رواية الطالبه والضابط الفصل الواحد والثلاثون بقلم توتة
ـ هُناكَ ضِيقَة
وكَسرٌ فِي صَدريّ أتعَبَتنيّ وَ لا يَعلم بِهَا أحَد " .
«اتمنئ لكم مشاهده ممتعه ❤️🔥 »
*************************
بقت يمي منارس ترتب بالجنطه وهيه تبچي قهرتني فوگ ماني مقهوره وروحي طالعه.
_كافي فدووه اني عايزه قهررر.
منارس / نارين فدوه لاتسافرين ولجج ولله خايفه بعد ماترجعين.
_من كل عقلج تحجين شنوو مارجع بابا منوو يبقه وياه صدكيني ارجع بس فترا العطله.
منارس / اوووف ولله ماگدر اخليج تروحين خايفه م̷ـــِْن روحتج هاي مدري ليش.
_تعالي.
حضنت عليها وبچيت وياها. بقينه نبچي سويه وحده تودع بالثانيه
بقت يمي لليل تعشت وراحت طلعت بالباب وشبعت بچي خطيه متعوده عليه كلش م̷ـــِْن احنه صغار سويه ربينه
اهلها واهلي مقربين م̷ـــِْن بعض وبينه ميانه كلش مثل العائله وحده
كلشي يصير عدهم مناسبات وكذا احنه حاضرين وهمه كذالك حته م̷ـــِْن تجي عليه وتبات ماعدهم اشكال لأن يعرفوني لوحدي بالبيت.
طلبت منهاا تبقه يمي ليوم گالت ماتكدر وراحت بابا ماعرف وين طالع
صعدت لغرفتي واني احس گلبي مقبوض اتمنئ امووت ورتاح م̷ـــِْن هل قهرر م̷ـــِْن هل ألم الي جاي ينهش بصدري.
يااربي دخيلك نسينياه فدووه نسيني راح امووت ولله مجااي اتحمل كل هل عذاااب
غمضت عيوني اتذكرت الضرف الي مرره كتبه الي بالشقه.
گمت م̷ـــِْن مكاني ورحت علئ الكنتور بقيت ادور عليه لگيته بقيت اقرا بيه واني اتبسم.
ياريت ترجع هل لحضات شكدد محتاجتك ضررغام لوو تعررف شكدد احبك ولله احبك اكثرر مما تحبني بهووواي بسس اني خوافه ماگدر اعترفلك.
خايفه م̷ـــِْن هل حب يدمر حياتي تماما.
بست الضرف وخليته علئ صدري وانيي ابچي ومقهوره.
اخذته وخليته بالجنطه مالتي مال السفر ورجعت تمددت علئ سرير.
لزمت جهازي وطلعت صوره ضرغام بقيت اقرب بيها ؏ عيونه شكدد اعشقهم هل عيوون شكدد تعلقت بيهم
احلا شي م̷ـــِْن يعصب يطكن عيونه ويصيرن حمرر
كلماته م̷ـــِْن يكولي ادفنج. شلعتي گلبي خبله كل كلمه حافضتها منه
كاافي نارين لآزٍمٍ تنسينه هل انسان مستحيل يكون الج انتي الي رفضتي لآزٍمٍ تتحملين.
طفيت جهاز ونمت.
صباح ثاني يوم "
گعدت صبح علئ صوت الباب يندك فتحت عيوني بنعاس. وهمست بصوت تعبان
_منووو.
حبيبتي نارين ابوچ منتضرج يگول خليها تگعد وتحضر نفسها طيارتنه ب 11 تقلع.
_تمام بسس احضر نفسي وانزل.
كمت م̷ـــِْن مكاني ورحت سبحت وبدلت لبست بنطرون اسود جلد. وقميص ابيض عليه حزام م̷ـــِْن الخصر اسود عريض مغطي كل خصري.
سرحت شعري وسحبته كوله وخليت عطر ومكياج اهتميت مضهرري كولش لأن رايحه دوله جديده وناس جداد
غير هاذه كله رايحه اشووف خالتي الي صاارلي اكثرر م̷ـــِْن 10سنوات مشايفتها.
