رواية ذيب الشامخ الفصل الثاني والثلاثون بقلم توتة
يا حضن باجر يلمني خلاف عينك كلشي احسنه ضياااع ..💔
>>>>>>>>>>>>>>>>>>>>
ابو ذيب : ابني ذيب ياخذها
درت وجهي عليه مصدوم م̷ـــِْن كلامه شنوو يقرر بكيفه
_بس يابه
خزرني معنه اسكت ماحبيت اسوي مشكله كدام عمامي والشيخ سكتت ماحچيت شي بس بداخلي نار تغلي عمري مانحطيت بهيج موقف
شيخ محمود / خير انشالله چا باجرر نروح وتصير الگعده وناخذ البنات
ابو ذيب : ماشي
بقو هواي يتناقشون بالموضوع اني سكتت ماحچيت شي وياهم اصلا سالفه كلها ماداخله بعقلي انوب اتورط بيها واخذلي وحده فصليه
طلع الكل اني كاعد واهز برجلي منتضرهم يطلعون واحجي ويه ابوي
_انته شلووون تاااخذ هيج قرار بدون متاخذ رأيي جاهل كدامك انه وتحطني بهيج موقف
ابو ذيب : ابني اذا ماناخذ الفصليات راح يركب الحگ علينه اخذها هيه سنه وترجع
_اني سالفه كلها ماداخله عقلي تريدد مِڼـّي هسه ابتلي بيها وانه لابيها ولاعليها
رياض : شتريد راح نزوجك
_رياااض اسكت رحمه لربك لوو بيك خيرر اخذها انته لاتشمرون شكوو سالفه طايح حضها براسي انه ادري هيج واجي عليكم خوش نزول هاذه
ام ذيب ; يمه صلي علئ محمد هسه انته عليمن ضايج اخذها تهتم بيك وتباريك احسن مما ضال هيج
_حقكم انتو ماتدرون بالنار البگلبي وتحجون هيج
ابو ذيب : اذا علئ البنيه الي تحبها فأ ابوها گال منطيها شلوون بلا تضل عايش علئ ذكره منهاا تاخذ وتشوف حياتها ومستقبلها وانته مدمر حياتك ومستقبلك ؏ شنوو فهمني.
_انه موو علئ رباب اصلا عفتها تشوف حياتها بس ماريد اخذ وحده فصليه وابتلي بسالفه اني مالي شغل بيها.
ابو ذيب : بويه لاتفشلني گدام اعمامك الله يرضه عليك اخذها سنه وترجع
_استغفرلله يااااربي
اجت گعدت امي يمي باستني براسي ولزمت ايدي
ام ذيب : يجوز يمه لله كاتبلك حياة ويه هاي البنيه يمكن تتغير حياتك وتصير تحبها وتنسيك رباب
_مستحيل تجي وحده وتنسيني رباب
ام ذيب : هسه انته شمدريك يمكن هاي البنيه تطلع خوش بنيه تحبك وتباريك حته لوو ماتنسيك رباب بس تهتم بيك ضال هيج وحداني.
ابو ذيب : هسه شگلت م̷ـــِْن هسه قرر لاتفشلني باجرر گدام الناس حته اعررف شلوون اتصرف م̷ـــِْن هسه
_خلص ماشي اخذها
ام ذيب : كلوووش بالمبارك يمه انشالله منهاا وتتغير حياتك وتنسه رباب
_يمه اذا ممكن لادخلين رباب بكل سالفه انتي هسه تذكريني ماتنسيني
تبارك : هلا هلا اخووي راح يتزوج
_اسكتي لانطيج فصليه الهم
تبارك : ياااا ولله ماما تسمعين ذيب شيكول
ام ذيب : انه شعليه انتي واخوج
تبارك : شنوو يعني راح تنطوني فصليه ??
ابو ذيب : شحده لينطيج فصليه وانه موجود.
