رواية عشك الشاهيين الفصل التاسع والثلاثون بقلم مجهول
🌿**من حنيتك شگِد نبهّتني النـٰاس ..
بس أخجل إگلهمّ گِلبي
ما يفهَم !! **🌿
#بارت_39
غرام
( انتي الخير كله)
هاي الكلمة جان يوميه يكوله الي بس اليوم حسيته اله طعم مختلف يمكن لان صار هواي ماسامعته
وفجاءه ذكرهه اليوم ماعرف شصارلي من حسيت ممكن احد يشاركني بي نسيت كلشي
هل شعور اول مره احسه
ولا مره فكرت بهل شي
لان شاهين جان دائمًا يحسسني عينه مشوف غيري وحتى من فترقنه ابد مافكرت بشغله ممكن غيري تدخلل حياته الي جان محطمني هو بعده عني
لان جنت متعلقه بشاهين بطريقه عجيبه لحد هذا اليوم ماكدرت اتجاوز ازمه بعد شاهين صح خف التأثير وصرت اكدر اسيطر على نفسي بس بعد اله تاثير
اليوم هو هادئ ويايه ويحجي بهدوء ماعرف اليوم من حجه وياي نمت مرتاحة
كعدت الصبح احس اكو شي ناعم عله وجهي ويلعب بشعري من فتحت عيوني شفت غرام الصغيره يم راسي عل جربايه وتلعب بشعري.
هاي شصعده هيه مشي متكدر تمشي
من رفعت راسي طلع شاهين من الحمام. كال عاده ميعرف يلبس ملابسه قبل ما يصفن عله روحه سنه بالمرايه عود يمشط يله يلبس ملابسه من شافني كعدت كال
شاهين
هاي الشيطانه كعدت
غرام
اني شيطانه
شاهين
اقصد بن علي
غرام
ليش جانت نايمه
شاهين
ماخلتني البارحه انام لل ٣ صبح يله نامت
غرام
ليش وين امه وابوهه
شاهين
هاي اذا شوفني تنسه اهله لذالك من غفت صعدته للغرفه
غرام
هوايه تحب الأطفال
شاهين
اي
غرام
جنت احجي وياه دخل لبس بس البرموده واجه شمر روحه بصفي وأخذ الصغيره بحضنه يبوس بيه ويعض خدوده
صفنت عليه كلش يلوكله دور الأب. جنت صافنه عليه فجاءه خله ايده عله شعري وبعثره وكال
شاهين
ارجعي نامي ترى بعد وكت الساعه ب ٥:٣٠ الصبح
غرام
لعد شعدك كاعد
شاهين
اني نومي قليل
غرام
انته ماصدك. اذكرك بانده جنت
شاهين
انته كلتيه جنت
غرام
ليش شلون عفت النوم جنت من تنام تصير مثل الميت
شاهين
العسكريه غيرت هواي من اطباعي
غرام
من ذكر اسم العسكريه. خطر الف سوال بالي من عرفت هو محول عل طبابهً العسكريه لهسه بخاطري اسالهن. انداريت عليه وكتله
غرام
شاهين
شاهين
نعم
غرام
ليش رحت العسكريه يعني اذكر جنت تريد صير جراح وتختص قلبيه شخلاك تغير افكارك
شاهين
هيج ماكو سببب بس عجبتني
شاهين
شنو ارد عله هذا السوال. اكله أني تركت حلم عمري وانتي السبب اكله رحت لمكان بحياتي مافكرت بي بيوم وانتي السبب.. قصص وروايات عراقية كرار صلاح
اكله تركت الصحه كله خاف بيوم اشوفج. ونلتقي بشي مكان.
عيونه الي جانت تصفن بينه وشعرهه الي نازل عله عيونه
هههه جنه عيون بزونه.
اخر شي درت وجهي منه أني موحمل هل منضر. واشوف كل هذا وما اسوي شي
وهم ادري قربي منه راح يخليه تبعد اكثر عني
بيوم أني چنت كلشي اليوم اخاف اقترب لان متاكد تبتعد.
الألم. الي تحسه. بلحضه الشوق لشخص تحسبه كل روحك بس انته مو بداخله
هذا الشعور وحده كافي حتى يدمرك ينهيك
الطب واله الرتبه واله كلشي. شيعنيلي كل هذا. واني الي احبه واتمنه. كل لحضه تمر من عمري
اخاف اقترب منه اي اخاااف لا تنطق كلمه ممكن تخلي كل مكان بيه ينزف
لان مو سهله ابد
عليه بيوم جانت غرامي واليوم حلالي بس جنه محرمه عليه.
