رواية الطالبه والضابط الفصل الرابع والثلاثون بقلم توتة
ابو نارين / ضررررغام. !!!
_بابا فدووه اسمعني
ابو نارين / ولجججج بووويه انتي شبيجج تخبلتي ماضل عقل براسج تحبين وااااحد متزووج وعنده مررره.
كمت م̷ـــِْن مكاني واني اطكطك م̷ـــِْن الخوف شجعت نفسي وحجيت
_احبه بابا موبيدي ولله احبه انته موو تكول احلا شي بالحياه م̷ـــِْن تلگه الشخص الي يشاركك روحه وكلبه اني لكيت كل هل مشاعر ولحب بضرغام صدكني حاولت ابتعد عنه حاولت مافكر بيه بسس ماكدرت
لزمني م̷ـــِْن كتافي بقووه وعصرهم.
ابو نارين / شصااااار بينج وبينه احجيييييي
_اااخ ايدي بابا.
ابتعد عني وخله ايده علئ راسه صاار. يروح ويرجع وهو يتافف
_بابا
ابو نارين / اششششش مااااريد اسمع صووووتج.
_الله يخليك بس اسمعني لاتضلمني بتفكيرك ولله مصاير شي بينه بس حبينه بعض ولحب موو حررام انته موو گلت اذا شخص مناسب انطيج اله ضرغام رجال معنئ الكلمه.
ابو نارين / اييي ماكلج ضررغام رجال مووزين بسسس متزوج تفهمين شنوو متزوج ولججج بووويه انتي وحيدتي بسس انتي الي شلوون اكدر انطيج علئ شرك شلوووون.
_اني قابله مايهمني.
ابو نارين / مووو شغله بكيفج
_فدووه بابا لاتصير ضدي مالي غيرك انييي.
عافني وراح. كمت اريد الحكه عثرت رجلي بالطاوله وكعت. هوه بسرعه دار وجهه عليه واجاني يركض كومني
غمض عيونه وكعد علئ الغنفه ونزل راسه علئ الارض.
گعدت يم رجليه واني ابچي واشهك خليت راسي علئ رجله. وهمست .
_اعرف خايف عليه وحقك تخاف بس صدكني ضرغام راح يهتم بيه اني تعرفت عليه وعرفت عائلته وشلوون عايشين.
خله ايده علئ راسي وسحب نفسس بقهررر احسه زرف گلبه
ابو نارين / اااااخ يابويه ليشش تشلعين گلبي بيج ليششش.
رفعت راسي عليه واني ابچي
_فدوه لاتحجي هيج.
بقيت اشهك وماكدر حته اتنفس لزم ايدي وكعدني يمه.
ابو نارين / كاافي بويه كاافي يروحي هسه علئ شنوو تبچين غير افهم.
_هئ. لا. لا تحچي هيج. اني. مالي غيرك اذا. انته .. ماوكفت وياي منوو راح يوكف.
مسح دموعي بأيده وسحبني علئ حضنه
ابو نارين / اششش كافي بويه كافي لاتبچين اني وياج دائما ومراح اتخلئ عنج بيوم بس خايف علئ مستقبلج يعني مالگيتي غير ضرغام المتزوج جاان تزوجتيلج واحد علئ كدج.
_ماريد غيره.
ابو نارين / مراح اوكف بطريقج مادام انتي مقتنعه هاهيه. خليهم يجون علينه ويصير خيرر.
رفعت راسي عن صدره واني مبتسمه
_يعني توافق. ??
ابو نارين / لآزٍمٍ ينفذ كل شروطي اذا ماكدر ماله مرره يمي.
_شنوو راح تطلب منهم. ?
ابو نارين / بعدين تعرفين
_عادي اشرط ايي شي اصلا ضرغام گال شنوو يطلب مِڼـّي ابوج اوافق
ابو نارين / ااااخ منه طلع ملعب واخذ بنيتي مِڼـّي.
_ههه لا اني بنتك.
ابو نارين / ومرته شلون راح ترضه ?
_ماعرف ولله هوه كال اتفاهم وياها.
