رواية لأني عاقر الفصل الخمسون بقلم مريم خفاجة
أرجو أن تكون النهاية السعيدة
في مكان ما سأصل إليه يومًا
وأن تنتهي جولتي من الركض
وراء أحلامي بنيلها لا بالندم
عليها وأن تستحق الوجهة الأخيرة
عناء الوصول إليها منذ البداية
...
حروف كانت كفيلة توگعني
من فرحتي لقاع الأرض
انسانة مرت بعُقبات الزمن
تدمرت ، تأذيت ، تيتمت ، هووواي هواي
اشياء مريت بيها مستحيل اگدر
اذكرها بذيج اللحظة
وگعت بالگاع وصوت شهگاتي
ملت المكان ذب الورقة بالگاع واجاني
يركض گعد واني صرت بحضنة لزمت قميصة
بكل قوتي
واحاول اطلع حرف واحد فقط
حتى يعبر عن اللي بداخلي بس مگدرت
بقيت اشهك وهو يبجي وياي
ويتلمس بوجهي صوت هلاهل رؤى
ملى المكان ويا كل هلهولة منها يزداد
بُكائي
حجيت بصوت عالي
يرجف خايف متحمس مادري
شون اوصفة:-غيث اني حامل حامل اكو اكو هنا طفل
هز راسة سريع وهو دموعة تنزل
؏ سريع باس راسي و وجناتي وهو يگلي:-تحقق
التردي راح تصيرين أم ابوية باوعيلي شو
فتحت عيوني
وماشوف شي من الغواش رجع
باس راسي وضمني لحضنة اكثر
رؤى:-گوموووا كافي ميصير تگعد بالگاع شو وخر
جانت تحجي وتبجي ويانة
وخر عني وشالني واني احس رجلية
تگطمت حتى ماگدرت اگوم هُمة شالوني
ركضت رؤى جابت ماي
واجت شربتني وايدها كذلك ترجف
بس ما ارتويت
اني من فرحتي ماكو شي يرويني
احس كل العالم وگف
والساعة وكفت دگات گلبي هاي ماجاي احس بيها
والهوى شح نفس الشعور
من نحزن راح نحس بهاي الاشياء ونحس
العالم يوگف
هو نفس الشي لكن الشعور يختلف
اشهك واحس امعائي تتگطع
حطيت ايدي ؏ بطني ها حبيبي انتَ موجود؟
ماخذلتني مو؟ وحَـ تبقى وياي للأبد
مادري اذا انتَ ولد لو بنية بس انتَ العوضتني
عن كُل الآمي اني اليوم نسيت كلشي
مَر بية ويمكن لو يوگف الأذاني ويگلي
سامحيني بهاي اللحظة اسامح بدون
تفكير هوَ شنو السواه بية
نسيت كل لحظة حزن وكل دمعة نزلت
مني اليوم تبدلت بدموع الفرح
حضنت نفسي قوي
شگد تعبتي انتي
شگد حاولتي حتى توصلين للفرحة؟
شگد حاولت حتى اوصل لهاي المرحلة من الفرح
جبت حياتي ضيم بضيم واخر شي ختمتها
بيج
نهايتي سعيدة بهالفرحة هاي؟
شبگتني رؤى
وهي تگول:-لج الللللفففف مبرررروووووك
الحمدلله والشكر ياربي باوعيلي شو زينة انتي؟
ضحكت ودموعي يجرن:-شنو زينة
ماتوصف حالتي هاي ماتوصفها والله
شهگت اكثر
وهي تبوس بيه اجة غيث
گال متوتر:-وين تلفوني خلي ادك عليهم
صاحت رؤى:-لااااا علييييييككككك العبااااس
عگدت حاجبي
ومسحت دموعي وهمست:-ليش
رؤى:-لا حبابين اني مصورتكم ڤيديوهات
وتصاميم حبابين اني انشرهن ؏ انستا واطش
الخبر
غيث:-عمي هي وكت تصاميم وين التلفون العالم راح تموت
رؤى:-والله اني ضامتهن تلفوناتكم ثنينهن
ضحكت واني امسح
دموعي:-يلا بلا
رؤى:-حباب عليك الله
غيث:-اشوفهن اول شي يلا
رؤى:-اوگفلي خلي اصمم اول انطيني الورقة
اخذت ورقة التحليل وركضت
؏ الشمس تصورها
باوعت لغيث وجسمي كلة عرگان
من گد ما رجفت
گعد ؏ ركبة واني ؏ التخم گاعدة
بوس ادية وشمهن حيل:-الف مبروك
ملاك:-الله يبارك بيك
عيونة يلمعن همستلة:-فرحان؟
غيث:-وشنو اليمنعني مافرح؟
راح تجي روح زغيرة ؏ هيئة ملاك ومنين!
من ملاك هم شون مافرح
ضحكت:-شتگول ولد لو بنية؟
غيث:-اني اعرف
اختفت ابتسامتي وگلت:-شتعرف؟
غيث:-اعرف جنس الطفل
ملاك:-جذاب؟ شون شنو شبية
غيث:-تؤ بعدين تعرفين
ملاك:-لااا عليك النبي گولي خلي تكمل فرحتي
غيث:-لا ماگلج بعدين
ملاك:-بنية مو؟ شمدريك شون عرفت
غيث:-هو غير بالتلقيح الاصطناعي من يمزجون
الكروموسومات X و Y نوب يطلع
ملاك:-اييي شطلع گلي
گام وهو يضحك:-والله لو تموتين
مشى واني امشي ورا:-حباب لاتخرب فرحتي
خليني افرح زايد عليك النبي
غيث:-تؤ
ملاك:-يمممممة انتووووا الزززلم اذاااا ماتخربون
فرحة المرة ماترتاحون
ضحك وهو يشرب ماي
وخر الگلاص وگال:-اي
ملاك:-حباااب عليك الله بنية؟
غيث:-لا
ملاك:-ولد؟
غيث:-لا
ملاك:-جا شنو نعال استغفر الله ربي حباب
لاتضوجني گول شنو
غيث:-هسة انتي شعليج بعدين تعرفين
باوعتلة بتك عين:-احاول ماضوج وماطنگر
گرص خدي ضربت جتفة
اجت رؤى تركض بيدها التلفونات
وشفت الڤيديو الي مصممتة حلو يخلي العيون
تدمع من گد ما بي احاسيس وحزن
حتى من گاعدين بالگاع نبجي مصورتنة
ابتسمت وحولت التاك لحسابي
ثواني وصارت تلفوناتنة تتراگع بالأتصالات
خابرت خواتي وهنه
يبجن ويهلهن
رغد ماتت گامت حتى ماتحجي
واني كل اليحاجيني تضل دموعي تصب
جاسر حبيبي حجز وگال
كم ساعة واجيكم الفرحة متتسولف بعيونهم
ولا بعيوني مستحيل تتوصف مستحيل
كملت اتصالات ورحت للغرفة
ورا غيث:-شوكت نرجع؟
غيث:-بعد 3 اشهر يلا نرجع
ملاك:-لا بالله ليش؟
غيث:-خلي يثبت الحمل ماگدر اصعدج طيارة
ملاك:-غيث وعبود اني انتضر يوم يوم حتى نرجع
لزم وجهي بين
كفوف ادي:-ابوية نرجع غير لازم صحتج زينة
لعد احنة عليمن جايين ودافعين فلوس
الدنيا تاليها يصير شي وتتأذين شستفاد
ملاك:-شيصير مثلاً هذا هو غير ثبت
غيث:-لا حبيبي ماتطمن هيج خلي نشوف صحتج
ودكتورتج نراجعها ونوب هذا هو نتطمن ونرجع
هزيت راسي وهو باسني بعمق
گعدني ؏ جرباية ومد ايدة خلاني انام
ونام بصفي
وضل يتلمس بطني واني ابتسم
عيوني مدمعة:-يعني عود معقولة غيث احس
ماجاي اصدك بعد كل هالسنين شون صار
ابتسم وخلة راسة
برگبتي:-هذا عوض رب العالمين
بعد ماتعبتي وصبرتي اكيد يجازيج
ملاك:-هواااي تعبت هوواي كلكم تعبتوني
كلكم بس هسة احس روحي طايرة
مادري ماجاي اگدر اوصفلك الشعور
مسد ؏ شعري
ورجع همس:-أكثر انسان اني تعبتج مو؟
ملاك:-انتَ عدت الماضي وضربتين بالراس
توجع أذيتني اكثر
باس گصتي وگال:-وهسه ماتگدرين تسامحيني؟
ملاك:-مسامحتك بس ماثق بعد مستحيل
ضحك:-تحبيني لو لا؟
ملاك:-اي انت صنعتلي هاي الفرحة اكيد
غيث:-جا شلون تحبيني وماتثقين بية؟
ماكو حب بدون ثقة
ذبيت نفس:-مادري بس شعور بداخلي مايثق بيك
ابداً وحتى هسة من عايفني وماتتقربلي مستحيل
اصدك انتَ هيج عادي متحمل
ضحك بصوت عالي
كلش واختنك ضل يگح وباوعلي
عيوني مدمعة:-صدك والله؟ هاي شنو حتى نساوتج تختلف عن النسوان
ضحكت:-هاي شبيك والله
غيث:-تدرين يمكن نگول مو اكيد يمكن
بس ماكو احد يتحمل هالشيء بگدي تتذكرين
بداية زواجنة من شلعتي گلبي مع ذلك
احاول واضغط ؏ نفسي في سبيل
ما أأذيج ترديني هسة ماتحمل واروح ويا غيرج
علمود شغلة تافهه؟ ترة اي انسان
يگدر ييصبر ؏ نفسة من هاي الشهوات
ولايغروج ويگلولج مستحيل الأنسان ميگدر لهاي الشغلة لا هذا كلة جذب
ملاك:-شلون؟ ترة هوَ رب العالمين خلاها عد اي انسان مرة ورجال
غيث:-اي بس من خلاها عدنة ماگال
روحوا *** بكيفكم
ضربتة بجتفة وضحكت:-لاتحجي هيج عيب
رجع بوسني بكل انحاء
وجهي وهمس وهو مخلي گصتة
؏ گصتي:-ابقى اعتذرلج طول عُمري مديون الج
اني حلفت حلفان يكسر الضهر مانزل دموعج
ونزلت منهن نهر مو دمعة لو دمعتين
وارجع واعتذر واعتذر لحد ما يطيبن جرح جرح
انفتح بيج رغم صار سنين بس مستحيل اسامح
روحي واقدرج لأن ماتثقين بس صدگيني
نرجع نفس الأول وأكثر
ملاك:-اني وياك والزمن طويل
باسني بعمق وحضني وهو وراي
گلت:-لاتشبگني حيل حباب
غيث:-هااا بدايتتتها
ملاك:-گمنة نغار شون بيك
ضحك وهو يتلمس فخذي
نمنة فرحانين وهاي لأول مرة بعد مرور 33 سنة بعُمري من أول يوم وأول دقيقة انخلقت
اني مانمت بهاي الفرحة
مانمت ومخدتي منكعة بدموع
الحزن لا هالمرة بدموع الفرح حتى طعمهن
بختلف بقيت اتلمس بطني واحلم
واني بحضني ابني او بنتي شنو شعوري بهاللحظات؟
غفيت فرحانة مو تعبانة...
