رواية لأني عاقر الفصل الرابع بقلم مريم خفاجة
كل يوم هادئ يمر
أحمد رب العالمين
مرات الروتين المُمل ، الأيام المُتشابهه ، النوم براحة هاي الأمور ممكن تكون نعمة ؏ بشر كلشي يمر بحياتنة هو نعمة
بس دائماً يگولون بعد كُل هدوء عاصفة
يمكن تنگلب حياتنا بسبب موقف زغير
او بسبب شخص
او بسبب مرض؟!.....
وردة:-عمة خلي ملاك يمي تساعدني بالتعزيل والله ضهري راح ينگطم وذني الچلبات ولا وحدة تقبل تساعدني
أيمان:-يلا يمة ضلي يمها بس مو تتأخرين
ملاك:-لا ما اتأخر
راحت امي واني
أخذت كارتونة المزهريات وهي تصعد بالغراض لفوك
ملاك:-ورررردة ذني وين اخليهن؟
وردة:-حسب ذوقج حياتي اي مكان يلوگلهن خلي
ملاك:-ماشي
جاي ارتب سمعت صوتة:-هله هاي ملاك هنا
ملاك:-اي دا ارتب ويا وردة
كمال:-شلونج؟
ملاك:-الحمد لله
ابتسملي رديتلة الأبتسامة ودنگت:-حلو مكانه هنا؟
كمال:-كلشي بي لمستج معناه حلو
ضحكت وضميت شفايفي:-شُكراً
كمال:-شعجب خلتج أمج؟
واني ارتب بالتحفيات دايرة وجهي عنه گتلة:-وردة گلتلها وقبلت وهم هسه شوية واروح ما اتأخر بس ارتب الصالة
همهم بخفة وسكت:-الطبلة ليش دتهتز؟ مجاي تثبت
كمال:-شوية
ابتعدت عنه وهو كنبص يريد يثبتها:-تعاي لزميها من هاي الجهة
كعدت گبالة لازمة رجل منها وهو يدك بالجاكوج ؏ الجهة الثانية وخر عن الطبلة وصفن بوجهي:-أكلج
رفعت راسي علي:-هاا؟
حجة بخفوت:-خلي نصير اصدقاء؟
عكدت حواجبي وجاوبتة:-شنو اصدقاء؟
كمال:-يعني تصير علاقتنة مثل الاصدقاء نضحك نسولف
ملاك:-لا اكيد انتَ ابن خالي وبس
كمال:-ما شايف هيج خشم يابس
ملاك:-همم كمل كمل
كلب وجهه ورجع يدك نزلت ورد من الدرج
وردة:-عااا طيور الحب مجتمعين
كمال:-نعل
درت وحهي عليها وخزرتها دومها تجفص هاي البنية:-شو شدتسوون عيني
ملاك:-تعاي لزمي تعاي اريد اگوم
كمال:-متضايقة الأخت
ملاك:-رجلية توجعني
وخرت وكعدت بمكاني وردة رحت شربت مي طبت خالتي:-ها ملاك شعجب ضليتي
ملاك:-ههههه اليوم كلها تكلي شعجب
ام كمال:-ههه اي والله مستغربين
ملاك:-دا اساعدكم بما انو صرتو جيرانة
ام كمال:-مشكورة يمة انطيني مية وياج
نطيتها ورجعت وردة وكمال يتعاركون:-ها صارت
وردة:-ميعرف يدك شكد فاهي
كمال:-تسكتين لا بالجاكوج تعااي ملاك بمكانها
ملاك:-هاي كله علمود طبلة وخرو وخرو
اخذت قطعة صغيرة من الكارتونه وحطيتها جوة الطبلة توازنت:-ها أها شيرادلها
كمال:-ام بيت ترحيلها فدوة
وردة:-انجب!
كمال:-هاي عليمن ولج
ركضت وركض وراها ضحكت وعزلت ويا خالتي
صار المغرب واني ملتهية
اخذت عبايتي وطلعت للصالة:-يلا خالة راح اروح خاف ابوية يبقة يصيح
ام كمال:-براحتج خالة تعبناج مشكورة
ملاك:-لاتدللون
وردة:-وييييين ويييين للعشة ضلي هو صار المغرب
ملاك:-لا لا ابوية يموتني غير
وردة:-حبابة فدوووة كممممماااال
كمال:-ها
وردة:-ملاك تريد تروح
كمال:-وين ضلي للعشة؟
ملاك:-لا أبوية ميقبل والله وحتى طلعت وهو نايم من ال2 لسة عدكم وهو ميقبل نتأخر
كمال:-هذا هو براحتج لعد خلي اجي وياج
ملاك:-لا مالة داعي اني اروح
كمال:-لا مغرب وتطلعين وحدج ميصير
لبس واجة وياية
واحنه دنتمشى سألني:-بعد شگد وتتخرجين من المدرسة؟
ملاك:-بعد سادس
كمال:-هسه انتي نجحتي للخامس مو؟
ملاك:-اي
كمال:-تكملين؟
ملاك:-ما أدري
هز راسة و وصلنة:-شُكراً تعبتك
كمال:-لا يابة ممنونين منج
بعدني اريد ارد طلع أبوية من الباب رفع حواجبة متعجب:-وين چنتي ولج؟
كمال:-السلام عليكم
باوعلة من فوك لجوة ومارد علي:-جاي اسألج جاوبيني
ملاك:-بابا جنت دا ارتب وياهم البيت
لزمني من زندي:-وانتي شنو خدامه عدهمممم؟
ملاك:-لا لا بس افهمك خلي ندخل جوة
سحبني من ايدي باوعت لكمال وهو عاگد حاجبة
دفعني لجوة واني ابلع ريگي بفشلة:-يابة والل.....
