رواية الطالبه والضابط الفصل الرابع والأربعون بقلم توتة
_اتوقع اني حامل.
وسع عيونه بصدمه فتح حلكه وهو صافن بوجهي.
ضرغام / شء شنو گلتي. ??
ابتسمت وكنت اريد اگوم م̷ـــِْن عنده سحبني عليه وكعني علئ صدره.
ضرغام / عيدي شنوو گلتي.
_يعني بعدني ممتاكده بس حاسه احساس انوو اني حامل.
انرسمت الضحكه ؏ وجهه حضني ؏ صدره بقووه وصاار يبوس بكل ملامح وجهي خدودي وخشمي وحلكي.
_هههه شبيك كاافي.
ضرغام / ممصدك ولله يعني واخيرا واخيرا راح يصير عدنه طفل.
_داكلك بعدني ممتاكده لاتكول لشخص. هسه
ضرغام / گومي خلينه نسبح واخذج للدكتوره تفحصج.
_ماروح اخاف.
ضرغام / خلص يروحي انتي رتاحي ولاتتحركين م̷ـــِْن مكانج اني هسه اجيب الدكاتره كلها يمج.
_ماااريد شخص ضرغام فدووه.
ضرغام / لاتخافين اني يمج ماعوفج.
_لاتعوفني لوحدي.
لزم وجهي بثنين اديه وباس راسي بقووه.
ضرغام / متعرفين حجم السعاده الي زرعتها بگلبي هسه احس روحي انولدت م̷ـــِْن جديد.
_عوفني اريد اسبح
شالني بين اديه اخذني ودخلنه سويه للحمام. بقيت ادفع بيه واني احس روحي ميته م̷ـــِْن الخجل
_عوفني اني اعرف اسبح لوحدي.
ضرغام / اششش اني وياج سويه شنو تخجلين مِڼـّي. ماريدج تتحركين هواي اخاف ؏ الي بطنج.
دفنت راسي بصدره واني خجلانه. دخلنه سويه سبحنه وطلعنه اخذني وكعدني ؏ سرير جاب شسوار وانطانيها كال شسوري.
اخذته م̷ـــِْن ايده وبقيت اشوسر بشعري لأن الجوو بارد كلش.
ضرغام / رايح اجيبلج العصير ماطول دقيقه ماشي لاتخافين اني هناا
هزيت راسي بأييي
عافني وطلع بسرعه م̷ـــِْن الغرفه خليت ايدي ؏ بطني واني اتخيل نفسي اطلع صدوك حامل م̷ـــِْن ضرغام راح يكون اسعد يوم بحياتنه اني وياه هو منتضر هل لحضه ؏ نارر.
كملت م̷ـــِْن شعري گمت صرت مقابيل المرايه اباوع ؏ نفسي متغييييره كلشش عيوني ذبلانه وسواد محاوطهم وجهي اصفرر ومابي روح ابد
خليت ايدي ؏ وجهي واني مقهور اتذكر شلون كنت وهسه شلوون صرت.
الهي دخيلك شافيني م̷ـــِْن هل مرض تعبت ومابقه حيل عندي.
خايفه ابقه ؏ هل حاله ويروح الطفل مِڼـّي نزلت دموعي ؏ حالتي وشكلي
شويه وانفتح الباب دخلت ام ضرغام وجهه يضحك اجت بسررعه حضنت عليه وباست راسي وعيوني وهيه تدعي وتسمي بأسم لله.
ام ضرغام / يمه بنتي ياروحي انتي مشتهيه شي شنوو بالج بسس كوليلي شتريدين.
_هااا شنو. ??
ام ضرغام / ليش تبچين يوجعج شي.
هزيت راسي بلاا.
سحبتني م̷ـــِْن ايدي وگعدتني ؏ سرير راحت جابت شراب العلاج الي اخذه كل يوم وتلعب نفسي منه
_لا لا ماااريده فدوه.
ام ضرغام / اشربي يمه حته تصيرين زينه وترجعين مثل الآۆلْ واحسن.
خليت ايدي ؏ خشمي ماريد اشم ريحته ولاريد اشربه كمت م̷ـــِْن مكاني ولزكت نفسي ؏ حايط
_اطلعي ماااريد كتلكم ماشربه روحي وين ضرغام وينه موو گال ماطول عليج.
