رواية خفايا القدر الفصل الثالث 3 بقلم انين الروح

حتفوت وتعرفيها .

صباحكم خير بنات عمتي

هاااا هاي البارحه شفتها حيل لوكيه 

اي بعدج مشايفه شي ...شوفي وتفرجي عدل 

رشا هي شصير منج 

مصير مني شي بس مره عمي جبار ابو جراح اصير خالتها 

هاااا عرفت الواكه منين صارت 

هله تفضلي 

.لا اريد اروح الجراح 

.وين عيوني جراح طلع من البيت قبل نص ساعه 

.لاصدك زينب تحجين 

.اي صدك قابل كاذبه عليج اني قبل 

.لازنوبه بس استغربت طالع من وكت

اي عنده شغل ولازم يلحك عليه 

.قصدج اكو ازعاجات ولازم يطلع علمود محد يضوجه 

.رهف سمعتها بس مارديت عرفت تقصدني اني

 لان من تحجي تباوع عليه 

.زينب شتقصدين بكلامج ازهار منو الغثه 

.لا حبيبتي زنوبه مقصدت احد بس اكول يمكن هو ضايج من ناس او هيج شي 

.زينب لا لتخافين ميضوج من ناس بالعكس صبح وضحك وتونس وطلع وتعرفين جراح ابو مضيف يرحب برايح والجاي 

اعرف عمري اتعلميني بخطيبي 

منين صار جراح خطيبج بله 

يصير حبي يصير بس خل يهدء الجو وكلشي يصير وع مرامي 

زينب . اي ليش لا 

.تعاي رشا عندي حجي وياج خلي نروح لديوانيه

.اي جايه 

.زينب ...رهف لضوجين من اسوالف ازهار 

.رهف لا ع شنو اضوج اصلا ما مفكره بيها من اساسها

 اني كم يوم باقيه بس تخلص الحرب نرجع وارجع الحياتي زينب اني حياتي غير عن حياتكم وما اهتم للحجي العاطل من امثال ازهار او غيرها

 هيج نماذج تشوفيها ميته غيره منج بدون سبب 

بس لانهم يشعرون بالنقص بداخلهم ويحاولون يغطون هالنقص بالحجي ع الناس الي هي اصلا تحلم تكون مثلهم 

والله صدكتي رهوفه كلامج ذهب والله 

انه ابدي ماترجعون لان حيل حبيتج 

وحبيت اسوالفج 

بس. ان شالله ترجعون البيتكم والحياتكم

 رهف بس خلي اكمل شغلي ونطلع انه وياج للبستان اشوفج حلالنه 

كمت ساعدت البنات اشويه بس زينب مقبلت اسوي شي

 طلبوا مني اثرم زلاطه ناعمه والنوب بيها بصل 

واني اتخبل من البصل ريحته تلزك باليد وعيوني تظل اتصب دمع 

رقيه ..الله شكد حلوه عيونج من تبجين هي ملونه وتصير حمره تطلع تخبل 

اشكرج من ذوقج والله البصل صدك عماني وعمه عيوني 

وانتي شدعوج هيج مايعه من كشر بصل تبجين مو مثلج احنه جاي نثرم ونطبخ شو مصار بينه الصار بعيونج لو هاي عياره منج 

زينب ..كافي تره حيل طوختيها ازهار احترمي حالج بعد لاتخليني اردج المكانج 

.يله رهف وينج كومينه

اجيت زنوبه بس اغسل وبدل 

انتظرج 

ولج هاي شنو شلابسه 

غير بنطرون وقميص 

.عيني احنه وين يمشي هذا البس ويانه روح بدلي ولبسي دشداشه وشال 

.بس ماعندي واني ما اعرف امشي بالدشداشه احس مكمطه بيها 

خليج مكمطه ولا واحد من عمامنه يشوفج ويسويها سالفه علينه واذا سمع جراح يبوووو شيخلصج من ايده 

دروحي شحده اخوج يوصل عليه شنو ماعندي ام 

حبيبتي جراح حتى كدام امج يرزلج لان انتي الغلطانه 

.يله اني انطيج تردين يذبحونه عالقبله اليوم .

