رواية ابي عذابي ومأساتي الفصل الواحد والثلاثون بقلم سمر اسامه
ساره.
بقيت كاعده بغرفتي وحايره شنو اسوي حايره شاكول الاهلي م̷ـــِْن جهه كلت موافقه كدام عصام
ومن جهه ثانييه خايفه ارتبط بيه ويكون بعده علئ طبعه القديم الي يضرب ويسب ومايحترم المره
كنت كاعده وادرس بنتي اندك الباب ودخلت شهد عليه
حجيت تفضلي شهد
دخلت وكالت ملاك حبيبتي بيبي جابت ككو روحي اكلي. راحت ملاك تركض
اجت يمي شهد ولزمت ايدي وكالت ها ساره شنو قررتي.
سحبت نفس ورديت والله ياشهد ماعرف حايره شنو اكول. خايفه م̷ـــِْن هاذه الموضوع
ماعرف شلون حجيت هيج كدام اهلي وخايفه اني واخوج مانتفاهم لان هو عصبي وميتحمل
ردت عليه والله عصام تغير وصار انسان ثاني راح يخليج تكونين مرتاحه وياه
وهو يحبج وسوه كل هاذه ع مودج
رديت عليها هو هاذه الي محيرني ماريد اكسر خاطره
وهو تحمل الضرب ولاهانه علئ مودي انضرب م̷ـــِْن اخويه ومن هذاك النذل بس برد كلبي م̷ـــِْن كسر رجليه حته بعد ميمشي عليهم
ردت عليه عزا ساره الاتكولين احمد هو الي تعرضلج هل مره هم
سحبت نفس ورديت اي هوه نفسه
بلعت ريكها بتوتر وكالت ساره خايفه يحجي لجابر كلشي وتصير مشكله كلش جبيره
فتحت عيوني بصدمه وستوعبت كلام شهد
باوعت عليها بخوف وحجيت عزا شلون راح هل شي م̷ـــِْن بالي
شهد شسوي هسه اذا اخوي عرف راح تصير مشكله
والله جابر يذبحني ياربي دخيلك
لزمت كتفي وحجت لاتخافين انتي بس وافقي وخلي الكل مشغول ب خطبه وهل امور وراح ينسو موضوعه
وهو ميكدر يحجي لان راح يفضح نفسه هم وهو شخص متزوج راح يخرب زواجه اذا حجه كلمه وحده
سحبت نفس بقهر وحجيت يعني هيج تشوفين
هزت راسها بأي.
طلعنه برا الغرفه وكانت ماما كاعده ب صاله
شويه واندك الباب كان عمي واخوي هيثم سلمت عليهم
ورحت اسوي جاي انطيته الهم وكعدت وياهم
حجه عمي. بويه ساره انتي مقتنعه ب ولد يعني هاذه اخر كلام عندج
هزيت راسي بأي
ابتسم ورد لعد نكول الف مبروك انشالله. والله يابويه نتمنالج كل الخير بحياتج وانشالله مايخيب ضنج بيه
اعرفج جبيره وتختارين الي يناسبج
ابتسمت ومارديت عليه بس بكلبي غصه خايفه م̷ـــِْن عصام خايفه يكون ممتغير وميحبني مثل ميكول.
حجه هيثم بس ياعمي هاذه الانسان مجرم نسيت شسوه بأخته قبل شون نوافق عليه
رد عليه عمي بويه ناس تتغير وهو لْـو مثل متكول
جان اتصرف تصرف خطأ بس هو خطبها باحترام ودافع عنها اكثر م̷ـــِْن مره
وهيه مادام مقتنعه بيه هاذه هو ليش توكفون بنصيبها
سحب نفس ورد عمي مجاي اوكف بنصيبها بس خايف عليها منه مبين عليه شراني ومايحب الخير
ضحك عمي ورد بويه انتو هم عصبيين بس هاي الحمدالله مدللين نسوانكم مو كل واحد عصبي وشراني معناها ماراح يعيش مرته بخير
راح احجي ويه لولد اني وخلي يجيب عمامه ويجون يحددون موعد للخطبه.
هز راسه بأي وسكت ماحجه شي
ضجت كلش لان اهلي كلهم مموافقين علئ عصام
رحت لغرفتي ونمت.