انفتح الباب ودخل ضرغام بيده عصير عنب خلاه ؏ طاوله واجه تقدم نحوي مد ايده الي وگال
ضرغام / تعاي بويه جبتلج العصير موو تگولين مشتهيته.
_خليها تطلع تريد تشربني م̷ـــِْن هاذه العلاج.
باوع ؏ امه وكال
ضرغام / يوم خليها براحتها اني اشربها.
هزيت راسها بأييي وعافت العلاج ؏ طاوله وطلعت م̷ـــِْن الغرفه شويه حسيت بأمان.
تقدمت ؏ ضرغام وحضنته بقووه خليت راسي. ؏ صدره واني اسحب نفس.
ضرغام / لاتخافين اني يمج يلا تعالي اكعدي هنااا.
سحبني م̷ـــِْن ايدي وگعدني ؏ سرير جاب العلاج خلاه كدامي.
_لا فدووه ماااريده يخنكني ولله امووت منه فدووه راح يموت طفلنه ضرغام يمووت صدكني ونخسره.
ضرغام / اششش لاتحجين هيج مراح يصيرله شي اني ستفسرت ؏ موضوع مراح يضرج حته لْـۆ حامل لأن هاذه اعشاب. يلا اشربي. حته تشربين وراه العصير
خليت ايدي ؏ حلگي وهزيت راسي برفض.
كعد ؏ رجلي ؏ ارض. ولزم ايدي باسها وهمس بهدوئ.
ضرغام / لخاطري متشربينه.
_يخنكني ضرغام ولله امووت.
سحب نفسسس قووي احسه زرف گلبه كام م̷ـــِْن يمي ودار وجهه عبالي يريد يعوفني لزمت ايده بقووه واني ابچي
_خلص خلص راح اشرب لاتروح وتعوفني لوحدي
ضرغام / ماروح بويه كنت اريد انطيج العصير
اخذت الشراب م̷ـــِْن ايده خليت ايدي ؏ خشمي حته ماشم ريحته شربته كله بس شنوو احس روحي مختنكه لخاطر ضرغام سويت هيج.
هو م̷ـــِْن شافني شربته ابتسم وباس راسي.
ضرغام / عفيه هاذي بنتي الشاطره يلا هاج اشربي عصير حته يروح طعمه م̷ـــِْن حلگج.
اخذت العصير منه واني ضايجه بقيت اشرب بيه كلش حبيت طعمه يمكن جاي اتوحم عليه
_امممم كلش طيب.
ضحك وگال
ضرغام / بعد مامشتهيه شي اكل ايي شي بسس كولي.
_اممم. لا ماريد شي بعدين انته ليش رحت گلت الاهلك اني لسه ممتاكده م̷ـــِْن الموضوع وطلبت منك تبقي سر بيناتنه.
ضرغام / ماگلت لشخص بس امي.
_اممم. ممكن تنادي لوحده م̷ـــِْن البنات محتاجتها بشغله خاصه.
عقد حواجبه بستغراب. وكال
ضرغام / شنوو الموضوع گوليلي لاتخجلين مِڼـّي.
_لااا شنوور اكولك داگول شغله خاصه تخص البنات اريد وحده م̷ـــِْن خواتك تجيني فدوه
ضرغام / متخافين منهم ولاطرديهم اذا ناديتهم.
هزيت راسي بأييي.
لزم جهازه واتصل بأخته سحر كلها تعال لغرفت نارين شويه واندك الباب دخلت سحر تعصر بأديها
سحر / حبيبتي نارين شلون صرتي.
_الحمدلله ممكن تجين يمي شويه
هزيت راسها بايي واجت قريب مِڼـّي ابتعدت عن حضن ضرغام وهمست بصوت ناصي قريب م̷ـــِْن أذن سحر
_شوفي اني اتوقع حامل اريد منج تروحين تجيبين اختبار حمل منزلي وتجيني بـس لاتكولين لايي شخص.
فزت وهيه تصرخ بصوت عالي
سحر / عزااااااااا نارررررين انتي حامل كلوووووووش.
