رواية الطالبه والضابط الفصل السابع والثلاثون بقلم توتة
أجمل ما قيل في المواساة :
و إن لم أستطع أن أضيئك سأنطفئ معك🤍
*****************************
نارين
"وتكتشف فجأة بعد رحلة طويلة، أنك لا تريد أن تكون الأفضل في هذه الحياة، كل ما تريده أن تجلس هادئ
البال، معتدل المزاج لا تأبه لأي شيء، وراضي عن كل شيء"
مرت الايام طبيعيه بيني وبين ضرغام مرات نتعارك لأن هوه عصبي واني اعانده بكلشي
كال رجعي سياره كنت كلش فرحانه بيها بسس ماكدر ارفض كلامه مهمئ يصير يبقه زوجي ولازم اسمع كلامه.
رجعت سياره الابويه وكتله ماكدر اسوقها وضرغام ميقبل اسوق سياره وبابا وافق علئ كلام ضرغام كال بعدج صغيره وسياره خطره عليج.
تقبلت الموضوع بسس بداخلي كلش انقهرت كنت كلش فرحانه بيها.
مرر تقريبا شهر علئ خطوبتي اني وضرغام واليوم هوه زواجنه كلش متوتره وخايفه بنفس الوقت
صح احبه ومتعوده عليه بسس م̷ـــِْن يتقرب مِڼـّي اخاف وانرعب.
بابا اتزوج بهاذي الفترا ماسوه عرس ولاشي اخذ مرته وعقد عليها بالمحكمه وسوه حفله صغيره بالبيت
اني طلبت م̷ـــِْن عنده يتزوج قبلي حته ميقبه لوحده.
كعدت صبح. علئ صوت باب غرفتي يندك.
_تفضل
دخلت مرت ابوي نسيت اعرفكم عليها اسمها مرام عمرها 35 سنه كلش حبابه وتحبني وتهتم بيه عبالك صارلها سنين تعرفني.
مرام / شنوو عروستنه بعدها نايمه صاار الضهر يلا لآزٍمٍ نروح للصالون.
_نعسانه خلوني انام شويه لبارحه مكدرت انام ولله.
مرام / ميصير ماما لآزٍمٍ نتحرك. يلا گومي
گمت واني امغط بجسمي تعبانه م̷ـــِْن حفله الحنه بقينه للصبح كاعدين ونركص محتفلين.
دخلت للحمام سبحت وبدلت بقيت اباوع علئ غرفتي هاذه اخرر يوم الي هناا م̷ـــِْن الًيَوُمًِ راح اتزوج واصير مرت ضرغام وعلئ اسمه كدام الكل
شعور مختلف وحلوو بنفس الوقت انو اصير مرته وعلئ اسمه.
رتبت مكياجي وخليت عطرر بقيت اباوع علئ نفسي بالمرايه وجهي منور م̷ـــِْن الفرحه.
مرام / تخبلين يلا خلينه نروح
لزمت ايدها واني مبتسمه
_ماعرف شنوو اكول بسس اريد م̷ـــِْن عندج تهتمين بابا فدوه.
مرام / ههه توصيني برجلي. روحي وانتي مطمأنه اخلي ابوج بعيوني
_فدوه لكلبج.
باست راسي وهمست
مرام / شفت بعيني شلوون ابوج يحبج ومهتم بيج بسس اليووم تأكدت انو انتو الاثنين واحد يحب الثاني اكثرر
_احبه اكثرر م̷ـــِْن نفسي ولله. وكنت خايفه اتزوج وهو يبقه لوحده بسس الحمدلله م̷ـــِْن تزوج منج انتي كلش حبابه.
مرام / حبيبتي يلا تاخرنه ولله.
هزيت راسي بأيي.
نزلنه ثنينه كان بابا كاعد بالصاله شفته ودمعت عيوني رحت بسرعه حضنت عليه حضني علئ صدره وباس راسي.