شالني من شعري لفوك صرت بمستواه
علاء:-وانتي شنوووو خدامممممممة؟؟؟؟ لكمال ابن ال.....
ملاك:-عليك النبي ااااخ والله بعد ماروح عليك الله
طاحلي دك واني حاطة ايدي ؏ حلكي حتى ماصيح بس دموعي تجري
وأمي الي تريد توخرني عنه
صرت ابجي واناشغ بصوت عالي
اندفر الباب ودخل كمال ولزم ابوية من
ياختة
وركعة بوكسي ؏ وجهه وگع ابوية بالكاع ورجع وگف
علاء:-تمد ايدك علييهههه ابن الكلببب
راد يضربة لزم ايدة كمال ولواها ورة ضهرة
وكال:-اراويك جهنم الحمممممررررة
بعد اذا مديت ايدك عليها گـ***
وشمرة وگع ؏ حديقة اجت امي تركض تريد تشيلني جرني كمال من ايدي احسها نخلعت...
كمال:-وانتي يـ عمة واكفة تباوعين والله صارت زحمة من صيحتي چان خليتي يموتها وصيحي يبو گومييي
انتي
لزمني وفتح الباب وطلعني وياه صاحت امي وراه:-ويييين ماخذذذها وين
ما جاوبها واسمع صوت ابوية يصيح
فكري صار كلة يم امي:-كمال وخر رجعنييي امي هسه يكتلها
كمال:-ما يسويلها شي امشي مالج دخل
مشيت واني مبندة من البجي وصلنة لبيتهم فتحلي الباب ودخلني للبيت
جانت خالتي كاعدة تسبح رفعت راسها علينه وفتحت عيونها بصدمة:-شبيها ملاك؟
كمال:-كتلها النگس
صرت ابجي بالزايد طلعت وردة صاحت:-ياااااا ملاااااك
اجت ركض وحضنتني:-كتلج مووو
هزيت راسي واني بحضنها:-اششش لاتبجين حياتي كسر بأيدة ان شاء الله
عاطت بيها امها:-ورررردة لاتدعين ؏ رجال
باوعت ؏ خالتي ومشيت ويا وردة واني الم بعباتي:-اگعدي أگعدي خلي اجيبلج مي
راحت جابتلي ماي شربتة وبقيت مدنكة ودموعي تصب:-كافي يروحي والله ميستاهل دموعج
ملاك:-لج هسه تطيح البلشة بأمي
وردة:-لا ميسويلها شي كمال شسوة؟
ملاك:-ضربة
وردة:-بلكي تكسر وميگوم بعد ولا يمد ايدة عليجن
ملاك:-خايفة
شبگتني وكالت:-لا تخافين احنة وياج
مسحت دموعي ونزعت عبايتي:-ههههاي مقسوملج تتعشين يمنة
ملاك:-هاي كاتلتج الغسل
وردة:-خلي اسوي العشة وأجي اذا تحبين تگومين يمي
گمت وياها بدون صوت ضليت گاعدة ؏ كرسي وهي تطبخ وتغني وتتمرگص گبالي
دخل كمال ردت اطب جوة الميز:-شجاي تسوين
وردة:-اطبخ
كمال:-والله ماشوفج تطبخين عليمن ترگصين عرس اكو
وردة:-اييييي عن قريب واحد عزيز ؏ گلبي يتززوووج
سحب كرسي كبالي وكعد:-ياهو هذا بلا
وردة:-أنتَ حبيبي
ذب نفس واستغفر:-حجي ماصخ لتحجين
ضحكت بصوت عالي وهي تباوعلي وتضحك
كمال:-خو ما متأذية ملاك؟
ملاك:-لا مابية شي
كمال:-باتي هنا اليوم
ملاك:-لا ما أگدر
كمال:-مو بكيفج مساع حاجيت امج وكالت خليها
ملاك:-وين شفت أمي؟
كمال:-مساع اجت كالت خليها يمكم ابوها متحلف بيها
ملاك:-خو ما سوالها شي؟
رفع عيونة علية ونزلهن عرفت صاير شي
بلعت ريگي
وبقيت مدنگة العب بأضافري واكسر بيهن
صار العشة
رتبت السفرة ويا وردة وگعدت يمهم
مستحية حيييللل گوة آكل وعيوني مارفعها
كمال وأمة گبالي و وردة بصفي حاطة عكسها
؏ رجلي وتاكل واني اكل ؏ كيفي
وشفايفي ترجف من الخوف
خلصنة العشة
وگمت ساعدتهم
اخذتني وردة وصعدنة فوك
ملاك:-وردَ گولي لكمال يرجعني والله راح اموت
وردة:-أكيد ميقبل بعدين أمج موصيتة!
