رواية ابي عذابي ومأساتي الفصل الخامس والثلاثون 35 بقلم سمر اسامه

البارت 35     

                      

رجعنه م̷ـــِْن الكليه واخذت روان ع شط حته شويه تتغير نفسيتها وترتاح.    

                      

كانت طول الطريق ساكته ومصدومه م̷ـــِْن ابن خالها ليش سوه هيج وليش يريد يخرب بيني وبينها    

                      

رجعنه للشقه واخذت روان علئ الغرفه 

حجيت روان كافي تقهرين بنفسج الي صار صار وانتهئ. وهسه احنه عرفنه منو ديسوي هيج وراح نعاقبه.    

                      

ردت عليه اي بس اني دايخه ودافكر ليش سوه هيج

اني بعمري مماذيته وحته هو قليل يجي علينه ليش سوه هيج    

                      

تصرفه ماله معنئ والاغايه

سحبت نفس وكعدت علئ الغنفه وحجيت يمكن يحبج    

                      

باوعت عليه بستغراب وردت ولي يحب هيج يسوي

هاذه كان موتني ب سم مالته خسرت طفلي بسببه تسمي هاذه حب    

                      

لا هاذه ميحبني هاذه حاقد عليه ولازم باله شي او صاير شي واني ماعرفه ممعقول تصرف مالته.    

                      

باجر نروح علئ بيت اهلي اريد احجي لبابا كلشي واخلي هو يتصرف وياه ملازم نتصرف م̷ـــِْن كيفنه ولازم شخص جبير يتحمل المسؤليه    

                      

واني موجود ابويه وهو الي راح يحلها هو شيخ

هزيت راسي بأي ورديت اعرف عمي شيخ بس حسابه ويايه اني.    

                      

اني بأيدي راح احاسبه علئ عملته واخلي يتندم.

كعدت يمي ولزمت ايدي وحجت ايمن ماريد تتهور وتسوي تصرف نندم عليه بعدين    

                      

خلينه نحل الموضوع بهدوئ ونحجي لبابا كلشي وهو يتصرف اعرف ضايج واني اكثر منك مقهوره وضايجه بس ترا اذا اخذنه كلشي بعصبيه مراح نستفاد شي    

                      

واني اخاف عليك يسويلك شي واني الي اخسر بعدين

ابتسمت وسحبتها لحضني وحجيت لاتخافين ميكدر يسوي شي    

                      

الجلب الي يعوي مايعض وهاذه ميكدر حته يطلع كدامنه مخلي ناس تشتغل عنه يعرف نفسه مو كد مواجهه.    

                      

خلت راسها ع صدري وهمست حت لْـۆ ماكدر اضحي بيك. خلي ناس كبار تدخل فدوه لاتصرف م̷ـــِْن وحدك    

                      

بست راسها ورديت تمام مراح اتصرف م̷ـــِْن كيفي وراح نحجي ويه عمي وهو الي يتصرف ماشي    

                      

هزت راسها بأي

شلت راسها وبست شفتها وركزت بعيونها وهمست احبج روان كلش متعلق بيج والله م̷ـــِْن لكيتج ب بيت هيج حسيت نفسي راح اخسرج    

                      

خلت اديها محاوطه رقبتي وباست خدي وردت

مستحيل اعوفك اني    

                      

لاتخاف اني ماموت بهل سهوله ههه

نزلت راسي قريب م̷ـــِْن عنقها وصرت اشم بعطرها.    

                      

همست هو ماريدج تعوفيني. اريدج يمي دائما

بست عنقها بهدوئ    

                      

ردت عليه شنو الي خلاك تطلب مساعده م̷ـــِْن جابر

بعدت عنها وحجيت حسيته شخص مناسب لهيج امور    

                      

لان هو ضابط شرطه. واني اعرف ب قانون كلت نهددها انو نسجنها واكيد راح تعترف وصار الي بالي وعترفت    

                                  

              

                    

لزمت وجهي باديها الناعمات وبقت مركزه بعيوني همست احبك ايمن هوايه احّبكَ      

ابتسمت ورديت واني هم احبج.