ابو نارين /اااخ يابويه ماريد اصير مثل اهل امج وكفو بطريقنه وحرمونه م̷ـــِْن بعض سنين وتالي اخذتها بطالاع الروح وماتهنيت وياها. خايف اوكف بطريقج واتندم بعدين وخاف انطيج وماتتهنين.
_الله يرحمها لا ولله ضرغام راح. يدللني.
صدوك بابا انته موو گلت اريد اتزوج شنوو نسيت الموضوع
ابو نارين / اي حجيت ويه المره وهيه راضيه اريد اخذ عمج ونروح عليهم
_يااااي يعني راح تزوج
ابو نارين / هسه مادري ازوجج ازوج روحي هههههه
_هههههه لا انته اوول اريد اركص بعرسك.
ابو نارين / الله كريم بويه.
حضنت عليه بقوووه وبست صدره
_اووووف بابا لووو تعررف شكدددد احبك
باس راسي بقوه
ابو نارين / واني هم احبج.
_امممم بابا باجرر اهل ضرغام يجون علينه گلت انطيك خبرر.
رفع راسي عن صدره وباوعلي بستغراب.
ابو نارين / يجون يخطبون لْـۆ غير شي ?
_ايي يجون يخطبوني.
ابو نارين / خيرر انشالله
_فدووه بابا. لاتشرط عليهم شروط صعبه خليك عادل وياهم.
ابو نارين / هاذي حياتج بابا لآزٍمٍ أمن عليج شنوو زواج لعبه.
_اعرف موو لعبه بسس اني خايفه م̷ـــِْن شروطك
ابو نارين / ولله هاذه الشي راجع الهم يريدون يرضون الهلا وسهلا مايرضون لله ومحمد وعلي
سكتت وماعرفت شكوله خايفه يشرط عليهم وتكون طلبات قوويه وميگدرون عليها وتخرب السالفه كلها.
بقيت كاعده يمه شويه وگمت كلت احجي ويه ضرغام وابشره.
_اني صاعده انام نعست.
ابو نارين / تعاي بويه خليني اوصلج.
_لا ميحتاج اكدر امشي عليها شويه شويه.
ابو نارين / لا بوويه موزين عليها اني اوصلج لغرفتج.
كام م̷ـــِْن مكانه ولزم ايدي وصعدنه سويه لغرفتي وصلني لغرفتي وراح.
رحت بسررعه اخذت جهاز واتصلت علئ ضرغام.
انتبهت علئ ساعه ب 12 بليل
كنت اريد اسد الخط فتح ضرغام
ضرغام / الوو.
_الوو هاا ضرغام شلونك
ضرغام / الحمدلله حبيبي بيج شي. صوتج تعبان
_ايي كنت دابچي
ضرغام / نعله علئ شرفج ليششش تبچين
_يااا ضرغام شبيك تغلط. بعد ماحجيلك ولله خربت حته سالفه
ضرغام / ياسالفه هااي ??
_ مااا بعد ماحچيلك
ضرغام / اااخ يشلعان گلبي
_يلا تصبح علئ خيرر
ضرغام / تعااي ولجج شنوو السالفه
_اعتذر مِڼـّي
ضرغام / علئ شنوو اعتذر غلطت انيي
_ايي طبعا غلطت يلا اعتذر
ضرغام / السموحه منكك ياشيخ.
_ههههههه. يلا سامحتك سيدي
ضرغام / اروح فدووه لهل ضحكه.
_امممم عندي الك خبريه. كولش حلوووه.
ضرغام / شوووني هيه.
عود يقلد علئ كلامي ههههه
_حجيت ويه بابا وخليته يقتنع.
ضرغام / صدك ولله
_ولنبي قبل شويه حجيتله كولشي صح بلاول ماقبل وعارض وحجه عليه بسس م̷ـــِْن بچيت كدامه وكتله احبك ومتعلقه بيك واني قابله اتزوج منك حته لْـۆ عندك مَـرّھٌ اقتنع.
ضرغام / اروح فدووه لهل لسااان العسل بووويه شكدد احبج.
_وكلته انتو باجرر تجون
ضرغام / بااجرر ضهر احنه يمكم جهزي نفسج
_منتضرتك علئ نااارر
ضرغام / نارين.