تبارك : عبالي
عفتهم وطلعت برا اجه وراي ابوي لزمني م̷ـــِْن ايدي وكال تعال اكعد اسوالف وياك شويه گعدنه ثنينه سويه
ابو ذيب : ابني ذيب ماريدك تضوج مِڼـّي ادري السويته غلط ولازم اخذ رأيك بالاول بس انته سمعت الساالفه من الاول وماگدامنه هسه بس هاذه الحل وبعتباري انه جبير اعمامك وانته ابني الجبير اخذت هاذه القرار الي اريده من عندك هسه
تعامل البنيه بحترام لأن هيه مالها ذنب البنات تطيح ضحيه بسالفه هيه مالها اي علاقه بيها ماريدك طلع ضوجتك وحرگت گلبك بيها افهمها وخليها تفهمك يمكن الله بعثها الك تغير حياتك وتكون مرتاح وياها تخيل اختك تصير بهيج موقف ترضه احد يذلها لْـۆ يعاملها بعنف اكيد ماترضه
_اكيد يابه ميحتاج توصيني انه من الاول مفكر اعاملها بحترام لأن لبنيه مالها ذنب وانه ولله شغله الفصليات كلها ماعاجبتني وين صارت الناس وين وصلنه وبعدها شيوخنه تاخذ فصليات المهم انه راح اخذها وانطيها كل حقوقها كزوج وانشالله مراح اقصر وياها بشي
ابو ذيب : بارك لله بيك
_عدي شغل هسه رايح شويه ورجع
ابو ذيب : وين بويه هستوك رجعت من دوامك
_ماطول شغله ساعه ورجع گول لأمي حته مايضل بالها ادري بيها بس اطلع تصير تحوم.
ابو ذيب : دير بالك
_انشالله
طلعت م̷ـــِْن البيت صعدت سيارتي امشي وافكرر برباب مادري تزوجت بعدها واذا عرفت بيه راح اتزوج تفرحلي تضوج خليني اخابر مريم وسألها عنهاا. اتصلت علئ مريم شويه وفتحت خط
مريم : الوو هلا ذيب شلونك
_بخير الحمدلله انتي شلونج
مريم : زينه الحمدلله شو هل ايام مختفي ماكوو حته ماتخابر.
_مشغول.
مريم : هاا الله يساعدك
_يساعد الجميع ..شكو ماكو
مريم : هه لاتگول شكوو ماكوو گول شخبار رباب ادري بيك اتصلت حته تعرف اخبارها.
_اي صح صايره تعرفيني زين ليش اخابرج
مريم : اممم .. رباب ليوم حنتها
_هاا وشعجب مارحتي
مريم : لا اروح هسه شويه ونروح اني وامي وبالعرس ماروح لان عدي امتحانات
_اريدج تكوليلها ذيب يباركلج ويكول انشالله تعيش كل ايامها مرتاحه وسعيده ويتمنالج الخيرر.
مريم : انته ليش گلبك طيب ماضايج لان راح تزوج واحد غيرك
_ليش اضوج ماطول حاولت وماصارت وكلشي قسمه ونصيب وقسمتها موو وياي واني اكثرر شي يخليني مرتاح م̷ـــِْن اشوفها سعيده ومرتاحه بزواجها واكيد اهلها مايختارولها شخص موزين.
مريم : ولله مادري شگول قليل الي يفكرون مثلك
_واكوو شي ثاني اريدج توصلينه الهاا
مريم : شنو ??
_انه هم باجر اتزوج قصص وروايات عراقية
مريم : شنوو شنوو شلون تزوج وشبسرعه انته خاطب يعني.
_لا راح اخذ وحده فصليه
مريم : فصليه ??
_اي شبيج مستغربه هم بنيه حالها حالجن.
مريم : بس انته تستاهل وحده احسن شنوو تاخذ فصليه.
_انه مقتنع.
مريم : ولله مادري شگلك
_يلا مع سلامه عدي شغل هسه وصلي سلامي لرباب وباركيلها عني مو تنسين.