كعدت الصبح اجتي شهد كالت ليوم عمامي تجي ويه عصام حته يشوفونج ويحددون موعد للخطبه
سحبت نفس بقهر وماحجيت شي
رحت دخلت للحمام سبحت وبدلت وعدلت نفسي وكلت لازم اهتم بنفسي واشوف مستقبلي لازم اكون فرحانه
بس شسوي بكلبي خايف ومقبوض علئ بنتي ماعرف شنو مصيرها اني اريدها ويايه
صار الضهر واجه عصام هوه وعمامه كلها شيوخ
لان ابوهم كان شيخ. ولناس كلها تعرفه مكنت متخيله
راح يفتر بيه الزمن ويخليني ارتبط باخو شهد الي كنه حاقدين عليه كلشش لان كان ضالم باخته
دخلت مره جبيره بس موكلش وياها بنت شابه هم حلوه. وتنطي شبه الامها.
سلمنه عليهم ولبنت كالت وين شهد
رديت عليها ب غرفتها ترضع باطفالها هسه شويه وتنزل.
رفعت حاجبها بغرور ورديت اي شفايد الها بيت قصر وزوج شخصيه وحلو
امها كرصتها وهيه ضحكت وسكتت
مبين عليها موراحه هل بنيه وهيه بعدها صغيره اذا كلش يطلع عمرها ب 16 سنه لاكثر.
نزلت شهد وسلمت عليهم وكالت ساره عمه. هاذي مرت ابوي. كريمه واختي نوال. بنت كريمه
سلمنه عليهم وعرفتهم اهلها. طلعت لبنت اخت شهد م̷ـــِْن ابوها. بس ابد متشبه شهد.
شهد حلوه كلشش وبيضه وعيونها ملونه بس لبنت سمره وطالعه علئ امها.
كعدو ويانه وضيفناهم عصير وصارت لمره تحجي ويه امي وتكلها اخليها بعيوني وهاذي اول كنه النه
يعني ماعدهم ولاجنه ب بيت اني الاولئ كل اخوانها بعدهم ممتزوجين
اجتي ملاك تركض وحضنتني وكالت ماما دوعانه
باوعت عليه نوال وضحكت وكالت ياا عندج بنت انتي
بلعت ريكي بتوتر ورديت اي عندي بنت اني مطلقه
ابتسمت كريمه وردت اي هم كال عصام
ردت عليها شهد. اي ساره حبابه كلش ومؤدبه
واخويه مراح يلكه احسن منها. لان معدله بمعنئ الكلمه
ردت عليها نوال اي واضح طالعه عليج
رفعت شهد عيونها بملل وضاهر ماطيق نوال ابد ولاتحبها. وهيه حقها نوال ابد موراحه وكلامها كله بسامير.
طلع جابر سلم علئ كريمه ونوال صار بيها خفه بس تضحك وتسوالف وياه
باوعت علئ شهد. شهد ضحكت وهزت ايدها
اشرلي جابر اجي وياه. رحت دخلنه ب مطبخ كال
ناس كاعده ويريدون جواب شنو قررتي اكلهم موافقه
هزيت راسي بأي
باس راسي وهمس الف مبرروك انشالله تتهنين يروحي
حضنتنه وسحبت نفس رتاحيت م̷ـــِْن كلام اخوي
طلع جابر وشفت شهد تحجي وياه ويضحكون شكد حلوين هل اثنين مثل طيور الحب
باوعت علئ نوال تخوزر بيهم ومعاجبها الوضع مدري شبيها هل بنيه ههههه
راح جابر دخل عليهم واجت شهد يمنه حضنتني وكالت الف مبروك يروحي.
رديت عليها الله يبارك بيج يروحي
امي باركتلي ونوال وكريمه هم باركولي. شويه وطلعت الزلم ونوال وكريمه سلمو علينه وراحو
دخل جابر وهيثم وعمي وخالي كلهم اجو علينه لان جايتنه شيوخ وعالم كبار
كعدو ب صاله وكالو قررو الخطبه بعد 4 تيام
ولحاضر 5 ولغايب 10.
اني ماحجيت ولاكلمه بس حسيت بفرحه لان راح استقر بحياتي اتمنئ ارتاح ومايكون مشاكل بينه اني وعصام.
