رواية مهرة والزين الفصل الثالث
مهرة كانت مرعوبة ومتلغبطة ومش عارفة تجمع ازاي ابوها يكـ ـسر قلبها ويوافق بحد غير حليم اللي هي بتحبه ومتاكدة انه بيحبها صحيح مقالهاش صريحة لكنها شافتها في تصرفاته ليها، مهرة بصت لابوها وبعدين لجدخا حاولت تتكلم لكن لاقتهم اتجمعوا على كلمة واحدة وهي كلمة مبروك وبس فقررت تنسحب من المكان و اللي ترجمته ستها وباقي العيلة انه كسوف مش اكتر.
زين يعرف مهرة كويس لكن مهرة متعرفوش مهرة بتيجي كل فترة ومش بتروح في حتة غير المزرعة متقابلتش مع زين ولا مرة بس زين في كل مرة بتروح فيها المزرعة بيشوفها قلبه دق لما شافها لا مش دق ده اتخلع من مكانه حاول يتقدم اكتر من مرة وفي كل مؤة كان بيشوف تبرير من حليم مش فاهمه لحد ما انتهز فرصة وجود ابوها و٤رر يفتح الموضوع تاني وبشكل رسمي و تمت الموافقة بشكل اسرع مما يتوقعه و اللي وافق اصلا جدها مش ابوها ابوها ملحقش حتى يترجم كلام زين .
مهرة اترمت على سريرها وفضلت تبكي بس فجاة وقفت ومسحت دموعها و هي بتعدل نفسها وبتقول / ادخل
دخل ابوها وقعد جنبها ولاقها بتحاول تهرب منه عشان زعلانة منه حاول بكل الطرق يكلمها لحد ما حنت عليه وقررت تبص له وهي بتقولن بعتاب / كده يا بابا كده ترمي بنتك حبيبتك الرمية دي ؟
ابوها/ اخص عليكي بقى زين الهواري رمية بردو ده انتي امك اللع يرحمها دعتلك في ساعة عصرية وباب السكا كان مفتوح وقتها
مهرة اتعصبت من كلام ابوها وقالت / وانا مش عاوزاه معرفوش ومبحبوش
ابوها / يا بنتي هو انتب ادتيتي لنفسك فرصة تعرفي عشان تقولي حبيته ولا لا ؟
وقفت مهرة وقالت بعصبية / مش هدي لنفسي فرص انا فرصي مش مع زين ولا غيره
وبعدها بصت لابوها وقالت / انت عارف قلبي مع مين
رد ابوها وقال/ يا بنتي بلاش توحعي قلبك بايدك حليم لو كان عاوزك كان اتقدملك من زمان لكن ده محصلش
مهرة بحزن/ كان مستني يكون نفسه
ابوها بجدية/ لا مكنش شايفك بدليل انه خطب بعد ما العريس اتقدملك واتجوز
مهرة بعصبية / وفركش بدل المرة اتنين و اتجوز بالعافية بعد ما جدب ضغط عليه يتجوز
كملت بحزن وقهر وقالت / و ليه جدي مطلبش منه ياخدني انا بدل ميادة اشمعنى انا يعني ؟
ابوها حضن وشها وقالها بنبرة كلها حب وحنان/ عشان حليم بص للمصلحة لما اتحطيتي في مقارنة بين فلوسه وحاله ومحتاله قرر يختار المصلحة واختار شراكة زين و عشان يأكد الشراكة دي اتجوز اخته وده كان اقتراحه هو مش جدك
ردت مهرة بعصبية وعدم تصديق / كدب محصلش حليم بيحبني انا وجدي غصب عليه زي ما انتوا بتغصبوا عليا دلوقتي
ابوها مسكها من دراعاتها وقال / لو كنت بغصب عليكي كنت جوزتك من زمان انما انا ماي على هواكي برفض وبقبل وبعمل كل حاجة تعوزيها جه اليوم اللي تنفذي اللي اعوزه
ردت مهرة بعناد واصرار / مش هنفذ ولو قتلتني م هنفذ يا بابا
ابوها متحملش كلامها عن الموت سابها وخرج من الاوضة و كالعادة كدب على جدها و قاله كلام غير دار بينهم و الجد قرر انه يصدق عشان المركب تمشي .
