رواية جبروت إبن عمي الفصل الثالث والثلاثون بقلم توتة
رحت افتح الباب فتحته وكانـت زهراء المحاميه
حجيت ويه نفسي اهووو هسه هاذي شعدها جايه م̷ـــِْن الصبح
سلام عليكم
وعليكم سلام تفضلي
اشكرج كلبي
دخلت وراحت كعدت ب استقبال كعدت وياها ع الغنفاات ..
ثائر موجود
ايي حبي موجود هسه شويه وينزل ليش
عندي اوراق لآزٍمٍ يشوفهن ويوقع عليهم رحتله للمكتب مكان موجود واتصل علي ميرد گلت انسب حل امرله للبيت
هسه شويه وينزل واخلي يوقعلج نسيت اسالج شنو تشربين نسويلج ريوك
لا شِكرا متريگه بس اريد كهوه
تدللين دقايق ورجلعج
براحتج
عفتها ورحت للمطبخ اكول لكرستينا تسويلها گهوه طاولت الاكل صايره ب صاله قريبه ع مطبخ شافتني ام ثائر وكالت
هاا ورود منو اجه
هاذي زهراء المحاميه
شعدها ?
ماعرف تكول عدها اوراق تريد ثائر يوقعهم
تعالي اكعدي تريكي واني اروح اكعد وياها
هسه شوي واكعد بس اكول لكرستينا تسويلها كهوه واكول لثائر حته ينزل عليها
حجت ديانا.
أهووو ولله تأخرنه يمته ينزل ثائر لْـۆ اعرف هيج يتأخر جان رحت بتكسي
ردت عليها مروه
بعده النهار بأوله خلينه ننتضره هسه شويه وينزل
عفتهم ورحت لكرستينا كلت الها تسوي كهوه وصعدت للغرفه فتحت الباب كان ثائر واكف علئ المرايه ويمشط وريحه عطره تارسه الغرفه
عدنه ضيوف
منو ?
المحاميه
شعدها جايه ?
واني شدراني تكول عدها اوراق تريدك توقع عليهم مارتلك للمكتب وملاگيتك
زين هسه شويه وانزل
بعد شعندك ترا كلها منتضرتك تحت وانت صارلك ساعه م̷ـــِْن گعدت
وانتي شبيج ضايجه
مضايجه بس كلهم منتضريك تحت وانت باقي ترتب بنفسك عبالك عريس
ههههه اني هيج دائما اتاخر متعودين علي همه
اوك اني نازله كدامك لاتتاخر
عفته ونزلت رحت اتريك شويه وشفته نزل راح يسلم عليها واجه كعد يتريك
راحت عمتي كعدت وياها واني وياه كعدنه نتريك خلص وراح كعد وياها
اني ماعرف ليش مضايقني وجودها احسها موراحه وتحوس علئ ثائر
مسكينه مالگته ب مكتب واجته للبيت. شكدد جذابه عبالها هل سوالف تمر عليه
غسلت اديه ورحت كعدت يمهم عناد بيها اباوع عليها اكلت ثائر اكل بعيونها تباوعله م̷ـــِْن فوك الي تحت وهو متأنق لاخر درجه
لبنات صعدن يغيرن ملابسهن حته يروحو للمول يشترون ملابس وعمتي مدري منو اتصل عليها عافتنه وصعدت فوگ
بقينه بس احنه الـ 3 كاعدين ب استقبال هيه تشرحله عن الاوراق وهو يحجي وياها
اني بـٰس ساكته واباوع عليهم اشو هاذي عافت مكانها واجت كعدت يم ثائر وتقربت منه صارت تأشرله علئ الاوراق
ضجت كلشش واحس نفسي اختنكت منهاا
وكفت وگلت
حبيبي ثائر مو كانوو تأخرت علئ شغلك
بسرعه شال راسه علي وبقه مصدوم م̷ـــِْن كلمه حبيبي لان اول مره احجيها م̷ـــِْن تزوجنه لليوم محاجيه هيج
هااا ايي صح تاخرت بس منتضر لبناات يخلصن حته نروح سويه
ردت عليه هيه
اذا عندك شغل مهم روح اني اوصلهم بطريقي
لا عادي اني اوصل خواتي لاتعبين نفسج
تمام اني راح ابقه منترضه امك اسلم عليها واروح
حجيت ويه نفسي كلها تسوق وعدها سيارات بس اني كلشي ماكوو امدا حضي
وكف ثائر واشرلي بعيونه اجي وراه طلع للحديقه رحت وراه اني اشوف شعنده
هاا
تعالي
شكوو
سحبني م̷ـــِْن ايدي عليه لزم خصري وكال
شنو گلتي قبل شويه
شكلت ?
