رواية ابي عذابي ومأساتي الفصل الواحد والأربعون 41 بقلم سمر اسامه

ميت سالفه تجي بالي واحس نفسي راح اخسررك    

                      

لزمت وجهه وبست راسها وهمست لاتخافين م̷ـــِْن شي مراح يصيرلي شي اني اعرف شون اتصرف    

                      

بعدين هاذه ليش جاي عليج شنو كان رايد منج احجيلي    

                      

نزلت عيونها بقهر والله ماعرف يسالني عنك ﯠبـْعدين م̷ـــِْن شافني مانطيته وجهه صار يحجي ويكول انو هوه ماله ذنب بشي    

                      

وانو كلشي دتحجيي لبنت عنه سؤء تفاهم لاكثر.

كعدت ع غنفه ورديت هاذه واحد مخادع رايح علئ عمي وحاجي وياه بلطف    

                      

وعمي مصدك كلامه ليوم اجاني للمكتب وحجه كلشي بوجهي وكال انو هوه يحبج    

                      

فتحت عيونها بصدمه وبلعت ريكها بتوتر وردت وانت شنو سويت وياه    

                      

طلعت جكاره وصرت ادخن رديت ضربته بس مو هوايه حته مايكدر يشتكي عليه ويطلع نفسه برئي اني راسم بالي خطه وراح اخلي يعفن ب سجن    

                      

كعدت يمي ولزمت ايدي وردت ايمن لاتصرف شي خطير ماريد يصيرلك شي قصص وروايات عراقية    

                      

لزمت وجهه بثنين اديه وركزت بعيونها وحجيت شبيج بابا ليش هل خوف كله هايني يمج مابيه شي سامعه شي انتي ضامه شي مهددينج شنو    

                      

هزت راسها بنفي وردت لا والله ممهددني شخص بس ماعرف ليش خايفه عليك وكلبي ابد ممرتاح    

                      

سحبت راسها علئ صدري وهمست لاتخافين يروحي مراح اتصرف شي غلط ولاراح اخلي شي يصيبج انتي بس خليج يمي ماريد شي ثاني    

                      

شالت راسها عن حضني وباست خدي بحب وهمست اني دائما وياك ماعوفك ولادقيقه    

                      

حضنتها واني افكر بكلامها روان مو طبيعيه اكيد سامعه شي ومخليها هيج خايفه     

                      

صار اليل كنت نايم وروان بحضني نايمه كعدت ورحت غسلت شفت ساعه ب 8 بليل    

                      

اخذت جهازي وطلعت ب صاله اتصلت علئ جابر

رد عليه بصوت حزين ومقهور هاا ايمن    

                      

ستغربت م̷ـــِْن صوته ورديت هلا جابر شلونك شخبارك

جاوبني موزين ايمن موزين ابدد اذا ماعندك شي تعال للبيت نحجي شويه روحي طالعه    

                      

رديت عليه تمام مسافه الطريق واكون يمك انت بس ارتاح ولاتقهر نفسك    

                      

سديت الاتصال وستغربت جابر شبيه ليش هيج ضايج شنو صاير. اكيد ضايج علئ مرته شهد هو يحبها وهيه ابد متحجي وياه م̷ـــِْن يوم عرفت انو هوه متزوج.    

                      

رحت للغرفه شفت روان لسه نايمه مثل الطفل البرئ

تقربت منها وغطيتها وبست راسها اخذت ملابس ودخلت سبحت وطلعت    

                      

كنت داسوق واتصل جهازي كانت روان بتسمت وحجيت ويه نفسي هاذي الخبله اكيد خافت م̷ـــِْن ملكتني يمها    

                      

فتحت خط ورديت هااا حبيبي

ردت بصوت خايف ايمن وينك حبيبي اشو كعدت وانت ماكو وين طلعت    

                                  

              

                    

