رواية كحل عرب الفصل السابع والثلاثون
( ﻓﺦ ﺍﻝ ﺛﺠﻴﻞ )
ﻭﺍﺗﺼﺒّﺮ ﻳﻜَﻠﺒﻲ
ﺍﻧﻌﻴﺶ ﺗﺘﻮﺍﻛَﺪ ﻭﺍﻛَﻠﻚ ﻫﻮﺩ
ﺩﻧﻴﺎﺗﻚ ﻧﺤﻴﺴﺔ ﻋﻴﻦ ﻭﺍﻟﻮﺍﺩﻡ ﺧﻠﻴﺔ ﺟﻮﺩ !..
( ﻟـــِ ﻋﺮﻳﺎﻥ ﺍﻟﺴﻴﺪ ﺧﻠﻒ )
ﺳﺮﺣﺎﻥ : ﻛﻀﻴﺖ ﺍﻳﺪ ﺧﻨﺠﺮ ... ﺍﻭﭼﺐ
- ﺧﻠﻨﻲ ﺍﺷﻮﻓﻬﻢ ﺍﻟﺸﻴﺦ ﻳﺎﻫﻮ .
- ﻣﻮﺵ ﺑﻔﺎﺗﺤﺔ ﺍﺑﻮﻧﺎ ، ﺍﻃﻲ ﺻﺒﺮ
ﻇﻞ ﻳﻐﻠﻂ ﺧﻨﺠﺮ : ﻣﻨﺎﻋﻴﻞ ﺍﻟﻮﺍﻟﺪﻳﻦ ﻣﺎﻝ ﺍﻓﻮﺕ ﺑﻴﻬﻢ ﻭ ﻋﻠﻲ ﺍﻭﺫﺭﻫﻢ ﺍﺗﻮﺫﺭ ...
ﻇﻠﻴﺖ ﻛﺎﺽ ﺍﻳﺪ ﺧﻨﺠﺮ ﻭ ﺍﻋﺎﻳﻦ ﺑﻴﻬﻢ .. ﺍﻃﺎﻧﻲ ﺯﻧﺎﺩ ﻧﻈﺮ ﻭ ﻣﺎﻝ ﻋﻨﻲ .. ﺩﺧﻠﻮﺍ ﺍﻫﻞ ﺍﻟﻌﺮﺍﺿﺔ ﻟﻠﻔﺎﺗﺤﺔ .. ﻭ ﺍﻧﺎ ﻭﻛﻔﺖ ﺍﻋﻠﻰ ﺭﺍﺱ ﺍﻟﻔﺎﺗﺤﺔ ، ﺍﺟﺎ ﺯﻧﺎﺩ ﺻﻒ ﻳﻤﻲ ، ﺭﺍﺩ ﻳﺤﺠﻲ ﺍﺟﻮ ﺍﺯﻻﻡ ﺗﺴﻠﻢ ...
ﻓﺮﻭﻧﺎ ﻭﺍﺣﺪ ﻭﺍﺣﺪ ... ﻭ ﻣﺸﻮﺍ .
ﺣﺠﻪ ﺯﻧﺎﺩ : ﺍﺷﻮﻓﻨﻚ ﺳﻜﺘﺖ ﻳﺨﻮﻱ .
- ﺟﺎﻱ ﺍﺣﺎﻭﻝ ﺍﻛﻈﻢ ﻏﻴﻀﻲ ﻣﻨﻚ ... ﺑﺲ ﺧﺎﻃﺮ ﻣﺎ ﺗﺼﻴﺮ ﺳﺎﻟﻔﺔ ﺑﻔﺎﺗﺤﺔ ﺍﺑﻮﻱ ﻭﺍﻻ ....
- ﻭﺍﻻ ﺷﻨﻬﻲ ﻳﺴﺮﺣﺎﻥ
- ﺩﻛﺘﻚ ﻧﺎﻗﺼﺔ .. ﺍﺑﻮﻱ ﻭﺻﻰ ﺗﺨﻠﺺ ﺍﻟﻔﺎﺗﺤﺔ ﻭ ﻧﺤﺠﻲ .
- ﺍﺑﻮﻱ ﻣﺎ ﻭﺻﻰ ، ﺍﺑﻮﻱ ﺍﺧﺮ ﺍﻳﺎﻣﻪ ﻣﺎ ﻛﺎﻡ ﻳﻔﺮﺯﻥ ﺍﻣﻮﺭﻩ ﻭ ﺍﻧﺖ ﻣﻠﻴﺖ ﺭﺍﺳﻪ ﺍﻋﻠﻰ ﺍﻫﻠﻪ .. ﺍﺳﺘﻐﻠﻴﺖ ﻣﺮﺿﺔ ﻭ ﺷﺮﺩﺕ ﺍﻟﻮﺍﺩﻡ ﻣﻦ ﺍﻟﻘﺼﺮ ﻻ ﺧﻠﻴﺖ ﻟﻴﻪ ﺯﻭﺟﺔ ﻭﻻ ﺧﻮﺍﻥ ﻭﻻ ﻭﻳﻼﺩ .. ﻛﻠﻬﻢ ﻫﺠﺠﺘﻬﻢ ﻭ ﺗﻜﻠﻲ ﺍﻟﺸﻴﺦ ﻭﺻﻰ .
ﻫﺰﻳﺖ ﺭﺍﺳﻲ ﻭ ﺳﻜﺖ ﻭ ﺍﻧﺎ ﺍﺻﻤﻦ ﺍﻋﻠﻰ ﺍﻳﺪﻱ ﺣﻴﻞ ﺧﺎﻃﺮ ﺍﺟﺮﻉ ﺟﻠﻤﺎﺗﻪ ﻟﻴﻪ ﺑﻨﺺ ﻓﺎﺗﺤﺔ ﺍﺑﻮﻧﺎ .. ﺍﻧﺘﺮﺱ ﺻﺪﺭﻱ ﻏﻴﺾ ﻣﻨﻪ ﻭ ﻛﺎﻡ ﺍﻟﻬﻮﻯ ﺍﻟﺒﻴﻨﺎﺗﻨﺎ ﻳﺨﻨﻚ ﺑﺰﺭﺩﻭﻣﻲ .
ﺍﺳﺘﻐﻠﻴﺖ ﻣﻮﻗﻒ .. ﻣﻐﺮﺏ ﻭ ﺻﺒﺔ ﻏﺪﺍ ﻭ ﺍﻧﺎ ﻃﻠﻌﺖ ﻣﻦ ﺍﻟﻔﺎﺗﺤﺔ ﻛﻠﻬﺎ . .. ﺍﻫﻴﺲ ﺍﻟﺪﻧﻴﺎ ﺍﻧﺴﺪﺕ ﺑﻮﺟﻬﻲ ﻛﻠﺶ ... ﻭﻳﻨﻚ ﻳﺎ ﺑﻮﻳﻪ ﺍﻣﺲ ﺩﻓﻨﺘﻚ ﺣﺪﺭ ﺍﻟﺘﺮﺍﺏ ﻭ ﺍﻟﻴﻮﻡ ﻋﺪﺍﻙ ﺗﻮﻟﻮﻧﻲ ..
ﺟﻨﺖ ﺍﻫﻴﺴﻨﻪ ﺣﺎﻳﻂ ﺷﻜﺜﺮ ﻣﺎ ﺍﺗﺄﺫﻯ ﻣﻨﻪ ﻟﺠﻦ ﻭﻛﺖ ﻣﺎ ﺍﻫﻮﻯ ﺍﺳﺘﻨﺪ ﺍﻋﻠﻴﻪ ﻭ ﻳﺴﻨﺪﻧﻲ، ﻻ ﺍﺧﻮ ﻳﻮﻛﻒ ﺑﻮﺟﻬﻲ ﻭﻻ ﺧﻮﺍﻥ .. ﻃﺎﺡ ﻭﻃﻠﻌﻮ ﺍﻟﺠﺎﻧﻮ ﺿﺎﻣﻴﻦ ﺭﻭﺳﻬﻢ ﻭ ﻣﺎ ﻳﺤﺠﻮﻥ ﺟﻠﻤﺔ ﺑﻮﺟﻮﺩﻩ .
ﺩﺷﻴﺖ ﺍﻟﻘﺼﺮ .. ﺩﻳﻮﺍﻧﻪ ﻛﻠﻪ ﻧﺴﻮﺍﻥ ﻏﺮﺑﺔ
ﺣﺲ ﻛﻮﺍﻏﺪ ﻃﺎﻟﻊ ﻭ ﻫﻲ ﺗﻨﻌﻰ .. ﺩﻧﺠﻴﺖ ﺭﺍﺳﻲ ﻣﺎ ﻋﺎﻳﻨﺖ ﺍﺣﺪ .. ﻭﻣﺸﻴﺖ ﻟﺤﺠﺮﺓ ﺍﺑﻮﻱ ، ﻛﺮﺑﻴﺖ ﻟﻔﺮﺍﺷﻪ .. ﺟﺮﻳﺖ ﺍﻟﺴﻜﻤﻠﻲ ﻭﻛﻌﺪﺕ ﺍﺗﻨﻮﻉ ﻟﻤﭽﺎﻧﻪ .
- ﺫﻭﻝ ﺍﺧﻮﺗﻲ ﺍﻟﻜﺘﻠﻲ ﺷﺪ ﻇﻬﺮﻙ ﺑﻴﻬﻢ ﺑﻮﻳﻪ ، ﺫﻭﻟﻪ ﻋﻤﺎﻣﻲ ﺍﻟﻜﻠﺖ ﺷﻴﺮﻫﻢ ﻭ ﺷﺎﻭﺭﻫﻢ .. ﺫﻭﻝ ﺍﻫﻠﻚ .
ﺩﻛﺔ ﺍﻋﻠﻰ ﺩﻛﺔ ﺍﻫﻴﺲ ﺭﺍﺳﻲ ﻣﺎ ﻛﺎﻡ ﻳﻔﺮﺯﻥ ﺍﻣﻮﺭﻩ ، ﻛﻠﺸﻲ ﻋﺪﻱ ﺍﺧﺘﻠﻂ .. ﺍﻟﻮﺍﺟﺐ ﺍﻋﻠﻴﻪ ﻫﺴﺎﻉ ﺍﻛﻀﻦ ﺯﻧﺎﺩ ﻭ ﺍﻃﺮﺩﻧﻪ ﻣﻦ ﺍﻟﻔﺎﺗﺤﺔ ﻭ ﺍﺫﺑﻪ ﻣﻦ ﺍﻟﻌﺸﻴﺮﺓ ﻭ ﺍﻧﺎ ﺍﻋﺮﻑ ﺍﺑﻮﻱ ﻋﻬﺪﻟﻲ ﻣﺠﺎﻧﺔ ﻭ ﻣﻀﻴﻔﺔ .. ﻟﺠﻦ ﻭﺻﻴﺘﻪ ﻻ ﺗﺘﺼﺮﻑ ﺍﻻ ﺗﺒﺎﺕ ﺑﻤﺼﻴﺒﺘﻚ ﻳﻮﻡ ..
( ﺑﻮﻳﻪ ﺳﺮﺣﺎﻥ ﻻ ﺗﺸﻤﺖ ﻋﺪﺍﻱ ﺑﻴﻪ )
ﺍﻧﺪﻛﺖ ﺍﻟﺒﺎﺏ ، ﺷﻠﺖ ﺭﺍﺳﻲ ﻭ ﺍﻧﺎ ﺍﻓﺮﻙ ﺑﻮﺟﻬﻲ : ﻳﺎﺍﺍﺍﻫﻮ
ﻓﺘﺤﺖ ﺍﻟﺒﺎﺏ ﺑﺸﺮﻯ : ﺭﺍﻳﺪﻳﻨﻚ ﻏﺎﺩ
- ﻛﻠﻴﻠﻬﻢ ﺟﺎﻱ .