بعدني دالبس بحدائي وصلتني رساله م̷ـــِْن سحر اخت ضرغام. كاتبه.
سحر / هاا نارين حبيبتي شلونج شون صرتي
رديت عليها بكتابه. ..
_تمام انتي شلونج.
سحر / بخير ضال بالي يمج ولله
_ليوم اسافر لتركيا ويمكن بعدد مارجع لهناا.
سحر / ليش ماترجعين ?
_ولله ياسحر تعبت حته گلبي تعب ماكدر اتحمل كل هل عذاب راح اروح واذا شفت نفسي تأقلمت علئ الوضع هناك راح اكمل دراستي ومن اتخرج افكرر ارجع
سحر / لا نارين فدووه حبيبتي اريدج تحضرين عرسي.
_اسفه اعذريني. يلا حبي تأخرت لآزٍمٍ اروح ديري بالج ؏ نفسج و ؏ ضرغام فدووه.
سحر / اوووف نارين ليش هيج
مارديت عليها.
اخذت جنطه مالت السفر وجنطه كتفي ونزلت لگيت بابا كاعد بالصاله
_صباح الخيرر يحلووو
ابو نارين / صباح العافيه باباتي شنوو هل جمال لاتنحسدين.
_ههه لا شدعوه موو لهل درجه
ابو نارين / ولله تخبلين طالعه
_فدوه خجلتني.
ابو نارين / يلا بويه تريكي حته نطلع تأخرنه.
_لا ماريدد خلينه نروح تعرفني ماحب اكل بالسفر.
ابو نارين / مايصير باباتي ورانه طريق طويل لآزٍمٍ تغذين نفسج.
_عود بالطريق اشتريلي كهوه
ابو نارين / كهوه شنوو شبيج يابويه
_بابا ولله تلعب نفسي خليني براحتي
ابو نارين / اااخ منج يلا خلينه نروح جوازج عندج موو.
_اي موجود بس انتضرني لحضه اروح اودع الخاله ورجعلك.
عفته ورحت للمطبخ بسرعه شفت الخدامه كاعده بسرعه رحت حضنت عليها خطيه هيه صارت تبچي تصير مثل امي مربيتني وتهتم بيه دائما.
_راح نشتاقلج ولله.
اني هم ولله راح اشتاقلكم. ديري بالج ؏ كاتي فدووه ماوصيج عليها.
_اخليها بعيوني.
فدوه لكلبج يلا مع سلامه.
_محروسه يمه الله يبعد عنج كل شرر.
بست راسها وطلعت م̷ـــِْن المطبخ رحت طلعت م̷ـــِْن البيت واني اباوعله. ماعرف شكدد راح طول سفرتي وياترئ راح ارجع لْـۆ ابقه هناك.
شفت عموو صلاح واكف ويه بابا رحت سلمت عليه وصعدت بالسياره
شويه وصعد بابا وتوجهنه للمطار.
طول طريق ساكته وگلبي خاااايف ومقبوض ماعرف شبيه احس روحي مختنكه بسس ماريد. ابين لبابا هل شي ماريده يخاف عليه م̷ـــِْن يرجع
اتضاهر فرحانه ومرتاحه واني بداخلي ميته وكفنه بابا مقابيل كوفي نزل جابلي كهوه ولفه وحلفني اله اكل شويه
ماحبيت اكسرر خاطره اكلت شويه رجع ساق وصلنه للمطار
نزلنه الجنط ودخلنه امشي واتلفت اتمنئ اشووف ضرغام. شكدد اتمنئ تصير بطلي مثل المسلسلات وتجي تمنعني ماسافر.
احلامي ورديه وين يجي اصلا وين يعرف بيه راح اسافر.
اخذو الجنط مالتنه بالتفتيش بابا اخذ جوازاتنه وراح علئ ابو السجل اني بقيت كاعده ومنتضرته علئ الكرسي.
شويه واجه كعد يمي انطاني جوازي.
ابو نارين / ساعه ونطير.
_تمام.
ابو نارين / خما تعبانه بابا وجهج مخطوف
_لا زينه بسس اريد اغسل وين الحمامات لعبه نفسي م̷ـــِْن الكهوه مرره
ابو نارين / هنااك بابا علئ اليسار روحي وغسلي.