فزينة ؏ اصوات گومني غيث
؏ كيفة ويحرك برجلية وينزلهن ؏
الگاع ابتسمت بنعاس:-ترة غيث بعدني صارلي ايام من حملت بعدة الثگل
غيث:-حتى لو ديري بالج اوكفي
جاي جواريب ولبسني وهو
يگول:-الگاع باردة
ابتسمت لبسنياهن ومشينة
فتح الباب ولگينة جاسر وفاطمة ورغد
باوعتلهم دموعي محصورة بعيوني
ركض جاسر اول شي شالني وهو يبوس براسي
ويبجي
جاسر:-بنيتي حبيبتي شو باوعيلي
لاتبجين يروحي هاي صار طفل اللي تتمني
جبتي طول عمرج متأذية علمود هالـگـ***
ضحكت وامسح
دموعي وهو باسني بگصتي
وگال:-العالم هسة مايضم فرحتنة الج لا والله
يمكن لو مرتي حامل مافرحتلها بگدج
الحمدلله والشكر ياربي الحمدلله
رغد:-ديلا وخررر جلبت
وخرتة وطشت جكليت علية وهي
تهلهل ورؤى وياها بوستني وتبوس بغيث
سألتها ؏ عبودي
گال:-يا ولج ضاج يگلي ماريد طفل
بس ميار قنعتة گعدت تسولف وياه
ملاك:-سودة بوجهي
باوعت لفاطمة اجتني
مستحية بوستني وگالت:-الف مبروك ان شاءلله تگومين بالسلامة
ابتسمتلها:-حبيبتي مشكورة
فاطمة:-وأخيراً احس هسة يلا ارتاحيت
واني كل بارت من قصتج توگع مني الف دمعة
والنبي فد فرحت ودخلت ؏ حساب الكاتبة
اريد اگوللهم واحد واحد ملاك جابت
ضحكت:-لا متقبل رادت هي تكتب
فاطمة:-الحمدلله والشكر تعاي اگعد لاتضلين واكفة
ابتسمت وگعدت بنصها هي
وجاسر وهو يبوس بية وغيث يخوزر بية
ورغد كل ما تصفن تبجي وتهلهل
واني اضحك بفرح
فتحت كامرة ويا بتها شفت عبودي
يلعب بالآيباد
ملاك:-حبيبي عبودي ماما
رفع عيونة ؏ تلفون ورجع باوع
للأيباد ما مهتم بلعت ريگي بخوف وباوعت
لغيث
ورجعت باوعتلة:-أمي شبيك تعال احاجيك
ميار:-تعال ولك هاي ماما انتَ مو تگول مشتاقلها
عبدالله:-ما
ميار:-ها عبودددييي مانسوي اندومي بعد!!!
باوعلها وماجاوب حجيت بخيبة
ودموعي بعيوني:-عبودي اني احبك ليش هيج تسوي تعال احجي وياك
تقرب اخذ الموبايل
من ميار:-انتي هواي ضليتي ماتجين بعد مو
ملاك:-والله اجي بس اصير زينة والله
عبدالله:-انتي مريضة؟
ملاك:-اي ماگدر اصعد طيارة
عبدالله:-يعني بعد شگد تجين باجر؟
ملاك:-لا مو باجر
عبدالله:-بعد سبعة ايام؟
ملاك:-لا
عبدالله:-انتي تجذبين علية راح تضلين هناك وتعوفيني مارررريييدددد
شمر الموبايل وانطفى
واني گمت اشهك وكلها سكتت بخوف
ضليت ابجي وادك ؏ ميار
شالتة وگالت:-باجي لاتبجين والله هسة احاجي وبس يقتنع ادك عليج
ملاك:-حبابة لاتخلينة يبجي
ميار:-لا والله مالج شغل هو ضايج اليوم
لان تعاركوا هو وجود هسة احاجي
ملاك:-يلا روحي ورجعي دگي علية حبابة
ميار:-دللي
عافتني ومشت وبقيت احرمص
لغيث نرجع ماقبل الة لمن يثبت
بقوا يومين واني يومية افتح كامرة
ويا عبودي واحاول احجي وياه واقنعة بس يبقى
يبجي واني روحي تنمرد
وراها بأسبوع اجت ملك
وخبصتلي الجو خبص وحتى رجلها بهوس
وياها
ومن اجوا قيس وريم
مايتسولف خبالهم تخبلوا رسمياً بقو
يگمزون ويرگصون وبعدين گامت تبجي ريم
ومَرت ٣ اشهر بالضيم والبنية رؤى
ويانة ماقبلت ترجع ابداً
صدُك من أصعب لحظات حياتي تدمرت
تدمير بس ما يهدأني غير حبيبي اللي عايش
ببطني ولحد اليوم احرمص لغيث يگلي
شنو بية بس مايقبل يگول ليوم
الولادة يلا تعرفين
حجزنة طيارة
واني گلبي مفرفح ؏ شوفة حبيب روحي
الأول ومستحيل ابدلة بكنوز الدنيا كلها
بطني بدت تكبر
وكلشي اشتهي حرفياً ماخل شي ماكلة
وصدري مورم صاير حتى اكبر من بطني
وهالشي كالوا طبيعي مرات المرة من تحمل
يصير حملها بصدرها يورم اكثر
غيث ما مقصر بگد الشعرة
لا الشعرة هواية يومية بليل يطلعني عشنة بأيران
احلى ايام بس ناقصها عبدالله
دخلنة للمطار ورؤى ضايجة
ضحكت:-شبيج
رؤى:-تعودت هنا شون اعوفكم والنبي احس روحي تطلع شون اتعود ويا اهلي هسة
ملاك:-جا اهلج صارلج شكم سنة وياهم
هسة ماتتعودين
رؤى:-خية شمعرفني اني بأهلي شيشربون شياكلون مگضيتها بغرفتي بس هسة وياج
تونست
ملاك:-يابعد روحي تعبناج
رؤى:-والله احلى تعب
ملاك:-فدوة لعمرج
خلت راسها ؏ جتفي
وشوية وصار موعد الطيران رحنة للطيارة
واني لابسة ثوب عريض مرتب
باوعت للدرجات شكبرهن
لزمت بطني وحطيت ايدي ؏ السلم
بس مگدرت اصعد لان درجات عالية
دار وجهه علية غيث وگال:-ها ماتگدرين؟
ملاك:-الزم ايدي هسة اصعد ؏ كيفي
غيث:-لحظة انطيتي جنطتج
انطيتهيا واخذتها رؤى
وهو نزل عبالي يمشيني اشو هذا شالني
لزمت فستاني بسرعة:-عزززة بعينك ولككك نزززلني
غيث:-ماتگدرين انلصمي رؤى صيري ورانة
نزلت رؤى وصارت لورا والمضيفة
تباوعلنة وتبتسم واني ميتة خجل
ملاك:-غييث عيييب
غيث:-العيب بالجيب والجيب مرزوف
ضميت ضحكتي گوة
واني مجلبة بقميصة وهو يصعد ؏ كيف
لأن ثگيلة
وصلنة هو لفوك گتلة:-نزلنني كافي
نزلني واني اعدل بفستاني
واستحي ارفع عيوني
اخذنة مقاعدنة وگعدت بنصهم ورؤى تسولف
وياي وتراويني الصور المصورتهن النة
حطيت راسي ؏ جتفة وايدي
؏ بطني حبيبي راح نوصل للعراق العَذب امك..