رحت بدلت انطتني زينب دشداشه مورده وشال وياها وطلعنه من الباب الخلفي انطيت خبر الامي وكالتلي روحي

بدينه نمشي الجو حلو ربيع والزرع منظره يجنن كله خضار والورد مفتح والاشجار محمله ثمار اشجار المشمش اجنن والعنب كلها محمله

 بس بعده مناضج

اني امشي واكطع صح اخضر وحامض بس احب اكله هيج العنب والمشمش احب الخموضه مالته 

خاله الشال ع راسي هيج شامرته شمر شعري سرح نزل الشال من شعري وصار ع كتفي

واني وزينب نتمشه ونسولف 

كالتلي هي مخطوبه لبن عمها اسمه فهد اليوم يجي وشوفني خطيبها لان جان بالديوانيه ينقل فاكهه

ابتعدنه هواي عن البيت

.زينب... اشوفين هذا السياج

.اي اشوفه .

هذا بستان جراح هو اشتراه حكه وخله بي خيول عربيه اصيله تردين اشوفين الخيول

.اي احب اشوفهن 

.تعالي خل نفوت من هاي الباب بلكي مفتوح نلكاه 

فتحت زينب الباب 

.شو مقافلي ليش 

.منو يفوت شو هو بستان بداخل بستان محد يكدر يتعده خطوه 

لابويه يفوتون وياخذون المزروعات وينهزمزن 

صدك تحجين 

اي والله اشمالج

.تعاي تعاي هاي وصلنه شوفي هذا الحصان اسمه كاسر 

جراح يموت عليه لان اول احصان اشتراه ومن بعدها كثرهن

شو اسمه كاسر ..واخوج جراح هههه كلها كسور وجروح الله اليستر من الباقي 

هههههههه صدك ضحكتيني اسم جراح جدي سماه لان اول ما جاه لدنيا جدي عود جاي يبوسه ويمكن جراح في وكتها اتنغز بشوارب جدي ومد جراح يده وجرح عين جدي وخله دمها ينزل 

وجدي كال هذا الولد سبع وياخذ حكه بيده راح اسمي جراح 

حلوه معني قصه اسم اخوج 

اخوي كله حلو من راسه الجدمه 

الله يحفظه الكم 

ويحفظج ياغاليه ...امشينه خل اشوفج التفاح

.هاي منو اهنا بعيطه وصوت خشن هز اركان المكان

.انه انه زينب 

شعندج اهنا 

.رهف من سمعت الصوت جمدت في مكاني لان بعدني ماعرف اميز صوت جراح عن عمه وابوه والله متت كل ضني واحد غريب وجاي علينه وراح يسويلنه شي 

.اجيت اشوف رهف الخيول جنه نمشي بالبستان 

.اي شفتو الخيول والبستان حظره جنابكم 

لاتونه بدينه نشوف وعيونك 

زين انه مو تعرفيني ما ارضه وحده تطلع سافره 

بس رهف لابسه حجاب 

جا وينه يعني رهف خاتون متعرف تخلي شي ع راسها 

.هاي شبيك مشوف انت 

.لج عليمن تردين هيج وبصوتج هذا انتي صدك مامتربايه 

.احترم حالك اني متربايه ما احس اله من شده الراشدي افتر وجهي وكعت بالكاع 

.انتي ما متربايه لان متعرفين شنو معنه الاحترام اني من احجي ماتردين عليه فاهمه 

.زينب عفيه رجعيني واني دموعي غركانه بجي وخدي يوجعني من الراشدي حتى عضيت لساني من شده القوه 

.لج يله كومي اخذيها زينب وبالج تطلعين خارج باب المطبخ تره اكسر جرجلج فاهمه 

.مرديت عليه دا امشي شفت روحي انسحبت من الخلف ورجعت المكاني صرت اكبال ضبط جسمي طخ بصدره 

من احجي وياج اتردين وهذا حجابج خلي ع راسج ونتبهي ع كلامج ونفسج وياي لتخلين راسج براسي

فهميها زينب منو جراح

.لفيت الحجاب ومشيت اني وزينب بس ابجي

.انتي ليش مكتيلي اخوج موجود 

.والله ما ادري موجود عبالي البستان فارغ لو اعلم ابوجوده جان ما دخلنه تدرين شراح يسوي بيه من يجي للبيت

.شيسوي

.يمعوده يطيح حظي والله عباله اني جبتج بالعناد الهذا المكان 

.الله يساعدكم ع اخوكم 

.لا والله صح عصبي بس شايل كلب والده تكولين مثل الام الحبيبه علينه .

