رواية لأني عاقر الفصل الثالث بقلم مريم خفاجة
كمال:-من يا سمة نازلة انتِ؟ متگليلي شايلة جمال خلك الله كلة
بقيت بس رافعة عيني علي وشفايفي ترجف
ملاك:-كمال وخر عني والله بدون حجاب امي متقبل والله وخر
ماشال عيونه لحظة من عيني بقة مركز
بيهن ومُبتسم
وخرت ايدة من حنجي ومشيت واني ارجف
وامسح بوجهي
مشيت سريع وصلت
يم الباب التفتت علي باقي ؏ ابتسامتة
وحاطة ايد بجيبوب البنطرون
دخلت للمطبخ رأساً التفتت
وردة واجتي يمي:-شبيج ولج
ملاك:-كمال شافني بدون حجاب
حجيتها وبجيت
وامسح بوجهي
انصدمت:-جذذذب صدك شافج؟
ملاك:-بقة صافن بوجهي جنة مطي
ضحكت بصوت عالي وهزت رگبة:-الععععب عدل ياااابة
ملاك:-ومرررض امي تموتني اذا درت
وردة:-لاتگليلها ولج لاتگليلها تطيح حضج
ملاك:-وين ريم ما شفتيها
وردة:-طبت جوة يم أمج
ملاك:-راح انفضح ولج شلون
وردة:-گامت تاكل بروحها اكل اكعدي خلي اجيب ماي
گعدت واباوع لأيدي كلها صخام مال كحل
جابتلي ماي وگنبصت گبالي ولزمت ركبي:-شسوالج؟
ملاك:-شسوالي؟
وردة:-باسج شي؟
ملاك:-انجبي غير أكسر راسة الحقير مايستحي واني بدون حجاب وادية طالعة ويباوعلي
وردة:-لاتحجين ؏ اخوي لج
ملاك:-سرسري
وردة:-بس صفن ما گال شي؟
ملاك:-لا حجة
وردة:-شگال شگال
ملاك:-انتِ ليش متحمسة عود؟
وردة:-احجي عليج العباس
ملاك:-گالي من يا سمة نازلة
وردة:-فديت اليتغزل بعد روحي
ملاك:-وگال شايلة جمال خلق الله كلة
وردة:-ياببببببة هو كل اليتغزل مثلة اروحلة فدوة
ملاك:-كلكم ماتستحون وخري عني
دفعتها وكمت رجعت سحلتني من أيدي
وردة:-تعاي لج تعاي كحلج سال خلي ارتبة الج
ملاك:-اي صخام صار بيدي
خذتني ورحنة للغرفة كعدت مسحتة بكلنس
مُبلل ومسحتة وهي تضحك وتغني رومنسي
ملاك:-كافي عيني راحت
وردة:-خلي اسطرة بعد
ملاك:-ياهوة؟
وردة:-مالج دخل أنتي فدوة حلوين تخبلون
ملاك:-انجبي يلا وخري
كمت ورحت للأستقبال كعدت يم أمي گالت:-وين رحتي يمة
ملاك:-يم وردة
أيمان:-وين شفتيها ريم؟
ملاك:-ماادري هي طبت بس شفتها يم البنات
ريم:-ماشفتج يم وردة
بلعت ريك وباوعت لأمي:-وين جنتي ملاك؟
ملاك:-اي خاف رحت للحمام وهي طبت مادري
أيمان:-خو ما شافج أحد؟ لان زلم تفتر
ملاك:-لا ماكو بسرعة طبيت
هزت راسها وباوعت للنسوان طكطكت اصابعي بخوف
ضل بالي ؏ طول الحفلة مشغول
بين الركص والاحتفال صاحو اجة العريس