خليت ايدي علئ جبيني بفشله هاي عود وصيتها متحجي فضحتني فضيحه
زمخ عليها ضرغام بضغب
ضرغام / اشششش ولج صوووتج.
سحر / يمه يمه فرحاااانه واخيرا خووويه راح يصير عندك طفل الف الف مبروووك.
_روحي جيبي الي طبته منج فدوه
سحر / اييي هسه دقايق واجيبه
طلعت تركض م̷ـــِْن الغرفه ولضحكه مرسومه ؏ وجهه.
لزمني ضرغام من وجهي وداره عليه ركز بعيوني وهمس.
ضرغام / شنوو طلبتي منهاا. ??
_بعدين راح تعرف شغله خاصه.
ضرغام / تضمين عليه.
_ليش هيج فضولي گتلك بعدين تعرف
ضرغام / حبيبتي اني عندي شغله صغيـرونه اخلصها واجيج راح اخلي سحر يمج موو تحبينها وانتو صديقات وهيه راحت تجيب الج الي طلبتي اني اكمل شغلي واجيج ماشي.
_تعوفني وبعد ماترجع اعرفك وتخلي يخنكني مثل كل يوم.
ضرغام / شحده يوصلج واني موجود افرغ هاذه المسدس براسه بس اخلص شغله ورجعلج.
_لاطول عليه اخاف لوحدي
ضرغام / ماطول عليج وعد.
_روح.
ضرغام / تعاي.
سحبني ؏ حضنه باس راسي وعيوني ونزل راسه ؏ شفاشفي باس شفني بهدوئ. ابتعد وهمس
ضرغام / اووف عسل.
ابتسمت وسكتت عافني وطلع م̷ـــِْن الغرفه بقيت گاعده الوحيدي حس اليوم شويه احسن ماتخيلت شغلات هوايه بس اول ماگعدت حلمت حلم يِـخوف
بقيت گاعده شويه اختنكت م̷ـــِْن الغرفه ضلمه وشبابيك مسدوده
رحت فتحت شباك الغرفه دخلت بانفاسي نسمات بارده.
غمضت عيوني واني مرتاحه شفت ضرغام طلع ولزم سهئ م̷ـــِْن ايدها يجر بيها جرر وهيه تبچي الموقف خلاني مصدومه شديصير ليش هيج يعاملها وهيه شكلها مبهذل وتبچي
بلعت ريگي بخوف وخليت ايدي ؏ گلبي يدك بسررعه.
اندك الباب درت وجهي كانت سحر واكفه
سحر / هاا حبيبتي ادخل
هزيت راسي الهاا.
دخلت وهيه متردده. خاف اضوج منهاا او اتصرف تصرف وياها. وكفت مقابيلي وخلت الاختبار بأيدي
سحر / هاذه ادخلي وشوفي بلا
اخذته منهاا ودخلت بالحمام استخدمته بقيت منتضره النتيجه شويه وطلع خطين حمرر فرحت كلش وحسيت روحي رجعتلي العافيه.
طلعت م̷ـــِْن الحمام كانت سحر واكفه ومنتضرتني اطلع شفتها خفت كلبي صاار يدك قويت نفسي وطلعت
سحر / هاا بشرري.
ابتسمت وخليت الاختبار بأيدها اخذته مِڼـّي بلهفه شافته وصاارت تكمز وتركص
سحر / كلووووووش يااااي يمه ممصدكه ولله راح يصير عدكم طفل وين راح ضرغام خلي يجي يشووف. رايحه اكوول الامي.
لزمت ايدها واني خايفه
_اوكفي فدوه خايفه خليج يمي.
سحر / تعاي حبيبتي خلينه ننزل سويه ماكوو شخص بالبيت بس اني وامي ومنار.
_ليش سهئ وين راحت ويه ضرغام.
تغيرت كل ملامح وجهه سحر صاارت تبلع بريكها وماحجت شي.
_شبيج.
سحر / ماكوو شي يلا تعاي ننزل سويه خلينه نبشر امي. خطيه كاعده ؏ نار
_لا ماريد روحي انتي.
سحر / حبيبتي نارين لآزٍمٍ تقوين نفسج وتغلبين ؏ خوفج اذا موو لخاطر شخص لخاطر الطفل الي بطنج.
