رواية المطلقة الفصل الرابع بقلم زينب نور
زادت حالتي اطلب الطلاق اهلي يلحون يطلكني لحد ما طلكني وره ما طلكني حسيت بالراحه بس بعدين مع مرور الوقت تندمت ورجعت لحالتي الطبيعيه رحنه للسيد كال لان انفصلو خفت عنهه رجعت ابجي وندمانه حيل مرت فتره صرت منعزله خايفه متوتره متندمه ما اكل تغيرت جذريا صرت جسد بلا روح بالي كله يم ضياء رجعت اصلي واقره قران وادعي خلصت العطله ضيم وضلايم داومت البنات تفاجان من شكلي وتغيري شكلي صار العجوز وضعفت اكثر ومنا اني ضعيفه ضليت اكل كل يومين لكمه او لكمتين وهاي اخر سنه الي مره انغمه عليه كعدت لكيت روحي بالمستشفى
الدكتور ضغط دمهه ٧ وراح ينزل لل٦ خل تاكل وصار عندهه فقدان للشهيه دربالج على نفسج والحمدلله على السلامه
وره شويه طلعنه رحت للبيت البنات اجن وياي وكلني إجباري بالكوه اكل ومريم وياي تجي ضياء بعد ما شفته من طلكني وملك تسولفلي عنه تكلي تعبان وميت قهر وبس يشرب بهل جكاير شغله هامله ودوامه هم انقهرت عليه
داومت مره خامسه هاي المرحله الاخيره اتفقنه نصير محاميات بشركه ابو ملك سوه اما اني جسد بلا روح مشتاقه لضياء مره جنه كاعدات واجه ضياء على أخته وما باوعلي شفته حليان وصاير يجنن
ملك هلا ضياء
ضياء هله بيج امشي وياي
ملك ليش
ضياء امشي ابوي طايح بيه جلطه اجيت اخذج
ملك تبجي يمه ابوي يله امشي
راحت وضليت اني وعبير ومريم انوب خلص الدوام رجعت ضلينه اسبوع وملك ماكوو ما تجاوب على الموبايل ضوجه مره كاعده بالليل اتصلت عليه ملك
ميادين هلاو ملك حبي وينج شلونج
ملك هلا بيج عمري الحمدلله انتي شلونج والله ابوي مريض بيه جلطه وضليت وياه باجر اجي اداوم
ميادين سلامته عمري ما يشوف شر شلون صار هسه
ملك لا الحمدلله بخير
ميادين الحمدلله يله اخذي راحتج مشتاقيلج هواي باجر تجين
ملك اي ان شاء الله بيباي
ميادين بيباي
سديته وكلت للبنات ونمت كعدت ثاني يوم بدلت وكملت ورحت وشفت ملك بستهه وشبكتهه الوقت كله لازمه ايد ملك واسولف وياهه وابوس بيهه الحقيره مشتاقتلهه شفت ضياء
ميادين اكولج حبي ملك
ملك كومي حياتي
ميادين ضياء شنو يشتغل حاليا
ملك مو كمل قانون ولازم يدرس شهاده ماجستير ودكتوراه وجاي يدرس هسه اول سنه اله يريد يلزم شركاات ابوي محامي وبعده بشغله ضابط بس من يطلبونه يروح
ميادين اهاا الله كريم
ملك انتي تحبينه بعدج
ميادين اخخخخ اخخخخ يا ملك شكولج عقلي وفكري وروحي كلهه وياه وبس جسد ديمشي وياج
ملك سوده عليه ليش متنطين علاقه ثانيه
ميادين متشوفينه حتى ما يباوع بوجهي وكأنه ما يعرفني واللي سويته بيه مو شوويه