حضنتني وصرت احجي وياها واخليها تنسه الي صار    

شويه ونامت 

كعدت الصبح ع صوت جهازي يتصل شفته جابر    

ستغربت ليش ديتصل عليه بهل وقت كانت ساعه ب 7 تقريبا الصبح. فتحت الخط ورديت الوو    

رد عليه جابر هلا ايمن شلونك شلون الصحه

جاوبته الحمدالله     

سحب نفس ورد ايمن عندي موضوع وياك اذا ماعندك شي ممكن تجيني علئ المركز. شويه    

رديت عليه تمام هسه شويه واجي عليك بس شكو صاير شي وياك    

رد عليه م̷ـــِْن تجي احجيلك الي صار واريدك تساعدني بشغله مثل ماساعدتك ماشي    

رديت عليه اكيد تدلل الي اكدر عليه اسوي الك واني الممنون.    

جاوبني كفو منك

سديت الاتصال وبقيت افكر بكلام جابر شنو لموضوع الي صاير وياه ويريد مساعدتي جابر ضابط شرطه ولابعمره طلب مساعده م̷ـــِْن شخص    

ليش ليوم طلب مساعده مِڼـّي اكيد شي جبير وخطير

رحت سبحت وطلعت شفت روان لسه نايمه تقربت منها وبست خدها قصص وروايات عراقية   

فتحت عيونها بطئ وهمست وين رايح

رديت عليها عندي شغل انتي ارتاحي مراح اطول شوي ورجعلج.    

ردت اوك الاتتاخر

تقربت وبست راسها بعمق ورديت ماتاخر شوي ورجع    

طلعت ورحت لمركز جابر دكيت الباب ورد تفضل

دخلت وسلمت عليه كعدت ع كرسي وحجيت شنو صاير وياك    

سحب نفس ورد ماعرف منين ابدي وشنو اكولك

بس صايره مشكله جبيره واني لازم احلها مجبور وماعرف شلون    

رديت عليه شنو لمشكله احجيلي يمكن اكدر اساعدك

رد عليه قائدنه ب جيش تاهمينه بتحالف ويه المندسين وداعش.    

وحالين هو مسافر خارج العراق بس عنده بنت هنا وطلب من عندي بس انزل التهمه عنها لان هم مسجلين كل عائلته لبنت. سحبوها ع سجن لان بوقتها مكادره تسافر وياهم بسبب الجواز    

وطلب مِڼـّي اساعده وكال انو احميها وانزل التهمه عنها حته تكدر تسوي جوازها وتسافر الاهلها.    

رديت عليه يعني تريد استلم القضيه

رد عليه لا مو هيج القضيه اذا بقينه نحلها راح طول تقريبا سنه او اكثر الاحد مانوصل لادله.    

رديت عليه لعد شنسوي

سحب نفس ورد اذا تزوجت راح نكدر نمحي كل القضيه عنها ونكول كانت ويه زوجها ونزيف الكلام الي انحجه عنها    

ستغربت م̷ـــِْن كلامه وحجيت اي ولمطلوب شنو هسه

رد عليه اريدك تزوجها بس لاحد مانزل القضيه عنها واسويلها جواز سفر وتطلكها.    

            

              

                    

رديت عليه مستحيل ماكدر اتزوجها واكسر خاطر روان م̷ـــِْن غير شي كنه ممتفاهمين اكيد تتخبل اذا تعرف لا جابر عذرني ماكدر اسوي هيج    

سحب نفس بقهر ورد اني بس انت اثق بيك وطلبت منك هل طلب هاذه زواج بس ع ورق يعني مراح تكون مرتك ب حلال. بس ب اسم    

رديت عليه اعرف بس ع ورق بس ماكدر اسوي هيج بروان انت مشايفها متتفاهم بهيج امور اذا تريد انت تزوجها وحل لموضوع علئ ايدك    

انت تكدر تحلها ويه شهد واكيد راح تتفهمك بس اني ماكدر اقنع روان ومن غير شي هيه مريضه وحالتها لسه ممستقره    

صار يدخن ورد هم فكرت ب موضوع قبلك بس حاير اذا تعرف شهد والله تتخبل هاذي م̷ـــِْن غير شي خبله ومتتحاجه اذا تعرف بيه متزوج عليها ترشني نفط وتحركني    

ضحكت ورديت لا مو هل درجه شهد تحبك اكيد راح تتفهم وضعك وانت مراح تكون زوج الها حقيقه بس ع ورق.    

