رواية الطالبه والضابط الفصل الواحد والأربعون بقلم توتة
سحر / شنووووو. ??
_ماريد شخص يعرف بهل موضوع انشالله كم يوم وترجع طبيعيه.
سهئ / شكو شصايررر. ?
سحر / نارين مريضه وراح تضل يمنه بالبيت.
سهئ / شنوو تبقه يمنه هيه موو عدها بيت شكوو تضل هنااا.
_وانتي جايه تحاسبينه لأن جبتها هنااا شنوو
سهئ / هاا لا ماحاسبك بسس ليش هيه مو عدها بيت يعني.
_بس تصير زينه ارجعها لبيتها ماكدر اخليها لوحدها بالبيت واطلع للشغل.
سكتت سهئ بس ملامحها كلها تغيرت ومعجابها وجود نارين بالبيت.
عقلي. وكف عن التفكير احس روحي مختنك ماعرف شلوون اتصرف شلوون اعالج نارين شلوون اذا بقت ؏ هل حاله.
_صاعد اشوفها.
ام ضرغام / خليها ترتاح يمه لاتكعدها وهاك هاذه الشراب م̷ـــِْن تگعد خليها تشرب منه.
سهئ / شنو هاذه اعشاب ??
اخذته م̷ـــِْن ايد امي. وصعدت للغرفه تحت انضار سهئ الكلها استغراب واسأله.
فتحت الباب شفتها بعدها نايمه وجهه ذبلان وتشهك كد مابچت
تقربت منهاا واني احس روحي منتهي حياتي كلها ماحسيت بالضعف هيج
خليت راسي برگبتها وشميتها بقوووه اريدد ترجعلي الطاقه اريدد اكون قووي واساعدها احس روحي ضعيف واني اشوفها بهل حاله.
_نارين حبيبتي فتحي عيونج يروحي لاتعذبين گلبي.
ماتحركت ولاستجابت الي احسها صايره بغير عالم عالم بعيد عني كلش بعيد عن كلشي يخصني.
_انتي تعرفين بيه شكدد اضعف بدونج ليش تسوين هيج بيه ليش.
فتحت عيونها وهمست بصوت هادئ قريب م̷ـــِْن اذني لأن كنت دافن راسي برگبتها واحجي وياها
نارين / ضرغام ??
رفعت راسي عنهاا واني ملهوف عليها لزمت وجهه بثنين اديه
_يروح ضرغام يانبض ضرغام شلون صرتي.
نارين / وين اني
_عند اهلي جبتج هناا لأن تعبانه.
نارين / جسمي كله يوجعني.
حجت هيج وبچت لزمت وجهه ومسحت دموعها م̷ـــِْن عيونها.
_اششش كافي لاتبچين انتي تعرفين بيه ماحب اشوف دموعج رتاحي هسه تصيرين زينه
نارين / ضرغام جاي اختنك حبيبي شديصير بيه ولله خاايفه.
_اني يمج مراح اخلي شي يصيبج.
سحبتني عليها وحضنت عليه بقووه دفنت راسها بركبتي وصارت تبچي.
_ااااخ. خوفتيني عليج ولله احس روحي انتيهت. م̷ـــِْن شفتج بهل حاله.
نارين / اسكت فدووه لاسمعك هوه يمنه موجود شفته هذاك.
_شنو ?
نارين / اكوو شخص يمنه بالغرفه اني متاكده
_اششش اهدي ماكوو شخص اني يمج
نارين / ولله مجاي اجذب ضرغام يريد يخنكني احاول ابتعد عنه بسس هوه لازمني بقووه.
بعدتها عني واني امسح بدموعها.
_راح تتخلصين منه اوعدج راح تتخلصين منه بسس اهدي ولاتخافين.
نارين / لا لا روح روح ابتعد.
_شنو.
دفعتني عنهااا بقووووه. نزلتني م̷ـــِْن السرير صارت ترجف لمت رجليها علئ جسمها خلت راسها بين رجليهت وصارت تصرخ بصووت عااالي.
_روح ابتعد عنييييي روح ضررررغام طلعه فدوووه راااح يخنكني رااح اموووت اطلع رووووح.