رديت عليها بحب اتصلت علئ جابر وطلب مِڼـّي اروح عليهم حالين ب طريق داسوق رايح عليهم    

ردت بتوتر ليش مكتلي روح وياك والله ضايجه 

ابتسمت ورديت تمام حضري روحج راح ارجع عليج ونروح سويه    

ردت بسرعه لا لا ميحتاج كمل طريقك حبيبي لاترجع

همست بحب لسه مواصل مسافه طويله راح ارجع حضري نفسج    

همست اوك حبيبي

سديت الاتصال. وديورت سيارتي ورجعت للشقه    

وصلت دكيت الباب كانت روان لابسه ومجهزه نفسها اخذتها ورحنه علئ بيت جابر وصلنه ديكت الباب فتحت ساره    

سلمت عليها وروان كذالك سلمت ودخلنه كان الكل كاعد ب صاله حته البُـنًتٍ لارا همات كاعده وياهم جابر وجهه ميتفسر ضايج كلشش    

سلمنه علئ الكل وكعدنه وياهم بقينه نحجي شويه وجابر وكف وكال تعال نكعد ب ديوانيه    

وكفت ورحت وياه للديوانيه كعدت وحجيت شبيك جابر احسك ضايج ومو ع بعضك ابد    

سحب نفس ورد راح اتقبل لارا زوجه الي واخليها تصير مرتي حلال    

فتحت عيوني بصدمه وكفت وحجيت شنوو م̷ـــِْن كل عقلك تحجي وشهد مافكرت بيها والله تموت اذا تعرف بيك هيج مسوي حرام لاتسوي هيج بيها يتيمه ومالها غيرك    

خله ايده علئ راسه وزمجر بصوت غاضب تعبتتت منها تعبت. ولك ليوم ابني محترك وحته ماكلفت نفسها واتصلت عليه وكلتلي    

اتصل عليهاا مترد عليه

ومن رحت اشوفهم حجيتلها كل القصه وشرحتلها الموضوع كله بس هيه مصدكتني وتكولي اخوها احسن مِڼـّي وانو اني مخادع وجذااب اني بعمري ماسمحت لشخص يحجي عليه    

تجي هسه بنت تهين رجولتي وتطعني لا والله مو اني الي ينحجي هيج عليه اذا ماخليتها تعض اصابع ندم فلا اطلع جابر بسيطه    

لزمت ايده وحجيت. شلون احترك ابنك وهسه شلونه

رد زين حرك بسيط بأيده بس والله حركت شهد اقوه م̷ـــِْن حرك ايد نمر.

رديت عليه 

لا جابر تفكيرك كله غلط شهد تحبك. هوايه وكل هل شي دسوي لان تحبك وتغار عليك تريدك بس الها    

انت حاول تتفهما. ترا حقها تصرف هيج الي صار موشويه. بلحضه وحده عرفتك متزوج عليها ولبنت وياها ب بيت ومجذب عليها وكايل الها انو بس شغل قصص وروايات عراقية   

اكيد مراح تصدك كلامك لان جذبت عليها باول قصه فمراح تصدك بكلامك بسرعه انت حاول تخلص القضيه بسرعه وطلك لبنت    

خليها تشوف حياتها لاتربطها وياك بعدين انت تقرر م̷ـــِْن يمك منو كلك لارا راح توافق علئ طلبك هاذه    

كعد ومسح وجهه بتوتر وسحب نفس اوووف ايمن ماتعرف ب ناار الي بكلبي. شهدد حيييل اذتني بكلامها حيييل    

اني ضابط جابر الي ماخاف ولايكسرني شي ليوم شهد كسرت كلبي وداست عليه برجليها م̷ـــِْن ماصدكت كلامي وفضلت اخوها عليه.    

            

              

                    

خلتني اكررها واكره نفسي والله كرهت نفسي لان حجيت وياها ونزلت نفسي الها. مستحيل احجي وياها بعد.    

