رواية عشك الشاهيين الفصل الثاني والأربعون بقلم مجهول
🌿**گِبل للبـٰاب أگِلج
لا تطلعين ..
هسهّ شلوَن أطلعچ من حيـٰاتي !! **🌿
-مريم
لابسه الابيض وصافنه على روحي. اليوم أني بيت ابوي. جدي سمحلي اروح لبيت ابوي.
لان كل ابنيه امنيه ابوهه يزفه. من شافني ابويه بالأبيض. دمعت عيونه
وكال
شيخ محسن
اصلا ماجنتي تلوكين لغير الفهد. بس الي خلاني اعصب عليج. تجاوزتي كل حدود الحياء
مريم
اسفه بويه
شيخ محسن
على شنو هل اعتذار صرتي اليوم جنت لأخوي حسن
من احنه شباب الله يرحمه جان يكلي. ولدي غير بناتك مايخذون. وصدك الله حقق الي راده
ياريته حي ويشوف مريومه الي جانت ماحايه للدنيا. من سماه باسم ابنه اليوم جنته
مريم
الله يرحمه. بابا. البركة بالولد سادين مكان عمي
شيخ محسن
اي والله سدو مكان شيخ حسن وترسوه. واحد يسوه عرب
واحنه بهل حديث الي جان ابويه بيه مليان فخر وهو يحجي على ولد اخوه
دخلت زهراء وغرام. الي اول مره اشوفه بهل شكل
غرام اليوم احسه تكل للكل أني كد ماني أني مرت الشيخ.
سلمن على ابويه. وراها هو طلع واني كعدني بالصاله وضلينه نحجي ونسولف
ويحششن عليه... قصص وروايات عراقية كرار صلاح
والكل يركص وفرحان. وراها سمعت هوسه وطلق يمكن احس الجو اشتعل
ودخل شيخ كلبي الفهد.
باس راسي وكعد بصفي احس. فرحه الكون كله بيدي
الفهد وكلماته وهمساته. وحبه. وكلشي بس يخلي فراشات كلبي تركص.
طول الزفه وهو يركص ويهوس
وكان يكل للكل. أخذوهن عن حب
ترى المايخذ حبيبه خلي المكبره تلمه.
كل ضني بعد الحفله القاعة. نروح فندق او بيت جدي لان هو كال مسويه مفاجئه
بس طلعت المفاجئة سبوعين باليونان. جنت مصدومه واني اصعد الطياره بدلتي
واني محط أنظار الكل. صح كلشي مامبين مني بس. احس كله تباوع عليه.
شاهين قصه قصه
الفرحه الي على وجه. ولمعه عيونه. فرحته متنوصف. اول مره اشوفه يلعب جوبي طلعنه من للقاعه وهو يركص ويه جماعته
جانت ومازالت وراح تبقى احلا ايام حياتي هيه الايام. الي قضيته ويه فهد. بخباله وعصبيته وكل تفاصيل جنونه
اني يمكن جنت اجرء بنيه تمر بتاريخ. شيوخ عشيره ****. اني لهوستله بنص للقاعه. حبيته وأخذته. موتن يل تريدنه.
حبي لفهد جان مصدر طاقتي وحيويتي وجنوني. وكل شي بيه
ابن عمي وأخذته. جنت اكول لكلمن. كالت مايرجعون
فهد
غير كلمه صارت حالي
الي طول العمر. دون قيد وشرط
غير كلمه أني اسعد كأئن على وجه الأرض اليوم ماراح اكول
غرام
سويت كل الي جان لازم اسوي من البدايه دست على جروح كلبي دست على سنين من العذاب.
وكلت كافي الي الي ميصير الغيري.
اني احجي وياه وهو مصدوم. مني
مو دائما. يكولون أني مو الي رايده مره اله بس حبني. وهذا سبب هل زواج
خلص خلي اشوفه غرام الي ماشايفه.
