رواية ليتك قدري الأول الفصل الثالث بقلم رفل الكناني
امي ماقبلت كالت هوه رجال ميتعيب شكله اخاف دكليله وياخذها بغير قصد عوفي خليه وره متزوجون بس اني مسمعتله انتضرته يخابر مثل كل يوم ودك فتحت خط
سلمنه عل بعض وحجينه شويه بعدين كتله
سلام اريد اكولك شي
اي كولي
بس موتاخذه بغير قصد
شلون يعني
يعني عبالك اني اتحكم بيك او هيج شي
اسمع منج واحكم
شوف يعني انت مرتب وظيفتك تمام بس استايلك
موراهم الك
واضحي اكثر
يعني لوتغير تسريحة شعرك وتلبس شبابي اكثر تطلع توب
هههه اموت عل يفكر بيه
صدك سلام يعني مضجت
وليش اضوج عادي هاي وجهت نظر واني تقبلته
اي وراح تغير
مادري والله بس اني هيج متعلم ومرتاح
اي ميخالف التغير حلووو لخاطري
اووويلي اوويلي انوب صار بيه خاطرج موتدللين
تمام زين انته موجبتلي هديه واني تقبلته
اي
خلص اني هم راح اجيبلك هديه
ليش تكلفين نفسج حياتي
ههه هاي جديده حياتي
وعمري وروحي
سسسسلام
عيوني
خلينه بموضوعنه
خلص موضوعنه حبيبتي اسوي مثل متردين
اوك
حجينه شويه وسديته جنت مقرره اروح للسوك اجيبله ملابس على ذوقي واشوف التغير شلونه عليه
سلام حلو مناقصه شي ضعيف وطويل اسمر بس موكلش يعني كله عل بعض اذا تقبل التغير البالي راح يصير توب
نمت واني افكر شنو اجيبله لان اني خبره بهاي السوالف أكثر المرات اني أشتري لحذام اخويه ويعجبه ذوقي
فثاني يوم اخذت امي ورحت للسوك اشتريتله بنطرون اسود يصير كتان مطاط لان انتبهت عليه يلبس كوباي ورهمت وياه تشيرت سمائي وتشيرت ثاني زيتوني وبي اسود بعده فترينه بالسوك امي هم تسوكت للبيت ورجعنه
اول مطبيت ذبيت الغراض اساور كالت تره سلام دك عليج اكثر من مره وخليت حمودي يجاوبه
اي وشكله
سله عليج كله عمه بسوك
خوش هسه عود اني اخابره
ذبيت ملابسي وغسلت وجهي ورحت عزلت المسواك امي اليوم عاجبه هيه تطبخ لازم اوكف يمها تضل جيبي هاي وودي هاي لحد ماكمل الغداء قبل ميصبون رحت للغرفه
الموبايل يدك سلام
الوووو
هاااا بعد وكت جان ضليتي بسوك
هلووو سلام شبيك ياسوك من شوكت اجيت
اي مبين شوفي المكالمات شوفي الموبايل شكد دكيت
لعد
والله جنت داساعد امي شبيك اشو صوتك مدري شبي
لايابوي سلامتج كلشي مبيه بس جان كلتي رجلي انطي
خبر اني طالعه لو طرطور كدامج
لامحشوم بس مادري بيك متقبل جان كتلك
وليش مماخذه الموبايل
والله نسيته
اي يله مومهم وإذا دكيت وإذا انتظرت عندج عادي
سلام أعتقد انت هسه معصب مبين من صوتك روح ومن تهدى نتخابر
طوط طوط طوط
سده هذا شبي اهوووو راح تبدي رحمه الله ويصير برأسي شاروخان لاطبين ولاطلعين صحيح عاقد عليه بس اني بعدني بيت اهلي ومالا حق أخوتي موجودين
شمرت الموبايل وطلعت صارت اساور بوجهي بودي
اخنكها كله من وراها ادري بيه عمده خلت ابنها يجاوب
بس ماكدر احجي بلعته وسكتت
صبوو الغدا صاحولي كتلهم ماريد امي خطيه يمه تعاي
واني طبخت وليش متاكلين كتله ماشتهي من اجوع
اني اكل