_سحر موبيدي ولله اختنك وروحي تريد تطلع
سحر / اني وياج اذا اختنكتي ارجعج للغرفه.
سحبت نفسس بقهرر وخوف وهزيت راسي بقبول طلعت وياها واني لازمه ايدها بقووه خايفه وگلبي يرجف.
نزلنه ؏ درج سويه كانت منار گاعده هيه وعمتي بالصاله. اسمع منار تگول
منار / عمرري ماتخيلت سهئ حقيره لهل درجه شلوون گدرت تسوي هيج بنارين.
بقيت صافنه هاي شنوو تقصد م̷ـــِْن كلامها شسوت سهئ بيه. ??
سحر / احممممم ماما شوفي منوو نزل وياي
دارن وجوهن علينه وهنه مصدومات. م̷ـــِْن نزولي وياهم گامت ام ضرغام بسررعه واجت عليه رجعت خطوات ليورا بخوف
_فدوه خليكم بعيدين عنيي.
ام ضرغام / هـااا يمه بشرري شنوو طلع
سحر / ترا ترا ترا. شوووفو.
شالت الاختبار الهم كمزت منار م̷ـــِْن مكانها واجت تركض اخذته م̷ـــِْن ايدها شهكت بضحكه وگالت
منار / ايجاااابي يمممممه حااامل حااامل صلاوات صلاوات الف مبرووووك.
ام ضرغام / تشٰاقين لوو صدك ولججج.
سحر / ولله يمه هاج شوفي خطين يعني حااامل وين راح ضررغام خلي يجي يشووف راح يوكف كلبه م̷ـــِْن الصدمه
ضربتها ام ضرغام ؏ راسها بقووه
ام ضرغام / طاح حضج وحض سوالفج شنوو يوگف كلبه.
سحر / اسفه اسفه ولله اخذني الواهس.
_وين ضرغام ??
ام ضرغام / تعاي يمه تعاي يروحي اكعدي هناا ارتاحي لاتحركين هواي موزين عليج.
_لاتتقربين مِڼـّي روحي هناك
سحر / عوفيها يمه اني اكعدها. تعالي حبيبتي خلينه نكعد سويه وناكل شنوو مشتهيه هسه اسويلج م̷ـــِْن ايدي.
_ماريد شي اريد ضرغام وينه گال ماتاخر عليج ليش عافني وراح.
سحر / هسه بسس يخلص شغله يجي راح يكون اسعد انسان م̷ـــِْن يعرف بيج حامل
_خلي يجي اختنكت.
سحر / رتاحي هسه اتصل بيه.
مشيت بخطوات ثگيله واني اعصر بأيدي بخوف ماريدهم يتقربون مِڼـّي اختنك منهم رحت گعدت ؏ غنفه نزلت راسي ؏ ارض واني ارجف.
كعدت مقابيلي ام ضرغام وهيه عيونها تلمع م̷ـــِْن الفرحه حته بچت ومسحت دموعها.
_ليش تبچين
ام ضرغام / م̷ـــِْن الفرحه فرحانه الكم واخيرا بعد سنين راح يصير عند ابني طفل دعيت م̷ـــِْن ربي يرزقكم طفل وربي ماقصر.
_هوه منوو ابنج.
ضحكت منار بصوت عالي ضربتها امها ؏ كتفها.
منار / هههههه ابنها هوه رجلج.
_ضرغام ?
ام ضرغام / ختولي يمه هاي مسودنه
هزيت راسي بأيي وسكتت. شويه واجت سحر شايله صينيه بيها اشكال انواع الاكل م̷ـــِْن معجنات وحلويات وعصاير.
خلتها گدامي وكالت
سحر / حبيبتي ناروو اكلي ايي شي يعجبج اتصلت بضرغام وبشرته گال راح يسوي عزيمه ويعزم كل عمامي بهل مناسبه الحلووه وهوه شويه ويجي مايطول عليج.
_يعني راح يجي
سحر / هسه بس تاكلين هوه يجي
_كوليله نارين تريدك.
سحر / هسه سديت م̷ـــِْن عنده كال ماطول عليها م̷ـــِْن عرف بيج حامل كلش فرح.
