رواية لأني عاقر الفصل السادس والثلاثون بقلم مريم خفاجة
عَيونك تشبه الغزلان واكبرَ،
ومن حبكَ، صحت الله واكبر
اخاف يلوح بيه الشيب واكبر
وتنساني وبعد ماتسال عليه .
...
عيونة لمعت
كأنما حس هاي الكلمة طالعة
من اعماقي
ابتسم ورجع يبوسني
بلهفة ولهفتة تزود كل ليلة وكل لحظة بيناتنة
مَرت ايام ورحت لملك
جان بيتها وحدها بس اهلة بصف
بيتهم
الحمدلله مرتاحة ورجلها حباب كلش
ضليت ادعي ماتعاني نفسي
تعبنة
واحنة نعاني خليهن خواتي مستقبلهن حلو
يستاهلن واني عوضي غيث
المطمأنة يمة
فكرة انو هو اخذني واني عاقر ومطلقة
ويعرف بهذا الشي تريحني
بعد الحرب والصراعات من افكر بهالشي
يرتاح گلبي
خلص هو اخذني هيج بعد شنو
الحجة علمود يعوفني
بس جانت اكو هواي حجج وهواي
لمعوقات الطريق
ورا العرس تقريباً بشهر
اجاني غيث:-نسافر؟
ابتسمت:-وين؟
غيث:-لأربيل
ملاك:-انتَ ماتمل من اربيل
غيث:-اريد اخذج الج مو تردين ترحيلها
عادي اذا ماتردين كولي اي مكان يعجبج
حتى لو بآخر العالم
ضحكت:-لا هوَ لأربيل
غيث:-الخميس نطلع
ملاك:-سيارة لو طيارة لو شلون؟
غيث:-لا يمعودة سيارة ماحب الطيران
ملاك:-نطول هواي بالسيارة ادوخ وتضل تلعب
نفسي
غيث:-ولج هوسة المطار اكرهه
ملاك:-يلا تمام
غيث:-عاد اروح بسيارتي أمان
هزيت راسي مبتسمة اخذ
ايدي وصعدنة لفوك
حضرت شغلاتنة وخابرت أمي
وهي تدعيلي وتسهل أمري
جاسر اجة قبل يوم
يسلم علينا
غيث:-راح اخذ اختك للشمال
جاسر:-اكل تبن لاتگول اختك
تعاركوا بيناتهم
واحد يرفع والثاني يكبس لحد
ما صاروا ممالخ
واني اضحك عليهم بعدين
گعدوا يلعبون بلي
غيث كمل كل الإجراءات المطلوبة
للسفر
وسوة كلشي مطلوب
وانطلقنة بالسيارة لأربيل
جنت متحمسة اني وياه سوة ننفرد وحدنة
الطريق مُتعب وغيث
كل ساعتين ينزلني ندخل مطعم
او يخليني ارتاح
بحيث طولنة هواي اكثر من الساعات
المحددة
بنص الطريق وهو هم
تعبان گتلة:-اسوق ببدالك؟
ضحك:-دنجبي
ملاك:-اعرف ترة
غيث:-شبيج تخبلتي شني تسوقين
ملاك:-والله اعرف شبيك تجرب
غيث:-واني مخبل اخليج تجربين
منو معلمج ؏ السياقة
سكتت
ودرت وجهي للجامة
سمعت صوتة:-ما جاوبتيني
ملاك:-طليقي
سكت هو هم وماحجة اخذ نص ساعه
واحنة ساكتين بدون صوت گال:-تعبت يلا
تعاي سوقي
ابتسمت بفرح
غيث:-بس ديري بالج سوقي ؏ كيف
ملاك:-أمن حبيبي
نزل يضحك بدلنة الأماكن
واني لابسة بنطرون اسود وبلوز بهاري
ابيض
كعدت ببدالة ولزمت الستيرن
واخذت نفس مبتسمة ومشيت بالطريق
وهو يباوعلي يراقبني
صح سياقتي مو مثلة يعني
اني امشي ؏ كيف مو مثل سرعتة
بس ماشي الحال عگبنة درب
ورجع ماقبل اكمل الطريق
كلة رجعت نمت بمكاني
وصلنة أربيل بعد ماطلعت رواحنة وصلنة
تقريباً المغرب
حجز غيث فندق
جان خيالي جمالة يجنن الغرفة
حلوة ومرتبة واضويتها خافتة
رتبت نفسي كلت نرتاح اليوم
ونطلع باجر
دخل بيدة أكل
ابتسملي وگال:-شعرج
گلبت عيوني وشلتة كباية عالية
وگعدنة ناكل وهو يوكل بية
واني اگلة:-ماحب هاي السوالف عوووفني
غيث:-طيارة طيارة
ضحكت:-وخرررر
رجع ياكل وهو يشاقة وياي
شلت الغراض ورحت فرچت ودخل
وراي هو هم
رجعت للغرفة
وحطيت حُمرة حَمرة
اجة وراي شالني وهمس:-اموت عليج
عيون أمي
ثاني يوم الصبح حسيت
بأيدة التحتضني وقطرات الماي
الي من شعرة ينزل ؏ وجهي
ابتسمت وحاوطت ايدة:-صباح الخير
ملاك:-صباح النور
بوس خدودي وبقة يتغزل
بية
ملاك:-تحبني؟
غيث:-وداعة عيونج المحد يحبها بگدي
اموت عليج
ابتسمت شلت شعرة عن
عيونة وهمست:-قبلك چنت أحب
بس هسة احس روحي ماچنت حابة ولا چان
انسان بحياتي احس گلبي مثل الطفل
يمك
غيث:-تدرين من تصيرين گبالي
رموشي ماحركهن اخاف بلحظة اندم ماشفت
رسم عيونج
رفعت راسي بست شفتة قوي
وهو بدون مايبادلني
بعدت نفسي عنة
ضل يسولف وياي ويمسد
؏ خدي واني مبتسمتلة وامسد ؏
شواربة
غيث:-يلا گومي نتريك
ملاك:-بس اسبح
هز راسة وگام شلت شعري بيدي
كورتة وگمت للحمام