يريده مره تعادل جيش قويه ومحد يأخذ حقه
خلص هو حقي واني مانطي حقي حجيت الي عندي ونزلت
امه هلهلت من شافتني خجلتني احس روحي صرت طماطه وصخنت انوب الكل يباوع عليه
احس عدهم مرة الشيخ شاهين. شي مقدس عدهم لذالك راح احترم هل مكانه الي مخليني بيه
زهراء كالت أني لازم اروح لبيتنه. هسه كتله اروح وياج. عاد رحت وياها همه دقيقتين. بين بيت الشيخ مظفر وابنه شيخ محسن
بس صگر وصلنه بالسياره كال صايره هوسه واذا علي وشاهين شافوجن طالعات مشي بنص عل عالم. راح ينعدم واحد بينه لو أني لو فهد
مريم جانت تهوس وتركص. وتحير شسوي مبينه فرحته. بعيونه وضحكته
هههههه اول مره اشوف هيج عروس منطلقه تركص اكثر من الكل.
وره فتره. اجتي الزفه. ودخل فهد اخذ. مريم
مرام كالت شاهين ايكول. خلي ترجع للبيت.
شنو الفلم معقوله مراح يخليني اروح. للزفه وخاصه. العرس بقاعه شنو الفلم
الزفه. طلعت والكل راح واني دخلت البيت. اول مدخلت الصاله. وصدك أني احس خنكه. بداخلي نزل وهو كاشخ وعطره سابقه لابس زي عربي طالع اوووف الله يموت
وكال
شاهين
يله
غرام
وين الزفه طلعت والعالم راحت
شاهين
تروحين لو لا
غرام
غير افهم وين.
شاهين
أني طالع. كيفج تجين لو لا
ضليت صافنه هذا وين رايح دون نقاش اخذت جنطتي ولحكته. دخل بطريق. كله بسلتين وترابي. شويه وسمعت صوت هورنات
لا مستحيل الزفه ورانه
مدري شبيه جني طفله ممصدكه كتله
غرام
هاي شنو شلون صرنه كدامهم.
شاهين
جنج ماتعرفيني
غرام
سوال
شاهين
جواب
غرام
شنو مناسبه هل كشخه ماله داعي مو انته العريس
شاهين
المناسبه أني هذا شكلي. يعني مو شي جديد. وهم أني شيخ العشيره أني صدر ديوان المضيف
وهم بعد بصفي غزال يعني مو حلو بحقي ينكال مرته احله منه
غرام
هم صدكً انته طالع ويايه. لازم ترتب نفسك
شاهين
احمدي ربج. احنه بزفه
غرام
ليش مثلا شنو جنت ممكن سوي
شاهين
باوع عله شفايقه بنضره. معناها معروف شلون أحاسب وكال
هواي اشياء براسي هسه دور
غرام
اي هو بالك بس بالانحراف يشتغل
شاهين
منحرف ويه مرتي قابل أني. رايح لغريبه
غرام
عوزك تروحله
شاهين
على كولتج عشتو
طول الطريق يغني ومندمج ويه الزفه. ومن تقرب سيارته فهد الي ماخلها ابد تطلع مدري شبي مصدر الزفه
الضاهر فاهم الموضوع غلط ترى مو زفتك بس لا حياة لمن تنادي
وصلنه للقاعه جانت شي حلو ورائع وفخم
جنت متخيله ماكو شيخ يسوي عرسه بقاعه طلعو همه اصل الفخامه والأناقة.
مريم وفهد جانو يجنننون
كعدت أني وخاله ام شاهين. ومرام على نفس الطاولة. وصگر. ساعه يگعد يمنه ساعه يروح يمهم
بس علي وشاهين وشيخ مظفر. وعمهم حسين وعمهم محسن بنفس الطاولة. وكل شويه جاي شخص شكل يسلم عليهم
وراها كامو يهوسون لفهد ظليت صافنه من شاهين وخاله شيخ عدنان مسوين ساحه ميدان. معقوله شاهين طلع مهوال لا مصدك
ادري قبل يكتب شعر بس مو مهوال
وراها. دخل قحطان سلم عليهم هذا شجابه من الأنبار. للبصره
هل قحطان بكل عرس الهم الكاه بس غفران مو وياه.