لاتغشمين نفسج قبل شويه شنوو حجيتي كدام زهراء
عرفت شنوو يقصد بس تصقدت ماكوله وسويت نفسي ماعرف ع شنو يحجي قصص وروايات عراقية
ماتذكر شنوو حجيت اني غلطت بشي
غرس اصابعه بخصري لزمت ايده بوجع اااخ ثائر شبيك عووفني فدوه
ماعوفج لاحد ماتحجين
ماتذكر كوووه يعني
لزمني اقوووه.
ااااي ثااائر شبيك ولله داتوجع شوف ماما ابوك شلوون يعاملني يلا اطلع وحاسبه
هههههه ولله لْـۆ تحجين منا لباجر مايطلع ويخلصج مِڼـّي احجي ولج قبل شويه لسانج هل طوله كدام زهراء هسه صرتي فقيره
عوفني واني اكولك
لا تحجين واعوفج
داتوجع ولله تكول سجاجين م̷ـــِْن اصابع. عووفني
خفف م̷ـــِْن القبضه وسحبني عليه ارتدمت بصدره خليت اديه علئ صدره وهمست حبيبي
بقه مركز بعيوني ثواني واني هم صفنت علي لاول مره احس بأحساس غريب اتجاهه
فجأه نسمع شخص ورانه
احممم احممم.
ابتعد عني ثائر بسرعه درت وجهي كانت مروه تضحك علينه
خلصتو يلا نريد نروح للمول م̷ـــِْن غير شي متأخرين وماما موصيتني علئ كومه اغراض لآزٍمٍ اشتريهم
روحي كدامي للسياره
مو تبقه ساعه
امشي لج
ههههههه يلا رايحه رايحه اعصابك
عافتنه وراحت للسياره وهيه تضحك باوعت علئ ثائر يضحك صارلي شكدد مشايفته يضحك ڱڵـه. ضايج وعصبي
تقرب يمي نزل راسه قريب م̷ـــِْن اذني وهمس عفيه تعلمي علئ هل كلمات الحلووه
سكتت مارديت عليه ابتعدت عنه وكتله يلاا روح تاخروتو
طلعت ديانا لابسه بنطرون وقميص قصير لاحد الخصر
ومخليه نضارات وشعرها اصفرر مسرحته صاير حرير طالعه تخبل
يلا خيوو تاخرنه ولله
يلا تعالو
طلعو اشرلي ادخل للبيت دخلت للبيت بسرعه حته ماسمع كلام منه.
شفت زهراء كاعده هيه وعمتي ب صاله مدري شنوو يحجن عفتهم وصعدت للغرفه واني اتذكر بسوالف ثائر واضحك.
___________________________________
♡.♡.♡.♡.♡.♡.♡.♡.♡.♡.♡.♡
___________________________________
جلال
بقيت دايخ بموضوع مريم احس نفسي اختنكت م̷ـــِْن عرفتها حامل ماعرف ليش ماكدر انساها
كاافي جلال لآزٍمٍ تنساها هل انسانه مو الك فكر بنفسك ولاتهتم الها مثل ماكملت حياتها بدونك انت هم اهتم لنفسك
بقيت كاعد ب مكتب واني عقلي مخربط وتشوشت افكاري.