هزيت راسي بأيي وسكتت اخذت كاسه الجبس وبقيت اكل بيها.
>>>>>>>>>>>>>>>>>>>>>>>>>>
ضرغام.
بعد ماگلت الي نارين انوو هيه شاكه بنفسها حامل احسس انطتني أمل اعيش مَـرّھٌ ثانيه
حسيت روحي انولدت م̷ـــِْن جديد فرحتي مانطيها لشخص بنفس الحضه فرحان لنارين
حسيتها ليوم احسن م̷ـــِْن كل يوم اتقبلتني وخلتني اتقرب منهاا مابعدتني عنهاا ابد وكانت هادئه وتصرفاتها طبيعيه
عفتها وطلعت م̷ـــِْن الغرفه رحت ؏ غرفه سهئ واني ناوي ليووم انهي كلشي وارتاح م̷ـــِْن هل هم ولقهرر.
دخلت عليها لگيتها كاعده ؏ سرير وتبچي شافتني وگامت خايفه
سهئ / ضرغام اسمعني فدوه
_امشي گدامي
سهئ / ءا. وين.
_لأختج الكح****
سهئ / شنسوي رايحين عليها ضرغام فدوه سامحني ولله بعد ماسوي هيج وهسه مستعده اروح واعتذر م̷ـــِْن نارين واطلب سماح منهااا.
_اشششش ولاحرف يلا كدامي.
سحبتها م̷ـــِْن ايدها بقووه ونزلت بيهاا جوه اخذتها وطلعنه للسياره
سهئ / الله يخليك ضررغام فدووه اسمعني لاتسووي هيج ابووس رجليك.
شمرتها بالسياره وصعدت بيها اخذتها ومشينه ؏ بيت اختها.
طوول طريق تتوسل بيه وتبچي
سهئ / ابووس ايدك ضررغام لاتسووي هيج ولله اذا عررف رجلها يطلكها لاتخرب حياتها خطيه هيه مالها ذنب انيي انيي طلبت منهاا ولله انيي گلت الهاا تسوي سحرر لنارين الغيرره عمت ؏ عيوني.
_خلصتي.
سهئ / ضرغام.
_اشششش ماريد اسمع اسمي ؏ لسانج القذر. كنت معتبرج مررتي عمررري ماقصرت ويااااج بشي شلوون گدرتي طعنيني بضهرري وتسووين هيييج لججج
انتي موتيني تعرررفين شنووو موتيني انتي مشفتي حالتي ؏ نااارين شلوون كدرتي تضرينها بعدها طفله فووك هاذه كله يتيمه ومالها احدد ماخفتي ربج وانتي تسوووين هييج سوووايه ماگلتي تموت او يصيرلها شي.
سهئ / اعترف بغلطي ولله غلطت سامحني لله يخليك
_مستحيل. اسامحج ؏ هل عمله خليني بسس اتصرف ويه اختج وحسابج عنددي
وصلنه لبيت اختها صارت سهئ تبچي بصوت عالي تتوسل بيه ماننزل ونحجي كلشي
اني اتصلت بأهلهم وطلبت منهم يجتمعون بيتها نزلت ونزلت سهئ بالكوه
دكينه الباب فتحه زوج اخت سهئ اسمه كاظم.
_سلام عليكم.
كاظم / وعليكم سلام اهلا تفضلوو.
دخلنه سويه للبيت كانو اهل سهئ كلهم مجتمعين والخانم غدير كاعده بسس وجهه مخطوف شفتها وحس نااار طلعت م̷ـــِْن عيوني.
راحت سهئ تركض ؏ امها حضنتها وصارت تبچي
ام سهئ / يممه شبيج شنوو هاذه وجهج شصااير ضررغام يمه شبيها سهئ
_اريد اسألكم سؤال وجاوبوني عليه بكل صراحه.
ابو سهئ / خيرر بويه شصااير.
_اني م̷ـــِْن تزوجت بتكم لليوم اجتكم يووم زعلانه اوو كلتلكم ضرغام مقصر وياي بشي.
ابو سهئ / حشه ولله عمرها كله تحمد بيك وبأهلك بسس ماعرفنه شنوو القصد م̷ـــِْن هل حجي
_اسألو بناتكم اني ابن شيووخ واعرف بالاصول بسس ضاهر بناتكم ماعرفتو شلوون تربوهن وشلوون تعلموهن الاصول.
