رواية ابي عذابي ومأساتي الفصل الخامس والأربعون 45 بقلم سمر اسامه

                 

شهد.    

تسريع الاحداث

.

صار اطفالي عمرهم. سنتين وصارو يمشون يخبلون ولفرحه ماليه البيت. جابر يحبني مثل بنته ودائما يكول انتي بنتي مثل اسد ونمر.    

كنت كاعده ب صاله واسد يركض ورا نمر يريد ياخذ م̷ـــِْن ايده لعابه كل شويه متكافشين علئ شي واني الي توكع براسي    

يجون يبجون ويضربون بيه

شفتهم بدت العركه بيناتهم وكلامهم كله مه بهه  مدري شنو ههههه عود يغلطون علئ بعض اعتقد.    

اجت عمتي علئ صراخهم وحجت ولج شهدد تباوعين عليهم وهمه يصرخون صدوك وحده خبله وماعندج مسؤليه    

ضحكت والله ياعمه بس ادخل اني الي توكع براسي ويكتلوني خليهم يملون ويسكتون    

اندك الباب رحت فتحته كان جابر شايل بأيده كومت العاب صاح علئ الاطفال. تعالووو بابا شوفو شنو جبت الكم    

همه بسرعه شمرو العبه وركضو علئ ابوهم اخذو م̷ـــِْن ايده الاعاب. همه عدهم غرفه كامله بس العاب بس ميشبعون كل فترا يريدون غيرر    

بقيت اضحك عليهم شويه ودخت وحسيت الارض تدور بيه.    

لزمني م̷ـــِْن كتفي جابر وهمس شبيج حبيبي احسج ضايجه صاير شي.    

ابتسمت  لا ولله مضايجه بس شويه تعبانه

لزم ايدي وكعدني علئ الغنفه ورد ارتاحي شويه وخلي هذولي شياطين يلعبون    

اجت عمتي كعدت يمنه وحجت ولله يايمه اصلا هيه مخليتهم يتكافشون ويسكتون لوحدهم حته ماتفرق بينهم.    

باوع عليه وخزرني هاا هيج صارت تريدينهم يتعلون علئ العرك بيناتهم غير تصالحيهم    

عضيت شفتي بقهر والله ياجابر همه مينحملون بس اصالح بينهم يضربوني ويعضون ايدي.     

ضحك عليه ورد وانتي متعرفين دافعين عن نفسج شون تخليهم يضربوج.    

رديت عليه شون ادافع عن نفسي شسوي مثلا ماكدر اضربهم ولاكدر اصيح عليهم انت متقبل وتعاقبني وبل حالتين اني مكتوله ههههه    

ضحكت عمتي عليه وحجت الله يساعدج اذا هيج

عفتهم ورحت اسوي غدئ ونمر اجه يمي يريد اكل يباوع عليه ويحجي ماه عمم عمم    

شلته وخليته علئ الكاونتر وسويتله لفه وهو ياكل شويه واجه اسد يخزر بيه هل طفل عصبي وميتحاجه    

باوعت عليه وحجيت هاا ماما تريد عمم

عافني وطلع وكانو معاجبه الوضع هههههه    

كمل نمر اكل ونزلته راح يركض مثل السنفور صغير ويخبل فديته.     

كملت الغدئ وخليته علي الطاوله واسد ونمر علئ الارض لان ميكدرون يكعدون علئ الطاوله قزامه هههه    

جابر ياكل ويباوع عليهم وكل شويه كايم يوكل واحد منهم حته متتوصخ ملابسهم    

اني اكل ولعبت نفسي وراسي صار يدور مثل الصبح

عفتهم ورحت اركض للمطبخ اتقيئ.    

                                  

              

                    

صاح جابر. شهدد شبيج شنوو صار

طلعت امسح بوجهي والله ماعرف نفسي تلعي واحس نفسي دايخه كلش يمكن لان كاعده م̷ـــِْن وكت او مستبرده.    

