رواية لأني عاقر الفصل الثلاثون بقلم مريم خفاجة
باوعلي بغضب مكتوم
وغمض عيونة وفركهن ودنك راسة
وكال:-روحي هسة بعدين نسولف
رجعت لفراشي افكر
دومك انت المعذبني عذابي
وكلش انت انت الله لاينطيك
ضليت انتضر جاسر ما اجة
تلفلفت بالبطانية وضليت ارجف جواها
لحد مانمت
گعدت احس روحي تلعب
رحت للحمام تقيأتي يلا ارتاحيت
لاگاني جاسر واني طالعه ستوني من الحمام
ولازمة بطني وبيدة موبايلة
جاسر:-تعاي تعاي
رحت يمة حاوط خصري ودخلني للغرفة
گعدت ؏ الجرباية وهو بصفي
مسد ؏ شعري وگال:-متأكدة من قرارج؟
هزيت راسي بـ اي
جاسر:-ملاك لاتسوين شي خطأ وتندمين طول عمرج
ملاك:-شتقصد؟
جاسر:-اذا داخلج ما مرتاح گولي
ابتسمت:-هو شوكت داخلي ارتاح اصلا؟
باوعلي بعتب:-اتمنى غيث مايخيب ضنونة
ملاك:-ماريد احلم زيادة وادري احلامي ماراح تتحقق
جاسر:-يعني اخابرة واگلة وافقت
معناها ينتهي كلشي؟
واكون بعقدة جديدة؟
ودائرة أخرى ماعرف نهايتها شنو؟
هزيت راسي بـ اي
ذب نفس وباس گصتي وطلع
طلعت وراه گعدت ؏ الدرج
وايدي ؏ راسي
صعدن ملك وريم البسمة ؏ وجوههن
ملك:-وأخيراً راح يصير فرح بهذا البيت
ريم:-اي وعلي صارلنة شكد ماراكصين
ملك:-يعني ترگصين بيوم عرسهم؟
ريم:-لا استحي بس هنا اني وياج نرگص
ضحكت وضربتها ؏ راسها
وهنه اجن صعدن ؏ جربايتي ريم
طبت وياي بالبطانية
وخلت راسها ؏ صدري
حطيت ايدي ؏ شعرها والعب بي
ملك:-ترة غيث حباب كلش والله
واختة اجتنة هواية من انتي تزوجتي كم
مرة اجت يمنة كلش لطيفة
هو عندة بس هاي الاخت وامة ميتة
ابو كتلها وشرد
عگدت حاجبي:-صدك؟
ملك:-والله
ملاك:-شلون كتلها؟
ملك:-مادري والله بس سمعت جاسر هيج گال
ريم:-اي من جان عمرة سبع سنين
ونوب عمة اخذة ورباه
ملاك:-هاي شنو كلشي تعرفن عنة
ضحكن ثنينهن وملك گالت:-مو هو صديق
جاسر المقرب فـ يحجيلنة كلشي
هزيت راسي وسكتت
انفتح الباب وجاسر طب
وگف فوك راسي:-ملاك هسة انتي موافقه؟
هزيت راسي بـ اي
جاسر:-احجيها گوليها بصوت عالي
عگدت حاجبي:-ليش؟
جاسر:-هسة دگولي
ملاك:-بابا گتلك اي موافقة
رفع الموبايل وخلاه
؏ أذن وصاح:-ها سمعت هلهل يلا
خزرتة وضربتة ببطنة
وملك ضحكت وگالت وهي صوتها
عالي:-وافقت وافقت واخيرررا
فتح جاسر السبيكر وهو گال
لملك:-ملك بوسيها براسها احنة مانگدر نبوس
جاسر:-لك گ*** مالك مرة عدنة يلا امشي ولي
غيث:-دمشي لك
ضلو يغلطون واحد ؏ الثاني
اشرت لخواتي يوخرن عن فراشي
نزلن واني رجعت تمددت وانطيتهم ضهري
ونزلن دموعي بسكتة
تلمست مخدتي منگعة
مسحت خشمي وسمعت صوت أمي
وخرت عني البطانية
غمضت عيوني
بوستني بخدي:-گومي يمة شو
ملاك:-نعسانة
ايمان:-تؤ تؤ كومي
سحبتني من زندي وكومتني
تجيت ضهري ؏ تاج الجرباية
ومسحت عيوني
وهي لزمت ايدي:-اعرف هسة راح تكولين
امي شلون وافقت وبيوم طلاقي
حلفت ماخلي بشر ياخذها اسولفلج؟
هزيت راسي بـ اي
وهي متربعة ؏ جربايتي ولازمة ادية
بثنين اديها
وملك وريم يباوعللنة
أيمان:-غيث اول يوم شفتة بيها أجة
عزمة جاسر هنا وبيها تخربط
وانخبصت بي وضل الخوف ياكل بگلبي
وراها اجة وطمني
بس ياغيث من اول يوم شفتة هو طب هنا