ملاك:-احسة جذب أمي اكيد متجي لهنا
وردة:-ما ادري والله ضلي بس هاليلة
ملاك:-خايفة حيل
وردة:-لاتخافين تعاي
فتحتلي أيدها ابتسمت وحضنتني حيل:-أعتبريني مثل أختج
ملاك:-ما يحتاج أعتبرچ
ضحكت حيل وضلت شابگتني
گمنة فرشنة فراشات وهيه نزلت من جربايتها
ونامت يمي بالگاع
غفيت غفوة قلق وخوف وتعب
لأول مرة انام بدون أمي رغم اروح لبيت جدي
وانام وحدي بس مو بعيدة عني هالگد
گعدت ؏ ضوة بعيني
فتحتهم الدنيا ليل بعدها بس الضوة جاي من الباب
وباب الغرفة مفتوح..
گمت أريد اسدة سمعت صوت:-ردي نامي
التفتتلة كمال مدنك ؏ وردة ويحجي وياها ورجع
رفع راسة علية وأبتسم:-نامي انه طالع
رديت نمت وغطيت راسي كلة ماگعدت لوجهه الصبح.. طگيت أصابعي ومطيت جسمي
همزين اليوم سبت وماعندي دوام
گمت وبالي مشوش بالصار أمس
التفتت ؏ ورد جانت بعدهي نايمة اخذت عبايتي
وحجابي ونزلت
كمال وأمة يتريگون:-صباح الخير
ردو عليه بأبتسامة گامت خالتي تريد تسويلي
ريوك:-لا خالة ميحتاج اريد ارجع للبيت
التفت كمال:-يا بيت؟
ملاك:-بيتنه؟
كمال:-خلي تهدئ الأوضاع وروحي
ملاك:-لا لا هسه اروح
سكت وما علق على كلامي
ردت خالتي:-تريگي حبيبتي تريگي ورحي
ملاك:-تمام اني اسوي لاتعبين نفسج
اخذت من ايدها وسويت لنفسي ريوك
وگعدت كبال كمال اكل
رفعت عيوني علي وهو يخوط بالجاي ويباوعلي
ابتسم
توترت رجعت نزلت عيني
رجف جسمي واني احسة يباوعلي
وگعت الخبزة من ايدي بالگاع
نزلت شلتها ورفعت راسي نرگع بالميز:-آيي
غمضت عيني طيح الله حضج يملاك فاهية
مطي
باوعتله ما مهتم بعدة يباوعلي
همس بصوت ناصي وهو عينه بعيني:-شحلاتج
دنگت وبلعت ريگي
لملمت الغراض ولبست وطلعت هو راح قبلي
امشي ورجلية وحدة تطك بالثانية
وجسمي من الخوف مــات
وصلت للبيت خليت ايدي ؏ يدة الباب بلعت ريگي وطبيت ؏ كيف عضيت شفتي حيل ودخلت للمطبخ واتهستر بشوفته گاعد يتريك ويا بناته ومرتة
رفع عيونة الدايرر مدايرها ازرك من ضرب امس دك ايده ؏ ميز:-شعندددج هناااا
نزلن دموعي:-والله...
بعدني اريد اسولف رگع كلاص الجاي
وتأذة زندي والگزاز صار طشار
لزمت ايدي حيل وضليت اشهك گام بساع ويريد
يلزمني من الخوف شسوي؟!
ركضت بسرعة واريد اشرد بالشارع بس لزمني
ورگع راسي بالباب الحديده:-تردددددينننن ترححححينننن لأبن الگوووواد مووووووووو
ملاك:-لا لا والله ماروح بعد
لزم ايدي ولواها صرخت بصوت عالي:-ااااااااااخ
علاء:-اليوم اراويج منو علاء
جانت عدنه شجرة جبيرة كلش
كاصيها ؏ نص وطالعة اغصانة شمرني عليها
خدودي تزلغت وجرة الدم بس مصدر هذا الدم منين؟ من راسي؟ لو عيوني؟ لو خدودي؟ لو حلگي؟ لو دموع ؏ هيئة دم؟
عياطي يزود ماينقص واني اشوفة يتفنن
امي وين؟ خواتي اخوية؟ محد محد موجود بس انا الأعاني وحدي
بس مجنت وحدي جان غيري يتلاوة من الألم ومابيدة شي
جان غيري يسمع صياحي ودموعة وجروحة يجرن سوة
رابط عبايتي بيدي وسحلني للبيت ويمشي بية للطوابق الفوك صعدنة لآخر طابق بالسحل رجلية تشخطت وكلشي بية تشخط حتى گلبي..