باركولي الكل
حجيت. جابر وملاك شلون اني اريدها ويايه حجيتو بهل شي لا
سحب نفس ورد لا والله ماحجينه انتي بعد تتفاهمين ويه عصام وتشوفين شنو يريد واذا مقبل
فملاك تبقه عندي وهيه مثل بنتي
باوعت علئ ملاك ودموعي نزلت وحجيت مستحيل
ماعوف بنتي لوحدها اخذها ويايه
رد عليه عمي بس بويه يمكن رجال مايقبل وانتي الي ختاريتي هاذه الطريق ولازم تستمرين بيه
مسحت دموعي وحجيت جابر فدوه اريد احجي ويه عصام اتصل بيه خلي يجي علينه
هز راسه بأي ورد ماشي بليل اعزمه علئ العشئ
واحجي وياه وتفاهمو.
خايفه مايقبل عصام بنتي.
اذا ماقبل اخرب كلشي وماوافق علئ الخطوبه ماكدر اتخلئ عن بنتي. واعوفها وهيه بعدها طفله زغيره
رحت لغرفتي بدلت لملاك ومشطت شعرها ضميتها
لصدري وصرت ابوس بيها وابجي واحجي ماعوفج والله ماعوفج
باوعت عليه برائه وحجت ماما اش تبجين
مسحت دموعي ورديت ماكو شي يروحي بس وكع تراب بعيني
خلت اديها ناعمات علئ عيوني وكالت هثه احلي حالو يطلع تلاب م̷ـــِْن عنج
((هسه اخلي خالو يطلع تراب من عينج) )
هزيت راسي بأي وضميتها لصدري وبقيت حايره
شويه واندك الباب دخلت شهد وهيه مبتسمه وحجت
يلا ياعروس وصل خطيبج تعالي للصاله
خليت ملاك ب غرفه وانطيتها جهازي تلعب بيه وطلعت ويه شهد
شفت عصام كان لابس قميص ابيض وستره سوده
كلش بارزين علئ جسمه طالع كلش حلو ومبين عليه الفرح.
كان هيثم وجابر وعمي كاعدين وياه سلمت عليهم وكعدت وياهم
كال عمي بويه ساره ادخلو ب ديوانيه واحجو ب مواضيع الي تريدينها قصص وروايات عراقية
باوعت علئ هيثم وجابر صارو يتنهدون وماعجبهم الوضع.
هزيت راسي بأي. ورحنه للديوانيه دخلنه
باوع عليه عصام وعيونه تلمع ب فرح بس اني حزينه
لزم وجهئ وباس راسي وهمس. واخيرا اقتنعتي وراح تصيرين مرتي.
باوعت عليه بخجل وابتعدت عنه واني افرك بايدي بتوتر. وحجيت ء ا عندي موضوع وياك
باوع عليه ورد اي كولي عيوني الج
رديت عليه سالمه عيونك اني اريد بنتي ويايه م̷ـــِْن نتزوج مابقيها عند اهلي ماكدر افارقها بعدها صغيره
سكت شويه سحب نفس ورد تمام بنتج وياج تجي
ابتسمت بفرح وحجيت صدوك يعني ماعندك مانع اخذ بنتي ويايه
هز راسه بأي
رديت عليه بفرح شكرا. والله كنت خايفه ماتقبل
تقرب مِڼـّي واني رجعت خطوات خله ايده علئ الحايط الي ورايه نزل راسه مستوئ راسي وهمس
اهم شي عندي راحتج والله شارط علئ نفسي اخليج تكونين اسعد انسانه
نزلت عيوني بخجل وحجيت يسلمو
ضحك ورد ولو تدللين غير مرتي راح تصيرين اذا مانفذ طلباتج طلبات منو انفذ.