لبسنه عبينه وحجاباتنه طب العريس لابس قاط رصاصي
و وراه جدي وابو وكمال
دك كلبي من شفتة صرت ورا عباية امي
بساع وهو يتلفت يگول مضيع شي
طشو جكليت ؏ عرسان وطگولهم صور جماعية
واخذها وطلعو جدي طول الوقت يوصي ويكله هاي بت الغالي حطها بعينك طلعنه وراهم
وصعدنة بنفس السيارة
گعدت يم الشباك وبصفي ريم
لان كل مقعدين سوة وكبالي امي وملك
وصلنة للفندق وبعدين نرجع للبيت
بقيت اباوع من الجامة الشباب يرگصون بالشارع ويگفلون
وجدي وخوالي موجودين مانزلنه لأن تصير هوسة فوك ما هية هوسة
وردة ترگص بنصهم ولاتخجل هاي البنية
دخلوهم للفندق وكلمن صعد سيارتة
أجه كمال يوزع بطالة مي ولفات للجايين
وصل السيارتنة وبقة يوزع وكلبي يدك كل ما يتقرب للكرسي مالتي
نمدت أيدة گبالي:-تفضلي ملاك
رفعت عيوني وهو مبتسم تك خد
اخذتهن منه ودنكت:-شُكراً
كمال:-دللي عيوني
انطة لـريم وگرص خشمها وكمل توزيع وأسمعة يسولف ويضحك زفرت نفس براحة والتفتت للجامة شفت وردة گبالي:-صخام بوجهج خرعتيني
وردة:-من يا سمة نازلة ههههههههههه
ضربت ؏ حلگي وخزرتها:-ولج انلصمي صخام بعينج
وردة:-ان شاء الله يجي يوم ال أحببببج
سديت الجامة وكلبي يدك الف دگة وهي ممهتمة لازگة وجهه بالجامة طالعة جنها قنفذ
كمال:-ملاك فتحي الجام اريد احاجي ورد
فتحتها بدون ما باوعلة:-ماتمشين للسيارة ولج؟
وردة:-شطالع اخوي شايل جمال خلك الله كلة هههههه
رأسا باوعتلها وعيني دمعت من الخجل الله لايوفقج وردة
درت عيني علي ضحك وكال:-اني أعلمج
روحي اركبي
وردة:-تعاي ملاكي خلي أبوسج
سديت الجامة بوجهها وجسمي يرجف
باوعتلة بعدة يم الكرسي حاني ضهرة ويسولف ويا أمي
رفع عينة علية واحسة يدخل للبؤبؤ مال عين بالتركيز
دنك لريم وباسها وشاورها وضحك
وهي ضحكت وتقربت باستني بخدي عكدت
حاجبي وهو همسلها:-عفية بوسيني اني هم
باستة بخدة ضحك وگرصها
راد ينزل من السيارة
رفع ايدة وصاح
كمال:-توصلون بالسلامة ان شاء الله
ماقصرتوا تعبناكم مشكورين
وقبل لاينزل گال:-رمشولنه اذا وصلتوا
وبعدها سد الباب ورفع أيدة سلم وتحركت سيارتنه
درت وجهي ؏ ريم وكلتلها بصوت ناصي:-ليش بستيني؟
ريم:-هو گالي
ملاك:-شگالج؟
ريم:-گالي بوسي اختج لان ضايجة
هزيت راسي وسكتت و
أكلت اللفة والطريق كلة نضحك اني وريم
لحد ما نيمتها بحضني واني حطيت راسي ؏ جامة ونمت...