وفتح الباب
معقولة ابوية داعشي؟ او لا لا الداعشي ميضر أهلة يضر غيرة ابوية ياترى من اي صنف واي نوع من الأنواع
ارهابي؟ سفاح؟ داعشي؟ شنو اوصفة
كلمة "مجرم" ما توصفة
كل وحدة مربوطة بجهه
وكل وحدة دمها شكل
وكل وحدة جرحها شكل
؏ ايش مندري؟
گتلكم ؏ ابسط شي ننضرب حتى لو كان هالشيء تافهه ماله معنى يطلع الحركة الي بداخلة شنو هاي الحرگة؟ ممعقولة حرگة الحب بعدها؟ اي معقولة ليش لا
بجيت وصار مصيري مثلهن بالربط
بس الفرق اني ممربط حلگي عافني وراح يمكن نسى اكو جزء مفقود
بجيت، صرخت، شهگت، متت بسكوت واني اصارع الموت
ملاك:-يممممممممة
فاقدة جانت وما بيدها شي تفتح عيونها شوية وتسدهن اروح منا وأجي منا اريد اخلص روحي من هالقيود
بسنوني و وخرت العباية عني بصعوبة
سحولت نفسي تسحول بس كون اوصل صحت بصوت ناصي:-يمة بس باوعيلي
ماردت علي گعدت افتح الشال الي رابطها بي
ملاك:-گومي تسمعيني يممممه
أيمان:-أي
حجت متقطع وسكتت فتحت خواتي و گعن بالگاع وهنه يوم كامل بدون مي، بدون اكل، بدون غطة يدفيهن
بقيت اجيب منا وأودي منا
واكوم بخواتي واني محد يعيني رغم آلالمي بس ألمهن اقوة لان الصار كلة بسببي وهذا عن لسان ريم...
ريم:-كله بسببج يا حقيرة انانية رحتتييي الهممم ليششش
بجيت حيل واجت دفعتني و وگعت ؏ حضن امي
وضلت تبجي وامي تشهك بسكوت
اي احنا ضعفاء
منگدر نقاومة منگدر نحجي او نضرب او نسوي شي خوفاً علينة احنه نخاف ؏ انفسنة من جلاد ضلام حسبي الله بيه
ولليل وصار البرد يعج بالكون واحنه لا اكل ولا شرب زين من تريگت هناك
متغطين بعباتي وفوگاها الشالات الي ربطهن بيهن وفوك هذا ادين امي اللي لامتنه وهي ممتغطية حجتها:-لابسة هدوم هواي
وهي شفايفها ترجف من البرد
اني لافة روحي بشال وملك بشال وريم بشال وفوگاهن العباية
ومع ذلك نرجف
جانت باردة حييل نهاية شهر 12 احنه مُقبلين ؏ سنة جديدة
و ورا يومين مجمعين الأكل الي يصعدة جاسر او نجلاء وگاعدين ناكل منعرف الساعة بيش اصلا لا صلاة نصلي ولا شيي
ونسمع اصوات الصعاديات ترتفع ضحكنه كلنة بضحكة ممزوجة بالدمع
ريم:-خوش راس سنة ها؟ ههههههه
ملك:-يگولون البدايات اللي تكون بيها الم نهايتها سعادة
ملاك:-نعال احنه نبدي السنة بألم ونهيها بألم ليش العام شسووة؟ مو حبسنة بالحمام؟
أيمان:-كافي أمي تفكرن مو زين عليجن
ضحكنه كلنة
ملك:-حلوووة هاي والله شنو الموزين
هو كل شي مو زين صار بينة أمي لخاطر ربج الحلو
سكتت امي ؏ مدار ذني اليومين ساكته مهمومة وتفكر شلون نعيش ولو هيه ماكو عيشة
واحنه نسمع الباب تندك كل مرة وتتكسر ومحد يفتح الباب وجان گلبي حاس هذا كمال او بيت جدي
ورة أيام گدرنة نطلع
هو هذا بس يطلع حرگتة ويحبسنة وميشوف
وجهنه أيام نوب يطلعنه اللذة وين؟ مندري
گعدت اصفط بملابسي صفنت صار اسبوع ممداومة
ملاك:-ماما
أيمان:-ها أمي؟
ملاك:-دوامي؟
أيمان:-شلون بلا نسيت خواتج شلون
ملاك:-ماما هنه أبتدائية وملك اصلاً عدهم اضراب بالمتوسطة اني شلون ست لقاء من الأساس متعادية وياي يگول بايكة رجلها
أيمان:-روحي انتِ وجاسر لبيت صديقتج الي بصف بيت ام كمال بس مو ترحيلهم والله اگطعج
ملاك:-لا بس شوكت
أيمان:-هسه شوية خلي ابوج ينام
هزيت راسي وكملت اصفط نزلت هيه
ابوية متعود ينام الضهر للعصر يگعد يروح للمحل
صعدتلي گالت نايم
انتضرت لل3 ونص ولبست ورحت
مابينهم شي هي وبيت مرت خالي يعني
بيت بصف بيت
دگيت الباب وطلعتلي البنية سلمت عليها
