ماشي گعدي الجهال
گعدتهم ونزلو ضايجين خطيه فتحت باب الشقه وصخه تراب كله لان صار فتره متروكه هيه هديه من عمي اني هم يالله صارت فلوسي والذهب الي عندي خمس ملايين هوه الي دفع باقي المبلغ
اكرم/ نضيفها لبين ما اسوك الكم
_ ماشي جان اصعدو عل قنفات خل انضف
جان بضوجه/ حاضل ماما
بلشت انضف الستقبال والغرف والحمام ساعتين اني بس اكنس وامسح شويه ورجع اكرم دك الجرس
جون/ اني افح
اكرم/ جبت الكم حلويات تعالو
_ بدون ريوك
اكرم/ بحر اني ارجع بعد للبيت كل فتره امر عليج واطمان عليكم.
_ ما قصرت تسلم
طلع وغفلت الشقه عليه وعل جهال وصفيت المسواك دشداشتي سوده صارت بيه من التراب والشغل سويت ريوك للجهال
جان/ ايش اجينه اهناا. ماما
_ احسن مو تحبون جنتو هناا
جون/ لا كيونه عبوده عذوله حمودي كله العبون ايانه
_من يجي بابا نرجع الهم
……
طيبه/ كعدو الصبح وما لكو بحر حصلنه كم رزاله منهم
ام غالي/ شلون تطلع هاي وماتحجي الاحد
رقيه/ حقها عمه اتريدون اتذوبنه براس الولد والله بت حلال عيبن ما تريد تدمر حياة وحده بينه
ام عفوان/ ولد ابني رقيه مافكرتي بيهم شلون تخلونها تطلع بدون علمنه
خلود/ والله خطيه عمه اتبهذلت وتعبت كلشي اتعرضت اله بعد شتريدون منه خلوها ترتاح بحياتها كافي الصار بيها
اكرم/ اني اخذته لحد يحجي
عفوان/ وين اخذتها
اكرم/ محد اله علاقه خل اتعيش حياته بعد ڪـافي لاحد يدخل بحياتها
طيبه/ صارت هوسه ورادو يندلون مكانها واكرم حلف بروح المرحوم ما يگـول ابد
----------
ميثاق/ يابه شوف الرساله هاي من بحر
ادم/ روح واذا السالفه قويه ضل يمها لبين ما اطيب عمتك واجي وراك. اني
ميثاق/ هو هيج طلعت بس اتريكت وطلعت وصلت وره اذان الظهر
…
اسوي غده مرك بتيته وتمن وندك الجرس الشـقه
_ جون افتح الباب ماما
جاد/ اني افح اني افح
تعاركو وهم ما فاتحين الباب
ميثاق/ حال الضيم حاله الي يضل وراكم
_ ههه حياك
ميثاق/ شلونج بحوره
_زوينه
ميثاق/ ليش اجيتو هنا
_اكعد تغذه ويانه واحجيلك
ميثاق/ هو هيج
كعدو سوه وقصيت عليه كل القصه بقه صافن شويه
ميثاق/ يعني حته اربعين ما تامه ويريدون يعقدون عليج شسالفه
_هذا الي صار لو ما اكرم جابني اخذ سياره واجي لوحدي
ميثاق/ بالخاشوكه تره واني وين رحت نسيتيني شنوو
_ تعبتكم وياي انته وعمو وعمتي تعبتو عليه اكثر من اهلي صح عمري صار 20 بس شفت اهوااي شغلات صرت فاهمه واعرف كلشي واعرف شلوون ادبر اموري.
ميثاق/ ضلي هنا وعيشي حياتج ودبرلج شغل
_انشالله
وصدك هيج دبرلي شغل واشتغل بمطعم اغسل مواعين ما اطلع همزين جهالي روضه اسمر صار شهرين عل فاتحه ومناك شهرين يعني صارله 4 اشهر
جان/ هيييي جدو
ادم/ يبعد روح جدك
جون/ اجت بنونه
ادم/ لا ما اجت بس اني ماما وين
جاد/ ماما ابح
_ طلعت ياهلاا عموو
ادم/ بيج اكثر ابنيتي شلونج شلون صحتج
_زوينه
ادم/ جاا ميثاق وين
بحر/ اجه تريك وطلع
ادم/ خوش شخبارج انتي
_ عايشين انته عمتي شلونكم
ادم/ زينين الحمد الله
_ما سمعتو اخبار جديده عن اسمر
ادم/ بعدج بحر تقبلي الموضوع بويه
_اي بعدني عندي امل
ادم/ الله كريم
ميثاق/ حياك بويه
ادم/ يحيك وين جنت
ميثاق/ طلعت ورجعت اريد احجي وياكم
_ كول
ميثاق/ صح مو وقته والعائلتين داخلين حزن بس عمي اريدك تمشي وياي نحاجي اهل بنت عم بحر.