والله ما اشوفه طيب ابد من اجيت الحد اليوم بس رزايل والضرب عبالك اني وحده من كرايبه لو اخته حتى يعاملني هيج 

المشكله ما اكدر احجي الامي لان امي عصبيه كبل تكلك خل نرجع البغداد واني ما صدكت ارتاحيت من الخوف وصوت الغاره والرمي والله صدك شي يخوف

.رجعنه جانت الساعه ١٢ الظهر 

ام جراح ....هاي وين جنتن 

.اخذت رهف شوفتها البستان 

.مريتوا ع بستان جراح

.لا ماما مامرينه غير وكت نروحله لان تاخرنه 

اي يله خلي غده ثردي زايد ابوج يمه ناس

اي يوم صار

ليش ماكلتي الامج رحنه البستان جراح 

.غير اشن حرب علينه راح اتكلي ليش ما اخذتي ازهار وياج والبنيه مطالعه عامليها مثل اختج يووووو امي عن ازهار ما تسكت ابد 

محسستنه احنه ظالميها ...وجراح يموت من شوفه ازهار

بس امي مجلبه الاخوي اله يزوجها لان هي تريدها وكتلج بالسالفه

.اي كتيلي

يله خل اصيح البنات

.تعالوا خلي انذهب الغده لزلم

.ازهار هاي وين جنتن

.زينب كاعدات بالبستان يم اشجار العنب ليش اكو اعتراض

.لا بس ليش ما كلتن جان طلعنه كلنه سوه

.لا حبيت رهف تشوف حلالنه وحدها وغير يوم نطلع جميع .

ازهار هيج الحجي ع راحتج زنوبه سوي اليريحج 

.ايوب... ها بنات كملتن صب اي تعال انت ورضا شيلوا

رضا....بنات وانتي زينب اخو رهف احمد هوه صغير بس راح يفوت يشيل ويانه بس غطن شعرجن 

.اي خله يفوت

لمو الشباب الصواني

.ايوب رهف 

شو هذا صاحلي وحجه بصوت ناصي 

عود وره الغده محتاج انطيج شي

اني استغربت 

شو هذوله ابساع ياخذون ميانه عبالك عرف من زمان هاي هيج ويه كل البنات لو شنو فلمهم

اي ميخالف ايوب 

.رهف ...صار ع وجودنه ابيت ابو جراح ٦ ايام 

وبيوم ٩/٤/٢٠٠٣ 

من الصبح سمعنه سقط النظام يعني ماكو بعد صدام بس بعد الناس مامصدكه الخبر لان شي مو من السهل صدام يسقط نظامه هذا الرجل الجبروت والقوه الشايلها والحشود والجيش هيج يسقط الكل جان يخاف منه ومحد يكدر يفتح حلكه ويكول سقط النظام

معقوله هيج ابساع يسقط صدام وينتهي حكمه ونكون احرار 

الكل دخل بحاله انذار الكل كاعد ابيته محد يطلع ولا يدخل صرنه بحاله جمود 

محد يعرف شنو مصيرنه وصدك النظام سقط لو هاي كذبه من الشعب والامريكان 

..............