الختمه جانت من شاهين. نزع بشته ولزم راس الجوبي ابدع هو وقحطان
اوووف يربي هل شاهين عباره عن خليط شنو مهوال شنو جوبي
ضليت صافنه كل يوم اكتشف شي جديد بهل شخص
وراها زفيناهم هههه للمطار
والي صدمني شاهين لازم ايدي كدام الكل. وكان يكل للكل هاي غرامي.
شاهين. الشي الي يريد يسوي يسوي بله مايسولف.
رجعنه للبيت بعد تعب وعناء طويل.
طبعًا صگر ومرام هم مدري شبيهم. حاجزين اسبوع بسليمانيه. وعافو ابنهم يمي
والي صدمني من كالت عمتي
ام علي
يمه شاهين. بنت علي اخذه يمك أني مالي حمله كافي عليه حسوني
شاهين
ليش يمه وين زهراء وعلي
ام علي
طلعو لسليمانيه ويه صگر ومرام
شاهين
جذبين
ام علي
ههههههههه كله عرسًت ويه فهد
شاهين
ادري شبيهم تخبلو لا وشامرين جهالهم أني باجر لازم التحق. وغرام ارجعه لبيت اهله.
ادري منو يدير باله عليهم
غرام
عادي شاهين شبيك أني اهتم بيهم
شاهين
يا حبي حسن وشاهين بيهم مجال. بس غرام هاي اذا مو امه لو ابوهه محد يسكته غيري
غرام
انته معليك عوفهم عليه. أني اعرف اتعامل وياهم. لاتهتم.
شاهين
يعني راح تبقين هنانه.
غرام
راح اخابر دكتور زين يجدد الإجازة الي وأبقه هنانه
شاهين
يعني راح تبقين هنانه
غرام
عادي اذا معاجبك بقائي ارجع وأخذ الجهال ويايه
شاهين
لا مو هيج بس احمد خابرني كال شوكت ترجع
غرام
ليش احمد مو مسافر
شاهين
والله ماعرف
غرام
ماشي ارجع وأخذ الجهال ويايه
شاهين
خوش لعد حضري روحج ب ٥:٣٠ نطلع لان عدي دوام.
غرام
تمام
اخذت ابن مرام. وابن زهراء. وصعدت لان غرام الزغيره هاي يم شاهين. سبحتهم وبدلت الهم.
ونومتهم عل سرير. وهم سبحت وبدلت ولبست دشداشه كدري شعرضه بس قصيره
اليوم اشعر بالحر. رغم السبلت مشتغل
حتى شعري عفته مبلل ما جففته
شويه ودخل شاهين وبيده غرام الزغيره تضحك وسوي بابا. وهو يعض بيه هيه خدوده جنهن تفاحه
من شافني كال
شاهين
لايكلج دور الأم. يولي
غرام
أني كلشي يلوكلي
شاهين
هههه خلي أنوم. غرامي وعندي حجي طويل وياج.
غرام
أني هم.
شاهين
يااا ستااااار.