كام ابو سهئ بعصبيه
ابو سهئ / شتقصددد.
_الكل يعررف بيه تزوجت وصاار عندي مرره ثانيه مع هاذه كله بعدتها عن سهئ حته ماتصير مشاكل بينهم وخليتها بيت وحدها.
ولازم انتو عرفتو مرض مرتي والي صاار وياها
ابو سهئ / وسهئ شعليها مرض مرتك ??
باوعت ؏ سهئ وجهه ماينشاف م̷ـــِْن الدموع هزت راسها بلاتحجي.
_اسأل بنتك غدير هيه تعرف.
غدير / شنوو شعليه اني ولله مالي دخل مرض مرتك.
_ليش اني گتلج ؏ مرض مرتي لْـۆ المذنب يعرف بذنبه.
غدير / هاا شنوو شتحجي انته ولله ماعرف شي.
كاظم / غديرررر شنووو الموضوع احجي.
_لاتعبون نفسكم اني احجيلكم كلشي.
ابو سهئ / احجي بويه فهمنه الموضوع.
_مرتي تمرضت وكان مرضها هلوسه وخوف اخذتها لسيد گال مشربه سحر. ومأثر عليها ومخليها تصير هيج. غلست ؏ موضوع وگلت يمكن يكون غلطان
منوو ممكن يسوي سحر لمرتي بقيت شهرر كامل اعالج بيها ماخليت دكتور ولاسيد يعتب عليه ماخذته الهااا
تصير زينه يوم يومين وترجع مثل الآۆلْ واسوء.
بعدين تبينلي انوو سهئ وغدير هنه الي مسويات السحرر الهاا وطول هل شهرر تشرب بيهاا وناويه تموتها خلاص.
شهكت ام سهئ،وباوعت علئ بناتها.
ابو سهئ / شتحجي انته شنوو سحر شهل خرابيط بناتي واعرفهن مايسوون هييج سوايه.
_ولله عمي انته ؏ عيني. ؏ راسي واني احترمك واقدرك واني لوو ماكول عيب م̷ـــِْن الناس وماريدها توصل لأبو نارين لأن اذا وصلت احتمال يكاومكم وتكبر وتعرض وبناتهم ثنينهن يدخلن سجن ؏ هل سوايه.
سهئ / انته جبرتني اسوووي هييج كله منكك وتستاهل الي صااار بيهاا انشالله تمووت ورتاح منهاا هل حييه اخذتك مِڼـّي خربت زواجي لله ينتقم منهاا انشالله ماتشووف يووم حلوو بحياتها.
ابو سهئ / سسسسسهئ.
_سمعتو بأذنكم ميحتاج اكملكم بعدد هاي بتكم وانتو حاسبوها ؏ طريقتكم وبتكم طالك م̷ـــِْن اليووم.
شهكت سهئ وبچت بصووت عالي اجت تركض عليه دفعتها ليورا حته ماتتقرب مِڼـّي
_انتي طالق طالق طالق
سهئ / لااا الله يخليك ضرررررغام لاتكووولها لاااتكولها اموووت ولله امووت بدونك
عفتهم وطلعت بقه الكل مصدوم ماعرفو شنوو يحجون ولاشلوون يتصرفون غمضت عيوني واني اتذكر كل
لحضه مرت بيني وبين سهئ خلص اليووم انتهئ كلشي بينه.
صعدت سيارتي ومشيت اتصل جهازي كانت اختي سحر.
_الوو هاا سحرر.
سحر / ضرررغام الف الف مبررووك خووويه مرررتك حااامل هسسه سووت الاختبار وطلع ايجابي
وكفت السياره واني ممصدك الكلام الي سمعته.
_انتي تحجين صدك.
سحر / ولله ولله هاذه الاختبار بايدي حامل مرتك شكدد فرررحانه ولله.
_الف الحمدلله گولي لابوي راح اشتري ذبايح واعزم اعمامي ليووم نسوي عزيمه ؏ هل مناسبه.