خليها لوحدها تمل وتحجي ويايه

خليت ايدي علئ كتفه وحجيت تفكيرك غلط ياجابر اذا ناسي هاذي مرتك وحبيبتك. ختاريتها م̷ـــِْن بين كل النساء الي تعرفت عليهم    

حبيتها وكنت سند الها وكفت وياها باصعب ايامها ليوم م̷ـــِْن صارت مشكله بينكم تريد تتخلئ عنها ترا هيه لسه مقهوره منك وضايجه    

كم يوم وتتفهمك وراح ترجعلك يعني برئك شنو هيه تكرهك وهيج تحجي لا طبعا لان تحبك وتغار عليك هيج جاي تصرف    

اني قبلك. كنت ويه روان ممتفاهم ودائما نتعارك بس شويه شويه صرت احبها وهيه تحبني هوايه تفهمنه اطباع بعض وصرته نعرف بعض كلش    

شهد وياك عمر لاتخلي مواقف مثل هاذي تخرب بينك وبينها ولاتصرف تصرف غلط بساعة غضب لان والله انت لوحيد الي راح تخسر    

سحب نفس بقهر ورد هاي انت حجيتها اني كنت دائما واكف وياها وكنت سند الها ليش هسه م̷ـــِْن حتاجيتها يمي ماوكفت ويايه ليش جاي تصرف هيج لآزٍمٍ تتفهم وضعي    

الكل صدكني بس هيه لا ماعرف شبيها وليش متغيره هيج احسها مو حبيبتي شهد الي حبيتها وتعلقت بيها متغيره كلش    

ابتسمت ورديت طبعا تتغير عليك بعد الي صار انت بس خليك هادئ وحاول تفهمها بهدوء ولاتعصب عليها لان والله بعمرها العصبيه ماحلت شي    

اذا مو لخاطرها لخاطر اطفالك انت متريد تخسرهم مو حاول ترجع عائلتك لحضنك حاول تتفاهم وياها تحجيلها الموضوع ب تفصيل    

واذا تريد اني اروح واشرح كلشي الها واكولها اني كنت شاهد علئ هاذه الزواج.    

غمض عيونه بقهر ورد لا ميحتاج ليوم كنت عدها وماتغير شي م̷ـــِْن تفكيرها يمكن باجر عندي شغل ب انبار مناك احاول امر عليهم واشوف نمر شون صار     

هزيت راسي ورديت. اي هاذه انسب حل بس حاول تحجي وياها بتفاهم.    

صدوك جابر نسيت اكولك عندي موضوع وياك واريدك تساعدني بيه وتحله الي    

عقد حواجبه بستغراب ورد شنو لموضوع

رديت عليه الموضوع الي صار ويانه عن فهد طلع كله صحيح.    

رد عليه اي اعرف هوه شنو الي تغير ب موضوع

مسحت وجهي بتوتر وحجيتله كل الموضوع وهو فتح عيونه بغضب ورد بعصبيه    

والله اله اشرب م̷ـــِْن دمه هل عااار شون يجي يهددك ب مكتب انت شون تخلي يطلع بدون ماتكسر عضامه اؤف لْـۆ اني مكانك وحق الله ماخلي يمشي ع رجليه    

سحبت نفس ورديت اني اعرف شون يفكر يريد يستفزني حته يشتكي عليه ويطلع نفسه برئ م̷ـــِْن التهمه. بس اني راسم شي بالي    

            

              

                    

ركز بعيوني ورد شنو بالك

حجيت. راح اتصل بيه واستفزه ب كلام واخلي يعترف بكلشي واسجل. صوت المكالمه وانطيها اثبات ب محكمه واخلي ينسجن    

ابتسم ورد حلو خوش خطه واني بيدي الي راح اسحله م̷ـــِْن البيت مو تتصل ب شرطه اتصل عليه اني اروح بنفسي عليهم واسحله ب شارع    

وابسطه الك بسطه م̷ـــِْن هاذي التمام

ضحكت ورديت كفوو منك. اريدك تطلع قهر كلبك كله بيه هل عار حركت دمي ومكدرت اسويه شي    

رفع شعره الثخين ليفوك ورد تدلل خويه

بقينه شويه ورجعنه اني وروان. سالتني عن لارا وانو ليش باقيه عدهم لحد هسه    

جاوبتها كم يوم بس يطلع جواز وتتنزل التهمه عنها يطلكها وتسافر الابوها.    