رجعنة للبيت متأخرين دخلت للصالة
وشايلة أختي انصدمت من المنضر رأسا سديت
باب الصالة وطلعت للمطبخ دخلت امي وملك
أيمان:-اختج تكسرت يمة دخليها
ملاك:-أبوية ونجلاء نايمين
أيمان:-مايگعدون ؏ كيفج امشي
ملاك:-يمة ادخلي وشوفيهم
عگدت حواجبها وطبت للصالة بقيت اني واخواتي بالمطبخ تأخرت امي والمصايح اللي بينهم بهذل احوالنة
ايدي خدرت واني شايلة علاگة الملابس وشايلة
ريم ايدي راحت ماحس بيها بعد
ومنا أمي وأبوية لعبت نفسي وطلع العرس
من خشمي
دخلت امي ومسحت وجهها وخذت ريم من أيدي
شلت غراضنة وصعدت
ذبيت عبايتي وحجابي ونمت ماحسيت ؏ شي بعد
للضهر يلا گعدت
نزلت امشي مترنح اروح منا واجي منا وشعري كفشة وباقية بالثوب والكحل نازل خزي
بوجهي نجلاء لگيتها واكفة بالدرج:-ها عيني الف مبروك
ملاك:-مالي خلگج وخري عن خلقتي
نجلاء:- ........ اني اعلمج روحي نضفي المطبخ مخلياتة ؏ جيفتة ورايحات يطربگن ...... انتن وامجن ال ......
بقت تفشر وتغلط واني بس اباوعلها تأفافت
وگتلها: -باعي حالياً اني مالي خلك روحي شايفتها هاي روحي مالي خلگها فـ وخري عني احسلج لان اذا تطك عندي صدك ادميج
دفعتها ورحت:-ناقصني بس انتِ
فتحت غرفة امي ودخلت بيها جانت تصفط
بالملابس:-صباح الخير
ايمان:-صباح الضهر عيني يا صباح الخير
ملاك:-تعبت ونمت محسيت ؏ نفسي
أيمان:-نوم العوافي أمي ليش لسة بملابسج بدلي وغسلي وجهج ابوج لايجي ويشوف الكحلة
ملاك:-مالي خلك اصعد بعد
أيمان:-هذا تراكج هنا لبسي وغسلي هنا وتعاي امشطلج
ضحكت:-مثل قبل؟
ابتسمت:-بنياتي لو تكبرن بعد عشرين سنة تبقة معاملتي وياجن مثل الطفل
بستها بخدها واخذت تراكي وصابونة
وغسلت وجهي ونضفت سنوني واجيت
فتحت شعري گبالها وگعدت
تمشط وتسمي بسم الله وتصلي ؏ محمد
لحد ما شالتة كلة متقبل افتحة
گمت من يمها غسلت الأماعين ونضفت وگعدت ويا اخواني لعبت وياهم ومر اليوم اعتيادي
مر تسعة ايام....
گعدت بـ 11 الضهر أمي مخبوصة رايحة جاية
ملاك:-شلونج يمة
ايمان:-هلة أمي
ملاك:-شكو؟
أيمان:-مرت خالج راح تجي
تحجي وياي وهي دايرة وجهها تبزل التمن:-مرت خالي عصام؟ لو خالي عثمان؟
أيمان:-لا أم كمال
فتحت عيوني بصدمة:-صدددك؟
أيمان:-أبوج عازمهم
ضليت صافنة شحجي
ملاك:-زين ليش عازمهم شنو المناسبة؟
باوعتلي بتك عين مستهزئة بالوضعية
أيمان:-اممم يبارك عود ؏ جيتها و؏ عررس بتها
ملاك:-أها ليش ضايجة انتي لعد؟
أيمان:-ماكو شي يـ يمة ماكوو
ملاك:-متأكدة؟
أيمان:-بعدين اسولفلج روحي بدلي ورتبي البيت وگعدي خواتج شوفيهن يردن ريوك
ملاك:-بهدعش يا ريوك هذا
أيمان:-متدرين بملك اله تتريك
ضحكت وگمت نزلت البدي مالتي وحطيت شعري ورا أذني وصعدت فوك گعدت خواتي ورتبت الغرف وبدلت وبدلتلهن
نزلت للصالة لگيت الخباثة والسم ينگط
من نجلاء وبناتها الجلبات بيهن رفسة اطلع مصارينهن
ملاك:-ليش هيج ليشش امي ستوها نضفت مال السل
نجلاء:-سل براسج ...... ........ طاحضج وحظ حتى أمج
ملاك:-لاتفشرين يـل بلا اخلاق گدام بناتج وهيج الفاظج شگد خايسة لعد انتِ
نجلاء:-اني اعلمج بت ال.........