مريم : ماشي ..مع سلامه.
سديت م̷ـــِْن عدها ورحت علئ شغله خلصتها ورجعت للبيت لكيت امي وابوي گاعدين بالحديقه.
_سلام عليكم
ام ذيب : هلا يمه وين رحت
_چان عدي شغل خلصته واجيت
ام ذيب : اصعد رتاح شويه
هزيت راسي باي عفتهم وصعدت للغرفه تمددت علئ فراشي وتذكرت رباب شلون راح تطلع عليها البدله شكدد تمنيت تصير م̷ـــِْن نصيبي حاربت هواي وحاولت ومصارت وكله م̷ـــِْن اهلها حرموني م̷ـــِْن حبي.
ستغرت ربي ونمت گعدت ثاني يوم علئ صوت امي تكعدني.
ام ذيب : يلا يمه صار الظهر ابوك منتضرك جوه
_جاي وراج
عافتني وطلعت م̷ـــِْن الغرفه كمت سبحت وبدلت ونزلت جوه طلعت ويه ابوي رحنه علئ بيت الشيخ التمت كل عشيرتنه.
طلعنه كلنه علئ الناس العدنه وياهم المشكله كعدنه وفتحنه الموضوع وگنالهم 2 فصليات وفصل والكتال وين مانلگاه ينكتل.
قسم اعترض وقسم وافق علئ الكلام وبعد مناقشه كلش طووويله وصياح وعياط هدئ الوضع ورضو بالحچي.
طلعنه م̷ـــِْن الديوان شويه وشفت 2 بنات طلعن لابسات عبي وحده لابسه بوشيه والثانيه لا بس وجهه اصفرر ومبينه خايفه اجه ابوي وگف يمي وگال
ابو ذيب : هذيج البنيه الي علئ السيار هيه الك جيبها وتعال ورانه راح امشي ويه الشيخ
_ماشي
راح ابوي انه هم تقدمت عليهم ام البوشيه هيه مرتي اباوع عليهن يعصرن بديهن وخايفات يرجفن.
_تعاي وياي.
هزت راسها بأي وتقدمت اجه ابن الشيخ سحب هذيج م̷ـــِْن ايدها بقوه رحت عليه ولزمته م̷ـــِْن كتفه
_بهداوه يابه لاتطلع حرگتك بيها لاتنسه هيه مالها ذنب بشي
عبدلله : تعلمني شنو قصص وروايات عراقية
_انصحك
عبدلله : اشكرك انه واعي واعرف شلون اتصرف
هزيت راسي بأي عفته واخذت البنيه مالي خلك اتعارك وياه صعدت بالسياره ومشينه بالطريق
_شيلي البوشيه ماختنكتي.
حور : لا ماختنكت.
_براحتج بويه
وصلنه للبيت كلت الهاا تدخل م̷ـــِْن الباب الخلفي امي راح تتلگاها ناس هواي عدنه راحت دخلت رحت انه للديوان عدنه هواي ناس شويه واجه الشيخ
طلع رياض گال الامي تجيب البنيه وتوكف بالباب فتحنه الباب شويه صار الشيخ يقرا وصل لكلمه نعم كلت ڼـعمًـْ وهيه كذالك وتم الزواج وصارت مرتي وعلئ اسمي.
بقيت گاعد ويه اعمامي ونحچي بهل موضوع هووواي صارت ساعه بـ 9 بليل الكل طلع وراح لبيته
ابو ذيب : روح لمرتك بويه
ام ذيب : الف مبروك يمه انشالله منك المال ومنهاا العيال.
تبارك : عريسنه جكليته حامض حلوو باكيته ههههههه
رياض : يمعودين خجلتوه شوفو حته وجهه صار احمر
ام ذيب : الدور الجاي الك
رياض : اكيف بس كون حليوه ...صدك يمه شلونها مرت ذيب حلوه جكمه
ام ذيب : لا ولله تخبل عين البارده عليها عيونها كبار وهيه حلووه.
