رواية سداد وبنت العرب الفصل السادس والثلاثون 36 بقلم الزهيريه

ماذا أفعل بأسفك طالما مشهد الإساءة 

عالقًا في ذهني ؟

وان سامحتك هل ستضمد هذا الفتق الذي في صدري 

ألق/ اكو مواقف نكون نكره انه مرينه بيها أو اشياء نكون سوينها بموقف إني ما بذاك المكر في وقتها من تهمت سداد  يعني  ما عندي تفكير انه إتهم سداد حتى استفاد منه بس في وقتها چنت خايفه من عمي نزار لهذا تهمت سداد وما خطر على بالي إذا تواجهت ويه سداد شنو راح يكون موقفي وشگد چنت خايفه من مواجهة سداد بس هاي المواجهة راح تجي عاجلًا ام آجلًا 

وبالفعل  إجى اليوم الراح نتواجه بي اني وسداد چنت نايمه ورايحه بسابع نومه من حسيت على أحد يندس بيه والمصيبه يا ريت يندس بيه بأيده يندس بيه برجله ولابس حذاء هم  فتحت عيوني وطبعًا آخر واحد أفكر أنه أشوفه هو سداد بحيث من شفته گبل انتفضت وگفت على رجليه من الفزه 

وهو من شاف الخوف مبين عليه ظل يباوع عليه من فوگ ليجوه ويهز بيده بعدها گال 

سداد/ من عرفت أنتي تهمتيني تعجبت ربي يشهد على كل كلمه اگولها اني جبتچ من أربيل لبغداد أبد ما باوعت عليچ أستغربت شلون ذبت التهمه عليه وإني شكلها ما أعرفه بس من گالوا عمها اخذ فلوس عرفت انتي وعمچ چلاب مال فلوس وعرفت عمچ مديحچ حتى يلم بيچ فلوس هسه أكثر الناس الساقطين أمثالكم يسوون هيچ 

وقبل ما خالتي وسردار ينطوكم الفلوس إجى عليه سردار واني بالسجن بسبب التهمه إلي ذبيتيها عليه بلغته لا ينطوكم فلوس ويگلي عمها يگول خلي يزوجها ويستر عليها وأني رفضت رفض قاطع انه لو انحكم إعدام ما أزوجها خطيه عمچ خياله واسع على اساس ما يدري بنت اخو بملهى  

الق/ آني اعرف بنفسي غلطانه بس واني ما بنيتي اذيتك في وقتها چنت خايفه من عمي نزار وما چان احد گدامي غيرك وگلت سداد اما انت منو ما أعرف أصلًا بس هسه احنه مزوجين وأني حامل  الله يخليك سامحني 

سداد/ أني أتعجب على صنف حواء يعني غلطها تهتز اله السموات السبعه وعرش الرحمن وعدها عادي تگول غلطت لا والمشكله  تجي تگول سامحني يعني حتى ما تفكر بحجم الضرر آلي سببته للمقابيلها  وانتي خطيه الظاهر ما تدرين شلون إنتي زوجتي بله 

الق/ سردار گال اني زوجتچ لسداد بوكاله 

ظل يضحك سداد وجاوبني/ عيني سبحانك يا ربي الله عادل بحكمه شلون انت تنصبون على الناس الله سلط عليكم سردار نصب عليكم 

الق/ شلون يعني 

سداد/ يا محفوظة السلامة سردار أي وكاله ما عنده مني بعد شلون زوجچ الي أما الوكاله إلي قدمها سردار للسيد مالتكم وما اعرف هذا السيد مالتكم قانوني لو جايبي من سوگ مريدي چانت  الوكاله مزوره يعني سردار نصب عليچ وعلى عمچ الشريف انتي لا زوجتي ولا هم يحزنون 

الق/ صدگ فتر راسي شنو احنه ما مزوجين 

گتله/ بس أني حامل 

سداد/ اي هذا الحمل صار نتيجة غلط مني  هذا الحامل بي نغل وعليه  لازم أصلح الغلط لإنه  الحايط اذا چان اساسه أعوج ما يفيد بي لا لبخ ولا صبغ 

الق/ اني من گال كذب أنتي مو زوجتي تخبلت يعني شنو اني مو زوجته كله هذا چان كذب من سردار هذا الكلام يدور بدماغي واني صافنه بوجهه 

سداد/ شبيچ تفاجأتي  هاي الحقيقة سردار نصب عليكم  هسه بعد اي حچي نحچي بعد ما يفيد إما بالنسبه عن حملچ هذا نغل حرام يبقى وحتى إذا بقى خاف جيبين منغولي مثل ابوچ واخوچ وأني بكل الاحوال ما راح أقبل بيچ وما معقوله اني ما قابل بيچ أقبل بطفل منغولي ونغل الأحسن انه ناخذچ تنزلين الحمل ونخلص 