وأشرت ؏ گلبها ورجعت كملت:-بعدها
بفترة اجتي اختة واجت اكثر من مره
وسولفتلي قصتة وعذابة وجاسر هم يحجيلي
شكد عانة ويا أبو وأمة
صار من يجي لهنا يصر يسلم علية
واني اطلعلة رغم ما يوم طلعت لاصدقاء جاسر
بس هو يايمة سبحان الزرع بذرة حُبي
الة كمت احسة يشبهه جاسر بكلشي
ملك:-هو لان يشبهه جاسر انتي حبيتي
لو يشبهني جا كلتي ايع
ضحكت من صدك ؏ تفكيرها
غيرتها من جاسر فضيعة
ايمان:-واني متأكدة مليون بالمية
راح يصونج سويتلج خيرة بالقران وبالسبحة
وطلعت 3 مرات زينة
ورحت لأم محمد هاي التسوي خيرة
وكالتلي يتزوجون بس راح يواجهون مشاكل
بس راح يضلون سوة للأبد
حجتها وابتسامتها ماخذة وجهها
ملاك:-هم مشاكل؟
ايمان:-بس مو علمود الاطفال
هزيت راسي بـ اي
ايمان:-هسة انتي مقتنعة تماماً؟
ملاك:-هذا هو يمة بعد لا تسألوني
اذا انتي رايحة وسائلة امة محمد كلها
بعد عليمن اكلج موافقة لو لا حتى نهايتي
عرفتيها
ضحكت وضربتني بجتفي:-لا أمي
كذب المُنجمون ولو صدقوا بس اني
رحت لهاي المرة لان صدك ارتاحلها وكلشي
تگولة صحيح وبعد ورا الله
ملك:-الله ترة هو غيث عيونة ملونة
ريم:-اي عيونة زيتوني
ملاك:-انتن مفصخات الرجال تفصيخ
يا عمي مو بشر والله العظيم
ملك:-هههههههه يعني هو عيونة خضر
وانتي زرك انتاجكم يطلع يخبل
باوعتلها وعيوني مدمعة وگلبي
دك وهي سكتت دنگت راسي واني العب
بأضافري همست:-آسفة والله
نزلت دمعتي ؏ فراش مسحتها بسرعة
أيمان:-شلون اني بلسانها اليزبك
اني اعلمج وجمالة تگلي ليش تصيحين علية
من سوالفج
ملك:-والنبي مادري
ملاك:-عادي
اجت يمي حضنتني وتبوس بية
ضحكتلها يلا ارتاحت
أيمان:-الاسبوع الجاي المشية
ذبيت نفس عميق
ومَر اسبوع
نزلت من الدرج اصوات زلم
وهوسة وامي وملك ركضن يحضرن بالغراض
باوعت لكارتونات مسطرة
شلت وحدها منهن
ذني اليخلون بيهن التوزيعات وماعرف شنو
مكتوب أسمي واسمة
ملاك وبالنص حلقة وغيث
تلمست أسمي
شمضموم بعد؟
رجعتها لمكانها وتمشيت
للقنفة تمددت
وغمضت عيني
دقايق وحسيت ايد مسحت
خدي وجانت دمعة خاطفة
ايمان:-كافي يبعد أمج لا تحرگين گلبي زيادة
ملاك:-مابية شي طلعوا؟
ايمان:-لا بعدهم
سمعت صوت نجلاء طكطك بنعالها
وهي تحجي وبناتها وراها:-اي والله عمي زين تطلگت منا تزوجت منا جا شبيها
باوعتلها بتك عين
جيلان:-اول واحد شرطي وفلوسة تخر وراه
والثاني دكتور الله ينطي الجوز للماعندة سنون
جنى:-لا وفوكاها عاگر جا لو مابيج شي
صاحية شيجيج
دگيت ؏ التخم وگمت واني فايرة
احس النار بدت تاكل جسمي
جانت جنى يمي هي رايدة
الكتلة سحلتها من شعرها بكل قوتي
احس جذر شعرها گام من مكانة ودگيتها
بالگاع واني اصرخ
بس ماعرف شحجيت
وامي تخلي ايدها ؏ حلگي
كتلتها كتلة نار گلبي طفت بيها
احس نسحبت من شعري
باوعتلة شفتة جاسر انطاني راشدي
فر راسي فر باوعتلة مصدومة
ذبني وگال لأمي وهو كاز ؏ سنونة:-طببببييها
جوووة بسرعة اني اعلمجن بـ ****
عافنة وطب
وامي جرتني للغرفة ودك ؏ وجهها:-ولج يمة
فضحتينة الله ينتقم منجن انتن شنو انتن
شنو هاي العرامة يمة شلون فضيحة هاي ياربي