ﻛﻤﺖ ﻣﻦ ﻣﭽﺎﻧﻲ ﻋﺪﻟﺖ ﻫﻨﺪﺍﻣﻲ ، ﻣﺴﺤﺖ ﻋﻠﻰ ﻟﺤﻴﺘﻲ ﻭ ﻋﻠﻰ ﺷﻌﺮﻱ .. ﻭ ﻟﻔﻴﺖ ﺍﻟﺸﻤﺎﻍ ﻋﻠﻰ ﺭﻛﺒﺘﻲ .. ﻓﻜﻴﺖ ﺍﻟﺒﺎﺏ ﻭ ﺟﺎﻱ ﺍﻃﻠﻊ ﻋﺮﺿﺖ ﻫﺪﻭﺓ ﺟﺪﺍﻡ ﻋﻴﻨﻲ ... ﺧﺬﻳﺖ ﻧﻔﺲ ﺑﺸﻮﻓﻬﺎ ﻭ ﻛﻠﺖ ﺍﻟﻬﺎ : ﺷﻠﻮﻧﺞ ﺑﻮﻳﻪ ، ﺷﻠﻮﻥ ﻋﻠﻮﻣﺞ .
ﻫﺰﺕ ﺭﺍﺳﻬﺎ ﻭ ﺑﺴﺎﻉ ﺗﺠﻤﻌﺖ ﺩﻣﻮﻋﻬﺎ ﺑﻌﻴﻨﻬﺎ ﻭﺭﺍﺭﻥ ..
ﻇﻠﻴﺖ ﻣﻮﭼﺪ ﺑﻌﻴﻮﻧﻬﺎ ... ﺍﺗﻼﻣﻌﻦ ﺍﻟﺪﻣﻮﻉ ﺑﻌﻴﻨﻲ ﻭ ﺍﻧﺎ ﺍﺷﻮﻓﻨﻬﺎ .. ﻭﻻ ﺟﻨﻬﺎ ﻫﺪﻭﺓ ﺫﻳﺞ ، ﻓﺮﺍﻛﻲ ﻣﺎﺧﺬ ﻣﻦ ﺣﻴﻠﻬﺎ ﻫﻮﺍﻱ .
ﺗﻤﻨﻴﺖ ﻫﻨﺎ ﻭ ﻳﻮﻛﻒ ﺑﻴﻪ ﺭﻳﻞ ﺍﻟﺒﻴﻦ ، ﻭ ﺍﻧﺴﻰ ﺍﻟﺴﻠﻒ ﻭ ﺍﻟﻨﺎﺱ ﻭ ﺍﻟﺨﻮﺍﻥ ﻭ ﺍﺣﻂ ﺑﻤﺤﻄﺔ ﺷﻮﻓﻬﺎ ﻭﺍﺭﺗﻊ ﺑﺮﺳﻮﻣﻬﺎ ...
ﻣﺎ ﺣﺠﺖ ﻟﺠﻦ ﺍﺩﻣﻮﻋﻬﺎ ﺟﺎﻥ ﻳﺤﺠﻦ ﻭ ﻛﻞ ﻧﻈﺮﺓ ﻣﻦ ﻋﻴﻮﻧﻬﺎ ﺍﻫﻴﺲ ﺗﺴﺄﻟﻨﻲ ( ﻟﻴﺶ ؟ ) ﻭ ﻟﺤﻈﺔ ﻋﺘﺎﺑﺔ ﻣﺮﺕ ﺍﺣﻠﻰ ﻋﻴﻮﻧﺎ ﺣﻈﻨﺖ ﺷﻮﻑ ﺑﺸﻮﻑ .
ﺩﺭﺕ ﻋﻨﻬﺎ ﻭ ﺍﻧﺎ ﺍﻗﻔﻞ ﺍﻟﺒﺎﺏ ﻣﺎﻝ ﺣﺠﺮﺓ ﺍﻟﺸﻴﺦ ، ﻛﺮﺑﺖ ﻣﻨﻲ ﺑﺸﺮﻯ ، ﻭ ﻫﺪﻭﺓ ﻭﺭﺍﻱ ، ﺣﺠﻴﺖ : ﺣﺠﺮﺓ ﺍﻟﺸﻴﺦ ﻣﻤﻨﻮﻉ ﻣﻨﻌﺎ ﺑﺎﺗﺎ ﺍﺣﺪ ﻳﻜﺮﺑﻬﺎ ﻭﺍﻟﻘﻔﻞ .. ﺧﻮﺵ ؟
- ﺧﻮﺵ
ﺣﺠﺘﻬﺎ ﻭ ﻋﻴﻨﻬﺎ ﺍﻋﻠﻰ ﻫﺪﻭﺓ ﺍﻟﺘﺤﺲ ﺑﺪﻣﻮﻋﻬﺎ ..
ﻃﻠﻌﺖ ﻣﻦ ﺍﻟﻤﺠﺎﻥ ﻛﻠﻪ .. ﻟﻜﻴﺖ ﺭﺣﻴﻢ ﻭ ﺣﺎﻛﻢ ﻭﺍﻛﻔﻴﻦ ﺑﺎﻟﺒﺎﺏ : ﻭﻳﻨﻚ ﻳﻤﻌﻮﻭﻭﻭﻭﺩ
- ﻣﻮﺟﻮﺩ
- ﺭﺍﺡ ﺗﺴﻜﺖ ؟
- ﻻ ﻣﺎ ﺭﺍﺡ ﺍﺳﻜﺖ .. ﺑﺲ ﻣﻮﺵ ﻭﻛﺘﻪ
- ﺟﺎ ﻳﻤﺘﻰ ﻭﻛﺘﻪ ؟ ﺍﺣﻜﻢ ﺑﺰﻧﺎﺩ ﻭﻃﺮﺩﺓ ﻣﻦ ﺍﻟﻔﺎﺗﺤﺔ .. ﻫﺎﺫ ﺭﺩﻱ ﻭﺩﻙ ﺍﻟﺮﺩﻳﺔ ﻭﻛﺴﺮ ﺟﻠﻤﺔ ﺍﺑﻮﻩ .
- ﻓﺎﺗﺤﺔ ﺍﺑﻮﻱ ﺗﻬﻤﻨﻲ ﺍﺯﻭﺩ ﻣﻨﻪ ، ﻣﺎ ﺍﺭﻳﺪ ﺍﺧﻠﻲ ﺍﻟﻮﺍﺩﻡ ﺗﺘﺸﻤﺖ ﺑﻴﻨﺎ ﻫﺴﺎﻉ .. ﻧﺼﺒﺮ ﻭ ﻟﻴﻤﺎ ﺗﻔﺾ ﺍﻟﻔﺎﺗﺤﺔ ﺫﻳﺞ ﺍﻟﺴﺎﻋﺔ ﺗﺘﺼﺮﻑ .
ﺭﺣﻴﻢ : ﺩﻙ ﺍﻟﺤﺪﻳﺪ ﻭ ﻫﻮ ﺣﺎﻣﻲ ﻳﺴﺮﺣﺎﻥ ، ﻳﻮ ﺧﻠﺼﺖ ﺍﻟﻔﺎﺗﺤﺔ ﻳﻼﻭﻭﻧﻚ .. ﺧﺰﻳﻬﻢ ﻭ ﺷﻬﺪﻫﻢ ﺑﻮﺻﻴﺖ ﺍﺑﻮﻙ .
- ﺟﺎ ﻣﺎ ﻓﺮﻛﺖ ﻋﻨﻪ ؟ ﺍﺑﻮﻱ ﺍﻟﻮﺻﺎﻧﻲ ﻣﺎ ﺍﺷﻤﺖ ﻋﺪﺍﻩ ﺑﻴﻪ ﺍﻛﻮﻣﻦ ﺍﻃﺮﺩ ﺍﺧﻮﻱ ﻣﻦ ﻓﺎﺗﺤﺘﻪ .. ﻣﺎ ﺑﻴﺪﻱ ﺷﻲ ﻏﻴﺮ ﺍﺻﺒﺮ ﻟﻴﻤﺎ ﺗﻔﺾ ﺍﻟﻔﺎﺗﺤﺔ
ﺧﻨﺠﺮ : ﺍﻣﺮﻧﻲ ﺑﻴﻬﻢ ﻭ ﺧﻠﻨﻲ ﺍﻭﺫﺭﻫﻢ .
- ﻛﺾ ﺭﻭﺣﻚ ﻳﺰﻧﺎﺩ .. ﻣﺎ ﺍﺭﻳﺪﻧﻚ ﺗﺘﻬﻮﺭ ﺑﻴﻬﻢ .
ﻣﺸﻴﺖ ﺟﺪﺍﻣﻬﻢ ﻭ ﻫﻢ ﺗﺒﻌﻮﻧﻲ .. ﻣﺮﻳﺖ ﻣﻦ ﻛﻔﺎ ﺍﻟﻔﺎﺗﺤﺔ ﻋﻤﻲ ﻭ ﺯﻧﺎﺩ ﺻﺎﺑﻴﻠﻬﻢ ﻏﺪﺍ ﻭ ﻛﺎﻋﺪﻳﻦ ﻳﺎﻛﻠﻮﻥ .. ﺳﺎﻋﺔ ﺍﻟﻤﺮﻳﺖ ﻣﻨﻬﻢ ﻣﺎ ﺷﻠﺖ ﻋﻴﻨﻲ ﺍﻟﻬﻢ .. ﺗﻌﺪﻳﺘﻬﻢ ﻣﻬﺎﻣﺴﻬﻢ ﻭﺭﺍﻱ .
ﺩﺷﻴﺖ ﻟﻠﻔﺎﺗﺤﺔ .. ﺗﻮﻧﻲ ﺟﺎﻱ ﺍﻛﻌﺪ .. ﺍﺟﺖ ﻋﺮﺍﺿﺔ ﻣﻦ ﺑﻌﻴﺪ ﻭ ﺷﺎﻳﻠﻴﻦ ﺑﻴﺎﺭﻍ ﺣﻤﺮ ﻭ ﺳﻮﺩ ﻭ ﻋﻠﻴﻬﺎ ﺍﺳﻤﺎﺀ ﻋﺸﺎﻳﺮﻫﻢ ﻭ ﻳﻬﻮﺳﻮﻥ ( ﺑﺨﻴﺖ ﺍﻟﭽّﻠﺐ ﻭﻱ ﺫﻭﻟﻪ )
ﺣﺠﻪ ﺭﺣﻴﻢ : ﻛﻮﻡ ﺑﺴﺎﻉ ﻋﺮﺏ ﺍﻝ ﻣﻨﻌﻢ ﺍﺟﻮ ..
ﻋﺪﻟﺖ ﻧﻔﺴﻲ ﻭ ﻛﻤﺖ ﻭ ﺍﺯﻻﻣﻨﺎ ﻃﻠﻌﺖ ﺗﻬﻮﺱ ﻭﻳﺎﻫﻢ ﻭ ﺗﺪﺑﺞ .. ﻭﻛﻒ ﺍﻟﺸﻴﺦ ﻣﻨﻌﻢ .. ﻭﻛﺎﻣﻮ ﺍﺯﻻﻣﻪ ﻳﺬﺑﻮﻥ ﻫﻮﺳﺎﺕ ﻣﺪﺡ ﺑﺎﻟﻤﺮﺣﻮﻡ ﺍﻟﺸﻴﺦ .
ﺧﻠﺼﻮ ﻋﺮﺍﺿﺘﻬﻢ ﺳﻠﻢ ﺍﻋﻠﻴﻪ ﺍﻟﺸﻴﺦ ﻭ ﺣﻂ ﺍﻳﺪﻩ ﺑﻴﺪﻱ ، ﻭ ﻓﺮ ﺑﻌﺪﻱ ﺍﻋﻠﻰ ﺍﻟﻔﺎﺗﺤﺔ ﻓﺮﻫﺎ .. ﻛﻌﺪ ﻭ ﺻﺎﺡ ( ﺍﻟﻔﺎﺗﺤﺔ ﻳﺮﺣﻤﻜﻢ ﺍﻟﻠﻪ )
ﺭﻓﻌﻨﺎ ﺗﺪﻳﻨﺎ ﻭﻗﺮﻳﻨﺎ .. ﺧﻠﺼﻨﺎ ﻣﺴﺤﻨﺎ ﻭﺟﻮﻫﻨﺎ ، ﺭﻓﻊ ﺍﻳﺪﻩ ﺍﻟﺸﻴﺦ ﻭﺻﺎﺡ : ﺍﻟﻠﻪ ﺑﺎﻟﺨﻴﺮ
- ﺍﻟﻠﻪ ﺑﺎﻟﺨﻴﺮ ﻭ ﺍﻟﺮﺣﻤﺔ .
ﻛﻌﺪﻧﺎ ﻧﺘﻨﺎﻗﺶ ﺑﻮﺿﻊ ﺍﻟﻌﺮﺍﻕ ﺍﻟﺤﺎﻟﻲ .. ﻭﻣﻮﻗﻒ ﺍﻟﻨﺎﺱ ﻭ ﺍﻟﻌﺸﺎﻳﺮ ﻣﻨﻪ .. ﺗﺮﺧﺼﻮﺍ ﻭﺭﺍﺩﻭ ﻳﻄﻠﻌﻮﻥ ﻛﺮﺏ ﺍﻋﻠﻴﻪ ﺍﻟﺸﻴﺦ ﻣﻨﻌﻢ ﺣﻄﻪ ﺍﻳﺪﻩ ﺑﻴﺪﻱ ﻭ ﺳﻠﻢ ﻭ ﻛﺮﺏ ﺭﺍﺳﻪ ﻟﻴﻪ : ﺻﻜﺪ ﺍﻟﺴﻤﻌﻴﺘﻪ ﻳﻮ ﻻﻟﻪ .. ﺯﻧﺎﺩ ﻫﻮ ﺷﻴﺦ ﺍﻟﻤﻀﻴﻒ ﺑﺴﻴﻄﺔ ﺍﻥ ﺷﺎﺀﺍﻟﻠﻪ ﻧﺨﻠﺺ ﺍﻟﻔﺎﺗﺤﺔ ﻭ ﻧﻔﻀﻬﺎ .
- ﺍﺑﻮﻙ ﻣﻮﺻﻲ ﺍﻟﺸﻴﺨﺔ ﻟﻴﻚ ﻳﻮ ﺍﻟﻪ .
- ﻻ ﻃﺒﻌﺎ ﻭﺻﺎﻧﻲ ﻭﻭﺻﺎﻳﺎ ﺟﺜﻴﺮﺓ ، ﻟﺠﻦ ﻋﻤﺎﻣﻲ ﺑﺎﺧﺮ ﻓﺘﺮﺓ ﺗﻜﺎﻃﻌﻮ ﻭﻳﺎ ﺍﺑﻮﻱ .. ﻭﻣﺎ ﺟﺎﻱ ﺍﻓﺘﻬﻢ ﺷﻨﻬﻲ ﻏﺎﻳﺘﻬﻢ ﺑﺲ ﻣﺤﻠﻮﻟﺔ ﺍﻥ ﺷﺎﻟﻠﻪ .
- ﺍﻳﺪﻧﺎ ﻭﻳﺎﻙ ﻭﺣﻂ ﺍﺑﺎﻟﻚ ﻳﻮ ﺍﻋﺘﺎﺯﻳﺖ ﺍﻟﻌﻮﻧﺔ ﺍﻣﺘﻨﻮﻩ ﺷﻴﺎﻟﺔ ﻭ ﺍﺭﻛﺎﺑﻨﺎ ﺳﺪﺍﺩﺓ .
- ﻭﺍﻟﻨﻌﻢ ﻣﻨﻚ ﻭ ﺛﻠﺚ ﺗﻨﻌﺎﻡ .. ﻣﺎ ﺗﻘﺼﺮ ﺷﻴﺦ ﻭ ﻋﻠﻰ ﺭﺍﺳﻲ .
- ﺩﺍﻳﻢ ﺭﺍﺳﻚ ﻣﺮﻓﻮﻉ .. ﻳﺎﻟﻪ ﻋﺰ ﺍﻟﻠﻪ ﻣﺼﺎﺑﻜﻢ .
- ﺍﻟﻠﻪ ﻳﺴﻠﻤﻚ .
ﻃﻠﻊ ﻣﻦ ﺍﻟﻔﺎﺗﺤﺔ ﻭ ﺍﻧﺎ ﺍﻋﺎﻳﻦ .. ﺍﻟﻐﺮﺑﺔ ﺍﺧﻴﺮ ﻣﻦ ﺍﻟﻜﺒﺮﺓ .. ﻛﺮﺍﻳﺒﻲ ﻭﺍﺣﺪﻫﻢ ﻧﺎﺑﺰ ﺑﻜﺘﺮﻱ ﺟﻨﻪ ﺳﺠﻴﻦ ﺑﺨﺎﺻﺮﺗﻲ .
ﻋﻠﻰ ﺣﺲ ﻛﺮﻳﻢ ﻭ ﻫﻮ ﻳﺼﺮﺥ : ﻳﺎﺑﻮﻭﻭﻭﻭﻭﻭﻭﻭﻭﻭﻭﻭﻭﻭﻳﻪ ، ﻭﻟﻚ ﺑﻮﻭﻭﻭﻭﻭﻭﻭﻭﻭﻭﻳﻪ
ﺭﻛﻀﺖ ﻟﻴﻪ ﻭ ﺗﻠﻜﻴﻨﺎﻩ ﺫﺏ ﺭﻭﺣﻪ ﺍﻋﻠﻴﻪ ﻭ ﺻﺎﺡ : ﺭﺍﺡ ﻭﻟﻚ ﺳﺮﺣﺎﻥ ﺭﺍﺡ ﻭ ﻣﺎ ﺭﺍﺿﻲ ﻋﻨﻴﻴﻴﻴﻴﻲ ، ﻳﺎﺍﺍﺍﺍﺍﺑﻮﻳﺔ
ﺣﻀﻨﺘﻪ ﻭﻛﻤﺖ ﺍﺑﺠﻲ ﻭﻳﺎﻩ ، ﺣﺴﻴﺖ ﺩﻣﻮﻋﻚ ﻭ ﻛﺘﻠﻪ : ﻛﻮﻝ ﻳﺎﻟﻪ ﺧﻮﻳﺔ .. ﺍﺗﺮﺣﻤﻠﻪ ﻭ ﺍﺩﻋﻴﻠﻪ ﺑﺎﻟﻤﻐﻔﺮﺓ .. ﻭﺭﺍﺿﻲ ﻋﻨﻚ ﺍﻥ ﺷﺎﻟﻠﻪ
- ﺣﺎﻭﻟﻴﺖ ﺍﺷﻮﻓﻨﻪ ﺟﻢ ﻣﺮﺓ .. ﻭﻫﻮ ﻣﺎ ﺭﺿﻰ ﻳﺸﻮﻓﻨﻲ ، ﺷﻜﺜﺮ ﺭﺩﺕ ﻣﻨﻪ ﻳﺴﺎﻣﺤﻨﻲ ﻭ ﻣﺎ ﺩﺍﺭﻟﻲ ﻳﺴﺮﺣﺎﻥ ، ﺭﺍﺡ ﺍﺑﻮﻱ ﻭ ﻫﻮ ﻣﻐﻀﺐ ﺍﻋﻠﻴﻪ .
ﺳﻨﺪﺗﻪ ﻭ ﻛﻠﺘﻠﻪ : ﺷﺪ ﺣﻴﻠﻚ ﻭ ﺍﻭﻛﻒ ﺑﻔﺎﺗﺤﺘﻪ
ﻭﻛﻒ ﺯﻧﺎﺩ ؛ ﺍﺑﻮﻱ ﻣﺘﺒﺮﻱ ﻣﻨﻪ ﻭ ﻣﺎ ﻳﺮﺿﻰ ﺑﺪﺷﺘﻪ ﻟﻘﺼﺮﻩ ﻭ ﻣﻀﻴﻔﻪ ﺷﻠﻮﻥ ﺗﺮﺿﻰ ﺩﺷﺖ ﺍﺧﻮﻧﺎ ﺍﻟﻔﻀﻞ ﺍﻟﻜﺎﻭﻟﻴﻪ ﺍﻋﻠﻰ ﺍﺑﻮﻱ ، ﻭ ﺟﺎﻱ ﺍﺩﺧﻠﻪ .
ﻛﻀﻴﺘﻪ ﻭ ﺿﺮﺑﺖ ﻋﻠﻰ ﺻﺪﺭﻩ ﻭ ﺟﺮﻳﺘﻪ ﻟﻴﻪ ﺣﻴﻞ ﻭ ﻛﻠﺘﻠﻪ : ﺧﻠﻨﻲ ﺳﺎﻛﺖ ﻋﻨﻚ ﻭﻻ ﺗﺨﻞ ﻏﻴﻀﻲ ﻳﻨﻔﺠﺮ ﻭ ﺍﻛﻮﻣﻦ ﺍﻃﺮﺩﻧﻚ ﺍﻧﺖ ﻣﻮﺵ ﻫﻮ .. ﺍﺑﻌﺪ ﻋﻨﻲ ﻭ ﺧﻠﻨﻲ ﺻﺎﺑﺮ ﻟﻴﻤﺎ ﺗﻔﺾ ﺍﻟﻔﺎﺗﺤﺔ .
ﻛﺮﻳﻢ ﻇﻞ ﻳﻌﺎﻳﻦ ﻟﻴﻪ : ﺍﻧﺖ ﺷﻤﺎﻟﻚ ؟
- ﺟﺎﻥ ﻇﻠﻴﺖ ﺑﻜﺘﺮ ﻣﺮﺗﻚ ﻋﻠﻴﺶ ﻛﻠﻔﺖ ﺭﻭﺣﻚ ﻟﻔﺎﺗﺤﺘﻪ .
ﺳﺮﺣﺎﻥ : ﺷﻔﺖ ﻛﺮﻳﻢ ﺭﺍﺩ ﻳﺤﺠﻲ ﺍﺷﺮﺕ ﻟﺰﻻﻣﻨﺎ ﻭﺟﺮﻳﺘﻪ ﻣﻦ ﺍﻳﺪﻩ ﻭ ﻛﻠﺖ ﺍﻟﻪ : ﺗﻔﻀﻞ ﺧﻮﻳﺔ ﺗﻔﻀﻞ .
ﻛﻌﺪ ﻭ ﻫﻮ ﻳﺒﺠﻲ ﺑﺎﻟﻔﺎﺗﺤﺔ ﻭ ﻳﺬﻛﺮ ﺍﺑﻮﻱ ﻭ ﻳﺤﺠﻲ ﺑﻨﺪﻡ ﻋﻠﻰ ﺳﺎﻋﺎﺕ ﺍﻟﻔﺎﺭﻛﻪ ﺑﻴﻬﻦ ﻭ ﻣﺎ ﻇﻞ ﺣﺬﺍﻩ
ﻇﻠﻴﺖ ﺍﻭﺍﺳﻲ ﺑﻴﻪ . ﺣﺲ ﺩﻣﻮﻋﻪ ﻭ ﻛﺎﻝ : ﺷﺼﺎﻳﺮ ﺑﻴﻨﻚ ﻭ ﺑﻴﻦ ﺯﻧﺎﺩ .
- ﺯﻧﺎﺩ ﺗﻤﺎﺩﻯ ﻭ ﺩﺍﺱ ﺍﻋﻠﻰ ﻛﻠﺸﻲ ﻭ ﻟﺰﻭﻡ ﻳﻨﺮﺩ
- ﺷﻨﻬﻮ ﺍﻟﺼﺎﻳﺮ ؟
- ﻧﺼﺒﻮ ﻋﻤﺎﻣﻲ ﺷﻴﺦ
- ﺍﺑﻮﻱ ﻣﻮﺵ ﻭﺻﺎﻫﺎ ﻟﻴﻚ .
- ﺟﺎﻱ ﻳﻨﻜﺮﻭﻥ ﻭﺻﻴﺔ ﺍﺑﻮﻱ .. ﻟﺠﻦ ﻧﺎﻃﺮ ﺍﻟﻔﺎﺗﺤﺔ ﺗﺨﻠﺺ ﻭ ﻧﺤﺠﻲ .
- ﺷﻜﺜﺮ ﻧﺬﻝ ﻫﺎﺫ ، ﺍﻧﺎ ﺍﻛﻮﻣﻦ ﺍﺷﻮﻓﻦ ﺍﻣﻲ ﻭ ﺍﺧﻴﺘﻲ ..
- ﻣﺮﺗﻚ ﻭﻳﺎﻙ
- ﺍﻱ ﻭﻳﺎﻱ ، ﻟﺠﻦ ﻳﺎ ﺳﺮﺣﺎﻥ ﺷﺎﺑﻊ ﺿﻴﻢ
- ﻋﻠﻴﺶ ؟ﺷﻐﻠﻲ ﺣﻴﻞ ﻣﺘﻌﺒﻨﻲ ﻭ ﺍﻟﻜﻤﺔ ﻛﻮﺓ ﺟﺎﻱ ﺍﺣﺼﻠﻨﻬﺎ
- ﻛﺜﺮ ﺍﻟﺸﺮﺏ ﻳﻜﺮﻳﻢ ﻣﻜﻀﻲ ﻓﻠﻮﺳﻚ ﻋﻠﻰ ﺍﻟﺸﺮﺏ .
- ﻛﻠﻤﺎ ﺍﺣﺎﻭﻝ ﺍﻛﻄﻊ ﻳﺠﻲ ﺍﻟﻠﻴﻞ ﻭ ﺍﺭﺩﻥ ... ﻣﺎ ﺍﻛﺪﺭ ﻭ ﺗﻌﺒﺖ ﻏﺎﺩ ﺳﺮﺣﺎﻥ ﻛﻠﺶ ﺗﻌﺒﺖ .. ﻻ ﻫﻲ ﺩﻳﺮﺗﻲ ﻭﻻ ﻫﻲ ﻧﺎﺳﻲ .. ﺟﺰﻋﺖ ﺍﻟﻌﻴﺸﺔ ﻏﺎﺩ .
- ﺍﻟﻠﻪ ﻛﺮﻳﻢ ، ﺭﻭﺡ ﺷﻮﻑ ﺍﻟﻌﺎﻟﻴﺔ ﻭ ﻋﻮﺩ ﻧﺤﺠﻲ ﺑﻌﺪﻳﻦ .
ﻟﺜﺎﻟﺚ ﻳﻮﻡ ﺍﻟﻔﺎﺗﺤﺔ ﺟﺎﻥ ﺍﺿﺨﻢ ﻳﻮﻡ ﻭ ﻛﻠﺶ ﻣﺘﻌﺐ ... ﻧﺸﺘﻐﻞ ﻭ ﻣﺎ ﻧﻠﺤﻚ .. ﻧﺪﻫﺖ ﻋﻠﻲ ﺍﻣﻲ ﻭ ﻛﺎﻟﺖ : ﻳﻤﻪ ﺗﺮﺍﻫﺎ ﻛﻮﺍﻏﺪ ﺻﺎﺭﻟﻬﺎ ﺛﻠﺚ ﺗﻴﺎﻡ ﺗﻨﻌﻰ ﺑﺎﻟﻔﺎﺗﺤﺔ ﻭ ﻣﺎ ﻛﻄﻌﺖ ﺭﺟﻠﻬﺎ ﻭﻻ ﻓﺎﺭﻛﺖ ﺍﻟﺪﻳﻮﺍﻥ .. ﺑﻴﻀﺖ ﻭﺟﻮﻫﻨﺎ ﺑﻨﻌﺎﻭﻳﻬﺎ ﻟﺰﻭﻡ ﻧﻄﻴﻬﺎ ﺣﻜﻬﺎ .
- ﺗﺴﺘﺎﻫﻞ ﺍﻡ ﺳﺘﺎﺭ
ﺷﺎﻝ ﻭﺍﻧﻄﺎﻫﺎ .. ﻭﺣﺠﻪ : ﺳﻮﻳﻠﻲ ﻣﺠﺎﻝ ﺧﺎﻃﺮ ﺍﺩﺷﻦ ..
ﺟﺎﻱ ﺍﻣﺸﻲ ﺷﻔﺖ ﻭﺣﺪﺓ ﻣﻦ ﺍﻟﻴﺸﺘﻐﻠﻦ ﺑﻘﺼﺮﻧﺎ .. ﺗﺸﻴﻞ ﺑﺼﻨﺪﻭﻙ ﻣﺎﻟﺖ ﺑﺘﻴﺘﺔ ﻭ ﻛﻮﺓ ﺗﻨﺤﺜﻞ ﺑﻴﻪ ... ﻛﺘﻠﻬﺎ : ﻋﻨﺞ ﺑﻮﻳﻪ ﻫﺪﻱ ﺑﺎﻟﻜﺎﻉ .
ﺣﻄﺘﻪ ﺍﻋﻠﻰ ﺍﻟﻜﺎﻉ .. ﻭﺷﻠﺘﻪ ﺍﻧﺎ ﺧﻠﻴﺘﻪ ﺑﻤﺨﺰﻥ ﻏﺎﺩ ﺟﻮﺍ ﺑﺎﻟﻐﺼﺮ .. ﺍﻭﻝ ﻣﺎ ﺩﺷﻴﺖ ، ﻟﻜﻴﺖ ﺭﺍﺩﻳﻮﻥ ﻭ ﻫﺪﻳﺔ ﺟﻮﻳﻌﺪﺍﺕ ﻳﺴﻮﻟﻔﻦ .. ﻣﺸﻴﺖ ﻋﻨﻬﻦ ﻭ ﻫﻦ ﻭﻛﻔﻦ .. ﺣﻄﻴﺖ ﺍﻟﺼﻨﺪﻭﻙ ... ﺭﺍﺩﻳﻮﻥ ﻃﻠﻌﺖ ﻭ ﻫﺪﻳﺔ ﻇﻠﺖ ﻭﺍﻛﻔﺔ ﺑﺎﻟﺒﺎﺏ ﺗﺮﺩ ﺗﻤﺸﻲ ﻭ ﺗﻌﺎﻳﻦ ﻟﻴﻪ .
ﺍﻧﺪﺭﺕ ﺧﺎﻃﺮ ﺍﻃﻠﻊ ﻭ ﻫﻲ ﻣﻮﺟﻔﻪ ﺑﺎﻟﺒﺎﺏ ، ﻻ ﻫﻲ ﻃﺎﻟﻌﺔ ﻭﻻ ﻫﻲ ﺩﺍﺷﺔ ﻭﺑﻄﻨﻬﺎ ﻋﺎﻟﻴﺔ .. ﻣﺪﺭﻱ ﺷﺒﻼﻧﻲ ﻭ ﺭﺟﻔﺖ ﺍﻋﻀﺎﻱ ﺣﺬﺍﻫﺎ .. ﻟﺠﻦ ﺗﺪﺍﺭﻛﻴﺖ ﺍﻣﺮﻱ ﻭﺍﻧﺎ ﺍﻛﻠﻠﻬﺎ :
- ﻣﻦ ﺭﺧﺼﺘﺞ ﺧﻮﻳﺔ ﺑﺲ ﺍﻣﺮﻥ .
ﺑﺴﺎﻉ ﺷﺎﻟﺖ ﺭﺍﺳﻬﺎ ﻟﻴﻪ ﻭ ﻛﻀﺖ ﺑﺎﻃﺮﺍﻑ ﺍﻟﺒﺎﺏ .. ﻭ ﻣﻴﻠﺖ .. ﺣﺠﺖ : ﺟﻨﺖ ﺍﻇﻨﻨﻚ ﻭﻟﻒ ﻭ ﺍﻟﺰﻟﻢ ﻣﺎ ﺗﻬﺪ ﻭﻟﻮﻓﻬﺎ ﺑﺲ ﻳﺎ ﺣﻴﻔﻦ ﻋﺎﻟﻴﺎﻟﻲ ﺍﻟﻜﻀﻴﺘﻬﻦ ﺑﻄﺮﻭﺍﻙ .
ﺍﻧﺪﺭﺕ ﻟﻴﻬﺎ ﻭ ﻛﺘﻠﻬﺎ : ﺍﻧﺎ ﺍﺑﻦ ﺷﻴﻮﺥ ﺍﻟﻌﺐ ﺍﻋﻠﻰ ﺍﻟﻨﺴﻮﺍﻥ ، ﺍﺟﺎﺭﻳﻬﻦ ﺍﻣﺎﺷﻴﻬﻦ .. ﺍﻛﻀﻲ ﻭﻳﺎﻫﻦ ﻭﻛﺖ ﺍﻱ ﺑﺲ ﺑﺎﻻﺧﻴﺮ ﺍﺧﺬ ﺍﻟﺘﻌﺠﺒﻨﻲ ﻭ ﺍﻟﺘﻨﺎﺳﺒﻨﻲ ، ﺷﻴﻠﻴﻨﻲ ﻣﻦ ﺑﺎﻟﺞ ﻳﻬﺪﻭﺓ ﻭ ﺍﻧﺴﻲ ﺍﻳﺎﻡ ﺍﻟﻐﻮﻯ ﺗﺮﺍﻫﻦ ﺟﺎﻧﻦ ﺍﻳﺎﻡ ﻃﻴﺶ ﻭ ﻫﺴﺎﻉ ﺍﻧﺎ ﻭﻳﺎﺝ ﻛﻞ ﻭﺍﺣﺪ ﻟﻴﻪ ﺣﻴﺎﺗﻪ ﻭ ﻣﺴﺘﻘﺮ ﺑﻴﻬﺎ .. ﻻ ﺗﻔﺘﺤﻴﻦ ﺩﻓﺎﺗﺮ ﻋﺘﻚ ﻣﺎ ﻳﻨﻔﻊ ﺫﻛﺮﻫﻦ .
ﺣﺠﻴﺘﻬﺎ ﻭﻭﻛﻮﺓ ﻃﻠﻌﻦ ﻫﺎﻟﺠﻠﻤﺎﺕ ﻣﻦ ﺧﻠﻜﻲ ، ﺍﻫﻴﺲ ﺭﻭﻳﺤﺘﻲ ﺍﻧﻌﺼﺮﺕ ﺳﺎﻋﺔ ﺍﻟﻠﺠﻤﺖ ﺟﺮﻭﺣﻬﺎ ﺑﻬﺎﻟﺠﻠﻤﺎﺕ ، ﺷﻔﺖ ﻋﻴﻮﻧﻬﺎ ﺩﻣﻌﻦ ﺟﺪﺍﻣﻲ ﻭ ﻋﺰﺕ ﺍﻋﻠﻴﻬﺎ ﺗﻨﻄﻚ ﺟﻠﻤﺔ .
ﻣﺎ ﺗﺤﻤﻠﻴﺖ ﺍﺷﻮﻓﻦ ﻋﻴﻮﻧﻬﺎ ﻫﻤﺎﻻﺕ .. ﻛﻠﺸﻲ ﺍﺣﻤﻞ ﺍﻻ ﺍﺩﻣﻮﻋﻬﺎ .. ﺩﺭﺕ ﻣﻨﻬﺎ ﻭ ﺍﻧﺎ ﻛﻞ ﺍﻋﻀﺎﻱ ﺗﺘﺮﺍﺟﻒ ﻭ ﺍﻫﻴﺲ ﺍﻟﺒﺼﺪﺭﻱ ﺟﻦ ﺗﻌﻄﺐ .
ﻟﺠﻦ ﺍﻋﺮﻑ ﻫﻲ ﻇﺎﻟﻪ ﺍﻋﻠﻰ ﺍﻃﻼﻝ ﻋﺸﻜﻲ .. ﻭ ﺍﻧﺎ ﺍﻋﺮﻑ ﺩﺭﺑﻨﺎ ﻣﺎﻣﺶ ﺍﻣﻞ ﺑﻴﻪ ، ﻋﻠﻴﺶ ﻣﻮﻫﺪﻧﻪ ﺣﻴﺎﺗﻬﺎ ﻭ ﻫﻲ ﺗﺘﺎﻣﻞ ﺗﺮﺩ ﻟﻴﻪ ، ﺧﻠﻬﺎ ﺗﺤﻘﺪ ﺍﻋﻠﻴﻪ ﻭ ﺗﺘﻮﺍﻟﻢ ﻭﻳﺎ ﺣﻴﺎﺗﻬﺎ ﻭﺗﻨﺴﺎﻧﻲ .
ﺣﺠﺖ : ﺷﻜﺜﺮ ﻓﺮﻕ ﺑﻴﻦ ﺣﺠﻲ ﺍﻟﻜﺒﻞ ﻭ ﺣﺠﻲ ﺍﻟﻴﻮﻡ
ﻛﺒﻞ .. ﻻ ﺗﻬﺪﻳﻦ ﺍﻳﺪﻱ ﻳﻬﺪﻭﺓ
ﻭﻫﺴﺎﻩ .. ﺍﻧﺴﻲ ﺍﻳﺎﻡ ﺍﻟﻐﻮﻯ
ﺍﻧﺎ ﻳﻮ ﻛﻠﺒﻲ ﻳﻨﻄﻴﻨﻲ ﺟﺎ ﺩﻋﻴﺖ ﻋﻠﻴﻚ ﺑﺲ ﻭﺍﻟﻠﻪ ﻛﻠﺒﻲ ﻣﺎ ﻳﻨﻄﻴﻨﻲ .
ﻣﺎ ﺩﺭﺕ ﻟﻴﻬﺎ ﻫﺪﻳﺘﻬﺎ ﻭﺭﺍﻱ ﺑﺲ ﺷﻌﻠﺘﻨﻲ ﺑﺠﻠﻤﺎﺗﻬﺎ ﻣﺎ ﺗﺤﻤﻠﻴﺖ .. ﺩﺷﻴﺖ ﻟﺤﺠﺮﺗﻲ ﻭ ﺍﻧﺎ ﺍﻓﺮﻙ ﺑﺼﺪﺭﻱ ، ﺍﻫﻴﺲ ﻛﻠﺒﻲ ﺍﺷﺘﻌﻞ ﻧﺎﺭ ﺩﻓﺮﺕ ﺍﻟﻤﻴﺰ ﺑﺮﺟﻠﻲ ﺑﻼ ﻭﻋﻲ .. ﺻﺎﺭ ﺻﻮﺕ ﻗﻮﻱ .. ﻓﺰ ﻣﺄﻣﻮﻥ ﻣﻦ ﻣﺠﺎﻧﺔ .. ﺍﻧﺪﺭﺕ ﻟﻴﻪ ﻛﺎﻡ ﻳﺒﺠﻲ ﺷﻠﺘﻪ ﺣﺒﻴﺘﻪ ﺑﺮﺍﺳﻪ ﻭ ﻃﻠﻌﺖ ﻭ ﺍﻧﺎ ﺍﺻﻴﺤﻦ ﺑﺒﺸﺮﻯ ﺧﺎﻃﺮ ﺗﺠﻲ ﻟﻴﻪ .
ﻣﺸﻴﺖ ﺑﺮﺍ ﻭ ﻫﻢ ﺟﺎﻋﺪ ﻳﻨﺰﻟﻮﻥ ﺍﻟﺠﻮﺍﺩﺭ .. ﻭﻛﻔﺖ ﺍﻋﻠﻰ ﺭﺍﺱ ﺍﻟﺪﻳﻮﺍﻥ ﻭ ﺍﺧﺬﺗﻠﻲ ﻧﻈﺮﺓ ﺍﻋﻠﻰ ﺑﻴﻮﺕ ﺍﻟﺴﻠﻒ .. ﺍﺧﺬﺕ ﺣﺴﺮﺓ ...
ﻻ ﻭﻟﻒ
ﻻ ﺧﻮﺍﻥ
ﻻ ﻛﺮﺑﺔ ﺯﻳﻨﺔ
ﺍﻳﺎﻡ ﻛﻤﺖ ﺍﻫﻴﺲ ﺑﺮﻭﺣﻲ ﻛﻠﺶ ﻏﺮﻳﺐ ﺑﻬﺎﻱ ﺍﻟﺪﻧﻴﺎ ﻭﻣﺎﻟﻲ ﻣﺠﺎﻥ ﺑﻴﻬﺎ ، ﺟﻨﺖ ﻣﺘﻨﻲ ﺍﻟﻠﻪ ﻳﺎﺧﺬ ﻋﻤﺮﻱ ﻭﻳﻌﻮﻑ ﺍﺑﻮﻱ .
ﻟﻤﺎ ﺍﻻﻧﺴﺎﻥ ﺗﺘﻮﺍﻟﻰ ﻋﻠﻴﻪ ﺧﻴﺒﺎﺕ ﺍﻻﻣﻞ
ﻳﻨﺎﻡ ﺍﻋﻠﻰ ﺧﻴﺒﺔ ﻭ ﻳﺼﺤﻰ ﺍﻋﻠﻰ ﺧﻴﺒﺔ
ﻳﻮﺻﻞ ﻣﺮﺣﻠﺔ ﻳﻴﺄﺱ ﻣﻦ ﻛﻠﺸﻲ ﺑﺤﻴﺎﺗﻪ ﻭ ﻳﺴﺄﻟﻦ ﻧﻔﺴﻪ : ﺍﻧﺎ ﺷﻌﺪﻱ ﺑﻬﺎﻱ ﺍﻟﺪﻧﻴﺎ ﻭﻟﻴﺶ ﺣﺼﺘﻲ ﻣﻨﻬﺎ ﺑﺲ ﺍﻟﻘﻬﺮ ، ﻳﺤﺴﺪﻭﻧﻲ ﺍﻋﻠﻰ ﻣﺠﺎﻧﻲ ﺍﺑﻦ ﺷﻴﺦ ﻭﺍﺑﻦ ﻗﺼﺮ ﻭﺍﻧﺎ ﺑﺲ ﺍﻟﻜﺴﺮﺍﻥ ﻭﺍﻟﺨﺬﻻﻥ ﻧﺼﻴﺒﻲ ﻣﻦ ﻫﺎﻱ ﺍﻟﺪﻧﻴﺎ .
ﺗﻨﻬﺪﺕ ﺧﻨﺠﺮ ﻭﻛﻒ ﺍﻋﻠﻰ ﻳﻤﻨﺘﻲ ، ﺩﺭﺕ ﻟﻴﻪ : ﻟﻴﺶ ﺟﺎﻱ ﻳﺼﻴﺮ ﻫﻴﺞ ﻭﻳﺎﻱ ، ﻛﻠﺸﻲ ﺍﺭﻳﺪﻧﻪ ﻳﺼﻴﺮ ﺑﻌﻜﺲ .
- ﻫﺎﺫ ﺍﻟﻄﻴﺐ ﻳﺴﺮﺣﺎﻥ ﺍﻟﺪﻧﻴﺎ ﺗﺮﻳﺪ ﺍﻟﺼﻠﻒ ﻭ ﺍﻟﻨﺎﺱ ﺗﻘﺪﺭ ﺍﻟﺤﻘﻴﺮ .. ﻭ ﺗﺬﻝ ﺍﻟﻴﺘﻮﺍﺿﻌﻠﻬﺎ ... ﻭ ﺍﻟﻴﻤﺶ ﻭﻳﺎﻫﺎ ﻋﺪﻝ ﺗﺴﺘﻬﻴﻦ ﺑﻴﻪ ﻭ ﺍﺩﻭﺱ ﺍﻋﻠﻴﻪ ..
ﻭﻛﻒ ﻛﺮﻳﻢ ﺑﻈﻬﺮﻱ : ﻻ ﺗﻈﻦ ﻣﺎﺕ ﺍﺑﻮﻱ ﻭ ﻇﻠﻴﺖ ﻭﺣﻴﺪ ، ﻭﻳﺎﻙ ﻟﻠﻤﻨﻴﺔ ﻭﻣﺎ ﺍﻫﺪﻧﻚ ...
ﺧﻨﺠﺮ : ﺍﻣﺮ ﻭ ﺍﺣﻨﺎ ﺣﺪﺭ ﻳﻤﻨﺎﻙ .
ﺍﺟﺎ ﺣﺎﻛﻢ .. ﻛﺮﺏ ﻭ ﻛﺎﻝ : ﺳﻠﻄﺎﻥ ﺭﺍﻳﺪ ﻳﺠﻲ ﻳﻌﺰﻳﻚ
- ﻫﻼ ﺑﻴﻪ .. ﺧﻞ ﻳﺠﻲ
ﺷﻮﻳﺔ ﻭ ﺍﺟﺎ ﺳﻠﻄﺎﻥ ﻭ ﺍﺯﻻﻣﻪ ﻳﻄﻠﻊ ﺑﻴﻬﻢ ٢٠ ﻭﺍﺣﺪ .. ﻣﺪ ﺍﻳﺪﻩ ﻭ ﺣﻄﻬﺎ ﺑﻴﺪﻱ ﻭﻛﺎﻝ : ﻏﺪﺭﻭﻙ ﻳﻮﻟﻴﺪ ﺛﺠﻴﻞ .
- ﺍﻫﻼ ﺍﺑﻮ ﻧﻌﻤﺔ ﺗﻔﻀﻞ
- ﻛﺘﻠﻚ ﺩﺍﻡ ﺑﻴﻚ ﺩﻡ ﻣﻦ ﺍﻝ ﺛﺠﻴﻞ ﻣﺎ ﻳﻄﻮﻫﺎ ﺍﻟﻚ .. ﺧﺎﻓﻦ ﺗﺼﻒ ﻭ ﺗﻤﻴﻞ ﻟﺨﻮﺍﻟﻚ .
- ﺧﻴﻮﺍﻥ ﻭ ﺳﻮﺀ ﻓﻬﻢ ﻭ ﻳﻨﺤﻞ ﺍﻥ ﺷﺎﺀﺍﻟﻠﻪ ، ﺍﺯﻧﺎﺩ ﺍﺧﻮﻱ ﻭ ﺣﺰﺍﻡ ﻇﻬﺮﻱ .. ﻣﺎ ﺑﻴﻨﺎ ﻏﺪﺭ ﺍﻥ ﺷﺎﻟﻠﻪ .
ﺳﻠﻄﺎﻥ : ﺟﺎﻱ ﺗﻐﺸﻢ ﺭﻭﺣﻚ ﻳﺴﻠﻄﺎﻥ ، ﺍﻥ ﺟﺎﻥ ﺛﺠﻴﻞ ﺭﺍﺡ ﺣﻜﻪ ﻣﻦ ﻛﻮﻥ ﺩﻭﺍﻱ ﻣﺎ ﻋﻬﺪﻫﺎ ﻟﻴﻪ ، ﻟﺠﻦ ﺍﺑﻮﻙ ﻭﺻﺎﻫﺎ ﻟﻴﻚ ... ﻻ ﺗﺨﻠﻬﻢ ﻳﺎﺧﺬﻭﻥ ﺣﻜﻚ ﻭ ﺍﺣﻨﺎ ﻭﻳﺎﻙ ﺯﻻﻡ ﺛﺠﻴﻞ ﺑﺨﻮﻳﻄﻬﻢ ﺍﻣﺮ ﻭ ﻫﺴﻪ ﻧﺤﻄﻠﻚ ﺭﻭﺳﻬﻢ ﺣﺪﺭ ﺟﺪﺍﻣﻚ ..
ﺗﻜﺮﺏ ﺍﺯﻧﺎﺩ ﻟﻠﻤﻀﻴﻒ ﻭ ﺻﺎﺡ : ﻳﺎ ﺣﻼ ﻧﺎﻣﺖ ﻋﻴﻦ ﺍﻟﺸﻴﺦ ﻭ ﺍﻝ ﺛﺠﻴﻞ ﺣﻠﻮ ﺑﺪﻳﺎﺭﻧﺎ .
ﺳﻠﻄﺎﻥ : ﺍﺑﻦ ﺍﻟﺤﻼﻝ ﺑﺬﻛﺮﻩ .. ﻛﺮﺏ ﻭﻣﺪ ﺍﻳﺪﻩ ﻟﺰﻧﺎﺩ .. ﺯﻧﺎﺩ ﻣﺎ ﻣﺪ ﺍﻳﺪﻩ ﻟﺴﻠﻄﺎﻥ ﻭﻭﻛﻒ ﺟﺪﺍﻡ ﻣﻀﻴﻒ ﺍﻟﺸﻴﺦ ﻣﻄﺮ ﻭ ﺣﺠﻪ : ﺷﻨﻬﻲ ﺍﻟﺮﺍﻱ ﻳﺒﻦ ﺍﻝ ﺛﺠﻴﻞ
- ﺟﻴﻨﺎ ﻧﺄﺩﻱ ﻭﺍﺟﺐ ﻟﻤﻨﺎ ﻭ ﺑﻴﻨﺎ .. ﻟﺠﻦ ﻓﻀﻠﻴﻨﺎ ﻣﺎ ﻧﺪﺵ ﺍﻟﻔﺎﺗﺤﺔ ﻭﻻ ﻧﻜﺮﺑﻬﺎ ..
ﺣﺠﺎﻫﺎ ﻭﺗﻜﺮﺏ ﻣﻦ ﺳﺮﺣﺎﻥ ﻭ ﺷﺎﻭﺭﻩ : ﺳﺎﻋﺔ ﺍﻟﺘﻘﺮﺭ ﺍﺣﻨﺎ ﻭﻳﺎﻙ .. ﻟﺠﻦ ﺑﺎﻟﻚ ﺗﻬﺪ ﺣﻜﻚ .. ﻭﻻ ﺗﻈﻦ ﺍﻧﺖ ﻭﺣﻴﺪ .
- ﻫﻼ ﺑﻴﻚ ﺍﺑﻮ ﻧﻌﻤﺔ ، ﻣﺎ ﺗﻘﺼﺮ .
ﺣﺠﺎﻫﺎ ﻭ ﺳﻠﻢ ﻭﺭﺍﺡ .. ﻭ ﺯﻻﻣﻪ ﺗﺒﻌﺘﻪ
ﺩﺷﻴﻨﺎ ﻟﻠﻤﻀﻴﻒ ﻭ ﻛﻌﺪﺕ .. ﻭ ﺍﻟﺘﻤﻮﺍ ﻋﻤﺎﻣﻲ ﻭﻛﺒﺎﺭ ﺍﻟﻌﺸﻴﺮﺓ ﻭ ﻛﻌﺪﻧﺎ .. ﺳﺒﻘﻨﻲ ﺯﻧﺎﺩ ﻭ ﻫﻮ ﻳﺤﺠﻲ ﻭﻳﺎ ﺍﻟﻜﺒﺎﺭ ﻭﻳﺴﻮﻟﻒ ﻭﻳﺎﻫﻢ ﻭ ﻓﺘﺢ ﺳﺎﻟﻔﺔ ﺍﻋﻠﻰ ﺍﺑﻮﻱ ،ﺷﻨﻲ ﻫﺎﻱ .. ﺷﻨﺎﻭﻳﻦ ؟
- ﻧﺎﻭﻳﻦ ﻋﻠﻴﻬﺎ ﻳﻮ ﺑﺎﻟﻄﻴﺐ ﻳﻮ ﺑﺎﻟﻜﻮﺓ .
ﺩﺭﺕ ﻟﺰﻧﺎﺩ ﻳﻌﺎﻳﻨﻠﻲ ﻇﻠﻴﺖ ﺻﺎﻓﻦ ﻭﻳﺎ ﺭﻭﺣﻲ : ﻫﺎﺫ ﺍﺧﻮﻱ ﻟﻮ ﻋﺪﻭﻱ ، ﻳﺤﺰﻡ ﺍﺯﺍﻣﻪ ﻭ ﻳﺴﻠﺤﻬﻢ ﻳﻮ ﻣﺎ ﺗﻨﺎﺯﻟﺘﻠﻪ ﻳﻜﺎﻭﻣﻨﻲ ﻭ ﻧﺘﺠﺎﺗﻞ ؟
ﻛﺎﻣﻮ ﺍﻟﺰﻻﻡ ﻣﻦ ﺍﻟﻤﻀﻴﻒ ﺳﻠﻤﻮﺍ ﻭ ﻃﻠﻌﻮ ..
ﺣﺠﻪ ﺍﻟﺰﻟﻤﺔ ﺍﻟﺠﺒﻴﺮ .. ﻫﺎﺫ ﺯﻟﻤﺔ ﺧﻴﺮ ﻭ ﺟﺒﻴﺮ ﺑﺎﻟﺴﻠﻒ ﻭ ﺍﺑﻮﻱ ﺟﺎﻥ ﻳﺤﺘﺮﻣﻪ ﺣﺠﻪ : ﺑﻮﻳﻪ ﺍﺣﻨﺎ ﻣﺎ ﻧﺮﻳﺪ ﻧﺸﻤﺖ ﺍﻟﻮﺍﺩﻡ ﺑﻴﻨﺎ .. ﺍﻟﺤﻚ ﻳﻨﺤﺠﻲ ﺍﺣﻨﺎ ﻣﻦ ﺍﻻﻭﻝ ﻧﻌﺮﻑ ﺍﺯﻧﺎﺩ ﺍﺑﻦ ﺍﻟﺸﻴﺦ ﻣﻄﺮ ﻭﻛﻞ ﻋﻤﺮﻧﺎ ﻧﺸﻮﻑ ﺯﻧﺎﺩ ﺍﺣﺬﺍﻩ ﺍﻟﺸﻴﺦ ﻣﻄﺮ ، ﻧﻌﺮﻑ ﻋﺪﻩ ﻭﻟﺪ ﺛﺎﻧﻲ ﻏﻴﺮ ﻛﺮﻳﻢ ﺍﻟﺰﻏﻴﺮ ﻟﺠﻦ ﻣﺒﻌﺪ ﻭ ﻣﺎ ﻧﻌﺮﻑ ﻋﻨﻪ ﺷﻲ .. ﻫﺎﻱ ﻛﺒﻞ ﺳﻨﺘﻴﻦ ﻳﺎﻟﺔ ﻋﺮﻓﻨﺎﻙ .. ﻻ ﺗﺰﻋﻞ ﻟﺠﻦ ﻫﺎﺫ ﺍﻟﺤﻚ .
ﺍﻟﺸﻴﺦ ﺍﻟﻠﻪ ﻳﺮﺣﻤﻪ ﺟﺎﻥ ﺟﺜﻴﺮ ﺍﻓﻌﺎﻝ ﺍﮔﻠﻴﻞ ﺣﺠﻲ .. ﻭﻻ ﻣﺮﺓ ﻛﺎﻝ ﺍﻟﻨﺎ ﻳﺎﻫﻮ ﺍﻟﻴﺨﻠﻔﻪ ﻣﻦ ﺑﻌﺪﻩ ﻟﺠﻦ ﺍﻟﻨﻌﺮﻑ ﺟﺪﺍﻣﻨﺎ ﺯﻧﺎﺩ ﻫﻮ ﺍﻟﻮﻳﺎﻧﺎ ﻭ ﺣﺎﺿﺮ ﻓﺼﻮﻟﻨﺎ ﻭ ﻛﻌﺪﺍﺗﻨﺎ ﻭ ﻳﻌﺮﻑ ﺍﻭﺍﺩﻣﻨﺎ ، ﻻ ﺗﺰﻋﻞ ﻳﻮﻟﻴﺪﻱ ﻟﺠﻦ ﻫﺎﺫ ﺍﻟﺤﻚ .
- ﻋﻤﻲ ﺣﻜﻚ ﺍﻋﻠﻰ ﻋﻴﻨﻲ ﻭﺭﺍﺳﻲ ، ﻟﺠﻦ ﺍﻟﺸﻴﺦ ﻭﺻﻰ ﻭ ﺍﻧﻄﻰ ﻭﺻﻴﺘﻪ .... ﻗﺎﻃﻌﻪ ﻋﻤﻪ
- ﻭﺻﺎﻧﺎ ﺑﻴﻜﻢ ﻭ ﻛﺎﻝ ﺗﺨﻠﻔﻮﻥ ﻋﻬﺪﻱ ﺑﺨﻴﺮ ﻟﺠﻦ ﻫﺎﺫ ﺍﻟﺤﺠﻲ ﻛﺒﻞ ﺳﺒﻊ ﺷﻬﻮﺭ
- ﻋﻤﻲ ﺍﺿﻜﺮ ﺍﻟﻠﻪ ﻛﺎﻟﻚ ﺳﺮﺣﺎﻥ ﺍﻟﺸﻴﺦ ﻣﻦ ﺑﻌﺪﻱ ﺍﺳﻨﺪﻭﻧﻪ ﻭ ﺗﺼﻴﻮﻟﻪ ﻇﻬﺮ ﻭ ﻋﻮﻧﻪ .. ﻫﺎﺫ ﺍﻟﺤﺠﻲ ﻳﻮ ﻻ
- ﺣﺮﺍﻡ ﺑﺎﻟﺤﺮﻡ ﺍﻥ ﺟﺎﻥ ﺳﺎﻣﻊ ﻫﺎﺫ ﺍﻟﺤﺠﻲ
ﺣﺠﻪ ﺍﻟﺰﻟﻤﺔ : ﻣﻨﻬﻮ ﺍﻟﺠﺎﻧﻮ ﺷﻬﻮﺩ ﺍﻋﻠﻰ ﺣﺠﻴﻪ ﻭﻭﺻﻴﺘﻪ ﺍﻟﺘﻜﻮﻝ ﻋﻨﻬﺎ .
- ﻭﻋﻠﻲ ﻋﻤﺎﻣﻲ ﺟﺎﻧﻮ ﻛﺎﻋﺪﻳﻦ .. ﻭﺯﻧﺎﺩ ﻭ ﺍﻫﻞ ﺍﻟﻘﺼﺮ ﻛﻠﻬﻢ ﻳﻌﺮﻓﻮﻥ ﺍﻟﺸﻴﺦ ﻭﺻﺎﻫﺎ ﻟﻴﻪ ﻭ ﻛﺒﻞ ﺳﺒﻊ ﺷﻬﻮﺭ ، ﻭﺣﺮﺍﻡ ﺑﺎﻟﻘﺮﺍﻥ ﺍﺑﻮﻱ ﺍﺧﺮ ﺍﻳﺎﻣﻪ ﻣﺎ ﻓﻘﺪ ﺫﺍﻛﺮﺗﻪ ﻭﻻ ﻧﺴﻰ ﺍﺣﺪ ﻭ ﺍﺧﺮ ﻳﻮﻣﻴﻦ ﻣﻦ ﺭﺩﻳﺖ ﻣﻦ ﻣﺠﻠﺲ ﺍﻟﺸﻴﻮﺥ ﻭﺻﺎﻧﻲ . .... ﻗﺎﻃﻌﻪ ﻋﻤﻪ
- ﻳﻌﻨﻲ ﺗﺞﺀﺑﻨﺎ ﻳﺴﺮﺣﺎﻥ ﻭ ﺍﺣﻨﺎ ﺟﺬﺍﺑﻴﻦ
- ﻋﻤﻲ ﺟﻨﺖ ﺷﺎﻫﺪ ﻋﻠﻰ ﺍﻟﻮﺻﻴﺔ ﺍﺣﺠﻲ ﺣﻚ ﺭﺑﻚ
- ﻭﺍﻧﺎ ﺍﻋﺮﻑ ﺍﻟﺤﻚ ﺍﻟﺸﻴﺦ ﻣﺎ ﺍﻃﺎﻫﺎ ﻻﺣﺪ .. ﻋﻤﻚ ﺍﻧﺎ ﻭﻟﻚ .. ﻣﺎ ﺗﺠﺬﺑﻨﻲ ﺍﻓﺘﻬﻤﺖ .
ﺍﺯﻧﺎﺩ ﻳﻜﻮﻝ ﺍﺑﻮﻱ ﻭﺻﺎﻧﻲ ﻣﻦ ﺍﺳﻨﻴﻦ
ﻭ ﺳﺮﺣﺎﻥ ﻳﻜﻮﻝ ﻭﺻﺎﻫﺎ ﻟﻴﻪ . ﻭ ﺍﻏﻠﺐ ﺯﻻﻡ ﺍﻟﻌﺸﻴﺮﺓ ﺻﻔﺖ ﻭﻳﺎ ﺍﺯﻧﺎﺩ ﻣﻦ ﻛﻮﻥ ﺳﺮﺣﺎﻥ ﺟﺪﻳﺪ ﻋﻬﺪ ﺍﻋﻠﻴﻬﻢ . ﺟﺎﻥ ﻋﺎﻳﺶ ﺍﺑﻐﺪﺍﺩ ﻭ ﻛﺒﻠﻬﺎ ﻋﺎﻳﺶ ﺍﺑﻴﺖ ﺯﻫﺮﺓ .. ﻭﻛﻞ ﺍﻟﻨﺎﺱ ﺗﻌﺮﻑ ﺯﻧﺎﺩ ﻫﻮ ﺍﻟﺠﺒﻴﺮ ﻭ ﺍﺑﻨﻪ ﻋﻤﺮﻩ ٧ ﺳﻨﻮﺍﺕ ﻭ ﺍﺑﻦ ﺳﺮﺣﺎﻥ ﻳﺎﺩﻭﺏ ﻋﻤﺮﻩ ﺍﺷﻬﺮ ﻣﺎ ﺑﻴﻪ ﺳﻨﺔ .
ﺳﺮﺣﺎﻥ ﺷﺎﻑ ﺍﻟﺰﻻﻡ ﻣﺴﻠﺤﺔ ﻭ ﺯﻧﺎﺩ ﻣﺜﺒﺖ ﻳﺎﺧﺬﻫﺎ ﻳﻮ ﺑﺎﻟﻄﻴﺐ ﻳﻮ ﺑﺎﻟﺰﻭﺭ .. ﻛﺎﻡ ﻣﻨﻬﻢ ﻭ ﻫﺪﺍﻫﻢ .. ﻭﻋﺎﻓﻠﻪ ﺍﻟﻤﻀﻴﻒ .
ﺧﻨﺠﺮ ﻭ ﺣﻤﻴﺪ ﻭ ﺧﺎﻛﻢ ﺗﺴﻮﺩﻧﻮ : ﺷﻠﻮﻥ ﺗﻬﺪ ﻣﻀﻴﻔﻚ ﺍﻟﻪ
- ﺟﺎ ﻣﺎ ﺷﻔﺘﻢ ﺯﻻﻣﻪ ﻣﺤﺰﻣﺔ ﺑﺘﻔﻜﻬﻢ ﺷﻨﻬﻮ ﺍﻟﺒﻴﺪﻱ ﺍﺳﻮﻱ ؟
ﺧﻨﺠﺮ : ﺟﺎ ﺍﻧﺖ ﺧﺎﻳﻒ ﻣﻦ ﺯﻻﻣﻪ ﻭﻟﻚ ﺍﻧﻄﻴﻨﺎ ﺍﺷﺎﺭﻩ ﻧﻬﺪﻩ ﻛﻠﻬﻢ ﻭﺍﻟﻠﻪ ﻣﺎ ﻧﺨﻠﻲ ﺭﺍﺱ ﺍﻋﻠﻰ ﻟﺸﻪ .
- ﻭﺍﺳﻮﻱ ﺍﻟﺪﻡ ﻟﻠﺮﺟﺎﺏ ﺧﺎﻃﺮ ﺍﺧﺬ ﺍﻟﻤﺸﻴﺨﺔ ﺷﻤﺎﻟﻜﻢ ﺗﺴﻮﺩﻧﺘﻮﻭﻭﻭﻭﻭﻭ .. ﻫﺎﻱ ﻭ ﺍﺣﻨﺎ ﻧﺼﻴﺢ ﻳﺎ ﻋﻠﻲ ﺗﺒﺮﻯ ﻣﻦ ﻋﺪﻧﺎ ﻋﻠﻲ ﺍﻥ ﺟﺎﻥ ﻧﻜﺺ ﺍﻟﺮﻭﺱ ﺍﻟﺨﺎﻃﺮ ﻧﺸﻴﺦ .. ﺟﺎ ﺷﻨﻬﻲ ﻋﻠﻴﺶ ﻧﺴﻤﻲ ﺍﺭﻭﺍﺣﻨﺎ ﺍﺗﺒﺎﻋﻪ ﺍﺫﺍ ﻣﺎ ﻧﻤﺶ ﺑﺴﻴﺮﺗﻪ ... ﻳﺮﻳﺪ ﺍﻟﻤﺸﻴﺨﺔ ﺧﻠﻬﺎ ﺍﻟﻪ، ﺗﻬﺪ ﺣﻜﻚ ﻳﺴﺮﺣﺎﻥ
- ﺍﻟﺤﻚ ﻋﺪ ﺍﻟﻠﻪ ﻣﺎ ﻳﻀﻴﻊ ، ﺍﻧﺎ ﺯﻟﻤﺔ ﻻ ﺍﺣﺐ ﺍﻟﻤﺸﻴﺨﺔ ﻭﻻ ﺍﻟﻲ ﺑﺴﻮﺍﻟﻒ ﺍﻟﻔﺼﻮﻝ ﻭﻻ ﺍﻧﺎ ﺑﺤﺎﺟﺘﻬﺎ ﻋﺪﻱ ﻣﻌﺎﻣﻠﻲ ﻭ ﻣﺸﺎﺭﻳﻌﻲ ﺍﺑﻐﺪﺍﺩ .. ﺧﻠﻪ ﺍﻟﻪ ﻭ ﻋﺴﺎﻫﺎ ﺑﺤﻈﻪ ﻭ ﺍﺑﺨﺘﻪ .
ﺍﻟﺘﻔﺘﺖ ﺍﻟﺮﺣﻴﻢ ﻭ ﻛﻠﺖ ﻟﻪ : ﺍﻟﻮﺻﻴﺔ ﺍﻟﻄﺎﻩ ﺍﻟﻚ ﺍﺑﻮﻱ ﺟﻴﺒﻬﺎ ﻭ ﺍﻧﺪﻫﻢ ﺍﻟﺪﻳﻮﺍﻥ ﺍﻟﻘﺼﺮ ﺧﺎﻃﺮ ﻧﻔﺘﺢ ﻭﺻﻴﺘﻪ .
ﺭﺍﺡ ﺭﺣﻴﻢ ﺍﺧﺬ ﺍﻟﻮﺻﻴﺔ .. ﻭﻧﺪﻩ ﺍﺯﻧﺎﺩ ﻭ ﻛﺮﻳﻢ ﻭ ﺍﻟﻌﻤﺎﻡ .. ﻭ ﺩﺵ ﻟﺪﻳﻮﺍﻥ ﺍﻟﻘﺼﺮ .. ﻭ ﺣﻀﺮﺕ ﻣﻠﻮﻙ ﻣﻨﻘﺒﺔ .. ﻭﺑﻨﺎﺕ ﺍﻟﺸﻴﺦ ﻭ ﺭﺍﺩﻳﻮﻥ .. ﻭ ﺍﻭﻻﺩ ﻋﻤﺎﻣﻬﻢ ﻛﻠﻬﻢ ﻭ ﺍﻟﺘﻤﻮ ﻛﺮﺍﻳﺐ ﺑﺎﻟﺪﻳﻮﺍﻥ ﻣﺎﻣﺶ ﻏﺮﻳﺐ .
ﻓﺘﺢ ﺍﻟﻮﺻﻴﺔ ﻭ ﺍﻟﺸﻴﺦ ﻣﻘﺴﻢ ﺧﻴﺮﺍﺗﻪ
ﺍﻟﻘﺼﺮ ﻭ ﺍﻟﺒﺴﺘﺎﻥ ﻭﻧﺺ ﻣﻦ ﺍﻣﻼﻛﻪ ﻟﺴﺮﺣﺎﻥ
ﻭ ﺍﻟﻨﺺ ﺍﻟﺜﺎﻧﻲ ﺭﺑﻌﻪ ﻟﺰﻧﺎﺩ .. ﻭ ﺍﺗﻠﺚ ﺍﺭﺑﺎﻋﻪ ﻳﺘﻮﺯﻋﻦ ﺍﻋﻠﻰ ﺑﻨﺎﺗﻪ ﻭ ﺭﺩﺣﺔ ﺣﺎﺳﺒﻬﺎ ﻣﻦ ﺿﻤﻨﻬﻦ ﻭ ﻣﻄﻴﻬﺎ ﺣﻜﻬﺎ
ﻭ ﺣﺎﺭﻡ ﻛﺮﻳﻢ ﻭ ﺍﻟﺸﻴﺨﺔ ﻣﻠﻮﻙ ﻣﻦ ﺍﻟﻤﻴﺮﺍﺙ .
ﻭﺍﺧﺮ ﻭﺻﻴﺘﻪ ﺍﻟﻬﻢ ﺧﺘﻤﻬﺎ ﺑﺄﻳﺔ ﻗﺮﺃﻧﻴﺔ ( ﻭ ﺗﻌﺎﻭﻧﻮﺍ ﻋﻠﻰ ﺍﻟﺒﺮ ﻭ ﺍﻟﺘﻘﻮﻯ ﻭﻻ ﺗﻌﺎﻭﻧﻮﺍ ﻋﻠﻰ ﺍﻻﺛﻢ ﺍﻟﻌﺪﻭﺍﻥ )
ﺍﺑﺘﺴﻢ ﺳﺮﺣﺎﻥ : ﻳﻜﻮﻟﻮﻥ ﺍﻟﻤﺎ ﻳﺸﻮﻑ ﺍﻟﺸﻤﺲ ﻋﻤﻰ ﺍﻟﻴﻌﻤﻴﻪ .. ﻣﻦ ﺍﺟﺪﺍﺩ ﺍﺟﺪﺍﺩﻧﺎ .. ﺍﻟﺸﻴﺦ ﻳﻮﺭﺙ ﻣﻦ ﺍﺑﻮﻩ ﺍﻟﺸﻴﺦ ﺍﻟﻤﺘﻮﻓﻲ ﺍﻟﻘﺼﺮ ﻭ ﺍﻟﺒﺴﺘﺎﻥ .. ﻭ ﺍﺑﻮﻱ ﻛﺘﺒﻬﻦ ﻟﻴﻪ ﻭ ﻫﺎﺫ ﻛﺎﻓﻲ ﻳﺪﻟﻴﻜﻢ ﺑﺎﻟﺤﻘﻴﻘﺔ ﺍﻟﻨﻜﺮﺗﻮﻫﺎ .
ﻛﺎﻡ ﺍﻋﻠﻰ ﺣﻴﻠﻪ ﻭﻭﻛﻒ : ﺍﻣﺎﻣﻨﺎ ﻋﻠﻲ ﻳﻜﻮﻝ ﺍﻟﻮﻓﺎﺀ ﻻﻫﻞ ﺍﻟﻐﺪﺭ ﻏﺪﺭ ﻋﻨﺪ ﺍﻟﻠﻪ .. ﻭﺍﻧﺎ ﺍﻭﺍﻓﻴﻠﻜﻢ ﺑﻌﺪ ﺍﻟﻌﻤﻠﺘﻮ ﻳﺼﺒﺢ ﻏﺪﺭ .. ﻣﻦ ﻫﺎﻱ ﻳﺎ ﺯﻧﺎﺩ ﻛﺪﺍﻣﻚ ﺑﺲ ﺍﻟﻠﻴﻠﺔ .. ﺗﺎﺧﺬ ﺍﻣﻚ ﻭ ﻧﺴﻮﺍﻧﻚ ﻭ ﺗﻄﻠﻊ ﻣﻦ ﺍﻟﻘﺼﺮ ﻭ ﺍﻟﺒﺴﺘﺎﻥ ﻗﺎﻃﺒﺔ
- ﺗﻄﺮﺩﻧﻲ ﻣﻦ ﻗﺼﺮ ﺍﺟﺪﺍﺩﻱ ﻳﺴﺮﺣﺎﻥ ؟
- ﺍﺣﻤﺪ ﺭﺑﻚ ﺍﻛﺘﻔﻴﺖ ﺑﻬﺎﻟﻘﺪﺭ ﻭ ﻣﺎ ﺟﺮﻳﺖ ﺭﻭﺣﻲ ﻟﻠﺪﻡ ﻭ ﺍﻻ ﺍﻧﺖ ﻣﺴﺘﺎﻫﻠﻬﺎ .. ﻟﻢ ﺿﻌﻨﻚ ﻭ ﺍﻣﺶ .
