رواية عشك الشاهيين الفصل الواحد والثلاثون بقلم مجهول
🌿**گلّي من أحتاجلك وين أنطي وجهي ؟
گلّي من أشتاگلك وين أبچي عمري ؟
يا شهگتي ..
آنه متعوّد عليك
لا تخلّي السالفة الما تسوه
تاخذني من إديك **🌿
#البارت_31
غرام
هذا شبي طير ابو النومه من راسي وراح. شنو الفلم من شوكت هيج شاهين يتنازل ويتراجع بكلامه
شنو الفلم معقوله قرر يلغي العرس لا ميسويه بيه مرتين. شنو هم ارجع اتفشل كدام العالم مره ثانيه
ضليت افكر. اخر شي اتصلت بيه. مريم كالت
مريم
وين صرتي انتي وشاهين كال راح اخذ غرام واجي ولهسه ماكو
غرام
اصلا هو خابرني جنت نايمه كال كملي نومتج
مريم
شاهين هيج حجه لو غلطانه بالرقم
غرام
والله اني هم ستغربت بس هو هيج كال
سدت مريم التليفون بعد ماكالت راح تسال فهد وره فتره راسلتني كالت. مخابرين عليه من الدوام. وضروري يروح لذالك التحق.
ضليت حايره بأمري المهر بعد يومين والعالم كله معزومه أوف ربي شراح. اسوي بعمري هم مثل ذيج المره اجهز واحضر وتالي يعوفني ويروح... قصص وروايات عراقية كرار صلاح
ضليت كاعده وساكته قبل المهر بيوم بليل يعني باجر المهر كاعده وصافنه هسه شنو اكو مهر لو لا. حتى ماكدر اخابر مرام اساله عن شي.
ندكت الباب. رحت فتحته لكيت مرام ومريم وزهراء وصگر كتلهم
غرام
هله والله تفضلو
مرام
شنو ولج وحدج
غرام
اي ليش منو لازم يتواجد
مرام
ليش خالتي والبنات وين
غرام
دفوتو هسه. شكو واكفه. بالباب ومدخلتني تحقيق
دخل الكل. وجايبين كيك وعصاير ومستلزمات المهر. بس اني بغير عالم صكر راح ومرام والبنات ضلو يرتبون بالغراض طلعت للحديقه لحكتني مرام وبيده ابنه كالت
مرام
خلي شاهين يمج خلي انضف البيت
غرام
انتي متأكده. باجر راح يصير مهر. لو نفس ذيج المره
مرام
شهل حجي غرام. اكيد اكو مهر
عافتني ودخلت وخلت ابنه بحضني بس اني ممصدكه. وره فتره اجه فهد اخذ مريم وزهراء وجهالهم وراح بقت بس مرام يمي مرام ترتب جوه واني صافنه وحدي بالحديقه. سمعت صوت شاهين كال
شاهين
خلو ذني هنانه
باوعت. شفته دخل كارتونات هوايه على شنو فرحت مادري شنو لان هل مره ماضحك عليه مثل كل مره
هو حاسب الي وياه. ودخل شافني كاعده وابن مرام بحضني أتقدم عليه. جان يكول
شاهين
نسختي الزغيره بحضنج
غرام
هذا ابن اختي مو نسختك الصغيرة.
شاهين
يضل شاهين.
غرام
لا اكو اختلاف.
شاهين
اي هواي اكو اختلاف هو ابن خالتج. بس اني رجلج
من كال رجلج ضليت ساكته اخذ ابن مرام من حضني باسه وشمه وكال
شاهين
لتحضنينيه هيج قوي يبقه عطرج بي. واني ماقبل اعتقد تعرفني ماكو داعي نتعرف من جديد
غرام
انته تحجي صدك صاير شي لعقلك
شاهين
انتي شتكولين دكتوره
غرام
اللهم طولج ياروح.
شاهين
دتعاي. هسه وياي عدنه شغل هواي.
جنت مصدوم. هذا شبي. سحبني من ايدي ودخلنه كل عقله هذا. ترى احنه بعده كلشي مصاير بينه كتله
غرام
شاهين عوف ايدي ترى اني وانته بعد كلشي مصار بينه باي حق تتصرف هيج
من كتله هيج سحبني حيل اله. ولطشني بصدره وكال.
شاهين
مو شيخ شاهين الي يحتاج نص ودستور حتى. يسوي الي يريده اشو قبل مجان. هذا. الحجي موجود تحبين اذكرج شجنه لو تذكرين بعدين احنه اقرباء يعني عادي اجي لبيتكم وكت الي يعجبني واني جاي خطار من البصره لهنانه.
غرام
اي واني مناويه أعيد الغلط مرتين
شاهين
دسدي حلكج. لا اكص السانج ام حلك ماعيد الغلط مرتين.
