رواية ابي عذابي ومأساتي الفصل الثالث والثلاثون بقلم سمر اسامه
شنووو شدتحجي شنو طلب فلـﯜٰ୭س م̷ـــِْن كل عقله هاذه يبيع بنته.
رد عليه عصام والله مثل ماسمعت اني رحت عليه وتفاهمت وياه كتله م̷ـــِْن جهت تخاف علئ بنتك فأطمن. راح اخليها بعيوني
ومراح اخليها ينقصها شي
ماقبل بكلامي وكال اذا تريد لبنت تصير الك وبنتك تدفعلي فلوس واني ماخذها منكم ولاطالب بيها بعد
مسح وجهه جابر بتوتر ورد اي وشكد طلب منك
رد عليه عصام مطلب هوايه اني انطيهم مني وملاك تصير بنتي.
وكف جابر بعصبيه ورد شنو تصير بنتك هاذي بنتنه مستحيل اسجلها بأسمك
وكف عصام ورد ليش شنو سبب اني راح اربيها واكون مسؤل عنها واخليها تعيش عدنه شنو الي منعك ماتسجلها بأسمي
رديت عليه اني بس عصام شون تسجلها وعمامك واهلك يبقلون بيج سالفه
ابتسم ورد اني مسؤل عن قراراتي مايهمني كلام احد
كعد جابر وخله اديه علئ راسه بغضب ورد. كول شكد طلب منك اني ادفع واخلي ملاك بتنه
رد عليه عصام انت ليش تعاند ترا اني رحت وحليت كلشي وحته لفلوس انطيتها بعد شكو
باوع عليه بستغراب ورد وانت منين جبت المبلغ
ضحك عصام ورد بعدك ماتعرف ولد الشيخ عگاب
رد عليه جابر بعصبيه وانت شكو ضام الموضوع كول شكد اخذ من عندك واني اسدد كل المبلغ
كعد عصام علئ الغنفه ورخئ جسمه وكال اخذ من عندي 10 مليون
فتحت عيوني بصدمه معقوله هاذه صدوك ماعنده ضمير شلون يبيع بنته علئ مبلغ شيحس م̷ـــِْن اخذ المبلغ.
باوع عليه اخوي جابر ورد. وانت منين دبرت كل هل مبلغ بهاذه الوقت شنو الي يخليك تدفع هيج مبلغ حته ترجع لبنت
رد عليه برود لمبلغ مايهمني المهم ساره عندي
خجلت كلش م̷ـــِْن كلامه كدام اهلي
سحب نفس جابر ورد هاذه كلام ميقنعني.
طلع جكاره وصار يدخن ورد عليه عصام والله بكيفك لاتصدك اني مايهمني رئي احد بيه الي براسي سويته وخلاص.
وهسه اذا ممكن اكدر اخذ ساره نختار الحلقات لان تاخرت واريد ارجع عندي شغل هناك
باوع عليه جابر ورد بكيف ساره. اذا بعدهي تريد تزوج منك هيه توافق وتروح وياك.
حجيت بخجل اي اروح
ابستم ورد يلا حضري نفسج اني منتضرج هنا
صعدت للغرفه واني دايخه بكلام عصاام شون يدفع هيج مبلغ عمود بنتي ويريدها تصير بنته والله لكلام مجاي يدخل بعقلي.
رحت بلدت ولبست بنطرون وقميص ابيض واكمامه تنرفع. حلو ونازك
نزلت وكال عصام تروحين ويانه حجيه لو بس ساره
ردت عليه امي والله تعبانه روحو بس انتو
باوعت علئ جابر ضايج وعيونه صايره بكصته بأي لحضه ينفجر ويخرب كلشي.
طلعنه ودخلت ب سياره
كان طول الطريق الصمت سيد الموقف ولاحجه كلمه
حجيت عصام. صدوك دفعت المبلغ لْـۆ تريد تسكت اخويه.