صار ع الحرب يمكن ١٥ او عشرين يوم بس حيل انضرت الناس لان المأونه العدها بدت تخلص شغل ماكو توقفت الحياه تماما في بغداد وبعض المحافظات

لظهر سمعنه تمثال صدام سقطوه ارضا طبعا ماكو شبكه تلفاز اتوقف البث بس اكو قناه تسريب تبث الحدث صوت وصوره مباشره شفنه شلون سقطوا التمثال وشلون الامريكان نزلوا البغداد

حمدت ربي لان احنه اهنا جان اني متت من الخوف او امي تقتلني حتى محد يلزمني لان هذوله جيش احتلال كلشي نتوقع منهم يسون في وكتها من خلال التصوير نشوف شلون البيوت مغلقه بيبانها وهمه يتمشون بالشوارع

امي كامت تبجي عالحدث يعني موقف صعب مرينه بي احنه كلنه العراقيين

العصر زينب تعاي ايوب يصيحلج كلنه كاعدين بالطرمه عالمرجوحه خليت الشال ع راسي بس اشمره هيج بدون ما اربطه وطلعت

السلام عليكم .

وعليكم السلام ايوب ليش حابسه نفسج بالبيت

.لا والله بس احس نفسي مخنوكه محتصره .

ليش

.ماعرف لان سقطت بغداد او لان دخلوا الامريكان البلدي يمكن مراح نشوف الخير ع ايدهم 

.ايوب كولي يالله يمعوده هذوله هم اهل الخير غير حررونه من الطاغيه

.صح حرروك بس يبقون هم محتلينه وراح نمشي بأوامرهم انت مقاري عن الاحتلال والاستيطان بالتاريخ والوطنيه

.اكلج هسه هذا مو موضوعنه عوفينه خلي نضحك نسولف 

.هاي شعدكم اهنا مجمعين وانت لام الحبايب كلها ما شالله .

ايوب ....جراح والله مليت من الشغل والدراسه كلت خلي اغير جو ويه بنات اعمومتي

.خوش عليك

.رهف ..ابساع عدلت شالي و اني اباوع الجراح من جوه جوه لان ماريده يشوفني واني اصلا حاقده عليه من ضربته شكد اكرها الهذا الشاب ولا حبيته ابد اكره الانسان العصبي المغرور ابحاله هاي صدك عوبه ازهار هو هذا هم انسان وينحب 

.يله كومي رهف 

.وين لج 

ايوب راح يفرنه بسيارته يله كومي 

.افرحت لان حطلع واني مختنكه من حالي رحت شفت السياره مقبطه بنات.

ايوب ولكم انتوا مو شايفين الدوبه نزلان خلي رهف تصعد وتشوفها

.لا لا ماريد خليهم ماريد اطلع

دارجع ادخل للبيت وجان ابفرتي انضرب بصدر واحد باوعت هذا الشخص لابس قاط اسود وعطره يسطر وجكاره جروت بحلكه وسبحته ومحبسه بيده

تأسفت منه بس جنت بعدني مشايفه منو هذا الي نضربت بصدره 

المشكله انضرب خشمي قوي حسيت دخت وكمت افرك خشمي بس اريد اعطس 

رفعت راسي شفته جراح عيني بعينه صارت

اجمدت ابمكاني رفع يده عبالي راح يضربي 

اني خليت يدي ع وجهي حتى ما انضرب راشدي مثل القبله 

حسيت سحب شالي ونزله وبصوته القوي انتبهي ع حجابج للمره الاخيره اكولها لاتخليني افقد اعصابي وياج يابنت الناس مره الثانيه اضرب وما ارحم

وخرت ايدي من وجهي اني اسفه لان مشفتك من طلعت ونضربت بيك

.ايوب اي جراح انت بس ابطريقك نزل البنات بالدوبه وانه اخذ رهف 

انت صدك بطران ليش انه يمته شايل ابنيه وياي بسيارتي ما اكدر اتاخر روح دور ع رضا 

.جراح هي بطريقك السياره مكفت وبعد لا رهف ولا زينب ولابنات عمي ابو علاء صاعدات

. هاي مشكلتك .