جمالة زلم وشيوخ هنا شيگولون علينة هسة
ملاك:-وووووطبببببهههههممم مرررض
خلي يكووووولوووون ماشفتييييهههها شحجتتتت
ملك:-اي حتى لو بس مو مال تضربيها
وتصيحين هيج والناس جوة هسة
ياريت لو الاستقبال بعيدة
ايمان:-عرامة وصلافة اني اعلمج خلي تطلع العالم وشوفي شسوي بيج
طلعت واني وجهي مجمر
واتندمت شسويت شون فضيحة
بس طبها قزرقط اهم شي كتلتها
ماكو دقايق وطلعوا الزلم
ضليت بغرفة امي ماطلعت
شوية وانفتح الباب وطب جاسر
خازرني من الخوف گتلة:-اذا كتلتني هسة ارفض
جاسر:-ولج شنو من صلافة هاي
شون هيج تسوين وفشلتيني گبال أمة محمد
ملاك:-اختك غير كام تحجي علية
وتكلي عاكر
جاسر:-جان انتضرتيني يطلعون واشگها الج بالنص
سكتت وهو گال:-بنات الكلب فضحني
ضميت شفايفي بضحكة
وملك گبالي هم ضامة ضحكتها
طلع واحنة فطسنة من الضحك
؏ شنو ماندري
متت ضحك واباوعلها تشيل روحها وترگعها
بالگاع واني اضحك عليها
طب عاگد حاجبة:-عليمن تضحكن؟؟
ملك:-يمممهههه راح امووووت
جاسر:-خبال الخبلجن الله امداجن
عافنة وطلع واحنة نضحك لمن عفتها
وگمت واني الضحكة ملازمتني
طلعت وشفت جنى شابگة ابوية لا لا ابوها
مو ابوية وتبجي
علاء:-هاي ليش كاتلتها
ملاك:-طبها قزرقط
جنى:-هاي لأن كتلها انتي عاقر واخذوج
ملاك:-وترديني اصفگلج واگلج اي والله صحيح
علاء:-گومن بابا گومن حبيباتي نروح لبيتنة
واني اباوعلة وحقد الكون كلة بوجهي
دمغني وهو يغمني بوجهي وراح وهو لازم بناتة
عمري كلة ماشفت هاي الحنية
الينطيها لبناتة؟
وتلوموني لان تعلقت بكمال؟
وهذا الوضع گبالي
بس هو اسوء لا والله شواية الله ؏ ابوية
مرت 4 ايام واجتني امي العصرية
تركض:-ولج يمة اجن عمات رجلج لبسي
ونزلي
ملاك:-شنوة؟
ملك:-عمات غيث يالعوبة
نسيت اصلا منو رجلي
ملاك:-استغفرالله يالله الي خلك كلولهن طالعة شو وين مولية
ملك:-اگلج لاتضلين تسوين هاي السوالف
ترة كافي زودتيها كومي يلا لبسي
ملاك:-طلعيلي اي خردة منا
واني متمددة اكلب بالقصة
وهي تختارلي الملابس وتكلي هذا لو هذا
نوب صاحت:-ادرررري جايييياااات ااااالي
لووووو الج ماتگووومين
ملاك:-ومرض كمت
گمت واني اشيل شعري
فتحت الكنتور وصفنت شلبس؟
والملابس مكومة
سحبت ملك ثوب ضيك
جان مبطن بلون بيجي يعني اليشوفة
يگول هاي جوا ملابسة شي بس
هو اصلاً مبطن
ضلت تقنع بية اقتنعت
گعدت گبال المرايا تمكيجت
خلي نعيش حياة جديدة؟
بلكي ننجح؟
لو.....؟
مكياجي بُني مرتب
لبست الثوب وشعري مفتوح وامي
صاحت من جوة:-ملوكة أمي وينج
صحت:-اجيت
لبست تراجي ورشيت عطر ونزلت
وگلبي يدك سريع
دگيت الباب ودخلت وجانن
خمس نسوان ورغد وياهن
سديت الباب بخجل وهمست:-السلام عليكم
صاحن بصوت واحد:-اللهم صلِّ على محمد وآل محمد
ام عبدالله:-تعاي يمة تعاي فدوة لربج
ابتسمت وسلمت عليها اول وحدة
وهي تتلمسني من ورا خجلت
حتى من روحي وتبوس بية
ابتعدت ورحت للثانية وسلمت عليهن
بالسرة اخر وحدة رغد ابتسمتلي
ابتسامة عريضة وشبگتني
حيل:-يا يمة يابعد روحي
وهي تشمني شم استغربتهن؟ ضليت
صافنة يكول اول مرة يشوفن مرة
رغد:-تعاي گعدي يمي
ابتسمت وكعدت يمها افرك بيدي