الق/ حرام عليك أشوفك تحچي بأستهزاء على ابويه وأخويه هاي خلقة الله همه ما اختاروا خلقتهم الله خلقهم هيچ وآني فخوره بيهم آما اكو ناس عيبهم بأخلاقهم وهذوله مصيبه لإن اخلاقهم همه اختاروها من انحطاط وسقوط وقلة ادب مثل حضرتك وزوجة حضرتك والحمل ما إنزل وشتريد تسوي روح سوي 

هذا كلامي ويا الظاهر لامس الوتر الحساس عنده لإن تخبل وهجم عليه وهذا هجومه ما چنت متوقعته أبد وخله أيده على رگبتي وهو يخنگ بيه ويگلي 

سداد/ لچ بنت المنغولي اني ما عندي أخلاق شوف منو يحچي بالأخلاق الگح…. ألق بنت الملهى شحال مو طلعتچ مصلخه من الملهى وهسه اشوفچ شنو راح اسوي 

الق/ اني چان في بالي ردة فعل لسداد بس مثل هاي ردت الفعل ما چانت متوقعه بالنسبه إلي وهو يخنگ بيه يجر بيه وطلعني من الغرفه بالبداية عبالي راح ينزلني جوه يعني ما چان متوقع بالي شنو راح يسوي بس من چان يجر بيه عبالك شيطان ولا عبالك ذاك سداد الحنين 

ألي وجهه بريء وجابني يم حافة الدرج وچان يريد يشيلني ويذبني من فوگ المحجر الى الطابق الجوه بس من خوفي منه وعرفت شنو يريد يسوي بيه حضنته من خصره قوي بحيث صرت مثل گراده ولازگه بي لهذا ما گدر يرفعني أبد وصارت حركه ثانيه منه ما چانت ما متوقعه وهاي الحركه خصمت النزاع الچان بيني وبينه وهي دفرني برجله قوي بحيث الدفره مالته اجتني على المنطقه الحساسه ومن گد ما تأذيت رخرت أيدي من على خصره والدفره الثانيه وگعت من فوگ الدرج 

وبثواني صرت بنهاية الدرج 

وبعدها سمعت مومه تعيط وسردار هم على راسي واني وجهي مليان دم  لان حظي المصخم الدرج مالتهم كله سيراميك تكسرت بي تكسر ما عده الجروح إلي چانت براسي گصتي نشگت أيدي إلي يلزمها اعيط لله بحيث تريد تگومني مومه ما اگدر  وگوه گومني سردار ومومه وسردار طلع يركض وشغل سيارته وصعدتني مومه لسياره وسردار فتح الباب الگراج الرئيسي واجى ركب السياره وطلع بينه من گراج البيت وهو يحچي ويه مومه يگللها وين راح نوديها اذا مستشفى حكومي هذا يعتبر شروع بالقتل 

مومه/ لا تروح على مستشفى حكومي روح على مستشفى اهلي حتى ما ينفتح سين وجيم  

الق/ وسردار أخذني على مستشفى أهلي وأول ما دخلنه اجوي عليه وأخذوني للطوارئ واجى مضمد أول شي مسح الدم من وجهي  وعقم ما يقارب 3 جروح براسي وآني اعيط واستريح ما أدري أيدي ما أدري راسي ما ادري مكان إلي دفرني بي تاهت عليه والمضمد من شاف أيدي گال / أيدها مليون بالميه مكسوره خلي اضمد راسها وبعدها تحولوا للاشعه وخلي نشوف الكسر وين  ومومه گالت للمضمد  بس هي حامل شلون تاخذ أشعه 

المضمد/ هو يعرف شغله وشلون يتعامل ويه الحوامل 

وآني ابد ما يوم حسيت بهيچ وجع أبد وبس هذا الوجع يعادل عمري الفات ومومه انطت بخشيش لوحده تشتغل فراشه وجابت كرسي متحرك وگعدت عليه وأخذتني يم غرفه مكتوب عليها الأشعة ودخلتني واجى وأحد لابس بالطو أبيض  وهو يگول/ شبيها 

مومه/ عيني وگعت من الدرج وأيدها گالوا اخذوا أشعه إلها بس هي حامل شلون تاخذ إلها أشعه 