رحت للغرفه خليت راسي عل مخده فعلا نغثيت يعني سوه سالفه من فد شي تافه كل الي باله يتحكم بيه عود شلون جنت مخططه يجي يأخذ الملابس واشوفه كلشي تفركش
لفيت راسي ونمت ما كعدت للعصر أول شي شفت الموبايل عبالي الكه رساله او مكالمه ماكو كمت غسلت ورحت للمطبخ حميت الاكل وكعدت اكل شكد طبخ امي رهيب بس اني
مالي نفس عفت كلشي وكمت للحديقه افتر والجو ديغورب كعدت ويه نفسي اني ليش مهتمه اني معايله وطالعه ويه
امي وبعدني بيت اهلي هوه كبرها
احجي وي نفسي
هبه انتي شنو حبيتي سلام وهيج شاغل تفكيرج لامو
شرط حبيته بس هي شغله تقهر هوه اي واحد يذبلك كلمه تضل تفكر بيه مو عاد شريك حياتك
إذن المغرب كمت توضيت وصليت كملت تذكرت الطلاب
يممه اليوم شنو ماجوي الطلاب
لا اجوي واني كتلهم وره الثمانيه تعالو شفتج نايمه ومنه جنتي بسوك كلت خطيه تعبانه
والله يمه احسن شي سويتي علواه ميجون حتى هسه
عفته ورحت للمطبخ من لاجاره ساعدت اساور وكعدنه
نتعشه أكلت كم لكمه واندكت الباب فتحه حمودي كال الطلاب عمه
كمت دخلت للهول وبديت ادرس بس بدون واهس مدري شلون خلصن الساعتين وراحو واني كبل لفراشي الموبايل
بصفي فتحته الساعه عشره يوميه قبل هذا الوكت يدك سلام ضليت اتكلب اتكلب وجبرت نفسي انام كعدت عل رجت
الموبايل مخليته صامت جوه المخده كمت مخروعه وكلبي يدك من الجفله شلته شفته سلام باوعت الساعه 12 ونص قبل ميفصل جاوبت
الووووو
شكد قاسيه
سكتت وكلبي يرجف
ليش هيج كل شويه اكول هسه ادك ومنتضرج ومدكيتي
هيج اني موبالج لعد ليش اني ادكلب ودالوب عليج
مكدرت شلون تسده بوجهي
بس هاي ضلت بالج مكلتي رجلي يغار عليه شويه ضاج لان طلعت بدون علمه
سلام امي وياي وكتلك ماعرف طبعك شمدريني راح تزعل
اي وتالي
هاهيه ان شالله منا وهيج من اطلع اكولك بعدين تفاجت بيك مخابر الصبح ادري بيك بدوام ممتعوده تخابر هيج وكت
شتاقيتلج غير
مممم
وداعتج
ليش تأخرت شوف الساعه شكد ال خابرت
منو يمج
رفعت راسي بس امي نايمه وصوت التلفزيون عل طوبه بلهول هذا حذام اكيد جاوبته
ماكو أحد
فتحي كام اشوفج ليش تأخرت
نفتحت الكامره شفته مدد بلفانياه التعلاكه جتافه طالعات خجلت وخرته عل صفحه
وينج
وياك اسمع
دشوفين
ااالا البس تشيرت استحي اباوع
هههه ولج قابل مصلخ اشو بس اديه طالعه
حتى لو سسسلام
يولي دباعي مو راح تروح عليج المفاجه
باوعت مزين زيان يجنن كالب شعره ليوره بساطه موكلش عالي ومحدد لحيته طالع عبالك غير واحد
سلام طالع فدشي
الله عليج
اي والنبي انت شدكول
والله عجبني التغير بس بلبيت خبلوني
شلون
يمعوده كرعو راسي الحكومه والحكومه عود عليج
هههه هاي منو
ذولي الهتليه بارق وخلدون
لابس حلوو طالع غير شكل
يله الحمدالله اهم شي عجبتج
كلش
اموت عليج
سلام
احترك سلام وعشيرته
لالا ال العشائر خط احمر
يولي ضلت عشاير نكشت من كشيت الشوارب من وراج
لابعدهن موجودات خفاف احلى جانن مطلعاتك شكبرك هسه بحدود المعقول
هبه
كول
فتحي كام خل اشوفج شنو بس انتي تشوفيني
شتشوف الغرفه ظلمه وامي نايمه
بخيله
هههه لا والله
