رواية الطالبه والضابط الفصل الثامن والثلاثون بقلم توتة
"هناك جملة تقول:
If you don't belong, don't be long
تعني إذا لم تشعر بقيمتك في المكان الذي أنت فيه
أو عند الشخص الذي تحب
لا تكمل وانت تملك خيار الرحيل
****************************
نارين.
مرر اسبوع علئ زواجي م̷ـــِْن ضرغام كلش مرتاحه وياه وعايشه احلا ايام مدللني وممنقص شي عليه
دائما يتغزل بيه ومعتبرني مثل طفلته. حبه ورغبته الي تخلي گلبي يرجف
فتحت عيوني واني نعسانه شفت نفسي غايصه بين احضان ضرغام حضاني بقووه خلي رجليه بين رجليه ومدخلني بوصت صدره
بقيت مركزه ملامح وجهه قربت وجهي م̷ـــِْن رگبته ودفنت راسي بيها بقيت اتنفس عطره الي يخليني اذووب.
شويه وحسيت بيه حضني بقووه وشد عليه
_حبيبي تأخرت علئ شغلك.
همس بصوت نعسان.
ضرغام / ليوم ماروح اهلي عازمينه علئ الغده
ابتعدت عنه ورتبت شعري وملابسي.
_هاا لعد كوم خلينه نتريك ونروح عليهم
فتح عيونه بنعاس وسحبني م̷ـــِْن ايدي رجعني لحضنه جعصني جعص.
_ههه كافي خنكتني كووم
ضرغام / اشششش خليني مرتاح
دفن راسه برگبتي وبقه يبوس بيها بهدوئ خليت ايدي بشعر راسه وبقيت اتمغص بين اديه.
_لاتحووسين اكعدي راحه
ضرغام / عووفني كافي خلينه نتريك ونروح علئ اهلك.
رفع راسه عني وهو يباوعلي بنضرات ذايبه عض شفته السفليه بقووه وكام م̷ـــِْن يمي.
بقيت متمدده علئ الفراش واباوع علئ طوله ورجولته الي تسحرني.
ضرغام / حضريلي الحمام.
اشرت بأيدي علئ الحمام عود هذاك وروح مابيه حيل
غلص عيونه مراضي علئ تصرفي اجاني بحركه سريعه شالني م̷ـــِْن السرير مثل الطير واخذني وياه للحمام.
_هههه عووفني لله يخليك ضرغام فدوووه
ضرغام / تحملي شر افعالج انسه نارين گتلج حضريلي الحمام مارضيتي
_نزلني واني احضره الك ولله
نزلني علئ الارض ماصدكت نزلني طلعت اركض م̷ـــِْن الحمام ورحت علئ الكنتور طلعت ملابس اله دكيت الباب طلع راسه وهو كله مي ينزل علئ وجهه
ضرغام / تعاي.
_هاك هاذي ملابسك رايحه احضرلك ريوك
ضرغام / ؏ اساس تعرفين طبخين انتي
_ايي راح اسويلك جاي
ضرغام / عود خلي ملح بالچاي حته اصبه علئ راسج.
_فوك ماسويلك جااي مراضي عليه
ضرغام / خليني اكمل لهيتني ولـج
ضحكت عليه انطيته ملابس اخذهم م̷ـــِْن ايدي وسد الباب وبقه يسبح
اخذت ملابس م̷ـــِْن الكنتور بدلت ؏ سريع قبل لايطلع ويشوفني.
نزلت تحت لگيت الخادمه محضره الريوك.
رحت للمطبخ حضرت الجاي واخذته علئ طاوله الاكل شويه ونزل ضرغام م̷ـــِْن فوگ يدكم بازرار اكمام القميص.
رحت عليه واني رافعه حاجب بغرور.
_تفضل.
ضرغام / اووف م̷ـــِْن ريحته مبين طيب
_طبعا شغل ايدي.
اخذ الجاي م̷ـــِْن ايدي وسحبني م̷ـــِْن الايد الثانيه گعد علئ الكرسي وكعدني علئ طرف رجله
_هههه لاتجي الخادمه وتشوفنه عيب
ضرغام / مرتي وحلالي ماكوو عيب بالموضوع.
_بس هيج مراح تاخذ راحتك بلأكل.
