رواية طالبه في مدرج قلبي الفصل الثالث 3 بقلم جيجي

 رواية طالبه في مدرج قلبي الفصل الثالث بقلم جيجي 

...وقالت... لا وباعت رساله بكل ثقه اكيد مش هروح ونامت تانى يوم بالليل كانت لابسه فستان شيك جدا و شعرها مفرود على ضهرها وواقفه تحت المكان اللى رشاد بعتلها عنوانه 

وقالت.. انا ايه اللي جابني هنا هقولو ايه بس شكلى هيبقى زي الزفت ولفت ولسه هترجع بس لقيته في وشها كانت هتوقع بس حاوط وسطها بأديه 

وقال..... لو تبطلي تتكلمي مع نفسك وتبصي قدامك وانتى ماشيه ما كناش اتخانقنا 

نيفى قالت.... انت اللي مش بتبص قدامك 

رشاد قال... تاني على العموم اتفضلي اعرفك على اختي 

نيفى بصتله وقالت... انا على فكره ما كنتش جايه هنا انا كنت رايحه مشوار فشفت المكان بالصدفه وقلت بس رشاد ضحك 

وقال.... على فكره مش هتنقص منك حته لو عبرتى الناس الغلابه اللي زينا وجيتي بالعكس دى حاجه حلوه وهتفرحني اتفضلي دخلت 

وقالت.. واو هو بسيط شويه بس حلو يعنى حلو شيك بس بسيط شويه برضه 

رشاد قال... على قدنا بقى بس جات بنت فى التلاتين 

وقالت.... ازيك مين الاموره مش هتعرفني 

رشاد قال... ليلى اختى متجوزه وعندها ولد وبنت 

نيفى قالت... هاي

ليلى قالت... مين الاموره

رشاد قالت... بنت سليم بيه المنشاوى

ليلى قالت.... اه هاي اتشرفت بمعرفتك طبعا وبصت لرشاد

 وقالت.... الشقه فضيت وهتبقى لوحدك فيها وخلصت من ملك كمان وهتبتدي حياتك بقى يلا شد شويه وفرحنا بيك 

رشاد قال... احم جوزك جوزك واقف مع واحده روحي شوفيه

ليلى قالت.... نهاره اسود ويومو مش هيعدي ومشيت 

نيفى قالت.... هي اختك عايزه تجوزك

رشاد قال... اه عايزه تبقى عمتو يا ستى مستعجله 

نيفى قالت.. هو انت يعني استنيت دلوقتي عشان اختك كانت معاك في الشقه انت مش معاك تجيب شقه 

رشاد قال... لا بس كانت اختي لسه يعني ما اتجوزتش ف كنت عايز افضل معاها

نيقى قالت... اه طب عندك حبيبه يعني

رشاد قال... انا اه عندي واحده

نيفى قالت... شكلها ايه

رشاد قال... حلوه قوي 

نيفى قالت..... ممكن توصفها 

رشاد قال... لا هي ملهاش وصف لانها كل حاجه فيها مميزه يعني ما فيش ليها شبيه عشان نشبهها بيه 

نيفى قالت باهتمام....... كان في بينكم يعني قصه حب 

رشاد قال.... مش كبيره يعنى تقدرى تقولى كدا من طرف واحد شفتها وعجبتني وحبيتها وكنت هموت واتعرف عليها بس هى ما تعرفش ان انا بحبها اصلا ولا حتى في بالها انا كمان لما قابلتها مش مديها ريق حلو 

نيفى قالت..... طبعا انت ما بتعرفش تقول للبنات كلام حلو 

رشاد قال.... لا بعرف اقول كلام حلو بس لازم يبقالها صفه عشان اقولها كلام حلو مشاعر بنات الناس مش لعبه مش واحده اشوفها فى الشارع تعجبنى اروح اقولها كلام حلو لا عادي يعني انتى النهارده جميله وفستانك تحفه ومحتشم اقوم انا اقولك انك حلوه وطالعه زى القمر كده يعني لا ما ينفعش اقولك كده عشان ما فيش صفه 

نيفى قالت... انت باين عليك مقفل جدا 

رشاد قال... لا انا مش هحبس حبيبتي يعني عشان الناس بس لما تطلع تطلع بحاجه محترمه حلوه يعني اللبس المحتشم ليه وضعه برضه هتقولى الفستان المفتوح او القصير شيك لا مين قال ان اللبس المحترم ما فيهوش شيك بالعكس في كل حاجه وليها حاجه يعنى اللى كنتى لبساه الصبح جميل 