سبحت وبدلت
وطلعنة سوة واني لابسة بنطرون
وقميص
ماقيدت نفسي بثياب
لان اتبهذل
نزلنة اكلنة وضلينة نفتر
يم الشلالات واني اصور وادز لأهلي
ماخليت شي مادزيتة
ثاني يوم طلعنة هم
عاندت الة ياخذني الشلالات هم
ماقبل ضليت اتناگر وياه
لحد ما اخذني كيفت
لبست ثوب جرجيت طويل هوَ
وشال دخلتة جوة الثوب
مشينة نزعت الحذاء ودخلت رجلية بالماي
وهو واگف وراي صحتلة:-تعال المي باررررد
غيث:-تعاي لاتتمرضين ملاك
ملاك:-لا لا مابية شي الماي حلووو
غيث:-راح يجي هوى عالي تعاي توگعين
ملاك:-هسة شوية حباب
ضليت العب
وانزل رجلية بالماي واصور
فجأة اجة هوى عالي كلش
انرفع الثوب لزمتة بسرعة وبنفس الثانية
نسحبت من زندي
ورجعت لورا همس بعصبية:-لبسسسي
حذذذااائج بسااااع
لبست حذائي بأستعجال
ومشيت وهو لازم ايدي قوي
ملاك:-ترة مادري
شمرني ؏ مصطبة بدون ماتنتبهه
الناس دمعت عيوني:-گتلة والله مادري
راد يعيط بية من شافني هيج
سكت ودار وجهه ومسحة
ضليت مدنگة العب باضافير وانكث
بالثوب
غيث:-گومي نفتر
ملاك:-رجعني للفندق
غيث:-عوفي الفندق ستونة طلعنة
ملاك:-ماريد اني اضل گاعدة هنا
غيث:-تؤ استغفر الله يالله لاتتخبلين
گومي
ملاك:-ماريد عوفني
ضل يفتر داير مدايري ماگعد ابد
غيث:-گومي
دنگت اكثر ونزلت دمعة مني
مسحتها بسرعة گعد
؏ ركبة ولزم ادية:-ماسويتلج شي شبيج
ملاك:-اذيت زندي
غيث:-آسف مادري بسرعة سحبتج يأذيج؟
اجيبلج مسكن؟
باوعتلة تك عين ودرت وجهي
وامسح بعيوني:-لاتبجين
ماجاوبتة ضليت دايرة وجهي
گام وگف وضل لازم ايدي
يمسد عليها
واني دايرة وجهي عنة
اريد اشوفة شيسوي
عافني وراح ضحكت
ورجعت كلبت وجهي من اجة بيدة
عصاير انطاني واحد
وهو بصفي كعد يشرب بي
غيث:-طيب؟
ملاك:-اي
غيث:-اجيبلج بعد؟
ملاك:-لا ماريد
غيث:-ملاك لاتگلبين گصتج
ملاك:-محد گالك فشلني كبال العالم
غيث:- محد منتبهه ماشافوج
رفعتلة حاجبي وكوة كاتمة
ضحكتي:-هاي يعني حتى لو مامنتبهلي
تكتلني وتگول يلا عادي محد شافج
مو؟
غيث:-اگطمها لأيدي واحطها بحضنج
اذا تنمد عليج
ملاك:-امم اشوفك گطمتها هسة
ضحك:-ترديني اضل بدون ادين؟
ملاك:-هوَ انتوا الزلم لازم تضلون
بدون لا ادين ولا رجلين هيج مگرمين
كام يضحك وحضني وباس
راسي ورجع باس گصتي
ولزم ادية عصرهن بأيدة
گمنة ثنينة حضن خصري واني
امشي ويا ممشاه
شاف شعر بنات گال:-اشتريلج
هزيت راسي بـ اي جابلي واجة
واحنة نمشي ونضحك
واني اكل بشعر بنات
وكل ساعة احط بحلگة وهو يعكمش
وجهه بقرف ويضل يگح
يختنك من الحلا
لحد ما خلص
لليل واحنة نفتر ماخلينة شي
ماطبينالة بليل
واحنة راجعين للفندق مشي
والجو مو بارد كلش
لا جو لطيف
ماحسيتة غير شالني
وفرني حييل:-غييييييث
غيث:-محد بالشارع
ابتسمت ورجع يفرني
واني حاطة راسي برگبتة ومغمضة
عيوني واضحك:-دخت نزززلني
نزلني ورجعني نمشي ونضحك
وصلنة قريب الفندق
گال:-يلا نتسابق؟
ملاك:-1 2 3
وركضنة سبقني هو اول واحد
وگفت بنص الشارع
وصحت:-اررررجع
گام يضحك والمطر نگع
ملابسة رجع واني ركضت سبقتة
وضحكت عليّ
رجعنة للفندق كعد ؏ التخم
واني انشف شعرة
جرني من ايدي وگعت
بحضنة:-بعدج زعلانة؟
ملاك:-لا اصلاً مازعلت بس هيج اضحك عليك
غيث:-ادبسز كومي اني اعلمج
شالني للجرباية واني اضحك
بصوت عالي
تونسنة سوة
اربعة ايام ضلينة
ورجعنة والطريق
كلة نايمة وگتلة لاينزلني علمود
يخلص الطريق بسرعة مانتأخر
وفعلاً ماگعدت لحد وجهه الصبح
اباوع اني بالغرفة وغيث بصفي نازع ملابسة
وحاضني
ماتذكر اني گمت ونمت هنا
ابتسمت ودخلت جوة ذراعة حضني اكثر
وباس شعري ورجعت نمت
كم يوم مرت اجاني
گال:-عماتي راح يجن
هزيت راسي وهو جابلي اكل
جاهز ماقبل اطبخ لان المطبخ حار
رغم الدنيا شوية استعدلت
بس ماقبل
صعدت سبحت ولبست گلبية ماروني
وبيها ذهبي وشعري المبلل شلتة عالي
رشيت عطر ونزلت
لگيتة بالصالة يخابر تقربت وگعدت يمة
ضليت امشي ايدي ؏ رگبتة وهو