كمت م̷ـــِْن مكاني ورحت للحمامات النسيائيه.
دخلت وغسلت واني اسحب نفسس شبيه ليش هيج مختنكه ليش مجاي يرتاح گلبي
معقوله صااير شي لضرغام لا ياربي دخيلك كلشي ولاهوه بيه اني ولابيه.
عقلي تخربط وافكاري تشوشت صارت تجي بالي اشياء غريبه خفت كلش وتوترت.
ستغفرت ربي ورتبت شكلي وطلعت م̷ـــِْن الحمامات وانصدمت صدمه عمرري م̷ـــِْن شفت ضررغام واكف مقابيل الباب منتضرني اطلع ..
__________________________________
ضرغام.
بعد مارحت نارين احس نفسيتي دمررت كلش غيرر هاذه كله كلام حيدر الي مجاي يطلع م̷ـــِْن راسي
ممصدك شلوون سامحته علئ غلطه معقوله تقبل تسوي وياه علاقه عنااد بيه.
ولله اذا صااارت صدك احتمال امووت. اني تفكيرر مخيلتي ماگدر افكرر بيه.
خلصت الفاتحه وناس بدت تخف عدنه بعدها تروح وترجع بسس اقل م̷ـــِْن ايام الفاتحه.
گاعد بالغرفه ولبس ملابسي العسكريه اريد اطلع للشغل ساعه ب 8. صبح تقريبا.
اندك باب غرفتي.
_تفضل
سحر / امممم ضرغام ممكن نحچي
_خيرر شكوو.
سحر / اني اعررف بعلاقتك انته ونارين
درت وجهي عليها مصدووم م̷ـــِْن كلامها هااي منوو گلها شلوون عررفت
بسرعه سحبتها م̷ـــِْن ايدها وسديت الباب
_منوو گلج هل حجي شلوون عرفتي
سحر / نارين حجتلي كلشي خطيه ولله تحبك لاتخليهت تسافر.
_هيه ماتحبني بسس اني احبها رفضت حبي وداست ؏ گلبي وماهتمت.
سحر / تخااف عليك ولله
_تخاف عليه ??
سحر / ايي متريد تخرب زواجك هيه حجتلي كلشي گالت احبه ومتعلقه بيه انته لوو شايف شكدد بچت عليك ولله الي يشووف دموعها عليك ينكسر گلبه حته لْـۆ حجر.
_انته شتحجين. لباررحه هيه الي طلبت مِڼـّي ابتعد عنهاا.
سحر / ايي صح م̷ـــِْن خوفها حچت هل شي تعرف نفسها اذا حبتك راح تدخل مشاكل واكيد متريد تخرب زواجك م̷ـــِْن مرتك سهئ.
_الي عليه سويته واني گتلها مراح اخلي شي يصيبج واذا ؏ سهئ ترا هيه تدري بيه مراح اطلكها.
سحر / لاتخليها تسافر فدووه اذا راحت ليوم بعد ماترجع.
_ شنووو.منوو كلچ راح تسافر
سحر / قبل شويه حچيت وياها گالت ليووم راح اسافر ومارجع بعد راح تستقر بتركيا
لزمت اكتاف سحرر بقوه
_تحجين صدكككك لْـۆ تشااااقين.
سحر / ولله ولله هاذه كلامها اني مالي علاقه.
_يعني ليوووم تروح.
سحر / ايي لهاذه اجيت اگلك حته تمنعها روح واحجي وياها اذا ماقبلت وياك هل مرره عووفها بحالها ولاتدخل بحياتها بعدد.
ابتعدت عن سحر وخليت ايدي ؏ راسي واني دااايخ
يالله هسه شسووي شسوي شلوون امنعها ماتسافر اذا راحت بعدد ماگدر اشوووفها امووت بدونها ولله روحي متعلقه بيهااا.
طلعت م̷ـــِْن الغرفه بسررعه ورحت لسيارتي سقت بأسرع ماكدر متوجهه لمطار بغداد.
اتصلت بصلاح سايقهم.