نزل راسه علئ ركبتي وشمني بقووه وعبالك دشم مخدر. اكثرر حركه يسويها يشمني م̷ـــِْن رگبتي هههه
خليت ايدي علئ صدره وبعدته عني شويه همست بهدوئ.
_امممم. حبيبي شلوون ليوم اشوف سهئ.
ضرغام / وشنو يعني. ??
_يعني مراح تصير مشكله
ضرغام / اني موجود مراح يصير شي انتي هم لاتحتكين بيها. وخليج بعيده عنهاا نتغده ونرجع امي صارلها يومين تلح عليه.
_اني كلش حابه اروح علئ بيت اهلك بس خايفه م̷ـــِْن سهئ.
ضرغام / تخافين واني موجود ?
ابتسمت وهزيت راسي بلاااا.
ضرغام / خلاص اذا اني موجود مستحيل اخلي شخص يسمعج حجايه انتي مرتي وغصبن علئ الكل يحترموج.
_احبك.
سحبني م̷ـــِْن خصري بقوه وهمس.
_إنتي ماخذه عقلي يلمصكوعه.
ضحكت وكمت م̷ـــِْن يمه كعدت علئ الكرسي اريده يتريك اذا نبقه هيج ناكل شي
بقيت اسوي بلأكل واخلي كدامه وهو ياكل ويسوي لكمه ويخليها بحلكي.
خلصنه ريوك شويه واجت الخادمه شالت الاكل م̷ـــِْن الطاوله.
_راح احضر نفسي ماطول.
ضرغام / ماشي.
عفته وصعدت للغرفه طلعت فستان لونه ماروني وعليه ستره بلون الاسود بيها كتابه بالنكلش. الجو. كان بارد داخل علينه الشتاء.
لبست وياه كعب شتائي عالي ورتبت شعري خليت مثل الربطه علئ ركبتي لأن واضح عليها اثار البوس م̷ـــِْن ضرغام.
طلعت تخبل ويه الملابس لأن هيه مثل الفرو الناعم. تصير.
خليت عطرر اخذت جهازي وخليته بالجنطه ونزلت لكيت ضرغام كاعد بالصاله ولازم جهازه مخلي ايد علئ الغنفه ولايد ثانيه يطكطك بالجهاز.
اول مانزلت شال نضره عليه احس عيونه اخترقتني صاررر يباوعلي م̷ـــِْن فوك الي تحت.
نزلت عيوني بخجل وتقدمت نحوه صرت مقابيله خليت ايدي. علئ خصري.
_شنو رأيك
عض شفته بقوه وكام م̷ـــِْن مكانه سحبني م̷ـــِْن خصري وباس شفتي بهدوئ بادلته بكل حب ابتعد عني وهمس بصوت ذايب
ضرغام / انتي دائما تسحريني بجمالج. بسس موو كأنو هوايه متأنقه لْـۆ لابسه شي ابسط حته ماتصير العيون عليج.
_انته تعرفني م̷ـــِْن زمان احب اكون أنيقه مابيه اصعد واغير لبسي مره ثانيه فدووه خليني اروح هيج
ضرغام / ماشي يلا خلينه نطلع.
حضنت كتفه بقووه ورفعت راسي عليه باسني م̷ـــِْن خشمي بخفه وابستم طلعنه سويه
صعدت بالصدر وهو دخل وساق. لبيت اهله طول الطريق ساكته ومتوتره راح اشوف سهئ بعد زواجنه اني وضرغام كلش خايفه منهاا ماعرف ليش
ضرغام ويايه وكال مراح اخلي شخص يسمعج حجايه مع هاذه توتر وخوف مسيطر عليه.
وصلنه لبيت اهل ضرغام هوه موو بعيد علئ بيتنه مسافه بنفس الفرع.
نزل ضرغام واني هم نزلت اجه يمي ولزم ايدي دك الباب فتحته ام ضرغام.
سلمت عليها وضرغام هم سلم وباس راسها دخلنه سويه للبيت ريحت الاكل م̷ـــِْن برا تشمها.
كان الكل كاعد بالصاله ابو ضرغام ولبنات وحته حيدر.