........................................................................    

شهد.     

ليست مزحة ولم تكن أبدًا يومًا كذلك أنا بالفعل أخوض صراعًا كل يوم من أجل أن لا تتحطم أحلامي من أجل    

أن أبقى شخصًا لطيفًا مع الجميع أحاول تجنب حقيقة أن الواقع في غاية التعاسة، أصارع مخاوفي من    

المستقبل من المجهول أنهض كل يوم دون رغبة في مغادرة الفراش أقاوم كل الأفكار التي تقودني للاختفاء    

عن الناس أقاوم إضطرابات نفسيه ذكريات لم أنساها

تفاصيل ما زالت عالقة في ذاكرتي وما زالت تؤلم    

قلبي، أنا أقاوم في حياتي الإجتماعية العملية أحلامي ونفسي أنا أقاوم رغبتي في الترك والرحيل عن كل شيء 

..............    

صدمتي بجابر كلش قويه اقوئ م̷ـــِْن صدمت امي واختي.      

لان كنت معتبرتك ملاك بحياتي. ماتوقعت يصير هيج بيناتنه بعمري ماتخيلت افضل اخواني عليه ولاحجي عليه هيج    

بقيت كاعده ب غرفه وابجي واتذكر بكلامه وشنو الي حجاه عن لارا. واصارع افكاره اريد اصدك كلامه اريد اطيب جروحي ماكدر    

تعودت عليه ميكذب عليه بس م̷ـــِْن كذب عليه بمضوع الزواج. حسيت نفسي صرت ماثق بكلامه وماصدكه ماعرف ليش ديصير هيج    

بقيت الوم نفسي مره احجي عليه مره احجي علئ نفسي وشون جرحته هيج بكلامي شون كتله عصام احسن منه وهو مخادع    

نزلت اشوف اطفالي شفت جابر وعمتي رايحين تنفست بقهرر. ورحت عليهم شفت نمر نايم بحضن عصام وهو يسمح علئ شعره     

تقربت منه وطلبت منه ينطيني ياه. اخذته وصعدته للغرفه خليته ب كاروك ونزلت كعدت ويه اهلي بس عقلي وتفكيري كله عند جابر    

            

              

                    

احبه كلش احبه متعلقه بيه ياربي شسوي والله حايره شنو اسوي اصدك كلامه بس شون بعد ماطرته م̷ـــِْن بيتنه. وحجيت عليه اريد احجي وياه مشتاقتله كلش    

ليوم كان يمي وماشبعت منه ماحضنته ماشكيتله همومي وقهرر كلبي     

حجه عصام شهدد شبيج صافنه داحجي وياج

باوعت عليه بفشله وحجيت هاا عصام اسفه بالي يم نمر. شنو حجيت     

ابتسم ورد داكلج زواجي بعد 3 تيام روحي ويه كريمه ونوال باجر للسوك    

ابتسمت ورديت. ميحتاج اروح خليهم همه يشترولي ملابس ابقه يم نمر ماروح لمكان    

تقرب مِڼـّي ولزم وجهي بثنين اديه ورد شهدد داشوف قهرر بعيونج احجيلي شنو صار جابر سمعج شي ضوجج كوليلي حته اذا مسمعج الغي الزواج كله والله    

ضحكت بقهر ورديت لا والله بس مقهوره علئ ابني لاكثر. وليش تريد تلغي زواجك اني اعرف انت شكد تحب ساره    