_الووو
صلاح / اهلا سيدي شلونك
_الحمدلله اكلك صلاح طلعت نارين للمطار بعدها.
صلاح / ايي قبل شويه طلعت هيه وابوها ليش محتاج شي منهاا.
_لا بسس عندي شغل ويه ابوها.
صلاح / اذا تريد م̷ـــِْن يرجع احجي وياه هوه بس يوصل بنته لتركيا ويرجع مايطول يوم واحد
_تمام اشكرك.
سديت منه واني روحي فااايره احس الطريق طوول عليه مستحيل تروح وتعوفني اتعذب لوحدي اخطفها ولله اخطفها خلي شيصير خلي يصير
اخذت الطريق كله احجي ويه نفسي مثل المجنون وصلت للمطار بسرعه ماطولت ساعه ونص. علئ كدد السرعه
دخلت بسرعه بقيت ادور ادور ماكوو رحت علئ ابو السجلات.
سألته علئ اسمها مانطاني معلومات گتله ضابط وعندي امرر لآزٍمٍ اتفقد اسماء الركاب شاكين بشخص معين
شاف الاسماء. ولگه اسمها م̷ـــِْن كال لسه. طيارتهم مقالعه احس دم رجع لجسمي.
عفته ورحت ادور عليها وينهاا المطارر جبير وناس هوواي وين الكاها هيه كلها طولها شبر ونص
وينج ياشلعان گلبي ويييينج ليييش هيج تعذبيني يانارين ليششش.
امشي واحجي ويه نفسي شفتها م̷ـــِْن بعيد عرفتها م̷ـــِْن شعرها الي واصل قريب م̷ـــِْن رجليها طوله فارق ولونه يلمع.
غمضت عيوني واني اسحب نفسس ابوها يمها يالله شلوون احجي وياها هسه شلوون اقنعها ماتسافر وتضل يمي.
ولله اذا عاندت اخطفها واخليها غصب ترضه
بقيت واكف م̷ـــِْن بعيد اراقبها شويه وكامت م̷ـــِْن مكانها راحت ؏ حمامات.
گلت هاذه الفرصه المناسبه حته احچي وياها لحگتها وانتضرت برا حته تطلع واحجي وياها ماكدر ادخل لأن حمامات نسائيه.
بقت شويه وطلعت اول ماطلعت شافتني بقت فاتحه عيونها الي يدمروني ويخلوني ضعيف گدامها.
اني هم ركزت بعيونها ثواني م̷ـــِْن النضرات المتبادله نزلت دموعها ؏ خدودها.
اجت تركض. وتعلقت برگبتي ماصدكت طلعت هل حركه منهااا واكانو انطتني نفس.
حضنتها بكل قووتي طبكت ضلوعها علئ جسمي اريدد اضمها بگلبي اضمها بين ضلوعي مارتاح.
نارين / تعبتتت ضرررغام تعبببت واني اضم مشاااعري عنكك ولله احبك احبك امووت عليكك ولله احبك اكثرر مما تحـبني بهوووواي.#ڪــڔٰا̍ڕ
احس انولدت م̷ـــِْن جديد م̷ـــِْن سمعت هل كلمات منهااا.
_ليشش تريدين تعوووفيني ليشششش.
نارين / مااكدر صدكني مااكدر خاايفه ضررغام ولله خاايفه م̷ـــِْن هل حب خاايفه يجيب اخرتي انيي يتيمه مالي شخص غيرر بابا مااريد اكسرر ضهره بيه مااريد نااس تحجي عليه أفہّمنِي.
دفنت وجهي بشعرها واني اشمها بقووه وهيه دافنه وجهه برگبتي.
_شحده ليوصلج. غيرر مايريد روحه ادفنه ولله انتي بسس ابقي يمي وشوفي شرراح اسووي وشلوون اقنع الكل واخذج الي.
نارين / صعبه ضررغام ولله صعبه مراح يتقبل شخص.
_تثقين بيه موو.
هزت راسها.
_خلص اذا تثقين بيه بسس وافقي اني احل كلشي صدكيني مراح تتندمين ؏ هل قرار.
حضنتي اقووه وهمست
نارين / لاتعوفني ضررغام متحاجتك ولله.