سحر / ماشي لاطول ناارين تريدك خايفه هسه بلكوه نزلتها يمنه تحت.
_نزلت يمكم لوحدها وماخافت ??
سحر / ايي ايي ماخافت مِڼـّي وهسه اني جاي اسويلها اكل اريدها تاكل ؏ مود الطفل خاف جوعان سوده عليه.
ضحكت واني احس روحي طااير الف الحمدلله ياربي صارت الفرحه فرحتين نارين حالتها شويه شويه جاي تتحسن.
رجعت اسوق رحت علئ صديقي اشتريت منه ذبايح وعزمت كل اعمامي ؏ عشه.
بالطريق واني امشي اتصل جهازي كان ابو نارين
_الوو.
ابو نارين / هاا بويه ضرغام شلونكم نارين شلون صارت اجيتو لبغداد بعدكم.
_لا عمي ميحتاج نجي نارين حالتها زينه ليوم گعدت ويانه واكلت وشربت طبيعي.
ابو نارين / الله يبشرك بالخير يابويه ولله ريحت گلبي يعني زينه تعرفني اذا اجيت عليها
_ايي عمي تعال علينه معزوم مسوي عشئ الًيَوُمًِ
ابو نارين / مناسبت شنوو هل عشئ.
_اووف نسيت اكولك اهم خبرر.
ابو نارين / خيرر انشالله شنوو الخبرر بس كون يفرح.
_متاكد راح يفرحك.
ابو نارين / هسه غير يحجي شلعت ڪلبي وهوه مشلوع.
_ههههه نارين طلعت حامل.
ابو نارين / افاااا صدك تحجي.
_ولله ليوم عرفنه بيها حامل وهسه راح اسوي عزيمه ؏ هل مناسبه.
ابو نارين / الف مبروك بويه انشالله منه وتتحسن حالتها.
_انشالله يلا عمي منتضرينك ؏ عشئ تجينه انته وام نارين.
ابو نارين / انشالله بويه.
سديت م̷ـــِْن عنده وكفت مقابيل صيدليه نزلت لدكتوره اعرفها حچيتلها عن حالت نارين شلوون تتعب وتتخربط انطتني الها مقويات وعلاجات لآزٍمٍ تاخذهم لأن هيه بأول شهر.
اخذتهم منهاا وطلعت رحت ؏ محل اشتريت الهاا كل انواع العصاير ولجبس هيه اشتهت هذولي.
خليتهم بالسياره ورجعت للبيت طول الطريق افكرر شنوو اسمي اذا ولد وشنوو اسمي اذا طلعت بنت. الفرحه ماواسعتني.
نزلت م̷ـــِْن سياره ودكيت الباب فتحه حيدر وهو يتبسم حضن علي بفرحه
حيدر / الف مبروك خوويه فرحتلك ولله بعد سنين راح يصير عندك طفل
_لله يبارك بيك يوم الك ونشوف اطفالك
حيدر / هههه اني سالفتي بعيده.
_لا انشالله بس هل كم يوم وازوجك شنوو صرت شايب.
حيدر / لله ويدك اني بشاربك
_ههههه مووو تدلل خليها وراي وشوف شلوون راح اختارلك مرره معدله.
حيدر / هوه مخليها وراك ادري بيك ذوقك حلوو بكلشي.
حجه هيج وغمز ضربته ؏ كتفه بقووه ضحك بصوت عالي
دخلنه سويه واحنه نضحك كان الكل گاعد بالصاله وحته نارين وياهم بس معتزله لوحدها كاعده اول مادخلت شالت راسها وابتسمت.
رحت عليها وحضنتها كدام الكل وبست راسها.
_انتي احلا شي صاار بحياتي.
نارين / ليش تأخرت عليه
_رحت جبتلج عصاير وجبس موو گلتي مشتهيتهم.
نارين / ماريد شي اريدك يمي.
سحبتها م̷ـــِْن ايدها وكعدت يمها حضنت عليه وخلت راسها بصدري.
_هايني يمج ماعوفج بعد.
نارين / لاتعوفني لوحدي فدوه.
ابو ضرغام / مبروك بويه يتربه بعزكم ودلالكم.