جسمة يكزبر ويبعدها ويخزرني ويضحك
مشيت خشمي ؏ طول رگبتة
وصوتة صار مثل الهمس وهو يعصر
زندي خزرني وبعدني عنة
ضحكت واني اتحارش بي اكثر
علمود يخربط بالاتصال بس كوة وازن
روحة وكمل الاتصال
وضربني ؏ ضهري:-عيديها بعد شوفي شسوي بيج
بهالاثناء اندك الباب
كمنة واحنة نضحك فتح الباب
الهن
وهنه يبوسن بي يحضنن حضنة
يكسرن ضلوعة بي
ضليت اباوعلهم بتك عين
وهو يبوسهن بعمق ويشمهن
شم بحيث الوحدة يضل وياها واگف ساعة
واني واكفة بباب المطبخ انتضرهم
طبن وسلمت عليهن
عبرني واني لزمتة من عكسة:-بعد ماشفطتهن شفط
ضحك وكرص خدي وباسني
وجرني وياه ورحنة سوة كعدنة يمهن
ضحك وسوالف
هنه كلش فرفوشات ويضحكن
يخلني اموت من الضحك
وغيث مندمج وياهن
صبينة الغدة الهن وهنه مقررات
يباتن يمنة كيفت عليهن يسون جو بالبيت
بحيث يتصرفن بدون تقييد
واني احب هيج اشخاص
غسلن الاماعين البنات
هنه دائما كل مايجن الاماعين عليهن
صعدت فوك اغير ملابسي
سديت الباب رجع انفتح باوعتلة غيث
غمز:-شتردين تسوين
ملاك:-اريد ابدل
غيث:-تعاي اني ابدلج
ضحك جرني من خصري
وطبگني ويا الحايط وحط راسة برگبتي
وباسها بعمق ضل يطبع آثار
لحد ما تعب
ابتعد وباس شفتي
تجاوبت وياه واني اسوي اشياء جنونية
ماحاسة بيها
فجأة انفتح الباب
واحنة صايرين گبالة بالضبط
وجانت رغد صفنت تستوعب الشافتة
واحنة
كذلك
مسحت شفتي بسرعة
وركضت فتحت باب الكنتور
غمضت عيوني بفشلة واسمع صوت ضحكاتهم
كالت:-عبالي بس انت هنا مادري بيها صعدت
سدت الباب ونزلت حطيت
ايدي ؏ كلبي وهو اجاني يضحك
ضربتة بصدرة وگلت:-ليش مقفلت الباب
غيث:-مادري بيها راح تصعد
هسة انتي شجاج منزعتني هاي هيج
متحمسة
حجاها وضحك
ضربتة بأيدة:-وانت شوووف شمسوي بية
جرني الة دفعتة:-عوفني يمعود هسة
يجي بعد واحد وننفضح
ضحك وراح قفل
الباب:-شدتسوووي اريد انزل
غيث:-البدينة بي لازم ننهي مو؟
هزيت ايدي ومثل ماگال اخذ اليريدة
مرتاح واني احاول اخلي يستعجل
عيب منهن شصعدني
دخلت سبحت ؏ السريع
وجففت شعري ونزلتلهن وهنه يضحكن
عليّ ويحششن
لحد ثاني يوم الصبح راحن
مَرّت أيام بين الحلوة وبين المُرة
لو أگوللكم دقيقة وحدة ميتركني
متصدگون
مرة من المرات
گعدت ويا سويتلة ريوك وضليت گاعدة
شفتة بدل وراد يطلع
صحت وراه:-غيث
دار وجهه علية ورجعلي
شالني من خصري وگعدني ؏ كاونتر:-روحة
ملاك:-ماتضل اليوم هنا
عگد حاجبة وضحك:-شون اضل يعني؟
ملاك:-يعني اخذ اجازة وضل هنا
يمي ضوجة وحدي
غيث:-لا بالله؟
ملاك:-والله
غيث:-وهاي العالم التلوج وين تنطي
وجهه
ملاك:-اكو واحد سنة يوجعة يجي
بـ8 الصبح شسالفة
غيث:-حبيبي بس انتِ رحايتج تگب بليل
غمزلي ورجع كمل:-تذكرين لو اذكرج
ضحكت بصوت عالي
وهو يمشي ايدة ؏ افخاذي العارية
ضيك
عيونة علية وگال:-تجين وياية؟
ملاك:-وين؟
غيث:-هو للعيادة
ملاك:-ها؟
غيث:-والله غيري جو
ملاك:-صدك لو تشاقة وياي
غيث:-اي غير تكولين ماگدر انام
تعاي وياة واذا نعستي ارجعج
ملاك:-ررربع ساااعة واجي طايرة
غيث:-استعجلي بس لبسي
عباية مو هيج سافرة
هزيت راسي بأستعجال وركضت طايرة
للغرفة طلعت ملابس ولبستهن
بسرعة
ولفيت شالي مرتب
وخليت مكياج خفيف ولبست
حذائي وطلعت جان مموجود بالمطبخ
انقبض گلبي خاف راح يضحك
علية؟
طلعت لبرة شفتة يرش بالحديقة ارتاحيت
وسديت الباب وهو ذب الصوندة
وسد الحنفية
وتقدم باس راسي وحضن
اكتافي وفصل الكهرباء قبل لانطلع
ورحنة للعيادة
متحمسة اشوفه شلون يشتغل
وصلنة باوعت للافتة اسمة مكتوب
الدكتور غيث مالك
ابتسمت بفرح
ونزلتة لزم ايدي ودخلنة سوة
واني مدنگة راسي ولازمة عبايتي من يم
الصدر
وهو لازمني اول
مادخلنة گال:-السلام عليكم
كلها ردت عليّ
سلم ؏ السكرتير ودخلنة جوة بغرفتة
ضحكت بصوت ناصي
ملاك:-اممم ممغير شي
غيث:-تؤ ولو ما النضافة جا حتى الگاع
ما امسحها تبقى آثار رجلج عليها
ضحكت وتمشيت بالغرفة
جانت جبيرة ولونها ازرك وابيض