باوع عليه وابتسم اطمني دفعت كل المبلغ وبنتج تبقه وياج المهم تكونين مرتاحه.قصص وروايات عراقية
ركزت بعيونه وحجيت شكرا مراح انسالك هل موقف
طلع جكاره وصار يدخن وحجه بس ليوم تاكدت مالي قيمه بحياتج
بلحضه وحده نهيتي كلشي لو ماني صرت صبور وياج
جان هسه اني وياج منفصلين
نزلت عيوني بفشله وردت اسفه بس والله بنتي كلش احبها وماكدر انطيها الهم. وانت تستاهل احسن مِڼـّي
ضرب الستيرن بقوه وركز بعيوني اني متت م̷ـــِْن الخوف. رد بعصبيه مااااريد احد اني ختاريتج زوجه الي مفهوووم
هزيت راسي بأي وسكتت عزا هاذه متخبل اخاف يسويلي شي يربي وكعت نفسي بواحد ميتحاجه.
سحب نفس ولزم ايدي وهمس اسف مقصدي اعلي صوتي عليج بس انتي كلامج بارد وماتفكرين ب مقابل ابد.
كنت اريد امتص غضبه حجيت عادي فدوه الك
المهم راح نكون لبعض
ركز بعيوني بستغراب وحجه ليش انتي تريدني بحياتج
هزيت راسي بأي
باوعلي بطرف عين ورد هيه مال كلاوات قبل شويه نهيتي كلشي وهسه تحجين هيج لكيتيني غشيم واصدك بهيج سوالف
ضحكت ورديت والله بكيفك لاتصدك مايهمني رئي الناس عود داقلد كلامه الي حجاه ويه جابر
باوع عليه بغضب ورد ول. تغلدين تصرفاتي اني اعلمج
ابتسمت وحجيت اي ليش ماقلد كلامك حلو وبيه شموخ وكبرياء.
وصلنه للمحل ونزلنه اني وياه كان يختار ب خواتم وياخذ رئي بكل واحد.
ختاريت وحده ناعمه وحلوه حلقه ام الخاتم
وختاريت مالته هم
لزم الحلقه وخلاها بأدي واني مركزه بعيونه وشكله
صدوك عصبي ناار بس شكله يخبل وينطي شبه الاخته شهد هم عيونه ملونه م̷ـــِْن يصيرو حمر دمار ههههه
شاال راسه وشافني مركزه بوجهه
همس شبيه وجهي حته هيج صفنانه بيه
نزلت عيوني بخجل ورديت مابي شي بس صافنه بملامح وجهك الاكثر.
لزم ايدي وهمس عاجبج
ابستمت ومارديت
تقرب مِڼـّي وهمس انتي عاجبتني كلشش اول مره بنت تعجبني واحبها
رفعت عيوني عليه بخجل وحجيت شنو الي خلاك تحبني. رد عليه تعالي نطلع لمطعم ونحجي ع راحتنه.
هزيت راسي بأي وطلعنه م̷ـــِْن المحل بعد ماشترينه الحلقات كانو هم غالين بس هو مدري منين يطلع فلوس ههههه.
صعدنه ب سياره باوع عليه وحجه عجبتج الحلقه
رديت عليه اي كلش حلوه. مثلك
رفع حاجب بعدم تصديق ورد شكرا ع مجامله
لزمت ايده وحجيت عصام ماعرف شون اتشكرك علئ المعروف الي سويته الي
اني صح اهلي يكدرون يسددون المبلغ بس بهاذه تصرفك عرفتك انو تريدني ومهتم لوجودي وياك.
لزم ايدي بقوه وسحبني عليه صرت قريبه منه كلش وانفاسه صارت تدخل بانفاسي. احس ايدي صارت ترجف.