ماصدكج يولي مشتاقلج باجر اجي اشوفج
هلا بيك يله نام باجر وراك دوام
اي والله
شوكت تجي
مادري لومن ارجع من الدوام لو بليل
بيش الساعه تحل
ويه وصولي للبيت تصير ساعه 3
هاااا شوكت متجي دكلي
ان شالله
تصبح عل خير
وانتي من اهله
سديته وحسيت براحه اثاري الإنسان اذا ضايج من شي ميكدر يسوي اي شي هسه من تصالحنه عبالك رجع بيه الدم نمت بدون هم
لثاني يوم واني متحمسه لجيته وانتضرته النهار صار شطوله بس مخابرته ولا سلته حتى ليكول ميته عليه هيج طبعي ماذب نفسي عل أحد مع العلم اني بهاي الفتره عرفت سلام صادق بكل كلمه يكوله وحبه إلى يوم بعد يوم داكتشفه من العصر حضرت نفسي من لبس وترتيب وهوه المغرب اجه جانو الولد طالعين وامي استقبلته بعدين اني دخلت سلمت وكعدت يمه وامي شوية وكامت
خوما تأخرت عليج
لا عادي
أخذتني النومه جنت جاي تعبان من الدوام
الله يساعدك
اكولج اكو شغله
شنو
بارق اخويه يمكن تدرين محامي
اي امك كالت
اي كلي ميصير لازم عقد محكمه لان شلون مستمسكاتكم جناسيكم هوه العقد مصدقه بس علمود هاي الاجرات فاريدج باجر تحضرين نفسج نروح تعقد منطول شغله كم ساعه
وبارق يرتبه
ماعندي شكال بكيفك
اجه حذام سلم عليه وكعد يمه واني كمت امي كالت بعد
وكت عشه ميرهم يطلع بلشنه بالعشه نص سوينه ونص من بره داساعدهم راسلني
وينج
موجوده
تره جاي اشوفج مجاي اشوف حذام
هسه جاية
لا ابقي راح اروح
سلام كتلك جايه
عفت كلشي بيدي ورحت يمه حذام عينه بالموبايل وهوه
هم
ليش متسرع كبل كلت راح اروح
اي يا عيني جاي اشوفج وين غطيتي بعدين صدك تأخرت
راح اروح
ماكو روحه تعشه وياي
لا حبيبتي اروح .
كام وكف حذام صاح هاي وين وجلب بي وهوه يتعذر بس حذام حلف كله بعد ميصير حلفت عاد كعد جانت علاكه بصفه شالها نطانياه مبينه حلويات تشكرته كتله
راح استعجلهم بلعشه موتضوج عبالك عايفتك
تعاي يمي ماريد عشه
ههه لا هسه مااتأخر
رحت للمطبخ اساور عينها عل العلاكه مخليتها بنفسها
فتحتها علبه حلويات مشكله من كلشي من محلات (الخاصكي )
يبووو ضكت وحده الطعم رهيب انطيت الاساور والجهال والامي شويه لان بيها سكر وحذام اجه سحبه من ايدي
يله ادعبلي يم رجلج وجيبي العلبه
ولك خوما كلها موزين عليك
معليج لاتخافين عليه بس بدربج كوليليه بروح ابوك يوميه تعال اذا تجيبنه هيج
ههههه ملكوف متصيرلك جاره
بعلي هبه رجلج ايده مو اله تدرين جايب من ارقه شي
لعد شعبالك عيني
لج دروحي عفته وحيده كاعده
رحت يمه كعدت
حبيبي والله العشه ماله داعي ليش تكلفون نفسكم
شمسوين قابل ذابحين طلي تره من عشانه والله
تعاي يمي
لا عيب خاف حذام يجي
يعني شلون بالموبايل من نحجي استحي ومن كاعد يمج اخاف أحد يجي
اي شسوي استحي
ضلي ضلي لعد عل شنو اجلنه العرس غير كلتي ناخذ على بعض اشو كلش متنطين مجال