_عيون نارين
ضرغام / احبج ياشلعان گلبي
_امووت عليكك عموو الشايب هههه
ضرغام / خلينه نتزوج وانيي اعلمج الشايب شيسووي.
_هههه فاسد عمي الشايب
ضرغام / بسس عليج ينحرف.
_يرادله ضبط م̷ـــِْن جديد
ضرغام / عود م̷ـــِْن تزوج اضبطيني علئ ايدج
_ايي طبعا خما اخليك براحتك تصرف. لآزٍمٍ تسمع كلامي لأن راح اصير مرتك
ضرغام / شلوون مرره كيمر. عرب
_هاذه الغزل مالتك.مال شياب
ضرغام / هاي بعد مشكلتج منوو گلج تحبين واحد شايب.
_امووت علئ هل شايب ابو عيوون خضرر
ضرغام / انتي شالعه گلب هل شايب وكاعده مكانه.
_يلا راح انام. تعبانه اشوفك باجرر.
ضرغام / اتنفسي خليني اسمع انفاسج.
ابتسمت وتنفست بقووه.
ضرغام / اوووف ربي.
_يلا حبيبي تصبح علئ خيررر
ضرغام / باجرر اريد حضن وبوسه موو تبخلين عليه.
_مستحيل بعدد الي سويته بيه لْـۆ شيصير مانطيك لاحد منتزوج.
ضرغام / موو تخليني. اتحلف بيج بيوم زواجنه
_شنوو عقوبه هاذي ?
ضرغام / احسبيها مثل ماتريدين.
_هههه يلا روح الله كريم منا لباجررر.
سديت م̷ـــِْن عنده واني الضحكه مرسومه علئ كل وجهي.
واخيراا راح اصيرر اله يارررب يتم هل زواج بدون متاعب ولامصاعب.
____________________________________
ضرغام.
بقيت گاعد بالصاله واني دايخ اسمع بس صوت سهئ وهيه تبچي وتدعي علئ نارين.
شويه ونزلت سحر يمي
سحر / هاا خويه مانمت
_وين راحت سهئ ?
سحر / بغرفتها تبچي امي ومنار يمها كاعدات لاتخاف عليها. راح تتقبل الموضوع.
_ماضن تقتنع هاي راسها يابس.
سحر / شلوون يعني راح تغير قرارك وماتزوج م̷ـــِْن نارين. ?
_طبعا لاا اني نارين شاريها بروحي احبها ومتعلق بكل تفاصيلها لْـۆ اعررف. روحي اطلك سهئ واخذ نارين اطلكها بس.ماريد اكسر كلبها.
سحر / لا خطيه لاطلكها هسه هيه بعدها گلبها محترك ترضه ولله
_لله كريم.
سحرر/ اممم. شلوون اقتنعت نارين وماسافرت
ابتسمت واني اتذكر الي صاار بالمطار صرنه مثل الافلام اني وياها.
_قنعتها وخلص
سحر / كلش فرحت الكم ولله.
_انتي شلوون عرفتي نارين تحبني هيه عترفت لوو سألتيها.
سحرر/ اممم. هذاك الًيَوُمًِ م̷ـــِْن صعدت لغرفتي وبقيت تحجي ويه نارين. م̷ـــِْن طلعت م̷ـــِْن الغرفه اني سألتها
هيه بألاول ماحجت شي بسس بعدين كلتلي كلشي وعترفت بحبها الك بيومها شكدد انقهرت عليها خلصت اليل كله تبچي مَآعِرَفتّ شبيها.
_بوقتها نهت كلشي كالت ابتعد عني
سحر / ايي لهاذه م̷ـــِْن شفت بعيني شكدد تحبك ومتعلقه بيك ماكدرت اله اجي واحجي وياك واطلب منكك تمنعها ماتسافر
_تدرين هسه انتي سبب الي راح يجمع بيني وبينها.
سحر / تستاهلون ثنينكم.
_فدوه لهل وجهه. اليابس
سحر / ههههه ادري هسه انته تمدح بيه تغلط
_لا امدح بيج.