ابو نارين / ليووم اميرتي تزوج. وتعوف ابوها
_راح اخلي ضرغام يجيبني عليكم كل فترا انته هم لاتنساني دائما تعال عليه
ابو نارين / كل فترا تلگيني يمج اصلا اني ماصبر اذا ماشوف بنيتي
مرام / شلوون بلا ترا ولله تاخرنه احنه ماخذين موعد م̷ـــِْن الكوافيره ولبدله لآزٍمٍ تقيسها
ابو نارين / خليني اشبع م̷ـــِْن بنتي ليووم تروح مِڼـّي
بقيت حضانه عليه واني اضحك.
_بطلت مازوج بعدد راح ابقه ويه بابا
مرام / غير ضرغام يهجم علينه
_ههههه لا بابا يضربه.
ابو نارين/ ههههه لا خطيه الولد يريدج.
كمت م̷ـــِْن بابا واني اضحك. طلعنه سويه اني ومرام للصالون.
اخذنه عموو صلاح وصلنه وراح دخلنه ثنينه لبست بدله احدث نوعيه كلش حلووه م̷ـــِْن الخصر ضيكه ومن تحت منفوشه كلش
اكمامها م̷ـــِْن تور. بسس. مبين جسمي كوله منهاا. بسس لمع.
رفعت كل شعري وبقت خصلات ناعمه نازله علئ خدودي سويت خصلات بالون الثلجي علئ شعري كلش حلوو طلع هوه طويل.
رتبت مكياجي طلبت منهاا متسوي اوفر تخلي شي خفيف لان اني وجهي ابيض ميلوگله المكياج الواضح كلش
بسس حمره خلتها واضحه وحلووه. مرت ابوي لبست فستان طويل يصير مثل البينصل.
هيه هم رشيقه يلوگ عليها البس.
كملت كلشي وبقيت اركص بالصالون ومرت ابويه تصور بيه وهيه تضحك.
لعبت لعب بلبدله اركص هيج ورجع هيج وام صالون كل شويه واجت ترتب بالبدله م̷ـــِْن ورا ومن كدام خاف تتوصخ. هههه.
كملنه ثنينه شويه واجه صلاح رجعنه للبيت.
____________________________________
ضرغام.
خطبت نارين وصارت مرتي وعلئ اسمي اخذتها وكنت كدد كلمتي.
فرحتي ماتونصف وعبالك هااي اوول مَـرّھٌ اتزوج صح صارت مشاكل بحياتي وتخربطت بسس مايهمني
الي يهمني اخذت البُـنًتٍ الي حبها گلبي مرت ايام علئ خطوبتنه وكانت احلا ايام
مرات تضوجني لأن هيه عنوديه بشكل وماتحمل اخبالها وعنادها.
رجعت سهئ للبيت كانت رافضه الرجعه بسس اهلها قنعوها وخلوها ترجع ويايه
الوضع بيني وبينها عادي مثل كل زوج وزوجه بسس صارت تجاهلني وماتتقرب مِڼـّي اله اذا اني طلبت منهاا شي.
اشتريت بيت قريب علئ اهلي بنفس المنطقه يعني
ورتبت كلشي بيه م̷ـــِْن اثاث وغرفتنه.
وضفت خادمه للبيت لأن نارين متكدر تشتغل واصلا متعرف تسوي شي.
گالت امي اخذ وحده م̷ـــِْن اخواتك. تعيش وياكم وتشتغل بسس ماقبلت شنوو اجيب اختي تخدم مرتي. وين صايره
سحر مخطوبه ولسه ماتزوجت مقررين بسس اتزوج يحددون موعد لزواجهم هيه وابن عمي سيف
وحيدر بده بشغله الخاص وشارك معمل وتغير صاار ميلتقي ويه جماعته.
اليوم زواجنه اني ونارين فرحان. ومرتاح نفسيا.