رحت بسررعه عليها وحضنتها علئ صدري واني احاول اهديها بكل طريقه مكدرت تخبلت فد مره صارت تضرب بيه خرمشت ايدي بأضافرها صدري كله تخرمش منهااا
دخلوو اهلي وشافوها بهل حاله بقوو مصدومين
خواتي صارن يرجفن لأن شكلها تحول مثل المجنونه صارت تهلوس بكلمات غريبه عجيبه وتنطق كلام مثل الرجال موو صوتها ولاكلامها.
تخلي الواحد مصدوم.
اجت امي تركض عليها حاولت تتقربها بسس ماخليتها لأن احتمال. تأذيها وهيه بهل حاله
_اطلعووووو منهااا خلوونه وحدنه
ام ضرغام / يمه راح تموتك علئ هل حاله خلينه اني الزمها
_يييمه اطلعووو گلت مراح تاذيني تعررفني اني
سهئ / ضررغام عووفها شووف ايدك صارت تنزف دمم منهاا.
_نعله علئ ****احترگ*** كلت الكم اطلعووووو.
طلع الكل م̷ـــِْن الغرفه وسدو الباب اني لسه لآزٍمٍ نارين حاضنها م̷ـــِْن ورا واهيه مستمره تخرمش بأيدي تشلع لحم مِڼـّي تريد بس تفلت مِڼـّي
نارين / عوووووفني طلعني راااح امووت اختنكت متتت ضرررغام رراح امووووت
_اشششش. كافي بووويه كاافي يروحي اهدي. شوفي طلع الكل مرراح يأذيج شخص.
صارت تتنفس بقووه تكول داخله بسباق صدرها يصعد وينزل وانفاسها تطلع بقووه
شويه وهدت ارتخئ جسها بعدت اضافرها عن ايدي
نارين / اني شسويت.
_ماسويتي شي ارتاحي تعاالي هنااا
سحبتها وكعدتها علئ سرير درت وجهي اريد اجيب الهاا ماي تشرب سحبتني م̷ـــِْن ايدي عليها
نارين / اني سويت هيج بيك ??
باوعت علئ ايدي شلوون كلها دم وجلد كله مشلوع م̷ـــِْن اضافرها.
كعدت يمهاا وسحبتها لحضني خلت راسها بصدري صارت تشهك ودموعها تنزل بسررعه.
نارين / اني اذيتك اني حقيررره شلوون سويت هيج ضرغام سامحني حبيبي ولله موقصدي أذيك اني شلون كدرت اسوي هيج انته راح تعوفني موو اني موزينه.
_اششش كافي كافي مابيه شي لاتخافين. ارتاحي شويه اريدج ترجعين نارين حبيبتي القويه لاتخلين المرض يسيطر عليج.
نارين / عووفني ضررغام اني بنت موزينه اني ضربتك أذيتك شووف ايدك شلوون تنزف ياااربي شلوون سويت هيج اني شلوون
_كافي گلبج راح يوكف ماتعبتي وانتي تبچين شوفي ايدي مابيها شي اذا تريديني اسامحج تشربين هاذه العلاج.
شلت الشراب وخليته كدامها باوعت علي بنضرات كلهم حزن وألم.
نارين / اني مريضه. ??
_اني مريض بيج انتي علاجي اذا صارلج شي اني امووت ولله انتي موو تحبيني اذا تحبيني اشربي لخاطري بويه
اخذته مِڼـّي وعيونها تتطافر منهاا الدموع شربت العلاج وخلت الكلاص بأيدي.
سحبتها بحضني شميتها بقووه وبست راسها بچت بصوت مسموع صارت تشهك
رفعت راسها واني مركز بعيونها.
_ليش تبچين ?
نارين / راح اموت ضرغام مشبعت منكك معشت ويااك اياام هوواي.
ابتسمت الهاا ومسحت دموعها بايدي وبستهم.
_نموت ونعيش سووه مااريد اسمع هل كلام مرره ثانيه. انتي هسه تعبانه شويه انشالله كم يوم وترجعين مثل الآۆلْ واحسن.
حاوطت رگبتي بأديها دفنت راسها برگبتي وصارت تبچي.
نارين / لاتعووفني ويااه راح يموتني ضررغام رااح امووت اختنك ولله اختنك
حضنتها بقوووه لوو بيدي اضمها بين ضلووعي ورتاح م̷ـــِْن هل قهررر. تعبتني حالتها عيوونها دموعها كلشي يضعفني م̷ـــِْن اشوفها بهل حاله.