ماگعدت حد ما وصلنة
وكذلك غيث نزل الجنط اول شي واجة
شالني والناس تباوعلنة كلها
طلعنة من المطار واني
اشوف اخواتي وجاسر ورغد وزوجها
واكفين بالباب تناثر الجكليت والهلاهل ازدادت
وابتسامتي ولمعة عيوني بفرح تزداد
جاسر يبوس بية مثل
الماشايفني من سنوات رغم هو 3 مرات اجاني
وريمة وملك يبجن مفرفحات
صعدنة بالسيارة ونمسح بدموع الفرح
واني جسمي يرجف
؏ شوفة عبودي
شيوصلني للبيت احس الساعة تمشي
؏ كيف طبينة بفرعنة اشتاقيتلة احس هسة
يلا ردت روحي
ورؤى تگلي:-احس
جايين من الحج
ضحكت وضربت زندها
نزل غيث اول واحد وفتحلي الباب
وابتسم ومدلي ايدة لزمتة ونزلت مبتسمة
ورغد وملك يطشن جكليت
غيث گال:-كافي لاتفگسين عينها طشن لغير جهه
ضحكت وهمست:-لسة تتذكر
غيث:-ملوعة گلبي
دخلنة للبيت وروحي بادت واني
اشوف عبودي كبالي مشابك ادي ويباوعلي
نزلن دموعي وركضتلة
وغيث صاح وراي:-وووولج ؏ كيييفج
شلتة وحضنتة بكل قوتي
واني اشم بي وابوس:-يمة حبيبي شو يابعد روحي انت
باوعلي وعيونة حمر
بوست كل جهه بوجهه طبيت لجوة واني ابوس بي واشم بي گعدت التخم وگتلة:-شلونك؟ اني رجعت راح اضل يمك اشتاقيتلي
عبدالله:-يعني بعد ماترحين هواي
هزيت راسي سريع
وهو ابتسم حطيت گصتي
؏ گصتة وهمست:-يمة مشتاقتلك
عبدالله:-عفتيني هواي ماما
ملاك:-ماعوفك بعد حبيبي اني يمك ماروح بعد
غيث:-كافي نزلي
ملاك:-لا عوفوا خلو بحضني
جاسر:-يابة شنو عوفوا انزل عبودي شو ماما مريضه حامل يموت الطفل ميصير
ملاك:-يمة اسم الله
شالة جاسر وگعدة بصفي
اخذت ايدة وبقيت لازمتها
ضلوا يسولفون ويضحكون
وغيث من التعب نام هو وگاعد
وبقوا يصنفون عليّ لحد ما فز
البنات يطبخن ويعزلن
عفتهم وصعدت فوك فتحت الباب مال
الغرفة وابتسمت يگول سنين ما طابتلها رغد منضفتها ومعطرتها دخل غيث وراي ابتسمتلة وهو اجة حضني واخذني من ايدي وگعدني ؏ حضنة
غيث:-اريد عيونج هاي تلمع دائماً هيج
ملاك:-لاتضوجني وابقة دائماً فرحانة
غيث:-وعيونج ماضوجج ولا أذيج
هزيت راسي سريع مبتسمة
نيمني بهدوء وصار فوگاي وهو يبوس انحاء
جسمي بعُمق بدون
مايوصلي او يتقربلي
ابتعد وباوع لعيوني:-احبج وحق الثنعش معصوم
ملاك:-اني هم احبك
اندك الباب
ابتعد عني وگام فتحة ولگاها رغد تخصرت:-اني مو گتلك لا توصللها
غيث:-عمي بس نبوس مامسوين شي
رغد:-عبالي يلا تعالوا تغدوا
عافتنة ونزلت
واحنة نزلنة وراها استحيت من
شفتهم گاعدين بالصالة كلهم حطولي طبلة وگعدت ؏ التخم آكل
واباوع لعبودي يسولفون
هو وجود مثل الكبار وهو من
يباوعلي يبقة يضحك فرحان اكثر
مني فرحتة ضميتها بگلبي بقيت ابتسملة
لحد ما خلصوا اكل وشالنهن
غسلن الاماعين واني ماسويت
شي ماخلني اشيل وياهن ولا اساعدهن
صعدت لفوك نمت وحضنت عبودي
وهو غفة بسرعة وهو مجلب بية وضام راسة برگبتي
وغيث يمسد ؏ شعرة ونمنة..
ومَرت ايام
واجو عمام غيث وعماتة يهوسولة ويباركولة
ومن بينهم اجو اهل رؤى جانوا كلهم
فرحانين بينة
اخذت الفلوس من غيث
واريد انطيهن لرؤى ماقبلت وضلت تصيح
واني اتعارك وياها
رغد:-يمعودة اخذيهن راح تجيب
رؤى:-والنبي ماخذ شسالفة بيناتنة هيج قابل
بالعكس سويتة كل هذا لأخوية
واكو اخت تاخذ من اخوها؟
ملاك:-اگلج اني هاي مال اخوي واختة مارتاحلها
اسكتي وانجبي واخذيهن مشكولة ذمتج اذا ماخذتيهن
رؤى:-والرضا ما اخذهن ديلا
ملاك:-يا نذلة
رؤى:-اذا اجتكم بنية سموها بأسمي
وبهالحالة اعتبروا هذا راتبي
ملاك:-هي هم صدك
ضحكنة وهي قبل لا تروح فتحت
جنطتها وخليتلها مبلغ مرتب بدون ماتدري
ومن رجعت شايفتهن وراسلتني
ولعبت بية خلقة بس ميخالف تعبت ويانة
غيث جاب مساعدة بالبيت تنضف
وتشتغل بس الغرف ماتدخللهن
لو رغد تنضفهن لو غيث
اشترالي جرباية ورتبها بالصالة ماقبل
اصعد فوك خلاني انام جوة
وهو يمي ينام يومية ومايتقربلي ابداً
گلتلة:-لشوكت يعني؟
غيث:-لحد ماتجيبين وترتاحين يلا افكر براحتي
ملاك:-بس ترة عادي سألتها الدكتورة
گالت بس مو بأستمرار ولا يأذيج
غيث:-لا معليج بيها هيج احسن
واني ماعندي شي عادي
ملاك:-يعني تضل 9 اشهر؟
غيث:-عادي جا واذا راح تنتهي الدنيا
ملاك:-ما مرتاحتلك
غيث:-دنجبي
ضحكت وسكتت
ومَرت أشهر حلوة حتى نساوتي ماتعبتني
بالعكس
وغيث مصر مايكلي شنو بية ولد لو بنية
حاولت ويا شگد وماقبل ابداً
وبيوم گعدت اريد اروح للحمام فز غيث
همستلة:-نام اني امشي
غيث:-تؤ تعاي
تستمر القصة أدناه
ملاك:-ارجع نام شبيك اني اروح ؏ كيفي
غيث:-لا اني امشيج لحظة
گام فتح الأضوية
وگومني ويمشيني ؏كيفة
دخلني للحمام ودخل وياي حد ما خلصت
وغسلت وهو لازمني ونيمني
؏ الجرباية بهدوء
ملاك:-تعال
ابتسم ومد نفسة وبستة بشفتة
بادلني بقوة ابتعدت التقط انفاسي
ابتسمت ومسدت شعرة نام فراشة
ومد ايدة لزم ايدي وبقة للصبح هو
رافع ايدة لفوك
راح للدوام واجت المساعدة
لطيفة جان اسمها "زهري" هو هيج اسمها
بس اني اصيحلها زهورة
بدت تنضف البيت وغيرتلي الفرشة
وكعدت تلعب ويا عبودي حد ما صارت الـ 12
وراحت حدها لهذا الوقت
وهي مسوية الغدة ومخلصتها
يبقة بس غيث يحمي ويصبة
وهاي هيج مستمرة الأشهر تمشي ؏ كيفها
بهدوء مُريح
واني من گد ما مندمجة ويا الروح
اللي داخلي ابقة اسولف واحجي واضحك
مرات عبودي يدخل ويشوفني اضحك واسولف
يضل گاعد يمي ويلزم ايدي خايف خاف بية شي
ومن اگلة هنا اكو نونو يضوج
وميحب اجيب هذا الطاري ماعرف شون راح
اخلي يحب اخو او اختة
بقيت كل شهر اختم قُرآن ؏ بطني
من گد ما اني گاعدة اكضيها اقرة قرآن وهالشي
قريتة بأحد القصص العراقية
وحبيت اطبقة ويا طفلي واخلي هو وداخلي
يسمع صوت القُرآن
ونبقة ونگول تمر الأيام وبطني تبرز
اكثر وابقة اتلمسها روحي تطير وتفرفح
اراجع دكتورة كل اسبوع ياخذني
غيث نتطمن حالة الطفل وهو يدخل
وياي للغرفة ومن اگللها شبية ولد لو بنية هم
ماترضى تحجي متفقة ويا غيث
واني روحي تفور اضل اتعارك وياه
ودخلت بشهر التاسع من حملي
واللي هو الشهر اللي اجيب بي