غرام
انطي خلي اسبحه يله تنومه اشو اليوم الجو بيه حروره
شاهين
بابا انتي بالبصره شي طبيعي ترى الحر
غرام
اوك بس انطيني. هسه خلي اسبحه
اخذت الصغيره سبحته. وهيه تضحك الضاهر هل ملعونه تحب المي ظلت بس تضحك وراها بدلت اله ورتبت شعره. الحمد لله تسكت عندي. اول مانطيته لشاهين. شمه وهو يبوس بيه حطه بحضنه وغمض عيونه
كتله
غرام
موكلت نسولف
شاهين
اريد هاي تنام من شوفني اغمض عيوني تنام
شاهين
تصدمني كل يوم بشغله هل أميره اميرتي أني. صايره هل يومين مثل ماحب. احس من اشوفه. وياي. احس الحياة. ترجعلي
الصبح جنت. كل حزن الله بيه. وره كم ساعه تخليني اسعد إنسان هل بنيه. شي عجيب غريب
انوب ذوله. المخابيل طارفريت لسليمانيه وعايفين. الجهال على امي. واني احمد اخو غرام خبصني شوكت ترجع مدري شبي
بعيد عن كونه بيت خطيبه هذا بيت اخته واني وياها مو وحدنه. عشيره ويانه بنفس البيت....قصص وروايات عراقية كرار صلاح
عاد قررت ارجعه وهيه. قررت تجدد اجازته علمود تبقه ويه الجهال يعني هاي اول مره توكف. وياي. وساندني بشي
جنت احجي ويه امي بعد ماهي صعدت. وامي تريد تحجي ويه اخوهه حتى تبقى يم امي.
بس أني قنعت امي برجعته ماريد مشاكل ويه احمد لان ادري بيه دائما يسمعه حجي واذا هل مره ضوجهه يمكن ادفنه بارضه
صعدت فوك لكيته هههه جنه بطه بهاي الدشداشه. بس طالعه جنن. ولايكله دور الأم حيل.
هيه راحت سبحت بت علي واسمع صوت ضحكهن الحمد لله يعني مراح تعذبه تقبلته
وراه مانومت. الصغيره. كتله
شاهين
تعاي غرام. خلي نحط النقاط عل حروف
غرام
يا حروف يا نقط
شاهين
شوفي. اليوم أني وانتي. ميه بالميه رجعنه شاهين وغرامه وآي اعتراض ماريد. لا أني اكدر اكمل حياتي دونج ولا انتي كافي عناد ويباسه راس لذالك. خلي نسولف عل مكشوف
غرام
شلون يعني عل مكشوف
شاهين
غرام. مانكر أني اعشق المره القويه الي كد حاله. الي من أدير ضهري هيه جيش بضهري. وهذا الي ماجنت اشوفه. بيج بس جنت غلطان. لان قبل ماجنتي بحاجه قوه. جنت أني قوتج لذالك. جنت اشوفج مره ضعيفه تنزل دمعه عل اتفه الأسباب
ماجنت اشوف. شغله انو. انتي جنتي تعتبريني سندج.
بس غرام بنفس الوقت اعشقه حيييييييل. غرامي المطيعه الي مانقشتني بيوم
غرام. قوتج جبروتج كل غرورج وعنفوانج ذني. يختفن مجرد ما. الزم ايدج. غرام أني هنا موجود. اني درعج غرام. فهمتي هل شي من اليوم. ماله داعي جادليني على شي بس حتى ضوجيني.
وبالمقابل ترى أني بعدني. البركان الي يطفه بحضنه منج
غرام
قصدك بوكس
شاهين
هاهاهاهاهاهاها. ولج تنكسر ايدي قبل ماتنمد عليج بس لو حاضنتني كدام كل هل بشر جان كفرت بيج. ترى أني اكلج انتي طفين ناري ترى اقصد من اعصب. عليج مو متعارك أني وعالم وتجين شمرين روحج عليه
غرام
اوك افكر بالموضوع
شاهين
وهم فكري بشغله ثانيه
غرام
شنووو ؟؟؟؟
شاهين.
كلبچ غرام اسمعي هواي شوفي بيش يفكر. وغرام اترجاح. لضمين شي عليه.
غرام
من كال لضمين شي عليه. عرفت قصده. بس ماريد افتح الموضوع. احنه هسه سوى بعد كل هاي السنين. ماريد. أعكر جونه هو يحجي ويسولف ومندمج. حضنته. قوي جان يكول
شاهينً
اسف.
