رواية امرأة في حياة رجلين الفصل الثالث بقلم جمانه السعيدي
فهد دخلت وهي تمشي كدامي فتحتلي باب الصاله
فهد انتي صحيح سادس السنه
جوري اي سادس ادبي
فهد اني هم سادس أدبي
جوري زين يعني نفس العمر
فهد سهل السادس لو اكو شي صعب عليج
جوري كلشي تمام بس عندي صعوبه بلانكليزي مستواي وسط تعرف لان كله قواعد وصعب عليه اسيطر علي كلش
فهد اكو ملازم هسه داخله تلخص المنهج وتسهله عليج
جوري عندي ملزمه ودخلت دوره عند استاذ طارق
فهد اي ولله سامع بي استاذ طارق يكولون خوش مدرس
جوري اسوي الي عليه والباقي على رب العالمين
عافتني وطلعت واني كلبي انشرح على ذني الكلمتين
جمانه السعيدي
مو يكولون خوفك من المعيدي اذا عشك
اني اعترف معيدي وعشكي من كل كلبي لا أعرف اللف ولا ادور ابد
من اول ماشفته اول قرار اتخذته لازم هاي تكون زوجتي
لان احبه حب حقيقي
قررت ارتبط بيه
جوري هسه اعرفكم عليه
اني جوري مواليد ٨٠ بيضه وجسمي مليان
مليان بطريقه حلوه لا سمينه ولا صعيفه
طولي ١٦٣ عندي اخوان ثنيين وخوات ثنيين
بابا متوفي واني عمري خمس سنوات
اخوي الجبير علي مزوج وهو وزوجته عايشن ويانه
واخواتي ثنيينهم اكبر مني مزوجات
وحده مزوجه اقاربنا والأخ مزوجه واحد غريب
بقه عندي اخ واحد حسين اكبر مني بسنتين
خريج صناعه وبعدا مامزوج
جاي ندورله عروسه
بلبدايه من شفت فهد كان بلنسبه اليه كلش عادي
ابن عمي وجاي علينه
بس من تكررت الجيات واشوف نضرات الإعجاب بعيونه
حسيت اكو شي
هسه راح احجيلكم شلون اتاكدت من حبه
بمره جابلي ملزمه انكليزي طبعا اني ماطلبت منه ابد
بس لان كتله ضعيفه بلانكليزي جابلي ملزمه
اخذته منه وشكرته
وعفته على صفحه بليل قررت اشوف شنو الأشياء المهمه
الي منزليه بلملزمه
اول مافتحته لكيته كاتبلي احبج ويمه كلب احمر
طبعا احنا عدنا بلبيت هاي الخرابيط ممنوعه
اخوي الجبير كلش شكاك وعصبي جدا
بحيث اني بقيت اتوسل شهر يله قبل ادخل دورة انكليزي
هااا اخوي ياخذني ويرجعني
وممنوع انزع العبايه بلدرس
ولو شايفين العركه على الحجاب اسبوع مانعني من المدرسه اله تلبسين حجاب يله
مع ان بوقته ماكو حجاب ابد الي يلبسن حجاب بنعدن على الاصابع
واحنا مو عائله متدينه كلش صحيح نصلي ونصوم بس
مو ملتزمين كلش
بحيث اني اطلع الاي احد يجينا بدون حجاب
هااا اطلع اذا اخوي ماموجود
اذا علي موجود مستحيل يقبل اطلع الاي احد ابد
جمانه السعيدي
كانت حجة علي انتي حلوه واخاف عليج
شنو ابتليت حلوه هم اريد اعيش حالي حال صديقاتي بلمدرسه
على العموم من شفته كاتبلي احبج داخل الملزمه
راسا شخبطت عليه
خفت لا علي يشوفه وادخل بتحقيق ينتهي بكتلي
لان ماراح يصدك اني مالي اي دخل
واحتمال يتعارك ويه فهد فإني قررت امسحه وارجع الملزمه حتى الولد لايتعلق بيه
لان اعرف اهلي مستحيل راح يقبلون بي
ولد بسيط وبيتهم بلريف
واني عايشه عد اهلي غير مستوى
فهد بعد ما دار حديث بينا على اامدرسه قررت اشتريله ملزمه وبحجة الملزمه اروح البيتهم
رحت هلمره طلعتلي عروسه تخبل
ولا اذكر رحت مره وماطلعتلي مبدله ولابسه شي حلو ومرتب
لابسه ثوب بنفسجي ساده ومطر من الصدر
ولابسه طوك بنفسجي قماش وشعرها كيرلي مسويته
سحر ياناس مو اطلاله
بس كعدت انطيته الملزمه اخذته وشكرتني وطلعت
عبالك اني مسوي انجاز مو مشتريله ملزمه
