رواية ذيب الشامخ الفصل الثالث بقلم توتة
كأنك خلقت ليُغرم بك قلبي. ❤️
~~~~~~~~~~~~~~~~~~~~~
درت. وجهي وكانت الصدمه نفس الرجال الي شفته بالكاظم (ع) بس شعنده هناا وشيريد مِڼـّي ماعرف
اني ماعرف شصااار بيه بقيت بس صافنه بوجهه انسطرت هههه. كان هوه لابس ملابس عسكريه
ذيب / ماتشووفين سيااارات تمشي جان سحكتج
رباب / هاا مادري ولله ممنتبهه.
ذيب / هاذه شارع م̷ـــِْن تعبرين فتحي عيونج زين هل مره لله ستر مره ثانيه انتي بعالم الاموات
رباب / يااا سم لله شبيك تفاول عليه
مريم. / هاا رباب حبيبتي خما تأذيتي.
رباب / لا مابيه شي لاتخافين وفدوه ماريدد تحجين الأمي ايي شي لان تعرفينها. اذا عرفت تتخبل وتمنعني م̷ـــِْن الطلعه
مريم / لا ماكول.
باوعت علي كان واكف بكل شموخ وبيده جكارته ويسولف ويه الشرطي الثاني. ومسدس بخصره. شكله ضخم ويخوف مبين م̷ـــِْن وجهه عصبي كلش
مريم / اكلج شنوو كالج هاذه الشرطي مدري ضابط
رباب / كلي انتبهي م̷ـــِْن تعبرين الشارع.
مريم / شوفي شكله شكدد حلووو وشخصيه
رباب / انتي اطلعي گدامي اني رايحه اتشكر منه لان نقذ حياتي والحگج
مريم / تمام لاطولين شويه وتبدي المحاضره.
رباب / ماشي.
راحت مريم گدامي للمدرسه واني بقيت واكفه مكاني متردده اروح اشكره او لا بقيت صافنه عليه واني لازمه الجنطه بقووه.
شويه وانتبه عليه ورفع حاجب معنه شكوو ابتسمت واشرتله يجي.
مدري شنوو گال للشرطي. واجه نحوي احس روحي توارت كلش وكلبي صار يدك بسررعه.
ذيب / ها شو مارحتي شكوو
رباب / اممممم.. هوه بس كنت اريد
ذيب / اييي شتريدين اعبرج. ??
رباب / ياااا شنوو تعبرني ترا اني موطفله
ذيب / جااا شنوو الموضوع
رباب / شكراا لأن نقذت حياتي ليوم لْـۆ ماانت جان اني هسه ميته كلش اشكرك
ذيب / لا يابه ماكوو داعي للشكر بس انتبهي مره ثانيه من تعبرين الشارع وصدك تذكرت شغله
رباب / شنو ?
مد ايده بجيبه وطلع فلوس وخلاهم كدامي باوعت علئ الفلوس ورجعت رفعت عيوني عليه
رباب / شنوو هذول ??
ذيب / جكوليت.
رباب / مجاي اشاقه
ذيب / فلوس شنوو يعني هاا افتهمت عليج قصدج شنوو مناسبت هل فلوس. هذول حق العلگ الي اخذته منج مانطيتج شي اتذكر واني بطبعي ماخذ شي اذا مادفع حقه.
رباب / هههه لا ماريد اشكرك اعتبره هديه مِڼـّي.
ذيب / لا يابه هاذه حقج واني ماكدر اخذ شي اذا مادفع
رباب / صدكني ممحتاجتهم. وهسه لآزٍمٍ اروح تاخرت علئ دوامي
ذيب / هاذه رقمي ايي شي تحتاجينه اتصلي علي ولاترددين.
اخذت البطاقه منه وهزيت راسي بأيي. عفته ورحت علئ المدرسه واني احس روحي متوتره كلش معرف شبيه يمكن لان هاذي اول مره اوكف ويه رجال غريب واحجي
وصلت للمدرسه دخلت للصف مالتي. لكيت مريم منتضرتني استلمتني بالأساله شنوو گلت وشگالي.
شويه وبدت الدوام ودخلت المدرسه. وبقت تشرحلنه.
مرر اليووم عادي مثل كل الايام.
خلص الدوام. ورجعت للبيت كان الضابط بعده بنفس المكان بس وياه كوومه شرطه وصايره هوسه اباوع عليه يحجي بعصبيه وشكله يخوف.
عبرت م̷ـــِْن يمهم دنكت راسي ومشيت. وصلت للبيت واني ميته م̷ـــِْن التعب دكيت الباب فتحته امي سلمت عليها ودخلت
ام رباب/ اشو ليووم متأخره بالرجعه
رباب / ولله ماما صاار عدنه درس اضافي وامتحنه وهسه ميته تعب
ام رباب / كومي غيري ملابسج واسبحي بين ماترجع خواتج وانتغده سويه.