غرام
على شنو
شاهين
بعدين تعرفين. بس والله ثم والله ان ماخليت السبب يتمنه الموت وميموت بس اصبريلي
من كال هيجً ستغربت شيقصد. حاولت اعرف بس هو سكتني وكال نامي ورانه كعده من وكت وطريق طويل
صدك نمت على صده وهو محاوطني بدينه نمت لأول مره بعد سنين مثل الطفل
ثاني يوم حسيت على بوساته على وجناتي. فتحت عيوني جان يكول
شاهين
صباح الخير يا وجه الخير
غرام
صباح النور حبيبي
شاهين
انعل ابو الدوام
غرام
ليش حبيبي
شاهين
رحمه لاهلج لصيرين لطيفه هيج من الصبح ترى ابطل من الدوام وكابلج واكعد
غرام
وهو هذا الي لازم يصير.
شاهين
شنو اكابلج واكعد
غرام
لا بس جان عدنه حلم. أني وانته. جراح ويده اليمين أني. انته طول حلمك صاله العمليات مو العسكريه فهمنه. بسبب حزنك تركت المستشفى بس هسه شكو شاهين. ترى أني مو حمل فراك ماصدكت هسه احنه سوى
شاهين
قصدج ارجع للمستشفى واترك العسكريه
غرام
شاهين ادري العسكريه شي مايشبه اي شي. بس مو مكانك كل إنسان اله مكان بهل حياة. يكون فعال بي
وانته مكانك مو عسكريه. صاله عمليات. وترى المهنتين بيه تحمي بشر يعني ماكو فرق هواي
شاهين
مادري أني تعودت عليه
غرام
واني ماريد أتعود. على عدم وجودك. اريدك يمي شاهين كافي الي راح من عمرنه اترجاك.
شاهين
الله كريم
غرام
ادري صعبه تترك العسكريه بس مو صعب من بعدي
شاهين
هههههه ولج بعدج موت احمر خلص هذا اخر سبوع الي بالعسكرية
شاهين
راح أتنازل عن كلشي لأجل قربه مافي رجعت لحياتي دون حتى متعرف سبب تركي اله
وديته هيه والجهال لبغداد لبيت اهله طبعًا كلشي مافهمت منه طول الطريق نايمه هيه وياهم
من وصلتهم كعدته ونزلت الجهال وياها
ورحت سوكت الهم وجبت حلويات الجهال وكتله بس يخبث حسوني. لو غرام تبجي بس خابريني
بست كصته. وطلعت
حلو شعور. عندك زوجه وأطفال.
بس مو حلو شعور تبتعد عنهم.
من رحت. بلشت بكتاب الاستقالة. وأفقو الحمد لله عليه. سلمت سلاحي. والهويه بعد ماكملت سبوعين الدوام.
ونزلت لبغداد. لان خوتي ونسوانهم رجعو قبل يومين. بس جهالهم كتبهم أني أجيبهم الكم.
هم حجه مرتبه حتى اشوف غرام
ولو أني مو بحاجه حجه حتى اشوفه من وصلت جان باب الشارع مفتوح سمعت صوت عالي. وبت علي صوت بجيه عالي. يا ستار شكو طبيت ركض. جان اشوف هذا الي اسمه جهاد كدامي.
ويصيح على احمد ويكله
جهاد
شبيك احمد تخبلت شنو منطيه لهذا.
احمد
جهاد انته الي تخبلت مو أني. الولد مابي اي عيب بعدين هيه قابله واخته وياها بنفس البيت وين الغلط
عرفت هذا الخايس جاي يخربه ولك الله جابك. اني سنين امنيتي من الدنيا انفرد بيك
طبيت دون سلام. هيه كاعده تبجي وتحاول سمر بت علي الي فاحطه لان صياح وعالم اول مره شوفهم. شلت الصغيره سكتته ودخلته لغرفه يم اخوهه كتله لاعبه شويه واجي
هو كال
جهاد
هاااا شوف هو هذا الشيخ الي هابصني بي سلام مايعوف يسلم طاب دون احم ودستور ماتعرف البيت اله حرمه. لو هيج معلمتكم مضاييفكم.
