رواية المطلقة الفصل الثالث 3 بقلم زينب نور

                                              

كتله ودي ناس بس يرفضون لان ولد عمي وعماتي لازكين ومينطون محافظات كال نجرب وده ناس النه حاجه ابوي عمامي ما وافقو لان سني وبغير محافظه هم لازم ياخذ رئيهم ورفضوه 

اتصل عليه 

ضياء هذول شبيهم اهلج استغفر الله

                                

ميادين اهده شبيك كتلك ميقبلون اهلي انت تعاند

                                

ضياء وشلون هسه انتي تحبيني

                                

ميادين هاا

                                

ضياء لا تضلين ها وها تحبيني

                                

ميادين بخجل اي من اول ما شفتك

                                

ضياء خلي يمر اسبَوعين اودي ناس

                                

ميادين ماشي

                                

مرت الايام ودز مره ثانيه وثالثه حتى شكو بينه سئلوني اذا اكوو علاقه كلتلهم وياي بالكليه ومعجب بيه وباخلاقي واخته صديقتي ما عندي وياه شي

علاقتنه صارت قويه وكبرت وحبيته وعشقته وهو هم ويعلمني على اطباعه ودز مره رابعه ورفضوه ومره خامسه ابن عمي ضربني كلي عندي علاقه وياه وبابا حجه عليه كلاله الا انطيهه ودزوله موافقه اجت المشيه عليه واجن خواته وامه واخوانه وعمامه وكل عايلته شكبرهم احس نفسي بحلم فرحانه وره فتره داومت وانتشر الخبر بالجامعه وفرحانه حييل اني وملك وعبير كله سوه تماره صارت تكرهني ما تطيقني ما اعرف ليش ابتعدت عنه وصاحبت بنات السوء وصارت ولد ومخابرات حاجيناهه غلطت علينه تركناهه براحتهه حالتنه الماديه متمكنه زينه الحمدلله حياتنه احلا من العسل اني وضياء رحنه مره لبيت اهله ورجعت للبيت بس هوه عصبي ودائما ينبهني عن الخيانه والكذب والصياح وما اضم عنه شي مرت الايام وخلصت السنه الثالثه واجت العطله بدت تجيني كوابيس واحلام مزعجه وتخوف واحس شي يخنكني ما اعرف شنوو جنت اسمع قران واصلي وادعي واتعوذ بديت اضعف واخاف واكوم اصرخ من اسم ضياء اكلي قل صرت منعزله وابجي وارجف مره اجانه ضياء اجه شبكني دفعته وضليت اصيح عليه واهلي يهدون بيه ومر اسبوع واني نفس حالتي اجه ضياء هم صرخت عليه

                                

ميادين ما احبك اكرهك حقير ولي عني ولي بصياح

                                

ضياء اهدي حبيبتي شبيج

                                

ميادين اني مو حبيبتك اكرهك طلكني طلكني واصرخ واجر بشعري

                                

حالتي بدت تسوء اكثر واكثر الناس كالو لاهلي مسحوره واخذوني لسيد

                                

السيد بنيتي كولي اسمج واسم امج واسم الولد واسم امه بلسانج

                                

بالكوه كلت

                                

ميار ميادين بت سميره وضياء ابن كوثر

                                

السيد استغقر الله استغقر الله اعوذ بالله من الشيطان الرجيم بسم الله الرحمن الرحيم هاي البنيه مسَويلهه سحر كلش قوي مال كره وابتعاد من الشعر وملابس وعلى جسد ميت بالمقبره والولد كذلك مسَويله بس ما ماثر بيه لان ما مسويله قوي لان الظاهر المره قريبه منه وما تريد تاذيه والبنيه كالب عليهه مرض وداتتاذه وبعد مرور الوقت تخسر نفسهه اما تموت لا سامح الله او تتخبل

                                

انطانه ادعيه وبخورات َرحنه زرنه الامام علي وطلبت حاجتي منه احسه هوه اماني الوحيد مرت ايام اجه ضياء َتخبلت ضليت اصيح وهو يلزمني اهلي يلزمني طحت بعد ما دريت على نفسي كعدت اني بالمستشفى وضياء حاضني باوعتله وبجيت

                                

ميادين ببجي ضياء لا تعوفني الله يخليك

                                

ضياء ما عوفج كلبي ما اعوفج والله

                                

وره شويه بعدته عني وكمت عدلت نفسي وطلعنه من المستشفى لزم ايدي فلتته بنتر وصلنه للبيت

                                

ضياء عمري راح اخابر عود ردي عليه

                                

ميادين طلكني طلكني طلكني بصياح

                                

ضياء طلاك ما طلك اني احبج واريدج

                                

وراح كطعت القرآن والصلاه اموت اذا اسمع قران اكوم اصرخ اهلي ما خلو مكان ما ودوني ساده ائمه انبياء مراقد مستشفيات ماكَوو كلهم نفس الشي