الق/ بس هذا آبو البالطو الابيض طلع دكتور گال / عفيه النسوان كل وحده زوجها كاتلها كتله معدله تجي تگول وگعت من الدرج أدري شنو قابل بيتكم بي درج الملويه حتى هيچ متكسره تكسر گولي زوجها مسويها چيس ملاكمه وهاي مال شلون اخذ إلها أشعه وهي حامل خاله هاي چانت على ايامچ الحامل ما ياخذون أشعه إلها هسه طور الطب صرنه عادي حتى لو حامل ناخذ اشعه الها 

وبالفعل جاب چادر جلد وگال تغطي بي من صدرچ لرجلچ وانطيني بس ايدچ وغطتني مومه بس أيدي بقل هو الله آحد يله گدر ياخذ الها أشعه 

وبعدها طلعت الأشعة وطلع بيها كسر بالرسغ  وبعدها حولوني على قسم الكسور وهاي صدگ چانت شدة حياتي لان چان لازم يرجع الرسغ لمكانه وبين ما رجعه اني من العياط صرت جسمي كله يرجف  احس نفسي راح يغمى عليه بس بده يجبسها ومومه  واگفه 

وتگله/ عيني هسه ناخذها لدكتورة النسائية 

والدكتور يجاوبها /  عيني انتوا فريتوا أقسام المستشفى كلها بقت على النسائيه من تطلعين بنهاية الممر من طلعين من عندي النسائيه وبعد التجبيس طلعنه لدكتورة النسائيه لأن الوجع صار عندي قوي 

سداد/ آني آخر فتره صرت عدواني بشكل وفقدت حتى ثقتي بنفسي  وصرت اعصب على اتفه الأسباب شحال أقوى الأسباب  أصير نار وقررت انطوي على نفسي وعلى بنتي بعد خلاص بس خلي تخلص المشاكل العندي وتحول لاربيل وأخذ يبرق وحتى روجيدا أحولها على أربيل وأخلص وأعتزل كل الناس وقبل  كل شي لازم أخلص من حمل ألق وبوقتها اتصلت بسردار قبل يومين من المحكمه  وردت بكل الطرق بس ينزل الحمل مالتها بس خالتي مومه تگول البنيه ما تقبل تنزل الحمل مالتها وهذا ألي يطير عقلي عبالك ياخذون رأيها ورحت على بيت خالتي مومه وچانت خالتي تسبح بالحمام اما سردار بالصاله ومن شافني ظل يباوع عليه مستغرب من وجودي 

وآني بلغته أريد أشوف ألق وهو گلي فوگ واني هم عفته صعدت شنو چان يحچي ما سمعته ومن صعدت صارت بينه ملاسن بالحچي واني هاي طبيعتي الغضب إنه أصرف وبعدين يله أفكر عكس الناس كلها تفكر يله تصرف وبوقتها ما حسيت على نفسي غير لمن صارت ألق أخر الدرج وهي كلها دم وأخذوها وراحوا للمستشفى وآني نزلت صارت گبالي هلات وهي من نزلت راحت تركض جابت الي مي وهي تگلي اشرب 

اخذت گلاص المي منها  وشربت شويه مي والباقي غسلت بي وجهي  وچنت أريد أروح لان بس آني وهلات زوجة سردار وعيب وزحمه بس هي جرتني من أيدي ودخلتني لصاله وهي تگلي / أرتاح سداد 

واني گعدت بس موقف شلون دفرتها وگعتها من الدرج ما يفارگ مخيلتي بحيث هلات شگد تحچي أبد ما أنتبهت گد ما چان دماغي مشتت وما انتبهت على هلات إلا من اجتي گعدت يمي ومخليه ايدها على صدري بحيث أيدها مدخلتها بالقميص هنا صدگ فزيت گبل دفعت ايدها وگمت وگفت وهي رجعت تتقرب عليه وتگلي 

هلات/ سداد آني أحبك من زمان وأول ما وعيت على الدنيا امي چانت تگول أنتي لسداد 

سداد/ بابا انتي عقلچ بي شي شنو تحبيني 

هلات/ سداد انت مو سردار لعب عليك وجاب بنت الملهى وخلاها في بيتك تعال احنه هم نسوي بي مثل ما سوه بيك أروح وياك هسه لبيتك وأطلب منه الطلاگ ونزوج إني وياك 

سداد/ شوفي لچ هذا الكلام گلتي هاي المره وراح اعتبر نفسي ما سمعتچ مره ثانيه وروح أبني اذا رجعتي كررتي هذا الكلام الا اشهرچ شهيره فهمتي ولچ مزوجه واحد تاج راسچ وإي خلاف يصير بيني وبين سردار هذا شي ما يخصچ 