تقرب مِڼـّي ونزل راسه مستوئ راسي وهمس ليكون حامل ومنعرف قصص وروايات عراقية    

فتحت عيوني بصدمه وكانو لموضوع صح اني صارلي فترا. علئ. ال .....     

ضحك وهمس هاا شو صفنتي شبيج

بلعت ريكي بتوتر وحجيت بقهرر اؤف جابر يمكن صدوك حامل والله. محامله هذولي يجيني شطان ثاني    

ضربني علئ كتفي بقوه وزمجر انجبي لج شنو متريدين اطفال اني اريد وانشالله يطلع كلامي حقيقي وتكونين حامل يكون اسعد يوم بحياتي    

بعدين اطفالنه كبرو وصارو زلم كم يوم واعلمهم علئ الشغل ههههههه    

نزلت عيوني بحزن

صاحت عمتي شبيكم يمه شصاار تعالو كملو غداكم    

رحنه عليها وحجه جابر. يمه يمكن شهد حامل

فتحت عيونها بفرح ورديت يمه صلاوات هاذي الساعه المباركه.  واخيرا راح يصير عدنه بعد كمر ينور البيت    

رفعت عيوني بملل اي حقكم انتو شعليكم اني الي يوكع براسي الضيم ههه    

همس جابر هاا ولج شنو تبسبسين بينج وبين نفسج احجي    

كعدت علئ طاوله الاكل قريب م̷ـــِْن عمتي وحجيت لا محجيت شي بس دافكر اذا صدوك حامل او لا    

كعد جابر ورد م̷ـــِْن تكملين غدئ جهزي نفسج اخذج للدكتوره وهيه الي راح تاكدلنه صحت الكلام    

هزيت راسي بأي

كملنه غدئ واخذت صحون غسلتهم وصعدت للغرفه لكيت جابر نازع قميصه ويدور ب كنتور علئ ملابس    

هل رجال يسحرني جماله وجمال جسمه ورجولته

بقيت صافنه عليه هههه    

دار وجهه عليه ورفع حاجب بغرور وهمس اعرف حلو

بس مو لدرجت تصفنين بيه هيج    

رفعت عيوني بملل لا هوايه متواضع انت اصلا مكنت صافنه عليك صرت اصفن يمكن بسبب الحمل ههههه    

ضحك عليه ورد لا اذا حملج يخليج تصفنين اخذ وحده عليج اريد مره تكون شرسه ومتفاعله ويايه    

ضربته ب مخده واخذت مخده ثانيه وشمرتها عليه واني احجي بعصبيه ايي حقك عيني تريد تزوج واني مخليني. بس للحمل.    

صار يضحك عليه بصوت عالي ويحجي يريد يتزوج وهل امور خلاني افور م̷ـــِْن العصبيه يعرفني احبه واغار عليه ويتقصد هيج يسوي ويايه    

تقرب مِڼـّي وسحبني م̷ـــِْن خصري عليه درت وجهي علئ صفحه ثانيه بزعل.    

لزم وجهي بايده وداره عليه ركز بعيوني وهمس اني شون اتزوج علئ حبيبتي وعمري.    

والاحلا م̷ـــِْن هاذه ام جهالي 

رفعت عيوني بملل اي. اضحك عليه بهاذه كلامك    

نزل راسه علئ عنقي وصار يبوسه بهدوئ نزلني علئ السرير وصار يبوس ويشم شعري صارت اديه تتسلسل علئ ملابسي ويتقرب مِڼـّي اكثر    

            

              

                    

انفتح الباب وطفر جابر مِڼـّي باوعت علئ الباب كانو اسد ونمر واكفين ويضحكون علينه    

ضحكت عليهم وعدلت ملابسي راح عليهم جابر ولزمهم م̷ـــِْن اديهم وحجه عيب بابا لادخلون للغرفه هيج    

تقربت منه واني ميته ضحك والله ياجابر تعود علئ هاذه الوضع انت تريد جهال م̷ـــِْن هسه اكولك بعد تنسه ايام زمان م̷ـــِْن كنه ماخذين راحتنه لوحدنه    