شاهين
لا والله علمتنه هواي اشياء منه الشاهين غلط توكف بوجهه بس حقك انته مو ابن ديوان. شمعرفك بهل سوالف.
احمد راد يحجي. اني ضربت جهاد ضربه وحده صار بالكاع وحلكه وخشمه يذبن دم. غرام رادت توكفني نضره وحده مني كانت كافيه حتى ترجع لمكانه
رفعته ركعته بالحايط بحيث ضل معلك بالهوى رجلينه مطخ الكاع. اليوم اله اطلع بروحه
احمد جان يحاول يؤخرني عنه كل عقله هذا اليوم لو تنزل ايه ماتركه. هو من كد الضرب فقد. بس مستحيل اتركه. الدم ترس الصاله. احمد سحبني كل قوته
وكال
احمد
انته منو متخيل روحك. شلون تضرب ابن خالتي بيتي. منو انته حتى. تصرف بكيفك ...
قبل ميكمل كلامه كتله
شاهين
اني الشيخ البصراوي. الي جان المفروض تناسبه قبل عشر سنين.
من كتله هيج اندار بغضب على غرام. كتله
شاهين
احمد حسك عينك تحاول. او تفكر مجرد فكره تغثه بكله وحده
احمد
ههههه انته الله جابك أني كل هل سنين. انتضر شوفتك حتى اخلي الجلاب ترئف بحالك
شاهين
اي راح اخليه. الجلاب ترئف بحال الي جان السبب وبعدني عن المره الي جان لازم تكون مرتي قبل عشر سنين مو هسه. وله يهمك ابو شهاب ابن خالتك موته على ايدي
غرام
لعد مراح شاهين أني تونست ويه الجهال ملو عليه البيت شاهين جان يوميه يخابر رجعنه مثل قبل مانام اذا ماسمع صوته وأول ميكعد الصبح يتصل بيه
رجعت الحياة اليه.
والسعادة ملت حياتي.
وبيوم دخل احمد وجهاد. جانو راجعين من السفر بس جهاد مدري شبي
متخبل عليه. وحار شيسوي ويريد يكل لاحمد شاهين نفسه. هو الي جان حبيبي بالماضي
بس يعرف احمد بعد لو شميصير ميخلينه نزوج غير المشاكل الي راح صير
بهل اثناء دخل شاهين بزيه العسكري. بس شاهين نضراته غريبه وحتى سلام ماسلم اخذ الصغيره من ايدي وراح للغرفه دخله يم اخوهه وطلع جهاد حاول يستفزه بالكلام. بس رد فعل شاهين. مامعقوله
نها لجهاد. عزززه موته احمد يحاول يبعده. يدفع احمد مثل ميدفع الطفل. وذاكه ماكو ميشيل لا ايد ولا. رجل
حاولت ادخل يمه عيونه ضلام. ابتعدت
بس الي خلاني اصنم كلامه ويه احمد شيقصد بالي جان السبب كتله واني مامستوعبه الي جاي يصير
غرام
شتقصد شاهين
شاهين
قبل خطبتنه بيوم جنت هنانه بيتي الي بغداد وصلتني. فديوات وصور. الج انتي وياه وحفل خطوبه وهو حاضنج وباسج. ضليت طول اليل أني افتر ماخليت مكان مارحتله كل مختبرات وخبراء سالت وشوفتهم الصور والفديوات كله جانت حقيقه مو فوتوشوب وحتى ثاني يوم عرفت انو هو اله علاقه بيج من جنتي بالثانوية..قصص وروايات عراقية كرار صلاح وبالخامس إعدادي خطبتو يعني وصلي كلشي بصوره انتي جنتي ضحكين عليه
وحتى وره ما خابرتج وكتلج انتهينه هو بقه يوهمني بشغله. انتو سوه وره كم سنه وصلتني منه رساله انتو زوجتو وطلعتو شهر عسل لأمريكا.