عفتهم وصعدت الغرفتي داخ راسي م̷ـــِْن سوالفهم دخلت للغرفه جانت البنيه گاعده م̷ـــِْن شافتني كامت
_اكعدي بويه ليش گمتي
حور : امم. انه اسفه اذا تريد مانام بغرفتك
_ليش انتي هسه مو مرتي ?
حور : بلي
_خلاص چا تضلين هنا
هزت راسها بأي فتحت الشباك وبقيت اذب حسرات جببره واني اتذكر ليوم عرس رباب خلص ليوم خلصت قصتي وياها ماضل أمل اخذها وتصير الي لآزٍمٍ افكرر بنفسي.
حور : بيك شي
_تعبان شويه
حور : اكوو كلام بگلبك بس ماتگدر تحچي
_جنت احب بنيه
حور : هاا ومن تزوجتني عافتك مو
_ههه لا ياريت لو شغله هيج سهله ليوم هيه هم تزوجت ولله ؏ صدفه تزوجنه ثنينه وخلصت قصتنه سويه
حور : زين ليش ماخطبتها وخليت غيرك ياخذها
_حاولت اكثرر م̷ـــِْن مره مانطوها الي ابوها عاند وياي
حور : الله يريح علئ كلبك
_شكرا
ابتسمت وسكتت حسيتها خوش بنيه هادئه كلش وماتحب تسال هواي موو فضوليه.
مرت سنه علئ زواجي م̷ـــِْن حور تعودت عليها مهتمه بيه هووواي وماتضوجني بشي بس رغم مرت سنه كامله وهيه وياي
مارف گلبي عليها مثل رباب خلصت السنه وامي وابوي گالو هاا ترجعها لْـۆ تضل مرتك كلت الهم لا تضل مرتي.
كلش فرحو اهلي لأن الكل يحبها وهيه هم تحبهم وماتزعل احد منهم.
رباب مَآعِرَفتّ أي شي عنهاا طول هل سنه خلصت حياتي بين الدوام والبيت.
صرت بكل نزول ارجع لبيت اهلي رغم مر هواي وكت بس لحضه لحضه مانسيت رباب
مرات تعرض مواقف كدامي تذكرني بيها گوه مريم كطعت منهاا وماتواصلت وياها بعد ولاراح اتواصل وياها جنت بس اريد اعرف اخبار رباب منهاا ورباب تزوجت وخلص ماريد ادخل بحياتها
بكل صلاه اصليها ادعي ربي يسعدها ويريح گلبها لأن تعذبت هواي وعانت م̷ـــِْن حبنه
لهنا تخلص وياكم قصتي اني ذيب الشامخ الي عشت قصت حب وجانت م̷ـــِْن اروع القصص بس القدر ماوكف ويانه ومانجمعنه سويه هواي تأذينه م̷ـــِْن هل حب بس ماستسلمنه انصح كل شخص يحب بنيه انوو ميعاند اهلها بالخطبه لأن مراح يستفاد شي وشغله اذا صارت عناد
راح تطلع انته الخسران بألاخير اتمنئ تكون عجبتكم قصتي تحياتي لكم ذيب ..
………………………………
رباب.
مرت الايام بسرعه واني كل يوم اتوتر واخاف من الي راح يصير ثائر هواي تغير عليه
صار ابد مايخابرني ولايسال عني بالاول فرحت گلت يمكن راح يغير رأيه ويفصخ الخطبه بس ماصار شي م̷ـــِْن هاذه
يوم الحنه گعدت راسي دايخ م̷ـــِْن لبارحه بچيت هواي لاحد ماحسيت عيوني طفت حسيت روحي تعودت علئ البچي.
اجتني امي واختي ساره الصبح راحت وياي عمتي سهام واختي للصالون
لبست بدله مارونيه كلش حلووه ونازكه طلبت منهاا مكياج خفيف رتبت مكياجي ورفعت قليل م̷ـــِْن شعري.