_ماعووفج ولله اكوو شخص يتخلئ عن روحه انتي روحي نفسي الي اتنفسه.
نارين / خليك يمي لاتروح.
_هايني يمج ماعووفج دقيقه يلا تعالي نامي شويه ورتاحي.
نارين / تخليني بحضنك وتنام ومتعوفني دقيقه. موو متطلع م̷ـــِْن الغرفه وتخليني وياه
_اضمج بگلبي موو بسس بحضني تعالي
سحبتها علئ سرير تمددت وخليتها بحضني دفنت راسها بصدري وحاوطت اديها علئ خصري.
بقت شويه وحسيت انفاسها صارت ثكيله يعني نامت غمضت عيوني واني اتذكر حالتها شلوون صارت قبل شويه
شلوون اذا بقت علئ هل حاله. ياربي دخيلك مااريد اخسرها كل شويه تكول راح امووت متدري بيه بهل كلمه ادمر
ماريد تختبرني بيها الهي دخليك كلشي ولاهيه اخذتها بصعوبه ماريد اخسرها
صافن واحجي بكلبي عقلي تخربطت افكاره ماعرف شلوون اتصرف شلوون اخليها ترجع طبيعيه
ابوها شلوون اكله عليها راح يتخبل اذا عررف صايرلها شي هوه نبهني ابعدها عن الكل لأن يعرف اذا بقت ويه اهلي راح تتأذئ،
غفيت واني كلبي مقبوض عليها كعدت صبح علئ صوت نارين تهمس وتحجي كلمات غريبه
فتحت عيوني بسررعه شفتها ماكووو موو بحضني كمزت بسررعه
شفتها خاتله بزويه الغرفه وحاضنه نفسها وتهمس بكلمات غريبه.
_نارين.
رفعت راسها عليه وهيه شعرها متناثر علئ وجهه وعيونها مورمه م̷ـــِْن البچي.
_تعالي حبيبتي كومي اسبحي غيري ملابسج.
هزت راسها برفض. حضنت نفسها بقوووه وبقت تهز براسها مثل المجنونه
تقربت منهاا وكعدت يمهاا مديت ايدي عليها ورفعت راسها وخرت شعرها م̷ـــِْن وجهه.
دفعتني بغضب وصارت عيونها تطلع منهم ناار.
نارين / ايدددك لاتمدددها اكسرررها.
_افااا تكسرين ايدي. منوو ابوج وحبيبج يضل
نارين / اطلع ماريدد اشووفك انته شيطااان.
قريت ايه الكرسي ونفخت علئ وجهه غمضت عيونهاا صارت انفاسها قوويه دفعتني رجعتني بقووه ليورا.
نارين / هششششش لاتقررره شي اطلع برراااا روووح.
تقربت منهاا وسحبتها علئ حضني صارت دفع بيه وهيه تبچي
_هاذه اني ضررغام باعيلي.
نارين / وخرررر عنييي وخررر.
_اششش كااافي اهدي.
بقيت حاضنها علئ صدري واهدي بيهاا. بقت شي نص ساعه علئ هل حاله شويه هدت.
رفعت راسها م̷ـــِْن صدري وهيه تبجي
نارين / راسي راح امووت تعبت ولله
خليت راسي علئ راسها وصرت انتفس هواها.
_ياريت التعب بيه ولابيج.
نارين / ساعدني. حبيبي لاتعووفني لوحدي.
_وعد راح ارجعج مثل قبل راح اخليج تتخلصين م̷ـــِْن هل خووف. بسس انتي هم ساعديني ولاتعذبيني هييج جااي ادمرر م̷ـــِْن اشوووفج بهل حااله.
نارين / مابيدي شي ضررغام ولله مابيدي شيي. اني اني جاي اختنك انتو متحسوون بيه متعررفون الي جااي امررر بيه انييي.
_لجج جااي اموووت انييي ولله احس روحي اني لمريض موو انتي. خليج قوويه اريدج تقاومين لخاطري.
هزت راسها بأيي وهيه تبجي مسحت دموعها م̷ـــِْن عيونها وحضنتها بقووه علئ صدري بستها براسها وعيونها.
_كومي اسبحي ورتاحي شويه هسه اخليهم يسوولج ريوك.