واني ماعرفت انتي بعدج مامزوجه غير من فهد سوه الحادث وشفتج بالمستشفى دكتور زين كال انتي مامزوجه
غرام
شاهين جان يحجي واني مصدومه معقوله الي جنت اعتبره صديق عمري. الي جنت اكول هو الوحيد وكف وياي. بمحنتي وساندني يطلع كل عذابي منه أمي وابويه الي خسرتهم. سنين عمري الي ضاعت. شاهين الي وكفت حياته.
كله هو جان سبببه
بس الي صدمني. احمد الي رغم معرفته للحقيقه بقه. يعتبر شاهين أيضا مذنب.
لذالك خله شاهين الوحش. يطلع عليه. بس مجنت متخيله كل هذا راح يصير. اخذ الجهال وملابسهم وخلاهم بالسياره. وراح نزل. الجنه مال المهر ههه أني اصلا مافتحتم بعدهم مثل ماهمه
احمد جان عباله خلص ديرجع الجهاز وكلشي انته
وهذا. الخروف جهاد فاقد الوعي بالكاع
همس بأذني. كل مستمكاتجً والأشياء المهمه تروحون جيبه واني مثل الي منومه مغناطسيي كل عاده أنفذ كلامه دون نقاش
من جبت الجنطه ونطيته اله احمد كله
احمد
خلص هذا جهازك وأخذته. طلكه وماريد اشوفك وجهك
شاهين
لا بربك ولك جنك ماتعرف شنو يعني الشيخ شاهين يول. ارعب سابع ضاهر الك أني لو ردت احطك براسي لذالك راح اسوي روحي ماسمعت شي وانته انشاء الله خال المهيب زحمه انومك فوك ابن خالتك. ولو أني راجعله من يصحه زحمه أضربه وهو فاقد
احمد
احترم نفسك وشوفني عرض جتافك. لا اسوي شي مايعجبك
شاهين
يله غرامي كدامي
احمد
انته شنو محد بعينك لو شنو
شاهين
مرتي بشرع الله وكتابه مالك شي عندي مرتي شرعًا وقانونا. ورجال وطالع من ظهر ابوه الي يوكف بوجهي
غرام
شاهين جان يحجي بحركه وغضب واحمد. يريد يوكف بوجه جان يسحب المسدس وكله
شاهين
والله ثم والله. أفرغه بصدرك ومايرفلي جفن
غرام
كالت برعب
لا شاهين فدوه هذا اخويه الوحيد
شاهين
لعد خلي يصير رجال ويحاسب الي شوه سمعه اخته وجان السبب بموت امه وابوه وسبب كل الي صار
شاهين
اني مستحيل اضربه شنو محرم أني بس ردت افتح عيونه عله شي وماخلي غضبه مني يعمي عن شوف الحقيقه
اخذت غرام من كدام عيونه وصافن بجهاد الي مدد
صعبه عليه يتقبل الي جان يعتبره اخوه وسنده غادر بيه هيج وطاعنه بعرضه
غرام اول مصاعدت بالسياره شتغلت بجي كتله
شاهين
ترى دموعج تخليني افقد أعصابي كافي
غرام
شگد جنت غبيه
شاهين
انتي ليش ماكتيلي جنت مخطوبه ليش ضميتي عليه
غرام
لان انته عاشق مخيف
شاهين
شلون يعني مخيف
غرام
كلشي بيك مخيف وأول شغله بعدك جنت اتخيل اذا عرفت أني قبلك جانت عندي علاقه بأحد. مستحيل تبقى وياي لان فهمت جمله ( غرام اعشكيني بشرف ) غلط وحرفت معانيه
شاهين
كل الي جنت راح اسوي اغضب بداخلي وهل غضب يروح بمرور الايام. مستحيل فكر ابتعد عنج لهيج سبب
غرام
فدوه لا تبتعد
شاهين
ولج هسه سويت المستحيل واخذتج غصب عن اخوج وين اعرفج
غرام
صدك. شنو يعني هسه أني راح اصير مرتك بلا زفه وعرس
شاهين
يعني هل سالفه هامتج اكثر من شغله صرتي مرتي
غرام
مو هيج بس .....
