رواية عشك الشاهيين الفصل الثاني والثلاثون بقلم مجهول
🌿**يحِاجي النـٰاس كلهّا وما يحاجينَي ..
يداري إهّروش غَيري
وما يدارينَي !! **🌿
قبل عشر سنوات أني جنت مجهز كل شي. بس بعد ماصار الصار. سدلت الستار عله هوايه امور
اليوم شفته شلون. من تنسه روحه ترجع غرامي القديمه
بس ماكدر تجاوز. فكره أني اقرف منك
خليك بينه مسافة. وحسيته حست بهل شي.
ثاني يوم الصبح رحت جبت ام الصالون طبعًا بيتنه مليان بشر. اليوم الخطبه
وصلت ام الصالون لبيت غرام
وكتلهم صيحولي غرام
اجتي هيه مستغربه كتله واني صافن بعيونه
شاهين
احبج
ضلت مصدومه. بس ردت عليه برود
غرامً
نسيت شلون احبك.
شاهين
انتضر هل يوم من اول ماشفتج يعني هل كلام ماراح يطير شي من دماغي
غرام
شاهين لا أني غرامك ولا انته شيخ كلبي
شاهين
يعني احنه متنه وندفنه بالماضي
غرام
اي متنه
شاهين
ان الله يحي العظام وهي رميم
غرام
شبيك. شاهين شصاير اليوم. وينك قبل عشر سنين.
شاهين
لو بعد الف سنه مو عشر. اني شاهين
كتله هيج وعفته وطلعت صعبه تنسه بيوم وثنين. صعبه بس مو مستحيله. هيه جبرتني بيوم من الايام. اوكع بحبه وأعشقه. واجه الوكت الي اذكره منو اني
فهمت ام الصالون. شسوي واذا ماسوت مثل ماكلت صير خبر كان... قصص وروايات عراقية كرار صلاح
رحت لبيت جدي هههههه مامبقي. شيخ. يعرفه. ماعزمه خليت سيارتي برأس الشارع. ماكو مجال بالشارع حتى افوت. من وصلت جانوا الشباب. ملتمين.
وهم أصدقائي الضباط وهم الي جنت اعرفهم ايام الجامعه. الكل موجود. من شافوني. كله كامت تهوس وتصفك عبالك نجم داخل الساحة
وعباس ابن عمي وولد عمنه الباقين. كله تهوس وتسوي هوسات. جان يطلع خالي الشيخ عدنان. من شافني. كال
شيخ عدنان
نذر عليه كدام كل عرب لسويلك عرس بثلث ليالي. كل ليله ينعاد الطبخ والعزيمة. والكرم يضاعف واشوف. شيوخ البصره. شلون. الخال. يفرح ابن اخته
بست خالي وشكرته. وهو يتباها بيه جان يكول. عمي حسين
- شيخ حسين
ان جان شيخ عدنان. يفرح لابن خته بثلثت ايام. اني اضاعفهن وعرس الشاهين سبوع بيامه ولياليه
شاهين
هههههه مشكور عمي والله والنعم منك وثلت النعام. متقصرون كلكم اهل كرم وجود
بس شني القضيه. اول واحد معرس.
شيخ علي
شيخ عشيره **** بكبره هذا عرسه. والله لنسويلك فرح يستاهل. عشر سنين
من كال هيجً. حسيت علي حاس بشي وهيه نفسه غرام بس. اني تفاعلت وياهم.
وكله تهوس فرحتهم نستني أني وغرام شلون علاقتنه
وخلت بداخلي اصرار. انو ارجع حمامتي الي لعرين الأسد.
وره الغده. جدي انطه خطاب طويل وجان اكو شعراء. ومهاوين وكله تهوس وتتغنه باسم الشاهين
وراها أتصلوً عليه جماعتي اهل الغربيه والموصل. كالو. وصلنه وين. انته هسه
كتلهم بنفس بيتي القديم.
من وصلو سلمت عليهم. هم باركولي. وفرحتهم اتكول فرحت اخوه مو مجرد اصدقاء.
خيرت الكل. يجهز. هم.