ولباقي خلته كله نازل علئ اكتافي اباوع علئ نفسي واتحسر شيصير لو هل عرس الي اني وذيب.
سهام : كافي حبيبتي الئ متئ تضلين هيج شويه افرحي اضحكي هاذه عرسج
_موبيدي عمه شلون افرح روحي گوه انتي اكثرر وحده تدرين بيه شكدد مخنوكه ومجبوره بهل زواج والي مخوفني هسه
ثائر صارله فترا ابد مايحچي وياي م̷ـــِْن اليوم الحچيتله عن ذيب تغير وماعرف م̷ـــِْن اتزوج شلون راح يعاملني ولله كلش خايفه
سهام : اني شگتلج موو گتلج لاتحجيله شي ماسمعتي مِڼـّي .
_شسوي ولله جنت خايفه يسمع م̷ـــِْن غيري وبهذاك الوكت راح انذل وتبهذل گدام اهله
سهام : هسه اهدي انشالله مراح يصير شي تفأئلي بالخيرر
_انشالله
سهام : يلا اني راح اخابر علئ عمج يجي ياخذنه
هزيت راسي بأي راحت عمتي خابرت علئ عمي هيثم شويه واجه علينه رجعنه للبيت جان الكل جاي بنات خالي وعماتي وخلاتي والكل متجمع فرحانين قسم يركص قسم يباركلي واني اتبسم وبداخلي نار تغلي #ڪــڔٰا̍ڕ
شويه وشفت دخـٰـلت مريم هيه وامهاا كلش فرحت بجيتها اعرف اخبار ذيب منهاا اجت هيه وامها تباركتلي راحت امهاا بقت هيه يمي
مريم : الف مبروك حبيبتي تتهنين انشالله
_لله يبارك بيج يوم الج ونفرح بيج
مريم ; ذيب يباركلج ويكول انشالله تكون كل ايامج خيرر وسعاده
سكتت مارديت عليها م̷ـــِْن ذكرت اسم ذيب ذبيت حسره جبيره
مريم : اكوو موضوع لآزٍمٍ تعرفينه
_شنو ??
مريم : ذيب ..
ساره : رباب حبابه تعاي اركصي ويانه شويه
_بعدين ساره روحي هسه اجي وراج
ساره : مااا ولله يلا كووومي يلا
كومتني ساره كوه واخذتني وياهم بقيت اصفك واني اصفن شنوو جانت تريدد تگول مريم شبيه ذيب معقوله صايرله شي لا ياربي دخيلك احمي ماريدد يصيرله شي.
سحبت روحي منهم ورحت علئ مريم لزمتها م̷ـــِْن ايدها واخذتها علئ صفحه.
_احجي شبيه ذيب شنوو الموضوع الي لآزٍمٍ اعرفه
مريم : ليوم ذيب هم راح يتزوج
_شنو ?? شلون يتزوج هوه م̷ـــِْن شوكت خاطب ومنوو راح يتزوج ماگلج
مريم : راح ياخذ وحده فصليه
_فصليه
مريم : اي اني هم مثلج انصدمت وگتله ماتستاهلك مارضه علئ كلامي وضاهر هوه مقتنع بيها.
_الله يبشرج بالخيرر ريحتي گلبي
مريم : انتي صدك تحچين جان عبالي راح تضوجين تنقهرين تبچين م̷ـــِْن تسمعين بيه راح يتزوج اشوفج فرحتي شنوو
_بالعكس كلش فرحت م̷ـــِْن سمعت بهاذه الخبرر ماگلج ماضجت عليه بس المهم عندي كمل حياته واقتنع ببنيه وراح يكمل حياته ومايدخل بمشاكل ويه ابوي وراح أمن عليه انو يكون بخيرر واني اهم شي عندي يكون مرتاح وسعيد بحياته
مريم : عمري كله ماشفت اشخاص يحبون بعض هيج حقه ذيب لوو حبج ولله مالومه الله ينتقم م̷ـــِْن كل شخص جان السبب بتفريقكم انتوو تستاهلون تكونون لبعض ولله
_الحمدلله علئ كل حال
مريم : اني اسفه رباب لله يخليج سامحيني
_ليش انتي شمسويه ??