هذا شبي. كل عقله. والله اليوم بي شي. دخلنه جوه جان صكر كاعد هو ومرام. كاله. انتي أخذي ابنج وانته تعال طبب الغراض ويايه. طبعا صگر طلع وياه واني وغرام واحده صافنه بالخ
شاهين
جنت بالدوام كاعد صافن احس الدنيا خانكتني بعدين سالت روحي اني ليش التحقت ليش عفت كلشي وراي واجيت.
ليش مو نويت اوفي بكل وعودي حتى. لو مجانت تحبني مثل الاول. اخذت اجازه ورجعت
احنه قبل جنه مخططين اهواي خطط لذالك كل هل خطط راح تتنفذ
رجعت اشتريت كل شي جانت تكول اريد اسوي وخطر باله رحت لبيتهم جنت متاخر بس الحمد لله. ماكو احمد اخوهه طالع للأنبار. وكال الصبح ارجع.
واني استاذنت منه وكتله عدنه كم شغله. ولازم. نكمله وافق وماحجه شي. طبعا كتله صگر ومرام بالبيت
كملت تدخيل الغراض. صحتله وكلت لصگر. لتشوفني خلقتك انته ومرتك
وهو ضل يضحك وراح.
هيه اجتي. صافنه عليه كتله. بعد مراح صگر ومرته
شاهين
يله تعالي خلي نحضر لمهرنه اذكر جان بالج. الديكور احمر وابيض. دكتوره
غرام
ماريد كلشي. من الماضي
شاهين
اعذريني. اني إنسان عايش بالماضي
غرام
ماعرف شكلك
شاهين
سدي حلكج وشغلي ايدج
جنت صافنه عليه شلون ديجهز الكوشه صح فرحان اعترف اشوف الفرح بعيونه بس مو ذاك الفرح الي جنت اشوفه بعيون الشاهين.
اكو شي بيه خلاني احسه مبتعد
مثلا جان يجنبب يكون قريب مني بالوقت الي جان شاهين مستحيل يبتعد عني
كملنه كلشي طبعا صح جنت امثل دور المجبورة بس جنت مرات انسه احنه شنو وضعنه هسه وأتحمس مثل قبل واكله. لا مو هيج هيج وهو يضحك ويسولف. بس. مره ثانيه ارجع اصفن واذكر الي صار وارجع اهدء
بعدين كملنه صفنت بالكوشه نفس مجنت احلم بيه. جان يكول
شاهين
ترى ادري بروحي فنان.
غرام
انته بس شتغلت هاي كله افكاري
شاهين
وأكون محتفض بهل افكار كل هاي السنين ترى هم فن. وعلى كلا ماريد اناقشش بشي راح اكول كم شغله واروح
غرام
شنووو
شاهين
كلته قبل عشر سنين وراح ارجع اكوله اليوم. فستان المهر اني اختاره واختاريته. وهو هسه. بغرفتج
غرام
اذا ماعجبني مالبسه
شاهين
نشوف. اذا يعجبج او لا. ومن راح شوفينه. ماصور. يبقه نقاش بينه
غرام
مومهم
شاهين
ووو جبت الذهب همات.
غرام
ماجان اله داعي.
شاهين
كلشي جاهز من عشر سنوات بس شلت عنه الغبار مو اكثر.
كال هيج وركب سيارته وطلع. كلشي جاهز من عشر سنين بس شال الغبار عنه
شممكن تتصور شيخ شاهين. كلبي هم بقه نفسه أني هم نفسي بس شيل الغبار. عني وارجع مثل قبل
بس أني اعلمك بيه اشوفك شلون شيل غبار.. قصص وروايات عراقية كرار صلاح
صعدت الغرفتي واني ناسيه سالفه الفستان والذهب لكيت ( ٧) جنط بالغرفه. شنو هل جنط لا ومزينات مثل جهاز اي عروس. زينه ولا بالأحلام.
وكاتب وياهم بطاقه
(الشاهين وغرامه )
واكو علبه جبيره بصفهم فتحته بيه. ........ فستان فضي. ....... ردان كامله. مابي لا فتحت صدر ولا ضهر. مقبط من كل الجوانب.
هادء ودافي. عكس الشخص الي جابه.
من شفته ذكرت شغله. جان دائمًا يكوله.
شاهين
غرامي لولوءه بوسط محاره. صياد واحد كدر يشوفه. ومن جماله وحبه اله خفاها حتى عم عيون النساء
غرام
شلون يعني
شاهين
يعني. اغار اذا احد شاف هل شامه ( اشر على شامته الي بركبته). حتى لو جان مرءه اغار موبيدي غرام.
يعني شعرج احس ملكيه خاصه بس اليه. عطره بس أني اشمه.
يعني غرام هل ابتسامه الي ماعرف شوصفه اغار غيري يشوفه ممكن يحس نفس إحساسي. هو مستحيل احد يوصل إحساسي بس ً ممكن. يفكر نفس الفكره.