كعدت صبح بدلت وطلعت للمركز اخلص شغلي وارجع للبيت.
كاعد بالمكتب اتصل جهازي كان ابوي
ابو ضرغام / هاا بويه وينك ?
_بالمكتب
ابو ضرغام / ولك بوويه اليووم عرسك شلوون تروح ناس كلها عدنه عووف كلشي بايدك وتعال.
_بس اخلص كم شغله ورجع.
ابو ضرغام / لاتتأخر
سديت م̷ـــِْن عنده اندك الباب ودخل كرار
كرار / اشووف عريسنه هناا خيرر. شنهي بطلت ماتزوج بعد
_يوول عندي شغل شبيكم.
كرار / عمي ياشغل ليووم عرسك عووف كلشي اني اهتم بالوضع هناا
_شنوو مراح تجي وياي
كرار / لا طبعا اجي بسس عندي شغل هسه ورا الغده تلكاني يمك
_ماشي اني طالع انتضرك تجي موو تغلس
كرار / تأمر سيدي
عفته وطلعت رجعت للبيت ناس ملتمه عدنه. سلمت علئ الموجودين وصعدت لغرفتي ابدل واروح للكوافير يرتب شعري
فتحت الباب كانت سهئ كاعده علئ سرير وتبچي
ضوجتني دموعها. حته الفرحه راحت مِڼـّي.
شافتني ومسحت دموعها وكامت تريد تطلع م̷ـــِْن الغرفه لزمت ايدها وسحبتها عليه
_ماريد اشوف دموعج.
سهئ / ههه لاتسوي نفسك مهتم.
_لاتحجين هيج سهئ تعرفيني احبج واريدج مهمئ يصير تبقين مرتي. واني وياج عمرر سويه
سهئ / جان فكرت بيه قبل لاتزوج جان كلت صارلي عمرر وياها يايوم قصرت وياك اني.
_ماقصرتي بشي بسس اني اريد طفل.
سهئ / نشووف نارين راح تخلفلك اطفال.
_انشالله يصير.
سهئ / الله لايوفقها اخذتك مِڼـّي
_اشششش لاتدعين عليها. كدامي.
سهئ / ادعي عليها ليووم وبااجر وبعد سنه هل حييه اخذتك مِڼـّي لله لايوفقها وعسئ ماتتهنه وياك ولاتشووف يووم حلوو بحياتها
_سسسسسهئ
عافتني وطلعت م̷ـــِْن الغرفه ضوجتني كلش وطلعت روحي. شلوون اتحمل هل وضع
ستغفرت ربي ودخلت سبحت وبدلت ونزلت طلعت اني وجماعتي. رتبت شعري وكذا
رجعنه هوسات وركص ورمي التمت عمامي واقاربنه كلها شويه وطلعنه متوجهين لبغداد. نجيب نارين م̷ـــِْن بيت ابوها.
_________________________________
نارين.
رجعنه للبيت اني ومرت ابوي لگيت عماتي وبنات عمي ومنارس ولكل متجمع بيتنه.
تلكوني هلاهل وركص وجكوليت. يشمرون
منارس مخليه ورد جوري بسله وتشمر عليه وهيه فرحانه اكثرر مِڼـّي.
ملاك / الف صلات ولسلام عليك ياحبيب لله محمد كلوووووووش.
مرام / سوو مجال خلوها تكعد خطيه
لزمو البدله م̷ـــِْن وراه ورحت كعدت علئ التخم.
شغلو معزوفه وصاار الركص.
اشرت لمنارس تجي يمي اجت بسرعه ودنكت راسها حته تسمع شنوو اريد منهاا لان صوت الاغاني عالي
سحكت رجلها بقوووه واني اضحك
منارس / اووووي شبيج نارو ليش هيج
_حته تزوجين بسرعه
منارس / ياااا يعني اذا سحكتي رجلي اتزوج ??
_ههههه هيج سامعه اني واريد اجرب بيج
منارس / اسحكيني بعد.