_ااااخ. ياشلعان گلبي
نارين / نزلني عيب ناس تباوع علينه.
_خليني اشبع منج تعبتيني ولله.
شلتها واني ضامها علئ صدري تعلقت برگبتي وبقت دافنه وجهه برگبتي.
همست بصوت ناصي.
نارين / راح اوكف وياك راح احارب الكل عليك خلي شيصير خلي يصير مايهمني.
_هاذه الكلام الي كنت منتضره.
نارين / تحبني. ?
شلتها اكثرر وفريتها واني اكلها
_امووووت عليجججج موو بسسس احبججججج.
نارين / عزااااا ضررغام راح اوكع نزلني عيب نااس شوفها تضحك علينه صرنه مسلسل تركي.
نزلتها ع ارض واني. ممصدك سامع هل هل كلام منهاا واخيرررا حجتها وگالت احبك منتضر هل كلمه منهاا ؏ ناار.
بقت مركزه بعيوني وهيه مبتسمه.
اتصل جهازها شافته رقم ابوها تغيرت كل ملامح وجهه.
نارين / ضرغام هاذه بابا شكوله هسه شلوون الغي السفره. طيارتنه بعد نص ساعه تقلع.
_عندي فكره
نارين / ايي شنوو گول بسررعه.
_سوي نفسج مكسوره رجلج
ضربتني علئ صدري بغضب.
نارين / بشنوو طالبني تفاول عليه تريددد رجلي تنكسرر هاي لگدرت عليها
سحبتها م̷ـــِْن خصرها علي
_ تمثيل بابا موو حقيقه بعدين حته لْـۆ نكسرت رجلج اني موجود واهتم بيج لاتخافين م̷ـــِْن شي
نارين / وخرر عني عيب احنه مكان عام هسه ناس تكول هل عسكري يتحرش بالبنيه.
_هل بنيه الطفله خبلت العسكري خلته مايعرف طريقه.
نارين / هسه عووف كلامك ع صفحه فهمني شسوي. بابا يتصل.
_نفذي كلامي ومعليج كوليه تزحلگت وكعت بالحمام ونفصخت رجلي انكسرت ايي شي
نارين / ماكدر اكذب ؏ بابا ولله
_ماعندج حل ثاني. نارين لخاطري حبيبي بس هل مرره.
نارين / اوك رايحه ادخل للحمام واخابره انته روح لاتخلي يشوفك تمام.
_راح ابقه اراقبج م̷ـــِْن بعيد.
نارين / تمام.
ادرت وجهه تريد تمشي سحبتها م̷ـــِْن ايدها عليه واخذت بوسه م̷ـــِْن خدها.
ابتسمت وباست خدي فتحت عيوني مصدوم هااي اول مره بحياتها تسوي هيج
عافتني وراحت وهيه تضحك اني بقيت جامد م̷ـــِْن الصدمه هههه.
ركزت واني اضحك عليها. صرت ؏ صفحه شويه وشفت ابوها اجه يركض للحمامات خطيه مبين خايف عليها.
____________________________________
نارين.
شفته واحس روحي دمرت ليشش جاي ليشش لحگتي
گلبي احسه راح يطلع م̷ـــِْن مكانه ؏ كد الدكات القويه الصارت بيه
ماگدر اتجاهله گلبي وعقلي كله يريده نزلت دموعي واني اباوعله ماگدرت اسيطر علئ نفسي رحت اركض علي وحضنته
اريدد تبرررد هل نااار الي شاابه بگلبي اريدد ارتاح م̷ـــِْن هل قهرر خلي يعررف بيه شكدد احبه ومتعلقه بيه
حضني بقووه علئ صدره احس جسمي وجسمه صاار واحد علئ كدد القوه الي حضنه بعض بيهاا.
عترفتله بكل مشاعري واني ابچي واشهك. كتله خايفه يصيرلي شي وبابا ماله غيري واني مالي غيره
گلي راح احل كلشي بسس انطيني فرصه.
قررت اوكف وياه ضد الكل وخلي شيصير خلي يصير مستحيل ادمر حبي بسبب هل خووف الحب تضحيه
بعد حب واشتياق واحضان وشم.