بعد يومين جه يوم الخميس معاد الخطوبة الرسمي وجت عيلة زين في زيارة عائلية عشان العيلتين يتفقوا على كل حاجة وبعد ما اتفقوا ميادة اخدت العرسان لاو١ة بعيدة وية عان يتعرفوا على بعض ويتكلموا كلمتين زي اي حد وبعد ما خرجت من الاوضة فضل الصمت سيد الموقف وقتها مهرة مربعة ايدها ومش عاوزة تتكلم حرف و زين بيشرب سيجارة مهرة بصتله وقالت بنبرة امرة / اطفي الزفتة دي بكره ريحتها
زين حط فعلا السيحارة في الطفاية و فرغ دخانها في الهوا وبعدها بصلها و قالها بابتسامة / طب براحة متزجيش كده
لسه هيكمل كلامه لاقها بترمي قنـ بلة في وشه وهي بتقوله / انا مش موافقة على الجوازة دي ولا عليك اصلاومن فضلك تطلع تقولهم انك شوفتني واني معجبتكش و مش هتكمل في الجوازة دي
زين سالها بهدوء ونبرة كلها حنان / ليه يا بت الناس هو اني فيا حاجة تتعايب ؟
مهرة / ياسيدي انت زي الفل والف بنت تتمناك بس انا مش من ضمنهم صعبة دي ؟
زين / لا مش صعبة بس حجي اعرف ليه ؟
مهرة / من غير ليه هو كده وخلاص
زين بهدوء / رغم اني كلتمك ديه كسر فرحتي بيكي بس معلاش هعديها لك
مهرة سالته بفضول / فرحتك بيا ؟!
زين استغل فضولها وقالها / ايوة متعرفيش اني كنت بعد الايام و الليالي كيف عشان لحظة كيف ديه متعرفيش دعيت ربنا يجمعني بيك كد ايه
مهرة بدهشة / دعيت ربنا عشاني انا ؟
زين / اني اول مرة شوفتك فيها كنتي بت 15 سنة رحت وجولت لـ حليم وجتها اني رايد بت عمك حالي انك صغيرة وابوكي مهيرضاش
مهرة / بقى حليم هو اللي قالك كده ؟
زين/ وجالي كمان ان ابوكبدي ماسك فيكي ومستحيل تتجوزي بعيد عنيه .
مهرة لما سمعت كلام زين اكتشفت انها كانت هتضيع كنز من ايدها. فقررت توافق عشان تغيظ حليم و تنتقم لكرامتها وكلها شهر ولا اتنين وتفركش الخطوبة وتقول مش مرتاحة ويبقى رضت جميع الاطراف .
خرج زين من الاوضة والابتسامة على وشه وهنا جدها ساله / ها نجول مبروك ؟
زين ابتسم وقال بجدية مصنطعة/ و الله يا جدي بما دخلت جوا معجبتنيش بس هي حالت اديني فرصة نتعرف على بعضنا فجلت وماله
حليم بغيظ / يعني ايه الحديت ديه
مهرة كانت هترد بس زين قال/ نجرأ الفاتحة الخميس ديه وبكره بأمر الله نتكتبوا الكتاب اني محبش ادخل واخرج كده
كل خطط مهرة باظت بصت لزين و قالت له بهمس/ انت بتعمل إيه إلهي يخربيتك انا قلت خطوبة بس مش جواز
زين / لمي لسانك واحمدي ربك اني لميتك وسترك يا بايرة ياللي ملجياش حد يتجوزك
وجه تاني يوم واتكتب الكتاب ومهرة مكنتش عارفة تفركش الجوازة وحاولت ترجع في كلامها بس جدها اتعصب وامرها تفضل في اوضتها لحد ما يخلصوا كتبت الكتاب والحفلة وبمجرد ما الحفلة خلصت قررت انها تهرب وترجع القاهرة مع ابوها وهناك هتفكر براحة وتشوف هتخرج ازاي من المشكلة دي و اثناء ىجوعها كان ابوها متعصب وبيتكلم بغضب شديد وهو بيسوق العربية وبيبص لها فحاة صرخت وبعدها كل شئ وقف بعد ما العربية خبطت في عربية نقل كبيرة والعربية اتقلبت اكتر من مرة و على وشك الانفـ جار