انطتني كلاص ماي شربت شوية
وهي تسولف وياي وتبتسم وتكرص خدي
زهرة:-ادري رغيدان انتي ضميتي البت غير احنة جايين نشوفها
رغد:-شتسون بيها تشوفنها اهم شي اخت العريس تشوفها
دمغتها البصفها وكالت:-دنجبي كومي
يمة كعدي يم امج خلي نشوفج عدل
گمت واني رجلية ترجف
ام عبدالله:-يا يمة ابنة مايحب الشعر الطويل
ميلت شعري لغير صفحة وگعدت
ايمان:-صدك والله مايحب الشعر الطويل
رغد:-ابد كل ما يشوفني يگلي كصي
هسة اذا شاف مرتة شعرها يسحل وراها شيگول
هههههههه رغم اني شعري مو طويل هواي
ام عبدالله:-هاي اول رجال بالكون مايحب
الشعر الطويل سجلن يمجن
رغد:-هسة يقنعها وتگصة اني ادري بي
اذا يخلي شي براسة يسوي
ايمان:-غير اكص راسة وراسها اموت ؏ شعرها
اني من دون خواتها هيج
زهرة:-لاتحسدنها ولجن يمة صلن على محمد
دنكت بخجل وافرك ايدي بأيد
والعرك ينزل من جسمي
ام عبدالله:-من نطلع بخريها عمي حتى من عيونة نخاف
حجيت بصوت ناصي:-لا شنو السالفه عليمن
وهنه يصلن ؏ محمد ويباوعلي
وعيونهن كلها حب ولا وحدة شايلة حقد
مبينات بوجههن سبحان الله
ورغد تريد تاكلني عيونها
ضلن يسولفن يسولفن شوية
وگامن ورجعن يبوسني ويحضنني حيل
ابتسمتلي رغد وميلت راسها
وگالت:-شكد اخوي انتضرج
باوعتلها بأستغراب:-انتضرني؟
ضلت مبتسمة وراحت واني افكر
بحجايتها شنو انتضرني؟ هو اني رحت
شلعت رحايتي اسبوع واجة خطبني
شنتضرني
اجت امي مبتسمة:-شفتيهن شلون
مبينات يحبن ابنهن
ملاك:-اي
ملك:-هسة تطلع وحدة بيناتهن حية وضامة راسها
ضربتها امي ؏ حلگها:-ولج انتي
بس سدي حلكج بسسسس سدددددي
ملك:-جذب اشااااقة شبيييج
ريم:-هي تجفص وتكول اشاقة
اضحك ؏ مناگرهن يومية
رحت نزعت ومسحت مكياجي وغمضت
زواج؟
علاقة زوجية؟
لازم احترام؟
حب متبادل؟
شعور متبادل؟
شنو ينتضرني بعد؟
اني الحب مختفي من مشاعري
اصلا ماعندي مشاعر
كرهت كل جنس ادم
شلون اخلي يتقربلي؟
شلون احبة؟
يكمل وياي الطريق؟
تعبت واني ارجع وحدي بنفس الطريق
يارب
نمت وايام تمر
وجنة كاعدين ؏ عشة كال جاسر:-الأحد
غيث يريد العقد
ملاك:-شكو مستعجلين
ايمان:-شنو مستعجلين هو لازم مشية
وراها عقد شتردين تخليها سنة؟ لو سنتين
ملاك:-ترة قبل اسبوع جاب مشية
جاسر:-اي حُبي هو عقد وراها ونوب
انتوا اتفقوا ؏ عرس شوكت
غمضت عيوني ودرت وجهي انقر ؏
الطبلة يالله تعبت من هذا التفكير المُفرط تعبت
وانطونة موعد العقد
وقبلها اجن عماتة مرة الثانية
بس اكثر بالـ 12 مرة وياهن بناتهن
صارت هوسة
جابن النيشان والفلوس
وجان كلشي خيالي وغالي وملك
تهمسلي هذا يا ماركة ويا ماركة واني عقلي
فاصل يرجع للماضي
رغد:-ما انتبهتوا لشي؟؟؟؟؟
ام عبدالله:-شنوة؟
رغد:-الوان النيشان كلها بتدرجات الازرك
ام علي:-اي ويعني؟
رغد:-يا عيني يعني رادهن عزيز الگلب
؏ لون عيون ملاك
كلهن صاحن يااا
واني غمضت وسكتت اهز برجلي
وعقلي مو وياهن
شوية وراحن
واجة الأحد امي مشترتيلي ثوب
ابيض مستور
الشعور السابق مو مثلة؟
رجوعي من المدرسة بسرعة حتى اعقد
جنت خامس اعدادي
شجابني للعشرين؟
جان عمري 17؟
يركض ركض عمري ليش؟ كلها مثلي
لو بس اني احس غمضت وفتحت لكيت