اتصل جهازي كان بابا خفت كلش شنوو اكوله هسه شلوون الغي السفره يالله.
گال ضرغام مثلي انو. تسحلگتي بالحمام ونكسرت رجلج.
مكنت اريدد اكذب ؏ بابا بسس ماكوو حل ثاني
عفته ورحت للحمام فتحت خط ؏ بابا
ابو نارين / ويين رحتي بوويه تأخرتي
_هئ. هئ. بابا تعااال ساااعدني ررجلي اااخ رجلي
ابو نارين / نااااارين شبيييج بابا شصاااار.
_ وكعت ؏ رجلي دتأذيني بابا فدووه تعاال
ابو نارين / لاتبچين يروحي جايج انيي لاتبچين
سد م̷ـــِْن عندي خليت ايدي علئ گلبي واني مقهوره م̷ـــِْن تصرفي الغبي.
رحت علئ طرف الحمام وضربت رجلي حته اتأذه وتصير حمره الغبيه ضربتها بقوه فرفحت روحي م̷ـــِْن الوجع صرت اكمز
كعدت علئ لارض وصرت ابچي شويه وسمعت صوت بابا برا يطلب م̷ـــِْن الموضفات انو يخلو يدخل يكلهم بنتي جوه
دخلت الموضفه وشافتني واكعه ؏ ارض خلت بابا يدخل.
اجاني بابا يركض سوده عليه حضني علئ صدره
ابو نارين / بووويه بنيتي شجاج بويه شلوون وكعتي فهميني
_اااخ بابا رجلي تتأذيني يمكن نكسرت
ابو نارين / تكدرين توكفين بابا بلا حركيها
_ماگدر بابا توجعني. ااااااي.
ابو نارين / اسندي عليه بابا هوه هاذه حضي ااخ يابويه وين اوديج ماتگليلي وين
لزمته م̷ـــِْن ايده وگمت واني م̷ـــِْن صدوك موجوعه م̷ـــِْن رجلي بس موو اكدر امشي عليها.
لخاطر ضرغام كذبت ؏ ابوي وهاذي كانت اول مرره بحياتي اسوي هيجج.
اخذني يسند بيه طلعني م̷ـــِْن المطار ڱڵـه. واخذني للسياره.
گعدني بالصدر ودخل سااق. بسررعه
ابو نارين / هاا بووويه بعدها توجعج.
_موتتني. بابا يمكن انكسرت ماگدر حته احركها.
ابو نارين / لا انشالله موو كسرر بسس اسحبي نفسس حبيبتي ولاتخافين انيي يمج
بقيت اباوع علي واني ابچي واغلط علئ نفسي بداخلي لأن جذبت عليه هيجج جذبه اباوع عليه وجهه صاار اصفرر وخايف عليه كلش.
طول طريق يهدي بيه وقره علي ايات قرانيه.
وصلني للمستشفئ اتلگونه بسديه بابا اتصل بيهم قبل لانوصل
اخذوني منه لغرفه الاشعه.
دخلت دكتوره وبقت تفحص بيه ولزم برجلي وتسألني منين الوجع واني مستمره بالجذب اكلها توجعني مناا مأذيتني وهيه متوجعني ابدد. ضمدتها الي.
شويه وطلعت دكتوره تشوف الاشعه مالتي دخل بابا للغرفه.
ابو نارين / هاا بويه شلووها رجلج بعدها توجعج
_لا زينه لاتخاف
ابو نارين / بيه ولابيج يابويه
_سم لله عليك فدووه لاتحجي هيج ولله مابيه شي لاتخاف
ابو نارين / مدري حضي مدري حضج يبويه كل مانريد نسافر تطلعنه سالفه صفح.
_ايي ولله شفت شكدد فكر هل سفره خليني هناا احسن.
ابو نارين / الله كريم بويه رتاحي هسه ختولي السفره.
ابتسمت واني فرحانه واخيرا التغت السفره.
دخلت دكتوره وهيه شايله تقارير مالتي بلعت العافيه ياربي هسه تگول لبابا مابيه شي ويعرف كنت اكذب عليه ...
