رواية عشك الشاهيين الفصل الثالث بقلم مجهول
- هواي حَبيت الأغاني .
البيها چلمات العشک
تاخذني لـ أسمك منين
ما ادير العُمر الگاني احبك .
قررت اخطب ساره البنيه الي احبه هيه هم مهندسه تشتغل عدي بالشركة بس من فاتحت اهلي جان الكل ضدي حتى صگر كالي بايع ذهب وجاني تنك حيل نرفزني ومافهمت قصده. والي خبلني امي تهز ايده وتكلي ماجبرك على شي بس عقلك برأسك تعرف خلاصك الكل يلمح انو اكو وحده تسواها كل بال ولا بال مريم خاصه هيه محد يدري بسالفته. واصلا هاي راح يصير سنه مشايفه صح مرات احن لاهتامه الزايد بيه واذكر أخباله وشلون جانت تفرض نفسه. عليه. بس من جدي كال اخطبلك بحاله وحده مريم ترضه احس الكون كله وكف بوجهي
رجال شكبرني شگدي. يربط مستقبلي بقرار زعطوطً طايشه.
بس ماجنت اصور رده الي فتح الطريق كدامي وبنفس الوقت حيل ضوجنيً
شنو قصده بماشفت غير فهد كدامي يعني باجر عكبه هيه مداومه جامعه واذا عجبه أخد تحبه. وتبلش وياه
ضلت هل فكره تأكل براسي رغم مو من حقي ماعدي شي ويه البنيه انوب من طلعت من يم جدي وشفته هاي مو مريم الي اعرفه
متغيره ١٨٠ درجه شدعوهه هيج محلوه وشكوً حافه الحواجب وعبالك محضره روحه لعرس مو كليه هيه ولا عبرتني عافتني وراحت
هاي شبيه بس اكيد شايفتله شوفه مامعقولهً هيج تتركني بهلً سهوله
مرت الأيام وبده الكل يجهز الخطبه فهد الي الكل ممقتنع بيه. وجده راح من وره خشمه خطب
اليوم. تلبيس الذهب ومريم قررت تروح
اليوم مهر فهد ردت اروح حتى تموت اخر ذره عشگ بيه لفهد لبست وتئنقت ممسويته قبل. لبست فستان. وردي ساده شيفون مال محجبات طويل من فوك مخصر ومن جوه كلوشه كلش مثل البدله. وحذاء كعب ابيض. وشال ابيض ومكياج هادء.
بالبدايه رحت لبيت جدي. حتى اطلع وياهم
اول مشافتني مرت عمي ام علي كالت
ام علي
اللهم صل على محمد وال محمد. يمه هاي الينگال عنه هنياله الي حطه بيته دكتوره. وبت شيوخ وست الحسن والجمال.
اني ضليت اوزع ابتسامات. وشاهين. وميعرف يتغزل يسوي معقوله. هاي بت عمي لا لا ماصدك.
بهل اثناء نزل فهد كاشخ ومتأنق. اووووف كلبي احس راد يطلع من صدري بس هو حيل عصبي. وبالذات ويايه مدري شبي عبالك. كالتله ابوه
اخر شي گال.
فهد
مريم متروح. ويانه
علي
خير شبيك ويه البنيه من اجت لهسه شاد وياها. شبيك تخبلت
فهد
اي تخبلت مريم متروح
علي
فهد (گاله بغضب )
مريم
خلص ابو. حسن. ماروح مو فد مشكله يله عمه أني راجعه لبيتنه
فهد
هيوووو. انتي وين موليه وين رايحه لبيتكم بهل شكل امشي بدلي
شاهين ضحك. بصوت عالي. وگال
شاهين
وروح أبوي إذا مريومتي. متووح أني هم ماروح
مريم
لا شاهين شعليك بيه يمعود
شاهين
اگلچ اشو أني رايح جبر دخلي اخليچ. عذر. وهسه نطلع أني وياچ. نفر البصره كله.
ضل شاهين يسولفلي وين يوديني وشلون راح يونسني أني كل الي بالي ليش فهد ميريدني اروح. بس شفت فهد حيل ضايج. من كلام شاهين. تفاعلت ويه شاهين. وكتله
مريم
اي والله. شيخ. لعد هاهيه وياك. شسوي بمهر فهد اشو فهد هل گداميً واكيد مرته غثه مثله
بهل كلام نزل صگر. كاشخ. وعطره سابقه وعبالك. هو العريس. من شافني گال
صگر
هاي الكيكه بنت عمي لو أني متوهم
مريم
عيونك حلوات شيخ. هل شوفني حلوه
صگر
هسه عيوني حلوات هذا امر منتهين منه بس بويه انتي اليوم صاروخ ..... اگلجً ام علي أني قبل كم يوم سولفتلج عن. بنيه عشگانه بطلت. اني اريد بت عمي
چنه نضحك على سوالف. صگر وشاهين. وجان يعيط فهد
فهد
مو كافي عاد. ترى طوختوهه وأنتي والله راح اكفر بيج. وهسه تغيرين لبسج وأتمسحين وجهج. بسرعه
مريم
خاف مترضه
أني موگلت هيج لا فتحت باب جهنم عليه ضل يعيط ويصيح اخر شي شاهين عاط بي گاله
شاهين
وسمً شبيك تخبلت عل بنيه
فهد
شاهين مشوف اشلون انتو. الي هيه حسبت اختكم شلون تتغزلون بيه تريدني اطلعه هيج كدام العالم. مگرن. گدامك
شاهين
لا ضل تخربط شنو قصدك هسه حنه مگرنين لان مخليه هيجً تطلع.