ادم/ ما يصير
_ليش عمي روحو وحاجيهم وسوو الخطوبه سكته
ميثاق/ وما تجين وياي ?
_ تعذرني بعد وضعي ما يسمح واني شارده من عيالي شرده
ميثاق/ انشالله بالعرس غصب عنج اتركصين وتجين
_انشالله
وصدك راحو وضليت وحدي وحدج يا بحر بس اني وجهالي
………
طيبه/ من يوم راحت بحر لليوم وامي ميته عل شوفت الجهال اكرم يتصل كامره يشوفهم الهم بس محد يعرف مكانه ابد لحد 5 اشهر نتغده ودخلت الصدمه علينه الكل بقه فاتح عيونه
اسمر/سلام عليكم
طيبه/ كلنه شهكنه من سمعنه صوته والي تهلهل الي تبجي الي ما تعرف شسوي متغير وايده ملفوفه ولازم بطنه
اسمر/ عل كيفكم عل كيفكم وياي ههه
عفوان/ اكعد اكعد
اسمر/ اخخخ يابه
عمران بدموع/ ليش هيج ولك ليش بهذلتنه وبهذلت عايلتك
اسمر/ انتبهت ودورت بين الوجوه كله اريد وجهه ماكو وجهالي هم وين بحرتي روحي مفرفحه عليها … وين بحر والجهال
طيبه/ ارتاح ارتاح ونحجيلك كلشي هسه بس رتاح
اسمر/ وياي خطار تره راح يجون وراي من الناصريه حضرو نفسكم
عمران/ هلاا بيهم
طيبه/ جهزنه كلشي وهو كل شويه يسال وين بحر وين بحر خطيه
اكرم/هسه نحجيلك بس وين جنت صار 5 اشهر
اسمر/ انأسرنه اني وجماعتي تقريبا شهر ونص فوكه تحت تعذيب لان كلنه رتب من الطريق واخذونه وشردنه اني اتصاوبت بطني وقريب عل صدري وايدي احتركت وسامر خطيه حيل اتاذه ورعد بس ايده
عفوان/ اي
اسمر/ اني دخلت غيبوبه لان صوابي ثنين بس سامر ورعد زينين ختلنه عد وادم ما نعرفهم دواعش غيره المهم نختل وجان رعد وساهر الوحيدين السليمين بينه
محمود/ اي
اسمر/ لا كدرو يطلعون لان المنطقه مراقبه من الدواعش بس يطلعون يروحون بيه وضلينه كل هل فتره غيبوبه وجروح مو نضيفه لحد هسه يوجعني لان طابن عل عيب بس المره طلعت الرصاصه وكالت يعيش يموت عل الله.
