رواية امرأة في حياة رجلين الفصل الرابع بقلم جمانه السعيدي
وصل الدور اليه اني الي احب جوري ومحد راح ياخذها غيري هسه راح اعرفكم على نفسي
اني مهند مواليد ٧٥ اني ابن عم جوري
احنا ثمن ولد وماعدنا خوات
امي وابوي موجودبن
اني اكبر واحد
اني طولي ١٧٥ اني خريج متوسطه اشتغل واني زغير
كلشي شتغلت
لمن جسمي صار كله عضلات
عبالك رياضي
شكلي مقبول لاحلو كلش ولا مو حلووو
احب العمل كلش
مستعد اشتغل اي شغله جيبلي فلوس
هااا بلحلال
من اني زغير متعلم اروح للمدرسه الصبح والضهر بس ارجع اطلع للشغل كبل
كلشي اشتغلت حمال ادفع عربانه عامل بناء
مرات اخذ عمل قطعي
مثل اصعد سياره طابوك للسطح
او ادخله بلبيت
او انقل سمنت هيج عمل اخذه قطعي واخذ علي مبلغ محترم
من زغري واني اختلف عن اخواني دائما عندي فلوس
اي واحد يحتاج اقرضه فلوس
بسبب العمل ماكنت اقرا واحضر دروسي
كل سنه أنجح بلدفعات
متعجب شلون وصلت صف ثالث متوسط
لان اني مكمل ثالث متوسط وتركت المدرسه
ااكيد التحقت بلخدمه لالزاميه
بس ولله العسكريه تصنع رجال
بمعسكر تدريب ألمن شافو جسمي وكفائتي بلتدربب
راسا صنفوني
حرس جمهوري قوات خاصه
اني شكلي هيبه وعندي كارزمه وكلش نضيف ومعتني بشكلي
جمانه السعيدي
تعرفون ٨ ولد بيت واحد مستحيل امي تلحك علينا
اني تعلمت من اني زغير
اغسل ملابسي وحدي
حتى غساله ماعدنا اخليهن بلطشت وافركهن يطلعن يلمعن
واذا اريد اكل
اروح واطبخ اي شي يعجبني واكل
يعني اني معتمد على نفسي حيل
حالتنه المادي على كد الحال يعني مستورين
لا شبعانين كلش ولا فقره
عدنا خلاف ويااا بيت عمي ابو علي وصار اكثر من اتلث سنوات احنا متقاطعين وياهم
لا انروح اللهم ولا يجونا
رغم المسافه قريبه بينا تقريبا عشر دقايق مشي
بس ابد مشايفينهم
خصوصا اني عسكري
العسكري قبل يلتحق واحد وعشرين يوم
وينزل سبع ايام
اني هذني السبع ابام اخلصها نوم واكل اطلع بس مره اروح اللحلاق
ماعندي اختلاط هواي
اجيب الراتب اخذ كد المصرف وانطي الباقي الامي
ابوي موضف بدائرة الري
الحد مايوم جمانه السعيدي
سمعنا حسين ابن عمي راح يزوج
ابوي كال كلكم ترحون
عوفو الزعل على صفحه
هاي احسن مناسبه حتى تصالحون وياهم
رحنا للعرس اني وابوي واخوي عامر
دخلنا وسلمنا علبهم وكعدنا
الصراحه حيل رحبو بينا وستقبلونا احسن استقبال
وكنما ماكو زعل ابد
وزوجت عمي ام علي اجت وسلمت علينا
ابوي كال يله رحو شفو شنو عدهم شغل ساعدوهم
بدينا نساعد الطباخ بلطبخ
جمانه السعيدي
الطباخ طلب ماي حار يخلي بي الدبه لان جمدت وماتشتغل
تعرفون العرس بشهر الثاني والدنيا بارده
دخلت اني للمطبخ لان ماين عليهم بيت عمي
لكيت اكو نسوان ثنيين بلمطبخ
واكو وحده تخبل
جذبتني من اول نضره
بنيه بيضه وكلش حلوه اني اعرف عندي بت عم بس هاي منو منهن
لان صار فتره هو اي ابد ماشايفهن
بقيت صافن وحده كالت هااا خويه شرايد
مهند اربد مي حار بجدر لو انجانه للدبه لان جمدت
هاي الي واكفه صاحت جوري جيبي الانجانه الجبيره جوه الدرج جمانه السعيدي
ساعته عرفت هاي الكمر الطالع جوري بت عمي
صار شكد ماشايفه ابد