سحر / هههه ايي هم خووش.
_يلا صاعد ارتاح شويه تصبحين ؏ خيرر.
سحر / وانته بخير
صعدت لغرفتي لگيت سهئ كاعده علئ سرير وتبچي وامي يمها. شافوني وطلعو م̷ـــِْن الغرفه.
رحت كعدت يمها كامت م̷ـــِْن مكانها وراحت علئ الغنفه.
خليتها براحتها نزعت ملابسي ونمت.
گعدت صبح علئ صوت سهئ تغلط وتسب وتفشررر
رفعت راسي اشووف جهازي بأيدها
طفرت بسررعه اخذته م̷ـــِْن ايدها.
_وييبه منووو حجيتي هييييج.
سهئ / هااااي حبيبت الگلب متصله عليككك تريددد تسمع صوووتك.
_انتي شلووون تجرئين تفتحين عليهااااا وتغلطين هيييج.
سهئ / اطيح حضها هل صاق.. الكح.. بنت الكلب بنت الخ..
لزمتها م̷ـــِْن حلكها بقوووه.
_اشششش لاطولين هل لساااان ترا اكصه ولله
دفعتني بقووه وصرخت بصوت عاالي
سهئ / خااايف. علئ بنت الشوارع لاتزعل منكك. تضررربني عليها. ولله لندمك اذااا ماخليتها تتمنئ الموووت انيييييي موو سسسسهئ.
_اذا فكرتي تفكيرر واحد تأذين نارين تحسبين نفسج مطلكه.
سهئ / هوووه انييي اريددك طلكني عبالك تزوج واضل ويااااك تحلم اضل ويااااك طلكني وتااااخذها
_ولله شغله راجعتلي انيي. بكيفي اطلك ماطلك هل شي انيي اقررره موو انتي.
عافتني وراحت علئ الكنتور وهيه تبچي طلعت جنطه مالتها وشمرت كل ملابسها بيها.
سهئ / رجعني الاهلي. وكلهم اررريد اتزوج علئ بتكم.
_هاذه حقي. مالكم شي يمي اتزوج بكيفي.
سهئ / بشنوو قصرت وياك حته تزوج عليه فهمنيييي.
_اررريد طفل تعرررفين شنووو طفل انييي رجااال اريدد ولد يحمل اسمي. كاافي صبرت تحملت هووواي وماكوو نتيجه اكلج خلينه نحلل ماترضين اروح اني يكلولي نسبتك قووويه وتكدر.
سهئ / ايييي اييي انييي عاااقر هاذه الي ترريد تسمعه انيي ماكدر اجيب اطفال حللت وشفت نسبتي صفررر مع هااذه كله مااردت اكسرر گلبك وضميت الموضوع وكل ماتكولي اكلك رحت ويه امييي.
_ليشش ضامته شنوو تنتضرين يعني ينزل عليج طفل م̷ـــِْن السماء.
سهئ / ماااريد شي انيي اريددك انته بسسس انته.
_بسس اني اريددد. افهمي هل شي اررريد طفل.
سهئ / مستحيل اخليك تزوجها ولله مااااخليك ضرررغام فدووه لاتكسرررني هييج انته تدري بيه احبك م̷ـــِْن صغرر. ليشش تعذبني هييج
_الهم صبرج يااروح لجج بابا شبيج زلم ماماخذه نسوان تبقين مرتي وحالج م̷ـــِْن حالها.
سهئ / ماكدر صدكني ماااكدر اتخيلها بحضنك. وتصير مرتك وتشاركني بييك مستتتحيل.
_كااافي تررا تعبت منججج تعبت.
اخذت جنطه مالتها وطلعت م̷ـــِْن الغرفه خليت ايدي علئ راسي واني تعبااان.
اتصلت بنارين واعتذرت منهاا علئ كلام سهئ طلعت م̷ـــِْن الغرفه اشووف وين راحت سهئ شفت اهلي كاعدين يتريكون.
_صباح الخيرر
الكل صباح النور.
_وين راحت سهئ ?