سحبني م̷ـــِْن خصري وعض خدي وهمس اسكتي لاتخليني اسوي كلشي كدامهم  قصص وروايات عراقية    

فركت خدي بوجع ورديت اي اعرفك تسويها وماتخجل

رفع حاجب بغرور شعبالج ام نمر كلشي توقعي مِڼـّي    

عفته ورحت سحبت وبدلت وطلعت لكيت جابر مغير ملابسه ويخلي عطر والاطفال نازلين    

حضنته م̷ـــِْن ورا وبقيت اباوع علئ صورتنه المعكوسه ب مرايه هو كان لابس قميص اسود لايك عليه وطالع يخبل كل عاده ههه    

لزم اديه الي حاضته بيهم وحجه احبج شهد

خليت راسي علئ ضهره ورديت واني هم احبك واموت عليك    

دارني عليه وكعدني علئ طرف الميز التهم شفايفي بوسه. ابتعد عني وهمس يلا نروح    

عدلت شالي ونزلنه بقو اسد ونمر ويه عمتي صارو يبجون بس مقبل جابر ناخذهم.    

اخذني للدكتوره وهو بقه برا دخلت اني وفحصتني الدكتوره وصدوك طلعت حامل هههه    

طلعت لجابر كان واكف م̷ـــِْن شافني طلعت تقرب مِڼـّي وحجه هاا شنو كلتلج دكتوره    

خليت اديه علئ صدره ورديت والله ياحبيبي كالت الف مبروك ماما طلعتي حامل    

ضحك وشالني واحنه باب العياده 

ضحكت وحجيت جاابر نزلني عيب ناس تباوع علينه    

نزلني وحجه فرحتي مانطيها لشخص تعرفين شسويتي هسه انتي هسه زرعتي بكلبي فرحه كلش جبيره    

هل مره اريد بنت

ضحكت ورديت شنو بكيفي.    

سحب نفس ورد. يلا هو كله رزق م̷ـــِْن رب العالمين وشنو يصير اني قابل    

اخذني ورحنه علئ محل ذهب باوعت عليه بستغراب وحجيت ليش جايبني لمحل الذهب    

لزم ايدي وهمس اريد اشتريلج هديه حلوه بمناسبت هل خبر الحلو لازم ندللج مدام شهد    

ابتسمت ورديت والله ميحتاج تشتريلي ذهب شغله بسيطه تفرحتي.    

مقبل بكلامي ونزلني اشترالي اسواره ناعمه وشكلها كلشش عجبني ناعمه والها. شذر محاوطها    

لبسنياها وحجه كلش لايكه علئ ايدج

تقربت وحضنته وحجيت الله لايحرمني منك    

طلعنه ورجعنه للبيت وكولنه لعمتي اني حامل كلش فرحت النه.....    

........................................................................    

ايمن.    

اشترينه بيت واستقرينه وروان ولدت بنت وسميناها

أيلين    

            

              

                    

وصار عمر أيلين سنه كامله توكف وتوكع لسه متكدر تمشي طبيعي وروان ميته عليها وتحبها اكثر م̷ـــِْن نفسها    

24 ساعه تبدل الها وتسرح بشعرها الطفله صغيره متعرف شي م̷ـــِْن تسريحات بس روان متقبل اله تسرحه وتنصق ملابسها طلعها عروسه هههه    

كنت راجع م̷ـــِْن الشغل دكيت الباب وفتحته روان بوسه وحضن وهمست الله يساعدك حبيبي    

دخلت وحجيت وين بنتي الحلوه

ردت والله أيلين نايمه كنت اريد اسبحها واغير ملابسها بس هيه نامت كلت م̷ـــِْن تكعد اغيرلها    

ضحكت ورديت بابا خطيه كل شويه مسبحتها حته تتمرض هيج لازم تخليها براحتها     

لزمت ايدي وكعدتني علئ الغنفه وردت اذا مارتب بنتي واهتم بيها بمنو اهتم كولي    

سحبتها م̷ـــِْن خصرها عليه وكعت عليه غرست اصابعي بشعرها ورديت اهتمي بزوجج المسكين يرجع م̷ـــِْن الشغل تعبان ويريد شخص يهتم بيه    

يسبحه يهتم بيه يشوف شنو رايد

ضحكت وكانت تريد تكوم عني بس مخلينها ثبتتها بأديه.    