ابتسمت وسكتت مارديت عليه خجلانه كلش منه وممتعوده عليه احس م̷ـــِْن يتقرب مِڼـّي كلبي يصير يرجف يريد يطلع م̷ـــِْن مكانه
ابتعد عني وحجه مبين عليج كلش خجوله مِڼـّي
باوعت عليه وحجيت اي لان ماعرفك م̷ـــِْن زمان وممتعوده
رد عليه شنو الي خلاج توافقين علئ الزواج مِڼـّي
بلعت ريكي بتوتر وتلاشت الاحرف عندي مَآعِرَفتّ شنو اكوله. وترني سؤاله
حجيت بخجل ماعرف حسيتك شخص مناسب الي
باوعلي بطرف عين ورد بس هيج
هزيت راسي بأي
رد عليه تمام بمرور الوقت راح تتاكدين انو قرارج كان صح. ومناسب الـٖج
همست انشالله
طلعنه م̷ـــِْن الديوانيه وعصام سلم ع كل وراح
واني سالوني عن الي صار وشكال عصام رديت عليهم وكلت وافق وكال ماعندي مانع تجي بنتج وياج
........................................................................
شهد.
بعد ماحجيت ويه ساره اجه علينه عمي وهيثم وحجو ياها. وهيه موافقه علئ زواج م̷ـــِْن عصام
كال عمي راح احجي وياهم واخليهم باجر يجون علينه ويحددون موعد للخطبه ونقرا الفاتحه
رحت لغرفتي رضعت جهالي الحلوين شويه ودخل حبيبي جابر. رحت عليه وحضنتنه وهمست كلش فرحانه لساره
شال راسي وباوعلي بطرف عين وكال فرحانه لساره لْـۆ الاخوج النذل
باوعت عليه بزعل وحجيت جابر شبيك ليش تغلط عليه هسه هو شمسويلك.
ابتسم ورد والله ياشهد اخوج متلوكله غير هل كلمه حته لْـۆ صرنه نسابه واخذ اختي يبقه نذل بعيني
درت وجهي بزعل وحجيت لا مونذل عصام خوش رجال ومحترم صح عصبي بس الكل يعصب
حضني م̷ـــِْن ورا وخله حنجه علئ رقبتي وهمس
اي اعرف الكل بس اخوج عنده فيوزات طاكه
ماريدت عليه وحجيت اي شنو قررتو انتو. راح توافقون مو
دار وجهي عليه وحجه اي واتصلنه قبل شويه باخوج المحترم. وكال باجر يجيب اعمامه ويجون علينه
ابتسمت بفرح وحجيت. حلو يعني راح تصير خطبه بيتنه يااي.
كرص خدي وكال مو اكلج اخوج نذل شوفي شلون عرف يفر سالفه لصالحه شافني اخذت اخته.
صار يحوس علئ اختي الاحد ماخليها تقتنع بيه وتوافق علئ زواج منه. اوف لْـۆ يخلونه بين اديه اله اكله بسنوني.
ضربته علئ صدره وحجيت جاابر شبيك شـٰهَٖل كلام والله ازعل عليك اذا حجيت هيج مره ثانيه
بعدين لازم تكون فرحان الاختك. واخيرا فكرت تعيش حياتها وتستقر. وعصام يحبها اكيد راح تكون سعيده وياه.
بعد هاذه كلامك ماله داعي
مسح وجهه بتوتر وحجه اي هم صح هو اني منو مهتم لرئيي كل شخص ياخذ الي يريده واني باقي هنا. رجل كرسي
رديت عليه بزعل. جابر شهل كلام انت رجال هاذه البيت ولكل ياخذ رئيك بكلشي. بعدين ساره اخذت رئيك قبل لاتوافق.
واذا انت مموافق علئ هاذه الزواج عادي كول. لساره وخليها ترفض الزواج وهيه تسمع كلامك
سحب نفس ورد لا ماحب اوقف بقسمتها يمكن تكون مرتاحه وياه خليها تزوج
حضنتنه وحجيت لاتخاف عليها والله راح تكون مرتاحه. بزوجها انتو بس لاتحجون هيج كدامها ترا تضوج.