2024/1/17
وسبحان الله عبودي بنفس الشهر
بس يوم 15 كلش فرحت وكيفت
غيث من الخوف كل ساعة يتخربط
وهو مگابلني وگاعد ضل سهران بيومها للصبح
حاضني ويبوس بية
لبسوني البدلة الزرگة ويجهزوني حتى ادخل
واباوع لوجوههم كلها مخطوفة
وخايفة
اللي جانوا موجودين بس
غيث ورغد وازهر وجاسر ومرتة
ملك وريم بقن يجهزن بالبيت
دخلت اباوع الديكور كلة وردي درت
وجهي عليّ وهمست بصوت فرحان:-بنية؟؟
ضحك بس حتى يخفي التوتر وهز
راسة بـ اي
ملاك:-عزززة توقعت ولد
غيث:-لا بنية
ملاك:-شراح نسميها؟
أشرلي ؏ اسم المكتوب ؏ حايط
ابتسمت بفرح:-كُلش حلو
ابتسم وباس راسي
وهو ما يحجي خايف اجت رغد
بيدها بطالة ماي قرت آيات ؏ بطل الماي
وشربتة
وقبل لا ادخل باوعتلة
وحاوطت وجهه براحة كفوف
ايدي وهمستلة:-عانينة هواي اني وياك
عانيت انتَ بحُبي قبل لاتتزوجني واني كذلك
غلطنة ثنينة بأغلاط ماتغتفر بس
تعديناها حاولت تفرحني وهاي اعضم فرحة
تقدمها ألي اتأكد من حُبي الك ولأبنك ولبنتك
اني مو بس احبكم اني اتنفسكم
كل نفس بأسم واحد بيكم واخر نفس حيكون
اسم بنتي مادري اذا اني راح اطلع منا عدلة او
هي بس اذا طلعت عدلة اني وهي لا يمكن
اكون متحطمة وتخسرني لأن تعبت
من الخسارات
اني واذا العكس فـ غيث امانة برگبتك ليوم الدين دموع عبودي ودموع بنتي اذا اجت عايشة لو نزلت دمعة منهم اني وياك نتحاسب بيوم القيامة
شهك وهو يحضني ويهمس:-اششش بابا لاتحجين هيج تطلعين اني متأكد تطلعين بخير وسالمة باوعيلي لاتبجين عيون أمي ماريدها تبجي
ملاك:-امانة عيون امك حافظ عليها
هز راسة وهو يبجي
ودموعة تنزل بأستمرار حضنت
الكُل وسلمت عليهم
درت وجهي عليهم
وگلت:-ابروني الذمة
كلمات خلت شهگاتهم ترتفع
خوف ومحبة الي..
دخلت وصعدت ؏ السرير
اجت الدكتورة گالت:-جاهزة؟
هزيت راسي وذبيت نفس:-اي
همست بيني وبين نفسي
واني مخلية ايدي ؏ بطني:-ماعوفج ولا انتي راح تعوفيني فرحتي انتي
حجيتها وحسيت الأبرة
دخلت بوريدي كفيلة تخليني اروح
لغير عالم...
"رغد"
لحظات خوف وقلق يكتل
وكأنما دننتضر الموت
نفتر رايحين راجعين والسنتنة
تلهج بجميع الادعية والسور
غيث ماد رجلة بالگاع
وغمض عيونة اخذت بطل الماي
وغسلت وجهه وهو بقة مغمض وشفتة بيضة
وجسمة يرجف:-غيث تسمعني تعال ازهر
رادو يشيلوا ماقبل ودفعهم
وهو مدنك ونفسة سريع حد ما صار عندة
اغماء شالوا وركضوا بي
ماگدرت اعوف ملاك بقينة اني وفاطمة
واني الوج احس راح اطلك من التفكير
شوية واجوا خوالها ثنينهم
وخالتها وجدان وبقوا يمنة وكذلك الدُعاء
مافارك لساني
شوية وجابوا بالكرسي المتحرك
رحت وگتلة:-؏ كيفك حبيبي شنو سالفتك
هسة تطلع بخير وسلامة اذا انتَ متخربط
وهي تتخربط لعد بنتكم منو يهتم بيها
غيث:-خلي تطلع ليش تأخروا
رغد:-حبيبي ستوهم دخلو صارلهم نص ساعة
؏ كيفك هاك اشرب ماي
غيث:-ماريد وخري عني رغد
وخرت عنة وبقيت امرغ بمتنة
وهو لازم صورتها بالتلفون عاصرة عصر ويباوعلها
متنة رعب وخوف
وهُمة تأخروا اني رجلية تگطمت من التعب
وكل ساعة تخابرني ميار تتطمن
واني اسألها ؏ عبودي يبجي لحد ما نام
ساعتين مَرت وكأنما دهرين
لساني خدر من كد ما حركتة بالأدعية
والكُل متوتر
طلعوا المُمرضات بيدهم الطفلة ملفوفة
بالابيض ضحكنة ودموعنة جرت بفرح
وهلهلت بصوت عالي و وياي خالتها وفاطمة
والكُل يتشكر من رب العالمين
عدى غيث اللي يباوع للباب علمود يطلعوها
وماهتم للطفلة اهم شي صحة ملاك
لحد ما نضفوها وخلصوها
ونص ساعة وحولها للغرفة الخاصة
وغيث اولهم دخل واني وراه ميصير
اكثر من اثنين وجاسر وفاطمة راحوا ورا الطفلة
وهو يتلمس كصتها
ويهمس:-عيون أمي گومي افتحي عينج
رغد:-غيث هسة اوگف ستوها طلعوها
غيث:-خليها تگوم شون صيحي للممرضات وينهن
بهالأثناء طلعت صوت
وهي تصح بصوت ناصي وتجر الكلمة
جر:-آآآآآخخخ يممماااا
غيث:-ها ابوية اني يمج
ملاك:-غييييث
غيث:-اني يمج حبيبي
ملاك:-اريد غيث
غيث:-عيون غيث يابوية الآخ كون بية ولا بيج
شو تردين ماي افتحي عينج
فتحت عيونها وصاحت:-الضوة ليش اخضررر
غيث:-اي هو اخضر
ملاك:-خلو وردي
غيث:-هسة يخلوا تدللي
ملاك:-اني ماحبك
غيث:-عفية لاتحبيني
ملاك:-والله ماحبك احب عبودي
غيث:-انعل ابو عبودي
ضربتة ؏ كيفها وهي گوة تشيل ايدها:-لاتغلللط
تاااج راسسسك
غيث:-هذا هو حبيبي يستاهل عبودي حبي
صميت حلكي ماكدر اضحك
همزين قيس مو هنا جا اخذها تصنيف
بقت تهلوس وتحجي وغيث يأيد
كلامها ومايحجي شي يضوجها ودموعة تلمع
عفتهم وطلعت ادور جاسر وفاطمة
مالگيتهم رجعتلهم
لگيتة حاط راسة ؏ السرير
وهي تمسد بأيدها الي بيها كانونة ؏ شعرة
ابتسمت وصورتهم فيديو قصير
ساعة ونص واني منتضرة
وذولة نايمين
انفتح الباب ودخلت المُمرضة بيدها الطفلة
وجاسر وفاطمة وراها
همست:-غيث گوم
فز بسرعة وگام وهو يوخر ايدها بهدوء
ويخليها ؏ السرير ؏ كيفة وهمس:-لحد يگعدها
گام وفرك عيونة وباوع لبنتة تقدمت
وهو ايدة ترجف گوة مدها للمُمرضة والكُل
يباوع لردة فعلة
عيونة مدمعة ويباوعلها وهو شايلها
؏ كيفة بلع ريگة وباوع لملاك
قدمها ليم شفتة وباسها بخفة
باوعتلها وابتسمت لوجهه الأحمر وملامحها
ممبينة عدل
نزلن دموعة مسحهن بسرعة بالردان
وقدمها الي:-هاج اخذيها
اخذتها والمُمرضة گالت:-گعدوا الأم خلي ترضعها
انتفض غيث وگال:-لا لا خليها نايمة
بهالأثناء طلع صوت الطفلة
وهي تنوص بصوت ناصي بس مادري
شون سمعتها يمكن گلبها حس؟
همست:-بنتي وين
غيث:-هاي وياها ابوية انتي زينة لاتگومين
ملاك:-خاف تاخذها ولاء
غيث:-لا حبيبي اشعل عشاير ولاء
وكمال الگ*** محد يتدنى يمج
ملاك:-اريد بتي
گومني ؏ كيف واني احس بغير وادي
عايشة بس عيني عليها
هاي؟ هاي الانتضرتها صارلي سنين
وهسة تحققت
شنو هالكم الهائل الجواي من
المشاعر الما تتوصف؟
قدمتها رغد واني گلبي وادية وجسمي
وعيوني وشفتي وكل انحاء جسمي
يرجف
خوف؟ فرح؟ حُب؟ انتضار؟
وجع؟ أذية؟ دموع؟ حنية؟
شتتوصف هاي المشاعر؟
حطوها بين ادية
