رواية خفايا القدر الفصل الرابع 4 بقلم انين الروح

لزمني من شعري وجرني اليمه حيل صرت قريبه ع انفاسه صرت اتنفس انفاسه حتى طعم الجكاره الي بحلكه حسيت بي 

كمت اعيط

نزلني نزلني ليش مانزلتني هناك ويه البنات ليش جريتني وسديت الباب وحركت السياره انت شرايد مني

اني مو من معارفكم حتى تحاسبني وتغلط وتتأمر عليه روح عيط ع خطيبته انت شكو كاعدلي ركبه ونص وبس تتأمر ع حجابي ولبسي وطلعتي 

اااخ لجر شعري هيج كطعته بيدك الله يموتك 

.من كالت خطيبتك اني جنت متعصب وهي ذكرتني بزهار الماطيق اسمع سيرتها 

النوب زاد تعصيبي كمت اضرب وجها 

وهي تعيط ماعرف ليش هيج عاملتها هاي البنيه

مع العلم هي ضيفه عندي 

 ماعرف شنو الاحساس اليركبني من اشوفها ما ادري عبالك اريد بس اتعصب عليها او اتعارك وياها هي صح متكربلي شي بس اني احس هي كلشي مالتها مالتي ماريد احد يشوفها او يتقرب الها 

مو حب بس يمكن خوف منها لا تجيب اححايه النه وهي غريبه محد يرحم 

هي حيل فطيره وتحجي وتضحك مع الجميع وانه هالشي ميروقلي اريدها حالها من حال بناتنه زينب او رقيه 

اريد احس بروحي انه اقربلها من حبل الوريد 

فريت السياره ورجعت بيها للبيت شوفي لج اسمعيني زين كلشي اسوي انتي لازم الي خبر بي

 اني بالاول وما تطلعين اله ابشوري عيونج ماترفعيها من الكاع حجابج ماينزع حتى بالبيت ضحك وشقه ويه ايوب ورضا ماريد

طلعه ويه البنات ماكو 

مو بستان وماعرف شنو 

كلها ممنوع ما اقبل 

.انت ليش اتحاسبني شتريد مني بابا اني باقيه بس اليوم يمكم باجر نرجع البغداد 

ابجي وعيط 

.مو بكيفج ترجعين 

.لعد بكيف منو

.ابكيفي اني ما اخليج تخطين خطوه وحده بدون شوري

.ليش انت منو

اضربت الستيرن وعطت 

هم كالت انت منو 

لج اني اقرب من حبل وريدج فهمتي 

لا مفهمت وماريد افهم رجعني للبيت 

.اسكتت وبعد مارديت ع سؤالها لان بعدني متحير بأمري 

فعلا اني منو بالنسبه الها معقوله عجبتني خلال هالايام لو لانها قويه وتحاول تثبت وجودها كدامي 

لو اكو شي بداخلي تحرك 

لو هاي مجرد انتقام لان تراددني 

وانه ممصادفني هيج ابنيه قبل 

بس لا انه صاير تفكيري بيها اهواي ماخذه كل فكري لازم احسبها صح واشوف اني ميولي وين حتى اخطو صح ماريد احبها وهي ماتحبني لا ياجراح اصحه لا تعيد الماضي 

لا يجراح الخصرته لا تعيده 

اوكف وفكر عدل الراحت هم بنت بغداد وشفت حالك شلون صرت قاسي كلب كافي بطل تفكر بالحب وهالخرابيط 