حضني قوي وباس راسي وهمس انشالله
اخذني ورحنه تمددنه علئ السرير وصار يحجي ويايه
لاحد مادخت ونمت
كعدت الصبح ع صوت اطفالي يبجون رحت عليهم
رضعتهم وغيرت ملابسهم ورجعو نامو شفت جابر لسه نايم. علئ بطنه ومخلي مخده بحضنه ماخلي يحضني اخاف علئ بطني
ابتسمت ورحت تقربت منه وخليت ايدي علئ شعره وهمست جاابر اكعد راح تتاخر علئ شغلك
باوعلي بطرف عين وهمس دقيقتين بس
تقربت منه وبست خده وهمست لا ولادقيقه راح تتاخر يلا كوم
سحبني م̷ـــِْن ايدي وخلاني تحته صرخت بوجع
اااخ بطني ع كيفك
هو بسرعه فز وباوعلي بصدمه وحجه اسف نسيت لعمليه والله شنو تاذيج اخذج للدكتوره
عدلت نفسي وكعدت وحجيت لا ميحتاج بس لان ضغطت عليها صارت توجعني. انت كوم اسبح وروح لشغلك
راح انزل اسويلك ريوك ماشي
تقرب مِڼـّي وباس شفتي وهمس اذا بقت توجعج بس اتصلي عليه اجي اخذج للدكتوره.
هزيت راسي بأي. وعفته ونزلت سويت ريوك اله
شويه وكعدت عمتي وساره. ونزل جابر صبحت عليهم
تريكو وجابر كال ليوم يجي عصام هو عمامه حضري نفسج ساره.
هزت راسها بأي.
خلص ريوك واشرلي اجي راح للمطبخ رحت وراه
دخلت ولزمني م̷ـــِْن خصري واخذ بوسه م̷ـــِْن عنقي
باوعت عليه وبتسمت وحجيت ع هاذي ناديتلي
ضحك ورد لا مو ع هاذي بس. م̷ـــِْن يجون اهلج ويروحون ناخذ الاطفال نلقحهم.
رديت عليه هاا اوك. بليل ناخذهم. اذا عندك مجال
تقرب وخله خشمه علئ خدي وهمس كل الوقت الكم
حضنته وبست صدره وحجيت فدوه اروحلك ابو نمر
شال راسي وباسه وهمس تدللين ام اسد
دخلت ساره كانت الازمه صحون شافتني جابر حاضني م̷ـــِْن خصري واني مركزه بعيونه وذايبه برجولته
تنهدت وحجت. احمم احمم.
باوع عليها جابر وبتعد عني وحجه مثل ماكتلج شهد
هزيت راسي بأي
عافني وراح لشغله واني ساعدت ساره بغسل الصحون
بقينه شويه واجه هيثم هو وعمهم وخالهم.
سلمنه عليهم وكعدو ب صاله.
حجه هيثم بصوته الخشن وليخوف. شلون صرتي شهد
رديت بخجل الحمدالله احسن
رد عليه انشالله دوم
جاوبه اشكرك.
رحت سويت جاي وانطيته الهم وصارو يحجون ويه ساره ويشوفوها اذا راضيه او لا. وهيه كالت موافقه
شويه وندك الباب وكان جابر دخل وسلم عليهم وصعد للغرفه. بدل ونزل طالع يخبل ولو هو يوميه هيج
بس ماعرف ليش كل مايلبس شي يطلع حلو عليه يخليني اعشقه اكثر واكثر
بقو شويه يحجون اني صعدت لغرفتي ارضع جهالي
نومتهم ونزلت لكيت كريمه ونوال ب صاله
سلمت عليهم وعرفت ساره وعمتي عليهم ونوال مدري شبيها تبسمر ب كلام الحقيره الكل يتغير لاه هاذي التافهه
حجت نوال وين اطفالج نريد نشوفهم
رديت عليها والله هسه نامو كنت ارضع بيهم
كالت اكدر اروح اشوفهم
رديت عليها اكيد تكدرين هسه شويه ونصعد اني وياج
دخل جابر وسلم عليهم باوعت علئ نوال اكلته بعيونها اكل عبالك مشايفه زلم عابتلها
اخذ ساره وصار يحجي وياها وهيه تهز براسها
باوع عليه وقمزلي. كنت لابسه فستان لونه فضي وبيه لمع بارز عليه وكلش لايكلي.
رحت عليه وخليت اديه علئ صدره وحجيت شنو قررتو. ابتسم ورد. وافقنه وقررنه بعد 4 تيام تصير الخطبه.
اوف طالعه ﺗﺨِـﺒﻟﯾﻦ ليوم ملعونه تغرين بيه واني فقير
ضحكت ورديت لا والله ماغري بيك اصلا انت طالع احلا مِڼـّي بهوايه
باوعت علئ نوال تخوزر بينه واكلتنه بعيونها
حجيت بهدوئ جابر. روح للديوانيه نوال اكلتك بعيونها
باوع عليها وضحك وكال اكلج شو هاذي اختج ماتشبهج.