روحي بنهاية العشرين؟
اجت صديقة ملك هي دكتورة
وفاتحة صالون
بدت تمكيجلي وتكلي:-شو انتي حلوة
ماتشبهيهم بس هاي الزغيرة مريم؟ اسمها لو شسمها
ملاك:-لا ريم
اسيل:-اي بس هاي تشبهج شوية بس ملك
ولا يكول انتي وياها خوات
ملك:-اي حُبي اني مُختلفة
اسيل:-انجبي الزرگة
شمرتها بالفرجة واني ضحكت
وهي مكيجتني مكياج هادئ مطوخ الحمرة
فقط جان لونها وردي طوخ
لبست الثوب وامي گالت:-تلبسين شي
ثاني لو تضلين بالثوب يمة؟
ملاك:-لا اضل بي منو يبدل بعد بالعقد مرتين
اسيل:-لا عادي وأذا
ملاك:-مادري اني مابية حيل اضل كل ساع نازعة
ايمان:-براحتج تعاي يمة اسيلة هذا ثوبج كويتة
اسيل:-شلع گلبج مو
ايمان:-قماشة ماينكوي
اسيل:-تعبتج مشكورة
ايمان:-لا يمة احنة تعبناج
ملك:-ختولي عليمن تعبتيها غصباً ؏ راسها
رگصت بعرسها لمن الله كالي بس
ضحكت ؏ تفكيرها طبعاً
ملك مو طبيعي ابد اذا ماتعاير الواحد
ماترتاح
باوعتلي امي وهي تگلي:-تخبلين
هزيتلها راسي بأسف
ودرت راسي للمرايا
اسيل استلمت خواتي تسريحات
ومكياج بس ريم امي ماقبلت تمكيج
ثوبي مستور ماردتة مفضوح
بس رداناته كيبور حتى مو خفيف
وهو عريض كلش مامبين حتى للعقد
بدت النسوان تجي اكرهه هذا الشعور
صارت تلعب نفسي
لازم نرجع من جديد لازم؟
طلعت سلمت ؏ النسوان
وكعدت واني احس عيوني تريد
تطلع من مكانهن من الحرارة
بقيت اگرض اضافري
بأيدي من التوتر شفت نسوان وگفن
گبالي رفعت راسي
جانن خالاتي
ابتسمت وگمت اسلم ؏ وحدة وحدة
وهنه يباركلي
واخرهن جانت وردة
عيونها كلها ندم ماجاي افسرها هالبنية
ذبت روحها بحضني وبجت وهمست
بصوت بس اني اسمعة:-اسفة والله اسفة
بدون قصد حجيت والله
بدون ما جاوبها بس خليت ايدي
؏ متنها وبعدتها مسحت عيونها وضحكتلي:-الف
مبروك تستاهلين كل خير
ملاك:-الله يبارك بيج
وردة:-طالعة كلش حلوة
ملاك:-شكراً
المعزومين جانوا بس خالاتي
وصديقاتي امي ثنين وهنه عمات غيث
لان هنة هواي
تأخروا يلا اجو
ومن اجن خبصن الدنيا خبص
بالرگص والهلاهل والجكليت
شوية وگالوا يلا يعقدلهم السيد
انخفض نفسي وارتدت نبضات گلبي
دموعي تجهمرت بعيوني
شلون اعقد؟
وحُبي لكمال؟
كلة اختفى
ليش؟
واتذكرت من اول يوم خطوبتنه
وفرحتة ولهفتة الي؟
وحُبة وحنانة قبل لا يتزوج ولاء
حياتي قبل سنوات جانت حلوة؟
جانت عندي مشاعر لكل موقف ولكل حدث
هسة ليش ماكو؟
فززني صوت رغد:-يلا حبيبتي گومي
گمت ورجلية ترجف گعدت ونفس
الطقوس نفس كلشي كلشي
بس الداخل متغير
والأشخاص...
سمعت صوت السيد يسألني
اوافق لو لا؟
اگول لا؟
شجاني و وافقت
وين راح اذب روحي بعد؟
رفعت عيوني لوردة نزلت دموعها
بسكتة ومسحتهن وحطت ايدها ؏ حلگها
وهي تباوعلي وتهزلي راسها بـ لا
ملاك:-نعم قبلت
عافتنة وگامت ودموعي نزلت للقُرآن
صارت امي حاجز بيني وبين النسوان
وخزرتني
وگومتني وياها وگعدت نفس مكاني
اجت رغد:-لا لا تعاي بدلي
ملاك:-لا هو اضل بهذا
رغد:-لا عيني عريسنة جايبلج ثوب
؏ ذوقة گومي گومي
ملاك:-مايحتاج والله
رغد:-دگومي عليمن مايحتاج
سحبتني من ايدي
واني اباوع لأمي اريدها تنقذني
بس ماهتمتلي...