نارين / خليك يمي لاتروح.
_يولي تريدني اسبحج عادي محتاج حمام اني.
نارين / ههه موهيج قصدي.
_لا هيج يلا كومي اني وياج
ضحكت ودفعتني عنهاا كامت وهيه ترفع شعرها الطويل حسيت بالراحه م̷ـــِْن شفت ضحكتها وحالتها الي استقرت شويه.
مشت كم خطوه لزمت راسها خلت ايدها علئ الميز وهيه دايخه
كمت بسررعه ورحت عليها حاوطت خصرها بأيدي وسحبتها عليه
_شبيج.
نارين / دايخه. شويه لاتخاف هسه اصير زينه م̷ـــِْن اسبح.
_اساعدج.
نارين / ههه لا حبيبي.
_بابا احجي صدك اذا دايخه خليني اساعدج اني زوجج. تخجلين مِڼـّي شنوو
نارين / ايي ماحب تدخل ويايه للحمام شنوو ماضل خجل.
_امممم. ؏ اساس مشايفين شي احنه اغمض عيوني واساعدج.
ضحكت وگالت
نارين / هسه شلوون ابدل مجبت شي م̷ـــِْن بيتنه.
_اخذي م̷ـــِْن ملابس سحر بين ماروح للبيت اجيبلج شي.
نارين / يعني مراح نرجع لبيتنه ??
_اي راح نضل هناا كم يوم لاحد ماترجع صحتج.
هزت راسها بأيي. وراحت للكنتور اخذت ملابس ودخلت تسبح.
طلعت م̷ـــِْن الغرفه ونزلت جوه لگيت اهلي كاعدين اجت امي عليه بسرعه.
ام ضرغام /هاا يمه شلونها مرتك
_اول ماكعدت صارت تصرخ وتبجي هسه شويه هدت دخلت تسبح.
ام ضرغام / صاعده اشوفها وابخرها عندي بخورات الهاا انطانياهم السيد
هزيت راسي بأيي.
عافتني وصعدت عليها رحت كعدت بالصاله واني دايخ احس راسي يريد ينفجر حته نوم مشابع كل شويه افز بليل اخاف نارين تكعد وتروح تطلع
نزلت سحر وكعدت يمي.
سحر / شلونها نارين ??
_موزينه.
سحر/ شلوون راح نخليها هيج اخذها دكتور سيد خلي يعالجها.
_لبارحه اخذتها لسيد شنوو سوالها خلاها تتخبل اكثرر فوك القهرر ولضيم ضربها وأذاها خله جسمها ڱڵـه. يوجعها.
سحر / عزااا.
سحبت نفسس بقهرر وزفرت انفاسي باوعت عليها وگلت.
_سويلها اكل يلكي تاكل شي وجهه اصفر.
هزت راسها بأيي وكامت للمطبخ شويه ونزلت سهئ م̷ـــِْن فوك كاشخه ومبدله ستغربت هاي شبيها هل فترا موو م̷ـــِْن عوايدها تكشخ هيج
سهئ / صباح الخيرر حبيبي.
_صباح النور
سهئ / اسويلك. ريوك. ?
_ماشتهي.
سهئ/ ايدك ليش ممضمدها كوم اسبح ورتاح وضمد ايدك.
_راسي يوجعني جيبيلي علاج.
تقربت يمي نزلت راسها قريب مِڼـّي وباست خدي بقيت مصدوم هاي شبيها ليووم ابتعدت وهمست
سهئ / دقايق واجيبلك علاج
هزيت راسي الهاا عافتني وراحت جابت علاج واجت انطتنياه. شربته وصعدت للغرفه بدلت ورحت علئ غرفه نارين
فتحت الباب كانت كاعده علئ سرير وامي تمشط شعرها وتحجي وياها م̷ـــِْن دخلت دارت وجهه عليه وابتسمت
ام ضرغام / هاا يمه.
_شلونها مرتي ?
نارين / زينه مرتك.
_تعالي يمي محتاجج.
عضت شفتها عود عيب م̷ـــِْن امك ضحكت امي وعافتنه وطلعت م̷ـــِْن الغرفه سديت الباب وحضنتها بقووه علئ صدري شلتها م̷ـــِْن الارض
بقت متعلقه برگبتي وزعت بوسات علئ رگبتها وخدها وراسها واني احس روحي عطشان وجاي ارتوي بيها.