_فدوه راسك. نسيت اكلك يابه ليوم اسوي عزيمه اشتريت ذبايح هسه شويه ويوصلن. وعزمت اعمامي وابو نارين هم راح يجي علينه
رفعت راسها نارين عن صدري وهمست
نارين / راح يجي بابا ?
_ايي حبيبتي اتصل بيه وگتله عليج حامل فرح الج هواي وكال راح يجي ؏ عشئ هوه ومرته.
نارين / ايي خليهم يجون مشتاقه لمرام. اريد اشوفها.
_يلا تعالي نصعد ارتاحي شويه. حته تنزلين تكعدين ويه العالم الي راح تجينه.
نارين / تصعد وياي ومتعوفني لوحدي
حيدر / اصعد وياها ضرغام اني اهتم بالعشئ خليها ترتاح وانزل.
_كفوو م̷ـــِْن شاربك معدل
حيدر / طالع عليك ياابه
_يلا گومي حبيبتي خلينه نصعد واشربي علاجج جبتلج مقويات م̷ـــِْن دكتوره هم لآزٍمٍ تاخذين منهم.
نارين / اووف ولله لعبت نفسي شكدد اشرب علاجات.
_بويه بس هل كم يوم لخاطر الطفل الي بطنج.
سحر / حبيبتي نارين لآزٍمٍ تاخذيهم حته ترجعلج صحتج وتصيرين قويه.
كامت وهيه ضايجه متريد تشرب كسرت خاطري لزمتها م̷ـــِْن ايدها وصعدنه للغرفه فوك.
فتحت الباب واخذتها ؏ سرير خليتها تتمدد جبت العلاج وانطيته الهاا خليتها شربت منه وانطيتها المقويات الي اخذتهم م̷ـــِْن دكتوره.
نارين / جوعانه.
_افااا حبيبتي جوعانه شنوو بالج شنوو تشتهين هسه اخليهم يسوونه الج
نارين / اريدك انته.
_ملعونه ليش تخليني افترسج وانتي مريضه
نارين / تعال نام هناا ولاتطلع لاحد مانام انيي اذا طلعت بعد لاترجع ابدد لأن ازعل وياك.
نزعت ساعتي وطلعت محفضتي ورحت تمددت يمها ؏ سرير سحبتها لحضني وبست راسها.
_يمج ماعوفج للموت.
حضنتني بقووه وباست صدري وهمست.
نارين / اني هم ماعوفك للموت.
_نارين.
نارين / هاا باباتي
_ليووم طلگت سهئ
رفعت راسها عن صدري وباوعت علي بصدمه وهيه فاتحه عيونها
نارين / شنوو ليش شصاار.
_ارتاحي بويه بعدين احجيلج كلشي.
نارين / لا هسه احجيلي شنوو الي صاار ليش طلگتها خطيه ولله هيه تحبك حررام الي سويته اكيدد هسه هيه تبچي ومنهااره ليش سويت هيج ضررغام فهمني شصااار.
بقيت صافن شكدد طيب گلبها وبريء. شلوون خايفه ؏ مشاعر سهئ وهيه متعرف شلوون سهئ كانت ناويه تموتها وتخلص منهاا.
نارين / ضررغام احجي شبيكك سكتت.
_طلكتها وخلص ماريدها بعدد خليها تعيش حياتها بعيد عني عندي انتي تسوينها.
نارين / لاا ضرغام لاتكول هيج خطيه ولله هيه تحبك وتحترمك
_ارتاحي بويه بعدين اشرحلج كلشي صاار.
نارين / هسه تضل تدعي عليه وتكول كله بسببي تطلكت مووو.
_انتي شعليج حته ماتدرين بالموضوع.
نارين / هيه دائما تتهمني بشي ممسويته.
_خلص انسيها يلا تعاي لحضني خلينه نام تعبان بدونج.
رجعت راسها ؏ حضني حاوطت خصري بأديها بقووه وهمست
نارين / راح اسكت ؏ موضوع هسه بسس اصير زينه تحجيلي كلشي ماشي.
هزيت راسي الهاا واني احجي بكلبي شحجيلج شلوون اگلج سهئ هيه الي وصلتج لهل حاله وجان متي بسببها وخسرتج.
غمضت عيوني ونمنه بدون مانحس.
____________________________________