اي هاي الي؟
هاي مو من غيري؟
هاي اللي اني مُجبرة اربيها واضمها بين ضلوعي
هاي مو بنتي لا؟
هاي الفرحة اللي انتضرتها
من سنين
نزلن دموعي وفاض كلشي
بية واني حاضنتها
ملاك:-يُمة اني تعذبت علمودج
يُمة يروحي انتي اني انهانيت وتعذبت
وتأذيت علمود ريحتج ومحد يعيرني بمرضي
يُمة انتي نقذتيني من العالم حبيبتي
انتي فَرحتي اني اليوم انخلقت وياج
اني مو عمري 34 سنة لا اني عُمري بعُمرج
انتي عُمرج ساعتين؟
اني عُمري ساعتين مثلج اني وياج انخلقنة بنفس اليوم يروحي
اشهك واحجي بدون وعي
والكلام اللي گلتة قليل بحق الجواي لكن
دموعي شرحن كلشي الها
احساسي الجنت اتمناه واشكيلكم
عنة هسة جاي احس بي
قبل جنت افسر الكُم احساس الكسر
بس هسة احساس الفرحة ماجاي اعرف شون اوصفها ماجاي اعرف شون انقلها الكم بالطريقة الصحيحة
رفعتها الي وبست خدها بكل عُمق
و ودي للأبد تبقة شفايفي تلامس خدودها الترفة والحَمرة
رغد:-رضيعها يلا
رفعت عيوني المتروسة
دموع:-شون ارضعها
رغد:-لحظة
غيث:-اطلعوا شوية خلي تاخذ راحتها
طلعوا كلهم ومحد تقربلي
رادو اخذ راحتي وياها
تقربت رغد فتحت السحاب مال
الدشداشة الملبستها الي
وطلعت صدري واني ضامتها حيل
الي وريحتها ملت خشمي ملي
خلت صدري قريب من حلگها
وهي فتحتة بخفة
وضلت ترضع
هذا اي هذا الشعور الجنت اريدة
جنت اريد اعرف احساس الأم وهي ترضع
طفلها شلون؟ وهسة اني جاي احس بي
انتوا مدتتخيلون شلون احساسي
ومُستحيل احد يجي يتحداني ويگلي اكو
احساس اقوة منج؟ اكو مشاعر احلى من هاي مشاعرج الدتحسيها
لا مشاعر حُب ولا حزن ولا اهتمام ولا ولا ولا
ولا اي شي بهالكون يجي يضاهي
مشاعري واحاسيسي
يا حُب يا اهتمام يا شنو
هو اليلزم بيدة الروح الزغيرة الطالعة من روحة
يفكر بمشاعر ثانية؟
احساس الأم ياعالم ماكو مثلة ماكو
واني صارلي سنين افتقدة شتتخيلون؟
صدري تشنج وهي ترضع بكل اريحية
لحد ما وخرتها رغد واني
اگللها:-لا عوفيها عوفيها
رغد:-شبعت ولج
ملاك:-اني ماشبعت ماشبعت منها عوفيها
غيث:-جيبيها
شالها غيث واني امسح
دموعي ابتسم وباسها بخدها
وأذن بأذنها وسماها
همست:-ليش سميتها بهذا الأسم؟
ابتسم بهدوء وگال:-حتى من يصيحولها بأسمها
مايصيحوها عبثاً
ملاك:-مافتهمت
غيث:-يصيحولها روح
روح علي وهي فعلاً روحي
مسحت دموعي التنهمر بسرعة بدون
ماحس بيها خلاها بسريرها البصفي
واتقرب باس راسي بعُمق:-الف مبروك
ملاك:-وانتَ هم الك الف مبروك
غيث:-اربيها بحُبي ودلالي الج
هزيت راسي بسرعة:-قبل كم سنة بولادة
عبودي گتلي خلي نفتح صفحة جديدة
اني اليوم اگلك اليوم فتحنة مو صفحة جديدة
اليوم فتحنة كوكب كامل النة احنة
احنة الأربعة نعيش بي بهدوء وحُب بدون أذية
باس راسي بقوة وابتعد
يباوع لعيوني ويتأملهن وميگدر ينطق كذلك
بقى يباوعلي واباوعلة
درت وجهي ؏ روح وابتسمتلها
انتي صدك روح
روحي المُتعافية انتي
رجعت بستها ودخلوا اخواني
يباركولي وهُمة يبجون ويبوسون بية
رجعت غفيت من الفرحة
واحس اعضائي تريد تطير ادية اللي
لزمتها شون گدرتن ولچن ماتوگعن من الفرحة
نمت مُطمئنة ومَرتاحة
فزيت مرة الثانية واصواتهم يمي
وجاسر يبوس براسي واني ابتسملة
وضحكتي ماخذة نص وجهي
باوعت لسرير روح ومالگيتها
فزيت مخترعة:-وين روح
ملك:-هاي وياها هاي
حطيت ايدي ؏ گلبي
وهمست:-لاتاخذوها جيبوها
وغيث واكف فوك روسهم
اخذها منهم وجابها الي ضحكت وضميتها
لحضني وبست خدها
وگلت لرغد:-ارضعها؟
ضحكت:-لا مو جوعانة
ملاك:-شمدريج يمكن جوعانة ومتحجي
ضحك الكُل وغيث
ضل يگح باوعتلهم بعدم فهم:-شبيكم
غيث:-يعني شلون تحجي بربج البت صارلها 4 ساعات
ملاك:-يعني اقصد متبجي شبيكم تلزمون لزمة اني اعلمك
غيث:-طاحت البلشة براسي
ضليت حاضنتها وغيث يمسد ؏ شعرها
همسلي:-تتحسس
ملاك:-شلون
غيث:-بستها وخدها صار احمر دم حتى جاسر وذولة باسوها تحسست طلع حب ناعم شوفي بس بسرعة يروح
ملاك:-لعد شلون نوديها لطبيب من تكبر شوية؟
غيث:-لا حبيبي هو بشرتها هيج طبيعتها يمكن
حساسة هسة لحد يبوسها واني كيفت
حتى محد يتدنالها
ضحكت:-صدُك قيس خو ما سوالها شي
غيث:-مو هنا قيس الحمدلله والشكر
عندة واجب خابرني يتحسر
ملاك:-هههه همزين
رفعت عيوني عليّ واني مبتسمة وهو
كذلك بقيت امسدلها وابوسها بخفة بدون
ما اضغط عليها
لليل والكُل راح وبقة غيث يمي
فقط وهو ينزعني ويلبسني وياخذني للحمام
واذا روح فزت يبقة هو شايلها ويفتر بيها
ميرضى اني اگوم
ابقة اباوعلهم وابتسم
ثاني يوم جنت گاعدة واني اسولف وياها
وابدللها بخفة ورغد وياي اكثر شي
هي اني بس اساعدها
حسيت ايد لامست عيوني وغطتهن
ضحكت وگلت:-عبوداتي
سمعت صوت ضحكتة و وخر عني جان
غيث شايلة درت نفسي واخذتة لحضني
وغيث استغفر:-لج بابا مو تطك العملية
ملاك:-لا ما تطك
عبدالله:-شلون عرفتيني
ملاك:-شون ماعرفك ولك اصلاً اول ما طبيت المستشفى شميت ريحتك
ضحك اكثر بستة من شفتة وهو باس
رگبتي درتة لروح وگتلة:-باوع هاي النونو الجانت ببطني
عبدالله:-صدك؟
ملاك:-والله
ضل يباوعلها يتأملها همست:-حلوة؟
ماحجة قربتة منها وگتلة:-بوسها يلا
دنك باسها بخفة وابتعد
باوعلي وگال:-يعني هاي بتج؟
ملاك:-اي
عبدالله:-واني؟
ملاك:-انتَ هم ابني
عبدالله:-لا اني ابن ماما زينب
خزرتة واستغفرت
ورجعت نترت:-انت ابني مو ابن احد فاهم لو لا
عبدالله:-اي
غيث:-تعال عبودي انزل من الجرباية
عبدالله:-ابوسها بعد؟
ملاك:-بوسها يلا
دنك ورجع باسها وباوعت لخدها
صار احمر بقيت امسد عليّ حد ما صار زين
وعبودي بقة يسولف ويضحك ومارجع
تقربلها ابداً
العصر طلعوني من المستشفى
نيمني غيث بالكشن الورا ورغد بيدها روح
لحد ما وصلنة للبيت گومني
وشالني دخلن للبيت انطش الجكليت والهلاهل
وياه ضحكت بتعب ودخلني خلاني
؏ الجرباية وروح بصفي
اجت ريم وملك يبوسن بية وبيها
ويتحمدلي بالسلامة ذبحوا ذبايح وصارت هوسة
كل ساع جاي واحد يزورني
صبولي اكل گعدت اكل ؏ كيفي وعيني
؏ روحي
للعصر والتموا يمي