ركضت وراي تعاركنة اني وياها فاككتنه امي
تفلت عليها وغميتها وصحت:-سا.......
نجلاء:-خلي يجي علاء اذا ماخلي يگطعجن اني اعلمجن
ملاك:-اي ؏ اساس هو مقصر بدون متگليلة ايدة تشتغل
أيمان:-ولج روحي اصعدي من نعلة الله ؏ الشيطان الي براسج
ملاك:-گليليها خلي تتأدب
أيمان:-ولج اسكتي يمه عوفيها عجيب الصلافة الشايلاتها
باوعتلها ودرت وجهي:-خلي يعزلن زبايلهن
أيمان:-اصعدي ملاك فوك يلا
عفتها وصعدت فوك واني اغلط عليها
ضليت بغرفتي لحد ما سمعت صوتهم لبست جبة وحجاب ونزلت تلگتني وردة تحجي ويا ملك وتصعد الدرج
رفعت راسها وعاطت:-ملوكاااا مشتاقتلج
ملاك:-بيج دفرة هسه متحلفة بيج
وردة:-حامية البت
ملاك:-اني اعلمج خلي اسلم اول
وردة:-هو خليتي بيها سلام استقبلتيني بالدفرات
ضحكت وبوستها ونزلت للصالة هدووووء تام
مجتمعات مرت خالي وامي ونجلاء محد تسولف
استغربت الوضعية وسلمت ؏ خالتي وكعدت
بدن بسوالف عادية بس ولا كأنو امي تعرف مرت
خالي وهي كذلك يگول غربة
ام كمال:-صارلج شگد متزوجة علاء؟
نجلاء:-صارلي 11 سنه
ام كمال:-هممم الله يحفظكم جبتيلة وليد مو؟
نجلاء:-اي والله وگالي بعد كافي اكتفي بيكم مااريد وبعد تدرين اني الأخيرة ويريد يدللني
ملاك:-اي خطية بزر الگعدة
كرصتني أمي ضليت احك برجلي واباوعلها
نجلاء:-والله يا أم كمال ممقصر علاء ويانة أبدد ابدد بس أفتح حلگي الگة كلشي گدامج
ملاك:-بهاي ما جذبتي
نجلاء:-شقصدج اني أجذب؟
ملاك:-لا استغفر الله
صاحتني وردة عفتها ورحت
صعدت فوك گعدت يمهن
شوية ونزلت ملك وريم گاعدة وحدها ؏ تلفيزون
گرصتها بزندها حيل:-عبالج ناسية سالفتج
وردة:-اوووووي
ملاك:-جلبة فشلتيني گباله الله لايوفقج
وردة:-تكبرين وتنسيها حبي
وتهز بحواجبها الحقيرة
وردة:-صدك من جان بالسيارة شگالج
ملاك:-مالج دخل والله اله اخليها حسرة بگلبج
وردة:-ترة هو جوة
بلعت ريك:- ها شبيج خفتي؟؟ يا حبيبي اعترفي ترة ماتنضم علية سالفة اني
ملاك:-كش منج يبتلي الواحد يسوي شغلة گومي خلي ننزل نرتب ويا أمي
وردة:-ترة اني خطار؟
ملاك:-اي ديلا يلا ريمة تعاي ننزل
طفت التلفيزون ونزلنه
وگفت ارتب ويا أمي الغدة انطتني السفرة وگالت:-فرشيها يمه بالأستقبال
ملاك:-هاا
أيمان:-يمة لاتستثولين وديها للأستقبال وفرشيها
ملاك:-ما مسلمة يمة
أيمان:-اي دخلي وكولي سلام عليكم ابن خالج مو غريب
اخذت السفرة و وگفت بالباب
گلبي يدك بسرعة مادري ليش
فتحت الباب ودخلت وجاسر وياي:-السلام عليكم