سألتة:-الأزرك اللي ببالي لو؟
ابتسم:-اي من شفتج لونت كلشي
يخصني بالأزرك
ملاك:-اني مستغربة شعجب ماصابغ
البيت بهذا اللون
غيث:-والله ردت اصبغة بس رغد
ماخلتني الادبسز
ابتسمت
وضليت اباوع لشهاداتة المعلگة
حضني من ورة همست:-لايجي احد
غيث:-محد يدخل
ملاك:-ماتهتم للناس انتَ ابد لو تبوسني
بنص الشارع هم تكول محد يشوف
غيث:-انتي يمي واهتم الناس
يشوفوني لو لا؟ عليها حشم
ضحكت
وگتلة:-يلا شوكت تدخل الناس
غيث:-هسة شوية اگعدي انتي هنا
حتى تصيرين گبالي
گعدت فعلاً ؏ قنفة گبالة صايرة
وهو حط ايدة جوة حنجة وابتسملي:-احبج
ملاك:-اني هم احبك
غيث:-يابعد عمامي وخوالي
ملاك:-كمل الكليشة
ضحك بصوت عالي وهو يفتر بالكرسي
ضغط ؏ جرس سمعتة رن
يمهم
نزعت العباية وكترتها
وفتحت تلفوني اتصفح بي والناس
بدت تدخل واباوع لشغلة المنتضم
الشي الوحيد الي اتضايقت منة
تعاملة ويا الاطفال
كلش انقهرت والطفل يخاف منة
يضل يرجف
طنگرت ومن يطلع واحد
منهم ابتسملة وانطي جكليتة
واكلة من تصير زين اكلها
لحد ما گالي:-بابا لاتنطيهم جكليت
ماتشوفيهم يعوون
ملاك:-غيث خطية اطفال ترة ميفتهمون
ليش هيج تعاملك وياهم ترة صدك
ضجت
غيث:-ماحب الجهال
ملاك:-ياربي صبرني انتَ ؏ ساعة وتگول
اكرهج
غيث:-لا انتي حالة شاذة
ضحكت وهزيت ايدي
اندك الباب ودخلن ثنين نسوان
واني حاطة رجل ؏ رجل وبيدي
تلفوني اگلب بي
باوعتلهن وهنه هم يباوعلي
گعدت وحدة منهن ؏ السدية وغيث
يلبس بالكفوف والكمامات
ويعقم
تقرب من يمها وهي تشرحلة
الحالة وتگلة شنو يوجعها
والثانية طلعت موبايلها
وضلت تصور بيهم
ضليت صافنة عليها شون تصور
بالعيادة
باوعلها غيث وگال:-اختي رجاءاً ماريد مرتي
تطلع بالتصوير
گالت بأرتباك:-لا لا ماصورتها هاك شوف
الصور
غيث:-لا ميحتاج
دار وجهه للبنية ويسوي سنونها
كرهت القرب بينها وبينة
ومن راد يشلعها لزمت ايدة الثانية
نار گبت بگلبي جسمي يرجف
ضل واني اعض بشفتي بقهر واهز رجلية
وهاي الوياها تحجي ويا غيث وتضحك
وهو مبتسم ومركز بشغلة
ذبيت نفس بصوت عالي
رفع عيونة علية وغمز غمزة خفيفة
ماتبين گلبت وجهي
وضلت عيني ؏ بنية التصور
تصورهم فيديو وهو
يشلع سنها
الفائدة وين بالضبط؟
هو يشلع سنونها انتي شكو تصورين بي؟
ضليت اهز برجلية سريع
وصوت الكعب يطك بالگاع وهو كل ثانية
يباوعلي
هنه بس ذني طبن هيج زغار
القبلهن طبن كبار نسوان
جبيرة واطفال
لمن خلص حط الگطنة بحلگها
وگال:-اضغطي عليها
گامت وهي رجليها كلها طالعة
واديها كذلك وحمرتها متلطخة بحلگها
وبجفوف غيث بحيث رأساً ذبهن
راحت غسلت حلگها واجن
ضل يكتبلها علاجات
لان اسنانها متأذية
وهاي التصور گالت:-دكتور عدكم صفحة
؏ انستا؟
غيث:-اي نعم موجودة هذا الكارت اذا تحبون
_اي اكيد انطينياه
اخذتة واني انفاسي مسموعة من القهر
الة شوية ابجي
وحمرتي راحت من گد ما عضيت بشفتي
_زين يعني من نسويلكم تاك تحولوا؟
غيث:-اي اكيد
_اها يعني انت متواجد بالصفحة
اسئلتها بايخة وطلباتها ولا يگول بنية
محترمة هز راسة غيث
وهو يضحك:-لا مو اني السكرتير متواجد
واي سؤال او استفسار او حجز
تكدرون تراسلونة اني ماعندي ارتباط بهيج اشياء
هزت راسها وهي تباوعلي
عافنة وطلعن
غيث:-؏ كيفج يابة رجلج راح تنگطم
ملاك:-لا بالله؟؟؟؟
شهالعبان نفس هذا شنو كارتات شنو تصوير
هاي من شوكت هيج عيني ترة لعبت روحي
كوم رجعني للبيت
ضحك:-تغارين؟
ملاك:-عشتو عليمن اغار والله يالله
غيث:-اي مبينة من وجهج المطگع حب
من القهر
ملاك:-ترة حساسية من الشمس
غيث:-اي خوش
ملاك:-ترضى احجي ويا زلم واصور بيهم؟
غيث:-گمنة نمخرط
ملاك:-كوم رجعني للبيت
بهالاثناء انفتح الباب ودخل
جاسر
گمزتلة بسرعة وهو گال:-هاي مليكان هنا
حضنتة وهو بوسني ويحضن بية
انسحبت من ورا شفتة غيث
نترت ايدة عني
جاسر:-ها خيركم متمالخين؟
غيث:-بعد اذا وصلتلها احط رجلي تدري وين
جاسر:-بالمال والبنون