كلت انسب حل اطلع واروح علئ ثائر للمكتب اشتري ملابس للخطبه مالتي
اتصلت بثائر اكثرر م̷ـــِْن مره بس كل عاده ميرد لان هو ب شغل ميرد علئ شخص
خلصت شغلي وطلعت شفت مريم صعدت هيه وزوجها ب تكسي بقيت اباوع عليهم وكلبي شابه نااار بيه
رحت لسيارتي وتوجهت لمكتب اخوي ثائر وصلت للشركه
اسالت السكرتيره عليه گالت ب مكتب عنده ضيف
بقيت منتضره تحت لاحد ماخلص اجتماعه صعدت للمكتب مالته دكيت الباب
تفضل
سلام عليكم
وعليكم سلام هلا بعريسنه شلونك
ولله الحمدلله اشو عريسنه وكلشي ممسويلي كاعد بمكتبك وحاير بنفسك
ولله حقك بس انت دشوف بعينك شغل هواي ومجاي الحك. تفضل ليش واكف
گعدت وكلت
حت لْـۆ شغل لآزٍمٍ تكون ويايه تذكر بعرسك شلوون اهتميك بيك واخذت اجازه علمودك
هههههه مو تدلل هسه كولي شنوو تريد واني حااضر
اريدك تجي وياي اختار طقم للخطبه ونختار الخاتم ونتفق ويه الشيخ ونعزم اصدقائنه قصص وروايات عراقية
مشالله هذولي كلهم نسويهم ليووم وين كنت عنهم طول هل فترا
اني هم مثلك مٍشًغوٍلً يعني لْـۆ ممشغول مو باجر خطبتي جان ليوم شفتني كاعد ومرتاح كعدت م̷ـــِْن صبح ورحت ع شغلي
اوك هسه اني عندي كم شغله اخلصهم ونطلع سويه
تمام راح ابقه منتضرك ب كفتريا لقريبه ع شركه
براحتك م̷ـــِْن اخلص اتصل عليك
عفته وطلعت رحت للكفتريا قريبه علئ الشركه مالته طلبت كهوه وريوك تريكت شويه واتصل علي ثائر
هاا ثائر
وينك يلا اطلع منتضرك برا
تمام جايك
خليت الحساب وطلعت شفته صاعد بسيارته ومنتضرني صعدت سيارتي ورحنه سويه للمول نشتري ملابس الي
دخلنه ب مول وبقينه نباوع ب ملابس
اكلك ثائر اريد لون كريمي شاكيت
ليش هاذه الاسود احلا
موو متفقين اني ودنوو ع هل لوون
صار وجهه ثائر هيج 😕 هههههههه
شبيك
ههههههه هسه م̷ـــِْن الزمك واموتك احد يلومني م̷ـــِْن هسه دنوو تتحكم بلبسك
لا ولله بس هيه كلتلي نلبس نفس الوون واني ماريد اكسر خاطرها
يلا ختار الي عجبك اني رايح اشتري لنفسي
عافني وراح يختار اشتريت وطلعت عليه شفته داخل محل العطورات هل انسان مدمن ب عطورات.
هاا ثائر.
شوف هل عطر كلش عجبني
اخذه وخلينه نروح ورانه شغل هوايه لآزٍمٍ انخلصه
اطلع كدامي اني محتاج كم شغله اشتريهم والحگك
براحتك
عفته وطلعت اتصلت علئ اصدقائي وعزمتهم كلهم علئ خطوبتي ..
<><><><><><><><><><><><><><>
ورود.
بقيت كاعده ب غرفه نضفتها واخذت ملابس ثائر غسلتهم ونزلت لگيت عمتي طالعه مدري وين لبيت فارغ
رحت للمطبخ لگيت كرستينا تحضرر ب غده اني كنت كلش مشتهيه اكل دولمه
اكولج كرستينا
كولي
مشتهيه اكل دولمه خلينه نسويها للغده
تدللين هسه اسويلج احلا دولمه ولنهار بعده بأوله نلحك نسويها للغده
لا انتي خلصي الي بأيدج هيه كانت تسوي مقلوبه
خلصي الي بأيدج اني اسوي دولمه بس انطيني المكونات ماعرف وينهم
تمام.