للعلم بالفترا الي فاتت اجانه حيدر للبيت واعتذر مِڼـّي علئ التصرف الي سواه واني سامحته ونسيت كلشي سوواه بيه لخاطر ضرغام.
سحر / نورتي البيت.
_عمري منور بوجودكم.
ام ضرغام / تعاي يمه تعاي اكعدي يمي.
رحت كعدت يمها واني خجلانه اباوع ماكوو سهئ ضاهر متريد تشوفنه.
بقينه نحجي كلام عادي شويه ونزلت سهئ م̷ـــِْن فوگ لابسه ومتأنقه لاخر درجه حته اني انصدمت م̷ـــِْن لبسها اول مره اشوفها هيج مرتبه نفسها
بقت تباوعلي بحقد وكره احس عيونهاا مثل اليزر صارت عليه توترت كلش نزلت راسي علئ الارض.
اجت كعدت يمنه بدون متسلم عليه راحت قريب م̷ـــِْن ضرغام وگالت
سهئ / شعجب اليووم مطالع للشغل.
ضرغام / غيرر امي گالت اذا ماتجي ليووم علئ الغذه بعد ماحجي وياك وانتي تدرين بيه مارفض كلمه الها.
سهئ / امممم. ايي زين سويتلك اكلاتك الي تحبها.
ضرغام / معدله.
ابتسمت بحقد ولخصتني بنضره تجاهلت نضراتها وبقيت احجي ويه سحر
_يمته قررتو تزوجون.
سحر / سيف حالين مسافر بشغل م̷ـــِْن يرجع نحدد موعد الزواج.
_الله كريم.
منار / ايي نارين بشري ماصاار عدكم شي. ههه.
_مثل شنو ??
منار / اممم. طفل يعني.
اباوع علئ سهئ وجهه صاار اصفرر وتخربطت اوضاعها.
_ههه بعد وكت مصارلنه فترا م̷ـــِْن تزوجنه.
ام ضرغام / لله كريم يمه انشالله يصير.
_انشالله
حيدر / يلا صبولنه الاكل اريد اطلع عندي شغل
كامت ام ضرغام لزمت ايدها وكلت
_انتي رتاحي اني راح اساعد البنات بالصب
ام ضرغام / لا يمه اكعدي انتي هسه احنه نجهز الاكل
ضرغام / اكعدي يووم خلي نارين تحضر الاكل وياهم م̷ـــِْن غير شي تعبانه م̷ـــِْن صبح تطبخين
ابتسمت بلطف وكعدت شكدد حبابه ام ضرغام كمت م̷ـــِْن مكاني ويايه سحر ومنار.
رحنه للمطبخ ريحت الاكل تخبل مسوين دولمه ومقلوبه وسمج وكلشي تشتهي النفس.
_اممم ريحت الاكل تخبل.
سحر / هاذه طبخ امي وسهئ.
_مبين م̷ـــِْن ريحته طيب
منار / طبعا طيب.
دخلت سهئ للمطبخ وهيه شايله خشمها اجت قريب مِڼـّي وهمست.
سهئ / قلت عليه الزلم اخذ رجال متزوج. ههه ولله يالله.
عرفت شنوو تقصد عود تذكرني بكلامي مَـرّھٌ گتلها قلت عليه زلم احب رجال متزوج بلعت الغصه وسكتت لزمت ايدي سحر وغمضت عيونها معنئ اسكتي عنهاا.
سهئ / هاج شيلي هاذه خلي علئ السفره
انطتني الصحون.
اخذتهم م̷ـــِْن ايدها ورحت ارتب بيهم علئ سفره اباوع علئ ضرغام عيونه تراقبني. رفع حاجب معنئ شبيج نزلت عيوني.
رتبت الصحون ورجعت للمطبخ لگيت سهئ تصب بلاكل اخذت سحر الفواكه ومنار شالت الخضره ولزلاطه.
بقينه بس اني وياها بالمطبخ رفعت عيونها عليه وگالت
سهئ / لعبتي ويه الشخص الغلط يانارين.
_عفواا ??
سهئ / ههه تحملي الي راح يصير بيج.
_مفتهمت.
سهئ / الاحسن متفهمين.
گامت م̷ـــِْن مكانها وهيه بأيدها سجينه بلعت العافيه تقدمت نحوي رجعت خطوات ليورا واني خايفه.
_ش. شنوو. شتسوين. ?
سهئ / شبيج خايفه مِڼـّي. مراح اذبحج لااا هاذه المووت سهل عليج راح اخليج تتمنين المووت وماتلگينه اوعدج بهل شي.
احس گلبي زدادت دكاته خفت كلش بسس مابينت الهاا سحبت نفسس بغضب ورديت عليها.
_مراح تستفادين شي ضرغام صاار زوجي وحالي م̷ـــِْن حالج.
سهئ / ضرغام كان الي وراح يبقه بسس الي واذكرج بهل كلام بعدين.
دخلت سحر علينه وبقت تباوع بستغراب عفتهم وطلعت م̷ـــِْن المطبخ واني اديه ترجف وجهي مخطووف حته بطني صارت تلويني.
كعد الكل علئ سفره الاكل شويه واجت سهئ شايله صحن. دولمه خلته كدامي وكالت
سهئ / ذوگي اكلي وانطيني رأيج
بقيت صافنه بوجهه رجعت باوعت علئ ضرغام غمض عيونه معنئ اكلي.
اخذته منهاا وخليته كدامي راحت هيه كعدت قريب م̷ـــِْن ضرغام اني صرت مقابيله.
بقينه نتغده سويه اكل وعقلي مشوش م̷ـــِْن كلام سهئ شنوو راح تسوي بيه ياربي دخيلك احسس روحي خاايفه كلش منهاا. مبينه م̷ـــِْن كلامها عدها شي قووي وراح دمرر حياتي بيه.
بقيت اكلب بالماعون فزيت علئ صوت ضرغام. يگول
ضرغام / نارين شبيج متاكلين ?
_هاا لا جاي اكل.
بقه مركز بعيوني ثواني تجاهلت نضراته احس روحي متوتره كلش.
اكلت شويه م̷ـــِْن الدولمه وشربت عصير.
سحر / شبيج وجهج مخطوف
_مبيه شي لايضل بالج.
سحر / خلصي اكل وتعالي نصعد فوگ.
هزيت راسي بأي.
كملنه اكل شلت الصحون ويه البنات بقت سهئ كاعده ماشالت شي تريدنه احنه نغسلهم
ماحبيت اروح يمهاا بقيت اغسل بالصحون ويه البنات اختنكت م̷ـــِْن الربطه نزعتها وخليتها علئ الكاونتر
باوعت عليه منار وضحكت.
منار / هههه ولج فضحتينه غطي نفسج
_هاا ليش شبيه ?
سحر / رگبتج عيني رگبتج اخوويه مفترسج شنوو. هههه.
خليت ايدي علئ رگبتي بفشله احس روحي صخنت خدودي صاارت نااار.
شويه ودخلت سهئ تسوي جاي وسعت عيونها بصدمه م̷ـــِْن شافت شكلي ورگبتي الواضح عليها اثار بوس ضرغام.
عصرت ايدها حييييل وعيونها طكن حمرر.
تجاهلتها ورحت قريب م̷ـــِْن سحرر بقيت اغسل وياها صحون سحر ميته م̷ـــِْن الضحك علئ سهئ لأن شافتني وضاجت
_اشش ولج كاافي شكدد تضحكين
سحر / ماشفتي وجهه شلوون صااار ولله خطيه
_هفف ولله تخوف نضراتها.
سحر / هههههه مبين م̷ـــِْن وجهج خايفه منهاا.
_موو قصت خايفه بس هيه نضراتها الي موراحه لْـۆ بيدها تخنكني وترتاح.
سحر / ههه لْـۆ ماتخاف م̷ـــِْن ضرغام م̷ـــِْن زمان خنكتج ورتاحت منج.
_عزااا يعني شنوو.
سحر / يعني تموتج
منار / يمعوده هاي سحرر تخوف بيج ختولي.
بلعت ريكي بخوف معقوله تسويها وتخنكني لا ياربي شنوو مجرمه.
خلصنه الصحون وترتيب وطلعنه قبل لاطلع لزمت ايدي سحر وگالت
سحر / هاج خلي هاذه علئ رگبتج عيب م̷ـــِْن ابوي وحيدر.
_اووف نسيته
اخذته م̷ـــِْن ايدها وخليته علئ رگبتي طلعنه سويه ورحنه كعدنه علئ تخم.#ڪــڔٰا̍ڕ
صرت مقابيل ضرغام اباوع علي يسوالف ويه سهئ ومندمجين سويه ماعرف ليش ضجت ونقهرت حته ماشال نضره عليه.
صاارو يحجون كلام مينفهم الغاز ويضحكون واني بسس اصفن.
ام ضرغام / شلونه ابوج هم اجه عليج
_لا ولله عمه مجايني اصلا هسه هوه مسافر ويه مرته گال م̷ـــِْن ارجع اجي عليج
ام ضرغام / هيه مرته شلونها زينه
_ايي كلش حبابه
ام ضرغام / لله يسعدهم انشالله
_فدوه لكلبج.
ام ضرغام / سهئ يمه كومي جيبيلنه عصير
باوعت سهئ علينه بغضب وكامت وهيه تتأفف راحت للمطبخ.
باوع علي ضرغام وابتسم ابتسمت بوجهه مجامله ونزلت عيوني.
شويه واجت سهئ شاليه العصير قدمت للكل وبقت اخرر كاسه جابتها الي.
اخذتها منهاا تحت نضراتها الكلها حقد وكرهه
بقينه كاعدين سويه شربت العصير اشوو لعبت نفسي منه مدري شبيه م̷ـــِْن ريحه تختلف وطعمه بيه مروره.
ماحبيت ابين هل شي كدامهم شربته بسس شنوو لعبت نفسي. كمت م̷ـــِْن مكاني. ورحت للمطبخ غسلت وجهي.
اجت وراي سحر
سحر / هاا شبيج
_العصير يلعب النفس
سحر / شنوو شبيه طيب مابي شي
_مادري بسس اني لعبت نفسي منه يمكن لأن شربت بلاكل.
سحر / خاف حامل ولج ??
_يمعوده شتحجين انتي تراا صارلي بسس اسبوع واحد م̷ـــِْن تزوجت شبسررعه حملت وحته لْـۆ حامل هسه ميبين شي.
سحر / امممم اي هم صح.
_تعالي خلينه نطلع يمهم عيب.
طلعنه سويه م̷ـــِْن المطبخ ورحنه كعدنه وياهم اتصل جهاز ضرغام عافنه وطلع برا يخابر.
شويه ودخل وگال.
ضرغام / يلا نارين عندي شغل خليني اوصلج للبيت.
ام ضرغام / يااا يمه هسه شفناكم خلي نارين يمنه اليووم باجرر رجعها.
بقه يباوعلي ومنتضر رد مِڼـّي ابقه لْـۆ اروح وياه
مكنت اريدد افشل عمتي. كتله ابقه ليووم هناا بسس بداخلي ماريد ابقه خايفه م̷ـــِْن سهئ كلش.
هوه عرفني ممرتاحه بس غلس علئ الموضوع عافني وطلع لشغله.
حيدر وعمي هم طلعو مدري وين بقينه بسس احنه البنات كاعدين ويانه عمتي
بقت سهئ كاعده. مقابيلي وتباوعلي بنضرات كلهم حقد وكرهه.
شتت نضري عنهاا ماريدها تشوفني خايفه.
خلص نارين اهدي خليج قوويه كدامها لاتخلينها تضعفج.
صعدت ويه سحرر لغرفتها وبقينه كاعدين ونسوالف كلام عادي.
سحر / ايي احجيلي شوون الوضع بينج وبين ضرغام.
_اممم. كلش زين.
سحر / اكيد زين اذا هوه مدمن بيج مهووس.
_اي هوايه يحبني ومهتم بيه.
سحر/ الله يديم المحبه
_فدوه لكلبج.
سحر / احسج ضايجه بيج شي.
_اممم. لا بس نضرات سهئ الي ابدد موراحه وقبل شويه بالمطبخ هددتني وگالت راح اخليج تتمنين المووت وماتلگينه
سحر / شنووو وانتي بقيتي ساكته
_شسوي لعد.
سحر / لاتخلينها تشوفج ضعيفه ردي عليها. اذا تشوفج هيج راح تخليج تعيشين برعب.
_شلون يعني برعب
سحر / يعني تخليج تضعفين وتخافين منهاا تصير تخوفج بكل طريقه وتبعدج عن طريقها بسهووله ترا سهئ موو سهله ابدد.
_سحرر ولله خايفه تسويلي شي اني ضعيفه ماكدر اسويلها شي
سحر / احسن شي تحجين لضرغام عليها.
_لا لا ماريدد اسوي مشكله م̷ـــِْن ولاشي اصلا هيه مسوتلي شي بسس حجت هيج
سحر / حت لْـۆ بس كلام راح يوكف وياج ضرغام ضدها.
_بسس اني ماريده يكرها بالعكس خطيه هيه هم مرته والها حقوق عليه اني بسس اريدها تشيل هل حقد ولكره عني.
سحر / شغلت انو متحقد عليج هاي تنسينها لج هيه م̷ـــِْن تزوجتو لليوم حاقده عليه لأن اني كنت سبب بجمع بينج وبين اخووي تريدين انتي ماتحقد عليج وانتي ماخذه رجلها.
_شعليه بيها اني اكعد بيتي واسكت
سحر / احمدي ربج ابوج شرط بيت لوحدج لْـۆ ضاله هناا يوميه مشكله تصير.
هزيت راسي بأيي وسكتت دخت وافكاري تخربطت كلش راسي احسه داخ
صاار اليل واني بيت اهل ضرغام نزلنه اني وسحر وحضرنه العشه سويه اني ماعرف اطبخ بس اجهز وياها شي خفيف
شويه واجه حيدر وعمي وضرغام دخلو كعدو بالصاله خلينه الاكل علئ سفره وكعد الكل ياكل اني معرف شبيه مخنوكه وحته الكعده وياهم ماريدها
جبرت نفسي اكعد بسس اكوو شي بداخلي يكولي كومي لاتكعدين.
كعدت وبقيت اتعشه وياهم خلصنه وشالو البنات الاكل بقينه كاعدين سويه. اباوع علئ ضرغام يطكطك بجهازه.
دزلي رساله كاتب. ..
ضرغام / شبيج يروحي وجهج اصفرر صايرر شي وياج. ?
رديت عليه بكتابه.
_تعبانه خلينه نرجع للبيت.
اول ماوصلته شافها رفع راسه وگال
ضرغام / يلا. نارين خلينه نروح.
ابو ضرغام / بعد وكت بويه
ضرغام / عندي شغل يابه.
حيدر / ليش ماتباتون عدنه اليووم وباجرر روحو.
ضرغام / ميحتاج البيت قريب.
سهئ / وصل نارين وتعال انته.
باوع عليها وهز راسه معنئ ايي.
بقيت اباوع علي يعني شنوو يعوفني لوحدي ويرجع يمهاا.
كمت م̷ـــِْن مكاني واني ضايجه سلمت علئ عمتي ولبنات وطلعنه سويه للسياره
دخلت بالسياره بقه ضرغام واكف ويه اهله ومدري شنوو يحجون اجت يمه سهئ وصارت قريبه منه كلش وصارت تحجي وياه ضجت كلش ونقهرت
درت وجهي عنهم واني ضايجه.
كافي نارين هل شي حقها هيه مرته قبلج لآزٍمٍ تتقبلين الموضوع.
شويه وصعد ضرغام للسياره وساق.
طول الطريق ساكته ماحجيت شي. لزم ايدي ضرغام وهمس
ضرغام / شبيج بويه.
_مابيه شي.
ضرغام / عينج بعيني م̷ـــِْن تحجين.
درت وجهي عليه وركزت بعيونه.
ضرغام / شكوو احجي صايرر شي. ?
هزيت راسي بلااا.
ضرغام / متأكده.
هزيت راسي بأيي.
ضرغام / ستغفرلله احجي لاتهزين براسج ليش تخبليني.
_ماكوو شي شحجي.
ضرغام / گلتيلي تعبانه شبيج تعبانه
_شويه دايخه راسي يوجعني.
ضرغام / اخذج للدكتوره.
_لا ميحتاج هسه بس نوصل انام ورتاح.
هز راسه بأيي وسكت كمل طريقه طول الطريق لآزٍمٍ ايدِيَ
وصلنه لبيتنه نزلت وهو هم نزل دخلت بوجهي لغرفتي تعبانه واحس روحي مخنوكه كلش وبسس شخص يلزمني انفجرر ماعرف شجاني.
نزعت ملابسي ودخلت للحمام لبست فستان نوم قصير شويه. طلعت م̷ـــِْن الحمام دخل ضرغام للغرفه.
تقدم نحوي وسحبني عليه وباس راسي ونزل راسه علئ رگبتي وبقه يبوس بيها ضوجني كلش حسيت روحي اختنكت منه كلش
دفعته عني بقوووه رجعته ليورا. بقه مصدوم م̷ـــِْن تصرفي.
ضرغام / شبيج ??
_كاافي خنكتني.
ضرغام / هاذي موو اول مرره ابوسج شبيج ليووم.
_خليك بعيد عني رجااء.
عقد حواجبه بستغرب م̷ـــِْن كلامي اني هم ماعرف شلوون حجيت هيج اني احب قربه مِڼـّي ليش هسه دابعده عني شنوو سبب.
تقرب مِڼـّي ولزم وجهي بثنين اديه ركز بعيوني وهمس.
ضرغام / م̷ـــِْن شنوو ضايجه فهميني.
_وخرر ضرغام اريدد انام.
ضرغام / اوكفي. متنامين قبل ماعرف شبيج ليش هيج ضايجه.
_كتلك عووفني خلص. راسي يوجعني ارريد انام افهم.
رفع راسي بطرف ايده ركز بعيوني ثواني والتهم شفايفي بقووه غمضت عيوني واني احاول اصبرر نفسي شي بداخلي رافض قربه مِڼـّي ويكولي ابعدي عنج.
دفعته عني بقوه وكعته علئ السرير درت وجهي عنه ومسحت حلكي وصلت الدمعه لطرف عيني اختنكت كلش.
ضرغام / انتي شبييييييج. صدك تحجين.
درت وجهي عليه واني اتنفس بغضب
_كتلك تعبااانه كاافي خليني براحتي فدووه
كام م̷ـــِْن السرير اجه بسرعه عليه ولزمني م̷ـــِْن كتافي بقووه نزل راسه علئ راسي وهمس
ضرغام / كلشي سوووي بسس لاتبعديني عنجج لاتكرهيني بيج نااارين.
_آه. عووفني ضرغام.
سحبني علئ حضنه حضني بقووه وكانو يريد يبرد النااار المشتغله بيه جسمه مثل الجمرر. غمضت عيوني واني استنشق عطره.
شويه واجت بالي الافكار المخربطه شي يكولي ابتعدي عنه وكانو اكوو شخص يحجي براسي.
دفعته عني ودرت وجهي اريد اروح للسرير انام ماحس غير انسحبت م̷ـــِْن ايدي بقووه احسها انخلعت.
ضرغام / ليششش تبعدني عنج شبيج ناااارين فهميني.
_ااااه. ايدي عووفني ضررغام اريدد انام.
دفعني بقووه علئ السرير وگال
ضرغام / انطيتج وجه. متستاهلين هل اهتمام
عافني وطلع م̷ـــِْن الغرفه انهضمت كلش م̷ـــِْن كلامه نزلت دموعي علئ خدودي. بدون ماحس
كعدت علئ سرير واني ابجي ومقهوره م̷ـــِْن نفسي ومن تصرفي الغبي
اني ليش هيج تصرفت ليشش دابعده عنيي ليشش اني احب قربه مِڼـّي شنوو الي تغير هسه.?
تمددت علئ سرير واني مقهوره احسس اكوو شي خانكني م̷ـــِْن رگبتي خنك حته انفاسي بالگوه اسحبها.
غفيت. واشووف نفسي مكان فاارغ شبه الصحراء واني اركض وفحطانه دموعي تنزل واكوو شخص بسس سواد يركض وراي ويريد يقتلني
استنجد واصرخ. ارريد صووتي يطلع مااكو احس روحي اختنكت كدد ماحاولت اصررخ ويطلع صووتي مااكوو.
اشووف ضرغام بعيد عني احاول اصيحله بسس هوه مايشوفني ولسواد كل ماله يتقرب مِڼـّي
فزيت مرعوبه م̷ـــِْن الحلم....