غمضت عيوني ودخلت للغرفة
وطلعتلي فستان لون ازرك
ملاك:-والله مالها داعي
رغد:-لا الها الها خلي اقفل الباب لايجي احد
قفلت الباب وصار وراي
نزعتني الثوب واني شايلة شعري
ولبست الثوب
جان ضيك بشكل مو طبيعي كتلها:-ضيك
هذا كلش
رغد:-اي هو هيج موديلة

*كـ تشبيهه!
سحبت نفس وهي عدلتلي
شعري وتهمس وتصلي ؏ محمد:-اقري
قل اعوذ برب الفلق حبيبتي
هزيت راسي وضميت شفايفي
وهي لزمت ايدي وابتسمتلي
وطلعنة سوة وصوت الهلاهل
عج بالمكان
وعيوني تدور وردة
هي الذُكرى الوحيدة بهذا المكان
رجعت گعدت ؏ كرسي وكالو راح يطب العريس
طشن جكليت واصواتهن وگفلاتهن
وهلاهلن ماتوقف لحظة
ومن كد ما طشن جكليت
اجت جكليتة طافر بعيني
لزمت عيني اليمنى بسرعة
وضليت افركها حيل حتى يخف الألم
ومدنكة راسي
وسمعتة طب ماهتميت لكلشي
عدى وجع عيوني بس ضليت احاول
مابين الهم
حسيت روحي بين ايدة باسني
بگصتي وهمس:-الف مبروك
ملاك:-الله يبارك بيك
گعدت وهو بصفي كلش
واني مغمضة احس عيوني راح توگع
بالگاع
جابو الذهب واني
مستمرة افرك بيها وفاتحة تك عين
اخذ الحلقة راد يلبسها الي
صفن بية وقرب راسي ألي:-شبيج؟؟
ملاك:-عيني انضربت بالجكليت
ذب الحلقة ؏ الميز
وخلة ايدة ؏ حنجي ودارني الة
وعيوني تجري ماي من الالم عيوني الثانية
غوشت
ايمان:-شبيها
غيث:-انضربت عينها شو باوعيلي تكدرين تفتحيها؟؟
ملاك:-لا جاي تأذيني
حجيتها وشهگت
غيث:-عمة جيبي ماي بگلاص
بلكي تصير زينة شو انطيني كلنس
وكلها صافنة علية
من الخجل ردت اكوم من مكاني
وهو واكف يمسح بعيوني ويهمس:-مابيها
شي ابوية بس ضربة خفيفة لاتخافين
ملاك:-تأذيني
غيث:-هسة اوكفيلي
زهرة:-يمة عين وماصلت ؏ النبي
غيث:-هي عين لو انتن اني مو گايل ماكو جكليت
ام عبدالله:-جا شنطش حجار
رغد:-اسكتوا ها ملوكة تكدرين تفتحيها؟
هزيت راسي بـ لا وضل يأذيني
اكثر جابت امي گلاص زغير
وبي ماي
غيث:-غمضي وفتحي بي ؏ كيفج
رغد:-وهذا المكياج خاف تتأذى تتلوث عيونها
غيث:-هاي شلون سالفة هاي
لاتخليها ؏ مكياج دخلي عينج بالماي
رغد:-هاي منيلك هاي السالفة
غيث:-معليج انتي سكتي
اخذ الكلاص وخليت عيوني
بي وصرت اغمض وافتح
اخر مرة فتحتها واشوف لون الكلاص
تحول لون احمر معناها دم!