نارين / كافي شبيك.#ڪــڔٰا̍ڕ
_مشتاقلج.
نارين / عضامي شنوو ماريدهن راح يتكسرن شويه خفف.
حضنتها اقووه رفعتها علئ صدري واني استنشق عطرها.
نارين / اووي ضرغام شبيك اختنكت ولله.
_هششش خليني اتنفس.
خلت راسها بركبتي وبقت تتنفس بقووه.
_حاسه بشي يوجعج شي
نارين / راسي يوجعني وعيوني هم
نزلتها علئ الارض رفعت راسها بأيدي وبست عيونها وخدها وصلت لشفتها مريت اصبعي علئ شفايفها ترجف وانفاسها صعدت صارت تتنفس بقوه دنكت اريد ابوسها. انفتح الباب.
فزينه ثنينه درت وجهي كانت سهئ واكفه بالباب
___________________________________
نارين.
تخربطت اوضاعي وماعرفت شنوو الي جاي يصير بيه. ليش هيج داشوف شنوو هل شي الي يحاول يخنكني
اسمع اصوات غربيه اصوات تخووف اشوف شي كدام عيني بس غيري مايشوفه
اتصرف تصرفات وافقد السيطره علئ نفسي بعدين اصحه واشووف نفسي شلوون مأذيه احبابي
احسس جاي افقد نفسي وروحي كل يوم جاي تذبل امووت علئ البطيء.
اختنك وامووت كل دقيقه.
افز م̷ـــِْن احلام مرعبه واشووف اشياء اكثرر رعب بالحقيقه. اتمنئ ابتعد عن الكل ماشوف شخص ابقه لوحدي اريدد بسس ضرغام يمي
بعد الي صاار ويايه حسيت نفسي جاي اذبل كل يووم راحت نارين الي كانت تحب نفسها وتهتم بشكلها.
مرت ايام واني علئ هل حاله يوم بعد يوم اتغير واصير انسانه ثانيه الخووف سيطر عليه
افز م̷ـــِْن نومي ابچي وارجف وضرغام مستمر يهدي بيه بسس ماكوو فايده احسس جاي اخسرر بكل مرره احاول اقووي نفسي بسس ماكدر
اصوات بداخلي. تحجي افكاري تتخربط وعقلي يتشوش تجيني ايام احاول اقتل نفسي ورتاح م̷ـــِْن هل قهرر م̷ـــِْن هل خووف.
بس اتذكر بابا وضرغام ينكسر. ضهري عليهم.
مرر تقريبا شهر كامل واني علئ حالتي. ضعفت كلشش وتغيرت صرت اكره كلشي ماشوف شخص حابسه
نفسي بالغرفه وكل شخص يدخل عليه اصرخ وابجي ضرغام الوحيد الي اتقبل وجوده يمي ومرات اطرده م̷ـــِْن الغرفه لأن اختنك م̷ـــِْن وجودهم يمي.
كاعده بزاويه الغرفه ضامه رجليه علئ صدري وارجف
_نارين قويه نارين قوويه. راح اتحمل
انفتح الباب غمضت عيوني م̷ـــِْن الضوه الي دخل. اجاني صوت. خله كل جسمي ينفذ وينشط ايي هاذه صوته اني اعررفه هاذه ابويه هاذه باباتي
ابو نارين / بويه بنتي كسرتي ضهري بويه
رفعت راسي نزلت دموعي شلالات دكول كانو متحضرين لهل لحضه
كمت وعثرت وكعت م̷ـــِْن طولي اجاني يركض كعد وسحبني لحضنه.
ابو نارين / ااااخ ياابووويه شصاااير بيج. دمرتيني ياابويه شلعتي گلبي
سحبت نفسس بصعوبه واني احاول احجي ماكدر احس نطق صاار ثكيل عندي سبب شكات البجي.
_ءاا. بابا حبيبي.
حضني بقووه علئ صدره وهو يبجي.
_بابا تبجي ?
ابو نارين / اششش. لاتحجين اي شي كومي اخذج وياي ماخليج هناا بعد مستحيل تبقين بعدد.
_ماكدر اروح ماكدر يخنكني بابا صدكني هوه دائما يمي دائماا.