همس بعدج مشايفه شي كتلج راح تكوين اسعد انسانه ويايه اني الي احبهم ادللهم
ابتسمت وبعدت عنه وحجيت انشالله كل ايامنا هيج
ساق السياره وحجه سالتيني شون حبيتج مو
رديت عليه اي صح شون حبيتني بهل فترا القصيره
جاوبني اني حالين عمري 33 سنه
كل هل فترا كلبي ماحب بنت ولاكنت اباوع لبنت باعجاب. كنه مشغولين بس ب شغل وامور العائله وهيج
بس م̷ـــِْن توفئ ابويه حسيت نفسي تغيرت صرت افكر بنفسي. اريد اعيش افكر بمستقبلي
م̷ـــِْن اجيت اشوف شهد شفتج ب طريق وكنتي تبجين وجهج صاير احمر م̷ـــِْن ضرب مدري شنو
نزلت اساعدج بس ماعرف ليش بهذيج الحضه مرحتي م̷ـــِْن عقلي رجعت للبيت واني اتذكر عيونج شون تبجين
بعدين الايام صارت تجمع بينه وكل ماشوفج احبج
اول مَآعِرَفتّ نفسي احبج حجيت ويه الخانم شهد وضحكت عليه
رديت عليه ههه ليش تضحك عليك
مسح وجهه ورد لان تعرف اخوها ماعنده كلب عنده حجر متعوده عليه ماحب شخص وخصوصا البنات
رديت عليه صدوك انتو ليش كنتو متحبون شهد
باوع عليه بستغراب.
ياربي شهل فشله شون احجي هيج اني غبيييه
سحب نفس ورد. ماعرف شجاوبج انسي لموضوع احسن
بلعت ريكي بتوتر ورديت اي اني هم حجيتها بدون قصد لاتزعل مِڼـّي. اصلا هسه شهد تموت عليكم
رجع باوع عليه ورد ليش قبل تكرهنه حته هسه تحبنه
رديت عليه لا موقصت تكرهكم بس ضايجه منكم وحاقده عليكم لان ضربتوها و
رد اوو شنو كملي
بلعت ريكي بتوتر ورديت هيج ماكو شي انسه
لزم ايدي بقوه وركز بعيوني ورد. احجي ساره لاتخلين شي بكلبج لاتخافين مِڼـّي مراح اسوي شي
رديت عليه او. لان وكع طفلها بسببكم
سحب نفس بقهر ورد مناسي الموضوع والله شهد هوايه حصلت ضلم مِڼـّي ومن كل العائله كنه ضالمين وياها.
بس انشالله راح اعوضها عن الي راح وراح اخليها تعيش مرتاحه والي يقرب منها اكسر راسه
ابتسمت وحجيت انت عندك. كلشي ينحل بتكسير الراس. موو
ابتسم ومارد عليه وصلنه للمطعم تغدينه ورجعت للبيت هو سلم علئ اهلي ورجع للمحافظه مالته الانبار.
......................................................................
ايمن.
بعدنه ب مستشفئ. وروان حالتها شويه استقرت
كنت كاعد يمها ب غرفه وهيه نايمه افكر بكلامها منوو
معقوله يسوي هيج بيها وماتهمه اذا صارلها شي
اوف لو الزمه بين اديه والله اله اشرب م̷ـــِْن دمه ع هاذي العمله
كعدت روان وهمست حبيبي بعدك كاعد
تقربت منها وبست راسها ورديت اي مجايني نوم شلون صرتي انتي
ارتكت علئ السرير وهمست بتعب الحمدالله احسن
بابا وماما وينهم
رديت عليها طلبت منهم يرجعون للبيت وامج شويه تعبانه اخذهم ليث وراحو واحنه شويه ونطلع هم
لزمت ايدي وسحبتني عليها خلت راسها علئ صدري
وهمست مزعلان مِڼـّي مو قصص وروايات عراقية
حضنتها اقوئ ورديت ليش ازعل. انتي شنو ذنبج
احسها صارت تبجي بصمت شلت راسها وركزت بعيونها وحجيت والله اله انتقملج م̷ـــِْن الشخص الي خلاج توصلين لهل حاله
مراح اسكت ع موضوع ولازم اعرفه انتي بس لاتبجين
لزمت ايدي وردت لا ايمن ماريد يصيرلك شي الشخص الي سممني وجان متت يكدر يقتلك بدم بارد ومايرفله جفن
اني بدونك اضيع والله فدوه لاتسوي شي لخاطري
حضنتها ورديت لاتخافين مراح يصير شي احنه كل مانسكت ع موضوع هاذه الشخص يتمادا اكثر وراح يرجع يضرج.
شالت راسها ومسحت دموعها وردت بس منو برئك هيج يسوي منو اله مصلحه يضرني اني حته مماذيه شخص.