سحب نفس ورد راح اعقد عليها ليوم واطلعها م̷ـــِْن السجن لان اني هم مسؤل ب دوله والي كلمه راح اخلي القضيه تنمحي بمده قصيره    

رديت عليه محلوله انشالله عذرني مره ثانيه هاي اول مره تطلب مِڼـّي طلب وماسويته الك    

رد عليه لا هاهيه اني انسب لهيج موضوع لان ضابط شرطه واكيد كلامي راح يكون اكبر اثبات علئ برائتها.    

رديت عليه جابر انت متاكد انو همه ممتعاونين ويه داعش. يعني الي دسوي الهم صح    

رد عليه اي طبعا متاكد اني لْـۆ ممتاكد مستحيل ادخل نفسي بهيج امور خطيره ويمكن تسببلي مشاكل     

بس شغله وحده مخليتني حاير وهيه شهد ماعرف م̷ـــِْن تعرف ب موضوع شراح يصير هذاك الًيَوُمًِ لكت ضرف وبيه صورت لبنت وتخبلت اذا عرفت بيه تزوجتها تتخبل فدمره     

رديت عليه الله كريم بلكي تحل لموضوع قبل لاتعرف شهد او احجيلها قبل لاتزوج ويمكن هيه توافق.    

رد لا ماكدر احجيلها اعرفها مراح تقبل راح احاول اخلص لموضوع بسرعه وماخليها تعرف بيه    

بقيت شويه يمه ورجعت للبيت    

........................................................................    

شهد.    

خلصت الخطبه وساره صارت خطيبت اخوي عصام

كلش فرحتلهم. وساره هم كانت كلش فرحانه ومرتاحه.    

واخيرا انتهه الخلاف الي بينه وبين اهلي

خلصت الحفله ورحت علئ غرفتي اطمن علئ اطفالي    

لكيتهم نايمين تقربت منهم وبوستهم

شويه ودخل جابر للغرفه كان متوتر وضايج معرف شبيه.    

تقربت منه وخليت اديه محاوطه رقبته وحجيت حبيبي شبيك هل فترا كلها بس ضايج ومتوتر احجلي صاير شي وياك.    

            

              

                    

ابتعد وصار يدخن ورد لا ماكو شي بس شويه ضغوطات ب شغل    

حضنته م̷ـــِْن ورا وهمست انت كدها وتكدر تحل كلشي بس لاتضوج نفسك ماحب اشوفك هيج    

لزم اديه الي محاوطه جسمه وخلاني احضنه اقوه

همس شهد كلشي يصير ويايه اريدج تكونين ويايه وتتفهميني. ماشي    

ابتعدت عنه ودرت وجهه عليه وحجيت ليش شنو صاير احجيلي. اني مستحيل اتخلا عنك انت تعرف معزتك بكلبي شكدها    

احبك اكثر م̷ـــِْن روحي والله

انت ابويه وحبيبي وصديقي وكلشي بحياتي لاتفكر بيوم اعوفك او اتخلا عنك بس انت ليش دتحجي هيج هسه    

سحبني م̷ـــِْن خصري عليه وباس شفتي بعمق وطول

بادلته بحب ابتعد ورد ماكو شي وداعتج بس حبيت اسمع هل كلام منج    

كلامج يخليني ارتاح نفسين احسج دكتورتي

ضحكت وخليت اديه علئ صدره وحجيت. كلشي اصيرلك المهم يكون حبيبي مرتاح.    