مريم : مامسويه شي بس اريدج ماتشيلين بگلبج عليه.
_اعتبرج اختي شلوون اشيل بگلبي عليج
حضنت عليه وهيه فرحانه مادري ليش گلبي رتاح م̷ـــِْن عرفت موضوع ذيب رجعت گعدت مكاني شويه ودخل ثائر هوه واهله صاارت الهلاهل والجكليت هوسه
اجه گعد يمي بس وجهه ضايج ضاهر بعده يفكرر بالموضوع.
خله بيدي شويه حنه وربطهم بشريط احمرر علئ شكل ورده اني هم خليت بالخنصر مالته شويه حنه
جابولنه كيكه كطعناها وكلني وكلته اباوع عليه هوه ميباوع بوجهي يشتت نضره مِڼـّي
خايفه كلش م̷ـــِْن هاذه الزواج مادري شراح يصير بيه خلصت الحفله وراح الكل.
بقت بس اهلي وبيت عمي هيثم عفتهم ورحت للغرفه نزعت البدله وغسلت وجهي وطلعت گعدت وياهم.
ام رباب : باجر تروحين لبيت رجلج اريد الكل يحچي بنضافتج وشطارتج وأدابج.
الحجيه ; هيه معدله مايحتاج توصينها
سهام : اي ولله رباب معدله واهل ثائر كلهم يحبونها ومتاكده راح تكون مرتاحه وياهم.
بقوو هواي يحچون وينصحون وامي ماكلفت نفسها وطيبت خاطري ابدد ولاحاولت تراضيني بس تتامر عليه
عفتم ورحت لغرفة بيبي تمددت علئ فراشي نزلت دموعي بصمت احس خنكه بصدري ماگدر ارتاح ماگدر
اليل اصعب لحضات بيه مادري ليش بوكت النومه اختنگ ولازم ابچي حته ارتاح. #ڪــڔٰا̍ڕ
افكرر بكلشي صاار شلوون اول ماتعرفت علئ ذيب
زياره "
مدرسه "
الخطبه "
انتحاري "
كلشي اجه بالي غمضت عيوني حييل واني احاول انسي نفسي وارتاح م̷ـــِْن هل هموم ذيب باجر هم راح يتزوج ويكمل حياته لآزٍمٍ اتقبل موضوع انوو صرت مره متزوجه
وثائر صاار احق م̷ـــِْن ذيب عليه لآزٍمٍ افكرر بنفسي وماخرب زواجي
نمت واني عركه بين گلبي وعقلي گعدت صبح كبل غسلت وجهي واخذوني للصالون
لبست بدله بيضه واكمامها نازله علئ اكتافي رفعت كل شعري نزلت خصلات خفيفه ومكياج اوفر لان عروس.
خلصت ورجعت للبيت صارت ساعه بـ 4 اجت الزفه م̷ـــِْن وصلت تخربطت افكاري خوف علئ توتر علئ خجل ماعرف شلوون ينوصف هل شعور
دخل ثائر لابس ستره بيضه وقميص اسود تحت خله الطرحه علئ راسي وكومني وطلعنه وكف ابوي وياه وصاار يوصي عليه هوه يرد عليه ويكله اخليها بعيوني
صعدني بالسياره وساق طلع اغنيه هادئه بقيت طول الطريق ساكته واعصر بأديه واقرا ايات
وكفنه مقابيل القاعه كال اوكفي خليني انزل وافتحلج الباب لاتنزلين هزيت راسي بأي نزل هوه وفتحلي الباب
نزلت م̷ـــِْن السياره لزم ايدي ودخلنه سويه نزل علينه ورد ونفاخ علئ شكل قلوب.