صارت طلعلي ب بهارات وحشوه الدولمه بقيت اثرم واسوي بيها اندك الباب كانت تريد تروح كرستينا گلت الها اني افتح
غسلت ايدي ورحت حته افتح الباب گلت يمكن جلال او ثائر رجع
فتحت الباب وكانت الصدمه .
وسااام !!!!!
ايي وسام عرفت كلشي ورود عرفت انتي مجبوره واخوج باعج بس علمود كم فلس #ڪــڔٰا̍ڕ
وساام فدوه روح منا ماااريد مشاكل لايشوفك شخص فدوه روح لايجي ثائر وتعرف شيصير
ماخاف م̷ـــِْن اكبرر واحد ولج كنت ساكت عن كلشي صارر عبالي انتي راضيه بيه وافقتي بأراتج تاالي طلعين مضولمه وعايشه ويه هاذه النذل وانتي مجبوره
مستحيل اخليج عنده ساعه بعد
وسام ليش مجاي تفهم علي ماكدر اعوفه ماكدر هسه هو زوجي واني ع ذمته روح منااا فدوه
ماروح اذا ماخذج وياي هسه خلينه ننهزم سويه ورود اخذج ونسافر ونعوف الكل ولله ماتخيل حياتي بدونج
شدتحجي انت م̷ـــِْن كل عقلك تحجي مستحيل افكرر اسوي هيج تصررف
اني هسه متزوجه افهمم ماااكدر اعوف ثائر وغير هاذه كله اني هسه حاامل منه
حاامل ??
ايي حامل. حامل ياوسام فدوه روح لايشوفك شخص شوف حياتك اني وياك مالنه نصيب
ورود فدوه كولي دتشاقين صدك انتي حامل لْـۆ تريديني بس اروح
ولله حامل وكلها تعرف بيه حامل اسال مرت خالي سعد هيه كانت موجوده م̷ـــِْن گلتلهم اني حامل
عادي حته لْـۆ حامل تنزلين طفل ونسافر سويه
شنوو م̷ـــِْن كل عقلك تحجي شوون انزل ابني وساام روح منا فدووه ماريد مشاكل م̷ـــِْن غير شي اني حياتي مكلوبه فوك تحت
يعني ماتريدني ماتحبيني ولله اذا هسه گلتي ماحبك مراح تشوفين وجهي مره ثانيه
ياربي وسام فدووه روح لايجي شخص ولله اذا شافك ثائر يم باب بيتنه مايرحمك.
كتلج مااخاف م̷ـــِْن ثائر خلي يسووي الي يريده ماهتم الي يهمني بس انتي ياورود بس انتي لج ولله ماتخيل حياتي بدونج
اني هسه مصدوم م̷ـــِْن اخوج عاامر شلوون سوه هيج بيج باعيج علمود فلووس ماصدك يطلع هل تصرف منه
كلشي صار وبعد منكدر نغير شي لآزٍمٍ اتقبل واقعي خلص اني وياك مالنه نصيب
لااا النه نصيب واحنه الي راح نقرر شلوون نعيش حياتنه لاتبقين خايفه صدكيني مراح يكدر يسولج شي وانتي عندي اخذج واطلبي طلاق منه
خليت اديه ع وجهي وصرت ابچي هزيت راسي بمعنئ لاا.
لااا وساام ماكدر صدكني ماكدر مجبوره التزم بهل زواج اخوي اخذ حق زواجي م̷ـــِْن ثائر ماكدر اطلب طلاق منه بهل سهوله
ماكدر اتخلئ عن ثائر اني هسه حامل بأبنه حت لْـۆ اعوفه راح ياخذ الطفل مِڼـّي
عادي خلي ياخذه المهم نكون سويه اني وياج نعوض الطفل..