نزل راسه علئ عنقي وصار يبوس بيه ويشتم بعطري

غرست اصابعي براسه غمرني بحبه     

اتصل الجهاز مالته شال راسه عني وطلع جهازه شافه وتغيرت كل ملامح وجهه ابتعد عني وطلع برا الغرفه    

ستغربت مو م̷ـــِْن عاته م̷ـــِْن يتصل جهازه يطلع برا الغرفه. اكيد شخص مهم     

رحت علئ السرير وتمددت طول جابر برا الغرفه بقيت افكر بيني وبين نفسي شنو صاير وياه حته هيج يكول ومن اتصل جهازه ليش تغيرت كل ملامح وجهه قصص وروايات عراقية     

غمضت عيوني واني افكر ب موضوع

حسيت ادين اتسلسلت علئ خصري م̷ـــِْن ورا سحبني عليه بقوه ضعت بين احضانه خله راسه قريب م̷ـــِْن عنقي وهمس نايمه حبيبتي    

رديت اي نعسانه وين رحت ليش تاخرت برا

حضني بقوه ورد اجاني شغل وبقيت احجي ع جهاز وطولت شنو شتاقيتيلي.    

هزيت راسي بنفي

تقرب وعض خدي بقوه    

ابتعدت عنه وباوعت عليه بغضب وحجيت ليش غضيتني. حرام عليك    

ضحك ورد والله خدودج تشهيني علئ الاكل فحبيت اجربهم واخذت عضه منج.    

سحبني عليه ركز بعيوني وحجه احسج ضايجه شكو

سحبت نفس ورديت ماعرف احسك ضام شي عني 

رد عليه مضام شي ليش دتفكرين هيج شنو الي بالج    

خليت راسي علئ صدره وحجيت مبالي شي بس معرف ليش هيج داحسك ضام شي    

خله ايده علئ راسي ورد لاتخافين مضام شي عنج اني يايوم ضميت شي عليج.    

سكتت مرديت عليه. ونمت.

كعدت الصبح جابر مموجود شفت اطفالي كاعدين سويتلهم ممه وبدلت ملابسهم واسد نام اخذت نمر ونزلت تحت    

كانت ساره تحت ومحضره ملاك للروضه سالتني عن جابر جاوبتها انو طالع ويمكن رايح للشغل    

            

              

                    

اخذت عمتي ملاك للروضه وبقينه بس اني وساره وصارت تحجيلي عن عصام ومبين عليها تحبه صايره     

بقينه شويه كاعدين واندك الباب راحت ساره تفتح واني بقيت لازمه نمر     

رحت اشوف منو شفت جابر وياه بنت احس مثل الصدمه اجتني هاذي نفس البُـنًتٍ الي شفتها ب صوره بس لـٰيش جايه ويه جابر ليش    

سالته ساره عن البنت بس هو مجاوبها وكال رحبو بيها اول سلمو عليها. سلمت عليها ساره واني مانطقت كلمه دخلت وشلت نمر. كان يناغي ويحجي بابب بااا

مدري شنو يحجي    

دخل جابر هو ولبنت

حجت اني اسمي لارا.    

ردت عليها ساره اهلا وسهلا لارا شلونج شخبارج

ردت عليها لارا الحمدالله بخير    

حجيت اني هلا بيج

راح اخذ نمر انيمه اترخص. عفتهم وصعدت للغرفه شووون يجيب بنت للبيت بدون مياخذ رئيي اني مو مرته    

بعدين شنو شغلها وياه وليش جايبها للبيت معقوله جاي يخوني وياها لا لا جابر ميسويها ابد جابر يحبني اني مستحيل يفكر بغيري    

خليت نمر ب كاروك وسويت ممه لاسد ورضعته شويه ودخل جابر.    

كنت ضايجه كلشش م̷ـــِْن تصرفه هاذه تبين مالي قيمه بحياته كلبي جان حاسني انو ضام شي عني وليوم تاكدت م̷ـــِْن هل شي    

تقرب مِڼـّي وحجه شهد محلو تصرفج ابد هيج تعاملين خطاري شون ماتسلمين عليها وتعوفينه وتصعدين    

ركزت بعيونه وحجيت منو هاذي جابر جاوبني وماريد تكذب عليه بولا كلمه شفتها ب صوره وهسه جايبها لبيتنه. جيتها ابد مو خاليه    

سحب نفس ورد بابا خطار جاينه نطردها يعني راح تبقه عدنه فترا لان اهلها مسافرين وابوها هم ضابط وطلب مِڼـّي امن علئ حياتها    

تقربت منه وبقيت مركزه بعيونه هو كان متهرب م̷ـــِْن نضراتي اله. حجيت وليش انت ب اخص ماكو غيرك ضابط يحميها ليش انت    

لزم اكتافي وحجه شهد يروحي شبيج يعني ضابط وطلب مِڼـّي هل مساعده. شكول اله انتي ليش مجاي تتفهميني.    