شاهين
اني شكتلج قبل شلون اسري عرسج
غرام
سبع ليالي يسولف بيهن الاخرس
شاهين
يول شيخ اني ونطيت وعد
غرام
بعد ماطلعنه من البيت وحجبت ويه شاهين صرت احس خلص كلشي انته. نمت دون ماحس كعدت على صوته يكول وصلنه
نزلنه سلمنه عل كل وأمه خطيه مصدكت أني اجيت وياه
ومن كالهم نهايه الشهر نزوج احس من اليوم صار عدهم عرس
مرام بعد ماحجيتله الصار. ههههه كامت تسوي بعد كلبي شاهين لو موته خلاص
بس ضلينه بداخلنه غصه احمد شميصير اخونه الوحيد وهو جان كلش. طيب وحنون. بس الي صار ويانه خلاه يصير قاسي
مرت الايام وصرنه أني وشاهين نفس المستشفى. وشاهين رجع يكمل دراسته لان مو بيوم ليله يختص ويصير جراح
وهم انجهز لعرسنه
قفل اله ارجع البس عبايه. بالبدايه. كتله عاجبني شكلي هيج ومابيهن شي ملابسي
بس من صفنت اله العبايه قطعت ملابس حاله حال غيره
مابقه للعرس بس سبوع
وأمه الثقلين كله التمت أني جانو ميخلوني انزل اذا يمهم احد. ميردرن. احد يعرف أني يمهم لان اكيد راح يسال ليش
والي وصلي من شاهين الكل الي بالبيت عرف أني منو يعني أني نفسي الي كال عنه ميته
بس خرب شكد فشله من الشيخ مظفر يكول ياسبحان الله يحي العظام وهيه رميم
جنه كاعدين كلنه بالحديقه ودخل احمد اخويه هو وشاهين
يعني اجه. اخويه. صالحنه
حضني ودمعه بعينه
طلع شاهين اكثر من تلث مرات رايحله. ومحاجي.
وهم ههههه كاتل جهاد مرتين لحد ما جهاد راجع لأمريكا يخاف لا الثالثه ينهي شاهين على حياته
جان شاهين يكلي الحزن امسحه من الوجود اذا فكر يقترب منج
وفعلًا. لآخر يوم بحياتنه جان كد كلمته.
لوما يهمه حزني مجان اصلا نفه لموضوع. احمد وخلانه نصالح
طبعًا مرام اعتذرت من شاهين لان جانت تعامله بسلوب مو حلو بسبب الي صار
شاهين سؤالي عرس. اليوم العالم اسولف بي ماريد احجي تفاصيله خلوهه خاصه بيه. لان شاهين شي غير قابل للمشاركه
من كد ما عرسنه جان حدث المدينة
اليوم ابني مهيب يملي ( خطيبتي تگول اذا مسويلي نفس العرس الي سواه ابوك لامك ماقبل ازوج)
اذكرلكم شغله وحده كاله الي من شافني لابسه الابيض كال
🌿** الما نزلت دموعه بسجده لأجل الي يحبه
لا يگول عاشگ أني
الما سافرت الدموع بعينه من شوقه للحبه لا يگول عاشگ أني
الما صار شاعر وكاتب
والف دواوين من عشكه
لا يسمي روحه عاشگ
دموووع وسهرررر وعذاب وحرگه وسجده بقهر
ونيه صدق ولهفه بس لشرفت عيون مو مهم الكلام.
هذا يعني الحب العشگ والغرام
العشگ الي بالهين
يجي مابي لذه
اني الي اخذتج بالصعب
مو بالهين حتى يهوسولي حبه وخذاه
لا أني هوسلوي عشگه وخاظ حرب وخذاها
انتي حصاد سنين العمر
انتي غرام الشيخ شاهين
انتي عشك الشاهين**🌿
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