رضوان/اهم طلعتو
اسمر/ الحمد الله عمي
اكرم/ خطارك وصل
اسمر/ العقيد ويانه هو وصلنه لان وصلنه للفوج واجه ويانه
طيبه/ طلبو للضيوف اكل من بره كله راقي ما نلحك نطبخ ابد خلصو وطلعو بقو بس رعد وسامر ساهر ماخذنيه لهله خطيه
اسمر/ اكرم احجي
اكرم/ شحجي خل من يمشون الجماعه نحجي
رعد/ خير شبيكم
اسمر/ لا مرتي ولا جهالي ماكو موو بالبيت وينهم
اكرم/ ارتاح هسه انته خل ندزلك لدكتور نشوف جروحك خاف ملتهبه وبعدين احجيلك قصص وروايات عراقية
اسمر/ ما عليك ولك صار شهرين طابن بس مجرد يوجعني احجيلي وين بحري
اكرم/ اهلي رادونه نعقد عل بحر وره ما سمعنه بيك ميت وره الفاتحه
اسمر بصدمه/ شنوووو انته شتگووول
رعد/ صوتك وعصابك خل نفهم
اسمر/ ما تسمع شيحجييييي
اكرم/ هيه حلفت وتصيح اسمر عدل واسمر ما ميت بس بعد وصلنه الخبر ميت اهلي اصرو شردت واني شردتها
غالي/ كافي بعدين نحجي
اكرم/ ليش
اسمر بعصبيه/ وووين شردت وين رااااحت
اكرم/ لبغداد لشقته لقديمه اني اخذتها هيه هنا
محمود/ اسمر وين اسمرر يمعود جروحك
اسمر/ ولله ما اضل دقيقه هناا الله يعلم شصاير بحاله هل بت هاي ما ناويه ترتاح يعني متت ما رحمتوها شويه الله وكبر عليكم عود امانه يمكم مخليه شلون تسووون هيج بيهااا
اكرم/ صعدت وياه ونطلقنه البغداد وهو طول الطريق اعصاب والسياره شويه وطير
رعد/ عل كيفك لا تكلبنه خلينه نوصل سالمين
اسمر/ ليش ما مكتوب اله الراحه هل بت هاي اااخ يابحر
اكرم/ ابقو بالشقه لا ترجعون فتره
اسمر/ اصلا ما ارجع مو فتره
رعد/ لا تتخبل شنوو ماترجع
……
اشتغل بالمطعم والمواعين ما تخلص بس اني شفت وياي مره جبيره شفت ثاني خلصت وجهالي بالروضه طلعت بسرعه امشي وعبايتي عليه تتطاير وصلت ساعه ب4 ونص
المديره/ هذول توئمج
_ههه شكرك ست تعبتج
المديره/ ولو مؤدبين
_ جان جون جاد ادخلو للشقه خل اجيب الكم عشه واجي من السواق
جان/ اين فتاح
_كول مفتاح جوه الورده مالت الباب
جان/ حوش
اباوع عليهم من صعدو وفتحو الباب ودخلو دوم هيج اسمعهم يصيحون ركضت للسواق جبت مسواك
_عمي برتقال وجبن اريد وبتيته وجبن مالت طبخ
الرجال/ اخذيهن يابه
اخذت ذره اسوي شاميه الهم وبسكت وحليب بحيث يوميتي 15 الف اكضيه الهم هيج كل يومين لو 3 اخذتهن وصعدت فتحت واني مدنكه راسي اصيح جااان جون ليش احذيتكم هاي حمير يا زمايل
جون/ ههههههه ماما
رفعت راسي انصدمت صدمت عمري كله كل هاي الفتره حته الامل الي عندي مات وكعن العلاليك من ايدي بقيت فاتحه عيوني بصدمه
ميثاق/ بحر بحررر تعااالي
ادموعي وحدهن نزلن واني اشوف جهالي كلهم بحضن اسمر يحضن ويشم بيهم وياهم رعد وسامر من كد صدمتي حته ما كلت سلام عليكم بس ادموعي وستحيت حيل راسن للمطبخ لميت العلاليك اجه وراي ميثاق
ميثاق/ شبيج
بحر بدموع/ شهكت كلي كلي ما اتخيل ولا احلم موو هو والله هو موو اني جاي اتخيل هاذه موو أسمر ادري
ميثاق/ اشششش والله هو عايش عايش انتي موو گلتي عايش طلع صدك ماميت
_يعني مو حلم اضربني اكرصني والله خايفه اكعد وما اشوفه گدامي
ميثاق بدموع/ كافي فدوه لكلبج ادموعج خلصن روحي شوفي
مسحت ادموعي وهنه يرجعن وحدهن سويت جاي ارجف اديه ماسيطر عليهم
ميثاق/ عوفي اني اسوي روحي شوفي
سوه هو واني اباوع الاسمر فرحان بيهم بجهاله يشم بيهم من كل حيله صار اليل راحو جماعته وميثاق وجهالي اله صار مجال نحجي
اسمر/ ليش هيج صاير بيج
منزله راسي وبس الشهكه ماگدر حته احجي كلمه
اسمر/ حاجيني بحر لاتسكتين
بحر بهشكه/ شحجي ما بيه حيل احجي خلص كل الحجي من موتوك وانته عدل من رادو يعقدون عليه وانته عدل من خلوني شهكت من خلوني الزم عده عليك وانته عدل تعبت هوووواي بدوووونك #ڪــڔٰا̍ڕ
اسمر/حقج
_خلص روح لهلك ما دام عايش عيش حياتك
اسمر/ وكلبي
_ ما علي بيك روح اني تعبت حيل
اسمر/ اني اعوضج بعد ما اعوفج والله اعوضج علئ كل لحضه وكل دقيقه حزنتي وبجيتي بيها
_حبيتك اسمر حبيتك من كل گــلبي حبيتك رغم كلشي سويته بيه متت بعطرك وحضنك بس عفتني كسرتني
اسمر/ بحر اتاذيني بكلامج هاذه كافي فدوه لعينج
مسحت دموعي بحركه خليته وفتت لغرفه الجهال بهاي الغرفه نام
اسمر/ اريدج يمي تعاي
_ مو هسه خليني ارتاح فتره
هز راسه واني بس اريد افوت للحمام حته ابجي فتت ونفجرت حيل لحد ما تعبت طلعت وضليت الوب شلون حجيت هيج وياه وهو تعبان وحالته حاله خليت وكمت رحت لغرفه ضلمه ردت بس اطمأن عليه
اسمر/ كاعد من فاتت للغرفه حنينه ما ينطيه كلبها وكل واحد حنون هيج يتاذه ويشوف الضيم
اتقربت منه متغطي نص غطه لان صيف حاره حسيت روحي حيل مشتهيه عطره بس كبريائي اقوه من هيج كمت وحسيت نفسي انسحبت وتحاوطت بحضنه.