برئيج اطردها يعني مو عيب لازم تستقبليها وتكونين صديقه الها لان هيه مسكينه مالها احد هنا    

لزمته م̷ـــِْن قميصه ونزلت دموعي وليش ماخذت رئي اول ليش ضميت عني الموضوع م̷ـــِْن سالتك لبارحه    

لزم اديه وباسهم ورد لموضوع ميستاهل احجي ليش هل دموع يروحي اذا مضايقج وجودها عادي اخليها تروح لغير مكان المهم تكونين مرتاحه    

حضنته واني ابجي ماعرف ليش دموعي تنزل وحاسه نفسي ﻣخنوكه. رديت لا عادي خليها تبقه بس ضجت لان شفت صورتها ب ضرف ﯠبـْعدين اجت وياك للبيت    

شال راسي ومسح دموعي ورد هسه ليش هل دموع اذا انتي تكولين خليها تبقه ليش تبجين    

ابتسمت وحجيت معرف دموعي تنزل لوحدها صدوك نسيت اكولك ليوم نمر يحجي صار ويكول ببه هههه    

            

              

                    

ابتسم ورد شفتي وابني يحبني اكثر منج ونطق اسمي اول شي      

ابتسمت ورديت عادي ماريد شخص يحبني غيرك

سحبني م̷ـــِْن خصري وباس راسي وهمس مو بس احبج اموت عليج.    

خليت راسي علئ صدره ورديت واني هم اعشقك

اخذني ورحنه تمددنه علئ السرير وصار يحجيلي عن البنت ويكول اهلها مسافرين    

وهيه تبقه فترا لاحد مايطلع جوازها وتسافر الاهلها

بس اني ماعرف ليش مارتاحيت لوجودها احس اكو شي. ورا جيتها    

.......................................................................    

ساره.    

مر فترا علئ خطوبتنه اني وعصام تعودت عليه وصرت مايكمل يومي اذا ماحجي وياه وهو دائما مخلصها يتغزل بيه    

الًيَوُمًِ كلي راح يجي لبغداد عنده شغل وراح يمر علينه ونطلع ﺂنـٰي وياه    

رحت رتبت نفسي ولبست احلا شي عندي طلعت كلش حلوه ونازكه كعدت ب صاله منتضرته    

نزلت لارا وصبحت عليه وكالت اشو متأنقه تريدين طلعين شنو.    

جاوبتها اي خطيبي اتصل عليه وكال شويه ويجي نطلع سويه ومنتضرته #ڪــڔٰا̍ڕ  

باوعت بستغراب وردت مو عندج بنت انتي شون خطيبج يعني مطقله انتي ?    

سحبت نفس ورديت اي مطلقه وهسه مخطوبه وقريبا راح اتزوج.     

نزلت شهد وجابر يحجون ويضحكون كلش حلو حب جابر وشهد بقت لارا تباوع عليهم اكلتهم بعيونها اكل

خفت منها تحسدهم لان همه ثنائي يخبلون ههههه    

شهد ابد متحب لارا وللعم هيه ممسويه شي وفقيره البنت وحته ماتحجي هوايه وماتدخل بشخص    

تقربت شهد مِڼـّي وكالت شهل جمال كله وين طالعه

رديت عليها اممم. عصام اتصل عليه وكال شويه واجيج نطلع.    

باوع عليه جابر بستغراب وحجه واخذتي رئيي قبل لاطلعين. بلعت ريكي بتوتر ونزلت عيوني وحجيت كنت منتضرتك تنزل واكولك    

شهد خلت ايدها علئ كتف جابر وحجت حبيبي همه صارو زوجين وشغله عاديه يطلعون سويه خليهم يتونسون واحلا ايام هيه ايام الخطوبه.    