رفع راسة علية و وجهة أبتسم:-أهلا وسهلا
رديتله الأبتسامة ودنگت اخذت طرف السفرة وجاسر گبالي فرشتها
همه يجيبون الأكل واني ارتبة ؏ سفرة
مديت ايدي خليت الماعون گبالة اخذة مني
ماهتميت ورتبت كل شي وأجو كلهم وكعدنه ناكل بهدوء
گبالي وردة وكمال هي حاطه عكسها ؏ رجلة
تباوعلي وتضحك واني ما اكدر اتحرك لان بس اتحرك اضحك
وردة:-احممم صدك كمولة شوكت تتزوج؟ اريد ارگص
خزرها حاجتة أمي:-ههه ليش تخزرها ولك خنفرح بيك
ابتسم وگاللها:-مو هسه بعد
ام كمال:-شبعد يا يمة راح يصير عمرك بالثلاثين
باوعلها ودنك ياكل
ام كمال:-سالفتة طويلة
سكت الكُل ودنگوا ياكلون عدى كمال
ضل مدنك ومياكل
بقيت اباوع لوردة تباوعلي وتضحك
لحد ماخلصنه الأكل وگمنة شلنة السفرة و وگفت اغسل اماعين و وردة أجت وياي ذبت حسرة:-حرامات ماشفى گلبي كمولة
ملاك:-شنو يعني
وردة:-سألتة عبالي يگلي عن قريب اتزوج ملاك
فتحت عيوني بصدمة وأباوعلها ماهامها تغسل بالأماعين:-انتي دتحجين صدك لو تشاقين؟ يازواج هذا؟
وردة:-انتي وكمال غير
ملاك:-ياااااااااا ولج ورددددة اني شعندي متزوجة من هسه صخام بوجهج
وردة:-اي عادي وأذا انتي جبيرة صرتي
ملاك:-يا جبيرة عمري 16 وبعدني مداخلة
وردة:-عادي بعد سنة سنتين وتتزوجون
ملاك:-شو انتي مصدگة روحج
وردة:-والله اني أكلجياها هسه تتزوجون
ملاك:-كافي اذا حجيتي بهالموضوع صدك اطيح حضج وهسه نجلاء اذا سمعت تخزينة وتشهرنة ثاقة بروحها وتحجي بزود والله يالله
ضحكت وذبت الماي ؏ وجهي:-حماتييييي
ملاك:-اني حماتج لو انتِ حماتي
وردة:-ها هاااااااا كشفتجججججج هههههه تسوي روحها عود متريد تزوج گومي لج
ملاك:-ادبسز والله
ضحكت وغسلنة الأماعين ورتبنة المطبخ و
رحنه گعدنة يمهم
ضليت احجي ويا وردة وملك
وريم حاطة راسها ؏ حضني وأمسد ؏ شعرها
التقت عيوني بعيونة دنگت بسرعة
يربي شديصير؟
شوية وگامو جريت نفس مرتاحة
گمنه وراهم بوست خالتي و وردة مدلي أيدة لزمت أطرافها وأبتسمت گال:-مع السلامه
هزيت راسي وجريت ايدي وراحو
رتبنة الأستقبال والبيت شفت أمي دخلت للغرفة مالتها دخلت وراها باوعتلي ودارت وجهه وگعدت ؏ الجرباية گعدت بصفها:-شبيج يمة؟
ضحكت وشبكتني:-ولج يمة اني اول ماضوج تجيني تركضين
ملاك:-اعرفج اذا تضوجين
أيمان:-شلون بلا؟
ملاك:-تدخلين للغرفة من وكت ومتگعدين ويانه
ضحكت وهزت راسها:-سولفيلي انتِ مو گلتي بعدين اسولفلج ؏ شغلة؟
أيمان:-ولاتنسة
هزيت براسي بـ لا وضحكت:-يلا
