رواية ذيب الشامخ الفصل الثلاثون بقلم توتة
#واحنه. زغار كل دمعه بكبر خدنه
چا_والليل_چا_والشوك_چا_والشيب؟ !💔
_باگ_هـــواي_من__عدنــه
>>>>>>>>>>>>>>>>
مريم : ماعرف منين ابدي وشلون احچيلك هسه راح تفكر بيه غير تفكير بس ولله نيتي صافيه
_احچي يابه شنو المووضوع
مريم : اني معجبه بيك
_شنو ???
مريم : ادري هسه انت مستغرب م̷ـــِْن كلامي بس ولله اني نيتي صافيه وانعجبت بيك م̷ـــِْن زمان بس مجان عندي جرئه احچيلك لان اشوفك منتضر رباب
ومجنت اريد اكون طرف ثالث بينكم بس هسه رباب انخطبت وشافت حياتها وفكرت احچيلك عن مشاعري.
_بويه انتي مخبله بيج شي انتي اكثرر وحده تدرين بيه شكدد احب رباب وعمري كله مافكر ارتبط بوحده غيرها او احب غيرها لا والاحلا م̷ـــِْن هاذه انتي صديقتها الي مأمن بيج وثاق لله اعلم يمكن حته كلامي ماتوصلينه الهاا
مريم : لا وحق لله اوصل كلشي وماجذب بحرف واحد وحته تگدر تحچي وياها وتسألها بس اني ..
_خلص كافي رجاء سدي الموضوع
مريم : اني احبك ذيب ولله احبك
_اني اعتبرج اختي شيلي فكرت انو احبج بيوم انتبهي لدراستج ولاتفكرين بيه ماشي راح اسوي نفسي ماسمعت هل شي منج يلا اترخص
مريم : بس لحضه ذيب فدوه اسمعني
_خير
مريم : فدوه لاتضوج مِڼـّي عادي حته لو ماتحبني نبقه اصدقاء اني وياك
_ماشي يلا اترخص عندي شغل
سديت من عدها مسحت شعري رفعته ليفوك واني دايخ شبيها هاي معقوله اني ثاق بيها ومعتبرها مثل اختي تجي تشيل مشاعر اتجاهي
اني عايز ضيم لله اعلم شحچت لرباب معقوله ماتوصل الهاا كلامي بس لوو ماتوصل ماخلتها تحچي وياي هذاك اليوم
اخذت الطريق كله اسوق وبالي وشغول برباب افكرر بيها وبكلام مريم معقوله نستني
فرحانه ?
تركص ?
مستحيل اصدك هاذه الكلام اني اعرفها زين متاكد مجبوره بس حته لْـۆ مجبوره جان رفضت وبقت مصره علئ كلامها
جان رجعت وحاولت ويه اهلها بس هيه مانطتني فرصه اجرب.
وصلت ساعه بـ 1 بليل للشقه دخلت سبحت وغيرت ملابسي واتصلت علئ امي
ام ذيب : هاا يمه وصلت ?
_اي حبيبتي هسه وصلت وراح انام گلت اخابرج واطمنج عليه
ام ذيب : دير بالك علئ نفسك يمه فدوه ومن تطلع للشغل اخذ وياك سلاح واذا شفت اكوو خطر علئ حياتك لاتطلع للشغل لاتخلي بالي مٍشًغوٍلً
_انشالله يروحي انتي هم اهتمي بصحتح واخذي علاجج لاتفكرين بيه اني اعرف شلون اتصرف
ام ذيب : ورباب ابتعد عن حياتها وحياة اهلها برضاتي عليك يمه مانريد مشاكل ماريد ينفجع گلبي بيك خليهم يولون لاتنطيهم اهميه وتكبر روسهم هيج راح يشوفون نفسهم علينه
_لله كريم
ام ذيب : احلف گول وداعتج ماسوي شي
_كافي يمه اريد انام تعبان ولله بعدين نحچي
ام ذيب : انته ليش ماتريد تقتنع البنيه موو الك الئ متئ تضل معاند.