ماكدر وسام صدكني ماكدر
ليش متكدرين صراتي تحبي ثائر?
هزيت راسي بأي. ايي وسام احبه احب ثائر مهمه يصير يبقه زوجي وأبو ابني
بقه. مصدوم وصافن بوجهي وعيونه كلهم دمووع
ماحس غير بنت نزلت م̷ـــِْن السياره وياها ثنين اطفال صغار اعتقد اخت ثائر تبارك بقيت جامده بمكاني مَآعِرَفتّ شسوي
هو بس صافن علي ومانطق كلمه ماعرف شلـ̲ٓون گتله احب ثائر واني ماعرف نفسي صدوك احبه او لا
وساام روح منا فدووه روح
هلاوو
هلا وسهلا
منو هاذه ?
هأ. هاذه اخوي عامر جاي حته يتبارك لجلال لان ماكدر يجي ب خطبه
شلونك عامر
بخير يلا اترخص عندي شغل
عافنه وراح احس كل حيلي انهد ماعرف اذا تصرفي صح او غلط بس هل شي لمصلحتي ومصلحته ماكدر اتخلا عن طفلي وثائر لخاطر حبي
يمه فدوه هذولي جهالج
ايي هاذه جودي وهاذي مياسه.
جهالها يخبلووون مياسه عمرها سنه تقريبا ولولد 3سنوات يجنن مثل القمرر #ڪــڔٰا̍ڕ
تفضلي حبيبتي ليش واكفه
دخلنه للبيت اني شلت منها مياسه تخبل عبالك ملاك
اشوو البيت فارغ وين الكل ماما البناات وينهم
لبنات راحو يشترون ملابس للخطبه وعمه ماعرف وين راحت باقيه بس اني وكرستينا ب بيت
صدوك انتي حامل
ايي.
عزاا لعد انطيني بنتي لايصير شي بطفلج وين اروح م̷ـــِْن ثائر
ههههه لا شسالفه ترا لبنت خفيفه مراح تاثر علي
تعالي احجيلي شوي عنكم احنه بنات عم ومع هاذه ماعرفج ولاشايفتج بعمري
اني هم ماعرف ولاشخص بيكم كان بابا يحجيلنه عن عمو •اللّـہ̣̥ يرحمه
اني تبارك اصغر م̷ـــِْن اخوي ثائر عمري 27 سنه
العمرر كله حبيبتي
فدوه لكلبج. شكدد رتاحيتلج
تسلمين
راح جودي يلعب صعد علئ الغنفات وصار يشمر ب مخاد ع ارض
ولك ماما جود اكعد لاتوكع وتتاذه
ماا ماا.
ههههه فدوه شكد عمره جود
عمره 3 سنوات بس شنوو شيطان كلشي يعرف مرات يشوف ابوه يمي يكولنه عب عب هههه
ربي يحفضه
تسلمين صدوك انتي شنوو حابه يجيج بنت ولد
اني احب لبنات كلش
يااا عكس اخوي ثائر يحب الولد
بقينه نحجي كلام عادي هيه تسالني عن اهلي واني هم تعرفت عليها. كلش حبابه تبارك احسها تختلف عن اخواتها تشبه اخوها جلال
هوه هم طيب ويتصرف ويايه بلطف دائما
شويه واندك الباب راحت كرستينا فتحته كان ثائر وجلال
راح جود يركض عليهم همه ماصدكو شافو اجو يركضون لزمه ثائر وشاله وبعده عن جلال صارو يتعاركون علي
خالووو الحلوو يمته اجيت
صار يبوس بيه وحاضنه علئ صدره اباوع علي شكدد يحب الاطفال واتخيل نفسي لْـۆ ماشيه ويه وسام وحارمته م̷ـــِْن ابنه شراح تكون حالته
راحت تبارك سلمت علئ اخوانها وتباركت لاخوها جلال ع خطوبه
اجو كعدو ع غنفات سال ثائر اخته
زوجج وينه اشو مختفي هل فترا لايسال لايگو