هزيت راسي بأيي اخذت جنطتي وصعدت لغرفتي للعم اني ادرس مدرسه قريبه علينه بس خواتي يدرسن بغير مدرسه.
دخلت لغرفتي بوجهي للحمام سبحت وبدلت بقيت واكفه مقابيل لمرايه واني اتذكر شكل الضابط.
تذكرت البطاقه الي انطانياها.
رحت علئ جنطتي طلعتها ودكيت رقمه بجهاي. طلع عنده واتساب. بقيت متردده اراسله او لا.
لا لا عيب اصلا اذا اراسله شنوو اكول ماعندي شي احجي. احسن شي ماراسله.
طفيت جهاز ونزلت جوه لگيت ساره وزهراء جايات من الدوام.
كعدنه كلنه سويه نتغده للعلم ابوي متزوج 3 يعني كل يوم عند وحده م̷ـــِْن نسوانه
كملنه اكل شلت الصحون غسلتهم ورتبت المطبخ ماخليت امي تمد ايدها. لان تعبانه م̷ـــِْن صبح لاحد الغده هيه تشتغل وممرتاحه ابد.
______________________________
ذيب.
كعدت م̷ـــِْن نومي علئ اتصال جهازي فتحت عيوني واني تعبان واحس. راسي صاير طبله.
شفته رقم امي تتصل. كعدت ومسحت وجهي بتوتر. فتحت خط عليها.
ام ذيب / الوو يمه ذيب شلونك يروح امك
ذيب / بخير انتي شلونج
ام ذيب / ولله يمه تعبانه روحي ذايبه عليك تعال خليني اكحل عيني بشوفتك ولله طاگ كلبي عليك
ذيب / اني بغداد حالين عود بعدين.
ام ذيب / مَآعِرَفتّ شي علئ خالك
ذيب / لا ولله ماكوو أيي خبرر. حاولت اوصله بكل طريقه ماكدرت بس خليت. اسمه بسجل المفقودين وانشالله نلگاه انتي ماتروحين علئ جهاله تشوفينهم
لو بس مگابله ابوي وكاعده.
ام ذيب / يااا يمه شنو هل حجي.
ذيب / ليش مجذب انه
ام ذيب / ولله يمه تعبانه حته ماكدر اطلع للدوام كاعده بالبيت وساكته وهل فترا كلها مريضه وابوك يركض بيه بل مستشفيات.
ذيب / عندج العافيه.
ام ذيب / يمه ذيب ليش هيج متغير ترا يضل ابوك وهاي العداوه ماوراها بس الخراب.
ذيب / ههه ليش هسه احنه بصلح وماوراها بس الخراب اني م̷ـــِْن زمان نسيت عندي اب وعمري مراح اعترف بيه.
ام ذيب / خلي الله بين عيونك ذيب يضل ابوك والي صار صار وانتهئ تعال واتصالح ويه ابوك ولله گلبه طيب بسرعه يرضه عليك
ذيب / هااا فوكاها انييييي الي اجيييي واعتذر منه ليشششش بس فهميني علئ شنوووو اعتذر شنووو غلطي شسويت حته اعتذر منه
اعتذر علئ اهانته الي گدام خلق الله لوو علئ الچيلات الي رمانياهن. عوووفني لخاطر الله وفكرت اجي اعتذر منه هاي شيليها من بالج لْـۆ يصير نبي ماجي ولاعتذر منه
خلي منصبه يفيده وشركاته عندي شغلي واني اعرف شلون ادبر اموري
ام ذيب / بس يمه...
ذيب / مع سلامه. دير بالج علئ نفسج.
سديت منهاا واني نااار شابه بيه هاي كل ماتحجي وياي لآزٍمٍ تجيب سيرت ابوي وتخليني اضوج وانفعل
ستغفرت ربي وگمت م̷ـــِْن مكاني غسلت وبدلت وطلعت لشغلي. صار عندي شغل بغداد تقريبا اسبوع وانتقل لغير مكان.
رحت علئ الشغل كان اكو تفديش للسيارات واني المسؤل لآزٍمٍ ابقه واتراقب كلشي.
وكفنه بالسيطره مقابيل مدرسه اعداديه.
باقر / هاا ذيبنه شلونك
ذيب / بخير شعندك هناا مو كلت عندي شغل وطالع.لغير محافضه.
باقر / لا استقر شغلي هناا بغداد وبعد ماروح لأيي مكان.