ودخلت لجوة گالت دخلي هسه انطيج الدروس
دخلت للصالة واتفاجئ بوردة مدنگة تدرس ويا بتهم هم صديقتها رفعت راسها وعاطت:-يااااااا ملاااااااك
خزرتها تنصي صوتها اجتني تركض
باستني وشبگتني:-ولج جلبة شبيج تصيحين كاعدة ببيت الخلفوج
وردة:-ميانة بيناتنه حُبي، شلونج مشتاقتلج حقيرة سايبة شگد دگينة الباب ومافتحتوا وين جنتو
ملاك:-؏ كيفج لاتغصين
وردة:-احجيلي يلا
تخصرت گبالي ومنتضرتني احجي
تذكرت الحجة الكالتها الي امي حتى نضيع
السالفة وأبتسمت:-جنه ببيت عمتي متخربطة
وردة:-اهااا خطية، ادخلي ادخلي متكومين ولج وجهه القندرة تنطيها ماي
ذرة احترام وردة ماعدها البنية فالتة من الأخير
گعدت وجابتلي مي وحطتة گدامي
واجتي صديقتي كعدت بصفي وانطتني الدروس
وكمنة اني و وردة نريد نرجع
سولفنة بالحديقة شوية و وگفنة بالباب اندك الجرس
مال بيتهم بعدنة شوية وهي فتحت الباب
واجت دخلت:-هذا اخوج المصكصك كمال
وردة:-ها شو
وخرت شوية وطلعتلة وتخصرت:-ها كمولي
كمال:-يلا ما خلصتي؟
وردة:-اي يلا، هاي طيبة تكول عنك مصكصك هههههههه
گامت تلطم طيبة وتزلخ بخدودها وتحجي بصوت ناصي: -صخاااام بوجهج اني اعلمج اريد اشوف ياهو اليدخلج للبيت بعد ويدرسج الله ياخذج لسانهاااا متعرف تلزمة
جنت لابدة ورا الباب واضحك مدت راسها وردة وگالتلي:-تعاي ولج ملاك شني تستحين من كماااال
ضليت ادك والطم وطيبة تعض بأصبعها
كمال:-خلي تطلع ملاك ناخذها ويانه
وردة:-اي يلا تعالي هو احنه اصلا نريد نطلع
اليطخني ابجي من وراها
طلعت بخجل ورفعت عيوني:-شلونك كمال؟
ابتسم تك خد وكال:-هلا والله شخبارج
دنكت راسي وكلت واني لازمة عبايتي:-الحمدلله
كمال:-وينكم شو ماكو؟
ملاك:-ببيت عمتي
كمال:-ها
هزيت راسي واني مدنگة وأحجي
سلمت علية ورد ودخلت لبيتهم وهو اتمشى
وياي همست:-لاتوصلني للبيت كلش بالفرع وروح خاف ابوية يطلع
كمال:-وأذا طلع شنو خايف منه؟
ملاك:-انتَ متخاف منة اني اخاف
كمال:-قوي گلبج
ملاك:-ميحتاج يبقة أبوية وهذا كلة لأن يخاف علية
ضحك:-شنو من خوف هذا غير شكل
باوعتلة بتك عين وهو ورث الجگارة وباوعلي
وصلنة لراس الفرع و وگف واني مشيت بسرعة
وصلت لباب البيت وباوعتله بعدة واگف ابتسملي
وأشرلي باي أشرتلة وراح
دخلت بساع بساع نزعت عبايتي بالحديقة
وحطيتها ؏ حبل ودخلت جوة لكيتة بالصالة
گلبي وگف
علاء:-وين جنتي؟
ملاك:-غسلت الحمامات البرة
خزرني ودار وجهه للأخبار
رحت لامي:-يُمة راح انام هسه كعدني ويا العشة فدوة حتى ابقة ادرس للصبح
أيمان:-روحي ماما لتهتمين بس اقري
بستها ورحت لغرفتها طفيت الضوة و فتحت
الصوبة وتدثرت ونمت
نومة تخبل وعلى ريحة نضافة أمي
ودي ماگوم
بس شوية وكعدتني امي تعشيت
وصعدت فوك بالصالة فرشت كتبي بالگاع
وضليت اقرة بديتها من الاسلامية وختمتها بالرياضيات
جانت اكو هواي اشياء صعبة
بس احاول افتهمها بصعوبة لو احفضها حفظ
سبع كلاصات جاي شربت وضليت للصبح
گعدت اخواتي سويتلهم ريوك
وانطيتهم فلوس وراحو
ورجعت اقرة للتسعة الصبح ونمت گلت ؏ اقل
ساعتين
وصدك كعدت تريد ادك ال12 بدلت بسرعة
ورحت للمدرسة اروح منا وأجي منا من النعس
امتحنت الأمتحانات المتراكمة علية ورجعت رأسا نمت وهيج مرت الأيام ملتهية بدراستي وبيت خالتي ام كمال ما أوصلة ونسوي كلشي يگولة حتى مننضرب
وبيوم من الأيام
وهو اليوم الي گلب حياتي رأسا ؏ عقب
صرت اتخذ قرارات عشوائية حتى اخلص نفسي
من شي وأوكع بشي ثاني
يعني من الأسوء..