وعفتها وطلعت وآني ما شاء الله حظي يسلط عليه وين ماكو وحده زباله يعني معقوله هاي زوجة سردار طلعت من بيت خالتي مومه ورجعت للبيت  وآني كل شويه اگول هسه تجي الشرطه تاخذني بتهمة قتل ألق وطال انتظاري لليل واني إدعي من الله انه تكون نزل الحمل وبعد ما منها مجال لازم أتصل على خالتي مومه وطبعًا بعد ما طلعت روحي يله ردت وسألتها نزل الحمل لو بعده 

مومه- انت عندك عقل مصور اذا وگعتها من الدرج راح تخلص من حملها  سبحان الله البنيه 3 جروح براسها وخيطوهن وأيدها نكسرت والطفل كل شي ما بي مچلب بهاي الدنيا يريد يجي ولك أبني يجوز هي بعدها صغيره وغلطت وظروفها يم أهلها الله اليعلم بيها يجوز ربك أختار هاي البنيه حتى تعوضك بهذا الطفل عن أيليا  خليها تكسب بيها آجر بقيها يمك خلي جيب الطفل وتربي وهي يمك وأعتبرها خدامه ولك يمه سداد مروتك 

سداد / يمه هذا الكلام اقنعي بي نفسچ اخليها يمي شنو يعني اني ما سويت شي بدلت گح…. ب گح …… چان بقيت على أريا هنه اثنينهن  گحا…. شوفي يمه خلي يكون بمعلومچ عندچ هاي اليومين اذا طردتي ألق للشارع وراها شنو أسوي ماكو واحد يعتب عليه 

مومه/ ولك يمه سداد مروتك بنيه وين تروح  تذبها بالشارع وين غيرتك 

سداد/ يومه خلاص إنتي إلي اختاريتي مع السلامة 

وغلقت الخط ويه خالتي ومر يومين وخالتي مومه تتصل بس أني ما اجاوبها لأن اعرف كلامها مسبقًا 

الى ما  إجى يوم المحكمه ورحت من الصبح وواگف أنتظر تجي المحاميه سحر وهمه هم بعدهم ما اجوي 

وأول شي اجتي آريا وبعدها سحر  وبعدها دخلت سحر يم القاضي وصاحوا اسامينه اني واريا  والق ودخلت واريا هم دخلت واحنه بعدنه بصدد الاتهامات ألي توجهت دخل سردار والق 

والق چانت ايدها مصبوبه جبس وراسها ملفوف ورجعوا كملوا الجلسه واول وآخر اتهام إنه إني چنت ازني بالق واتعاطى مخدرات  وآلي حق انه ادافع عن نفسي 

سداد/ سيدي القاضي انه هاي بنيه ما أعرفها وابن خالتي سردار هو الي جابها لبيتي خدامه وعرفت فيما بعد انه آبن خالتي  هو نفسه مزوجها  وجابها لبيتي لإنه هو مزوج وما يگدر ياخذها لبيته  وسال القاضي ألق من انه صحيح چنت ازني بيها او لا وهي  لا  گالت انه هي زوجتي 

القاضي/ حكمت المحكمة على ان يعرض سداد على فريق طبي للفحص للتأكد من انه يتعاطى مخدرات او لا  وأيضًا يجلب عقد زواج سواء كان سردار زوجها او سداد وتؤجل القضيه لنظر بها في الجلسة القادمه رفعت الجلسه 

وإني اول وآحد طلعت وبعد ما أدري بيهم  وبعد تقريبًا ساعتين من رجعت المحكمه ودخلت خالتي مومه صيح وتغلط عليه وهي دگ بباب المطبخ فتحتها وهي گبل ضربتني راشدي ظليت واگف اباوع عليها  وهي تگلي 

مومه/  ولك ناقص غيره تتهم سردار أنه مزوج ألق وهي زوجتك  ولك اني ما وگفت بعينك 

سداد/ أنتي لو ما واگفه بعيني چان لعبت طوبه بسردار بس اگول خالتي وما أريد أكسر گلبها  بس هسه لا بعد ما ارحم احد المعامله بالمثل ماكو بعد أتعامل ويه آحد بحسن نيه هاي نتيجة حسن نيتي 

مومه/ ولك يمه سداد مروتك ولك سردار منين يجيب  عقد وهي مو زوجته 

سداد/ عفيه هي هاي غايتي منين يجيب عقد زواج وهو مزور خلي نشوف راح ينحكم عليه لكونه مزور 

مومه/ گلي شتريد وآني أسوي الك  بس عوف سردار بحاله 

سداد- طلبي هو تذبين ألق بشارع وخليها هي تحير بنفسها ما النه دخل بيها