لزمت وجهه بأيدي ورديت ماعرف والله بس اكيد هل شخص ميحبج ويريد يضرج.
ليوم م̷ـــِْن نرجع للبيت راح يجينه جابر وتحجيله كل الموضوع حته تسجل قضيه ونصعدها للمحكمه
سحبت نفس وردت انشالله
بقينه شويه وسجلنه خروج واخدتها للشقه مالتنه.
فتحت الباب واخذتها للغرفه خليتها ترتاح بقيت صافن بملامح وجهه شكد حلو وبرئي ليش ناس تريد تضرها
كنت اريد اطلع لزمت ايدي وسحبتني كعدت يمها
همست خليك يمي لاتروح محتاجتك
بست راسها ورديت اني دائما يمج لاتخافين م̷ـــِْن شي
تمددت يمها وسحبتها لحضني وصرت اقرا عليها ايات
شويه ونامت لان لسه المهدئات ماثره بيها ومخليتها دايخه وماتحس علئ شي.
اندك الباب ورحت فتحه كان جابر سلمت عليه ودخل
سالني وين روان. جاوبته نايمه ب غرفه
رد شلون صارت
سحبت نفس بقهر ورديت لسه مقهوره علئ الطفل
كعد ع غنفه ورد يلا فدوه اني هم شهد وكعت طفل
ومابقينه هوايه حملت م̷ـــِْن جديد
عليك بس زيد المفعول وضحك هههههههه
ضحكت ورديت والله الموضوع كلش ماثر بيها ماتستاهل كل الي صار اريد اعرف منو يتجرئ يسوي هيج بيها
رد عليه تكدر تروح تكعد روان اريد افهم م̷ـــِْن عدها
رحت دخلت للغرفه وشفتها نايمه وجهه ذبلان
تقربت منها وبست خدها هيه بسرعه حست عليه فتحت عيونها بطئ وهمست وين رحت
كعدت يمها وحجيت جابر هنا ويريد يشوفج كومي
كعدت وردت شويه وطلع بس اسبح وغير ملابسي صايره اخوف
تقربت منها وبست شفتها بهدوئ ورديت انتي دائما حلوه. ميحتاج تبدلين او شي
اخذتها وطلعنه علئ جابر سلمت علئ جابر وكعدت يمي. سالها جابر عن الموضوع وصارت تحجيله ودموعها تنزل. اول مره اشوف روان هيج مكسوره ومتاذيه
رد عليها جابر باجر امر عليكم نروح اني وياج وايمن للكليه مالتج وتحجيلي منو الي انطتج الاكل واني اعرف شون اتصرف
مسحت دموعها وردت بس اني ممتاكده م̷ـــِْن الموضووع اخاف نحجي ع بنت وتالي تطلع مالها ذنب بشي.
رديت عليها اني. انتي بس كوليلنه عليها احنه مراح نسويلها شي بس نسالها عن الموضوع. لاكثرر
هزت راسها بأي. بقه جابر شويه وراح
كعدت يم روان ولزمت ايدها وحجيت شرئيج نطلع نتونس علئ الشط
خلت راسها علئ كتفي وردت مالي خلك والله خلينه ب بيت احسن. مرتاحه هيج
شلت راسها وركزت بعيونها وحجيت روان الي صار صار وانتهئ،ماريد تخربين حياتج علئ حادثه صارت الناس يصير بيها اشكال وتتجاوز هل امتحاناات
لآزٍمٍ تكونين اقوئ م̷ـــِْن هيج. الموضوع بسيط ترا
هاي شهد تعذبت عذاب ماكو منه وكع طفلها وهسه الحمدالله حياتها مستقره ويه جابر
وصار عدها اطفال ثنين
يمكن الله مكاتبلنه هاذه الطفل والحمدالله ع كل حال
سحبت نفس وردت خليني ارتاح ايمن لموضوع كلش مضوجني صح. عندك سهل بس عندي صعب كلش اني ماتخيل شخص ياذيني هيج
اني هسه مضايجه بس ع ولد
ضايجه علئ حضي ليش ناس هيج تسوي ويايه وشنو غايتهم اريذ اعرف بشنو ماذيتهم.
حسبتها لحضني ورديت اني راح اصلح كلشي