نزل عيونه ورد بس لمضوع اذا يخص عائلتي ماريد الحب م̷ـــِْن اصله المهم راحتج انتي. ضلمتج هوايه اريد اعوضج عن امي وابويه ماريدج تحتاجين لشخص مادام اني موجود    

تقربت وحضنته واني ابجي وهمست مشتاقه الامي كلش محتاجتها يمي. احس كلبي مقهور وماكو غيرها الي يطيب خاطري    

سحب نفس ومسح علئ راسي وهمس اني يمج ماعوفج ولاراح اخلي شخص يكسر بخاطرج اوعدج بهل شي انتي بس احجي شنو الي تريدينه شنو واني انفذلج    

ابتعدت عنه ومسحت دموعي ورديت ماريد شي بس اكون مرتاحه بحياتي ماعرف ليش الحياة معاكستني تمشي ب عكس ويايه    

كل ماكول خلصت الضلمه ودخل النور لحياتي تررجـِٰ؏ 

تضلم بوجهي وارجع لنقطه الصفر    

لزم وجهي ومسح دموعي ورد كل هاذه اختبارات م̷ـــِْن رب العالمين لازم تكونين صبوره. صح مرات تضلم بوجهك بس ب اخر راح تفرج اكيد خليج متفأله واحمدي ربج علئ كلشي    

سحبت نفس ورديت الحمدالله ع كل حال

كلش فرحانه انو واخيرا راح افرح بيكم وبزواجكم يوم لهشام ولبقيه    

واشوف اطفالكم.

ابتسم ورد انشالله تحضرين كل زواج واحد بينه    

كومي يلا تاخر لوقت نامي وبالج علئ الاطفال ماريد جابر يتشهمت بينه ويكول ماعرفو يهتمون بأطفالي.    

هزيت راسي بأي وصعدت لغرفتي دخلت شفتهم نايمين مثل الملائكه الصغار.    

اخذت جهازي واني اباوع علئ صوره جابر ملابسه العسكريه لآزٍمٍ بيده جكاره ولابس نضارات وعضلاته بارزه علئ جسمه    

            

              

                    

مرتكي علئ السياره.

مخليه علئ الواتساب بقيت مركزه بيها ودموعي تنزل بصمت لهل درجه الحب عذاب لهل درجه الي يحب يتبهذل. ويتعذب    

شفته متصل كنت اريد احجي وياه بس متردده ماكدر احجي يمكن يم مرته الجديده اصلا بعد الي صار يمكن راح يطلكني.    

اجتي رساله منه مكتوب    

شيفيــــد #الملــــح__وزاد

لْـۆ ويــاك# .مــا غـــــــــــــزر

ما تســــــوه العتــب یفــــــــلان

هيــــه الدنيا هـم. تـفتــــــر     

بقيت بس صافنه ب مكتوب ليشش ديسوي هيج ليش جاي يحرك كلبي ويكسر بخاطري.    

غمضت عيوني بقهر ورديت عليه    

‏• وعليّ مرّن عليه مصايب كِلهن اثگال ؛.'

• اعتبر نفسك مصيبه و مُّرت عليه ؛     

دزلي سمايل يضحك ورد مصيبه اني بحياتج موو

نزلت عيوني بقهر ومارديت    

كتب احبج شهد احب غيرتج وخبالج وجنونج

مارديت عليه بس كلبي يرجف م̷ـــِْن كلماته الي كل كلمه منه تخلي جسمي يرجف    

اتصل عليه مارديت ب اول بعدين اتصل مره لخ

فتحت خط بدون ماحجي ولاكلمه    

همس بصوت مقهور. اوووف شهد. ليش دسوين هيج

ليش مجاي تحسين بعذابي وبعدج عليه    

ليش هل عناد ولتكبر كله نسيتي حبيبج جاابر نسيتي شون كنه نحب بعض جرحتيني كلش لزمتي كلبي ودستي عليه برجليج والله    

بقيت بس ابجي واشهك م̷ـــِْن كلامه غمضت عيوني بقهر وسحبت نفس ورديت. رايد شي نعسانه اريد انام    

سحب نفس ورد نمر شلونه شلون صار خما الحرك ماذي.    