ضاج صدك التلفزيون وحذام رجع كعد مباوع عليه بعد واني كمت حضرت السفره فرشته ونقلت الاكل كعد هوه وحذام امي كالت يمه اكعدي يمه تره رجلج مابيه شي اخاف يستحي من اخوج تشجعت واجيت كعدت بصفه ابتسم بس مبيه متصنعه عود ضايج راح يخبلني هذا شيريد والله اني هذا طبعي موبارده بس استحي كملنا كام غسل واني رحت جبت الخاولي وكفت يمه ميباوعلي
سلام شبيك
مابيه شي
سلام التريده شنو فهمني
ماريد شي
لعد ليش ضايج
لايضل بالج انسي
دنكت
رفع راسي من حنكي باوع بعيوني بتسم
كتلج مابيه شي
مديتله الخاولي اخذه نشف ايده ونطانيه ورجع للهول اخذت نفس مبين راح يتعبني وتصرفاته كل ساع شكل رحت لميت السفره وصبيت الجاي بس شربه وكام طلع يم الباب كال حضري نفسج الصبح 9اجي عليج سلم وراح دخلت اساور كالت عيني هبه المواعين بلطبخ ينتضرنج
اي عادي شنو يعني هسه اغسلهم
رحت للغرفه بدلت بدشداشه عاده لفيت شعري زين ودخلت المطبخ مخليت ماعون ولاطباخ وحتى الثلاجة نظفتها ومسحت المطبخ وطلعت لاكتني رتوج شايله علبت الحلويات فارغه
ولكم هاي وينه بس لاكلها اكلتوهه
طلعت اساور : كولي بلعافيه
مكايله شي الف عافيه بس موزين عليهم هيج حلاه عاد
بقيتو العصام شويه
اي بقيتله اني اختج متفوتني فايته
بكلبي كتله كولي هيج كولي ضميته يله بلعافيه بس بلاسم جابه الي رحت دانام تذكرت الملابس يبووو والله نسيت انطيهياء اذا هوه خلصه مبوز
نمت بعد مابلغت امي انو باجر نكطع مهر
ثاني يوم الصبح كعدت غسلت وبدلت وامي هم عصام ماكو سئلت عليه كالت امي كتله وكال حذام خل يروح عاد اجه سلام طلعنا صعدنه سيارته اني وامي وحذام بعد ماسلمنه وصلنا المحكمه صف السياره ونزلنا شال الموبايل خابر وسده كال تعالو بارق ينتضرنه تمشينه وصلنا للغرفه دخلنا لكينه اخوه وام رقيه هم بوستني سبحان الله هاي المره وجهه يضحك حتى وهيه ساكته اخو جان محضر أوراق كال وقعي وقعت وسلام هم وقع كال تعالو ورايه طلعنا اخذنه كعدنه شويه بلانتظار وهوه طب لغرفه ضل تقريبا ربع ساعه وطلع صاحلنا بس اني وسلام دخلنا للقاضي وبده يسئل واحنه نجاوبه وقره ايه قرانيه وبعدين كال تم العقد باركنه وبارق تشكر منه وطلعنا إم رقيه هلهلت وخلت الجكليت بل كاع
ماله والي كل هذا ماطول ساعتين بعد مباركولنا طلعنا وام رقيه ويانه اخوه بقه كال هوه هنا يشتغل جلبو بينه نتغدا يمهم حذام رفض كلهم اني ماخذ زمينه من الكليه هوه اصلن ممداوم بس يمكن استحي وصللونه للبيت ورجعو
سلام جان ضايج معرفت شبي فسرته عل ضوجه البارحه
بس لا اليوم ضايج اكثر بيومه مخابرني ولا اني خابرت لليل ياله دك ماحجه غير إم رقيه باجر تجيج تجهزج حصري نفسج بهل أسبوعين العرس ردت اناقش كال عوفي الحجي راسي يريد ينفجر وفعلا صوته مو على بعضه عفته ثاني يوم اجتي إم رقيه مجهزه كولشي بس جنت اتوقع الجهاز احسن من هيج بس فاجتني والله الجهاز كله يمكن من التنزيلات حتى هيه خجلانه متحملت كالت حبيبتي هباوي تره اني عبد مأمور مالي حكم عل اهلي هذا الوصتني عليه امي مكدرت اجيب اكثر وسلام تعرفين رجال ميعرف بهاي سوالف النسوان واني جبت عل كد النطتنياه امي اني مره مزوجه وطالعه منهم امي هيه الأمر والناهي