ابو نارين / منوو. يتجرء يخنكج واني موجود
_بابا ساعدني انته الوحيد الي بقيت الي لاتخلي يخنكي ولله تعبت كل يوم يجي يخنكني يموتني ويروح.
ابو نارين / كاافي بوويه كاافي يروحي انتي كوومي خليني اشوووفج مشتاق اشوف عيونج الحلوات
ضميت راسي بصدره واني اشهك.
_راحت نارين الي تعررفها خربت كل معانييي.
ابو نارين/ شو ارفعي راسج خليني اشوفج.
رفعت راسي واني ابچي. اباوع علئ بابا بچه نزلت دموعه علئ خدوده احس روحي انتهيت صرت اشهك وابچي بصوت مسموع مسح دموعي وباس راسي.
ابو نارين / راح تصيرين زينه. راح ترجعين مثل الآۆلْ واحسن اخذج لاخر العالم. وارجعج طبيعيه واعودج بهل شي.
_تعبت بابا ولله تعبت احس روحي ميته.
ابو نارين / شتشوفين باباتي شنوو الخانكج.
بقيت احجيله بالتفصيل شنوو اشووف شلوون اتصرف تصرفات واني فاقده شلوون اشووف شخص كدامي شلوون احلم باحلام مرعبه.
بقت ساكت شويه وهو صافن سحب نفسس وگال
ابو نارين / اخذج وياي لبغداد ماخليج هنااا هناك اعالجج اخذج الاحسن ساده واحسن دكاتره.
_لا بابا ماروح ابقه ويه ضرغام.
ابو نارين / نااارين لاتخبليني اخذج يعني اخذج.
_ماروح شنوو راح يسووالي دكاتره بغداد ترااا صرغام ماخله دكتور ماخذني اله ولاخله سيد يعتب عليه ماخذني اله شنوو صاار متغير شي بعدني علئ حالتي راح اضل هيج طوول عمرري مراح اتخلص م̷ـــِْن هل خووف وهل رعب. راح يبقه مرافقتي طوول ماأني عايشه.
ابو نارين / شنوو هل حجي بابا راح تصيرين زينه وترجعين مثل الآۆلْ واحسن.
_فقدت أمل انو ارجع نارين القديمه خلص تعبت بابا ولله تعبت عووفوني لوحدي.
ابو نارين / لاتشلعين گلبي بويه تعاي وياي خليني اخذج لسيد اعرفه خلي. يقره عليج بلكي لله وتصيرين زينه عليه.
_ماريد.
ابو نارين / نارين بويه لاتكسرين ضهري بيج تدرين ماعندي غيرج اسمعي كلامي يـروح ابوج بسس هل مرره اسمعي مِڼـّي وتعاي وياي.
_كتلك ماروح عووفني لوحدي رجاء اختنكت ماريد شخص يمي روح
ابو نارين / طردين ابوج??
_روح كتلك اختنكت اطلع.
سحب نفسس بقهرر تقرب باس راسي وطلع م̷ـــِْن الغرفه.
بقيت كاعده مكاني نزلت دموعي ابچي علئ حالتي علئ وضعي شوصلني لهناا وين كنت وين صرت ليش هيج تخربطت حياتي ليش هيج دمرت
حسيت بالضعف ولعجر فقدت الأمل ومابقت عندي طاقه. اتحمل اكثرر.
خليت راسي علئ الارض واني ابچي دموعي تنزل مثل الناار علئ خدودي.
شويه وانفتح الباب. بقيت مكاني ماتحركت ولارفعت راسي حسيت خطوات اجت باتجاهي.
غمضت عيوني حييل مارريد اشووف شخص اختنك م̷ـــِْن الكل.
حسيت روحي انرفعت عن الارض وصرت بالهوئ.
ادين محاوطتني بقوه عرفته هوه ايي هوه مصدر قوتي وهو الي مخليني صابره لاحد هسه وجوده يمي. هو الي يخليني اقوه
خليت راسي برگبته واني ابچي.
خلاني علئ سرير مسح دموعي بأيده وباس راسي راح جاب العلاج خلاه بحلكي وشربني ميي مسح طرف شفتي بأيده وهو مركز بوجهي
متغير هوواي ضعفان اكثرر مِڼـّي عيونه سواد محاوطهم ولتعب ولقهرر مبين عليه.