ضحكوا ثنينهم واني گلت لجاسر:-اخذني
للبيت جاسر تعبت
غيث:-انجبي اني اخذج
ملاك:-لا اريد اروح ويا اخوي
غيث:-بابا لاتعاندين هسة ليش سوين هاي السوالف
جاسر:-شكو؟
ملاك:-يعني واكفات ويصورن بيّ
ويسوولة تاكات ورسائل وكارتات وضحك وسوالف
غيث:-هسة اني كتلهن راسلني
ملاك:-وشكو ترد علييييههههن
غيث:-عمي نوب اطرد النسوان لو شنو بضبط
ملاك:-اي اطررردهن
حجيتها ونزلن دموعي وشهگت
وحطيت راسي بصدر جاسر
كل ما اتذكر هي تصور بي وفرحانة وراح
ترجع تباوع للصور وتتأملة يمكن
وترجع تجي لهنا دائماً
وتصير بينهم علاقة حب
ويعوفني ويضل يمها
ازود بالبجي تفكيري المُبالغ ماابطل
منة
جاسر:-يلا بلا صدك تحجين ملوكة
ترة عادي اني حتى سلفي ياخذن وياي
ملاك:-انت مامزززوج وهو اني گاعدة گبالة
وهيج ضحك وسوالف لعد وراي شيسوي
جاسر:-اي ولج يومية اشوف النسوان
تطلع منة حلوگهن منفخة الله واعلم شيسويلهن
غيث:-انعل اهلك لابو حتى عشايرك
اطلع برة تعاي بابا يجذب عليج
ملاك:-وخررر لاتلزمني
غيث:-هاي شون سالفة هاي
رحت لبست عبايتي واخذت جنطتي
وتلفوني وگلت لجاسر:-اخذني يلا للبيت
لزمني من ايدي وجرني الة
وضم راسي بصدرة ويهمس:-ولج بابا والله
ماراسلهن هذا التلفون وگلبي بي
السكرتير هو يرد على المراجعين
اني شعندي راد
ملاك:-ليييش من تصوووور ماتگلللها لاتصورين
غيث:-ادري مصورتني مصلخ
ملاك:-اي مكيف انتَ كافي عوفني
غيث:-لاتبجين بعد واعوفج
جاسر:-عوفها تعاي خلي نروح
وخرت عنة وهو گال:-جاسر حاجيها ترة خبلة
هاي
خزرتة وجاسر گالي:-دغسلي هي يگولون
كتلها
غسلت عيوني وغشيت وجهي
بالعباية وطلعت ويا
صعدت بسيارة وطبگت الباب
قوي دار من الجهه الثانية وگال:-يعني متعاركة
انتي ويا نعال سيارتي شعليها
ملاك:-اسكت عني
سحب تلفونة وخلاه كبالي
جانت صفحة ؏ انستا مكتوب عليها اسم
العيادة مو اسم غيث گال:-هي هاي الصفحة
الخبصتي روحج بيها ومابيها عدى السكرتيرية
الموجودين عدنة
دخل ؏ ستوريات المثبتة:-هاج شوفي
هنا المُراجعين يسوون تاكات لهاي العيادة علمود
ننعرف يعني مو قصة حبجيات وسوالف ماصخة
هاي باعي هاي اني وصورتي مصورتني
هاي البنية من اسحب دم
ملاك:-وشكو يصوررررن
جاسر:-يعني علمود يراوون الناس تعاملنة
او شغلنة
ملاك:-ماتقنعني
شكو تنعرفون هاي مو ناس هواية هنا شكو بعد
جاسر:-اي مو نزلوا من السمة ذولة
لج باعي من انتقلنة لهذا المجمع وذاك المبنى
انسد بعد محد يندل عنوانة رغم هناك
جان زخم مو طبيعي ولود
اقترحوا نسوي صفحة ؏ برامج علمود ترجع
الناس تندل العنوان
واسماء الدكاترة الموجودين بهذا المجمع
مكتوبة ؏ بايو بس مايتواصلون ويانة
يتواصلون ويا السكرتير علمود
يعرفون مثلاً اوقات دوامنة او طريقة الحجز
او يستفسرون عن علاج وهذا يجي يراسلنة
او يخابرنة ونفهمة ؏ موضوع
سكتت ودرت وجهي للجامة
وهو حرك السيارة وکال:-انتي شجابج لهنا
ملاك:-عود گلت ضايجة اجي اتونس وياه
لو ادري ضالة ببيتي ولا هاي السالفة
ضحك ورجعني للبيت وهو يهديني
فتحت الكهرباء ولبست شي خفيف
ونمت وحتى غدة حلفت ماسوي خلي
يموت من الجوع
وغطيت بالنوم وماگعدت
واحلم بي يتزوج وابجي بالحلم بجي
يگول حقيقي
لحد وين فزيت ؏ بوساتة بوجهي
همست واني نايمة:-ها شبعت من النسوان
ضحك ومشة شواربة ؏ رگبتة
فزيت وفتحت عيوني عدل
وباوعتلة دنك باس شفتي بهدوء وگال:-ليش مخبلة؟
ملاك:-وخر عني
غيث:-تثقين بية انتي لو لا؟
ملاك:-لا
غيث:-رحمة الله والديج
ملاك:-نوب يومية اجي وياك علمود اتوبك
غيث:-لا ربحنة
ملاك:-حقك يومية نسوان شكل
ضل يبوس بية صعد فوگاي
واني بين رجلة
گرگرني واني اماطل وياه اخر شي
گمت اضحك بصوت عالي واني اصيح علي
وابعدة عني جر زندي وبقة يعض
بية ؏ طول زندي
رفعت راسي عضيت اذني
ودفعتة وصعدت فوگاه اني وضليت
اضرب ببطنة واحط ايدي ؏ خشمة وحلگة
علمود يختنك واني اصيح:-مووووت مووووت
وهو يضحك ويبعدني عنة