سوو عشه. لان المشيه بعد صلاه المغرب العصر طبيت عل نسوان اريد اشوف أمي جنت واكف. باب المطبخ كتلهم صيحولي امي
شفت نهله بت عمتي كتله صيحي امي بس شو هاي مدري شبيه صافنه بوجهي. أخذتله صفنه وراحت
اجتي امي هيه وخالتي
خالتي من شافتني هلهلت وكالت
خاله شاهين
الحمد لله الي طول عمري وخلاني اشوف شيخ الشيوخ عريس
شاهين
ههههه طال عمرج وشوفين أحفادي. هم بعد.
ام علي
ههههههه هسه خلي نشوف ولدك والله كريم أحفادك.
شاهين
ههههههههههه. اكول ام علي كلشي جاهز ماكو نقص
ام. علي
وسفه يمه. مشيه الشاهين ويصير نقص. لا كاله الله.
بست راسه وكتله.
شاهين
لا حشى ام الشاهين. تقصر بشي.
فهد
اكول لعد شو أني محد كيف بيه هيج شني أني ابن البطه السوده
ام علي
كلكم نفس الفرحه. بس هذا. الشاهين. جنت مايسه منه بس فرح ربك على ساعه
فهد
ههههههههه اي وعلي حتى أني كلت هسه العالم تكول هذا بي شي
شاهين
فهد ( كاله بغضب )
فهد
هدي هدي وأنه اخوك. اليوم فرحتك. لا تعصب ترى اشاقه
شاهين
ثمن كلامك. لا تعرف شرد عليك
فهد
اني اجيت اشوف مريم شوصلني يمك
خاله شاهين
اكول ولك فهود
فهد
عيون فهد وكلبه وغراضه كولي
خالته
ولكم يملعون. هاي المريم مالتك سبحان الخالقه
فهد
عدل ياخته وكال بغرور
مرة الشيخ فهد. هاي قابل هيته غير لازم تكون. عله كولتج سبحان الخلقه
صكر
ترى مرتي احلا.
خالتهم
وينه لعد ماشفت احلا من مريم وزهراء
صگر
غير انتي خاله كاطعه صار تلث سنين ماشايفينج.
خالته
هو بيدي يايمه غير مجبوره رحت
صگر
اي عيني مجبوره رايحه لبنان محد يجبرني هيج جبره
خالته
ولك ابو السان غير مريضه. هسه ماعلينه وينه هاي الحلا من مريم وزهراء
صگر
يم اهله
ام علي
مرة صگر أخت العروس.
شاهين
والعروس احلا جناين. ام علي نقطه راس سطر
خالتهم
هههههههههههه هاي بعد الشيخه اكيد تكون هيج عبن المختارة شاهين.
هههه لهسه اذكر من جنت توصف الي المره الي تاخذه. جنت تكول هذا شرد عليه عمره ١٧ سنه ويدور هل صفات.. قصص وروايات عراقية كرار صلاح
من كالت هيج خالتي ذكرت غرام مابيه ولا صفه من الي جانن بالي بس أني اعشقه
سلمت. وطلعت يم جماعتي. والخطار. طبعًا احنه مسوين مضيف جبير بهذا البيت بس اكيد مو بكبر مضيق جدي الي بالبصره
وراها صلو المغرب وتعشو من وكت. وطلعنه للاعضميه.
كشخت وبدلت ونزلت هلهلن امي وخالتي وزهراء ومريم طش جكليت فشختني.
من طلعت. كال صديقي. قحطان
قحطان
ول يالله شطالع. موهيج يمعود. ترى احنه وياك
شاهين
ترى أني العريس. ولازم اكسر عل كل
قحطان
هم اذكرهه ماقاصره جمال ماشاء الله
شاهينً
قحطان الصم حلك
قحطان
هههههههههههههه ولك هو اكو احد جان وياك بالجامعه مايعرف. الشيخ البصراوي عاشگ البنت الكراديه بس والله مستغرب ليش هيج اتاخرت
شاهين
اني صوجي عزمتك. واله انته بالرمادي. شمدريك اخلف وانته ماتدري
قحطان
يول والله لو صدك مسويه. لجان نسيت عندك صاحب
شاهين
هههههههههه. اخو والله انته. يله خل نتوكل. نروح بسيارتك.