ابتسمت بوجهه ماريده ينقهرر اكثررر.
ضرغام / شلونها بنيتي.
_من شفتك صرت زينه.
ضرغام / ابوج هناا ليش خليني يطلع خطيه جاي ومتعني علمودج.
_ماريد شخص . بسس انته خليك يمي
ضرغام / اني يمج بكل لحضه وكل ساعه.
_تعال اريد انام تعبانه.
تمدد علئ سرير وفتح اديه الي وكانو دينطيني درع احتمي بيه اتقوه بيه
حاوطت خصره بأيدي ودفنت راسي بصدره واني استنشق عطرره.
_عادي انام علئ بطنك. ?
ضرغام / عادي بويه عادي. حلالج هاذه.
كمت م̷ـــِْن مكاني صعدت علئ بطنه حضنته بقووه خليت راسي برگبته وبقيت اتنفسه.
ضرغام / شعلتي. شعل بهااي سوالفج.
_اششش خليني اتنفسك تعبانه كلششش.
حاوط خصري بايده لزگني حييل علئ جسمه صارت يتنفس بركبتي وشعري. همس قريب م̷ـــِْن أذني
ضرغام / تعبت م̷ـــِْن بعدج ولله.
فتحت قميصه زر زر مشيت ايدي علئ صدره بشكل دائري وكانو دارسم شي عليه. همست
_اذا بيوم صارلي شي ماريد تشيلني م̷ـــِْن هل مكان هاذه مكاني. لاتنساني ابدد.
لزم ايدي بقووه وعصرها. همس م̷ـــِْن بين اسنانه بعصبيه.
ضرغام / مستحيل اسمح يصيرلج شي. راح تبقين يمي طول العمرر نموت سوه ونعيش سووه سمعتي.
ابتسمت واني اشوفه يعصب عليه بعدد كل هل فترا صارلي هوايه مشايفته هل شكل
خليت راسي علئ صدره واني اسمع دكات كلبه السريعه الي تگول طبول
_اشش اهدئ ليش هل عصبيه.
سحبني م̷ـــِْن خصري ورفعني عليه صارر وجهي بوجهه.
ضرغام. / لاتشلعين گلبي وهو مشلووع.
_اني شالعه گلبك.
ضرغام / انتي م̷ـــِْن زمان شلعتي وصرتي مكانه.
_هاي بعد لآزٍمٍ تتحملني.
قرب وجهه م̷ـــِْن وجهي وصاار يتنفس بقووه بحيث انفاسه اختلطت بانفاسي سرعت دكات گلبي وجهي صارت تطلع منه نااار. غمضت عيوني واني احس روحي دايخه علئ انفاسه.
صاار يقرب شفته م̷ـــِْن شفتي يتلمسها بسس ميبوس.
يصعد شفايفه علئ خدي علئ فكي.
احس گلبي صارت طبول دك بيه توترت كلش وخجلت. كتمت انفاسي. م̷ـــِْن الخجل. صاار فترا كلش طويله ممتقرب مِڼـّي هيج مريضه وكل وقتي ابجي يجي يحضني يهديني وينام يمي.
لزمِڼـّي م̷ـــِْن حلكي وثبت وجهي علئ وجهه وهمس
_اسحبي نفسس ليش كاتمه انفاسج. احب اشتم هواج.
سحبت نفسس بصعوبه صاار صدري يصعد وينزل علئ كدد التنفس القوي.
مشه ايده علئ صدري. غمضت عيوني واني احاول اسيطر علئ افكاري مارريد تخرب هل لحضه مارريد احرمه م̷ـــِْن ابسط حقوقه
سبحني عليه بقوه ولتهم شفايفي صارر يبوسهم بهدوئ. شويه وفقد صااير يتعمق بالبوسه اني جامده ماسويت ايي حركه.
حسيت شي بداخلي رافض قربه مِڼـّي غمضت عيونيي حيييل واني احاول اسيطر علئ نفسي احجي بكلبي
لا نارين تحملي تحملي هاذه الشي م̷ـــِْن حقه. لآزٍمٍ تنطي فرصه يتقرب منج.
مكدرت اسيطر علئ نفسي دفعته عنيي بقوه وكمت م̷ـــِْن علئ بطنه واني احاول اتنفس بصعوبه.
_________________________________________
رأيكم بالقفله. 🙂😂