قيس وريم ورغد وازهر وملك وجاسر وفاطمة
وغيث يتناگر ويا قيس
وذاك يگلة:-يمعود هسة بس خلي ابوسها شمالك
غيث:-جاي اگلك تتحسسس وخرررر
قيس:-لا عليك العباس بس ابوسها صارلي اسبوع محروم من البوس
باوعت لريم وجهه صار احمر
غيث:-وخر گتتتلك اذا وصلتلها اشك حلگك
قيس:-هسة اني المن بايس قابل مرتك
غيث:-ولكككككك
شال رجلة ودفرة بخاصرتة
وذاك ضل يصيح
قيس:-انطونيها والعباس منتضرها يگول بتي هاي
هاي شبيك اخليلها فلوس لاتخاف
غيث:-ديلا ؏ اساس ميت ؏ فلوسك وخر
قيس:-ادري جلبت وخر و وخر عمي وخرت ابوسها من بعيد
غيث:-استغفرك ياللهي
اندك الباب غيث باوع لروح وباوع لقيس
شالها واخذها ويا واني اضحك ولازمة خاصرتي
دخل حسين زوج ملك عدلت شالي
وهو تحمدلي بالسلامة دار وجهه لغيث
وگال:-شو انطينياها
غيث يستحي منة اساساً مابينهم علاقة قوية
خلاها بيدة وباوع لقيس وخزرة
علمود ميحجي قربها لشفتة وباسها
وقيس وج ضل يهز برجلة سريع
وغيث يريد بس ياخذها من ايدة وحسين كعد
يحلل المن تشبه
غيث:-انطينياها تفضل اكعد استراح
قيس:-هاي هيج عود اني من دمك ولحمك هيج صارت مع الاسف
همسلة:-اسكت عليك العباس
قيس:-يصير خير يصير
متت ضحك وهو يهز برجلة سريع
ويعض بشفتة بقهر وهو اصلا متعاركين هو وريم
وهسة غيث ضوجة
من طلع حسين صاح:-عممممي اننننني هننننا منبووووذ محد يريددددني بيةةةة جررررب
ولكككك امدددددداك بعزززز كوروووونااااا واني وگففففت وياك ومرتك ذبتك بالحجرررر
مثل الجججلللللب واني وحدي بقيت اجيب
واودي بس مو صووووجكم وهاي البربوك
الثاااانيه دفعت فلوس الدنياااا حتتتى توووصللللين وتدررررسين امداكككم
ريم:-اي عَيّر بعد عَيّر جاسر شوكت تروح
جاسر:-هسة شوية
ريم:-اروح وياك
جاسر:-عين غطى وعين فراش
قيس:-هو محد هيلگجن غير هذا الگ*** العار
3
غيث:-صح اول مرة اتفق وياك ؏ شي
گاملة جاسر وگال:-لك شو تغلط ؏ خواتي انتَ س****
قيس:-انعل ابوك لابو حتى خواتك
جاسر:-ولككككك
كتلَ كتلة معدلة واحنة نضحك
وقيس الة شوية ويبجي قبل لا يطلع
دار وجهه ؏ عبودي:-ولك ترة امك ماتحبك
عافتك وراحت وهسة شوية بعد
راح تاخذك توديك يم الگبر مال زينب بعد متريدك
عافة وطلع وعبزدي دار وجهه علية
وعيونة مدمعة:-صدك ماما؟
ملاك:-لا حبيبي جذب خلي يولي هذا الحية
هز راسة ورجع يلعب ويا جود
ساكت باوعت لريم وگتلها؛-انتي شون متحملتة
هذا يمة برة
جاسر:-حتى هي صايرة مثلة
دارت وجهها مطنگرة
راحوا جاسر ومرتة وبقينة بس احنة
كتلها:-شبيج عليمن متعاركين؟
ريم:-لأن طلعت دور ثاني
ملك:-بوية هاي البت دماغها شبي
ريم:-شسوي مالحك
ملاك:-دنجبي شنو الماتلحكين جود لو يمي لو يم رغد وقيس بالدوام
ريم:-مابية حيل
ملك:-او الغسل خليلج مستقبل يغبرة
شمدريج ما باجر عگبة يشمرج قيس مثل
شمرة النعال وضلي احتاري مثل هاي الخوثة
عمممممي انننننني علللللييييمممممن طااااالعة
گلووووووللللي شنهالأفكار ملاتي
كون يخلوني وزيرررة العراق الله
الة اخلي الزلم كلها تنقرض وانتن هم شكولجن
تنقرض
ملاك:-ماينقرضون ذولة نايمين ؏ كلوبنة
بقينة نسوف ونضحك ونشاقة
جابت ملك تلفونها تريد تصور روح
وغيث گام:-لا لا لحد تصورها
ملك:-يا ليش
غيث:-تنشرنهن ادري بيجن ماكو تصوير
ملك:-جا واذا نشرناهن تنطك بعين يمة
غيث:-ماريد عمي اني ماريد بتي تنشر
ملك:-لا بالللللهههه اريد اصوررررها
غيث:-وعلي اتخارب وياج
ملاك:-غيث شسالفة
غيث:-انجبي انتي
ريم:-انت لاتخلي واحد يبوسها ولا يشيلها
ولا يصورها شجاك خوية
غيث:-مشكولة ذمتة اليصورها ماريد اي صورة الها
ضحكنة وسكتنة
لحد ما طلع صعد لفوك شالتها ملك
ودخلتها للغرفة كمت وراها اضحك وهي تصور
بيها ؏ السريع وتباوع للباب خاف يجي
خلصت وطلعتها لبرة
واحنة نضحك على غيث وغيرتة
ومَرت كم يوم واجت ام عبدالله ورقية
النة وضلن بايتات يمي
واني اشوفها تبوس وتشبك
بعبودي وتگلة:-يمة حبيبي حفيدي ابن الغالية يمة يروح امك انتَ
قبل ماجنت اغار اذا احد جاب طاري زينب
بس هسة اشتعل شعل اذا يجيبون
طاريها كبال عبودي
وهو يسألها ؏ امة
يگلها:-ماما تشبهني؟
ام عبدالله:-اي كلش تشبهك نفسك بضبط
عبدالله:-يصير تطلع من التراب؟
مسحت دموعها وگالت:-لا ميصير بس من نموت نلاگيها هناك
عبدالله:-ها
ام عبدالله:-اي حبيبي انت تشتاقلها
رفع عيونة علية واني مدمعة
وهو گاللها:-ماشوفها اذا اشوفها ابوسها
ام عبدالله:-عفية هي تموت عليك
هز راسة ساكت وگام عنها
وهي گالت:-سودة بوجهي يابعد روحي انحرم من حنان الأم
واني بعز حرگتي گتلها:-لعد اني وين رحت عنة
ام عبدالله:-حتى لو يختلف حنان الأم يختلف
بقيت اهز برجلية بعصبية
شلت روح وخليتها بصفي التهي بيها
كرهت حتى روحي
وبليل صاحتلة ونيمتة بحضنها وبقيت
الليل كلة سهرانة اباوعلة وهي شابگتة ونايم
فزيت ؏ صوتة
فتحت عيوني شفتة راح للحمام
بقيت فاتحة عيوني لحد ما طلع غسل
واجة يفرك بعيونة گتلة:-تعال
عبدالله:-انام يمج عادي؟
ملاك:-اي حبيبي تعال
سويتلة مكان واجة نام بستة
برگبتة حيل وهو باسني گتلة:-تحبني؟
عبدالله:-اي
ملاك:-شگد؟
عبدالله:-هوووواااااي كلششش هوااااي
ملاك:-يعني اذا اجت ماما زينب تروح وياها لو تضل يمي؟
عبدالله:-اضل يمج
هزيت راسي مبتسمة
وضميتة لحضني واني اشم بشعرة
للعصر وراحن
بليل غيث نايم بالگاع بصف الجرباية
ولازم ايدي
فزت روح وضلت تنوص ردت اگوم
بس حسيت بي هو گام
ضليت مسوية روحي نايمة
وهو يحاول يشيلها ؏ كيفة خلاها بحضنة
واخذ الممة وخلاها بحلگها
وهو يشربها ؏ كيفة
ويهمسلها:-يلا بابا يلا ؏ كيفج حبيبتي
ابتسمت واني مغمضة عيوني
ضل هيج لمدة طويلة بعدين فتحت عيوني
باوعتلة يتلمس خدودها باصبعة
همسلها:-اني تعبت امج حبيبتي
تعبتها حتى وصلت لهاي الفرحة مو بس اني
الدنيا تعبتها عيونها الحلوات المفروض
مايبجن بس بجيناها كلنة
بقيت خانسة استمعلة
وهو يگللها:-اني لليوم الندم ماخذ نص حيلي
وبيوم الأجيتي بي صدك حسيتها ستوها انخلقت
الفرحة اللي بعيونها...