هبة : جاوبته اني هاي الأشياء متهمني جنت مدنكه وهيه حيل ميته خجل عاد سلمت وراحت واساور اكلت كلبي ليش هيج وعيب عليهم عبالي راح يجيبولج كله ماركات وتركي قهرتني اجيت احركهن بس امي هونت عليه ميخالف بنتي ذني خلاكين يجن ويروحن وسمعتي كالت هوه ميدري هاي سوالف امه لاتكليله اي شي هسه عباله انتي طمعانه بيهم لو دورين ماده
يمه شفتي الذهب والله العظيم يفشل
ميهم يمه باجر تصيرين يمه ويصير كولشي بيدج تبيعي وتجيبين اغاته خوما تخربين عرسج من وره خلاكين
وحدايد ذهب
بلعته وهم سكتت بس وضع سلام موهلكد بقيت الح الج
عليه كال مشاكل اني وامي عرفت من واريه هيه مبينه مرايدتني لان بعد لاجتي ولا شفتها والله طبكن عندي
اعوفه واعوف كولشي بس كلامه هواي كام يعنيلي يكولي معليج بااحد اني رايدج ومتهمني الدنيه كلها وامي مره جبيره تحجي وتسكت وهسه صار كم يوم زعلان منها
بدت تلين وتحاول ترضيني
بعد مو مال اسوي مشاكل والايام تركض حتى الملابس
لحد الان منطيتهيا كل متصير فرصه واحضرهن انساهن كلت خليها وره العرس ام رقيه معافتني وياي وياي صالون وبدلات قبل الحنه بيوم اخذت ملابسي لحد الان لاشايفه بيتهم ولا غرفتي سويت جسمي وجهزت نفسي عل آخر
ثاني يوم من الصبح رحت للصالون ويه ام رقيه بدلتي مال الحنه سمائي أعشق هذا اللون واني بيضه ويه التسريحة والمكياج طلعت غير شكل رجعت للبيت هسه ال بينو
الأقارب ذوله مثل الربيع بسنه مره يدورن بس عبالك
عايشات ويانه حيل فرحت من شفتهم بنات خالي وخالاتي وبنات عمي وعماتي وكله ملتمه والهوسه للضالين
بدت الحفله وام رقيه مفاركتني ساعه تعدلي وساعه تهفيلي سلام خابرني من الهوسه مسمعته انطيته لاام رقيه طلعت بره حجت وياه كالت راح يجي يحنيج ويرجع لان هوه حنته بالقاعه صدك نص ساعه واجه لابس قاط زيتوني بدون رباط ومجدد الزيان طالع حيل مرتب وياه امه وهديل اخته وكم مره كعد بصفي يمسح بكصته مبين خجلان حقه اذا النسوان تارسات المكان بس هوه رجال بنصهن
شلونج
الحمد الله
هاي شطالعه وين انطي وجهي اليوم
ههه ليش
دكلي ليش يصير هسه انسوي العرس اليوم
سسسلام
ههه اشاقه شبيج بس طالعه كارثه
جابت ام رقيه الحنه خلالي قطره لان اتخبل منه همسته ماريد هواي ماحبه
راح اروح الولد منتضريني اشوفج باجر
ان شالله
باس راسي وطلع امه نهائيا موصلت يمي ولاحتى سلمت بس هديل من بعيد اشرتلي هلوو بيدها ابتسمتلها ام رقيه راحت وياهم كملت الحنه وقبل ماابدل اخذت صور ويه حذام وعصام بعدها رحت سبحت وبدلت
شلت البنات كله تصيح عيني شنو هذا الكارزمي وين لكيتي وشراح يسوي بيج باجر واطيات ميسكتن رحت دانام لن حيل تعبانه دك سلام
هااا حبيبتي شلونج خوما تعبانه
لا زينه بس مصدعه من الهوسه
حبيبي ريحلي نفسك باجر اريد مصحصحه
سسسلام شنو هاي
هههه ماكو مهرب عليتيني هاي الفتره
دروح دانام
نامي عمري نامي باجر انيمج بحضني تصبحين عل خير
وانت من اهله