ركز بعيونها ورد اوف ماجربتهم وياج

ضحكت وردت عادي نعيدهم غير يوم بس خليهم يطلعون مرتاحين ولاتضوجها فدوه    

حجت لارا اي صح خلوهم يطلعون يتونسون خطيه

باوع عليها جابر ورد يلا ماشي هسه اني شكلت بس حجيت وياها اكلتوني    

شويه وصل عصام سلم علئ الكل وكانت عيونه تتاملني بأعجاب ستغرب م̷ـــِْن وجود لارا بس ماحجه شي.    

طلعنه اني وياه ب سياره بقه مركز بعيوني وهمس

طالعه كلش حلوه    

نزلت عيوني بخجل عيونك الحلوه

باوعلي بستغراب وحجه منو البنت الي وياكم ب بيت    

            

              

                    

رديت عليه خطار عنده تصير بنت ضابط ب شرطه وباقيه عدنه فترا لاحد مايطلع جواز سفرها وتروح    

ابتسم ورد وين تريدين نروح وين اخذج

رديت عليه بكيفك انت وين متحب نروح المكان الي يعجبك.    

اخذنه علئ الشط احلا مكان بغداد هو الشط واكو جسر يخبل. نزلنه تحت وكعدنه لزم ايدي وحجه     

شنو رئيج نسرع موعد الزواج تعرفيني اني متحمل بعدج عني بصعوبه وانتي كاطعه بيه فدمره.    

خليت ايدي علئ لحيته وحجيت بكيفك يمته متحب نتزوج اني هم حابه اكون وياك بيت واحد    

سحبني م̷ـــِْن خصري عليه واخذ بوسه م̷ـــِْن شفايفي

كانت هاذي اول لحضه بيني وبين عصام حلوه حسيت بطني لوتني وجهي صار احمر م̷ـــِْن الخجل.    

بادلته بكل حب ابتعد عني وهمس لعد راح اخلي زواج بعد فترا كلش قصيره بس ارتب اموري وارتب البيت مالتنه اكثر وانشالله نسوي العرس    

عقدت حواجبي وحجيت ليش بيتنه لوحدنه 

جاوبني لا بيت عائلتنه اني مراح اخليج بيت وحدج    

لان هاذه بيت ابوي واخواني كلهم مسؤليتي هسه اني بمكان ابويه الله يرحمه لاحد مازوجهم كلهم يلا بهذاك الوقت افكر اعوفهم واطلع    

خليت راسي علئ كتفه وحجيت مومهم المهم اني وياك

واني هم ماحب اكون وحدي بيت احب اكون ويه عائلتك واخليهم يتعودون عليه ويحبوني    

رفع راسي وركز بعيوني وهمس عرفتج تناسبيني والله

منو كان يتخيل اخذ اخت جابر الي اني وياه اعاداء    

ابتسمت وحجيت كلشي قسمه ونصيب.

اصلا شهد منو كان يتخيل جابر ياخذها ويحارب الكل عليها وهو مايعرفها ولايعرفكم انتو اهلها.    

لزم وجهي وباس راسي ورد حلوه لقسمه الي اخرتها هيج.    

وصلته رساله فتح جهازه وكف بصدمه وعيونه صارت نااار. باوع عليه وعيونه صايره بكصته    

بلعت ريكي بخوف وحجيت ع عص عصام شبيك

لزمني م̷ـــِْن اكتافي بقوه وكفني علئ طولي وبقه مركز بعيوني ثواني صار صدره يصعد وينزل م̷ـــِْن العصبيه    

خليت ايدي علئ صدره واحجيت ءعااصام شبيك

دفعني عنه وحجه منو الشخص الي ضربته طلقه شيصير منج.    

احس كلامه اجاني مثل الصعقه الكهربائيه ياربي عرف كلشي شنو شاف ب جهاز وهيج تخبل    

بلعت ريكي بتوتر وحجيت م مااء كو شي صدكني

لزمني م̷ـــِْن اكتافي بقوه وركز بعيوني وهمس م̷ـــِْن بيم اسنانه سااره لاتلعبين ويايه وحق م̷ـــِْن سواج امحيج م̷ـــِْن الوجود    

اني اختي حبت واحد خليتها تشنق نفسها ومارفلي جفن. اذا اعرف اكو شي بينج وبينه اشرب م̷ـــِْن دمج.    