خلت اديها علئ عنقي ونزلت راسها قريب م̷ـــِْن عنقي وهمست انت اهتمامك يختلف عن اهتمام بنتي    

بنتي فقيره وشنو اسوي هيه قابله ومتكول شي

اما انت وكح ومتكعد راحه    

تقربت وبست شفتها ابتعدت ورديت اذا مرتي فاهيه شسوي اني لازم اكون شويه وكح حته تصير العلاقه حلوه    

لزمت وجهي بثنين اديها وحجت منو لفاهيه فتحت عيونها عود تعصب ههههههه    

نزلت عيوني بقهر وحجيت لاتخزريني هيج تعرفيني اخاف كلش شبيج    

ضحكت بصوت عالي

كرصت خدها وحجيت فضحتينيه ولج صوتج وصل الاخر الشارع    

تحجي وهيه ميته ضحك والله ايمن ضحكتني م̷ـــِْن كلت خفت منج. هو انت يايوم خفت مِڼـّي والاحلا م̷ـــِْن هاذه مسوي نفسك فقيره     

شلتها واخذتها للغرفه شمرتها علئ السرير وتقربت منها صرت ابوسها وهمس اني فقير بس وياج لا.    

شويه وسمعنه أيلين تبجي ابتعدت عنها ورحنه عليها شالتها روان وهيه تبوسها وتهدي بيها    

تذكرت اول يوم م̷ـــِْن تعرفت عليها ومن تزوجنه وهيه كانت رافضه علاقتنه    

وكالت بعمرنه مراح نكون عائله وهاي صرنه عائله كلش حلوه ومتفاهمه وصار عدنه طفله الي هيه فرحتنه     

وهيه الي ماليه علينه البيت اهلي صارو يزورونه كل فترا. واني مقرر بس يصير عمر ايلين مناسب للسفر اخذهم ونروح للبصره    

نبقه هناك فترا طويله ونغير جو وروان دائما تطلب مِڼـّي اخذها للبصره بس اني ماقبل اخاف علئ ايلين    

وب نسبه لبيت جابر صرنه عائله وحده همه يجون علينه واحنه نروح عليهم وصرت ابد ماضوج م̷ـــِْن روان اذا تحجي ويه جابر    

            

              

                    

وهيه صارت تحترم جابر مثل اخوها ليث واني كذالك احترم شهد مثل اختي وابد مافكر بيها بغير شي. #ڪــڔٰا̍ڕ   

......................................................................    

ساره.    

مر سنه علئ زواجي م̷ـــِْن عصام كلش يحبني ومهتم بيه طلع عكس افكاري واني كنت خايفه منه واكول عصبي    

يحب بنتي هوايه صار عمر ملاك 6 سنوات ودخلناها مدرسه صارت تحب عصام هوايه ومتعلقه بيه     

هشام خطب بنت عمه نرجس نهئ عليها وانطوها اله كلش فرحت الهم حلوه كلش م̷ـــِْن ثنين يحبون بعض ويتزوجون.    

حالين بس خاطبين. كالو فترا ويتزوجون لان اهل نرجس يريدون يعدلون بيتهم     

كنت داحضر ب غدئ ونوال يمي طكطك بجهازها

ومخليه هتفونات باذنها عصام ب شغل ولبقيه كلمن بغرفته.    