سويت روحي العب ويه الزغيره.
وهيه ضوج من شواربي جكك وجه كامت تدفع بيه.
سحبته غرام عليه وكالت
غرام
تعالي حبيبي خلي يروح هل متوحش
مجانت تعرف هاي الزغيره. هذه بابا شاهين فوك كلشي. من سحبته غرام مني وحجت عليه ضربت غرام عله وجه وتسوي بابا
هههه غرام ضلت صافنه كتله
شاهينً
ههههه هاي روح عمه لو شماسويله ماتنطي بيه
غرام
والله هل طفله عياره
شاهين
حييييل احبه احسه قطعه من روحي
غرام
ليش هيج متعلق بيه
شاهين
من افترقنه. جانت حياتي جحيم بس من دخلت هذي الطفله هذا البيت. وصار اكو غرام مصغره بالبيت. كدرت اشويه ابتسم
غرام
مو علساس اليوم نطلع
شاهين
ترى الساعه ٥:٣٠ الصبح وين طلعين هسه
غرام
عاجبني اركب حصان
شاهينً
شمس البصره طلعت هسه خليه باجر
غرام
ليش مو وكت الغروب
شاهين
وكت الغروب اكو ناس هواي. واني مايعجبني الكل يشوف غرام الشيخ شاهين
غرام
ليش مو تريد تخلي طيور السمه تعرف منو غرامك شختلف
شاهين
ماختلف شي بس مو بهل طريقه. بعد شوي صاير سولفين هواي ارجعي زعلي خليني اخذلي غفه كمت اشوف الواحد ثنين
غرام
اوك جيب الزغيره ونام انته
شاهين
هاي تغفه بحضني بس اغمض عيوني هسه تلكيه نامت
غرام
هههههههه تذكر من جنه نطلع سوى واني بدون ماحس انام. واخليك تكوم تفور
شاهين
ههههههه شلون ماذكر. ولا طلعه طلعناها اذا مانمتي بالرجعه لو بنص الطلعه
خاصه. من جنت ادرسج. حتى دموع تكوم تطلع من عيونج
غرام
بس ترى جان حقي أكون ٢٤ ساعه نايمه
شاهين
شلون بله حقج
غرام
اي اذا أني. جنت طول اليل احجي وياك وهم بالنهار جامعه ودراسه
شاهين
اي هم حقج
غرام
هو نام اول ماخله راسه عل مخده وهاي الملعونه. نامت اول منام. صافنه عليه
اجمل لوحه كدامي. اصلا هل طفله ضيفله جمال ماعرف شكد مر من الوقت. واني صافنه بيهم
بعدين اتصلت امه وسالتني عنه كتله
اي موجود جاب بت علي. وجه الصبح وهسه يله نام هو وياها
حذرتني من سالفه اكعده وخلي نايم لان هو هوايه تعب هل فتره
أني هم صدك عفته نايم وسبحت وبدلت ونزلت.
كل عاده البيت اليوم زايد مناقص جنت عل درج بعدني مداخله الصاله وشفت. شكلي غريب بالنسبه الهم أني جنت لابسه جنز عادي وقميص صيفي للركبه
بس همه كلهم لابسين خليجي وطالعين فد شي
اباوع على مرام اختي ههههههههه عبالك شي شخصيه مهمه بمسلسل خليجي
لابسه كلابيه. فخامه وكعب والمكياج وابنه بحضنه كاعده بصف ام علي عبالك أميره
وحتى زهراء نفس الشي
رجعت أني لغرفتي أني جبت ثنين وياي احتياط طبعًا. هذولي شاهين. جان جايبهم بجهاز
لان حضرته هو الي جهز وحده أني مو العروس بس بالاسم لان حتى الملابس. هو جايبه
جايبلي سبع جنط حاير شمخلي بيهم
طبعًا أني وراه مجايبهم بسبوع او اكثر يله فتحتهم
الصراحه. انبهررت بيهم.
بس اكيد مراح اكله ووووووواووًً. شهل ذوق والنزاكه
اصلا مجبت طاري لهل موضوع. ضليت ساكته
بس من حضرت جنطتي حتى اجي وياه لاهله همزين جبت كم شغله وياي
رجعت للغرفه لبست كلبيه فضي خليجي وبيه فتحات من الجوانب الضاهر مشايف الفتحات واله جان مستحيل جابه.
وخليت مكياج. عيون قوي. وحمره احمر طوخ. وشال فضي وبطرافه. خطين مازكات احمر
ولبست حذاء كعب همات احمر
وماعرف منين جبت هل خبالات خليت خاتم نازك عندي قبل الحلقه.
ولبست سورارت ذهب
اني مو كلش احب الذهب. بس شفت الي هنانه يتباهون بهل شي لذالك لبستهم.
ورشيت عطري ونزلت
امه اول منزلت من الدرج صلت عل نبي.
الصراحه. حيل خجلت من الكل باوع عليه. احس العالم صافنه بيه. ولعلم همه كلهم حلوين ومرتبين.
باوعت شفت نهله عاقجه وجهه كبر ذيج الشوفه
اكو حجيه جانت كاعده يم خاله ام شاهين
كالتله
الحجيه
اكول ام علي هاي منين الحلوه
ام علي
هاي مرت الشيخ شاهين
غرام
من كالت هاي مرت الشيخ شاهين ماعرف ليش حسيت بكميه هل فخر والسعادة. بالوقت الي جنت بي أني بس اريد اهرب من شي اسمه شاهين
صارت امه تعرفني عله كل الموجودين.
على أني خليفه الشيخه من بعده.
البنت البغدادية. الي ماتعرف شي عن هل أمور ولا هل عادات. كل الي جانت تعرفه ورقه وقلم
والي صارت تعرفه. مستشفى وعرفه العمليات.
بيوم وليله صار كل هذا براسه. حسيت بثقل مسؤليه انو اكون بجانب شخص مثل شاهين
الي. شفته وعرفته وسمعته بعد ماعشت هل كم يوم بيت اهل شاهين
شاهين مو حب الله إنسان عادي. اله ثقله وزنه. بين الناس والعالم.
شخص. يعتبره الكل. مرتكز من مرتكزاتهم
كلشي يصير يرجعون الشاهين حتى لو جانت الشغله سهله وبسيطه
شاهين بمقدمه كلشي
كل يوم اسمع شخص. من فلان محافضه جاي لخاطر شاهين
شخص من فلان مكان جاي لخاطر شاهين
اليوم من شفت كميه الاحترام والتقدير.
وشون العالم تشوفني بعين الجبيره. بس لأني اسمي مربوط باسم شاهين.
رغم أني جنت. مانقصني هل شي ولا افتقر لهل أمور. بس انو تحترمك الناس وتقدرك شي
وانو انته تحس بهل شي شي ثاني
الشعور الي مات بداخلي من يوم الي اختفه شاهين اليوم رجع ينبض
مجرد. رجع شبح الشاهين بحياتي. رجع الفرح داخلي
حتى وان جنت أني ارفضه. هل شي
مانكر كميه ألراحه الي احس بيه اليوم
الكل يسلم عليه. وكأني ضيف شرف
وخاصه مريم الي اجتي لبيت جده تاخذ كم شغله اول مشافتني كاعده يمهم. كالت
مريم
حي الله. غرام الشيخ شاهين اليوم منوره.
غرام
الله يسلمج حبيبي النور نورج
مريم
عمي يا نوري. مشوفين شلون كاسره عل كل ضعنه والله بحضورج
جانت تحجي وهيه فرحانه ومكيفه بيه عبالك تعرفني من سنين احس الكل يحبني على محبه شاهين. بعدين كالت
مريم
شنو السالفه ابن عمي وين
مرام
منو من ولد عمج
مريم
الشيخ شاهين
مرام
والله مادري مختفي من اليل اخذ بت علي وختفه
غرام
خير مريومه شتردين من شاهين
مريم
ماريد. شي بس هو شيخنا يدري الگمر ماله اليوم نازل للأرض. لو مايدري. لان زين اعرفه مو مال هو يدري بيه. نازل لا وشلون نزله
غرام
خرب ببليسج. مريم. والله عدج سوالف
غرام
جنت اسولف ويه الكل ومندمجه حسيت روحي وحده منهم. مو غريبه وهاي اول مره اشوفهم.
وهاي الي اسمه نهله انشاء الله. شويه ويطلعون بيه للنجف كولو آمين.. قصص وروايات عراقية كرار صلاح
رفعت راسي واشوفه نازل من الدرج وشايل الزغيره بيده. منضره تحفه وشهل كشخه شدعواه. هيج كاشخ قابل وين رايح سلم عله عماته وخالته والكل. شنو اني مرئيه مانشاف
بس شويه وكال
شاهين
يمه. لعد وين غرامي