شهگت وشمرت الكلاص من ايدة
وكلها اخترعت
ايمان:-شبيج يمة
ملاك:-دم كام ينزل من عيوني
غيث:-تؤ هذا مال مكياج گومي شو
گومني وهو محاوطني
وگفنة ؏ مغسلة وصار يمسح ؏ عيوني
بهدوء ويگلي:-لاتخافين ماكو شي
اخذوني لغرفة امي تمددت
وضليت مغمضة وايدي ؏ عيوني
واسمع اصوات هوسة
وهو واگف فوك راسي ولازم ايدي
وامي ورغد وخواتي وجاسر
لحد ما نمت سمعتة گال:-عوفوها طلعوا
بس مسحولها المكياج
ايمان:-هسة امسحة ؏ كيف والله يـ يمة مستحية منك
غيث:-لا يابة عليمن اهم شي تصير زينة
جاسر:-جا انت شكد فكر لخاطر دينك
ضحكتة سمعتها ونمت
ماحسيت بشي وراها
يمكن نمت ساعة او نص ساعة
بس احس احد يمسح بالمكياج
وجانت امي فتحت تك عين وهي همست:-ها
صرتي زينة؟
ملاك:-ماگدر افتحها يمة راح اموت
ايمان:-غيث بعدة واكف هنا
عيب منة كولي صرت زينة حتى من يروح
ناخذج للمستشفى
سمعت صوتة طب للغرفة:-ها عمة ماصارت زينة؟
ايمان:-لا صارت اشوة
غيث:-ملاك؟
ملاك:-صرت زينة
غيث:-ما مطمن بس فتحيلي عينج
ملاك:-لا عوفها هيج ماگدر افتحها
غيث:-معناها بعدها توجعج كومي عمة بدليلها خلي اخذها
ايمان:-لا يمة مابيها شي
غيث:-لا گومي منتضرها برة
ملاك:-ماريد اروح
غيث:-مو بكيفج
ملاك:-مابية حيل يمة ماروح
غيث:-ملاك كومي خلي ينطوج قطرات لاتعاندين
كومي بسرعة
لزمت الفرشة بكل قوة
ودي اگوم اذبح روحي مادري شسوي
بس اريد اختفي من الوجود
لبستني امي تراك
وفوگاه جبة ولفتلي الشال
وهي هم لبست ورحنة وهو بالدرب
يتصل ؏ الدكاترة
وصلنة گبال مجمع
نزلت وحاطة الكلنس ؏ عيني
حاوط جافي وهمس:-لاتضغطين عليها
حيل
ماجاوبت ودخلنة گبل للدكتور
سلم علي وامي ويانة گعدت تمددت ؏ السدية
ومغمضة عيوني
وغيث لازم الجبة حتى لاتنفتح
الدكتور:-افتحي بابا عيونج
ملاك:-ماگدر
الدكتور:-؏ كيفج افتحيها
ملاك:-اخاف
الدكتور:-لا لتخافين افتحيها
فتحت عيوني وهو مخلي ضوة بيها
وضل يفحصها واني من الالم احس روحي
شاغت
الدكتور:-بس هاي قطرات خليهن الها اذا تگدر
اخذها غيث وتقرب
مني وهمس:-فتحي عينج
فتحتها وهو يباوعلها وانفاسة تلفح
بوجهي همس:-اذا انتي عيونج تدوخ تعاي
عمة خليلها قطرة
اجت امي تضحك:-لعد ماتخليلها انت
غيث:-ضعيف انا گبال عيونها
ضحكت وخلتلي قطرة وهو اجة
حط گطن ولزگة فوگاها
واني گمت وغيث بعدة مخلي ايدة ؏ الجبة
ملاك:-كافي عوفها اني الزمها
لزمتني امي من جتفي
وهو كتبلنة قطرات بعد وگال:-مابيها
شي بس خدش بالقرنية ؏ قطرات تصير زينة
غيث:-مشكور دكتور تعبتك
الدكتور:-ولو انتَ تدلل
لزم ايدي وطلعنة سوة
وصعدنة بالسيارة ورجعنة للبيت
وهو گال:-عمة ديري بالج عليها والقطرة
خليلها مرتين باليوم وبين قطرة وقطرة نص
ساعة
ايمان:-تدلل حبيبي تعبناك
غيث:-لا يمعودة عليمن
سلم وراح واحنة دخلنة للبيت
واني تمددت ؏ التخم
وخواتي يمي
وامي تفتر وجاسر يلعب بالتلفون
شوية واجت امي بيدها صينية فواكه
ايمان:-يمة والله تفشلنة كبال الولد
ملك:-اذا هنه يطشن جكليت يكول مخابيل
ريم:-هي صدك انفكست بالجكليت شو اني ما مصدكة؟
ملاك:-دكلي تبن جا بيمن انفكست براسج
جاسر:-شكد وجهه فگر المگرود
ضحكت وگلت:-هاي من بدايتها الله
يريد يبعدنة بس احنة مجلبين
خزرتني امي:-قدر هذا وشي طبيعي
ملاك:-امممم
حجيتها واني اكل مشمش