أيمان:-منين ابديلج؟
ملاك:-ليش تضوجين من مرت خالي؟
أيمان:-مشاكلنة هاي كلها بسببها
ضحكت:-شنو بسببها اني اول ما وعيت ؏ دنيا
ابوية يكتل بينا وهي توها اجت من الامارات
ذبت حسرة وهمست:-جانت تحب ابوج
فتحت عيوني بصدمة وبقيت ساكتة
أيمان:-جانو تلاثتهم بجامعة ابوج وهي وخالج احمد واني بغير قسم بس وياهم وأعرفهم لأن أخوية أروحلة واشوفة لو هو يجيني وأعرف علاقتهم ببعض
المهم حسب ما سمعت هي
تحب ابوج وخالج يحبها هيج صايرة لخة
خالج وأبوج يومية عركة ويومية مكاتل علمودها
فـ خالج مشة
لأبوية وقرر يخطبها وطبعاً ابوية
ميعرف يعني هي تحب غيرة ويعرف ابوها جانو
بالمعامل يشتغلون كيف وراح خطبها و وافقوا
سمع أبوج وراح لأبوه ماقبل بيها والسبب مجهول
وضل المعارك هيج علمودها وبيوم عقدهم انگلبت
الكائنات گلاب شلعب ابوج وشسووة
ملاك:-هيج يحبها
ايمان:-اي متسودن عليها جان
راد ينتقم گام خطبني ولأن الكل يمدح بينه وبتربيتنه قبل أبوه وقبل أبوية بعد ما جاب العشاير كلها يلا وافق فـ زواجي جان انتقام لجدج وخالج مو حُباً بية
ضحكت بتعب وگالت:-جان يگلي كل ما اشوفج اشوف النذل أخوج وسوايتة بينا واطلع حرگتي بيج
ملاك:-شتگولين منو السبب؟
أيمان:-أخوي طبعاً ، يدري بيها تحبة ليش اخذها؟
ملاك:-بس هو هم يحبها؟
أيمان:-اي بس هي ماتحبة أصلاً وتحب ابوج
ملاك:-وليش وافقت علي؟
ايمان:-ابوها گتلج ويا ابوية بالمعامل فـ وافق
ومادري هي ليش مارفضت
بس مبينة مجبورة حتى بيوم العقد اتذكر
كوة يلا وافقت
ملاك:-زين من مات خالي ابوية هم سوة شي؟
ايمان:-اي راد يزوجها بس جدج ما قبل وعافهم بالأمارات جان مقرر يرجعهم لهنا
هزيت راسي وسكتت:-ماريد هذا الكلام يطلع لأي كائن لا وردة ولا خواتج حتى بينج وبين نفسج لاتسولفين هاي السالفة
ملاك:-لا ما احجي ، بس تعاي أُمي يعني هسه انتي غيرانه منها؟
أيمان:-لا يمة بس ضيگة خلك
باوعتلها بتك عين:-يمة!
ضحكت وهزت راسها:-جا غير رجلي أكيد اغار علي
ملاك:-والله يالله اني لو منج حتى ماي ماانطي
أيمان:-تكبرين وتشوفين
ملاك:-لا مستحيل اخلي واحد يذلني
هزت راسها وضحكت:-گومي گومي خلي اتمدد شوية
بستها وهي تمددت غطيتها وطفيت الضوة وطلعت لگيتة يگلب بالتلفيزون شافني وقابلني
بنضرة كره
ودار وجهه هزيت راسي بيأس عفتة وصعدت
تمدددت ؏ چربايتي وافكر بالگالتة أمي معقولة؟ هذا الصار كلة وبعدهم واحد يحب الثاني؟
خليت ونمت
والمستقبل مجهول...