دفعني وجتف ادية لورا وهو لازمهن
وطبك گصتة بگصتي وهمس:-ليش مامسوية
غدة؟
ملاك:-ضل بالجوع
غيث:-ليش اضل بالجوع وانتي موجوده؟
ملاك:-شلون يعني؟
غيث:-اني اگلج شلون
حجاها ورفع تشيرتي ضليت
اصيح وابعدة بس هيهات غيث
يعوفني بحالي
للعصر گعدت انكسر گلبي
عليّ ضل بدون اكل خطية
رحت لرغد واخذت منها مكونات البيتزا
اكو اشياء ماعندي اخذتها من عدها
وفتحت اليوتيوب اتعلم اذا شي
مافاهمتة
سويتها ورتبتها وخليتها بالفرن
و وصيت بت رغد تروح تجيبلي من المحل
ببسي لان المحل قريب
عفتة نايم ماگعدتة
واني دخلت سبحت وطلعت
لگيتها صايرة
قسمتها ورتبتها بماعون جبير
و وياها مُقبلات واشياء مرتبة
وغطيتهن وصعدت لگيتة بعدة نايم
ضحكت وتقربت منة
بست شفتة متقطع فتح عيونة وابتسملي
وجرني خليت راسي ؏ صدرة
ملاك:-شعجب لسة نايم
غيث:-متعبتني وملوعتني
ملاك:-اني شعلية
غيث:-شعليج انتي عمي
ملاك:-لعد منو المتعبتك؟
ضحك وگام:-خلي اسكت احسلي لاتطنگرين
علينة
ضربت ضهرة
وهو اخذ ملابس وراح سبح
وطلع:-ها هم مامسوية عشة
ملاك:-والله لو مخليتك بدون اكل احسلي بس
گلبي ماگدر اعوفك بلا اكل
كرص خدي شلعة شلع
شالني ونزلني وياه جوة واني اضحك
كعد ؏ ميز حطيت الماعون
الجبير ؏ ميز وهو صفن عليّ جبت باقي
الاكل وخليتة وصبيت ببسي
باوعتلة گتلة:-شبيك؟
غيث:-هاي شنية هاي
ملاك:-بيتزا
غيث:-جاهزة هاي
ملاك:-لا اني سويتها ليش؟
غيث:-هيج
ملاك:-ماتحبها؟
غيث:-لا عادي آكلها
هزيت راسي وهو يكلب بيها
گعدت اراقبة ياكل شوية شوية منها
ويحاول يبلعها
ويشرب وراها ببسي كومة
ملاك:-ماتحبها مو؟
ضحك وگال:-شوداج بت اللذين وسويتيها
ذبيت القطعة من ايدي
ودمعت عيوني:-واني تعبانة اسوي بيها ليش
غيث:-هاي جاي اكل
ملاك:-ليش ماگتلي
غيث:-واني شمدريني راح تسويها راح
آكل لاتبجين
ملاك:-عوفها اسويلك شي ثاني
غيث:-لا اگعدي
ملاك:-ماجاي تاكل لاتجذب علية
غيث:-لا اني اكلها ؏ كيفي اگعدي كملي اكلج
متت قهر ؏ التعب التعبتة
وتالي مياكل اني خلصت 3 قطع وهو بوحدة
بحيث يترسها كچب علمود ميحس
بطعمها وخلص 3 كلاصات ببسي
اكل ثنين وگال الحمدلله
ضليت مدنگة حتى ماكلت زين ضليت
اباوعلة عافني وگام يغسل بالمغسلة
شلت الباقي وحطيتة بالثلاجة
وغسلت الاماعين رحت وراه
لگيتة واگف ؏ مغسلة يفرج نشفت
ايدي وضليت واكفة وراه
خلص وباوعلي:-بدلي خلي نروح لعمتي ام نور
ملاك:-هاي الي هنا
غيث:-اي مو گتلج انشلت وضلت مُقعدة خلي
اروحلها صار شهر يومية اگول باجر
ملاك:-يلا تمام ابدل واجي
ركضت بدلت ملابسي
وهو صعد تحمحمت وگتلة:-عادي اطلع سافرة؟
باوعلي من فوك لجوة
وضحك:-عادي
ضحكت بفرح مادري
ليش نفرح من نطلع سافرات رغم اني
بالعباية او الجبب احس روحي احلى
واتصرف بكل حرية
ومن اطلع بالبنطرون اتضايق
واكول مالبس بعد بس اغير رأيي من نطلع
جنت لابسة تنورة
وقميص لفيت حجابي ومكيجت خفيف
ولبست كعب ورحنة گال:-ترحين بالسيارة
لو مشي
ملاك:-لا هي هاي وياها عليمن سيارة
غيث:-يلا لعد
لزم ايدي وباسها ومشينة
سوة واحنة نسولف لحد ما وصلنة
لبيتهم دك الباب طلع ابنها الزغير باقر
غيث:-روح صيح ابوك
ركض يصيحلة واحنة واكفين
بالباب طلع الأب جان لابس دشداشة
رصاصي
ابتسم مَرحب بينة دخلنة جوة
گعدنة بالاستقبال
شوية ودخلت الأم و وراها بتها الجبيرة
اني شايفتهن هنه مايجن هواي
بس اعرفهن
دخلت گمت سلمت عليها بوستها
وهي تشبك بغيث ياخي حُبهن أله مو طبيعي
وهو كذلك يحبهن حُب كارثي
بحيث كعد بالگاع لازم
ايدها يبوس بيها ويعتذر منها لان
ما أجة من وكت الها
سلمت ؏ بنية وبعدها بربع ساعه
اجن باقي البنات لابسات كلهن
عبي سلمن علية وغيث من بعيد سلم عليهن
وگعدن
هنه سبع بنات كلهن مؤدبات وحبابات
ضلينة نحجي سوة وهنه مكيفات بية
وغيث يحجي ويا ابوهن
شوية وعمتة گالت:-يمة غيث
غيث:-ها حبيبتي
ابتسمت وكرصتة حييل بدون محد
ينتبهه
وهو ضم ضحكتة
ام نور:-خابرني ابوك