غرام
ليش شنو احساسك
شاهين
ماعرف. بس كلبي ينتهي أمره. وتتخربط احوال. خووو عيونج هاي قضيه بحاله.
أني هسه. بين اديج والسبب عيونج
غرام
زين على حجيك هذا. لازم احبس روحي بقفص
شاهين
لا شنو قفص. اصلا أني مفكر اعتزل كلشي وانتي هم. ونروح نعيش بجزيرة بس أني وانتي.
غرام
هههههههههههههههههه كل عقلك
شاهين
ولج ماشبع منج شسوي ماعرف
غرام
يجي يوم وتمل
شاهين
ليش ممكن انتي تملين من حبي من غضبي من سيطرتي من جبروتي من غيرتي من تملكي
غرام
اي يجوز يجي هل يوم وامل من كل هذا
شاهين
انشاء الله أني أكون ميت وكته
غرام
شاهين شهل حجي ادري مو مليانين فرح ودنحضر لخطبتنه
شاهين
لمعه عيونج هاي من تطفي وكته يكون خلصان عمري
غرام
شاهين كافي غير الموضوع
شاهين
تخافين من موتي
غرام
شاااهين شبيك اليوم رحمه لمحمد.
شاهين
شميني وسكتي لتخافين اذا اموت اخذج وياي قابل اعرف ام المهيب وحده مايصير
غرام
اي اذا هيج اقبل
شاهين
مجنونه والله
غرام
بيك غير
شاهين
شميني.
اقتربت منه ودفنت راسي بركبته جان يكول وهو يلعب بشعري
شاهين
شوفي انشاء الله مابقه شي على زواجنه لذالك راح اكلج شي
غرام
شنو حبيبي
شاهين
هسه أني زين اعرف انتي متغلطين بحقي مستحيل بس أني مرات اعصب من شغلات ومن اعصب افقد
غرام
شنو دخوفني منك مثلا ترى شماعصبت. وصرت نار أني المي الي يطفيك
شاهين
ههههههههه تعرفين روحج. بس شميني احظنيني.كلشي يتبخر
غرام
اووووف يروحي يمه شكد احبك.
شاهين
اوووف منج ومن غرامج. ادري شنو شمسويتلي ولج صاير مانام اليل من وراج اعد الايام شوكت نزوج
كاله وباسني بوسته الجنونية الي يمكن لو كاتل ابويه هم اخظعله. بعد ما خله شفايفي تصب دم. كال
شاهين
هل سبوع نخطب. والسبوع الاخ نزوح
غرام
هدي هدي حياتي شبيك ليش هيج مستعجل شنو عالم تركض ورانا
شاهين
تقنعيني متريدين عرسنه اليوم كبل باجر
غرامً
ترى ميهمني العرس بكبره كل همي انته همي أكون الك. للأبد
شاهين
ترى انتي واني واحد للثاني للأبد هاي شغله من تهين منه بس تكونين الي وتحت جناحي وحد من ما هسه الف حجه تخلقين يله نطلع
غرام
ترى طول اليوم احنه سوى بالجامعه والعصر اكلهم اقره يم بت خالتي واني هنانه يمك
شاهين
مو كافي. اريد اكثر. اريد عطرج يملي كوني
غرام
ماشي راح اسبح باجر بالعطر وافتر واترس بغداد عطري
شاهين
عطرج لو شمه غير ادفنجً
غرام
من يجي المهيب راح احضنه كل قوتي وراح ينترس بعطري
شاهين
غيرت راي ماريد خلفه
غرام
هههههههههههههههههه دنيتي وأخرتي انته
شاهين
لا عوزج بالآخرة تروحين لواحدغيري
غرام
هسه شكولك
شاهين
ولا حرف خليني حاضنج وراسي بركبتج هاي كافيه
غرام
شلون تريد البس فستان مهر
شاهين
اني راح اجيبه
غرام
لا شاهين
شاهين
هوً المن انتي راح تتجهزين وتتحضرين وتسويق كل هاي الامور
غرامً
الكًً غير
شاهين
خلص لعد أني أجيبه
غرام
زين اوك بس شلون راح يكون شكله
شاهين
فضي
غرام
ليش هل لون
شاهين
حتى يعكس على عيونج ويبرزن اكثرواكثر ويصيحن للكل احنه غرام الشاهين
غرام
وبعد
شاهين
بعدد كل تفاصيله جميله يعني بساطه وفخامه وهم يليق بشيخه مرت شيخ
غرام
يعني شراح البس
شاهين
راح تكونين غرامي. اني
من رجعت من أفكاره للواقع جانت حاضنه الثوب ونايمه عل سرير ماكدرت تتركه نامت وهيه حاضنته ودمعه بعينه