بس تفاجئت من رحت الهم المره الي بعدها ماطلعتلي
ابد ودزت الملزمه بيد امه
ام علي يمه تكول جوري هاي الملزمه ماتفيدني مونفس المنهج الي ندرسه
فهد شلون مونفس المنهج ممكن احجي وياها
ام علي اليوم قافله عليه السطح وتقرا تكول عندي امتحان كلش مهم
فتحت الملزمه ولكيته شاخطه على كلمت احبك بحيث ماتبين شنو مكتوب ابد
عرفت هي رفضتني بس كتلني الفضول ليش هي ماتريدني شبيه اني
جمانه السعيدي
اخذت الملزمه وطلعت بس شكد ضايج بساعته
اني عقلي صوري هي راح تحبني مثل مااني احبه
ومستحيل راح ترفضني
ولله لو تعرف اني شكد احبه ولا ترفضني ابد
كطعت عنهم فتره شهر ابد مانزلت للولايه
وهم صادفت الامتحانات مال نص السنه
كلما افتح الكتاب تطلع كدامي
شلون بله شلون ويه جوري حرت وحتاريت و يا هذا الحب
امتحنا نص السنه وبدت العطله
واجتنا دعوه اخو جوري حسين راح يزوج بالخميس الي يجي
فرحت كلش اكيد راح اشوفه
ايجوز تصير فرصه واكدر احجي وياها
قبل يوم العرس ببوم
رحنا حتى نساعدهم راحو وياي ولد خوالي ثنيينهم
صحيح شفته بس ماكو اي فرصه احجي وياها
هوسه وناس داخله وناس طالعه
شفت شيماء جايه تروح للحنه ويا البنات
فهد شيماء منو اخوج اريد اطلب طلب
شيماء اي كول عيوني الك
فهد اريدج تكولين الجوري فهد كلش يحبج
ومستعد الاي شي تطلبي
هو مو من هاي الولد الي تلعب
ولا دخل بيتكم حتى يلعب عليج
هو يحبج ومستعد الكل طلباتج بس توافقين علي
شيماء اي ميخالف بسيطه
شيماء ضليت ادور وقت اريد انفرد بيه وااصللها
الحجي الي وصاني بي فهد ماكووو
هوسه والناس مخبوصه خبص
شيماء فدوه جوري اريد مكان ابدل ملابس
جوري تعاي نصعد بغرفة علي فوك لان هنا هوسه
صعدنا ودخلنا وشيماء سدت الباب
شيماء اني مااريد ابدل اريد احجي وياج لموضوع مهم
فهد يحبج ويكول اني ماللعب
ولا اضحك عليه اريده زواج
جمانه السعيدي
جوري اولا هسه اني مامفكره بلزواج ابد
ثانيا اريد اخلص سادس واشوف مستقبلي
وهسه مو وكت زواج ابد
خل نخلص السادس وبعدين يصير خير
فهد رحت ابات بيت ابو صلاح لان العرس باجر
ومااريد اروح وارجع
وشيماء حجتلي كلشي صار بينها وبين جوري
ماحسيت رفضتني ابد حسيته تريد تأجل الموضوع
يعني اكو موافقه مبدئيه
صار عندي امل اكثر
ثاني يوم بلعرس بقيت منتضر الزفه
طلعت لأبسه فستان ذهبي طويل وضيك ولابسه عبايه
بقيت منتضره
صعدت بلكوستر تهلل وفرحانه
واني صعدت وياها بنفس السياره
ادري تكولون شكد تلح بس ولله احبه
شوفو الحب هو الحب نفسه من اول يوم شفته الهاي اللحضة
بس عقلي تغير
كنت بذاك الوقت كلش مندفع بحبه لان
الحب الاول بحياتي
ولا زال هذا الحب هو الحب الحقيقي الوحيد الي حسيت بي صدك
كنت من بين كل الأصوات بلعرس بس صوته انطبع بروحي واسمعه
كمل العرس واني اشتغل على واهس وجودها بلمكان
مجرد مااحس اني وياها بنفس المكان هذا الشي
يسعدني ويفرحني
خلص العرس على خير ورجعت للبيت
كمت كلما اروحلهم ماتطلعلي ابد ولا جاي اشوفه
تندمت اعترفتله بحبي
على الاقل قبل كنت اشوفه
هسه ابد ماتطلعلي
قللت روحاتي اللهم كلش مقرر بس اخلص سادس
اخذ ابوي واروح اخطبه
المشكله مااكدر اركز كلش بلقرايه
كلما افتح الكتاب تطلع صورته كدام عيني
باجر يطلع الشخص الي راح يخرب على فهد حبه
ويحاربه بحب جوري
الفصل الرابع من هنا