اسمر/ اتعذبيني وتعذبين نفسج ليش تدرين بيه ماگدر بدونج
_ عوفني فدوه اسمر
اسمر/ ليش اعوفج وانتي جايتني برجليج
بحر بدموع/ انته لعفتني وكتلك لا تروح لا تروح بس عفتني شهكت من باسني بشفايفي بلهفه وشوق مبين كلش واضح
اسمر/ سكتته بس اريد ارتوي من شفايفه وعيونه… مو بيدي والله مو بيدي بيني وبين الموت شعره وحده ماگدرت ارجع بحري ليلي اخلصه بس اتذكر عيونج مدمر بغيابج ولله
_ وانه
اسمر/ هنااا والله بين الموت وافكر بيج دقيقه ماتروحين من بالي
تقربت منه بسته من شفايفه اني هل مره ودنيت حيل بحضنه فصلت البوسه عيونه ذبلانه
اسمر/ هسه صافي يا لبن هِهَهِ
_ضمني بروحك اسمر
اسمر/ أذي روحي اذا اذيج بعد بروحي انتي
حضني حيل واني اتحرش بي كل شويه باسيته من صدره لحد ما طكت روحه حيل هههههه
اسمر/ كاااافي كااافي موتيني لو تنطيني حقي لو تكعدين راحه
_ما اكعد وشلع كلبك عزززه شسوي
اسمر/ ما اتحمل والله
نزل بيه بوسات من شفايفي لركبتي سواها خريطه لحد ما اخذ حقه صدك بس صدك متت عل كولت عمتي اتفاجئ من شاف الدم
اسمر بخوف/ ليش هاي خاف اذيتج بحر احجي اذيتج أني
_ لا والله لا شبيك خفت عادي لان محد لامسني صار هواي
اسمر/ اوووف تعالي لحضني
رحت لحضنه عصرني عصر ويلعب بشعري جان كلش خايف عليه كل شويه وسألني خاف متاذيه منه
وهيج مشت حياتي 5 اشهر ما رجعنه لهله لحد ما ارتاحيت كلش بس ابقه خايفه وي كل التحاق اله.
ميثاق تزوج من بنت عمي غرام شكدد فررحت اله فرحتي ماتنوصف لان ميثاق يستاهل كل خيرر قليله امثاله
الكل شاف شكدد ساعدني وضحه لخاطري صار عنده 2 بنات استبرق وموج وعمه كفاح جابت ولد ثاني وسمته عون
وهيج تكون خلصت ويــاكم قصتي اشكرر كل شخص جان متفاعل عليها وحزن لحزني وفرح لفرحي
اني جنت وياكم بحر الي مريت بأصعب ضروف وموو أي بنيه تتحمل الي تحملته اني العبره من قصتي
لاتصرفون أي تصرف بدافع الانتقام بسبب غلطه من اسمر اتخربطت كل حياتي بس صدكو بكد ماتعذبت وشفت ضيم
أسمر عوضني عن كلشي شكدد ماجنت حاسه وحيده ومالي احد صارلي أب وام وصديق وحبيب عوضني عن الكل
اتمنئ تكون عجبتكم قصتي
دمتم سالمين أحبتي بحر ❤️
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