رحت لغرفتي ارتبها حسيت بدوخه موطبيعيه ماكدرت اتوازن وكعت علئ الارض وبقيت لازمه راسي واني دايخه وماعرف شبيه    

نفسي لعبت وكفت بصعوبه ورحت للحمام اتقيئ

طلعت كنت كلش تعبانه تمددت علئ السرير ونمت    

ماحسيت علئ شي غير شخص يكعدني ويهز بيه

فتحت عيوني بنعاس وشفتها كريمه ضايجه     

كمزت بسرعه وفركت عيوني بنعاس وحجيت هاا شنو صار    

ضربت كتفي بقوه وحجت وجع حته وجع ولج شون تنامين والاكل ع نار كله محترك ولمطبخ مدخن    

وكفت بسرعه وحجيت والله ماعرف شون نمت احس نفسي دايخه كلش    

دخل عصام وحجه شبيكم ليش اصواتكم طالعه

باوعت علئ عصام بخوف وحجيت اني اسفه عصام والله ماعرف شون صار هيج    

عقد حواجبه بعدم معرفه وحجه شنوو ليش شسويتي انتي    

تقدمت عليه كريمه وردت والله مرتك نايمه ومخليه الاكل علئ نار وكله محترك وهسه خوانك كلهم راح يرجعون م̷ـــِْن شغل ولاكل مجاهز.    

سحب نفس ورد اكيد مكانت تقصد انتي روحي حضري الاكل وهسه شويه وتجي وراج ساره    

بعدهم يسولفون وماحس غير وكعت م̷ـــِْن طولي والارض صارت تدور بيه    

تقرب مِڼـّي عصام بسرعه وشال راسي علئ صدره وصار يضرب علئ خدي ساااره حبيبتي شبيج شمسويلها.  ليشش هيج دايخه.    

شالني بين اديه وخلاني ب سياره اني احس نفسي تلعب ولارض دور بيه. اسمعه يسوق ويحجي ويايه يريدني استجاب اله    

بس اني ماكدر ارد عليه

فتحت عيوني ب مستشفئ كعدت بصعوبه وهمست وين انيي    

دخلت عليه دكتوره وحجت الحمدالله ع سلامتج

رديت عليها الله يسلمج دكتوره بس شنو صار ليش هل دوخه مجاي اكدر اوكف علئ،رجليه    

ابتسمت وردت انتي حامل ب شهر الثاني وهل اعراض طبيعيه بيج فقر دم ولازم تهتمين بصحتج اكثرر حته مايتاذئ،طفلج    

فرحت كلشش بكلام دكتوره واخيرا بعد فترا كلش طويله راح يصير عندي طفل م̷ـــِْن عصام مر سنه علئ زواجنه واحنه ماعدنه طفل    

دخل عصام وجهه فرحان كلشش وطاير طلعت دكتوره وهو بسرعه تقرب مِڼـّي وباس راسي وهمس. ليوم اني اسعد انسان    

راح يصير اخو لملاك

حضنته واني فرحانه.  كلش فرحانه عصام فرحتي مانطيها لشخص    

اخذني ورجعنه للبيت وكولنه للكل اني حامل الكل فرح النه وهمه يحبون الاطفال لان ماعدهم ملاك مدلليها وهيه صارت جبيره    

ولاحد هسه يعتبروها طفله صغيره.    

مكان يخطر علئ البال انو اتزوج م̷ـــِْن اخو شهد الي هيه نهزمت م̷ـــِْن ضلمهم وقهرها منهم    

متصورت بيوم احب عصام الي انزرع بأفكاري انسان مجرم وماعنده كلب كنت طول الوقت اخاف م̷ـــِْن يحجون بطاريه    

ومن انخطبت اله واني متردده بين اي وبين لا هوايه مرات فكرت افسخ الخطوبه م̷ـــِْن خوفي انو راح يعذبني مثل اخته شهد    

ومن عصبيته خفت منتفاهم سويه بس الحمدالله طلع انسان واعي وهادئ بنفس الوقت وطلع كد كلمته م̷ـــِْن كلي راح اخليج اسعد انسانه    

وصدوك خلاني اسعد انسانه مخله شي ينقصني او احتاجه كان اب وزوج مثالي ربي يحفضه النه.

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم