رواية ابي عذابي ومأساتي الفصل السابع والثلاثون بقلم سمر اسامه
سحب نفس ورد اني قررت قرار وهاذه انسب حل النه
بقيت صافنه بوجهه وخايفه م̷ـــِْن قراره حجيت شنو
ابتعد عني ودار وجهه وهو يدخن. قررت ننفصل
وكعت ع ارض واني ابجي ومصدومه م̷ـــِْن كلامه ليش ياربي ليش مجاي اتهنئ بحياتي
دار وجهه عليه وشاف حالتي شون ابجي ومنهاره
نزل كعد ركبه ونص شال راسي وركز بعيوني واني ابجي
مسح دموعي ورد المهم تكونين مرتاحه ماريد ﺄرتـۧـۧبـٰـط
بيج وانتي كلبج مو الي والله لْـۆ شخص غيرج اذبحه ومايرفلي جفن بس انتي غير الكل
بس بكلبي. بس الاسف يمكن قسمتنه مو سوه
خليت راسي علئ صدره ولزمت. قميصه واني ابجي واشهك
حجيت بصعوبه والله انت بكلبي ماحبه والله ماحبه
لاتعوفني عصام والله حبك الك لاتخلي. يفرق بينه
شال راسي وبقه مركز بعيوني وهمس كافي تبجين
نزلت عيوني ودموعي تنزل عشره عشره
سحب نفس ورد سااره كتلج كااافي تبجين شبيج
مسحت دموعي وتنزل ثانيه.
لزم وجهي باديه وثبت وارسي وصار يركز بعيوني
همس. بهدوئ. تحبيني ?
هزيت راسي بأي وعيوني كلها دموع.
قرب وجهه م̷ـــِْن وجهي وركز بعيوني وهمس راح ترتاحين م̷ـــِْن تكونين ويايه.
ابتسمت بقهر وهزيت راسي بأي. ورديت راح اكون مرتاحه وياك لان احبك. ويهمني وجودك بحياتي
غمض عيونه بقهر وسحب نفس ورد متحبي لهذاك العار
لزمت وجهه واني مركزه بعيونه والله ماحبه بشنو تريد احلفلك.
لاتخرب علاقتنه علئ شي صار م̷ـــِْن الماضي فدوه
سحبني لحضنه. ماصدكت لزمت قميصه واني ابجي واشهك.
مسح علئ راسي وهمس اشش كافي تبجين مراح انفصل عنج كنت اريد اشوفج تحبيني او لا اريد اتاكد م̷ـــِْن صحت كلامج
شلت راسي عن صدره وبقيت مركزه بعيونه وحجيت شنو تبين الك هسه.
ابتسم وتقرب مِڼـّي وباس طرف شفتي ورد تبين تحبيني وتخافين ننفصل.
حضنته وخليت راسي بعنقه واني اتنفس عطره همست والله احبك. تاكدت ليوم م̷ـــِْن مشاعري تجاهك م̷ـــِْن كلت راح ننفصل حتاريت شأسوي
بعدني عنه وحجه ساره م̷ـــِْن الًيَوُمًِ احجيلي اذا ضامه شي عني ماريد. اعرف شي ثاني وانصدم بيج ماريد تخربين علاقتنه بيدج.
ابتسمت ورديت اطمن ماكو اي شي بعد هاذه اول واخر شي تسمعه عني والله اني مالي ذنب بشي
سحب نفس ومارد عليه
رجعت حضنته وهمست فدوه عصام لاتزعل مِڼـّي.
وكف ع رجليه ولزم ايدي وكفني رد عليه. لاتكوليلي لاتزعل. الي صار مو اي شخص يتقبله واني ماقبل مرتي يكون الها علاقه ويه شخص ثاني
نزلت عيوني بقهر وحجيت مراح اخيب ضنك بيه اوعدك انو مراح تسمع شي عني. بس انسه الموضوع هاذه وخلينه نكمل زواجنه براحه
سحبني م̷ـــِْن خصري وباس خدي وهمس زواجنه بعد اسبوع م̷ـــِْن اليوم. بيتنه خلصته وبعد بس اشتري الاخشاب وارتب غرفتنه
بتسمت ونزلت عيوني بخجل ورديت تمام
شال راسي واخذ بوسه م̷ـــِْن شفايفي بعمق بادلته بدون ماحس علئ نفسي طول حسيت نفسي ختنكت.
ابتعدت عنه بسرعه
باوعلي مستغرب ورد شبيج
مسحت حلكي بفشله ورديت ء ا ختنكت اسفه.
ضحك ورد اعرف خنكتج بس راح تتعودين علئ هاذه اسلوبي يوميه اخنكج علئ طريقتي.
ضحكت ومارديت عليه
نزلنه. لان تاخرنه كلش ب غرفه بقينه تقريبا ساعه كامله نتحاسب بس الحمدالله ب اخير تصالحنه.
كعدت خجلانه منه باوعت عليه شهد وضحكت شافت وجهي صاير احمر م̷ـــِْن الخجل
تنهدت وحجت شبيكم تتبسمون لوحدكم وجوهكم حمر
رد عليها عصام اشياء خاصه لاتدخلين
ضحكت وردت عليه هاا هسه صرت مادخل منو جمع بينكم. نسيت الطيب
ابتسم ورد قررنه العرس بعد اسبوع
ردت عليه امي. شعدكم مستعجلين اتاخرو شويه.
باوع عليها ورد اعرفكم متعودين علئ ساره وملاك بس اني منتضرهم علئ نار واني خلصت كلشي عندي. بعد بس غرفت الاخشاب اجيبها ونسوي العرس
ابتسمت امي وردت •اللّـہ̣̥ يتمم علئ خير انشالله
اندك الباب وراحت امي فتحته اجه جابر وياه لارا.
عصام ستغرب م̷ـــِْن وجودهم سويه سلم علئ جابر وكعدو يحجون شويه وكله العرس بعد اسبوع وجابر وافق.
شويه وطلع عصام رحت وياه للباب اودعه وصل للباب ودار وجهه عليه لزم وجهي بأيده وباس راسي وهمس كم يوم وتصيرين ملكي
ابتسمت ونزلت عيوني بخجل اجت ملاك تركض وحضنتني وتباوع علئ عصام بعصبيه وخازرته قصص وروايات عراقية
ابتسم وكعد ركبه ونص وهمس ول ليش تخزرين بيه شهل نضرات المستفزه
حجيت ملاك ماما هاذه بابا كان مسافر وهس رجع
باوعت عليه بزعل وردت بابا
هزيت راسي بأي
راحت عليه وحضنته وعصام حضنها وشالها باس خدها
بقت تباوع عليه وتضحك وردت ماليدج بعد ماما اليد بابا
((ماريدج بعد ماما اريد بابا) )
عضيت شفتي بزعل وحجيت هاا هيج صارت بسرعه بعتيني ولج
ضحك عصام ورد. متريدج هيه كوه تريد ابوها مو ملاك. هزت راسها بأي
باسها بخدها وخله بأيدها فلوس وكلها روحي ويه خالو اشتري ملابس لعرس ابوج وامج
هيه ماصدكت اخذت فلوس وراحت تركض علئ جابر
ودعني وراح. دخلت للبيت واني مرتاحه واخيرا حليت هل مشكله ياربي كنت كلش خايفه م̷ـــِْن هل يوم
.......................................................................
شهد.
كنت كاعده ب غرفه دارضع اطفالي شفت جابر ديلبس ويتأنق. همست بحب. وين طالع هسه رجعت م̷ـــِْن شغلك ابقه رتاح
باوع عليه ورد عندي شغل اكمله ورجع
نومت الاطفال ونزلت تحت كعدت ويه ساره وسالتها عن عصام. كالت لسه ضايج وميحجي وياها بس هو ليوم يمر علينه ويشوفها
نزل جابر ولارا كانت وياه هم لابسه وتريد تطلع
احس كلبي صار ناار. يكول عندي شغل وهو طالع ويه لارا. شبيه جابر وشديصير م̷ـــِْن ورايه لآزٍمٍ اعرف
وكفت ورحت عليهم وحجيت لارا هم طالعه بشغل
خزرني جابر ويريدني اسكت بس اني مسكتت
ردت عليه لارا. هاا اي عندي شغل واريد جابر يوصلني بطريقه لان هو هم طالع
باوعت علئ جابر وحجيت اي جابر وصلها خطيه لاتخليها تروح لوحدها.
ابتسم بخبث ورد. تدللين ام نمر هسه اوصلها
بقيت مركزه بعيونه وكلبي بيه نار مشتغله هاذه متقصد يستفزني.
عفتهم ورجعت كعدت يم ساره وهمه طلعو. لزمت ايدي ساره وهمست لاتضوجين شهد.
باوعت عليها بقهر ورديت ممرتاحه لوجودها ويانه ابد واني متاكده اكو شي ضامي عني.
ابتسمت وردت. ماكو شي ليش دتفكرين هيج يمكن ديساعدها بمشكله وميريد شخص يعرف عنها شي انتي بس خليج هادئه ومرتاحه
سحبت نفس بقهر ورديت والله مارتاح مادام لارا موجوده وياه ابد مارتاح وكلش مضايقني وجودها ماكلج هيه موزينه لا ب عكس مؤدبه وخوش بنيه بس اني ماحب شخص يتقرب م̷ـــِْن جابر
ردت عليه. حقج تغارين عليه يبقه حبيبج قبل لايكون زوجج. وتحبي وتغارين عليه م̷ـــِْن كل البنات
بقينه نحجي شويه وصعدت لغرفتنه شفت اطفالي كاعدين كعدت الاعبهم وبوس بيهم وهم يناغولي ويضحكون. بدلت ملابسهم واسد سويتله ممه ورجع نام
اخذت نمر ونزلت واندك الباب راحت ساره فتحت كان عصام دخل وسلم علينه بقه شويه يحجي واخذ ساره وطلعو لغرفتها يحجون.
دعيت ربي يحنن كلب عصام علئ ساره خطيه والله متستاهل الي ديصير بيها هم مثلي عاشت بعذاب وضلم.
بقينه كاعدين اني وعمه اخذت م̷ـــِْن ايدي نمر وصارت تبوس بيه وتشمه وتخلي ع صدرها تموت عليهم عمتي احسها مثل امهم الثاني تهتم بيهم دائما
وكل ماتشوفني تكول رضعتيهم شبعتيهم نومتيهم
كله عليهم ههههه
حجيت عمه. منو اكثر تحبي نمر لْـۆ اسد
باوعت عليه وبتسمت وردت ثنينهم غالين ع كلبي. ومافرق بينهم والله هذولي م̷ـــِْن ابني الغالي. احسهم جابر م̷ـــِْن كان صغير
ضحكت ورديت. والله ياعمه كلامج يحسسني انو جابر هسه عمره 10 سنوات. وهو عمره 30 سنه
ردت عليه حت لْـۆ 30 يبقه ابن كلبي. وكل مايكبر يقبه زغير بعيني وطفلي يبقه جابر صح جبير بس كلبه مال طفل يحب ويتعلق بسرعه ويضوج ويكتأب بسرعه
اخذت نمر م̷ـــِْن ايدها وصرت ارضع بيه حجيت
احجيلي شويه عن جابر م̷ـــِْن كان صغير منو سماه وشنو تنسيتي بيه
ضحكت وردت جابر سماه ابو الله يرحمه.
اتذكر ولدت بيه بيوم مطر ورعد ولجو كان يخوف.
وقبل ماكو مستشفيات. اكو بس جده (امره تولد)
رديت عليها اي واضح م̷ـــِْن عصبيته وجنونه انو نولد بيوم يخوف وصعب
هزت راسها بأي وردت اني يمه كان عندي 3 ولد
هيثم الجبير. وع راسه فراس. الي توفه وجابر بعدهم ع راس جابر ساره هيه الكعده مالتي
سحبت نفس بقهر ورديت شون مات فراس ?
غمضت عيونها بقهر وسحبت نفس وردت كان لابس ب جيش وستشهد.