جراح يمعود سويها لله الخاطري . وعيب من رهف خطيه وعدت اوديها 

لالا لتشيل همي عفيه ماريد اروح 

انتي سكتي الزلم من تحجي النسوان تسمع مو انتي الي تقررين 

انت يالاغم زين منو يرجعك بعدين

انتظر رضا من يرجع يجيلي لان انطيت خبر الامي ادزه عليه من يرجع 

.جراح مره الثانيه لتعيدها ايوب تره تعرف شسوي

جراح .يله امشي

رهف .ما اروح اني

.ايوب لا رهف اني اصلا ماخذكم علمودج حتى اشوفين الدوبه

(ناعور المي كبير جدا ينقل مي من النهر للمزرعه ) 

مكان حلو والغروب بي منظر يجنن 

انشوف شلون الدنيا تحمر وتنزل الشمس بالشط .

زينب يله رهف امشي

.جراح خليها اذا معاجبها اتولي

.انت ليش هيج كلامك ويايه مسويتلك شي اني 

.لابس دشوفين حالج همه يتوسلون بيج وانتي ترفضين وايوب كال ماخذكم كلكم لدوبه ف لتعززين نفسج عليهم زين 

.رهف...مشيت وصلت يم السياره 

.شفت ازهار تريد تنزل

جراح .انتي وين رايحه

ازهار .اجي يمك غير اصعد 

.لا خليج ابمكانج خوش مكان ماخذه المقدمه بس الج 

.تعاي يله زينب اصعدي انتي والبنات

.زينب... رهف صعدي بالصدر 

.لالا يمعوده وين اصعد بالصدر اني اصلا اخاف من اخوج وين اتخليني تريدين اتموتيني لا عفيه انتي او وحده من البنات يصعدن

.جراح فضني عاد..... اتاخرت

.زينب دفعت رهف ليكدام وصعدتها واني والبنات صرنه ابراهم 

.خرب ببليس زينب اني كوه اتحمله ولا اطيقه حتى ما اطيق كلامه وهاي دفعتني يمه اكعد النوب خلت ابصفي بالمقعد بنت عمهم الصغيره صف سادس ابتدائي صح صغيره بس جسمها حيل ضخم يعني اني ضعت كدامها صرت حيل قريبه ع جراح ايده اطخ ايدي من يتحرك ويسوق وحاول ابعد ايدي عن ايده ماكو فايده كل اشويه وطاخني واني ناشف دمي بيه وصلنه والطريق كله ساكتين

وسياره ايوب كالبيها زفه اغاني وهنه يصفكن ماعرف ليش جراح ما حجه وصلنه نريد ننزل 

.انتي هي

.انداريت عليه اني

.اي انتي اكو غيرج يعني

.بس اني عندي اسم مو اسمي انتي هي 

.احترمي حالج انتي جايه المكان يمر بي ناس ماريد سالفه تطش بالسلف ابسببج

وعدلي حجابج لتخلين شعرج يطلع ما ارضه

.ليش انت منو حتى تأمرني تره طكت روحي منك 

.اشششششش صوتج ما اسمعه لتخليني اسحبج ورجعج للبيت 

.والله اسوي فضل عليه لان معاجبني اطلع من اساسه 

.هي بعدها منازله من السياره مديت جسمي صرت فوك رجليها اسحبت باب السياره وقفلتها

هاي شسوي وخر عني وعيط 

جراح .ايوب ماشي اني 

.اووووووو حركت السياره ابكل سرعتي 

رهف...هاي اشبيك تخبلت 

.لزمتها من حنجها لج انتي ليش اتراددين اموتج هسه 

.اي وشيخلصك من اهلي شنو تايهتلك اني 

.خرب لج بابا سدي حلكج لا تستفزيني ماتعرفين جراح منو انتي تره 

انه زلم تهابني وتخاف مني مو انتي جاي تراددين 

.لان زلمكم مو حوك

.جان افز فزه اله عطت من ضرب الستيرن واخذ ابريك وكف السياره بصدمه ونضرب راسي بالدشبول وجعني حيل عبالي اندعمنه والله

انت شنو تغار مني لوعليه لو شنو فلمك

لج شنو اغار  

اكيد يغار مني الي ماوصل صيتي

..ويضل يكره أبوه الشاف تربيتي

..تره الي رايد يذمني براحته

..اني انسان مااكشخ بثوبي اكشخ بتربيتي

هاي منو جاي يحجي 

اني رهف الي احجي وبزودي

عندك اعتراض 

الفصل الرابع من هنا