كمت نمت بحضن امي امي اكثر شي شايله همها شلون راح اعوفها شلون افاركها منو يهتم بيها وبعلاجها هاي اساور لوتموت امي متكلبها الدمعه مستقره بعيني واني اباوع عل ملامحها وتجاعيد وجها وشلون الكبر اخذ منها
بست أيدها فزت لمتني الحضنه وباسنتي وكامت تنصح بيه وتعلمني شلون ادير بالي عل زوجي وعيالي حتى ادق التفاصيل الراح تواجهني باجر علمتني عليهن اهنا بعد
ماكدرت كمت ابجي هم فراكه وهم خوف من باجر طمنتي ومسحت دموعي ونمت بحضنها مثل الطفله لثاني يوم
الصبح واني ماريد اكوم من حضنها
ام رقيه ادك عليه تستعجلني عل صالون واني صدك مجلبه باامي حتى كتلها يمه بطلت مااتزوج خالاتي يضحكن عليه وكوه جروني رحت سبحت وبدلت وامي اصرت اتريك اكلت لكمتين وطلعت لان كالو اجوي عليج اخذنه خلدون بسيارة سلام اني وام رقيه وخالتي خلدون مبين حباب وجهه مثل وجهه اخته بشوش ويضحك
وصلنا الصالون وبلشت بيه بدلتي جانت اختياري بس صدر بدون تعاليك كولش نازكه مابيه لولو وخرز هواي مرتبه كولش وطرحته عل طوله لن ضهرهه بس قياطين ختاريت مكياج ها
هادئ بس ام رقيه مااقبلت كالت ليش هادى خلي اخويه
يحير شلون يمسحه تره البارحه بالحنه جان هادئ
كلت خليه عل ذوقه بس اليوم عرس لازم اكو اختلاف معارضت سلمت نفسي لاام الصالون من كملت صدك طلعت احلى من البارحه بقاطات كملنه ورجعنه للبيت وامي كبالي ادري بيه تريد تبجي بس علمودي واني هم كوه لازمه نفسي لحد مكالو اجوي بعد مكدرت حسيت نفسي صدك راح اطلع من البيت واعوف امي وحذام سوده عليه اليوم ابد ماشفته حتى اساور باوعتله بعطف اني بلحضه كلبي مينطيني اباوع نظرة عتب عل اي واحد حتى عصام احتاجيته ماحسيت ال سلام بصفي ويعصر ايدي باوعت عليه طفرت دمعه مني راسن ام رقيه صارت كبالي مسحتها وتصبر بيه
عيب هباوي حبيبتي اني يمج يعمري ليش هل بجي راح يخرب مكياجج اشش اششش سلام كوم لاطولها يله يله كومتني خلت الكب عل جسمي وسلام يكله سويه زين قفلته كمت كلشي مااشوف بس الرجلين همست اررريد امي
اي حبيبتي هسه تسلمين عليه تمشيت يم باب الهول رفعت راسي لتفتت من بين الهوسه لمحت امي هديت ايد سلام داروحله اجتي هيه تمسح بشيلته حضنتي والله وياج بنتي مودعه يالله جرتني ايد ماشفته منو طلعنه للطرمه سلام بوس حذام وعصام والسياره داخل الطرمه
ساعدوني البنات صعدت وسلام من الجهه الثانيه وطلعنا تماسكت نفسي ودست عليه حتى ماابجي هوه الطريق كله لازم ايدي ورخه الكب شويه تنفست نزلنا للتصوير اخذنه هواي لقطات وبعد رجعنه للبيت كعدوني شويه خالتي وياي هيه وعمتي وبنتها بس ذوله الي اجوي سلام طلع لان هوسه موطبيعيه كرايبهم مدري شلونهم كلهن ملابسهن مشخلعه ووجوهن السيف ميكصه عمتي هم مدري شلون تباوعلي
عاد كوموني للغرفه جانت غرفه حلوو الموديل تركي كريمي وجوزي ريحته تجنن والسبلت كنتوي والهوى ثلج الجربايه كله ورد مجفف ربع ساعه وام رقيه كالت من رخصتكم راح يزفون العريس بسرعه كامن خالتي وعمتي بوسوني وطلعو الرجفه لزمتني من سمعت قفلت الباب تعلن دخول سلام