باوعت عليه بغرور ورديت اكيد ماتشبهني اني ماكو مِڼـّي 2 ههههه
ضحك ورد اي طبعا ماكو منج وقمزلي. عافني وراح للديوانيه.
اجت يمي نوال وكالت والله حلوه علاقتكم مبين عليه يحبج هوايه.
رديت عليها بغرور اي. جابر يمووت عليه فديته مثل ماني احبه هو يحبني هوايه.
عضت شفتها بزعل وحجت اي خوش تعاالي خليني اشوف جهالج ترا ماراح اكلهم
ضحكت ورديت لا شسالفه تعالي غرفتي فوك اخذتها وصعدت للغرفه مالتي اني وجابر. دخلت وصارت تباوع الاجزاء الغرفه
غرفتنه كلشش حلوه وتصميمها تريكي. وبيها غنفات علئ صفحه وكدامهم طاوله وكاروك جهالي قريب علئ السرير واني دائما ارتبها واهتم بنضافتها قصص وروايات عراقية
حجت كلش حلوه غرفتج
رديت عليها عيونج الحلوه تعالي هذولي اطفالي
رحت عليهم وباستهم وحجت ماشالله كلش حلوين
واحد عيونه عليج ويشبهج كلش
ابتسمت وحجيت اي صح وهاذه يشبه الابوي بصغره
بقينه شويه ونزلنه وهمه راحو. وساره كالت الاخوها تريد تحجي ويه عصام بموضوع بتها
هو وافق وكلها بليل نعزمه علئ العشئ
صعد جابر للغرفه واني صعدت وراه لكيته نازع قميصه
وباقي بس ب تعلاكه ويلاعب باسد ونمر وهمه يضحكون وهو مكيف وممصدك نفسه
دخلت وحجيت. شعدهم المشغوذين هذولي
باوع عليه وحجه ماغيرج المشعوذه اشو همه ملائكه
فتحت عيوني بصدمه وحجيت ها هيج صارت صرت هسه اني المشعوذه. هز راسه باي
حجيت ناخذهم للتلقيح لو نبقه لباجر
باوع عليه وحجه لا خليهم لباجر لان اخوج يجينه بليل
....................................................................
ايمن.
كنت كاعد ب مكتب واشتغل. اتصل جهازي وكانت روان. فتحت خط وحجيت الوو هلا حبيبي
ردت عليه بوجع وبجي. اااايمن تعال بسرعه راح امووت م̷ـــِْن الوجع
رديت عليها بخوف ولهفه روااان حبيبتي شبيج شنو صار. جايج لاتبجي. جااي
بقت تبجي وماتكدر تحجي ويايه احس كلبي طار م̷ـــِْن مكانه مَآعِرَفتّ شسوي واني اسمع صراخها ب جهاز
ركبت سيارتي وسقت بسرررعه دقايق وصلت الشقه
نزلت اركض لكيتها متمدده علئ الارض ولازمه بطنها وتبجي بصوت مسموع
ركضت عليها وشلت راسها خليته علئ صدري
وصرت امسح بدموعها وحاجيها. روان حبيبتي احجي شبيج شنو صار. ليش هيج موجوعه
كانت تبجي ولكلام ب كوه يطلع منها ردت عليه
م ما ماعرف. بطني راح اموت.
شلتها بين اديه واخذتها للسياره وهيه لازمه قميصي وتبجي احس دموعها ترست قميصي ترس
كنت اسوق ومخلي ايدي علئ ايدها واحجي
روان. حاجيني يروحي شبيج. شنو صار
باوعت عليه وروحها رايحه. وحجت بوجع ا ايمن ابني
ابني. راح امووت
لزمت ايدها بقوه واني كلبي احسه مقبوض عليها وحجيت اشش مراح يصيرلج شي اهدي شويه واسحبي نفس
ب كوه سيطرت ع نفسي وحته سياقه ب كوه سقت
اسوق وعيني عليها كلبي احسه طار عليها وهيه تنازع وتريد تموت. احس روٰحـٓھٰا راحت
وصلت للمستشفئ واخذوهئ للطوارئ.