كبرانه وصايره تخبل
جابت الانجانه وفتحت الماي الحار واني عيني مانزلت عنه ابد
لابسه ثوب أخضر داكن غير يخبل عليه
حاولت تشيل الانجانه بس ماكدرت
مهند عوفيه اني اشيله قربت وشلته وطلعت
كل شويه اباوع للمطبخ اريد اخطف نضره الهذا الجمال
الي اسرني
كل شويه اشوفه تروح وترجع تخبل ياربي شني هاي لعابه
بقيت انتضر الزفه اربده تطلع واشوفه
علي ابن عمي كال انت ابقه هنا خاف يحتاجون شي لاتجي ويانه للزفه
شويه وطلعت لابسه ثوب ذهبي ولابسه عبايه
طالعه بلزفه
عفت كلشي وعيني بقت بس عليه
منا لمن صعدت بلسياره عيني مانزلت منه ابد
من رجعت الزفه عيني على السياره يمته تنزل
مو بنيه ضيم
كلت بكلبي العرس الجاي عرسي وجوري عروستي ومحد ياخذها غيري
جمانه السعيدي
زفينا حسين وهي واكفه وتهلل وتصفك
كلت بكلبي هسه مال واحد يسحبه من ايده ويعقد عليه
تخبل احلى من العروس الف مره
قررت اعزز علاقتي بيت عمي لازم ارجع العلاقه احسن من قبل الف مره
جوري لازم تكون من نصيبي ومحد ياخذها غيري
ثاني يوم كعدت من الصبح سبحت وبدلت
كشخت كل قوتي ورحت عليهم
كتلهم اني جاي اساعدكم خاف تجيكم ناس
لكيتهم يحضرون بلريوك بلمطبخ
صممت عمتي ام علي اله اتريك وياهم كيمر وخبز حار ودبس وبيض سلك
كعدت
جان كاعد علي وامه وزوجته وجهالهم
ام علي جوري تعاي وين الجاي بسرعه
مهند كلت بكلبي اي ولله الريوك مايحله اذا مو جوري موجوده
اجت كالت صباح الخير
لابسه دشداشه وردي والشفايف والخدود وردي
ورافعه شعرها بطريقه تخبل
بدت تغسل بلاستكاين وتحضر بلجاي
واحنا كاعدين ناكل
علما خدر الجاي يمكن خلصت عشر شغلات
مسحت الكاونتر
نضفت المواعين على السنك
راحت جابت شكر رجعت العلب للكاونتر
واحد من الجهال كال اريد بيض
راحت طلعت بيض وثرمت بصل ناعم وكامت تكلي
الخبز خلص راحت جابت خبز وكامت تحمي بي
كل هذا الشغل بسرعه بلمح البصر ودسداشته ابد ماادمرت
رغم تشتغل سريع
جابتلنا الجاي وبدت تصب وتقدم
جمانه السعيدي
يابه بلحضته انهوست بيه هوس هم حلوه وهم نادره
هاي الي اطيح على الجرح يطيب
وكل هذا والثكل الي شايلته
تشتغل سكته ولا تحاول تلفت الانتباه اله ولا شي
كلت بكلبي انتي ياروحي عز الطلب
كان باقي من الاجازه يومين خلصتهن يمهم
رحت وعقلي بقه يم جوري
ولله لو ادري عدهم هيج بنيه حلوووه من زمان جان اتصالحت وياهم
بقيت انتضر يمته انزل مره ثانيه
جوري انطونا العطله
شهر ندرس للسادس كمت اكعد من السته الصبح
اصعد بالسطح اقرا
ومن بكعدون يتريكون انزل اتربك وياهم
وارجع اصعد الساعه عشره انزل ادخل بغرفة امي واقرا
وابد ماااطلع الاي احد
ولا اشوف اي بشر
اربد انجح لان اني دراستي معلكه على شعره
علي اخوي مايقبل اطلع يريدني اكعد بلبيت واسكت
يكول اخاف عليج
بيني وبينكم عندا حق اني اروح للمدرسه مشي تقريبا
١٢ دقيقه واوصل
واكو اعدادية ولد قريبه علينا
ميت حجايه اسمع
رغم اني لافه عباتي ولامن اليضحكن بلشارع ولا اسولف ابد
ومره ولد لحكني بلبايسكل وضل يسمعني حجي وكلش خفت
كمت اروح ويه بنات جيرانه وارجع وياهم رغم هنا اياءخرني بس شسوي ولد الحرام هواي