_شنو طمع كافي.
منارس / يااا نارو شبيج تبخلين عليه يلا اسحكي رجلي بعد بس علئ كيف فدوه
شبعت ضحك عليها وسحكت رجلها رجعت تركص اكثرر وحده ركصت وتعبت بعرسي. هيه احسها موو صديقه لا اخت
شويه واجت گومتني وياها بقينه نركص سويه اني ماكدر اتحرك هوايه م̷ـــِْن البدله جبيره واخاف عليها تتوصخ..
شويه وكعدت.
مرر الوقت بسرعه ويه كل دقيقه تمر احس روحي اتوتر اكثرر واخاف
سمعت الزفه وصلت كل جسمي صاار يرجف وگلبي ازدادت دكاته وعبالك طبول. دك بيه
اجت بسرعه مرت ابوي خلت البرگع علئ راسي وخلت بأيدي قران وهمست بهدوئ
مرام / حبيبتي شبيج خايفه واديج ترجف تعبانه شنو
_اممم لا بس شويه متوتره.
مرام / اهدي وخليج مرتاحه.
هزيت راسي بأيي شويه وصارت هوسه هلاهل ورمي عرفت دخل ضرغام
اجه قريب مِڼـّي ريحت عطره سابقته رفع البرگع م̷ـــِْن راسي وركز بعيوني بحب باس راسي ولزم ايدي وطلعنه سويه
مرت ابوي ومنارس لازمين البدله م̷ـــِْن ورا لأن طويله واخاف اوكع بيها.
طلعنه بالباب وكف ضرغام وصاار بابا يوصي عليه وضرغام يرد عليه اخليها بوسط عيني.
كلش حبيت كلماته خلاني ارتاح ويخف التوتر عني.
اخذني للسياره مزورقه كلش حلووه هيه سيارته سوده. بس مزينها صايره تجنن.
صعدني بالصدر وسد الباب طلع المسدس مالته وصاار يرمي وياه جماعته شغلو معزوفه وصارو يركصون ويهوسون باب بيتنه
بقيت منزله راسي تحت الغطئ ومارفعته ابدد واني افرك بأديه بخووف وتوتر شعور ماكدر اوصفه ابدد
شويه ودخل ضرغام للسياره وهو يضحك
شغل سياره ومشينه مسافه لزم ايدي وطبع بوسه دافيه عليها
ضرغام / ليش اديج بارده وترجف
_لا زينه.
ضرغام / خايفه ??
رفعت الغطئ عن وجهي شويه واني اتبسم هزيت راسي معنئ لااا.
ضرغام / ليوم صرتي ملكي. واخيرا اجه هاذه الًيَوُمًِ الي كنت احسبله ساعه ساعه.
سكتت مَآعِرَفتّ شنوو ارد عليه. خجلانه ومتوتره بنفس الوقت
ضرغام / تذكرين اول ماجبتچ لأنبار شنوو كلت للشرطي.
_ايي گتله هاذي مرتي.
ضرغام / ليوم ماخذج لمحافضتي وانتي مرتي وعلئ اسمي. كان مجرد كلام بس اليوم صاار فعل
هزيت راسي بأيي وسكتت
ضرغام / هههه احسج خجلانه مِڼـّي شنوو ليوم عرفتيني.
_اووف ضرغام كلش متوتره ولله
ضرغام / ليش بويه شنوو الي مخوفج
_مادري ولله خايفه. شوف حته جسمي يرجف
ضرغام / خلينيه نوصل ومايكون خاطرج اله طيب
_الله يستر
ضحك ضحكه قويه وبقه يباوع عليه بنضرات تخلي كلبي يرجف.
نزلت راسي واني ميته م̷ـــِْن الخجل اعرف نضراته شنوو تنعني.
وصلنه الانبار وكف سياره مقابيل القاعه باوعت علي مصدومه مكان عبالي راح نحتفل بقاعه
ضرغام / اصبري خليني انزل افتحلج الباب
هزيت راسي بأيي
نزل م̷ـــِْن السياره واجه فتحلي الباب لزم ايدي ونزلني شويه وصلت ورانه هووايه سيارات اكثرر م̷ـــِْن 25 سياره.
انسد الشارع م̷ـــِْن الطول للطول نزلو اهل ضرغام واجت خواته لزمو البدله مالتي م̷ـــِْن ورا
دخلنه اني وياه للقاعه نزل علينه ورد وبدت الموسيقئ تعلئ.
اخذني نتمشئ بهدوئ لنهايه القاعه للمقاعد المخصصه النه
گعدني وراح سلم علئ الموجودين اجت يمي سحر
سحر / طالعه تخبلين
_عيونج الحلووه تصدكين مكان عبالي راح نحتفل بقاعه عبالي راح ياخذني للبيت فورا.
سحر / لا حبيبتي هوه م̷ـــِْن الاول اجر القاعه وكال احتفل بيها. ويه جماعته
_امممم اي زين. سهئ وينها ?
سحر / بقت بالبيت.
هزيت راسي بأيي وسكتت ماعرف ليش خايفه م̷ـــِْن سهئ شلوون راح تكون حياتي وياها بالرغم اني بيتي لوحدي بس خايفه
بدت الحفله ناس تركص اصدقاء ضرغام صارو يركصون جوبي لعبو لعب وناس تجي تبارك النه سحر ومنار يمي.
م̷ـــِْن عائلتي ماكوو شخص بس مرت ابوي مرام اجت وياها منارس.
كلش فرحت بجيتهم. بيت عمي ماجه شخص منهم ملاك ماقبل زوجها تجي وياي.
اجت يمي منارس.
منارس / خررب ناروو شوفي هذاك كرار واكف ويه رجلج الحقيرر حته ماسلم عليه عودد مسوي نفسه ثكيل.
_اششش ولج فضحتينه
منارس / هسه شيصير لْـۆ يجي يحجي وياي
_ خيولي لاتباوعين عليه أإأذأإأ هوه يريدج يجيج.
منارس / وينه غير يتحرك اني شويه وارجع للبيت وبعد ماكدر اشوفج ولاكدر اجيج
_ليش. ماتشوفيني بعد. م̷ـــِْن يبدي الدوام اني راح اشوفج او اخلي ضرغام يجيبني علئ بيت اهلي
منارس / ايي بس سالفه الدوام تطول.
_عادي المهم اشوفج.
بقت يمي منارس تسولف ويايه شويه اجه ضرغام ولزم ايدي كومني ورحنه نركص بهدوئ بالقاعه ولمصور يصور بينه.
لزمني م̷ـــِْن خصري ورفع اديه خلاهم ؏ رگبته بقيت مركزه بعيونه بحب. وهو بادلني النضرات
احس نفسي محضوضه لأن تعرفت عليه وحبيته شعور لايوصف انو تاخذ الي حلمت بيه وحبيته وتعلقت بيه.
ضرغام / يولي شعلتي جد جدي شطالعه ليووم.
_مو بجمالك ولله.
ضرغام / لا عمي ويني وين جمالي
_بس عيونك كافي.
ضرغام / هوه انتي الي خلاج تحبيني وترضين بيه عيوني ادري بيج.
_ههههه اي عفيه شلون عرفت.
ضرغام / هاا هيج يعني ماحبيتني حبيتي بس عيوني.
_امممم انته شتكول.
نزل راسه ؏ رگبتي وصاار يتنفس بيها احس انفاسه مثل النار.
_ضرغام عيب ناس تباوع علينه.
ضرغام / انعل ابو الناس مرتي صرتي لاتخليني هسه اشيلج واشرد بيج
_هههه واريد اشرد بيك.
بقينه نركص ونسوالف هوه يتغزل بيه كل شويه منزل راسه ؏ رگبتي يريد يبوسني وادفعه استحي م̷ـــِْن العالم الموجوده.
خلصنه ركص ورجعني للمقعد وهو راح ؏ جماعته. بقيت كاعده ويمي مرت ابويه ومنارس تصور ماخلت لقطه ماصورتها.
شويه واجت ام ضرغام وكفت يمنه وگالت
ام ضرغام / يلا يمه كومي لآزٍمٍ تروحين ويه رجلج
بلعت ريكي بخوف وباوعت علئ مرت ابوي ومنارس ضحكت منارس ورفعت حاجب عود حضري نفسج.
خزرتها بغضب اني وين وهيه وييين احس روحي صخنت م̷ـــِْن الخجل.
اجت يمي منار وكومتني. وخلت الغطئ علئ راسي ورتبته شويه واجه ضرغام
ضرغام / هاا جاهزه
ام ضرغام / اييي يمه دير بالك عليها بعدها صغيره علئ كيفك وِيِّأّهِأّ
احس روحي غصت بملابسي م̷ـــِْن الخجل عزاا شلوون يحجون هيج كدامنه.
ضرغام / توصيني بحبيبتي. اخليها بعيوني
اجه لزم ايدي اخذني وطلعنه م̷ـــِْن القاعه جماعت ضرغام صارو يهوسون جان صاحبها وخذاها
هو يصيح عليهم.
_اخذتهااا يوووم الك كرررار
كرار/ انه بشااااربك ضرررغام
صار يضحك ويحجون كلام مينفهم الغاز بسس بيه معاني هواايه شويه ودخل ضرغام للسياره وساق.
شغل اغنيه راح اسجل روحي بأسمك. وصاار يغني وياها ويباوعلي بنضرات كلهم حب
بقيت مركزه بعيونه واني فرحااانه واحس روحي انولدت م̷ـــِْن جديد وراح تبدي حياتي م̷ـــِْن هل لحضه
لزم ايدي وهمس
ضرغام / انا حاير وين اضمك ?
ابتسمت ونزلت عيوني بخجل باس ايدي بقووه وشمها.
ضرغام / متنوصف فرحتي بيج.
_موو بكدي ولله.
ضرغام / تحبيني ??
_اموت عليك.
ضرغام / شلعان گلبي انتي
_ههه احبك عموو شايب
ضحك وبقه يسووق وهو لآزٍمٍ ايدي بقووه عبالك اريد اشرد م̷ـــِْن عنده وصلنه للبيت. باوع علي وگال
ضرغام / اصبري خليني اساعدج لاتوكعين وتفضحينه بالفرع.
_هههه لاتخاف اعرف شون انزل
ضرغام / اصبري بوويه
نزل م̷ـــِْن سياره واجه فتح باب الصدر مد ايده الي لزمت ايده واني مبتسمه. ونزلت
دخلنه ثنينه للبيت اول مادخلت همس قريب م̷ـــِْن اذني بذوبان.
ضرغام / نورتي بيتج انسه نارين
_منور بوجودك. حياتي.
شالني واني بالبدله ودخلني للبيت بقيت متعلقه برگبته وعيوني مركزه بعيونه
ضرغام / تتوقعين وين غرفتنه ??
_اممم. ماعرف وين ?
ضرغام / فوگ.
_نزلني لعد.
ضرغام / ليش اني وياج نصعد سويه
حجه هيج ونزل راسه علئ رگبتي وباسها احس جسمي كله رجف وكلبي سرعت دكاته
بقه يتمشه بيه واني متعلقه برگبته مثل الطفل الصغير صعد بينه للطابق الثاني. بهاذي الحضه عرفته عنده قوه موطبيعيه يعني شايلني اني ولبدله ويتمشه ولاعبالك شايل انسان لا لعابه ولله
صعدنه للطابق الثاني علئ درج شموع ولبيت هادئ كلش. مابي شخص غيرنه
_لبيت هادئ ماكوو شخص شنو ?
ضرغام / شنسوي بيهم اني وياج وبسس مانريد شخص ويانه طردت الكل وطلبت منهم مايجون منا لباجر والي يجي يحصل كتله مِڼـّي
_عزاا ضرغام ليش خطيه غير يجون يتباركون النه
ضرغام / اشششش خلينه براحتنه مانريدهم ويانه
_منوو مرتب البيت هيج ومخلي شموع
ضرغام / هاي سوالف سحر
_ههه فدوه شكدد حبابه
وصلني للغرفه ونزلني وفتح الباب كانت كلها شمووع واجواء رومانسيه ورد احمرر علئ السرير وبدايه الباب منثور ورد علئ ارضيه الغرفه
لزم ايدي ودخلنه سويه للغرفه سد الباب بطرف رجله وسحبني م̷ـــِْن خصري عليه
خليت اديه علئ رگبته واني خااايفه ومتوتره بسس حبيت تكون هل لحضه مميزه بينه
_تعرف انته احلا شي صاار بحياتي.
نزل راسه قريب م̷ـــِْن خدي وبقه يشم بيه عبالك ديشم مخدرات همس بصوت ذايب
ضرغام / اول ماتعرفت عليج تخربطت اوضاعي گلبي هاذه الحجر الي كان مايهتم لولا بنت احسه انشلع يلا صرتي يمي.
_ليووم تحقق حلمي تعرف كنت فاقده الأمل انوو اصير مرتك وعلئ اسمك.
ضرغام / ههه الموضوع سهل بسس انتي صعبتي عليه. وياحلاتج م̷ـــِْن صعبتي خليتيني اتخبل عليج
خليت راسي علئ صدره وهمست.
_شنوو الي خلاك تحبني هل كدد.
حضني بقووه احس جعصني جعص بسس ماهتميت وحبيت الحضن مالته احس بيه حنان ودفوو.
ضرغام / دخلتي گلبي بدون ايي مقدمات اني تعجبت م̷ـــِْن نفسي. شلووون حبيت بعدد هل عمرر واني رجال متزوج.
رفعت راسي واني اباوعله بحب همست بصوت ناصي.
_احبك.
نزل راسه واخذ شفايفي بشفايفه بحب وصارر يتقرب مِڼـّي اكثرر. شالني م̷ـــِْن الارض وهو يبوسني شفايفي حسيتها انشلعت بسس مابعدته عني هل شي حقه اني صرت مرته وعلئ اسمه
للحضه اختنكت كلش. حسيت الهوئ شح عني هوه فاقد م̷ـــِْن يبوسني كل ملامحه تتغير وتصيرر شرايين تبين علئ رگبته
ابتعدت عنه وهو يلهث.
بلعت ريگي واني ارجف جسمي كله صااار يرجف
رجعت خطوات ليورا. واني خايفه.
_اممم. ضرغام انطيني شويه وقت فدووه
ضرغام / مو كافي شلعتي گلبي نارين.
_بس ليوم فدوه
ضرغام / لتخافين بويه. ثقي انو راح اكون هادئ وياج.
تقدم عليه بسرعه وسحبني عليه نزل راسه علئ رگبتي وبقه يوزع بوسات عليها بهدوئ واديه تسلسل علئ البدله.
شالني بين اديه وهو دافن راسه برگبتي.
نزلني علئ سرير. واخذني لغير عالم....
«خلونه نطلع عيب 😂😂 »
صرت مرته فعليه صح كانت اول ليله صعبه عليه بسس ضرغام كان هادئ ويايه جريئ بلمساته عكسي اني كنت كلش بارده وخجلانه بنفس الوقت
خلص وسحبني علئ حضنه وبقه يبوس براسي وعيوني وخشمي.
_ههه كافي شبيك.
ضرغام / مبروك علينه.