بقيت اكل بروحي شبيها شنو صار لبارحه كانت زينه ومابيها شي شنو صار ياربي دخيلك احميها الي
اتصلت علئ اهلها وهمه تخبلو خطيه وامها صارت تبجي ب جهاز.
شويه واجت عائلتهم كلها ابوها وامها واخوها
لزمني عمي بقهر وحجه شبيها روان بنيتي شبيها
سحبت نفس بقهر وحجيت والله ماعرف اني مثلكم مصدوم ماعرف شنو صار لبارحه كانت بخير ومابيها شي
بس مرات تشكي م̷ـــِْن معدتها وكلت يمكن بسبب الحمل. بس ليوم م̷ـــِْن شفتها مثل المذبوحه تتمرغل ب ارض. وتنازع بروحها.
خله ايده ع راسه اخوها وكال ممعقوله يعني شنو صار وياها دكتوره شكالت
رديت عليه لسه ماطلعت ولاطمنتني عليها
شويه وطلعت دكتوره
رحنه نركض عليها حجيت. دكتوره بشري شونها مرتي
سحبت نفس بقهر وكالت.
مرتك عدها التهاب حاد ب امعاء ولازم نسويلها عمليه ولازم نوكع الطفل منها لان اذا بقه يسبب خطر علئ حياتها ويمكن تموت
فتحت عيوني بصدمه وحجيت شنووو تموت وانتووو شنو شغلكم هناااااا.
لزمني عمي م̷ـــِْن كتفي وحجه اهدئ بويه خلينه نفهم منها شنو سبب هل التهاب
درت وجهي عنهم وخليت ايدي علئ جبيني بتوتر
وحجيت لا. مستحيل روان ماتموت. اكيد دكتوره غلطانه.
حجت ويه اهلها وكلولها نزلي الطفل منها. حته تعيش روان ودكتوره كالت لاه زوجها يوقع ع استماره
رحت وقعت واذكر كلامها ويايه وشون كانت فرحانه ب طفل ومنتضرته ع نار
ليش صار هيج ياربي.
بقينه منتضرين الدكتوره تطلع وطمنه عليها
خلصت العمليه وطلعت الدكتوره ورحنه عليها بلهفه
حجت نزلنه الطفل منها. وحالين جاي ننطيها علاج بس حالتها صعبه ولعمليه اثرت بجسمها كلش
لان طفل صايرله تقريبا شهرين ونص
نزلت عيوني بقهر
سالها ليث يعني هسه هيه بخير ماكو خطر ع حياتها بعد. ردت عليه دكتوره. اي حالين وضعها مستقر بس لازم تبقه يومين ب مستشفئ حته نعالجها
رديت عليها دكتوره اكدر اشوفها
جاوبتني لا حالين ماتكدر لان لسه البنج مأثر بيها خليها تصحئ وبعدين ادخلو عليها براحتكم
بقينه كاعدين ب ممر وامها صارت تنوح وتبجي علئ بتها. وحقها هل شي همه بس هل 2 عدها وبتها ماتهنت بحياتها
بس حاير شون صار عدها التهاب هيه مكانت تشكي م̷ـــِْن شي شنو الي خلاها تتاذئ هيج.
بقينه منتضرين شي ساعتين وطلعت ممرضه وكالت المريضه صحت وتريدكم. #ڪــڔٰا̍ڕ
راح ابوها وامها عليها بلهفه دخلنه عليها وكان وجهئ ذبلان وعيونها بيهم قهر ودموع تارسه وجهئ
تقربو امها وابوها وحاوطوها وصارو يبوسون بيها ويمسحون بدموعها. ويقرون عليها ايات حايرين شيسوون.