ام ضرغام / اخذها حيدر لبيت اهلها خليها يمه خليها ترتاح. تاليتها ترضه ولله
_ادري انيي شنووو هنااا كوا*** شلوون تطلع بدووون علميييي.
ام ضرغام / يمه خليها تروح الاهلها اذا تضل يمك تسوي شي بروحهاا علئ الاقل هناك انته مامسؤل شيصير بيها. اهلها يتحملون.
منار / ولله خطيه الي ديصير بيها.
سحر / ليشش عيني زلم ممتزوجه 2. الموضوع كلش عادي ترا.
منار / انتي لاتدخلين بشي مايخصج
سحر / علئ اساس هسه انتي مجاي تدخلين.
_بسسسسجن انتي وياااها لاتخلني هسه اخلي روسجن بلاكل.
ام ضرغام / اكعد يمه اكعد تريك ولله كريم.
ستغفرت ربي وكعدت تريكت ورحت لغرفتي بدلت ورحت للشغل.
مرر اليووم عادي لليل يلا رجعت للبيت تعباان وراسي دايخ بوجهي لغرفتي ونمت #ڪــڔٰا̍ڕ
گعدت علئ صوت جهاز يتصل ساعه ب 12 بليل شفته رقم نارين ستغربت.
فتحت عليها وبقينه نحجي الي فرحني وغير كل مزاجي گالت ابوها موافق خلتني اسعد انسان واخيررا راح تصير الي.
بقينه نسوالف اني وياها شويه وراحت ورجعت نمت
صباح ثاني يوم "
كعدت صبح واني مقرر الًيَوُمًِ اخذ عمامي وابوي ونروح علئ ابو نارين نفاتحه بالموضوع
سبحت وبدلت ونزلت حجيت ويه ابوي واخذتها ورحنه علئ علئ عمامي . اخذنه عمامي م̷ـــِْن بيتهم ورحنه متوجهين لبغداد. رحنه تقريبا 5 سيارات
وصلنه لبيت ابو نارين استقبلنه هوه. وكعدنه بالديوان مالته.
فاتحناه بالموضوع. وهو ماعارض ابدد وگال اتشرف اناسبكم هوه يعرفني اني شنوو ومن صغري شغلي وياه
يثق بيه ثقه عمياء بسس بسبب الي صاار تخربطت حياتنه وضعنه وياه
شرط علينه گال مانطي بنتي اله بيت وحدها وتكون بالبيت خادمه تخدمها لأن بنتي ماتعرف لاتطبخ ولاتشتغل متعوده علئ دلال ولعزز م̷ـــِْن صغرها.
ومرتي وعائلتي مايأذوها ولو بكلمه وحده لأن ماعنده غيرر هل بنت اذا صارلها شي يدمرنه.
وافقت علئ كلامه ڱڵـه. وكان حاضرها 30 وغايبها 35
اتفقنه علئ كلشي ابوي وعمامي وجوهم تغيرت م̷ـــِْن طلبات ابو نارين بسس اني وافقت بكل رحابه صدر
وكنت حالف لوو يطلب كنوز الدنيا كلها هم اوافق علي
قرينه الفاتحه عليها وحددنه موعد للخطبه بنهايه الاسبوع. ابوي مبين من وجهه ماراضي ويريد بسس يطلع.
تشكرنه م̷ـــِْن عنده وطلعنه كنت اريدد اشوف نارين بسس ماگدرت.
صعدنه بالسياره ورجعنه للبيت
ابو ضرغام / ولككك بوويه تخبلت منين تجيب كل هل فلووس غيرر هاذه كله يريدلها بيت وحدها وخادمه تشتغل الها.
_عندي شقه ابيعها واشتري بيت. والخادمه موضوعها سهل. وبالنسبه للحاضر والغايب ترا طلب شي بسيط.
احنه ولد الانبار ماتهمنه فلووس. اخذها لْـۆ اعررف اشتريها بذهب.
ابو ضرغام / ااااخ ياحبك التالي وكت
ابتسمت وسكتت منه.
كملت طريقي واني مرررتاح نفسيا واخيرا راح تصير صدك واخذها الي.
وصلت ابوي للبيت ورحت علئ المركز. كاعد بالمكتب شويه ودخل كرار
كرار / هااا بشررررر.
_وعليكم سلام
كرار / يووول ولله مانتبهت هسسه كول شصاار وياك رضه ابوها ينطيها لاا
_بنهايه الاسبوع خطبتنه
كرار / كووول ولله
_شايفني اتشاقه وياااك
كرار / ولله وكفوووو منككك طلعت كدها واخذتها غصبن عليهم كلهم.
_ابن الانبار گدها.
كرار / يوم الي. ههههه. واخذ المايعه الثانيه
_خليني بسس اتزوج منهاا ادبرلك موضوع صديقتها
كرار / اني بشاربك ضرغام
_لاتتلوگ.
كرار / هههههه لا ماتلوگ بسس صاارت شغله بين اديك مرتك صديقه المايعه مالتي
_لله كريم
كرار / الف مبروووك يخووي تتهنئ انشالله منك المال ومنهاا العيال
_يبارك بيك يووم الك.
بقه گاعد يمي كرار ماخذه الواهس اكثرر مِڼـّي اني الفرحه ماواسعتني وعبالك هااي اول مرره راح اتزوج.
خلصت شغلي ورجعت للبيت بالطريق اتصل جهازي كانت نارين
_الووو
نارين / ياااااااي ضرررغام راح نتزوج ممصدكه ولله كوووولش فرررحانه.
_كتلج اخذج واني كدد كلمتي.
نارين / يرروووحي كلش فرررحااانه والله
_حضري نفسج الخطبه بنهايه الاسبوع.
نارين / اصلا هسسه اني دايخه ماعرف شلوون اتصرف شنوو البس شوون اسوي شعرري ولله حاايره.
_انتي بكل حالاتج حلووه مايحتاج تسوين شي وشعرج دير بالج تمدين ايدج عليه اكسرررها ولله
نارين / هههه ماشي. اريددد خطبه تحجي بيهاا كل بغداد
_محضرلج. عمامي تركصلج جووبي.
نارين / هههه شرط انته تركص وياهم يلا اوافق عليكك.
_موو تدللين. نهوس ونركص جوبي لعيونج.
اسمع صوتها اختنك وضاهر بچت
_نااارين. حبيبي تبچين ??
نارين / لا.
_اعررفج م̷ـــِْن تبچين خرررب شبيج غيرر افهم
نارين / كلش فررحانه ولله وبنفس الوقت خايفه هل فرحه ماتم.
_شنوو هل حچي بوويه خليج متفائله بالخيرر. الصعبات مرن وانشالله الجايات كلهم سهلات.
نارين / لوو تعررف شكدد احبك
_امووت عليج ياشلعان گلبي.
نارين / ليش رحت وماخليتني اشوووفك. كنت محضره نفسي الك.
_ااااخ ليش تحرگين كلبي هسسه
نارين / اني شعلي انته ماجيت
_غيرر ابوي وعمامي وياي ماگدرت اشوفج يلا بالخطبه اشوف مرتي.
نارين / يلا حبيبي رايحه احضرر نفسي واروح للمول اشتري ملابس.
_دير بالج ؏ نفسج.
نارين / وانته هم.
سديت منهاا وكملت طريقي للبيت.
وصلت للبيت واني تعبان استقبلتني امي بضحكه وفرحه.
ام ضرغام / الف مبروووك يروح امك انشالله منهاا وتصير عندك عشيره مال جهال
_ههههه امين يارب
ام ضرغام / صدك مراح تخليها تعيش ويانه ?
_ايي ابوها مارضه اله بيت وحدها.
ام ضرغام / شلوون احنه نريدك يمنه يمه.
_شسوي يمه لله كريم. اني دائما راح اكون موجود وياكم وحيدر هاذه هم دوريله مرره ترا اكل راسي
ام ضرغام / خليني افرح بيك هسه ومن يخلص عرسك ادور وحده مايعه لحيدر هههه
_قصدج مرتي مايعه
ام ضرغام / هههه اي ولله مايعه تخبل فدوتها بعده صغيـرونه
شكدد فرحت بكلام امي ماي بارد وخلته علئ صدري واخيرا عائلتي بدت تحب نارين مايهمني شخص المهم امي راضيه عليه
دخلنه سويه للبيت اجو اخواتي تباركولي سحرر طايره م̷ـــِْن الفرحه فرحانه اكثرر منه بس منار گالبه وجهه
_مناارر تعاي يمي
منار / هاا خويه محتاج شي
_شبيج ضايجه مِڼـّي
منار / ماضايجه ولله
_ليش احسح مافرحانتلي انتي تعرفين زين ليش راح تزوج وشنوو اريدد.
منار / اعرف ولله واني اسفه لأن حجيت هيج هذاك اليووم انته الك حق تزوج صارلك سنين تنتضر طفل وماكوو انشالله نارين تعوضك.
_ماريد خواتي بعرسي يكونون زعلانين ماشي
هزت راسها بأي وهيه مبتسمه
اندك الباب راحت امي فتحته اسمع صوت جعفر اخوو سهئ يغلط وسب
طلعت بسررعه عليه اشوفه شيريد.
جعفر./ شلووون تسووي هيج ضررغام تزوج علئ اختي وحته ماتنطينه خبررر.
_حياتي واني حرر بيها اتزوج ماتزوج هل شي ميخصكم ولشرع حللي اربعه يعني لاوحده ولاثنين وبتكم متخلف اضل طوول عمرري بدون خلفه واني رجال والي مكانتي.
جعفر / بسس موهيج جان اجيت وطيبت خاطرها موو. كبل رحت خطبت ماصدكت عافتك واجت علينه
_هسه المطلوب شنوو.
جعفر / سهئ تريددك طلكها.
_طلاك ماطلگ وتبقه مرتي اذا بيوم حسيتها غلطت وماعاد اتحملها كزوجه بهذاك الوقت بتكم ترجعلكم وهيه مطلكه حالين مخليها عدكم بسس فترا الخطوبه ماريدها تنقهر وخليها ترتاح.
جعفر / هاذه موو حجي ضرغام
_هاذه العندي. اني
بقه اخوها ينطط بالحجي هوه موو جبير يصير عمره 23 سنه بعده صغير. مانطيته مجال وكتله ماطلك وهو اصلا منوو وجاي يتصرف م̷ـــِْن كيفه لامخاخذ رأي اهله ولاشخص جاي لوحده يحجي. عفته يحجي براحته.
راح علئ بيته دخلت اني اجت كعدت يمي امي. شويه ودخل ابوي وحيدر للبيت.
ابو ضرغام / هاا بويه شعده جعفر
_خيولي واحد زعطوط
ابو ضرغام / ضايج علئ اخته.
_ترا الموضوع عادي علئ شنوو ضايجين هيجج شنوو زلم مماخذه نسوان جديده عليهم موو هذاك اخووهم ماخذله 3 موو حده ولاثنين بعدد شكوو.
ابو ضرغام / عوفه يحجي ويسكت عمك گال بيوم الاثنين نسوي الخطبه ونعزم كل اعمامنه وعشايرنه نريدها خطبه جبيره كدام ابو نارين حته يشوف شلوون احنه نسوي مناسباتنه.
_هاذه الي كنت منتضره اني مقرر اسوي عرس تسولف بيه كل اهل بغداد.
حيدر / ايي يابه وناخذ ويانه فرقه نركص جوبي م̷ـــِْن تخلص الخطبه.
ابو ضرغام / ههههه بعد بكيفكم شغله راجعه الكم
بقينه نخطط لموعد الخطبه وشنوو راح نسوي اني كلش مرتاح. ونفسيتي. رتاحت واخيرا راح اخذها وتصير ملكي.
صعدت لغرفتي ارتاح شويه تمددت علئ سرير واني افكرر شسوي وين اخذلي بيت راح اشتري بنفس منطقتي يكون قريب علئ اهلي حته اذا طولت بالرجعه اخلي امي او اخواتي يروحن علئ نارين ايي هاذه انسب حل.
اندك باب غرفتي.
_تفضل
دخل حيدر عليه وهو مبتسم وگال
حيدر / ممكن نحجي شويه ...