خليت راسي علئ صدره العاري بخجل وهمست
_مبروك يازوجي.
حضني بقووه علئ صدره وهمس
ضرغام / اريدد طفل منج نارين
رفعت راسي عن صدره واني مستغربه
_هههه مو كأنو بعد وكت علئ هاذه الموضوع بعدنه بأول ليله
ضرغام / اريدد. صدكيني راح تخلقين النور ولسعاده لحياتي اذا حققتيلي هل شي.
_انشالله حبيبي.
باس طرف شفتي بهدوئ. بادلته بكل حب.
سحبني علئ حضنه وبقه يلعب بخصلات شعري وكل
شويه يبوس خدي ورگبتي. محاوطني بأديه مثل الطفله وعبالك راح اشرد منه
بعد مده زمنيه ..
ابتعدت عنه ورحت دخلت للحمام سبحت وطلعت وهو كذالك دخل للحمام شلت الجرجف وخليته علئ صفحه قبل لاتزوج علمتني مرت ابويه علئ هل موضوع.
بقيت واگفه مقابيل المرايه واني امشط بشعري كنت لابسه فستان نوم ابيض حريري قصير كلش فوك م̷ـــِْن الافخاذ بس كلش حلوو.
شويه وطلع ضرغام م̷ـــِْن الحمام شعره مبلل وعيونه دمااار
اجه حضني م̷ـــِْن ورا وصارت صورتنه معكوسه بالمرايه.
خله راسه قريب م̷ـــِْن رگبتي بقه يشم بيه بقووه. غمضت عيوني ؏ انفاسه الحااره الي تخلي جسمي يرجف.
ضرغام / اوووف ياريحتج الي مامل منهاااا.
حضنت اديه الي حاضن بيهم خصري بقووه وبقيت مركزه بصورتنه بالمرايه
_نشف شعرك لاتتمرض. ويگولون نارين م̷ـــِْن اول يوم مرضت ضرغام هههه
ضرغام / اااخ هوه انتي م̷ـــِْن زمان مرضتيني
_يااا ضرغام شنوو هل كلام
ضرغام / انتي مرضي وعلاجي بنفس الوقت
_هههه شلوون بلا.
ضرغام / اذا تبتعدين اتمرض ومن اخذ جرعه م̷ـــِْن شفايفج ترجعلي طاقتي. واصير حديد
_امممم. انته كل سوالفك انحراف
ضرغام / ههههه بعد لآزٍمٍ تتعودين علئ هل وضع م̷ـــِْن اليووم.
_كلشي منك حلوو
حضني اقووه لزگني حييل علئ جسمه بحيث ضعت بين احضانه.
_ههه اووي شبيك خنكتني.
ضرغام / ويين اضمج. ويين اخليج ماشبع. ولله
درت وجهي عليه. خليت اديه علئ رگبته رفعت اطراف رجليه واخذت بوسه م̷ـــِْن شفته كانت هاذي اول مرره اتجرء واسوي هيج حركه
هو ماصدك سويت هيج حاوط خصري بأديه ورفعني م̷ـــِْن الارض واخذ شفايفي بقووه.
شالني واخذني علئ سرير تمددنه سويه بقه ضرغام يتغزل بيه طوول اليل ويغمرني بحبه ودلاله. مخليني
بحضنه مثل الطفل واني غايصه بين احضانه كل شويه ودفنت راسي بصدره خجلانه م̷ـــِْن جرئته بالبوس ولمساته الي هوه يضحك ويشيل راسي. بقينه گاعدين لاحد ماطلع الفجر
احلا يوم واحلا لحضات مرت بينه. كنت كلش خايفه م̷ـــِْن هاذه اليووم بسس هوه كان كلش هادئ بلمساته الي وحبه الي كان مينوصف.
هـيچ هـيچ ، آخذك لـ حُضني وآڪـلك بَس انتَ تِستاهل تڪـون هـنآ.♥️