رديت عليه زين الحمدالله هس نايم

بقه ساكت شويه ورد انتي شلونج     

تنفست بصعوبه وقهر. اني تمام كلش زينه.

اسمع صوت لارا حجت جاابر تعال اكل مو طلبت اكل    

ابتسمت بقهر ورديت روح مرتك تناديلك

سحب نفس ورد شهدد    

سديت الاتصال واني مخليه ايدي علئ حلكي وابجي

رحت علئ سرير ودفنت وجهي ب مخده واني ابجي بحركت كلب    

يضحك عليه اي يضحك عليه بهاذه كلامه يريد يخليني اضعف كدامه يعرفني احبه ويتصرف هيج. حته يخليني ارجعله    

بس مستحيل لْـۆ شيصيرر مارجع بعد مخلص يـْومه ويه لارا واني مخلصه يومي كله ابجي ومقهوره علئ شنو.#ڪــڔٰا̍ڕ    

اني لازم اقوي نفسي وماهتم اله خلي هو يحس ب ذنب مو اني. سحبت نفس بقهر ونمت.     

            

              

                    

كعدت الصبح ورضعت اطفالي وغيرت ملابسهم ونزلتهم شفت الكل كاعد صبحت عليهم وكعدت اتريك وياهم.    

باجر الحنه مالت عصام اخوي الكل مخبوص يجهزون ب بيت ولمعازيم وشنو يجيبون وشنو يخلون    

طلعنه كل فراشات البيت وغسلناها اني ونوال ورتبنه الغراض. شويه وصلت غرفه عصام مالت الاخشاب دخلوها ودخل نجار ركبها اله كلشش حلوه وتشبه غرفتي اني وجابر.      

بقينه نهلهل ونشمر چكليت ب غرفه وهو يضحك علينه

دخل هشام وصاح يوم الي كولو امين     

ضحكت ورديت اميييين يارب

بقيت ارتب ب غرفه وارتب ملابس عصام وعطوراته واغراضه هو طلب مِڼـّي ارتب كلشي ع ايدي وهو راح يحلق. وشتري ملابس جدد    

اجت علينه نرجس بنت عمي يعقوب سلمت عليها وكعدت يمي ب غرفه واني ارتب ب ملابس ولعطورات    

وهيه تلاعب بأطفالي. همست شهدد شعجب مرجعتي ويه زوجج م̷ـــِْن اجه عليكم    

باوعت عليها وابتسمت ورديت لازم اكون ويه اخويه لان مابقاله شخص م̷ـــِْن عائلته بس اني. واريد اجهز لعرسه بأيدي    

بعدين نمر زينه ايده قبل شويه عصام غيرله الشاش وخلاله عصاره وهو يضحك ماتاذه منها    

ابتسمت وردت كلش فرحانه لعصام والله ومرته كلش حلوه ومبينه هادئه بس حرامات مطلقه عصام يستاهل وحده احسن منها    

كعدت ع سرير ورديت ب عكس ساره كلش مناسبه لعصام وهيه بنت حبابه ومؤدبه وهو الي ختارها وحبها وطلب ايدها للزواج    

وحت لْـۆ مطلقه الحياه يمكن كاتبتلها تعيش ويه عصام وكله قسمه ونصيب    

هزت راسها بأي وردت صح كلامج والله

كملت وطلعت شفت نوال وكريمه لابسات ويريدن يطلعن.      