سكت ماكمل
ورجع همس بخنگة:-تعبتني فرحتها تعبتني
سمعتة خلاها بالكاروك فتحت
عيوني وسويت روحي ستوني گاعدة:-ها گعدت
غيث:-اي رجعت نامت
ملاك:-خوش
غطاها زين وهو يبتسم ومنزل عيونة
الحَمرة گتلة:-تعال
رفعهن علية وگام تدنيت
شوية ونام بصفي وحط راسة بصدري
مسدت ؏ شعرة وگلت:-اشتاقيتلك
غيث:-راح اموت اني
ضحكت:-خلي يطلع الأربعين
رفع راسة وباس شفتي
ورجع خلة راسة برگبتي واني مغمضة
عيوني ابتعد وباوعلي بهدوء
جفونة نازلات ؏ عيونة:-احبج
ملاك:-اني هم
غيث:-مادري شون متحمل
ضحكت:-راح نموت ثنينة
غيث:-شوكت يطلع الأربعين
ملاك:-كم يوم بعد
غيث:-آخ يابة آخ كتلتيني كتل
ابتسمت بحُب وگتلة:-اليحب يتحمل
غيث:-مبين اني ماحبج صار 9 اشهر وقبلها مال العمليات مال الانابيب رحت بيها صارلي سنة طايح حضي
ضحكت اكثر:-يلا يلا نعوضك
غيث:-شتعوضين مال بداية زواجنة مال هسة
ضيگت عيوني:-من عفتني ورحتلها هم هاي اعوضك عنها؟
ضحك بخجل وگال:-انجبي انسيها هاي
ضربتة:-لا ما انساها
غيث:-عمي السالفة صارلها 8 سنين شجاج ماتنسين وجه الچوب
لويت اذانة بخفة:-مانساها لو بعد عشرين سنة
غيث:-اي وين الكوكب الجديد الفتحتي
ضحكت وضربت ضهرة وهو نايم
بحضني ويتلمس جسمي بحرية انفتح باب
غرفة عبودي وطلع يفرك بعيونة
وراح للحمام
ملاك:-گوم مو حلو يشوفنة بهذا المنضر
گام وهو يگول:-شعلتيني انتي وبزرتج
طلع وغسل وغيث گالة:-تعال بابا تعال
اجة وهو يتطوطح والنوم بعينة سحبة
وباس خدة وعضة:-تنام يمي؟
عبدالله:-اي
سوالة مكان وخلاه ينام وغطا ونام بصفة
ومد ايدة لفوك ولزم ايدي
ونمنة..
أجن خالاتي و وردة
باركلي واني ابتسملهن و وردة مكيفة
بيها
وقبل لا تطلع خلت كلينسة وبيها فلوس جوة
راس روح وخلت وحدة
ثانية وهمست:-هاي من أمي
هزيت راسي وتشكرتها وراحن
وراها بأيام شفت غيث يركض صعد فوك
لبس اسود ونزل گال مستعجل:-ملاك عندي فاتحة ما اتأخر ديري بالج
ملاك:-تعال وين غيييث
عافني وراح مستعجل وما اجة غير ب10 بليل
سألتة گال صاحبي وسكت وجان وجهه اسمر
وعيونة حمر دم سكتت
ويومين وغيث يروح ويرجع هيج وكت
ورغد ماهية ماجت بس ريم تجي يمي وهم ساكتة
ثالث يوم اجت رغد سلمت عليها
سألتها گالت مريضة ومالي خلك
هم سكتت بقت تفتر بجبتها مانزعتها ابداً
استغربت وهي بالعادة كلشي تنزع
تبقى بالدشداشة كتلها:-شبيج تفترين بالجبة ماتنزعيها
رغد:-لا باردة عوفيها
ملاك:-ضامين شي انتي وغيث؟
ضحكت:-شنضم ولج
ملاك:-مادري شو احس ضامين شي
رغد:-لا ماكو شي
هزيت راسي وسكتت وبالليل اجو
جاسر وغيث بوسني جاسر وشال روح باسها
ورجعها
غيث:-ليش تبوسها ادبسز باع شسوة بخدها طيح الله حظك
جاسر:-هاي تتعيقل علينة
غيث:-جا عندي عشرة هنه ثنين خليهن يتعيقلن
ضحكتي اخذت نص وجهي
راح جاسر للمطبخ وصاح:-اگلك هذا عبدالله...
قاطعة غيث من صاح:-جيبلي مااااي
اجة ولازم گلاص ماي گام غيث
اخذة من ايدة ولزم عكس جاسر وسحبة
واسمعة يگلة:-شنو ماتدري
ضل الخوف ياكل بگلبي شضام
غيث؟
اجة گتلة:-راح جاسر
غيث:-اي راح يابوية تعبااااان بوسة منج يروح التعب
ملاك:-تعال اگعد تعال
گعد ومد راسة الي ضربتة بخفة
راشدي وگلت:-بسرعه شضام علية؟
غيث:-شني؟
ملاك:-ضام شي غيث گولة ترة ادري بيك
غيث:-اويلي مينضم عليجن شي انتن
ملاك:-هااااا يعني ضام احجي كول ترة گلبي وگف
حك حاجبة وتحمحم گال:-عمتي ام عبدالله
دگيت ؏ صدري:-شبيها
غيث:-هسة مو فززتي البنية شبيج بابا قضاء وقدر
ملاك:-احجي شبيهااا
غيث:-انطتج عمرها
شهگت وخليت ايدي ؏ حلگي واني اهز
براسي سريع واشهك:-لا لا
غيث:-لاتبجيييين استغفرالله
ملاك:-شلون ماتت شلووون
غيث:-سكتة قلبية
ملاك:-قبل كم يوم جانت هنا ياربي
غيث:-هاي بعد حبيبي شنو قابل نموت ورا البشر الله يرحمها
ملاك:-شنو هالبرود غيث هي ربتك وتعبت عليك
شو احسك عادي؟
غيث:-حبيبي شنو عادي
اشك هدومي تعبت وربت ادري بيها
واني ماقصرت وياها گد الشعراية وبعد هاي الاعمار بيد رب العالمين
ملاك:-مستحيل اصدك غيث شون عافت عمك
غيث:-قابل هو ييدها كافي لاتبجين
جرني وهو يبوس براسي
راح صعد فوك يبدل واني صافنة بالفراغ
گمت لغرفة عبودي باوعتلة نايم همزين
شافتك وشبعت منك
ثاني يوم خابرتي رقية بقت تفرفح
واني ابجي وياها واشهك لحد ما سكتتها
وبقيت اسولف وياها
گتلها:-وهسة شون حالكم يصفى
رقية:-هو اني للاربعين واروح لبيت محمد زوجي
بدون عرس ولا شي وابوية يعيش
يم اختي روان بلبنان
ملاك:-وعبدالله؟
رقية:-عبدالله من زمان مسافر وعايش بأمريكا
حتى للفاتحة ما أجة يگول ماعندي فلوس
ملاك:-يا نذل الله يساعدكم ويقويكم حبيبتي
رقية:-تبهذلنة ملاك تبهذلنة احس احوالنة
كلها متخربطة من موتت زينب لليوم
مارتاحينة وهسة ختمناها بأمي
اخر شي صاحت بأسم عبودي تگول بوسولياه
غمضت عيوني ودموعي ينزلن
هدأتها ونهيت الأتصال وبقيت اتصفن
احاول استقبل الموضوع واصدك هي ماتت!