للأسوء
جنة كاعدين وأمي يمنه
نتريك الصبح انفتح الباب وشفناه ابوية
زحفت ريم ورا ضهري
علاء:-گومي أيمان احاجيج
گامت وهو يباوعلي الي بالذات وعيونه شرار
دنگت راسي وبلعت ريگي
طلعت وراه واحنه ساكتين
وحدة تباوع لوجهه الثانية
شوية وصوت أمي مختفي
رجعت فتحت الباب خدها احمر
وعيونها دم
كمزنه ثلاثتنه لزمنه ايدها:-شبيج يمة؟
أيمان:-مابية شي حبيباتي
شبگتنه وباست روسنه باوعتلي وهي دموعها
تمشي ؏ خدها كتلها:-يمة شبيج اكو شي؟
أيمان:-ماكو شي يمة تعالن ننزل نضف العصر يجون خطار
ملك:-منو؟
أيمان:-بعدين تعرفن يلا
نزلنه و وجوهنه تتلاطم
اخذت ماسحة وامي كالت روحي للاستقبال
وملك ويا امي
نضفت وخلصت وگعدت امسح بالطبلات
دخلت ملك كعدت ؏ تخم
مرتبكة
ملاك:-ماعرفتي منو راح يجي؟
بلعت ريك وكالت:-لا
فكرت يمكن ام كمال لان امي تضوج منها
سكتت وكملت تنضيفي ورحت لأمي
ماعجبني شكلهم كلهم سألت ردت محد ردت عليه
اتغدينه وخلصنه
وابوية صاح بأمي:-يلا شوفي شغلج
ملك كمزت اخذت الأماعين ودتهن للمطبخ تغسلهن
وامي اخذتني للحمام:-شنو يمة شبيج ترة والله كلبي يوجعني شكو
مسحت خشمها وهمست صوتها مبحوح:-غسلي وجهج يمة وفرجي وتعاي وراي للغرفة
جسمي يرجف گام غسلت شون ماجان
وطبيت وراها اخذتني من ايدي وشبكتني
وباست راسي:-ماما ملوك
باوعتلها خايفة:-ها
أيمان:-جايين خطابة الج
ملاك:-شنو خطابة؟ يمة شبيج
أيمان:-عجزت والله عجزت أكول لأبوج والله مو بيدي شي واخلصج والله
غطت وجهه بأديها وگامت تشهك
واني صافنة:-يمة شجاي تكولين ماريد ازوج
أيمان:-مو بيدي مو بيدي يالله ياربي اخذ عمري وخلصني تعبت تعبت جاي اتدمر ياللهي
شهگت ودموعي تجري:-يمة بعدني زغيرة عليج الله عليج النبي قنعي أبوية اريد اضل يمج ماريد ازوج ماريد حبابة
هزت راسها بنفي وتشهك وياي:-والله قنعته ضربني ولوة أيدي ولج يگلي اذبها بالشارع اذا رفضت هذا انطيها بدون مهر اغصبها غصب
ملاك:-حبابة يمممة حبباااابة
زادت بنواعيها واني وياها كاعدة ؏ ركبي
وابوس بأديها واحرمصلها
انفتح لباب تراجعت ليورا واني اشوفة هو
دخل
حجت بكلمات متقطعة:-حباب يابة عليك النبي ماريد ازوج
اتقدم واني ارجع لورا لحد ماطخيت بالجرباية
شالني من شعري صرت بمستواه:-ااااااااخ
أيمان:-لا علاء لا عوووووفهااا عوووفها اني اقنعها
دفع امي واني ذبني بالگاع واشاهك وابجي ميته
لو يكلي ادفنج انتي وعدلة بالكاع ولا يزوجني
علاء:-شوفي وحق من انزل القرآن وحق هو النبي الحلفتي بي اليوم ازوجج ازوجج لو مو ترفضين لو تحرگين روحج لو ازوجج وحدة من ذني الثنين
ملاك:-أحرگني أحرگني ولا تزوجني ابوس ايدك خليني خدامة الك ولمرتك ولاتزوجني بداعة جهالك بداعة جاسر وبناتك يابة ابوس رجلك عليك الله
كفر وكام يكسر بالغراض وامي شابگتني
وتصيح:-روووووحححححح انييييي اقنعهههههااااا ولكككك رووووح الله ينتقم منك يانگسس
صاح نجلاء اجت تركض وبيدها
جنطة مال مكياج
أيمان:-وخرووو متلزززمووون بنتي وخرررري
نجلاء:-علاااااءءءء تعال هاي ماترضة
اجة سحب امي وهي تقاتل في سبيل ماتخلي
يوصلي رجع النه وكال لنجلاء:-شوفي شغلج
نجلاء:-دلل حياتي بس اقفل الباب لاتجينه هاي الثورة
طلع وققل الباب اجتي يمي
دفعتها وضربتها بالعطر رأسا صاحت
ورجع فتح الباب وگعدني ؏ كرسي غصب واني اصيح
ضربني ؏ حلگي 3 مرات سكتت واني ضامة حسراتي وآهاتي
بدت تمكيج وعيوني تصب دموع
واني مغمضة لحد ماخلصت طلعت روحي
فتحت عيني الله لايراوي هذا اليوم لبشر