مالك غير شغلك ومكانك ابين اهلك وعمامك 

هي بنت بغداد مو من طبعك ولا تصير من ثوبك بسك يجراح انساها ونسه موضوعها 

جراح ..هااا ياعمري شلونج شو تأخرتي اليوم اشعجب 

جراح اني جيت احجي وياك بشغله 

اي حبي احجي 

جراح ارجوك انساني اني ما انفعك 

اني .....؟ 

انتي شنو وسناء 

اني البارحه كانت خطوبتي 

شنووووو 🤨🤨🤨🤨 منو هذا الخطبج احجي 

انت متعرفه جراح لهنا وكافي بعد اترجاك انساني 

مرات الزمن ماينصف ويه الناس واخاف من الزمان وياك يخذلني 

مااكلك أبالغ من اموت. ...عليك 

بس الأيام تمشي وبيها. ..جربني 

لحد كطع النفس راح أبقه انه اهواك 

وغيرك للأبد بالدنيه. .....ميهمني 

أمنيتي اسعدك يااغلى وأعز انسان بس اشلون وآنه الزمن. ..ظالمني.

لج هذا كلام منو ...تذكرين من كتبتي الي 

وكتلج مايهمج من الزمن شي اني وياج حد كطع النفس 

جراح كافي كافي اترجاك 

لا مو كافي اسمعي كلامي 

انه وياج مثل سبحه جنه بس حسافه هسه طش خرزها 

وهيهات ياهو اليرد يلمها 

انه وياج مثل لعبه المحيبس ياجف الالزمه بيدج تكولين باتك 

انه الجنت حد وياج لاخر نفس

 بس هسه انه الاكلج كافي وجري احبالج لان كلبي منج انعفس 

جراح اترجاك لتجرحني 

روحي وسناء 

جراح 

ولي وسناء عن وجهي 

رهف ..مو وصلنه هذا مو بيتكم انت وين طالع بينه 

مو دا احجي وياك 

هااااااا شكلتي 

وين جنت شارد 

لا مو يمج ...يله نزلي عيونج ماترفعيها عن الكاع

.نزلت واحس نفسي تعبانه حيل وجهي احس نار مشتعله ضربه حيل قوي

دخلت وصارت ابوجهي امي 

.هاي بنتي شبيج ليش هيج وجهج احمر

.مابيه شي ماما بس تعبانه ويمكن مصخنه ف اطلبت ارجع

.اي تعاي خلي اشربج دوه ونامي اشويه

.اي ماما اريد ارتاح

غسلت وفتت راحت امي اجيب دوه افتحت حلكي اكبال المرايه شفت شفتي مشكوكه توجعني حيل

.هاج امي اخذي هاي براسيتول شربيها ونامي

.اي ماما 

اخذتها وتمددت عالفراش محسيت اله واحد يكعدني افتحت عيوني كوه

ها زينب

.اشبيج رهوفه حبيبيتي شتحسين

.تعبانه زينب اريد انام 

.حبي كومي شربي بس هاي الشوربه ورجعي نامي 

.ماريد ما اكدر اكل شي

.بس شوربه الخاطري ماعندي خاطر يمج 

.كمت كوه احس جسمي كله تعبان شربت خاشوكتين مكدرت 

كافي زينب فدوه

.اي عمري نامي راح اطفي الضوه

.ازهار اشبيها الخاتون داخت لان رجعت ويه جراح وحدهم سطرها 

.تعاي ازهار البنيه مريضه مصخنه حتى كوه شالت نفسها 

.ازهار اي تخدعكم هي طلعت ويه جراح ومن رجعت سوت نفسها مريضه

.هاي شبيج ازهار موكدامج جراح رزل ايوب لان كله ياخذنه وجراح عنده طلعه وشفتي جان لابس قاط يعني مرايح المكان عادي لان تدرين من يلبس قوط يعني طلعه مهمه جدا

.ازهار كلها افلام من جراح ومنها بس عليمن خلي يجي جراح واني افهم منه شنو هالفلم الصار اكبالنه 

.ازهار انتبهي ع كلامج تره اذا سمع جراح هيج تحجين ياذيج وانتي تعرفي

.ليش منو راح يكله 

.بس اني وانتي جاي نسولف اله اذا انتي حجيتي 

.

اي واني هم مو نبي يمكن انسه واروح اكله 

.اي حقج عيني زنوبه لازم ادافعين عن رهوف خاتون

.زينب عفت ازهار ومشيت نصبت العشه لجميع ولميت الزاد غسلت الماعين والبيت عالسريع دانظف بالمطبخ وندك الباب

اعرف هذا وكت جراح بالرجعه بس اليوم متاخر 

.هله خويه شلونك

.زين وانتي .انه زينه بشوفتك

.تسلمين .ياغاليه

بس انت اليوم متاخر الساعه وحده اله ربع

.اي ماعجبني ارجع 

.ليش خويه اكو شي 

.اي اكو

.شنو احجيلي 

.مو وكتها احجيلج من يصفه بالي

.ع راحتك حبيبي تريد اسويلك عشه

.لا بس اريد استكان جاي من ايدج الحلوه

.من عيوني .

وجيبي الغرفتي

.اي صار

.هدرت جاي كملت المطبخ صبيته واخذته اله للغرفه 

.هاك عيوني هذا جايك 

.اي خلي عالميز 

.هاي منو طلع .

خلي اشوف 

.هاي رهف راحت لصحيات خطيه من رجعتها انت

هي مصخنه ونايمه مكامت من الفراش اله هسه خطيه .

روحي صيحيها وجيبيها اهنا 

.اي صار .

رهف رهف بصوت ناصي صحتلها .

ها زينب 

.نصي حسج وتعالي 

.وين .تعالي

الغرفه جراح

.لالا ماريد ما اروح 

.لج هو رادج كلي صيحيها 

كتلج ما اروح ليش تلحين عليه 

جراح .طلعت من غرفتي صارت اكبالي صحتلها تعاي 

.مشيت فتحت زينب الباب

السلام عليكم .وعليكم السلام

تعاي رهف اهنا اكعدي 

.رحت اكعدت صرت مقابيله 

.شتحسين 

.مابيه شي عادي

.شنو عادي

.يعني مجرد اصخونه وفكتني

.ليش صخنتي .

ارفعت راسي وباوعت بعيونه واني ساكته

.اي شو سكتي احجي

.شحجي .

احجي اليعجبج 

.زينب كومي سوي اكلاص حليب الرهف وجيبي كعك وياج

.لازينب ماريد 

.مو بكيفج تردين او لا 

كومي زينب .... اني ماحب الحليب 

راحت زينب بقيت بس اني وهو بالغرفه كمت ع حيلي ابساع امتلكني الخوف لان غرفته بعيده عن المطبخ ماعرف شنو الشعور الي اجاني خوف ع توتر ع قلق ردت اطلع 

لزم يدي 

وين رايحه 

اترك يدي 

واذا متركتها شسوين 

اعيط ولم عليك البيت 

اي عيطي سمعيني حسج خل اشوف 

اسكتت 

.اي شبيج ترجفين شنو بردانه

.لا 

.كام 

.اني الزمت كلبي لان كمت اخاف من كل تصرفاته

لميت نفسي شفته كام ع الجربايه سحب الغطه وخلاه عليه يله ادفي 

طبعا اني اول مره ادخل غرفته شكد حلوه عبالك غرفه عريس مناقصها شي ما شالله

.عجبتج الغرفه 

.هااا 

.اكلج عجبتج

.

اي حلوه ان شالله تتهنه بيها انت وازهار

.لجيببن طاريها 

.اسفه هيج اتحبها ومتتحمل مني اجيب طاريها 

.لا مو محبه اني اصلا ما اطيقها ولا اطيق سيرتها ف ماريدج تذكريها اكبالي

.ليش لعد تريد تزوجها 

.منو كلج اريد ازوجها 

.اهلك غير 

.لابس امي رايدتها 

.بس انه ما مفكر بيها من اساسها

.بس تره هي اتحبك 

.عادي الكل يحبني 

.شكد مغرور 

ههههههههههه ضحكتيني هم تعرفين تحششين 

ما احشش لان انت صدك مغرور 

.لامو غرور بس هاي حقيقه وشايفها بعيني بنات عمامي كلهن يتمنن رضاي 

.همزين اني لعد مو بنت عمك 

وانتي اطولين يعني اتكونين منهم 

ليش يمه همه بشنوا احسن مني 

لا مو احسن لان كلجن نفس الطينه بس هنه يتمنن رضا جراح عليهن 

هاي هنه مو اني 

.ليش ياحقيره 

شو تغلط 

اي اغلط عندج اعتراض

اي اكيد اعترض 

مرفوض اعتراضج 

الصدك الصدك . انت متعجبني وتصرفك ويايه يقهرني ويألمني ماعرف ليش من اجيتكم لليوم بس اتهيني وتضربني عبالك عدوتك 

اي لان تصرفج كله غلط في غلط 

واني ميعجبني التصرف المايع 

شلون بله تصرفي مايع 

يعني اطلعين بدون حجاب 

اني مو محجبه ...

يفرق عدنه لازم حجاب 

وتتمضحكين اهواي ويه ايوب 

هو يسولف واحنه نضحك 

لا اشوفج وياه تندمجين حيل سوالف وضحك 

غير هو يحاجيني 

ارفضي كوليله ما اكدر اعتذري طلعي حجه ابتعدي عنه 

ليش هو مو اخوك 

اي اخوي بس ميعجبني تتمضحكين وياه 

شنو السبب 

بدون اسباب ..اني هالتصرف ميعجبني 

حتى كعداتج عالمرجوحه متعجبني 

اضوج وين اروح 

الف مكان اكو اله بالمرجوحه تكعدين 

غير وحدي محد شايفني 

منو كلج محد يشوفج 

هاي شنو قابل خالين كامرات مراقبه والكل يشوفني 

لا بس حوشنه يحوي خمس ابيوت غير بيتنه 

بس المرجوحه خلفيه 

ميخالف لا تكعدين وحدج بيها ماتعرفين شيحجون بعدين 

.يعني هسه انتي متحبيني .

شهل جراءى منك 

لا معجبتني ولا راح تعجبني فديوم 

.انشوف

ششوف 

راح اعجبج لو لا 

مغرور بحالك حيل انت... وشايف حالك عالفارغ

رهف انتبهي ع كلامج 

.ليش

.لان اني اذا اخلي شي ابراسي لازم يكون الي

.بس اني لا مو بكيفك اكون الك

.كافي سدي الموضوع

.طبعا صدك نرفزتني تمنيت اكوم اسحلها وطلعها بنت الكلب كلامها كله تحدي ويايه واني شكد اتخبل من هيج بنات

بس لا لازم اروضها عليه صح خلي تكون يمي واني اعلمها شلون تحجي ويايه

جراح هاي وين رحت انت بتفكيرك ...مو كتلك بطل عنك سوالف الحب 

زينب .هاي حبي الحليب 

.شكرا

جراح.. يله شربي وكومي نامي

شربت نصه خليته عالطبله ردت اكوم

وين رايحه

ارجع انام

كملي الحليب

ما اكدر

كملي

والله ما اكدر

كتلج كملي ولتعاندين .

زينب .كملي رهف وروحي نامي 

.ارجعت كعدت كملت الحليب اباوع عليه عيونه عليه كوه اشرب بس اريده يغير اتجاه عيونه ماكو

.هاي كملت الحليب هاك شوف اكوم هسه

لا

بعد شكو مو كملت الحليب

اصبري خلي يركد ابمعدتج وروحي انكلعي

.كعدت بالعشر دقايق 

وكمت طلعنه اني وزينب رجعنه الغرفتنه

تمددت بفراشي وبدت الافكار تاخذني وجيبني وغفيت واني افكر بكلام جراح الي وصحينه ع نفس الروتين اليومي 

بعد يومين رهف رهف ولج اصحي اصحي 

فزيت لان زينب خضتني خض 

وجع هاي اشبيج 

ولج كومي متعرفين صارت معجزه 

خير زينب شكو 

ولج جراح واول مره بحياته قبل ياخذنه سفر الشط العرب ال (كرمه علي ) مكان يجنن والكعده اتموت بي شي مينوصف الناس تصيد سمج وتشوي والبلامه والبط والنوارس الله بس كومي ياعوبه 

اي اي كايمه بس منو يروح ويانه 

الولد جراح وايوب ورضا واحمد اخوج وحسن وحسين واحنه البنات وامي وامج وبنات عمي ابو علاء ويمكن راح تجي ويانه الغثيثه ازهار

لان امي دزت عليها 

رهف ..اهووو اشتغلت رحمه الله لعد اني ماروح لان ماحب اشوفها 

دنجبي هو اصلا جراح ماقبل يروح اله من سمع الروحه بس النه والكم وبيت عمي ابوعلاء 

زينب ازهار شاده ويايه والطلعه حتصير لعبان نفس 

معليج بيها انتي ويايه 

كومي عاد لا اجيبلج جراح يشدج من شعرج 

احم كاعدات 

زينب ...اي جراح تعال ادخل 

رهف . لاولج شيدخل واني كافشه

زينب كليلها خل تستعجل ولاتلبس بنطرون 

سمعتي رهوف انه ماحجيت هو اجه البابج وكال خل تجي بس بدون بنطرون😊😊😊

كمت لبست عبايه من زينب 

طلعنه ثلاث سيارات 

بيت ابو علاء وايوب واهله واحنه بسياره جراح 

بس اني تيهت نظر جراح الي وما اصعدت بسيارته لان هو طلب من زينب اصعد اني وياه بس مصعدت 

وصعدت بسياره ايوب

وصلنه صدك المكان يجنن والعالم هواي بي 

وشكد كاعدين يصيدون 

كمنه فرشنه فراش جوه شجره حلو ظليه 

ورحت انزل الغراض ويه البنات 

شو تعاي 

حسيت واحد لزم زندي بقوه وسحبني امام السياره 

هاي اشبيك جراح 

انتي ليش مصعدتي بسيارتي 

ماريد سياره ايوب اريح الي ..وانت ليش تجي عليه اني حره وين اصعد 

لا مو حره اني كتلج انتي بشوري تمشين 

جراح ارجوك اعتقني مالك دخل بيه

وعفته اريد امشي وجان يعتني بقوه ارجعت المكاني 

لج اني كم مره كتلج لتجاهليني ليش تخليني اشوفج وجهي الثاني 

جراح عيب منا الناس كامت تباوع علينه 

هااا استحيتي من الناس هسه 

كافي عوفني 

تعاي ويايه 

خرب هد يدي ..

واخذني المكان بعيد عن اهلنه 

سمعي رهف اني ماركض وره وحده 

بس ما اسكت لليجاهل وجودي 

صدكي اسحكه الراسج بهذا.........واشر تكرمون ع الحذاء

لتخليني اتعامل وياج بحقاره 

كوني مطيعه انتي تربحين 

هاي شنو جراح عايفنه وجاي ويه ست الحسن اهنا 

وانتي شجابج ليش تمشين ورايه شنو الحارس مالتي لو ظلي وما ادري امشي رجعي المكانج ومالج علاقه ابوجودي 

وشدعواك صرت عصبي شنو غثتك الحلوه 

وضرب ازهار بكف اله طرش اذانها 

اااخ هيج جراح تضربني علمود وحده حقيره 

انجبي حسج ما اسمعه لا اجي اكسر رجلج بعد 

جراح اني خطيبتك وافرض تكون ويايه مو وياها 

لج لتخليني افقد اعصابي كدام العالم وشوفج مكانج صح 

شلونك شيخ جراح عاش من شافك 

ازهار ..ياعزه هذا ابن الشيخ اعكاب صدك مايستحي خل اروح الحك ع ايوب ورضا 

جراح .لك انت صدك واحد تافهه وماعندك ذره مستحه 

ازهار ..ولك ايوب ..رضا لحكوا جراح راح يتعارك ويه يعكوب ابن الشيخ عكاب

شنو منيلج هالحجي 

غير انه جنت يم جراح وسلم علينه واني جنت واكفه يم خطيبي 

ايوب .لك الحك هسه قامت حرب ابينهم اكيد 

طفرنه لكينه العالم ملتمه لم عليهم واحد ضارب الثاني 

رهف ..لج زينب ماعرف منو اجه ع اخوج جراح وتضاربوا 

منو رهف 

والله ما اعرف ..بس هو كال اسم يعكوب 

عزه بعيني هذا شجابه اليوم اهنا 

ليش منو هذا 

يمعوده ابن شيخ عكاب هو واخوي مثل الحيه والبطنج ع كاع ومجاي واحدهم يتنازل لثاني 

بس هو يعكوب مسوه شي مجرد سلم ع جراح واني وازهار واكفين نشهد ع هاي 

لا يلثوله هاي معناها عدنه احنه اهانه 

شلون فهميني 

احنه اشيوخ ..والشيخ مايطلع وي حرمه وبمكان عام عيب اذا راد يطلع كون الحرمه مكبعه ومحد يشوفها 

وهسه صارتله فرصه شاف جراح واكف يم بنات اثنين حسسه انت عايف المشيخه والسلف وجاي تتسامر وي النسوان 

رهف ..لا عزه لا حقه لعد جراح ضربه 

يمعوده بعد شراح يفضها السلف كله راح يكوم 

ع تك رجل 

ابوي وابو يعكوب مايسكتون 

لتخافين زنوبه الله كريم لابد تفض 

هاي جوي .....ركضنه عليهم 

ها فضت بشرني رضا انت ايوب 

اي زينب فضت 

اني ظليت بس اباوع ع جراح وهو الدنيا طافره من عينه والشرر يتطاير منه غادي اعصاب وبس يعيط وصوته عالي الصدك خفت منه 

بس عمه ابو علاء حجه وياه وهدءه بعدها الحمدلله

جنت كاعده وجاي اباوع شلون يحضرون التكه والمشويات

زينب ..هاج رهف سوي زلاطه 

اي جيبي 

ايوب ..تعاي رهف شوفي شلون اصيد السمج 

كمت وصلت توني وسمعت صوته بنبره قويه حاده 

رجعي المكانج ابساع 

باوعتله 

هذا شرايد مني ليش هيج يحجي ويايه

اووووف ياربي 

ارجعت المكاني وبدينه نحضر الاكل ونصبنه السفره 

ايوب ..كومي رهف اشبيج 

باوعت ع جراح خزرني بعيونه ...تعذرت من ايوب 

ما اكدر صابني دوار البحر 

تارا ..ايوب اني اجي اشوف شلون اصيد 

لا حبيبتي انتي صغيره تروحين توكعين 

لا اوكف يمك ما اتحرك 

يله تعاي 

اااااااي 🤗🤗🤗🤗🤗🤗

ازهار .اكلج انتي ليش جنتي يم جراح شرايده منه 

رهف ..اكلج ابتعدي عني ١٠٠ متر حالي حال صهريج التريله سريعه الاشتعال 

لاوالله خوفتيني عيوني احجي ليش جنتي يمه شعندج ويه خطيبي 

والله انتي مصدكه بحالج جراح خطيبج 

والله عزيزتي هذك خطيبج روحي اله وسئلي ليش جاي واكف يحجي ويايه يمكن هو يكلج السبب من رخصتج 

بسيطه رهف اني الج لشوفج منو ازهار بسيطه 

كعدنه كلنه جميع عالسفره شوينه السمج الصاده ايوب 

صرت مقابيل جراح بالضبط 

ابو علاء شو ماحاسبين مكان الي يا اوادم 

لا العفوا عمي تعال اكعد ابمكاني 

لا عمي جراح خليك 

لا والعباس مايصير انه اكف وانت تكعد 

تسلم حبيبي ابو الكرم 

تفضل عمي تفضل 

اني مهتميت من كام لان شيخصني هو الي انطه مكانه 

شو اجه ع صفحتي وكوم تارا بنت عمه وكعدها بحضنه هي صغيره بس المشكله مو بتارا المشكله بيه اني

لان صار لزك كاعد يمي رجله طخت برجلي حركته كلها احس بيها واشوف عيون ازهار تجدح نار وشرار بس تريد تاكلني بدل السمج والله 

اني اكل بس بطيىء وكل اشويه اشوف قطعه مال لحم او سمج ابماعوني 

ويهمس بصوت ناصي

اكلي حتى تسمنين ماحب الضعاف 

واني كل اشويه غاصه بالكمه 

تارا .عمو اني اريد مو بس تنطي الرهف 

جراح .خرب شرفج فضحتينه يبنت ابوج هاج اكلي وسدي حلكج ولا تحجين بعد فوك ما كاعده بحضني 

رهف .اني خربت ضحك ع تارا من صدك فضحتنه وشكد استحيت لان الكل ضحك ع كلامها 

وفعلا كان يوم يجنن احلى من الخيال صدك اتونست وفرحت 

زينب ..اكلج جراح يكول برجعه اني وانتي نرجع وياه بالسياره 

لا زينب عفيه اعفيني اني 

اكلج هو جراح كالي اريدج انتي ورهف تردون وياي انه شكو 

زينب جراح ماعرف شرايد مني واني اجنبه ماريد احتك بزهار 

ماعليج منها هاي اشبيج اكلج ازهار ماتكدر تسويلج شي 

خلنه نروح والله كريم 

بدينه نلم الغراض لان غربت الدنيا شفت جراح واكف رحت اله 

جراح انت شرايد مني ماريد اصعد وياك بالسياره 

مو ابكيفج تصعدين وسكتين واني كتلج من الاول الشي البراسي يكون بس الي 

عفته ومشيت هذا اشبي خاف عباله اني معجبه

ميدري كارهته كره العمه صدك مغرور ابحاله 

صعدت بسيارته اني وزينب وعمه ابو علاء ورباب والحجيه بيبيتهم 

ازهار .اني اريد اصعد 

جراح ..روحي ويه ايوب مالج مكان اهنا 

ليش رهف متروح بسيارته هي مو جتي وياه غير ترجع وياه 

اني شكتلج مو بكيفج انتي روحي عن وجهي 

اي اي لتعيط 

اشوفه بالمرايه يباوع عيونه احس بيها كلام 

جان يشغل اغنيه عراقيه قديمه 

فاضل عواد ..اسمها يالجمالك سومري وعيونك بابليه 

يضحك وعيونه عليه 

الصدك اني هم حبيت الاغنيه حيل 

وصلنه للبيت والكل دخل غرفته يرتاح 

ومر ع وجودنه ابيت ابو جراح ١٥ يوم بعد السقوط ظلينه اربعه ايام لخ

اخر شي ابو علاء كال راح نرجع لبيوتنه

اني ما صدكت راح ارجع البيتنه الحياتنه المدرستي وحياتي اهنا ماشفت الراحه صح ماكو حرب بس اكو ناس داخله وناس طالعه كعدتج كلامج وكفتج لبسج اكلج كله مراقب و كله خوف صارت ابسبب جراح راح اخلص منه وبعد ما اشوفه وميتحكم بيه ولا بلبسي ولا بالناس التعجبني احجي وياها اوووف الحمدلله

عدت الايام وراح نرجع الباجر

عده هذا اليوم ع خير ماشفت جراح ابد بس التقيت ويه رضا وايوب كعدت مع البنات انطني تذكار حتى اذكرهم

بس ازهار حتى ما جتي تودعني ولا كالت كلمه

يمكن حاقده عليه حيل من هذك اليوم من

جراح شغل سيارته وطلع بيه وما اخذها الها هي متدري اني اموت منه ومن تصرفاته ويايه وماحب حتى اشوفه

.

لميت غراضي وغراض اخويه وامي وكلنه استعداد للرجعه البغداد باجر

ابو علاء كال نطلع الصبح غباشي حدود الخمسه حتى نوصل شويه اوكت

صار اليل سلمت عالجميع بوستهم اني حبيت الناس الموجوده كلها 

بس جراح ماحبيته لان اذاني حيل مكدرت اتقبله يمكن لو محترمني ومعاملني بطيب يمكن اجرعه بس هو ابد مجان طيب ويايه

احمدت ربي لان اليوم ماشفته ابد وباجر اطلع هم ما اشوفه الللللللللله

خطيه البنات بجن لان حنروح 

رضا ودعني وتمنالي الخير 

ايوب دمعت عينه ونطاني شي ملفوف بوصه وكلي لتفتحيها من توصلين البغداد وبيتج فتحيها 

وجر يدي باسها..... اني خجلت لان تصرف فاجئني صراحه 

اني فعلا سعيده هسه فتت للغرفه حتى انام مكدرت بس اتكلب ماعرف ليش 

صارت ساعه ٢ انفتحت الباب سويت حالي نايمه رهف رهف كومي

ها زينب خير اكو شي

اي جراح يريدج

شنو هذا اشايف حاله كليله متجي لان الباجر عدها كعده من الصبح

.

راحت وشويه ورجعت

رهف يكول اذاما اجيتي بالتراضي اجي اسحلج من الفراش

.وخرت الغطه عفيه هذا اخوج شرايد مني 

متكلليلي شنو قابل اني زوجته حتى يصيحلي

.زينب ياريت تكونين

.رهف لا عيني لا اني ما اتحمل جراح واصلا ما احبه اني ماحب هيج شخصيه

.

زينب دطيري البنات اموتات حالهن عليه بس هو معاجبته ولا وحده

.

وسمعنه اتحمحم احم 

.زينب لج دكومي هذا صوت جراح

.كمت كوه ماريد اشوفه ولا اريد اذكر شكله طلعت

هم رحنه الغرفته فتنه جان واكف اشو هذا كبل طلع زينب وسد الباب

اني نداريت اريد اطلع جرني من زندي طبك صدري ع صدره 

دفعته بيدي انت شتريد ليش خليت زينب تطلع

.

لتخافين اني اريد منج جواب وبعدها افتح الباب وطلعي اذا ماعجبج

.تقرب عليه

لتتقرب

هو يجي بتجاهي

واني ارجع للخلف اله انصدم ظهري بالحايط

قرب وجهه صار ابركبتي

وفزينه اثنينه من فتحه الباب ختلني وره ظهره

ها زينب شكو

.الحك ابوي سئلني عليك هسه.

شرايد

ماعرف

تعاي اخذي رهف ورجعوا للغرفه ولا تطلعون منها

.وانتي الباجر حاولي تاخريهم ولا تطلعون غباشي لان عندي كلام وياج قبل لا ترحين زين

.احجي افتهمتي

.رهف اي فهمت

.طلعنه بالبوكه من غرفته ورحنه نتراكض الغرفه الجده اني كلبي احسه صار يدك الف لان شفنه ابوه وامه كاعدين 

.زينب حبي رهوف عود سوي مثل ماكلج جراح فدوه لا تمشين اله تسمعيه 

.ميخالف

.اكلج عود صحيني من تصحون حتى احضرلكم لكمه

.اي هي تحجي وجان تغفه من التعب اني طارت نومه عيني للفجر ساعه اربعه واني منايمه بس اريد اطلع ماريد التقي بجراح مره ثانيه لان كلشي اتوقع منه يمكن يقنع امي ابقه يمهم او يطلع سالفه ابحجه بغداد مو زينه واني بس اريد ارجع البيتنه كمت ع كيفي حسست امي اشرتلها بهدوء نطلع

دخلنه لديوان صحيت ام علاء وكتلها خاله صحيهم ابهدوء خطيه منريد نفزز اهل البيت وفعلا صحينه كلنه بدلنه بهدوء و.....

الفصل الخامس من هنا