همست الله يرحمه انشالله
ردت امين يارب. والله كل ماتذكره ينهد حيلي كله
تقربت منها وبست راسها وحجيت عندج جابر وهيثم
لاتقهرين نفسج. كلنه علئ هاذه الطريق ولموت حق علئ كل انسان
لزمت وجهي وحجت يمه فدوه لبنيتي عود هم تواسي بيه.
بست راسها وحجيت تربايتج ماما
ردت عليه ادري تربايتي زينه. ولله حاسبتج مثل ساره
صار عندي 2 ولد و 2 بنات •اللّـہ̣̥ يخليكم الي انشالله
ابتسمت ورديت ويحفضج النه
نزل عصام وساره م̷ـــِْن الغرفه وكانو يبتسمون ومبين عليهم فرحانين كعدو ع غنفات.
تهندت وحجيت اشو وجوهكم حمر وتتبسمون شكو
رد عليه عصام اشياء خاصه لاتدخلين
عضيت شفتي بزعل ورديت هاا هيج صارت نسيت منو جمع بينكم هسه نسيت الطيب
ضحك ورد قررنه راح يكون العرس بعد سبوع
ردت عليه عمتي شعدكم مستعجلين تاخرو شويه
رد عليها عصام اعرف متعودين علئ ملاك وساره بس اني منتضرهم علئ نار وخلصت كل شغلي بعد بس اجيب غرفه اخشاب ونسوي العرس
جاوبته عمتي الله يتمم علئ خير انشالله
بقينه شويه نسولف ورحت للمطبخ اسوي جاي لعصام
قدمته اله واندك الباب راحت عمتي فتحته دخل جابر ولارا. اخوي باوع عليه بستغراب ويريد تفسير ع هل تصرف بلعت الغصه وسكتت
سلم جابر علئ عصام وكعدو يسوالفون سويه وكله عصام انو العرس بعد اسبوع وجابر وافق علئ كلام عصام اول مَـرّھٌ مايناقش عصام بشي
راح عصام واني رحت للمطبخ اسوي عشئ الهم.
كان جابر وكف يشرب مي ولارا واكفه يمه ومدري شنو تحجي همس
دخلت وبقيت اباوع عليهم. باوع عليه جابر وحجه شبيج حبيبتي صاير شي.قصص وروايات عراقية
رديت عليه لا ماكو شي بس اجيت اسوي عشئ لكيتكم كدامي شنو عدكم ب مطبخ هم شغل اذا تحبون اصعدو فوك وكملو شغلكم
زمجر جابر بغضب. شهدددد. فتح عيونه بعصبيه عليه
رفعت عيوني بملل ومارديت عليه
مشت لارا خطوتين وعثرت وكعت وكعت جنطتها وطشرت كل اغراضها. نزل جابر ولزمها م̷ـــِْن اكتافها وكفها ع رجليها
شفت عقد زواج وكع م̷ـــِْن الجنطه بسرعه لزمته وجابر باوعلي وحجه ش شهد انطينياه.
باوعت عليه بستغراب وحجيت مراح اكله بس اشوفه لمنو.
فتحته واجتني الصدمه القويه الي احسها مثل السعقه. الكهربائيه. فتحت عيوني اريد اصدك الي داشوفه لا عيوني دتجذب. معقوووله معقوووله يتزوج عليه جااابر
باوعت ع جابر ودموعي نزلت بدون سوابق انذاز.
خله جابر ايده ع راسه وحجه شهد اهدي اني افهمج الموضوع كله.
همست بقهر وحركت كلب م ء مت متزوجها
متزوجها جااااابر. متزوج عليه
تهجمت عليه وصرت اضرب بيه واني اصرخ بصوت عالي. شوووون كدرت تسووي هيج بيه شووون تسوي هيج.
بشنو قصرت وياك اني احجييي بشنو قصرت حته تروح تزوج عليه
لزمني م̷ـــِْن اكتافي ورد شهد شهد اهدي خليني افهمج لموضوع دفعته بقوه واني اصرخ. شتفهم هااااا شتفهمني.
متزوجها وجايبها ويااانه وانييي مثل الغبيه معرف شي
طلعت متحبني جااابر طلعت تضحك عليه م̷ـــِْن تكول مابدلج بشخص
هااااااي تبدلها بيه. بشنوووو آإحٰسن مِڼـّي بشنوو
مسح وجهه بتوتر ورد بس خليني افهمج لموضوع بعدين احجي الي تريدينه
مسحت دموعي بطرف ايدي وحجيت ماااريد افهم شي منك. هسسسه طلكها. هسه طلكها كدامي. واذا مطلكتها انييي مابقه دقيقه عندك اخذ اطفالي واروح
لزم اكتافي بقوه وزمجر انتي تخبلتي.
دخلت عمتي هيه وساره يركضن علئ صراخي ولبجي مالتي صاحت عمتي شكو جاابر شبيكم.
وكعت ع ركبي وصرت ابجي بصوت مسموع ورديت
انييي احجيلج عمه. انييي احجيلج.
ابنج جاابر متزوج هاذي. وكل هل فترا يضحك علينه
واحنه مصدكين بكلامه بس والله لْـۆ اني لْـۆ هيه مستحيل ابقه عدكم بعددد مستحيل
وكفت ودموعي تطاير م̷ـــِْن عيوني. اني تفضل هاذي عليه. ليششش سويت هيج ليششش بشنو قصرت وياك
حجت عمتي بعصبيه جااابر شهد شتدكول صدوك هل كلام انت متزوج لارا
سحب بنفس بقهر ورد يمه الي صار والله مجبور عليه لاتاخذون كلشي بعقليتكم خلوني اشرحلكم موقفي
تقربت منه وحجيت اذا تريدني بحياتك طلكها
لزم اكتافي وركز بعيوني وحجه شهد لاتسوين هيج خليني احجيلج لموضوع
دفعته بقووه واني ابجي بصوت مسموع
تحبهااا جاابر تحبها. مووو. لهاذه متريد تطلكها اني م̷ـــِْن الآۆلْ عرفت اكو شي بينكم بس كلت متخونيي
بس طلعت واحد خاااااين خااااين
ضربني راجدي بقوه وكعد ع ارض زمجر بصوت غاضب ماسمح الاي شخص يكولي خااين. خليني متحملج شهد
لاطلعين خبالي عليج
طفرت عليه عمتي وهيه تصيح ياماتستحي فوك عملتك تضربها والله ليوم لْـۆ اني لْـۆ هـٍْْـٍْـايٍّ لحقيره
راحت عمتي تريد تضربها سحبها جابر وخلاها ورا ضهره وصاح. مرررتي هاذي وحترامها م̷ـــِْن احترامي
عفتهم وطلعت اركض لغرفتي. دخلت واتصلت ع عصام
فتح خط ورد هاا شهد
صرخت بصوت مسموع. عصاااااام تعال اخذني وياااك فدوووه تعااال. مااااريد ابقه عدهم تعال.
رد صوت غاضب شهددددد شهددد شكوو احجي شنو صاار شبيج يروحي. شبيج
حجيت بصوت قاتل. تعااال عصام واني احجيلك فدوه تعاال اخذني وياك.
رد جايج جايج لاتخافين م̷ـــِْن شي ليوم هاذه النذل بيدي اربي كافي تبجين جايج اني سد الاتصال
لميت رجلي علئ بطني وصرت ابجي بصوت مسموع
صرخت بصوت عالي اااااااااااه ليش ياربي ليشششش ليش كل هل عذاب ديصير ويايه شنو سويت بحياتي حته استحق كل هل عذاب
تعبتتت والله تعبت م̷ـــِْن هل اختبارات
دخل جابر للغرفه وشاف حالتي واني اصرخ وابجي
تقرب لزم ايدي دفعته بقوه وعيوني صايره دم م̷ـــِْن البجي. لاتلمسسسيني ايدك لاتمدها عليه.
روح لمرررتك الي مفتخر بيهااااا روح ماااريدك
صرت ادفع بيه اريده يطلع م̷ـــِْن الغرفه لزمني بقوه وعيونه نااار
همس بفحيح بس اهدي خليني اشرحلج لاتتخبلين
كافي تبجين راح يوكف كلبج
صرخت بصوت غاضب. خليييي يوكف. خلي يوكف ماااريد حياتي بعددد والله انت ليوم نهيت حياااتي بأيدك.
شووون انطاك كلبك هيج تسوي بيه شلووون
انت مو تعرفني احبك. ليششش تكسرني بيك ولك مابقه شخص ماكسرني
تخيلتها م̷ـــِْن الكل بس منك لااااا والله كنت ثاقه بيك اكثررر م̷ـــِْن روحي بس ليوم انت كسرت هل ثقه وخربت كلشي بيدك خررربت كلشي
مستحيل ابقه وياااك بعد تطلكني سمعت اريد طلكني واطفالي اخذهم. كدام عيونك وحته ماخليك تشوفهم
مسح وجهه بتوتر ورد ياربي صبرني شون تخلي اعصابي تطلع عليها بابا بس افهميني خليني احجيلج الموضوع وانتي قرري بعدين لاتصرفين تصرف تتندمين عليه بعدين
انتي مرتي وحبيبتك والله ماضحكت عليج بيوم ولافكرت اخونج او احب غيرج.
ضحكت بقهر ودموعي تطافر. لعددد منو الي قبل شويه يصيح انووو هذيج مرررته منوو الي تزوج عليه منووو الي فضل مَـرّھٌ ثانيه عليه منوو احجي منوو
عفته وطلعت م̷ـــِْن الغرفه لزمني قريب م̷ـــِْن الدرج م̷ـــِْن اكتافي بقوه بعدت عنه وماحسيت غير رجلي سحطت وكعت م̷ـــِْن اعلئ الدرج
صاح بصوت عالي شهدددددد
وكعت وانضرب راسي بقوه علئ بايات الدرج لاحد ماوصلت الاخر بايه اجت عمتي تركض هيه وساره
واني ماحسيت ع نفسي دخت وراسي صاار ينزف بقوه
نزل جاابر يركض وحضني وخله راسي ع صدره وهو يمسح الدم م̷ـــِْن وجهي
وصااح. ساااره روحي جيبي سويج سيارتي خليني اخذها للدكتور. بسررعه.
صرت ادفع بيه بس ماعندي قوه احس روحي دايخه وراسي لاعب وبس دم ينزف علئ وجهي.
اندك الباب بقوه راحت ساره فتحته دخل عصام بعصبيه شاف جابر حاضني ولدم مغطي كل ملامح وجهي
زمجر بصوت عالي. جااااابر ليوم اذبحك بيدك والله
تهجم علئ جابر وسحبه م̷ـــِْن ايده وضربه بوكس وصارو يتعاركون بيناتهم.
دخلت بينهم عمتي وصاحت بيهم تخبلتو انتووو شبيكم البُـنًتٍ راسها ينزف وحالتها حاله وانتو مسوين ساحت معركه هنااا
اجاني عصام يركض لزم وجهي وصار يمسح ب دم وعيونه صايره حمرر م̷ـــِْن القهر
همس تاخرت عليج. يروحي تاخرت بس والله مراح اخلي يلمس شعره م̷ـــِْن راسج بعد.
لزمني م̷ـــِْن اكتافي وكفني واني دايخه اخذني كعدني ع غنفه اجته ساره جابت ادويه ومعقمات صارت تضمد براسي وداوي
جابر كعد ع طرف الدرج وخله اديه ع راسه
لزمت عصام م̷ـــِْن ايده واني ابجي وحجيت بكلب موجوع. ارريد اطفالي جيب اطفالي وخلينه نروح مناا
هز راسه بأي ورد اخذهم والله بس اهدي شويه ولاتبجين موزين ع راسج.
باوع ع ساره وهمس ساره روحي جيبي الاطفال
بلعت ريكها بتوتر وردت بس جابر
زمجر بصوت عالي جيبيييي الاطفااال بسررعه
شال راسه جابر وصاح انته علئ منووو تصيح هاااا
وكف عصام وكانو نااوين يتعاركون
حجت عمتي. شهددد اخذي اطفالج وروحي يمه
باوع عليها جابر بغضب وحجه وانتووو بكيفكم تقررون شنو اني رجل كرسي هناااا
ردت عليه عمتي مثل مانت ماخذت ريئنه م̷ـــِْن تزوجت.
فتح عصام عيونه بصدمه وهمس بفحيح متزوج ?
رجع باوع عليه وحجه شهدد زوجج متزوج عليج
نزلت عيوني بقهر واحس كلبي صار بركان ودموعي تنزل ناار علئ خدودي اصعب لحضه مرت بحياتي. حسيت نفسي متت والله روحي ماتت فرحتي واملي ب حياه
فقدت اليوم فقدت حبي وزوجي وكلشي ب نسبه الي فقدته بهاذه اليوم. دعيت ربي يموتني وارتاح م̷ـــِْن هل عذاب
لزمتي م̷ـــِْن ايدي وزمجر دقيقه وحده ماخليج بعد وياه مثل مافضل غيرج خلي يتهنئ وياها
سحبني م̷ـــِْن ايدي وكان يريد يطلعني. لزمني جابر م̷ـــِْن الايد الثاني وركز بعيوني وعيونه صايره حمر
وجهي ذبلان وكله دم م̷ـــِْن راسي.
همس بقهر. شهدد لاتسوين هيج بيه لادمرين كلشي
سحبت ايدي منه وحجيت مو اني الي دمرت انته بأيدك دمرت كلشي ومن الًيَوُمًِ انتهئ كلشي بينه ياجابر
خلص انتهت قصتي وياك لهنا وخلص
غمض عيونه بقهر لزمت اسد وعصام لزم نمر وطلعت ويه عصام للسياره صعدت ورحت وياه
احس روحي متت والله. رجلي ب كوه شايتلني ع ارض
ياربي ليش جاي تختبرني بأعز الناس ع كلبي
ليش ياجابر ليش سويت هيج بيه بشنو قصرت وياه
ليش لعب عليه هل لعبه الوسخه ليش ضحك عليه وكال بس شغل
كان دائما يكول انو ميبدلني بأي بنت. بس ليوم بدلني ليوم م̷ـــِْن حجاها وكال عنها مرتي بأيده كطع. كل الروابط الي بيني وبينه
همس عصام شهددد كافي تبجين رحمه لربج
كتلج ميستاهلج بس انتي ماسمعتي مِڼـّي شفتي اخر تصرفاتج وين وصلتج
شوفي حالتج شنو صاير بيج ليوم بسببه جان متي وهو متزوج ومرتاح
منو الي تزوجها تعرفيها انتي
خليت اديه ع وجهي وصرت ابجي بقوه واحس كلبي يريد يطلع م̷ـــِْن مكانه حجيت كاافي عصام فدوه لاتسالني عن شي
روحي دمرت ماااعرف ليش سوه هيج بيه اني ممقصره وياه بشي والله ماعرف ليشش هيج كسر كلبي
سحب نفس ورد كافي لاتبجين والله هو الخسران وتاليته راح يتندم ع هل تصرف أكدلج هل شي
خليت راسي ع شباك السياره وبقيت ابجي ودموعي احسها شلالات تنزل مثل النااار
تذكرت مواقفنه سويه وشون كان يحبني ويهتم بيه وشون كانت تصرفاته ويايه شنو الي خلاه ينعجب بهل بنت ويتزوجها.
ياربي دخيلك صبرني وبرد علئ كلبي والله احس ناار اشتغلت بيه. ماعرف ليش مجاي ارتاح بحياتي كل ماكول نحلت كل المشاكل
وراح نعيش بسلام يطلع شي ويرجعنه لنقطة الصفر
والله تعبت م̷ـــِْن هل اختبارات. اريد ارتاح
دعيت ربي بهذاك الًيَوُمًِ انو ياخذ امانته مااريد اعيش بعد. ماريد اعيش علئ حب جابر. الي خاني وكسر كلبي
كنت بكل شهكه الفض اسمه احبه كلش. ومتعلقه بيه
وكان كل ضني انو هوه هم يحبني بس طلع العكس طلع يحب يقضي وقت
ومن يمل يدورله شخص جديد
اؤف ياربي. غمضت عيوني ونمت ب سياره