مشينه الاخر القاعه گعدنه علئ الكرسي المخصص النه نزل هوه وراح وكف ويه جماعته صارت تجي العالم تباركلي.
شويه وگال المصور نزل مرتك واركصو سويه حته ناخذلكم صور
اجه كومني ونزلنه ركصنه سويه بهدوئ والمصور يفتر ويانه ويصور بينه.
صارت الساعه بـ 9 گالو يلا لآزٍمٍ ياخذ مرته ويروح خلو الغطئ علئ راسي طلعنه سويه م̷ـــِْن القاعه ورحنه علئ بيتهم.
توتري بهل لحضه لايوصف وخووف موطبيعي احس كل جسمي يرجف
دخلنه للبيت اخذني للغرفه مالتنه وهوه مدري وين طلع بقيت گاعده علئ سرير واني اعصر بأيدي واقرا ايات مادري شنوو الي راح يصير بيه ثائر مبين ضايج ومتاكده مراح تعدي هل ليله علئ خيرر شويه ودخل للغرفه.
اجه گعد يمي بقه يباوعلي ويركز بعيوني اني مره اباوع عليه مره انزل راسي
ثائر : شبيج خايفه
_من شنو اخاف
ثائر ; اسمعيني رباب اني كلش احب الصراحه وانتي جنتي صريحه وياي وماضميتي الموضوع عني لهاذه اني بعدني لهل لحضه وياج راح تبدي علاقتنه م̷ـــِْن اليووم وانتي تصيرين مرتي وام بيتي الي اريده منج تشيلين شكوو افكار م̷ـــِْن راسج وتخلين كل افكارج وعقلج وياي
تحچيلي كلشي يصير وياج ماريدد تضمين اي شي عني واني انشالله مراح اقصر وياج بشي وراح اخليج تعيشين مرتاحه.
هزيت راسي بأي وسكتت سحبني علئ حضنه باس راسي نزل علئ شفايفي اوو ....
مرت سنه علئ زواجي حياتي شبهه الهادئه ويه ثائر ماكوو مشاكل بينه هوه شخص حباب ويحبني بس اني رغم كل هل مده ماگدرت احبه مثل ذيب
امي وابوي م̷ـــِْن تزوجت بعد ماشفتهم وقررت ابتعد عنهم ولاشوفهم لان كله بسببهم خسرت حب حياتي
ذيب مَآعِرَفتّ أي شي عنه م̷ـــِْن يوم الي حچتلي عنه مريم مادري شصار وياه وين راح ماصار عندي شي م̷ـــِْن ثائر رغم مرت سنه كامله علئ زواجنه
وهوه هم مايهمه هل موضوع وانيي مرتاحه لان مايريد اطفال.
لهنا تخلص وياكم قصتي اني رباب الي عشت بضلم وقهر وحزن م̷ـــِْن اهلي يمكن اكثرر بنيه نضلمت م̷ـــِْن طرف اهلها هيه اني
رغم كل الاذيه الحصلتها منهم مافضلت ذيب عليهم وبقيت وياهم غيري جان م̷ـــِْن زمان عافتهم وراحت ويه الشخص الي تحبه
ذيب حبني معنئ الكلمه وجان صادق وياي بكلشي وحاول اكثرر م̷ـــِْن مره بس ماصارت قسمه بينه
اتمنئ تكون عجبتكم قصتي صح نهايتي حزينه ومابيها فرحه بس هاي اقدارنه ومانگدر نغير شي كل شخص بينه عاش حياته وشاف مستقبله
وبقينه نذكر بعض بلحضات حلوه وبالادعيه وهيج تخلص قصتي وياكم تحياتي لكل شخص جان متفاعل بالقصه وعاشها بلحضاتها الحلوه والمره وجان واكف وياي وبچه الاجلي احبكم مقدره كلش حبكم الي
دتمتم سالمين أحبتي ...رباب.
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