نزلت دموعي بدون سوابق وحجيت عووفني دتوجعني

انت شبيك ليش هيج دتحجي شنو الي تغير    

خله اديه علئ راسه وصار يفكرك جبينه بتوتر طلع جهازه وراواني صوره الي اني واحمد سلفي واني اضحك. وهو لآزٍمٍ جهاز     

            

              

                    

حسيت العالم توقف باوعت علئ عصام وعيوني تمطر دموع حجيت بصعوبه وخوف ءا انني افهمك    

ضربني راجدي وكعني ع ارض تقرب مِڼـّي ولزمني م̷ـــِْن ايدي احسها انخلعت م̷ـــِْن مكانها همس بفحيح سالتج منو وشعندج وياه    

لزمت خدي بوجع احس ايده مثل الجبل ثكيله كلش

خدي خدر وماحسيت بيه بعد    

دفعته واني ابجي وحجيت شون تجرئ تضربني اني اخويه مضاربني. تقرب مِڼـّي ولزم اكتافي وعيونه تجدح ناااار    

همس بغضب سالتج منو هاذه وليش انتي وياه

دفعته واني ابجي عوووفني لاتقرب مِڼـّي انت وحش مو انسان شون تصرف هيج ويايه شوووون اني غبيه وافقت عليك    

كلي اخويه راح اتعذب وياك بس ماخذت بكلامه

لزمني م̷ـــِْن شعري وسحبني عليه كلش وركز بعيوني وهمس متستاهلين حبي الج    

لزمت ايده الي لآزٍمٍ بيها شعري وهمست بوجع عصام عوفني دتوجعني اني اشرحلك الموضوع كله صدكني    

دفعني وحجه اشرحيلي ماريد ارتكب بيج جريمه احجييي شنو الج شغل ويه هاذه العااااار شعندج وياه    

لزمت ايده واني ابجي وحجيت بس اهدئ شويه وخليني اكدر احجيلك ماكدر احجي وانت هيج عصبي    

سحب ايده عني وحجه مراح تنسيني بهيج امور احجي شنو لموضووع وليش انتي وياه بهاذي الصوره    

بلعت ريكي بتوتر وحجيت هوو اني هوه

خله ايده علئ راسه وهمس ستغفرالله ياربي صبرني عليها. احجي لابتلي بيج احجييي شنو هاذي الصوره #ڪــڔٰا̍ڕ  

لاحد الان اني لآزٍمٍ اعصابي وممسوي شي اتندم عليه

مسحت دموعي وحجيت هو كان ويايه ب جامعه.    

وهاذي صوره قديمه والله لعظيم احنه عدنه عادي الطلاب تصور سويه وهو جاي يتسغل الصوره لصالحه ويريد يخرب بينه.    

تقربت منه اريده يهدئ احس رجليه ب كوه شايلتني م̷ـــِْن الخوف هاذه مجرم مايشوف كدامه م̷ـــِْن يضوج حتمال يموتني ويشمرني ب شط.    

لزمت اديه وحجيت ص صدكني ماكو شي بس صديق كان الي وتكدر تروح للجامعه مالتي وتسال عنه    

سحب نفس بقهر ورد ساره اخليني ارتاح ابتعدي عني

رروحي طلعتيها. متوقعتج هيج.    

ابتعد عني وصار يدخن واحس ناار طلعت م̷ـــِْن راسه

خليت ايدي علئ حلكي وصرت ابجي بصمت ليش سوه هيج احمد ليششش هاذه ليش كارهني وميحب يشوفني مرتاحه.    

ياربي مكدرت احجي لعصام الحقيقه جان موتني والله اذا يعرف بأحمد كان حبيبي يموتني ومايرفله جفن ياربي شسوي هسه شون احل لموضوع.    

مسحت دموعي وشجعت نفسي وتقربت منه وحضنته م̷ـــِْن ورا وحجيت فدوه لاتزعل اعرف تصرفي غلط بس صدكني مكان بالي راح يستغلها لصالحه    

            

              

                    

مارد عليه ولاكانو احجي وياه واكف مثل الجبل وماهتز ولارفله جفن.     

ابتعدت عنه وصرت ابجي رحت علئ السياره وكعدت اريده يرجعني للبيت خربت الطلعه كلها    

شفته يدخن وعيونه تتامل الشط بقه شويه ودار وجهه شافني كاعده ب سياره. تقرب نحوي.    

احس جسمي صار كله يرجف تذكرت شون ضربني وكعني ع ارض هاي بعدنه بس خطوبه هيج سوه م̷ـــِْن نتزوج شون.    

دخل للسياره ورجعنه للبيت كان طول الطريق الصمت سيد الموقف ماحجه ولاكلمه وبس يدخن    

باوع عليه وروحي تحترك مثل الجكاره الي بأيده 

وصلنه للبيت ونزلنه خايفه يحجي لجابر الي شافه او يساله اذا هاذه صديقي، ب جامعه    

فتحت الباب شهد وسلمت علئ اخوها ودخلنه اني كنت ضايجه كلشش ولدمع تلمع بطرف عيني    

باوعت علئ عصام وهو ابد ماهتملي ولاكانو موجوده تجاهلني تماما. حسيت كلبي مقبوض واريد ابجي واصرخ صرت احبه خلاني احبه وهسه متجاهلني ليش    

عفتهم وصعدت لغرفتي شمرت نفسي علئ السرير وصرت ابجي بكلب محروك    

حسيت ايد صارت علئ كتفي شلت راسي شفتها شهد

مستغربه م̷ـــِْن حالتي واني ابجي ومنهاره    

لزمت اكتافي بخوف وحجت شكو ساره شبيج تبجين الصبح مابيج شي شنو صار وياج عصام شسوالج    

مسحت دموعي بقهر وحجيت عصام عرف انو احمد يقربلي دزله الحقير صوره الي اني وياه بس الحمدالله بس هل صوره الي وياه جان فضحني فضيحه    

فتحت عيونها بصدمه وحجت بخوف عزا لعزاني وعصام شنو كال شنو حجيتيله انتي عرف هو يكون حبيبج القديم    

هزيت راسي بنفي وحجيت لا ماعرف كتله صديقي كان ب كليه وماخذين هل صوره م̷ـــِْن زمان    

شهد ساعديني فدوه ماريده يحقد عليه ولاتتغير نضرته عليه صرت احبه والله ماحب اجرحه وهو متعلق بيه ويشوفني شخص مناسب اله    

حاولي تقنعينه انو ماكو شي م̷ـــِْن الي باله فدوه شهد انتي لوحيده الي كنتي مساعدتني بكلشي ساعديني هل مره فدووه    

مسحت دموعي وردت بهدوئ لاتبجين اني هسه احل الموضوع بس اهدي شويه ولاتخلي يحس نفسه هو الصح وانتي الغلط سوي نفسج انتي الزعلانه.    

نزلت راسي بقهر وحجيت ضربني شهد ضربني راجدي وكعني ع ارض ولزمني م̷ـــِْن شعري كان يريد يموتني لْـۆ محاجيه شي    

سحبت نفس بقهر وردت الله يعينج علئ عصام والله اني شفت وياه ايام سوده وصعبه انشالله يتغير ومايتصرف وياج تصرفات هيج    

لزمت ايدها بخوف وحجيت شنو قصدج يعني يضرب ومايحترمني.    

هزت راسها بنفي وردت لا موهيج بس يعني م̷ـــِْن يعصب مثل اخوج جابر واكثر بعد مايشوف كدامه ولايتفاهم يصير نار.    

بلعت ريكي بخوف وحجيت اي شفت النار ليوم كان بركان وبأي لحضه ينفجر كان ب كوه يسحب انفاسه ومسيطر علئ غضبه.    

يكولي اخاف ارتكب بيج جريمه

ضحكت وردت لا ميسويها غير يموت وراج هو يحبج هوايه صح يعصب بس ماياذيج لهل درجه    

اني هسه راح انزل واحجي وياه واكوله انتي زعلانه وبس تبجين والي سواه غلط وممقبول وانشالله يفهم عليه.    

هزيت راسي بأي عافتني وطلعت واني رجعت خليت راسي علئ المخده بخوف وحجيت ويه نفسي ياربي ليش ورطت نفسي وياه اني وين وهو وين شون وافقت عليه شوون    

الفصل السادس والثلاثون من هنا