برغم طالعة حلوة بس لعبت روحي من شكلي
نزلت عيني استحيت من روحي
انفتح الباب وطبت أمي باوعتلها وهي تبجي
مفرفحة:-الله ينتققمممم منككككك يعلااااااءءءء
عضيت شفتي الحمرة كلها راحت
انطتني هاي ثوب نزعت كدامها بدون احساس
لبست ورجعت هي لفتلي الحجاب وطلعت كذلتي وانطتني كعب
ضليت ابجي وادعي عليه وخواتي يبجن
وهو يفتر ويخوزر بية ويصيح لاتبجين
شوية وكال يلا اجو الناس طلعت نجلاء متكحلة ومتحمرة
واحنه ميتين خوف وحسرة ومذلة ومهانه
وكلشي شنو بيدنه وماكدرنه نسوي؟
جسمي يرجف صار مثل السعفة
نطتني امي صينية العصير وكلة وگع ؏ صينية
كد ما رجفت گرصني بزندي حيل للي يتسمة
"أب" ودخلني وياه وامي ضلت وعيوني عليها
قدمت العصير واني مدنگة مرفعت راسي
وصلت يم رجال هو زوجي ؏ ساس لو منو بضبط؟
ماشفت ولد شاب زغير
بكدي او قريب لعمري لا؟
شفت
قرف الدنيا كُله بهذا الرجال الگاعد
اذا اكلكم اكبر من جدي هم متصدگون والأسوء من هذا كلة هو مرتة بصفة وامة مرة جبيرة تريد تموت بس انفخ عليها وبنتة جبيرة ولابسة حلقة بصف امها وجهاله ثنين يلعبون ولد وبنية ويمكن مو جهالة؟ يمكن احفادة؟
جسمي رجف من نضرتة اخذ العصير وهو يضحكلي
واني حتى ابتسامة استحسف ابتسمها بوجهه
وليش ابتسم موافقة مثلا؟ راضية بالديصير
احس روحي بحلم وبس يرحون اكعد
حجت مرتة وهي تباوعلي بقرف:-شسمج انتي؟
_ملاك
المرة:-أنتي أمها؟
شبكتني نجلاء وضحكت بصوت
ناعم وهي تعلج:-لا عيوني اني مرت ابوها ولو هي
ملوكة مثل بنيتي
باوعتلها بقرف و وخرتها عني:-وامها ميته؟
نجلاء:-لا لا هههه اسمالله عليها مريضة متخربطة تعرفين مرة جبيرة وهيج
غمضت عيني وسكتت
بلعت ريگي وشابكت اصابعي سوة وعصرتهن حيل
اباوعلهن صارن حمرر
باوعت لگدام الكل يخزر بية
امه
مرته
بنته
وهو يضحكلي قرف بقرف مستحيل اتزوج هيج شخص؟ اتخيل مستقبلي المُخزي الراح يصير مصيري اسوء من أمي
ابوية يسولف ويضحك وياهم ومندمج ويصيحلة
"نسيبي" مقرر وحده؟
گمت من مكاني ماتحملت ابددد الجاي يصير
اني كلي خامس اعدادي ويني وين الزواج؟
طلعت برة وگفت ؏ سطلة وگمت اتقيأ
وطلعت نجلاء وراء:-اوي اسم الله اسم الله حقج والنبي هالمرة اني اوكف وياج شنو هالعائلة هاي اوعع
غسلت وجهي ومسحت المكياج وهمه بعدهم
استغليت نجلاء طبت واني نزلت الحجاب
غطيت شعري ونزعت الكعب لبست نعال
وركض لبيت جدي ماعول اوصل الدرب صار شطولة
فتحت الباب الهث شفت البنات برة كاعدات بالحديقة
كلبي انفطر ؏ روحي واني اتذكر خواتي
شلون حالهن واحوالنه المُبتذلة
باوعلي كلهن وكامن من شافن حالتي ضلن صافنات
ملاك:-جدو وين؟
نهروان:-بالأستقبال ويا عمامي
ملاك:-اكو احد غريب؟
نور:-لا محد دخلي
خذني من ايدي ورحنه للأستقبال دخلت نور گالت:-جدو هاي ملاك بالباب
جدي:-ملاك؟دخليها دخليها
دخلت ودموعي صارت طشار اريد اوگفهن ميوگفن ركضت لجدو وگعت بحضنه
جدي:-ملاك شو بوية باوعيلي هاي شكو جيبولها ماي
ملاك:-جدووو را...راح أموت والله
عصام:-جيبن ماي للبت ، اهدي خالي شربي ماي وسمي بسم الله لاتخافين
نطتني ماي شربت ومسحت حلگي
وباوعت لجدي:-جدو ساعدني
جدي:-شساعدج بوية شو باوعيلي وين جنتوا هالمدة هاي شو أبوية باوعيلي شصاير بحالج
سكتت ودموعي تجري
_جانن محبوسات
رفعت راسي علي وعيوني التقت بي
فتح عينة جدي علية ولزم ايدي:-ليش؟ شني شوكت هذا الحجي
ملاك:-جدو عوفة هذا كلة خلي يحبسنة خلي يكتلنة بس يـريد يزوجنـي لواحد متزوج ماعرف ماعرف منين جابة جدو جدو ابوس ايدك ورجلك