خلصت وگمت نمت بغرفة أمي الباردة
مرت كم يوم وصرت زينة
بس اذا طلعت للشمس لو ضوة
قوي تضل توجعني والموبايل امي ضمتة
كالت لايأذي عيونج
يومين وامي گالت اجة غيث
ملاك:-اهوووو
ايمان:-وجعو هاي فوك ما أجاها
هزيت راسي وگمت وگلبت وجهي
واني لابسة دشداشة كشمير
قصيرة
ايمان:-لبسيلج شي بي حظ
ملاك:-مابية شي وخري يمة عني
فتحت شعري مو مايحب الشعر الطويل؟
خلي
ومكيجت مكياج خفيف ونزلت
واني طالعة روحي وما متقبلتة
شلون اتقبلة لباقي عمري؟
نزلت وفتحت الباب وجان كاعد
هو وجاسر شافني وابتسم وگام تقدمت
يمة باس راسي وهمس:-شلونج؟
ملاك:-زينة
غيث:-شلون صارت عينج؟
ملاك:-احسن
غيث:-الحمدلله تعاي گعدي
لزمني من جتفي باوعت لجاسر
واني گالبة وجهي وهو يباوعلي بقلق يهدأني
ضليت گاعدة واكرض بأضافري
وهو يسولف ويا جاسر
شوية واجت امي وبيدها علبة لون احمر
تقدمت يمنة وابتسمت:-البسوا الحلقات
ضحك تك خد وهمس:-جيبيها
اخذ العلبة من ايدها
وطلع حلقتي واباوع لايدة ترجف
اخذ ايدي الباردة وخلة بيها الحلقة
واحس خنگتني خنك
انطاني الحلقة استغربت رجفة ايدة؟
واني ايدي اباوعلها خالية من كلشي
لبستة الحلقة ودرت وجهي واني اعض
بشفتي بقهر وامي مبتسمة
طلعوا ثنينهم بقينة بس اني وياه
اخذ ايدي وباسها وذب نفس عميق
وهمس:-معلعلة گلبي
سكتت بقيت منزلة راسي
وهو يسولف وياي واني لو ارد لو مارد
مكتفية بهز راسي فقط
غيث:-بيج شي؟
ملاك:-لا
غيث:-لتفكرين بالراح
ملاك:-شنو الراح؟
غيث:-الماضي لاتفكرين بي
ملاك:-ماجاي افكر وياك
غيث:-لا مو وياي گليلي شبيج
ملاك:-لا هيج بس ملل
غيث:-نطلع؟
ملاك:-لا امي ماترضى
غيث:-صيحيلياها
ملاك:-غيث گتلك ماترضى
سكت
باوعتلة مبتسم همست:-شبيك؟
غيث:-مابية روحي صيحيها معليج
تأفأفت وكمت
همس من وراء:-لا تتأفأفين
عگدت حواجبي ودرت علي:-نعم؟
غمزلي وضحك
طلعت سديت الباب وضحكت والله يالله
صحت لأمي واني امشي وراها
وأگلها لاتوافقين يمة
عاطت بية انخلست
طبت وهي رأساً غيرت رأسها
هاي صدك تحجي؟ وخلتنة نروح وجاسر ويانة
صعدت واني مفحمة
فتحت باب غرفتي بقوة ملك تسولف
ويا صديقاتها هزت براسها شكو
نترت:-ماكو شي
لبست جبة وشال ماروني ذبيتة
لورا وحطيت حمرة ماروني طوخ
ولبست كعب ونزلت
خزرتني امي:-يعني تردين الرجال يطلع من طورة؟
ملاك:-شكووو؟
ايمان:-شنو هاي حمرتج
ملاك:-يمة وخري عنة ترة هسة ابطل
هزت راسها وهي ماراضية
عفتها وصعدت بالسيارة
دار علية وابتسم عبالي يصيح بية
سكتت هم
طول الطريق يحجي بهدوء
ويا جاسر جانت الدنيا مُغرب
دخلنة لمطعم وكعدنة اني وياه بطاولة
وجاسر گال:-راح اگعد برة اني
ملاك:-لااا تعال هنا اكعد
جاسر:-لا بوية اريد ادخن
ملاك:-لعد والأكل؟
جاسر:-هو راح اوصي اخذوا راحتكم انتوا
راح واني زفرت بقهر
شهالعبان نفس هذا واني اهز
برجلي حيل جوة الطبلة
غيث:-عيناك قلبي وقلبي لغير عيناك لا ينحني
ملاك:-شنو؟
غيث:-ماكو شي
ملاك:-شنو هذا الشعر القريتة؟
غيث:-هيج اجة ؏ بالي
ملاك:-هممم
غيث:-احجيلج قصة
ملاك:-قصتيش؟
غيث:-كافكا وميلينا
هزيت راسي سريع بـ اي
وهو ابتسم وکال:-هاي هيج متحمسة
ملاك:-مادري من حجيتلي عنهم
ضل بداخلي الفضول
غيث:-لعد ليش ما بحثتي عنهم؟
ملاك:-مادري
غيث:-لو منتضرتني احجيلج؟...