_الئ ان لله ياخذني ويريحيني من هل حياة الصعبه
ام ذيب : سم لله عليك ولك يمه فدوه لاتحچي هيج وتشلع گلبي
_تعباااان يمه تعبااااان وحق الكائنات تعبان روحي ونفستي تعبانه امشي واشتغل بس روح ماعندي ماضل واهس. عندي تدرين ابنج هسه ميت بس جسد ضال محد منكم #ڪــڔٰا̍ڕ
يدري بألي جاي امر بيه هسه تحچون وعبالكم الحچي سهل بس صعبه صدكيني صعبه انساها صارلي سنه احبها واريدها دخلت عقلي مو بس گلبي احس يومي ناقص
اذا ماشوفها واسمع صوتها ابوها خرب كلشي علينه جنه مخططين لكلشي.
ام ذيب : سوده بوجهي شبيدي عليك يايمه ولله لوو اعرف اكوو أمل صغير تصير الك اگعد باب بيتهم بس انته شفت بعينك شلون أهلها رفضوك وماقدرو ابوك واعمامك
وهسه هيه مخطوبه يعني حته لْـۆ جان اكوو أمل صغير هسه راح ماضل شي. تتأمله.
_لله كريم يمه لله كريم يلا حبيبتي نامي ورتاحي بعدين نحچي
ام ذيب : دري بالك يمه فدوه وخابرني كل يوم وطمني عليك
_انشالله ...يلا تصبحين علئ خيرر.
ام ذيب : وانته بالف خيررر حبيبي.
سديت منهاا ذبيت حسره جبيره اااخ محد حاس بلي حاسه اني جمره بگلبي صايره.
شمرت الجهاز ونمت ..
__________________
رباب.
مر 3 ايام علئ الخطوبه مالتي اشترالي ثائر جهاز وكل يوم يراسلني ويخابر مارد عليه واتحجج لوو نايمه
لو مادري بيه لوو مخليته علئ شحن هوه يضوج بس يغلس مايحچي شي
وخايفه منه يعاملني بعصبيه لأن مبين عليه عصبي بس لآزٍمٍ اعصابه مِڼـّي هسه لأن بعدنه ممتزوجين اتوقع هاي الهدوئ قبل العاصفه.
كل ويوم يمر اتذكر ذيب اريد احچي وياه اعرف اخباره بس ماگدر ماريد يتأذئ اكثرر ادري بيه اذا عرف بيه انخطبت راح ينقهر ويضوج.
العرس قرب همه مستعجلين بيه لأن ابوهم يريد يسافر گالو نريد نسوي قبل لايروح
قررو وخططو كلشي ولاشخص منهم اخذ رأي وسالني اذا موافقه او لا
باقيه بس اصفن انعزلت عن الكل صرت اكره الكل ماحب اشوف شخص منهم اريد بس اتزوج واطلع م̷ـــِْن البيت وبعد لوو شيصير مارجع عليه ولاشوف شخص منهم
وامي وابوي كرهتهم وصرت حته ماحب اسمع شي عنهم ضلموني وحرموني م̷ـــِْن كلشي خلوني اعيش اصعب ايام
ولاواحد م̷ـــِْن عدهم كسرت خاطره واجاني وطيب خاطري ومسح دموعي
كل واحد منهم يگوم يكتلني ويسمعني كلام هاي غير كلام عمتي حرير الي كل يوم يمر هيه تغلط عليه وتسمعني كلام يسمم
قررت احچي لثائر عن علاقتي بذيب قبل لانتزوج اريده يعرف مِڼـّي احسن مما يسمعه م̷ـــِْن غيري ويفهمني غلط
اريد اشرحله الموضوع علئ طريقتي وافهمه واكله اني انجبرت اتزوج منك ..
افكرر شلون افاتحه بالموضوع واجمع الكلمات الي احچيها كل مافكرر احچي وياه يطلعلي شي وماگدر احجيله ومرات اخاف واتراجع
بس مقرره احچي قبل الزواج اريده يعرف كلشي ماريد اضم عليه.
اتصل عليه الصبح جنت هسه طالعه م̷ـــِْن الحمام امشط بشعري
اتصال كام فتحت عليه واني امشط شو هاذه ضل صافن اني هم بدون تفكير فتحت عليه
ثائر : ءا صباح الخير
_صباح النور
ثائر : نعيما.
_شكرا
ثائر : لبارحه گلتي اريد اشوفك ونحچي شويه ليوم من يخلص الدوام امر عليج.
_تمام منتضرتك
ثائر : حضري نفسج العرس ماضله شي بعد 4 ايام ليش لاحد هسه ماصبغتي شعرج #ڪــڔٰا̍ڕ
_احب لونه مراح اغيره
ثائر : اممم .. ماشي ؏ راحتج.