جدي:-شنو بكيفة هو لاتخافين محد يغصبج ؏ شي
ملاك:-يكتلني والله يذبحني يكول يكول لو تحركين روحج لو ازوجج
عصام:-مانايمة ؏ گلبة أنتي ولا عمرج طب الأربعين سنة نشعل عشايرة وحق هو الله
عجت الأصوات والكُل أنتفض من مكانة
جدو هدأهم بجملة وحدة:-يصير خير اني أعلمه
سكتوا وهمه ؏ نار وجدو وجهه احمرر
لحظات وندفع الباب وصاح ابوية بصوت عالي:-يا بت الكلببببببب اطلعيييننننن بدووووون مادررري
اجة راد يهجم علية خوالي تلاثتهم وكفو كبالي وجدو اخذني جوة جناحة ودموعي يجرن
تعاركوا وياه والصياح واصل لآخر الشارع
فلتت من بينهم اول ما طلعت صار بوجهي
ابتسملي ابتسامة مطمئنة وگال:-لغيري ماتصيرين وداعتج
عكدت حاجبي ومسحت دموعي ومهتميت
دخلت للمطبخ امي مفرفحة مدتلي ايدها ركضت بأتجاهه و وگعت بحضنها:-مااااريد اتززوج ماااريد مااما خليني يمكم
أيمان:-؏ جثتي والله اخلي ينطيجن
وجدان:-هسه دسكتن وأهدن صلن ؏ محمد
بلكي هسه يحلوها
أيمان:-الجلب النذل هو اكو واحد يوگف بعينة يسويها يسويها ادري بي يمة ادري اللي براسة يسوي گالي أجيب عليج مرة وجاب كل ساع مطلعلي سالفة كل ساع
ام كمال:-تؤ تؤ تؤ
حجت هيج امي خزرتها ودنكت عيونها علية
أيمان:-شو وخري وخري خلي اشوف السالفة واجيج
ملاك:-خلي اجي وياج
عاطت بية:-لااا ضلي يم خالاتج
ضليت گاعدة واطگطگ بأصابعي
ام كمال:-هسة عليمن هالمشاكل هاي زوجوها اذا هيه تريد
ملاك:-واذا اني اريد اجي قابل لهنا؟
ام كمال:-يمه اللسان عمت عينجن بنات اخر وكت
ملاك:-ترة ما اريد اتزوج!
عوجت حلگها وگالت:-اكيد ابوج مايگدر يعيشكم ستة برگبتة الله يساعدة الرجال من غير ثنين نسوان
استغفرت ربي وخالاتي يباوعن ويسكتن
ويأشرلي اسكت مجرد خزرتها ورديت دنگت
وخواتي محاوطاتني
للييييل وصياحهم النة واصل
لحد ما صاحولي وهنا القرار بيدي
يا ترى قراري وين يوديني؟؟
دخلت عيني بالگاع
رحت يمة جدو وكعدت بين وامي وهوة
علاء:-عمي بتي وبكيفي يا أخي بكيفي ازوجها ما أزوجها المن نطيها شكوووو حااااطييين روووواحكم شكوو يا ضربتها اجاني واحد بطول النعال يهدد ويضرب ومحد ردة وبتي باتت يمهم الله اعلم شسوة بيها
فتحت عيوني حيل وصارت دموعي
تفتر أب ويشك ببنته؟ هاي ما صايرة ترة!
كمال:-أحترم نفسك ترة گوة گاعد اني اذا اكوملك ادفنك بمكانك
علاء:-أبن الكلب شو ما محترررم أنتتتتته
رجعو تصايحوا حطيت ادية
؏ اذاناتي ورجعت أبجي وأمي تمسح اديها
؏ ضهري وتقرة ايات وسور وتنفخ
جدي:-الكُل يسككككت كاففففييي زعاطيططط
وفعلاً الكُل سكت
عدل گعدتة جدو حط عكوس ايدة على ركبة
وفر السبحة
وگال:-علاء أسمعني لان وصلت حدها وياك والطريق مسدود وماكو غير حل
بت بتي اجت واحتمت ودخلت جوة جناحي تريدني ارجعها الك بسهولة هاي بأحلامك بوية
شي ثاني انت كبرتها وتعبت تعبت تاليها تنطيها لواحك اكبر منك ومني ليش؟ ناقصها شي؟ بايرة؟ طب عمرها خمسين بتك يالأغم اضفرها مايستاهلونه عشر زلم مثل اصنافك
ذبيت نفس براحة وأبوية ساكت ويهز برجلة
لزمت ايد جدو وهو دار وجهه ابتسملي ورجع
باوع لأبوية:-ومادام تكول ماگدر اعيشهم
عندي يمك طلب
عكد حواجبة وهمس:-شنو؟
رجع نفسه لورا واخذ نفس وذبة وهو يحجي
بثقة عمياء:-بتنه وأبنة
رجع سأله ابوية بنفس السؤال:-شنو؟
جدي:-نريد ملاك لكمال
بت العمة لأبن الخال
توسعت عيون أبوية وعيوني وياها والكُل مصدوم
عصرت ايدي أمي
حييل التفت جدو علية وگال:-شنو قرارج شتگولين؟...
شنو القرار التتخذة ملاك يا ترى؟
وهل القرار مُمكن هو النافع الها أم....؟