فهد
اني وحد
گاله وعافنه وطلع جنه ثور هايج. ضلينه واحد صافن عل ثاني
اني گتلهم ماروح. شاهين ضل يحجي. كتله والله ماروح. لتحاول وانته لخاطري روح لان جان قافل ميقبل يروح
طلعت من بيت عمي رحت من جهه الشارع الرئيسي لان لابسه كعب ماكدر افوت بالبستان. جان اشوفه منتجي عل سياره ويدخن. من شافني اجاني جنه واحد هاد وگال بعصبيه
فهد
خير وين موليه
مريم
فهد وخرً من طريقي خليني اروح لبيتنه
فهد
امشي اصعدي گدامي. بالسيارة. يله
مريم
ترى هذا بيتنه دقيقتين أوصل
فهد
گلت گدامي
ماگدرت اناقشه زين اعرف فهد من يصير عصبي ميتفاهم صعد. صعد هو ورايه وگال
فهد
سابحه بالعطر
مريم
وصلني للبيت
فهد
شكوً. شبيج. شسامعه
مريمً
هاااا
فهد
شهل تغير
مريم
يا تغير
فهد
اسمعي لج أني سمعت كلامجً ويه جدي. شنو قصدج. ماشفتي گدامج. غير فهد يعني هسه شتغير
مريم
ترى مجاي افهم شي. سولف بالقلم العريض شتقصد
من كتله طبگ السيارة بسرعه وغضب وندار عليه. وهو حاط عيونه بعيوني حيل وترني. جان يگوًل
فهد
اكو احد بحياتچ.
مريم
انته شجاي تخربط
فهد
جاوبي مريم. سؤالي واضح اكو احد بحياتچ
مريم
اي .... چانً
من گتله هيج. ماعرف ليش حسيته مثل الي ارتاح سند رأسه على كرسي السياره وبقه يدخن. غمض عيونه وكال
فهد
انزلي مريم انزلي
الصراحة هواي جان عندي فضول اعرف شبيً بس كرامتي متسمحليً اساله لذالك نزلت وراها بعد ماشفته
اليوم جان المهر مالتي. شفت مريم بس هاي غير مريم شهل جمال والأناقة. انوب اشوف اخوتي شلون يتغزلون بيه لا مستحيل اخلي احد يشوفه
ماعرف شبيه. شجاي يصير وياي من عرفت بيه بعد متريدني. مريم اتخلت عني لا وصايره مريم ثانيه.
احس الكون كله. ضدي. زين هيه بنيه ومن حقه. تهتم بنفسه بس ليش هيج أني اريد أضمه من عيون الناس
عاندت وماخليته تروح للمهر السبب الأول ماريد احد يشوفه والثاني ادري مو سهله. عليه بيومً جانت تعشگني واليوم. تحضر مهري لوحده غيره
بس من سالته اذا احد بحياته صدمتني من حجت بكل ثقه جان.
ماعرف ليش ارتاحيت وبنفس الوقت. ضجت
رحت لاهل ساره. لبسته الذهب ورگصنه شويه بس أني مدري شبيه غير مريم ماشوفً اشوفه بكل الوجوه وصلت مرحله ارگص ويه ساره واتخيله مريم
مر سبوع عله الحفله واني مريم ماتطلع من راسي حتى ساره شگد جنت متلهف حتى تصير الي هسه ماكو تليفون ماشيل عليه كل همي. مريم
بس الي صدمني وجنني. من سمعت ابن خاله متقدمه اله وطالبه من جدي جنه كلنه كاعدين وسولف عمي وكال
ابو زهراء
هااا شيخ شگلت انطي مريرمه لا
شيخ مظفر
والله يابو زهراء أني لو ضل عليه مانطيه
ابو زهراء
ليش بويه. رايده لاحد من ولدنه
شيخ مظفر
والله لولد حسن لا. تدري علي مزوجً اخته وشاهين سالفته سالفه. مايرضه يأخذ. وفهد هل خطب ومثل ماعرف اسمي مظفر ادري بصگير باله وحده.
بس وأنه ابوك أريده لعباس ابن اخوك حسين
ابو زهراء
والله. بويه اذا عباس قابل. ومريم أني كحل عيني ابن اخوي مثل ابني وهم ضل بنيتي قريبه عليه
جدي وعمي يتناقشون. واني احس الهوى ضاگ بصدري. ادري كلش زين عباس راح يقبل خاصه هو اكثر من مره يلمح. يريد مريم وجانتً مريم دوم تگليً هسه عباس يخطبني من أبوي. وحدي بعد لا ينطيني الك ولا عباس. واني حيل احبك فهد لا تعوفني
عفتهم كاعدين وطلعت بسرعه لبيت عمي طبعًا ادري بس هيه بالبيت لان عمي ومرته يمنه وهو اصلا عمي ماعده خلفه غير زهراء ومريم