باوعت لوجهه انگلب لونة وايدة
الجانت لازمة ايدي
انفتحت رأساً واني اباوع لرجفتها
غيث:-شيريد؟
ام نور:-يريد يرجع للعراق
ضحك بتوتر:-شلون يعني يرجع؟ وين يضل؟
يمي؟
ملاك:-عادي وأذا
غيث:-اسكتي
عگدت حاجبي واني اشوفة يحجي
بعصبية ويا عمتة بعدين كاللها:-انتي منيلج تواصل ويا؟
ام نور:-غير من ذيج السنة من صار بي
عود ؏ اساس ذاك المرض ورحتلة وهو انطاني
رقمة تالي طلع كلة جذب علمود يطقس الأوضاع
بس والله ماعندي تواصل كلش ويا هاي
لو نور ترد علي لو ابو نور مارد اني وماننطي
التفاصيل كلها
بس گتلة غيث تزوج
غيث:-عمة ادري بي اخوج وادري متگدرين وماينطيج گلبج بس داعة معزتي عندج
التواصل بينج وبينة گطعي بدون أمر
ماريد اسمع طاري بعد رجاءاً وأي رجعة بعد
لهنا يگضيها بالسجن خلي بمكانة افضل
سكتت وهي تباوعلة بقهر
واني علامات الاستفهام كلها بوجهي
ضل ضايج طول الگعدة لحد
ما طلعنة
لازم ايدي ونمشي وهو يدخن
ولازم الجگارة بيدة الثانية حجيت
بهدوء:-شبيك ضايج؟
غيث:-مابية
ملاك:-ليش متريد ابوك يجي؟
غيث:-احسن
ملاك:-عادي تگلي ليش؟
غيث:-ماريد اشوفة ولايشوفني
لان اگلب حياتة جحيم
ملاك:-دتحجي الغاز ماجاي افهم ليش؟
هو وين وشنو عداوتك وياه غير ابوك؟
غيث:-كتل أمي
شهگت وهو ضل مدنك
وياخذ نفس من الجگاير بقوتة
واني سكتت ماحجيت بعد ابد
وصلنة للبيت طب رأساً
بقيت واكفة بالصبة اكيد ضايج
هسة شنو اسويلة حتى يحجيلي واحاول
اخفف عنة
وماكو غير طريقة وحدة
صعدت بدلت وهو يدخن بعدة
لبست ورتبت روحي واجيت
يمة ذب الجگارة وكأنما يريد يشرد من الواقع
ويضل فكرة وياي
خلص مني وبقة حاضني
تلمست شواربة وهمست:-احجي المضوجك
مو انتَ هيج معلمني؟
غيث:-جان عمري سبع سنين
صعدت لملحف اكثر وهو يمسد
؏ متني ويرسم دوائر بأصبعة علي:-اي
غيث:-الماريد اذكرة جان يعذب بأمي
ويأذيها أذية محد متوقعها اني الجنت الوحيد
الشاهد ؏ عذابها
ملاك:-ورغد؟
غيث:-جان يحب رغد ويخاف منها
لان جانت كل ما يأذي أمي گبالها تروح تخابر
عمامي ويجون يضربوا وبالأخص
عمي ابو عبدالله
ملاك:-ليش؟
غيث:-لأن امي جانت أمانة يم عمي
وهو الجبير فـ لمن كبر ابوي انطاها ألة وگالة
حافظ عليها
ملاك:-مافتهمت يعني شنو القرابة بين
امك وعمك؟
غيث:-باعي جدي ابو ابوية
وابو أمي ولد عم بس جانوا اكثر من ولد عم
مثل الأخوة وأمي الوحيدة لابوها و
أمها ماتت اعتقد لمن جابتها
وبعدها ابوها من مات أمنها يم ابن عمة
الي هو جدي ابو ابوية
ملاك:-ومن مات ابو ابوك خلاها عد عمك صح؟
غيث:-اي عفية
ملاك:-لعد عمك ليش ماتزوجها
غيث:-جان متزوج
ملاك:-وامك اكبر من ابوك؟
غيث:-اي بخمس سنين
ملاك:-هواي
غيث:-فـ گتلج ماجان يأذي أمي کبال رغد
بس يمي لان جنت زغير ومافتهم شي
وحتى يضربني ويگلي لاتگول لرغد
لا اگلج ولاتگليلي رغد صاگرتة صگر
ابتسمت وتذكرت ملك
وهو كمل:-من جان عمري ثمن سنين
ماتذكر بالضبط شكد سبعة مدري ثمانية
مادري بس ماجنت متسجل ماتذكر جنت ادرس
عد أمي
ملاك:-اي
غيث:-فـ رغد بالسادس اعدادي
راحت وين عد عمتي زهرة هاي ام ازهر
ملاك:-اها اي
غيث:-علمود تدرس
فـ أذيت أمي ازدادت ماتذكر گتلج هواي تفاصيل
ناسيها مادري شنو الجانت تسوي أمي وتتأذى
ملاك:-ليش ماتطلگت؟
غيث:-ماعدها احد گتلج ياعيني ابوها وامها ميتين
ضحكت:-اي لاتعصب كمل
ابتسم:-فـ هو بيوم الكتلها
جانت تنزل من الدرج سريع واني گاعد العب
اعتقد وهي لابسة عباية وبيدها جنطة
وتگلة ماضل يمك واروح اهج مدري شلون
وهو من خوفة من عمامي ماگدر يخليها تطلع
فـ التجئ المن؟
ملاك:-للضرب
غيث:-عفية وأمي ماتحملت ضلت تضرب
بي وشكو شي گبالها تشمرة علي
وهو يتخبل من أمي لمن تعاند لو تصيح كون ماتحجي
وياه عسى ما يگللها انطيني روحج كون
تكلة شبيك لبيك روحي بين اديك
ماتحاجي ابد بس بهاليوم
طگت روحها
ملاك:-حقها كمل واسولفلك ؏ شي
غيث:-حلو اليوم سهرة للصبح نحجي قصص