اجت عليه نوال وحجت شهد شنو محتاجه راح نروح اني وامي للسوك ويه هشام. شنو ملابس اجيبلج    

رديت عليها اريد فستان قصير وحلو للحنه وللعرس علئ ذوقكم بس كون حلو ونازك. هزت راسها باي وطلعت    

بقينه بس اني ونرجس ب بيت اخذنه الاطفال وكعدنه ب حديقه وهيه تسوالف. نرجس الوحيده الي م̷ـــِْن بيت عمي ارتاحلها.    

اندك الباب باوعت عليه نرجس وهمست منو جاي هسه الكل طلع قبل شويه.    

خليت يمها نمر ورحت افتح الباب فتحته كان جاسم

رفعت عيوني بملل ورديت خيررر شعندك جاي مموجود احد ب بيت    

عض شفته بذوبان ورد هو هاذه الزين كاعده الوحدج اجيت اسليج خاف ضايجه    

باوعت عليه بغضب وحجيت شكراا مطالبه منك تجي يلا ارجع منين ماجيت. مادخل زلم للبيت واخواني مموجودين    

            

              

                    

ابتسم ودفعني ودخل احس نار شبت بكلبي شكد حقيرر هل انسان ونذل وماعنده كرامه اطرده ويدخل عناد بيه    

شاف اخته نرجس كاعده ع مرجوحه وتلاعب بأطفالي وهمه يضحكون. باوع عليها وهمس نرجس شجابج هنااا    

وكفت بخوف وردت. ءا. اني اني.

تقربت منها ولزمت كتفها وحجيت اني دزيت عليها اريد اشوفها عندك اعتراض    

ابتسم ورد لا اذا انتي طلبين روحي انطيها الج بدون اي اعتراض.    

غمضت عيوني بقهر ورديت جاسم. رجاء روح مناا.

تقرب مِڼـّي ولزم اكتافي وهمس الي مخليني اعشقج هو غرورج ولسانج الطويل    

دفعته بقوه وحجيت انت شنوو متستحي متخجل اني متزوجه وعندي اطفااال عيب عليك.    

ضحك بصوت عالي ورد واذا متزوجه تسهلين عليه الشغله وقمزلي.     

ضربته راجدي قوي علئ وجهه وتفلت عليه وحجيت احرك روحي بنار وماخلي واحد خسيس مثلك يتقربلي    

لزمني م̷ـــِْن اكتافي بقوه وباوع علئ نرجس كلها دخلي الاطفال جوه وادخلي وياهم    

بلعت ريكها بخوف وحجت جاسم شدسوي عوف شهد بحالها ميصير هل تصرف.    

صاح بيها شنووو حجيت اني كتلج ادخلي يلااا.

دفعته بقوه واني ابجي وحجيت بأيا حق لازمني هيج انت مابقه عندك اخلاق ولاتربيه    

نرجس اخذت الاطفال ودخلت للبيت

عفته وكنت اريد ادخل سحبني م̷ـــِْن ايدي ورتدمت بصدره بقوه لزمني م̷ـــِْن حلكي وهمس انتي ليش هيج صلفه ومتتحاجين    

اذا ناسيه اني ابن عمممج والي حق عليج ادخل واطلع بكيفي مو انتي الي تمنعيني    

لزمت ايده الي لآزٍمٍ حلكي بيها وهمست بوجع. عووفني ياااحقيرر ياحيوان عووفني الله ينتقم منك جاي تتقاوه عليه.    

حسيت بشخص لزم جاسم م̷ـــِْن ورا وردمه بوكسي علئ وجهه بقوه اني اندفعت م̷ـــِْن السحبه وكعت علئ الارض    

شلت راسي شفته جابر. عزاا هاذه جاابر شجابه ياربي شهل ورطه شراح اكوله هسه.    