قحطان
من عيوني. حتًى ناوي ازفك هم
شاهين
لا تسلم بالزفه ماريد اشوفك
قحطان
هههههههههههههههه عجل خل نتوكل. ماظل وكت
طلعنه. الاعضميه. وصديق صگر مصور يصور المشيه شلون طلعت كلت الصگر اريد يتصور كلشي
من وصلنه سديته المنطقه كله تباوع. استقبلنه احمد اخو غرام وعمامه وخواله بكل احترام وتقدير
وراها. صارت المشيه. وعقدنه السيد.
وصار الوقت الي لازم ادخل بيه.
دخلت. وشفته اي هاي أميره كلبي بس شنو الفلم. بعيونه غضب. هذا الغضب اعرف معناته.
بس اكيد. مو بهيج يوم. خاصه واحنه هيج وضعنه
صح صفنت بيه مثل قبل. صح عيونه شعت بيه. وبحبي واضح هل شي شمتحاول. ماتكدر تخفي
بس هذا الي بيه غضب ( غيره) ههههههه زين اعرفه بس خلي اسكت هسه لحد ماعرف شنو الي صار. بست راسه وهمست اله
شاهين
غرامي راسميا اليوم
غرام
...............
كعدت بصفه الكل يهوس ويركص ويحرن شيسون بس عيوني مركزه عليه. كالتلي ام الصالون.
ام الصالون
أسفه شيخ بس والله سويت كلشي مثل ماردت بس هيه اصرت تخلي حمزه طوخ ماكدرت امنعه
غرام
لاتخافنين حبي أني العروس مو هو
شاهين
لا تهتمين أني اعرف اشلون امسحه 😉
غرام
شاهين🤯
شاهين
ولج شطالعه. اني موكلت تكونين عاديه
غرام
مشوف روحك شكو تحجي عليه بعدين يكولون عروس
شاهين
اهاااااا لعد أني هم يكولون عريس. بس صدك لايكلي الزي العربي. ادري انتي مشايفتني هواي بيه مره وحده يمكن
غرام
بشع مثل عادتك
شاهين
هاي أني.
غرام
شاهين
كافي ترى مطايقتك
اني سكتت بس صافن بيه ملاك. هاي مو بنيه انوب مدنكه راسه يحضي ارفعي راسج اريد اشوف عيونج
وراها خالتي حارت شسوي وشتقدم لغرام. وهيه هم من شافت حب الكل وشلون مقدرينه نست أني كاعد يمه تفاعلت وياهم. كومته خالتي تهوس وتسوي
خالته
حباها وخذاها موتن يل تريدن
مريم
عشر سنين وماطفه وهجه هيج لو هشك شيخ. الشيوخ.
شاهين
لا يل حمزه هاي شتهوس غرام بسرعه التفت عليه. مرام تداركت الوضع وسكتته. وهيه تسويله شبيج كله تدري شاهين جان يحب وحده بغداديه.
ماسكتت اله خزرته
غرام كعدت بصفي وكالت بهمس
غرام
نفضحنه من وره حضرتك
شاهين
شنو بايكين قابل.
غرام
هسه مراح يكولون وين جانو من عشر سنين
شاهين
حبيبتي جبت تكمل مسيرته الأكاديمية. وجان لازم سافر واني رجل متفهم. وضليت انتضر رجعته
غرام
لا بله سولفه لطفل يكلك جذب
شاهين
هههههههه يعني واضح عليه مو مال اترك غرامي لهل سببب
غرام
ترى راح اختنك من هل تمثيل
شاهين
اي بس طالعه حلوه
غرام
..............
جابت امي الذهب وجاي البسه من وصلت البسه التراجي شميته دون ماطخه حسيت رجف جسمه كتله بهمس
شاهين
شنو الي خله غيره غرامي ثور هيج
غرام
بارتباك ( هاااا غيرة شنو شتحيجي)
شاهين
مو مهم بعدين نسولف بيه هسه كملت. ماكدر اركص وياج أني وعكالي. بس رجعلج غرامي
بس راسه وطلعت زحمه اتاخر. شيوخ وناس وعالم تنتضرني
وراها بشويه. كتلهم يله.
رحنه لبيتنه. محد قبل يبقه رغم جدي اصر عل كل. ضلو بس خوالي ثنين وعوائلهم وخالتي.
وهم عمامي ثنين وبين عمتي
يعني عمي وخالي
الساعه ب ١٠:٠٠. كلت الصگر
شاهين
صگر حاجيت احمد
صگر
اي جابهم واجه بالطريق