ملاك:-ههههه اي
ابتسم وكمل:-ضل يضرب بيها اخر شي
فقد شال المزهرية ورگعها براسها
ولزم امي خنگها بعبايتها
واني اباوع جنت حتى نفس ماتنفس
ضلت امي ترافس وهو يصيح
لحد ما هدئت هو شافها هيج ركض لفوك
وشفتة نزل بيدة جنطة جبيرة
وقبل لا يطلع گالي:-راح اروح لرغد اجيبها
وامك نايمة نام يمها
حجاها وطلع واني اجيت يم
أمي هزيتها فتحت عيونها بسرعة
وهمست:-غيث نام يمة نام
فتحت ايدها يمكن الله رحم بحالها
بهالدقايق بس حتى تحتضني
وتشبع مني يمكن رد روحها ألها حتى احفظ
صورة عيونها واسمع صوتها
وأسمي من لفظتة جنت احسها تريد
تحجي اكثر بس ماحجت
نمت ؏ ايدها ساعات طويلة واني متغطي
بعبايتها وهي كذلك وريحة عطرها مالية ريتي
مسحت دموعي
وهو يحجي وصافن بالسگف
كأنما اول مرة يحجي هالشي لبشر
غيث:-3 ايام متوالية اني انام بصف أمي
واگعد وآكل بس بدون صوت اگول أمي
نايمة جنت متعود تغيب روحها
وتضل يومين اكثر شي واني كل ضني تضل نايمة
وكل ما احد يجي اطلعلة بالباب
واگلة امي نايمة وابوية راح يجيب رغد
گتلج 3 ايام اليوم الرابع اندك
الباب وجانت رغد شبكتني حيل
وبعدتني عنها:-هاي شنو هاي ريحتك ولك
ليش ماسابح
غيث:-امي نايمة ماگعدت
رغد:-جا ابوي وين؟
غيث:-هو راح يجيبج
عگدت حاجبها ودفعتني واني اباوع
للباب ماسديتة كلت هسة يدخل ابوية وراها
بعدني عبرت باب المطبخ
وصرخت رغد لسة ترن بأذني لحد هاي اللحظة
صارت تدك وتلطم وتحاول تصحي أمي
وتشيل روحها وترگعها بالگاع
طلعت تصرخ للشارع
واني صافن اباوع وما مفتهم شي
سكت وبعد ما كمل ضليت
اباوع للنفس مالتة يصعد وينزل بأستمرار
وبشكل يخوف
نزلن دموعي وهمست:-غيث باوعلي
حط عينة بعيني وگال:-وفاة أمي جانت
بسبب النزيف الداخلي وابوية شرد
برة العراق مالزمو واني اخذني عمي أمن علية
وهو يگول من ريحة المرحومة
ورغد تركت دارستها جان باقي للامتحانات
الوزارية فقط اربعة ايام بس تركت
وتزوجت ابن عمتي ولحد الان اعاني بحُب
أمي ملاك
ملاك:-وبيتكم وين؟
غيث:-من صار عمري 18 سنة صار السن القانوني
الي واگدر ابيع واشتري وعمي تكفل بية
اخذت كل الغراض ومن بينهم
اثمن غرض وهنة صور أمي
گصيت كل صورة هو وياها بعرسهم
واخذتهن كلهن اما الباقي كلشي حرگت وبدون
مايرف جفن على اي شي ماعدى
الأثاث باعة عمي والبيت بعناه هم والورث
حصتي انطيتها لدار الايتام ورغد خذت حصتها
جان رجلها كلش احوالة المادية مو زينة
اخذتهن
بس ماصرفت ؏ نفسها منهن
ملاك:-جنت احس روحي الوحيدة المتعذبة بهذا الكون
ابتسم:-اكو ناس يمكن احزن من قصصنة
بس كل انسان ويشوف العاشة هو شي
صعب ومحد يتحملة وكل انسان الة قُدرتة
طبعاً يمكن لو جنتي انتي بدال رغد
جان متي ورا أمج وماتحملتي
بس رغد تحملت وكتمت آلامها حتى بوفاة
امي ماشفتها بجت ضلت حاضنتني
وحابسة روحها بالغرفة واني يمها
ولو رغد عايشة حياتج يمكن كذلك ماراح تتحمل
انو تضل عاقر وبدون اطفال للأبد
يمكن تنتحر؟ يمكن طاقتها تنفذ بس انتي
تحملتي آلام كلشي
فـ گتلج كل انسان والشي الي يعيشة هو فقط
اليگدر يتحملة وهو فقط كذلك يگدر يتصرف
بالتصرف اليعجبة
أنسان عن أنسان يختلف
ملاك:-صح
مسحت دموعي وهو حضني وباس
راسي همستلة:-لذلك انتَ تعلقت بية
غيث:-اي
سكتت وغمضت عيني
وهو گال:-احجي المضوجج شنو انتي هم؟
ابتسمت:-شنو وحدة بوحدة
ميل شعري للجهه الثانية
وگال:-حتى اعرف اتعامل وياج وانتي كذلك
عرفتي شنو نقاط ضعفي صح؟
ملاك:-اي
غيث:-احجيلي لعد
ملاك:-مُصر؟
غيث:-نعم
شنو ماضيي؟ وهل ياترى
احجي الحقيقة المُرة ألة؟
وأگلة جنت أحبة؟ مو فقط حب
لا!
جان عشق لحد الهيام
بس اكو اشياء ننفي وجودها
ومن خوفنة من المقابل
شلون راح يواجهه الحقيقة
نبدي نخترع اشياء جديدة وما
موجودة بحياتنة السابقة بالأصل!
شنو الباقي؟
والحقيقة تبقى مضمومة للأبد؟
ركبت محطة تختلف عن محطتي ذيج
بس ماعرف وين راح تذبني
انتضروا المستقبل المجهول...