بقيت ساكته هوه هم سكت وبقه يصفن بوجهي خلاني توترت كلش وماعرفت شنوو اسوي.
_اممم يلا عندي شغل هسه راح اخلصه بين ماتوصل
ثائر : ماشي اني ساعه واكون يمكم
_باي
سديت م̷ـــِْن عنده واني اسحب نفس يالله دخليك ساعدني ليوم وقويني خليني اگدر احچيله الحقيقه ولله ماگدر اتحمل بعد
متاكده اذا ضميت الموضوع راح يعرفه م̷ـــِْن غيري وتكبرر السالفه ودمر حياتي كلها
اريد افهمه اني كلشي قبل لايفوت الاوان حايره شنوو. راح تكون ردت فعله يتقبل الموضوع لْـۆ يضوج لوو يعصب مِڼـّي ماعرف شراح يصير وياي احس عقلي راح يوكف م̷ـــِْن التفكير.
ستغفرت ربي شديت شعري وطلعت م̷ـــِْن الغرفه رحت للصاله الكل گاعد وجاي علينه عمي هيثم هوه وعمتي سهام.
_سلام عليكم
الكل : وعليكم السلام
سهام : تعاي حبيبتي اگعدي يمي
رحت گعدت يمها بقت تسوالف وياي كلام عادي وتسألني علئ ثائر
سهام : شلونه وياج
_زين
سهام : لله يسعدكم حبيبتي
_شكرا
سهام : عرسج بعد 4 ايام ليش هيج وجهج اصفر ومابي روح عيونج محاوطهن السواد
_مابيه شي
سهام : ولله ماعرف شكلج
_عمه اكوو موضوع اريد احچي وياج تعاي نروح للغرفه.
عقدت حواجبها معنئ شكوو شصايرر اشرتلها بعيوني تگوم اريدد احچي وياها قبل لاسوي شي هيه اعتبرها مثل امي تنصحني وتعلمني شسوي
گمت ورحت علئ غرفه بيبي شويه واجت وراي هيه وسدت الباب وراها.
سهام : خير شكوو صايرر شي ?
_ليوم راح احچي لثائر عن ذيب
سهام : صخام صخمني انتي مخبله تريدين تفضحين روحج گدام الولد
_لا عمه موو افضح روحي اريده يعرف اني جان عندي علاقه ويه انسان ثاني واحبه وتزوجت مجبوره
سهام : حبيبتي رباب انتي مستوعبه الكلام الي تحچينه تدرين بروحج هسه شراح تسوين لْـۆ لا اذا تحچين راح يدمر زواجج وتنفضحين كدامه وياخذ عليج نضره موزينه ليش تخربين كلشي بأيدج
_مراح يخرب شي صدكيني اني مستوعبه الي راح اسوي اريده يعرف كلشي قبل لانتزوج ويعرف م̷ـــِْن غيري وتصيرلي سالفه كدام اهله والكل وبهذيج الحضه انفضح وصدكيني اموت نفسي واخلص
سهام : انجبي ولله اذا سمعت بيوم مفكره ترجعين تنتحرين امووتج
_هوه اني اتمنئ شخص يموتني ورتاح
سهام : اششش اسكتي لاتحچين هيج
_لبارحه خابرته وگتله يجينه اليووم واريد احچيله كلشي م̷ـــِْن الآۆلْ واشوف شلوون راح يتصرف يتقبل الموضوع او لا
واذا خرب الخطبه بعد احسن السبب يكون م̷ـــِْن يمه واني اطلع م̷ـــِْن السالفه ..
سهام : ولله ممرتاحه لهاي السالفه وخايفه عليج لاتطيحين بمصيبه ماتگدرين طلعين منهاا .