لزم جاسم كسره تكسر بكتله ودفعه برا البيت صار جاسم يغلط ويهدد بس جبان مايكدر علئ جابر. اني بقيت مخليه ايدي علئ حلكي وابجي بصوت مسموع    

دار وجهه عليه جابر وكان محتقن وعيونه صايره بكصته تقرب مِڼـّي بغضب ولزمني م̷ـــِْن اكتافي بقوه وزمجر بصوت عالي شكاااان يسوي وياج احجيييي    

بقيت مركزه بعيونه واني ابجي واشهك ماكدرت ارد عليه م̷ـــِْن خوفي. احس رجليه ماتت والله    

سحبني م̷ـــِْن ايدي بقوه ودخلني للبيت شاف نرجس كاعده ويه الجهال ماعبرها لزم ايدي وسحبني للغرفه دفعني ع سرير وسد الباب    

تقرب مِڼـّي ولزمني م̷ـــِْن اكتافي ورفعني ركز بعيوني بغضب وكانو اسد مو انسان.    

همس م̷ـــِْن بين اسنانه سالتج شكان يسوي ويااااج

شهددد احجي قبل لابتلي بيج والله احجيييي لاتخبليني.    

وييين اخوانج اهلج وينهم ليششش مدخلته يمكم ليشش.      

بقيت بس انشغ وابجي بصوت مسموع دفته واني ابجي وحجيت عووفني. ليش دتعيط عليه واذا دخلته شنو يعني    

ابن عمي ودخلته للبيت بعدين هاي انت خنتني ويه بنت وتزوجت عليه هم حاسبتك سويتلك شي. جاي تحاسبني لان حجيت وياه    

ضربني راجدي بقوه ولزمني م̷ـــِْن شعري وضربني راجدي علئ الجهه الثاني حسيت خدودي صارو نااار م̷ـــِْن الضرب    

لزمني م̷ـــِْن شعري بقوه احس شعري تكطع بأيده

كان يتنفس بصعوبه وصدره يصعد وينزل م̷ـــِْن الغضب    

زمجررر تريدين تخونيني. ترررريدن تخونينيي شهددد

بقيت ابجي بصوت مسموع ودفعته بقهررر وصحت بوجهه    

عوووفني. انت موو جاابر. جابر مكان هيج انت وحش ماااريدك روح منااا مااريدك. اكرررهك    

لزمني م̷ـــِْن حلكي وركز بعيوني بغضب وعيونه كلهم قهررر وغضب همس م̷ـــِْن بين اسنانه راح اندمج علئ هاذه التصرف.    

بسيطه شهد. بسيطه تلعبين ويايه اني اعلمج

ركزت بعيونه واني ابجي وهمست عووفني دتوجعني عووفني جاابر.    

بقه مركز ملامح وجهي واني منهاره وابجي دفعني وكعت علئ الميز ونضرب راسي صرخت بصوت عالي اااااخ راسي ييمه     

تقرب مِڼـّي بلهفه ودار راسي عليه وصار يباوع عليه 

همس بخوف وييين وين نضربتي.    

دفعته واني ابجي وحجيت. اطلللع كله منك هاذه لاتسوي نفسك حنين عليه    

غمض عيونه بقهرر. رفع اصبع تهديد وحجه راح اعلمج شون تصرفين هيج ويايه اذا ماخليتج تعضين اصابع ندم فلا اطلع جابر    

لاحد ليوم شفتي بس جابر الحنين الي يحبج ويهتم بيج بس لسه مشفتي جابر العصبي الي مايرحم شخص    

باوعت عليه بقهرر وحسيت راسي صار يفتر ويدور وكفت اريدد احجي ماحس علئ نفسي غير وكعت تحت رجليه    

فتح عيونه ونزل سحب راسي خلاه علئ صدره وصار يضرب علئ خدي ويحجي شهدد شبيج شهددد    

اني افتح عيوني واغمض احس روحي راحت. معرف شنو صار جسمي كله صار. بارد ورتخئ مكدرت اشيل ايدي. مات كل جسمي وصار ثكيييل    

شالني بين اديه وطلع. وبعد ماحسيت علئ شي    

الفصل الثاني والأربعون من هنا