اني رجليه ماوصلتني عليها. احس بكسرت كلبها
اعرفها تحب الاطفال وهسه هيه خسرت طفلها
حجيت بوجع. ا ء اايمن
تقربت منها ولزمت وجهه وعيوني تارسها القهر
رديت عليها يروح ايمن موجوعه حاسه بشي
خلت راسها علئ صدري وصارت تبجي وتنشغ بصوت عالي وحجت ويييين ابني. وكع مووووو وكع
اهلها طلعو وخلونه لوحدنه
لزمت وجهه وبست راسها وحجيت يروحي الطفل يتعوض بس انتي ماتتعوضين جان متي بسبب هاذه الطفل
احمدي ربج كدرنه ننقذ حياتج لاتبجين يروحي
لزمت قميصي بقوه وهيه تبجي اني اررريده ارريده هاذه طفلي شون تنزلو بدون متكولولي شلوووون
انت مو تعرفني احبه ليششش ليشش خليتهم ينزلو مِڼـّي ليش. اريده
مسحت دموعها وحجيت اشش كافي تبجين الطفل يتعوض وهاذه كله رزق م̷ـــِْن رب العالمين
يمكن ربنه مكاتب النه هاذه الطفل والحمدالله صار فدا الج. جان متي لْـۆ باقي بطنج
مسحت دموعها وحجت شنو سبب هل وجع ڱڵـه.
حسيت. نفسي اخذت انفاسي الاخيره متت م̷ـــِْن الوجع
مسحت وجهي بتوتر ورديت والله ماعرف يكولون التهاب ب امعاء وحالتج كلش صعبه كانت ولو باقي طفل بطنج ومنطينج علاج
جان اثر عليج
حضنتني وهيه تبجي بصوت مسموع ليش صار هيج
بست راسها وحجيت هاذه كله قضاء الله ولازم مانعترض عليه الحمدالله ع كل حال المهم انتي بخير
لْـۆ صايرلج شي شجان صار بيه وحق الله حته طريق المستشفئ نسيته. احس كلبي طار عليج
ليش سويتي هيج بيه
شالت راسها وهيه تبجي وتحجي ايمن الي صار مقصود اني متاكده لبارحه م̷ـــِْن رحت للكيله
وحده م̷ـــِْن صديقاتي انطتني اكل. اول ماكلت م̷ـــِْن عنده حسيت بوجع بمعتي بس عبالي لان حامل بس بسبب هل شي راح ابني
فتحت عيوني بصدمه وحجيت ليش شنو انطتج واثر بيج هيج. انتي شون تاكلين بدون متتاكدين
سحبت نفس وردت والله اكل طبيعي كانت جايبه كيك
وانطتني قطعه واكلتها بس حيل اذتني اول ماكلت منها
ماعرف اذا شكي صح او لا بس اني م̷ـــِْن اكلت منها توجعت ولصبح لكيت نفسي مثل الجثه ونفسي ب كوه اجره
حضنتنها بقوه وحجيت روان منو ديسوي كل هاذه بيج اني كتلج م̷ـــِْن زمان اكو شخص يريد يفرق بينه
قسما بالله بس خليني اعرفه اذا ماترست بطنه رصاص ماطلع ايمن. جان متي بسبب هل اكل
بس خلي تتحسن حالتج ودليني علئ صديقتج واني اعرف شلون اتصرف وياها.
حضنتني بقوه وهيه تبجي وتشهك. مراح يتغير شي ابني راح خلصص. اووف
شلت راسها وركزت بعيونها بغضب وحجيت حت لْـۆ راح بس راح اخذ حق ابني منهم اله اطلعه م̷ـــِْن خشومهم.
سكتنه علئ هوايه امور وكلت خليني ماسوي مشاكل بس ضاهر هل انسان تماده هوايه. ويرادله جرت اذن
حسيت بيها صارت تنوجع. دفعتني وحجت نفسي
ختنكت ايمن روحي. روحي راح اموت
طلعت بسرعه وناديت للدكتوره واجت خلتلها اوكسجين وانطتها مهدئ ونامت.
دخلو اهلها مرعوبين وسالوني شكو رديت عليهم ماكو شي بس بقت تبجي ع طفل وتاثرت حالتها لان هسه مسويه عمليه وحالتها ممستقره
بقينه كاعدين يمها ب غرفه واني احس عيوني طلع ناار م̷ـــِْن عدهم. منو يتجرئ يسوي هيج بروان منووو
اوف لْـۆ بس الزمه بين اديه والله مارحم بحاله
ب اول رادو يبعدوها عني ومكدرو ومن شافوها حامل وكلوها مدري شنو وخلوها توكع الطفل
وين عايشين ياربي ناس مابقت رحمه بكلوبهم ليش ديصير هيج بينه ليش تغير الزمن وناس ماترحم ناس