ذيب / ولله زين جا شماله حضي كل يوم بمكان تكول ماكوو غيري بالمركز.
باقر / هسه راح تحسدني واني بعدني كلشي ماكوو. ههه.
ذيب / يمعود علئ شنوو احسدك وجهك مدوحس.
باقر / افااا اني وجهي مدوحس دشوفني شحلاتي الف بنيه تتمناني.
ذيب / اكوول هاذه سطر مال البنات واكف شعنده اثاري عليك. ماتولي مِڼـّي مالي خلكك
باقر / ايي استهزا شوف شلوون راح اتزوج وحده شكره وحلوه واعاندك
ذيب / شمالك سوالفك بايخه علئ شنوو تعاندني اني هم رجال ويمته ماريد اتزوج بعد هل خرط بسك منه.
باقر / عمي ولله محد يكدر للسانك هههه
ذيب / امشي لشغلك دوختني واني راسي يوجعني.
باقر / خيرر شبيك.
ذيب / مابيه شي راسي شويه دايخ اريد اكمل شغلي ورجع ارتاح لبارحه منايم زين.
باقر / لا ليوم تروح وياي للبيت تتغده امي عازمتك وگالت جيبه وياك. علئ الغده
ذيب / لله كريم.
بعدنه نسوالف شفت نفس البنيه الي القيت بيها ب لأمام. تريد تعبر الشارع بس ممنتبهه تضحك وتسوالف ولسيارات تمشي
رحت بسرعه عليها وسحبتها من ايدها ونبهتا انو م̷ـــِْن تعبر تنتبهه اشو هاي استثولت مدري شبيها ضلت صافنه بوجهي.
اني م̷ـــِْن يمي استغربت. عفتها ورجعت ويه الشرطه اسوالف ويه واحد م̷ـــِْن المرين بسياراتهم هويتك ومدري شنو
شلت راسي واشوفها بعدها واكفه بنفس المكان وتباوع عليه اشرتلي انو اجي يمها
عفت الرجال يروح ورحت عليها تشكرت مِڼـّي انطيتها رقمي وراحت للمدرسه.
رجعت اكمل شغلي اجاني باقر فدواحد فضولي شكدد يسال خرب يومه بس كلش احبه واحترمه وبينه ثقه مطلقه يعني مثل اخوي تماما.
باقر / اشوفك ترقم بالسيطره هاا ذيب هااا
ذيب / انجب يول شنوو ارقم بس البنيه تشكرت مني وكلت الهاا اذا تحتاجين شي هاذه رقمي.
باقر / اممممم علينه سوالفك
وقمز. ...
اروح اكمل شغلي ابركلي.
ضل يضحك ويصيح وراي عود رقملي وياك وحده اني مادبرها
ضحكت علئ سوالفه وهزيت ايدي. عود معاجبني كلامه.
رجعنه للشغل ومر الًيَوُمًِ مثل كل الايام تعب وشغل للضهر احس شمس طبختنه طبخ واحنه بعدنه بنفس المكان.
كاظم / سيدي اكوو رجال. يكول ناسي هويته بالبيت گتله انطيني مستمسكات السياره كال هم وناسيهم.
وكفته علئ صفحه شويه وشخط سيارته وانهزم
ذيب / وانتووووو شنووو منتضرين ماتروووحون تلحكووونه بسرررعه
كاظم / تأمر
ذيب / اغبيااااااااء. تجييي تاخذ رأييي ادري انتووو شنوووو هناااا.
احس روحي فرت عليهم. مخلينه رايح وجايني بكل برود. يگلي انهزم
بعدنه نتناقش بهل موضوع شفت طالبات طلعت ومن ضمنهم رباب شكلها كلش حلووو وهيه تتمايل وتضحك.
فاتت م̷ـــِْن يمنه وهيه منزله راسها شكدد عجبني تصرفها. احسها برئيه كلششش.
خلصت شغلي ورحت علئ المركز. كان عندي كم شغله خلصتهم ورجعت للشقه تعبااااان وهلكان.
مرت الايام طببعيه مثل كل يووم عادي شغل وتعب نفس الروتين.
يوم كاعد بالكوفي ﺂنـي وباقر للعلم اقرب شخص الي هوه باقر هم شغله مثلي بالوزاره. ويقربلي
كاعدين ونشرب اركيله وسوالف وضحك اتصل جهازي كانت ساعه تقريبا. ب 11 بليل.
ورقم غريب عبالي شخص م̷ـــِْن جماعتي لأن متعود علئ اتصالاتهم. ورقامهم كل يوم واحد يغير الخط مالته.
فتحت خط
ذيب / الووو. منو ?
رباب / ءأ. ء اني رباب .....