نيفى قالت... طب مش تعرفني عليها ازا حاضره الحفله 

رشاد قال... لا مش هينفع لان انا قلتلك ان هي ما تعرفش ان انا بحبها 

نيفى قالت... طب أشرلى عليها من بعيد 

رشاد قال... لا مش هينفع اصلا هقولها ايه يلا عن اذنك بقى هروح اشوف الناس اللي فى الحفله دي في ناس كمان غيرك 

نيفى مسكت ايده وقالت.... ايوه بس الناس دول جايين علشان اخواتك بس انا جايه علشانك انت وحمحمت بحرج

 وقالت... قصدي يعني ان انا ما اعرفش حد تاني هنا غيرك ف ما تسبنيش لوحدي يعني 

رشاد قال... تمام ‏ طيب اتفضلي هاخدك معايا

نيفى قالت.. تاخدني فين 

رشاد قال... هنا هعرفك على الناس قرايبنا وكده يعني ومشيو سوا وبقى يعرفها على الناس بعد شويه كانت واقفه عند العربيه مروحه 

رشاد قال... اتفضلى هوصلك 

نيفى قالت... لا انا هروح لوحدي 

رشاد قال.... لا ما ينفعش طبعا تروحي لوحدك فى الوقت ده

نيفى قالت... انا برجع عادي كل يوم في الوقت ده لوحدي 

رشاد قال.... لا ده لما تكوني مش ماشيه من عندي ترجعى لوحدك عادى انا يعني رجولتى ما تسمحليش ان انا افضل 

هنا واسيبك تروحى لوحدك اتفضلي هوصلك وركبه العرببه ومشيو

نيفى قالت... كانت حفله جميله بصراحه يعني انا دايما بحضر حفلات غاليه وراقيه وشيك وكده اول مره احضر حفله بسيطه يعني بس كانت جميله

رشاد قال.... على فكره ده شرف كبير انها عجبتك لان انتى ما بيعجبكيش العجب 

نيفى قالت... هو انا مش عارفه اذا مدح او ذنب بس تمام 

رشاد قال.... لا مش ذم والله مبسوط انها عجبتك 

نيفى قالت..... ههه لا عجبتنى تمام انا وصلت تصبح على خير 

رشاد قال... وانتى من اهله نزلت وراحت اوضتها بفرحه واخدت شور ونامت فى صباح يوم جديد كانت فى الجامعه نيفى بقت تبص على رشاد وقالت... مروه هو دكتور رشاد ما جاش ليه 

مروه قالت... تعبان شويه مجاش النهارده

نيفى قالت... ليه مالو

مروه قالت... ما اعرفش نيفى خلصت المحاضره وراحت على بيته فتح الباب وقال... يا خالو قلتلك خلاص بقى بس قال... نيفى انتى ايه جابك 

نيفى قالت.... قالولى انك تعبان انت زعلان صح انا خدت بالى على فكره يعني رغم انه فرح وكده بس حسيتك متضايق شويه زعلان لان اختك مشيت 

رشاد قال... ودا شاغلك لدرجة انك تجيلى البيت مش غريبه دى 

نيفين قالت... ها لا ابدا انا ماشيه اصلا وطلعت بس رشاد جرى وراها ومسكها من ايدها 

وقال... لا ما تمشيش لو يهمك هبقى مبسوط على فكره اتفضلى نيفى قعدت 

ورشاد قال... اه بصراحه زعلان هو بابا توفى من وقت هو وماما انا كنت دايما مع اخواتي ليلى اتجوزت جابت ولد وبنت دلوقتي كمان ملك اتجوزت انا مش عارف يعني اعمل ايه لوحدى ملك عوضت غياب ليلى مين هيعوض غياب ملك انا حاسس نفسي لوحدي هنادي علي مين ومفيش حد هينادي عليا 

نيفى قالت... الجامعه عامله رحله ما تطلع معانا

رشاد قال... انا مش بتكلم على الرحله كلها اسبوع وهتخلص انا مش عارف بجد ازاي الواحده ممكن تكون عايشه طول عمرها مع اهلها وتسيبهم وتروح مكان تاني وتعيش فيه 