_الكاتبه لله يصيرر خليني احچيله ولله كريم مايهمني شيصير خلي يصير ماعندي شي اخسره بعد
سهام : شنوو ماعندج شي تخسرينه ماما بعدج باول حياتج الحياة كلها كدامج عيشي مستقبلج فكري بنفسج ليش دمرين كلشي
_ليش شنوو الي بقه بحياتي مادمر شنوو الي بقه علئ حاله. اصلا محاسبه نفسي عايشه حالي حال البنات لامن طلعه ولا م̷ـــِْن مدرسه لاحياة مثل البنات والا اهل مثلهم بس گوليلي هيه حياتي شباقي بيها حته افكرر بيها
شنوو الي ضل بيها كلشي خرب عمه ماضل شي علئ حاله. وتريدين مِڼـّي افكرر بيها اني لوو ماخاف م̷ـــِْن عقاب ربي م̷ـــِْن زمان موتت نفسي ورتاحيت وخلصت م̷ـــِْن كل هل عذاب وخلصتكم مِڼـّي #ڪــڔٰا̍ڕ
سهام : حبيبتي ادري بيج هسه انتي مقهوره م̷ـــِْن الي صاار بس لله اذا يحب عبده يبتلي ولله هسه جاي يختبر صبرج لآزٍمٍ تتحملين وتحاولين تكملين حياتج
_ونعم بالله.
سهام : هسه شقررتي تحچين اله لوو لا
_اي عمه اريد احچيله ولله اذا اضل ضامله الموضوع عليه مراح اگدر ارتاح بحياتي ابد
سهام : بكيفج بعد الي تشوفينه صح سوي بس راجعي نفسج وقرري فكري مستقبلج يمكن بعد ماتحچين هل شي تخرب هوواي امور بحياتج
_مايهمني أي شي بعد خلي يخرب كلشي هيه بقت علئ هاي
سهام : تمام
اندك باب الغرفه دخلت علينه مروه وهيه گالبه خلقتها
مروه : عيني ست الحسن خطيبج هناا ويريدج
_جايه
عافتنه وطلعت م̷ـــِْن الغرفه باوعت علئ عمتي تباوعلي هزت راسها معنئ روحي سحبت نفسس قووي عدلت شالي وطلعت لگيته كاعد بالاستقبال
دكيت الباب ودخلت سلمت عليه جان گاعد هوه وجدي وعمي هيثم
رحت گعدت علئ طرف القنفات. وهوه مقابيلي گاعد صارر يباوعلي ويتبسم عابت شكدامك مهرج ولله يالله.
ثائر : من رخصتكم اگدر اخذ مرتي شويه نطلع ورجعها للبيت
هيثم : عادي بويه ماكووو أي اشكال اطلعو تونسو سويه مرتك هسه هيه حلالك
ثائر : اشكرك عمي .. يلا رباب حضري نفسج وتعاي راح ابقه منتضرج
هزيت راسي بأي عفتهم ورحت للغرفه ابدل هاذه شعنده وليش يريد يطلعني ياربي دخيلك اني اريدد احجيله الحقيقه وهوه مــدري شنوو يدور براسه احس عقلي تشوشت افكاره
لبست بسرعه وطلعت اباوع علئ عمتي حرير ومروه يباوعلي صفح مراضيات عبالك طالعه بفلوسهن ولله يالله
رحت طلعت بالساحه لگيته واكف ويه عمي يسولفون شويه وطلعنه سويه صعدنه بالسياره وساق.
شغل اغنيه هاديه وخلاها بصوت ناصي باوعلي وگال
ثائر : طالعه كلش حلووه
_شكراا.
ثائر : وين تريدين نروح ?
_مادري غير انته الي طلعتنه بكيفك وين نروح
ثائر : تحبين الاماكن الهادئه
_اي
ثائر : زين لعد راح اخذج لمكان جدا هادئ حته نحچي براحتنه وتحچيلي شنوو الموضوع الشاغلج طول هل فترا الي كل مَـرّھٌ تأجلينه وماتحجينه الي
هزيت راسي بأي وسكتت بقه يسوق ماحجه شي بعد وكفنه يم منتزه كلش حلوو والحديقه تفتح النفس المكان جدا هادئ ومابي هوايه عالم قليل يتمشون بيه
نزلنه سويه اجه يمي لزم ايدي توترت وضجت مجنت اريده يلزم يدي بـٰس ماگدر اسوي شي بعد صار زوجي واله حق عليه
بقينه نتمشه شويه اخذني گعدني علئ كرسي خشبي صاير تحت شجره مدوره وصاير الضل مالها علئ الكراسي المنظر كلش حلوو
گعد هوه يمي وگال
ثائر : عجبج المكان ??
_اي كلش حلوو
ثائر : زين .. اسمعج احچيلي شنوو الموضوع الي تريدين تحچينه الي م̷ـــِْن فترا.
_الموضوع يخصني اني وحياتي القديمه الي قبل لاتعرف عليك ولاعرفك
ثائر : هاا. اي وشبيها حياتج شصايرر بيها