- ﺍﻃﻨﻲ ﻣﺠﺎﻝ ﻟﻠﺴﺒﻌﺔ ﻣﺎﻟﺖ ﺍﻟﺸﻴﺦ
- ﺑﺎﺟﺮ ﺍﻟﻈﻬﺮ ﻳﺘﻔﺮﻍ ﺍﻟﻘﺼﺮ ﺑﺎﻟﻜﺎﻣﻞ ﻭ ﻳﻮ ﻣﺎ ﺗﻔﺮﻍ ﻭﻛﺘﻬﺎ ﺗﺠﺒﺮﻧﻲ ﺍﻭﺿﻒ ﺍﻟﺤﺮﺱ ﻳﺬﺑﻮﻥ ﺍﻫﻠﻚ ﺧﺎﺭﺝ ، ﻻ ﺗﺠﺒﺮﻧﻲ ﺍﻋﻠﻰ ﺍﻟﺮﺩﺍﻳﺎ ﺍﺧﺬ ﺍﻫﻠﻚ ﻭ ﺍﻣﺶ ﻋﻨﺎ .
ﻛﺎﻡ ﺍﻋﻠﻰ ﺣﻴﻠﻪ ﻭ ﻛﺎﻝ : ﺗﺨﺴﻰ ﺍﻇﻠﻦ ﻣﺬﻭﻝ ﻭﺍﺗﺎﻧﻲ ﺗﺬﺏ ﻏﺮﻳﻀﺎﺗﻨﺎ ﺧﺎﺭﺝ ، ﻛﻮﻣﻲ ﻳﻤﻪ .
ﺍﺧﺬ ﻧﺴﻮﺍﻧﻪ ﻭ ﺍﻣﻪ .. ﻭ ﺭﺍﺩﻳﻮﻥ ﻛﺎﻟﺘﻠﻪ : ﺍﻇﻠﻦ ﺑﻘﺼﺮ ﺍﺑﻮﻱ
ﺟﺮﺗﻬﺎ ﺍﻟﺸﻴﺨﺔ ﻣﻠﻮﻙ ﻭ ﻃﻠﻌﺘﻬﺎ ﻣﻦ ﺍﻟﻘﺼﺮ ﻭﻣﺸﻮﺍ ﻟﺒﻴﺖ ﻋﻤﻬﻢ ..
ﻟﺜﺎﻧﻲ ﻳﻮﻡ ﺍﻟﻨﺎﺱ ﺗﺠﻲ ﺗﻌﺰﻱ ﺍﺳﺘﻐﺮﺑﻮﺍ .. ﺍﻫﻞ ﺯﻧﺎﺩ ﻋﺎﻳﻔﻴﻦ ﺍﻟﻘﺼﺮ .. ﻋﺮﻓﺖ ﺍﻟﻨﺎﺱ ﺍﻟﺤﺼﺺ ﺗﻮﺯﻋﺖ ﺑﺲ ﺍﻟﻜﻞ ﻳﻨﺸﺪ : ﺍﻝ ﺟﻠﻮﺏ ﻣﻌﺮﻭﻓﻴﻦ ﺍﻟﻘﺼﺮ ﻳﻨﻌﺪ ﻟﻠﺸﻴﺦ ، ﺷﻌﺠﺐ ﺍﻟﺸﻴﺦ ﻣﻄﺮ ﻋﻬﺪ ﻗﺼﺮﻩ ﻟﺴﺮﺣﺎﻥ ﻣﻮﺵ ﻟﻠﺸﻴﺦ ﺯﻧﺎﺩ ؟
ﻭﻇﻠﺖ ﺍﻟﻨﺎﺱ ﺗﺘﺴﺎﺋﻞ ﺑﻬﺎﻟﻤﻮﺿﻮﻉ .. ﻟﻴﺶ ﻗﺼﺮ ﺍﻟﺸﻴﻮﺥ ﻣﺎ ﺻﺎﺭ ﻟﻠﺸﻴﺦ ﻭﺭﺍﺡ ﻟﺴﺮﺣﺎﻥ ؟
ﺳﻠﻄﺎﻥ ﻣﻐﺘﺎﺽ ﻣﻦ ﺗﺼﺮﻑ ﺳﺮﺣﺎﻥ ﻭ ﺍﺟﺎ ﺑﺲ ﺧﻠﺼﺖ ﺍﻟﺴﺒﻌﺔ ﻣﺎﻟﺖ ﺍﻟﻔﺎﺗﺤﺔ : ﺍﻧﺖ ﺷﻨﻬﻲ ﺍﺗﺴﻮﺩﻧﺖ ﺗﺮﺿﻰ ﺗﻨﻄﻲ ﻣﻀﻴﻔﻚ ﻟﺰﻧﺎﺩ
- ﺍﻧﺎ ﻭﺍﺧﻮﻱ ﻭ ﺍﻻﻣﻮﺭ ﺑﻴﻨﺎ ﺗﻨﺤﻞ ..
- ﻳﺎ ﺗﻨﺤﻞ ﻭ ﺍﻫﻮ ﻣﺎﻛﻞ ﺣﻜﻚ
- ﺍﺑﻮ ﻧﻌﻤﺔ ﺍﻧﺎ ﺍﺣﺘﺮﻣﻨﻚ ﻟﺠﻦ ﻣﺎ ﺍﺭﺿﻰ ﺍﺣﺪ ﻳﺪﺵ ﺑﻴﻨﻲ ﻭﺑﻴﻦ ﺍﺧﻮﻱ .
- ﻫﺪﻩ ﻭ ﺫﺏ ﺟﺮﺵ ﻭﻳﺎﻧﺎ ﻭ ﺍﺣﻨﺎ ﻧﺎﺧﺬﻟﻚ ﺣﻜﻚ
- ﺍﻥ ﺟﺎﻥ ﻫﻮ ﺑﺎﻋﻨﻲ ، ﺍﻣﺎ ﺍﺑﻮﻱ ﻣﻮﺻﻴﻨﻲ ﻣﺎ ﺍﺑﻴﻌﻨﻪ .. ﻭﺍﻧﺎ ﻣﻠﺰﻡ ﺑﻮﺻﻴﺔ ﺍﺑﻮﻱ ﺍﻭﺟﺐ ﺣﺬﺍﻩ ﻭ ﺍﺭﺷﺪﻧﻪ ﻳﻮ ﺭﺍﺩ ﺍﻟﻨﺼﻴﺤﺔ .
- ﻳﻌﻨﻲ ﻣﺎ ﺭﺍﺡ ﺗﺘﻜﺎﻭﻡ ﻭﻳﺎﻩ .
- ﺯﻳﻎ ﺷﻴﻄﺎﻥ ﻭ ﻧﺘﺮﺍﺿﻰ ﺍﻥ ﺷﺎﻟﻠﻪ ﻭ ﺧﻴﺮ ﻳﻮ ﺳﻌﻴﺖ ﺑﻴﻨﺎﺗﻨﺎ ﻭ ﺻﺎﻟﺤﺘﻨﺎ .
- ﺟﺎ ﺧﻮﺵ .. ﺍﻣﺶ ﻳﻨﻌﻤﺔ .
ﻧﻌﻤﺔ : ﺷﻨﻬﻲ ﺍﻟﺮﺍﻱ ﺑﻮﻳﻪ
- ﻳﺎ ﺑﺴﺘﺎﻥ ﺍﻟﺼﺎﺭ ﻣﻦ ﺣﻚ ﺯﻧﺎﺩ ؟
- ﺍﻟﻠﻲ ﺑﺎﻃﺮﺍﻑ ﺍﻟﺴﻠﻒ .. ﺑﺴﺘﺎﻥ ﺯﻏﻴﺮ ﻣﺎ ﻳﻄﻠﻊ ﺭﺑﻊ ﻣﻦ ﺑﺴﺘﺎﻥ ﺳﺮﺣﺎﻥ .
- ﻭ ﻳﻮ ﺭﺍﺡ ﺷﻴﻈﻞ ﺍﻟﺰﻧﺎﺩ ؟
- ﺑﻴﺖ ﻭ ﺟﻢ ﻓﻠﺲ .. ﻣﺎ ﺗﻈﻞ ﺍﻟﻪ ﻛﺎﻉ .
- ﺟﺎ ﺍﺷﻌﻞ ﺍﻟﻜﺎﻉ ﻳﻨﻌﻤﺔ
- ﻋﻠﻴﺶ ؟
- ﺳﺮﺣﺎﻥ ﻟﺰﻭﻡ ﻳﺎﺧﺬ ﺑﺤﻜﻪ .. ﻟﺠﻦ ﻣﺎ ﻳﺮﻳﺪ ﺍﻟﻄﻚ .. ﻟﺠﻦ ﻳﻮ ﺷﻌﻠﺖ ﺍﻟﻜﺎﻉ ﺍﻟﻤﺘﻬﻢ ﺍﻟﻮﺣﻴﺪ ﺑﺤﺮﻳﺠﺘﻬﺎ ﻳﺎﻫﻮ ؟
- ﺳﺮﺣﺎﻥ ﻣﺎﻣﺶ ﻏﻴﺮﻩ
- ﻭ ﻳﻮ ﺗﻬﻢ ﺳﺮﺣﺎﻥ ؟
- ﺗﻜﺎﺗﻠﻮ
- ﻭﻳﻮ ﺗﻜﺎﺗﻠﻮ ﻧﺪﺵ ﻧﺘﺤﻤﻰ ﺍﻋﻠﻰ ﺍﻟﻨﺎﺭ ﻭ ﻧﺎﺧﺬ ﺣﻴﻔﻨﺎ ﻣﻨﻬﻢ ﻭﺧﻞ ﺍﻟﺪﻳﺮﺓ ﺗﻌﺎﻳﻦ ﺍﻭﻻﺩ ﻣﻄﺮ ﺳﺎﻋﺔ ﺍﻟﻐﻔﺖ ﻋﻴﻨﺔ ﺷﻌﻤﻠﻮ ﺑﺤﺎﻟﻬﻢ .
ﺯﻟﻤﺔ ﺳﺮﺣﺎﻥ ﻳﺎﻫﻮ ؟
- ﺧﻨﺠﺮ ﻭ ﺣﻤﻴﺪ ﺭﺣﻴﻢ
- ﺟﺮ ﻭﺣﻴﺪﻫﻢ ﻟﻜﺎﻉ ﺯﻧﺎﺩ .. ﻭ ﺍﺷﻌﻠﻬﺎ .
....
ﺍﻧﺪﻛﺖ ﺑﺎﺏ ﺑﻴﺖ ﺣﻤﻴﺪ ﻭ ﻛﺎﻟﻮﻟﻪ : ﻳﻜﻮﻟﻮﻥ ﺧﻨﺠﺮ ﺍﻧﺠﺘﻞ ﺑﻜﺎﻉ ﺯﻧﺎﺩ ..
ﻓﺰﻉ ﺣﻤﻴﺪ ﻳﺮﻛﺾ ﻟﻠﻜﺎﻉ ﻳﻬﺮﻉ .. ﺳﺎﻋﺔ ﺍﻟﻮﺻﻞ ﻛﺎﻉ ﺯﻧﺎﺩ ﺑﺎﻟﻠﻴﻞ ﻭ ﻳﺪﻭﺭ ﺍﻋﻠﻴﻬﺎ .. ﻭ ﻳﺼﻴﺢ ﻣﺎ ﻟﻜﺎ ﺍﺣﺪ ﻭ ﺍﻟﺴﺎﻟﻔﺔ ﻣﻮﺵ ﺻﺤﻴﺤﺔ
ﺩﺍﺭ ﺭﺍﺳﻪ ﻭﻭﺭﺟﻊ
ﺍﻧﺮﺷﺖ ﺍﻟﻜﺎﻉ ﺑﻨﻔﻂ ﻭ ﺍﺷﺘﻌﻠﺖ ﻛﻠﻬﺎﺍﺍﺍﺍﺍ
ﻓﺰﻋﺖ ﺍﻟﻨﺎﺱ ﺗﺼﺮﺥ ( ﺣﺮﺭﺭﺭﺭﺭﺭﺭﺭﺭﺭﺭﺭﺭﺭﺭﻳﺠﺔ ﻳﻬﺎﻟﻮﺍﺩﻡ ﺣﺮﺭﺭﺭﺭﺭﺭﺭﻳﺠﺔ ) .....