نيفى قالت... عادي طالما في شخص بيعوض غياب الناس دي يعني لو راجل وبنت اتجوزو ومشيت معاه لو حبيته فعلا وهو حبها وهو فعلا قادر انه يخليها تستكفى بيه وتسيب كل الناس دول علشانه ف اكيد تقدر ولو هو هيعوض غياب الناس دي يعني ليه لا هى مش هتنساهم بس لازم يكون شخص يستاها عشان تقدر تسيب كل دول علشانه 

رشاد قال... صح ليلى من ساعه ما اتجوزت وخلفت حتى زيارات مش بتيجي مشغوله في بيتها واولادها كل فين بتيجي مره 

نيفى قالت... انا كمان كان عندي اخت واتجوزت ولما اتجوزت حسيت ان انا وحيده جدا ما عرفتش اعمل ايه وكنت دايما لوحدي لان بابي كان بيمشي ويسيبنا احنا كنا سوا على طول لما مشيت حسيت كده زيك 

رشاد قال... طب عملتى ايه

نيفى قالت.... ولا حاجه انشغلت في حياتي عادي غيرت ديكور الاوضه وبقيت ليا لوحدي بس دادي دايما بيهزأنى بيقول انا مش شبهها بيقول انها قدرت تتحمل مسؤوليه بيت واولاد وعيله وانا مش عايزه اتحمل مسؤوليه نفسي كلام كتير بيقول ان هي طبعا احسن مني 

رشاد بصلها بحزن وقال... لا مش معنى انه بيقارنك بواحده تانيه سواء تكون اختك او قريبتك يبقى بيكرهك لا هو فاكر انه بيحفزك طبعا ده اوقات بيسيب اثر رجعي بس هو بيحفزك اكيد ما بيقصدش ان هو يقول انهم احسن منك بالعكس هو عايزك انتى احسن في حاله ان الشخص ده بنته برضه فهو عايزكم انتم الاثنين احسن هو عايز يحفزك عشان كده بس 

نيفى قالت... ايوه بس هي قدرات ربنا حط لكل واحد قدراته هي خلقها كده حطلها حاجه ان هي تقدر تتحمل ده انا ما قدرش اتحمل 

رشاد قال... امم وما تتحمليش ليه بقى ان شاء الله 

نيفى قالت... لان انا صغيره وكيوته انا مش حمل بيت اولاد وزوج مسؤوليه لا مسؤوليه اى انا اخاف ان انا اشيلها

رشاد مسك ايدها وقال.... والله عندك حق ايدك دي مش ضوافر ست بيت خالص ولا الصاله ولا المطبخ 

نيفى قالت... لا اه انا بعمل اكل تحفه 

رشاد قال... بجد بتعملي ايه قوليلى 

نيفى قالت... الاندومي بعمل اندومى بكل انواعه 

رشاد بصلها شويه وقال.... اندومى ايه ده مش ده جاهز اللي بتشتروه من السوبر ماركت باين 

نيفى قالت... اه بس احنا بنحطه على النار وبنعمله وبنحطله بهاراته 

رشاد قال.... ام يعني حجات جاهزه بتعملي ايه تانى 

نيفى قالت.... قهوه بالماكينه بتاعتها

رشاد ضرب على وشه وقال... بتعملي ايه كمان

نيفى قالت... بقطع الفاكهه وحطها في التلاجه 

رشاد قال... مش عايزه اصدمك والله بس ده مش طبيخ 

نيفى قالت... خالص 

رشاد قال... خالص

نيفى قالت... امم انت بتعرف تطبخ

رشاد قال... طبعا بعرف اطبخ بحضر لنفسي حاولي تدخلي المطبخ اعملي اكل جربي 

نيفى قالت... لا انا اخاف بصراحه اخرب الدنيا 

رشاد قال... طب لما نروح رحله الجامعه هخليكى تعملي معايا اكل 

نيفى قالت... هو انت هتعمل الاكل هنا 

رشاد قال.... اه ما احنا هنروح المناطق الجبليه مش هننزل في اوتيل فاهمه

نيفى قالت.... خلاص تمام انا متحمسه للرحله 

رشاد قال... وانا كمان انا ما كنتش عايز اروح بصراحه الاول بس هروح عشانك

نيفى قالت... ماشي هستناك باي

رشاد قال.... باى ومشيت على بيتها ونامت فى صباح يوم جديد كانو وصلو المكان بتاع الرحله وكانت منطقه جبليه 

الفصل الرابع من هنا