وغيث نسى كلشي وضل وياي
يهدئ بية
ومَرت أيام
وطلع اربعين روحي
واخذناها لقحناها واني متت من البجي
وياها
لثاني يوم اجتني رغد
تضحك:-ها يلا ما فكيتوا
ضحكت:-لا لسة روح امس بقت تبجي واحتارينة بيها
رغد:-يمة والله اخوي تبهذل الله ينتقم منج
ملاك:-انجبي لج تعاي يلا مكيجيني
اخذت روح وصعدنة لفوك نيمتها
؏ الجرباية وگعدت ورغد تمكيجني وتسولف
وياي
لحد ما كملت وروح كل ساعة تبجي
واعوف رغد واروحلها
خلتلي مكياج طوخ
طلعت ثوب نوم لونة ابيض مشبج
وخفيف وهي گالت:-يلا راح اخذهم ذولة الشواذي وانتوا اخذوا راحتكم
ملاك:-لا عوفيهم اني انيمهم جوة
رغد:-لا يمعودة تضلين محتارة وكلشي ماتفتهمين
ضحكت:-شفتهم يعني
ضحكت بصوت عالي وگالت:-المهم تتونسين يلا
اخذت عبودي وشالت روح وانطيتها
مميتها وغراضها وراحت
ابتسمت واني محتاجتة اكثر من اي شي
بالدنيا وكفت اسوي الغدة
شوية واجة من الدوام
فتح الباب وباوعلي والشمس بعيونة
ابتسامتة ملت وجهه
نزع حذائة ودخل يضحك
جرني من خصري وخلة گصتة
؏ گصتي:-لج هاي شمسوية تردين تكتليني
مشيت السجينة ؏ رگبتة:-مو بس اكتلك اموتك واحييك وارجع اموتك
ضحك وباس شفايفي بكل شغف
وگال:-طفي الگدورة ماريد غدة
ملاك:-لعد عليمن واكفة صارلي ساعة اطبخ
غيث:-عوفيهن بعدين طفي طفي
ضحكت وطفيت الگدورة وهو راح ورجعلي
وگال:-جا وين روح وعبود
ملاك:-اخذتهم اختك
غيث:-عمي هي هاي الاخت التفكر براحة اخوها هي هاي السبعة
ضحكت وشالني وصعدنة لفوك
وهو يبوس شفايفي متقطع نيمني ؏ الجرباية
وهو فوگاي يتلمس افخاذي
همس:-احبج هواي احبج...
مرت ساعات طويلة واحنة سوة
ماعرف بأي دقيقة وأي ساعة احنة من گد
ما اندمجنة سوة وعبرلي عن حُبة وشوگة
مال اشهر بهالساعات هاي
خلاني اطير بحُبة الي..
لف ايدة حول خصري وضمني
الة واني منطيتة ضهري وتعبانة
همست:-روح جيب بتي حليبي يدر
حسيت بأبتسامتة دارني وسوة
حركة جريئة ضحكت وضربتة وگتلة:-ادبسسسز
غيث:-عوفي بتج هسة اني ابنج
ملاك:-لا حباب والله صدري ينغز
مشى لحيتة ؏ رگبتي كزبر
جلدي همست:-كافي
غيث:-شحلاتها حياتنة جانت
ملاك:-جانت فاهية هسة احسها تلونت
غيث:-جنة مرتاحين
ملاك:-ستوني ارتاحيت
غيث:-گولي ماريدك عليمن بعد
ضحكت بصوت عالي
وهو اتحارش بية شوية وراح جاب روح
رضعتها وهي ترضع بكل قوتها
حبيبتي ميتة جوع مبينة
بقت تطلع اصوات من ترضع
واني اضحك
طلع غيث من الحمام
ينشف بشعرة گال:-اشبعي بعد ابوج اشبعي
ضحكت وهي لحد ما شبعت يلا
وخرتها خليتها يمة ورحت سبحت شوية
واجة عبودي
گلت لغيث:-خلي نطلع
غيث:-وين
ملاك:-نتعشة برة
غيث:-لا خاف روح تتخربط
ملاك:-لا ما عليها اغطيها
عبدالله:-بابا نروح مطعم؟
غيث:-اي حبيبي
عبدالله:-اني اريد ريزو
ضحكت:-شمعلمك بالريزو ادبسز
عبدالله:-خالو قيس يجيب واكل
غيث:-اويلي من قيس
ملاك:-عبودي روح جيب ملابسك خلي بابا يبدلك
ركض جاب ملابسة واجة وابو يبدلة
فتحت الكنتور اريد البس شي
سد الباب غيث وگال:-عندي شي
ملاك:-شنوَ؟
راح للكومدي فتحة وطلع علبة
جبيرة اخذتها من ايدة وفتحت الچيس
ضليت افتح بيها وطلعلي
بشت لونة ازرق وجواه ثوب ستن ابيض
ضحكت واكو شي زغير فتحتة ثوب زغيروني
بناتي هم لونة ازرق وبي ابيض
ضحكت كلش حلوات
بوستة وتشكرتة ولبست روح
الثوب صار يخبل فييت عليها ولبستها فوكاه
شي ثخين واني بدلت وجان يجنن
گعدت گتلة:-تعال مكيجني
غيث:-خادم اني
ضحكت وگعدت ؏ كرسي وبيدي
روح وهو جاب العلبة مال مكياج وضل يسطر
بيهن علمود يصيرن گبالة
وبدة يمكيجني مكياج مرتب
واني اباوعلة شون مركز بي همسلي:-هذا
اللون عليك يجنن
يشبهه لون عيونك
رددت وراه:-نضرات العالم ماتطمن احذر ليحسدونك
ابتسم باس خدي
باوعت للمكياج مرتب وحلو خفيف
ومو مخربط گتلة:-شعري لفة
ضل يجيب منا ويحطة منا شمرة
وگال:-طولاااان طولااااان گصصي
ضحكت:-تعرف تگص؟
غيث:-اي صدك جيبولي المگص
فتح المجرات وطلع المگص
كتلة:-والله اذا خربتة لو سويت شي
غيث:-هسة نشوف
رتبة كلة وخلاه سطرة وحدة وكعد
بالگاع وبدة يگص بي واني گلبي يدك ؏ السريع
ضل يگص ويعدل ويرتب بي لحد ما خلص
انطيتة روح وگمت باوعت
تجنن الگصة مخلي لحد جتفي
باوعتلة وكلت:-انتتتت شنوووو انتتتت
شووو دتعال خلي ابوسسسك
بستة بخدة شلعتة شلع وهو يضحك
ويهز بروح:-عزة يجنننن غييييث مستحيييل
غيث:-من اكلج ثقي بية ماتصدگين
ملاك:-حراماات مواهبك هاي تندفن دفتحلك
مركز انعل ابو الغيرة
ضحك بصوت عالي واني لفيت
شال جرجيت ابيض وذبيتة لورة ولبست
برجلي وطلعنة هو شايل روح واني لازمة عبودي
خليناهم ورا واحنة لكدام
وهو طلع كاضم الساهر والاغاني ملاتة
كلهن احسهن يوصفن حُبة الي
باوعت لعبودي وكتلة:-دير بالك ؏ روح ماشي ماما؟
عبدالله:-اي
من نصايح رغد بعد ماشفت عبودي
تنحس وميحب روح ولا يتقربلها
كالتلي علمي يهتم بيها گليلة دير بالك عليها
وروحي عنة علمود يصير مسؤل هو عليها ويخاف اكثر
وصلنة لمطعم نزلنة
واني شايلة روح ومدنكة ركض
عبود گبالنة وصاح:-جووووود
رفعت راسي قيس وريم ابتسمت
وهُمة صاحولنة رحنة لطاولتهم وگعدنة
وياهم
قيس:-حتى هنا لاحگيني هسة اريد ارتاح
غيث:-دنجب
قيس:-وهاي لسة ماكبرت جنها نعال
غيث:-بحلگك
فتحت الغطا عنها وقيس كام يباوعلها
ورجع كعد كال:-تشبهه ريمتي
غيث:-هوَ انتَ حتى المطي شبهتة بريمتك
ريم:-يا هاي ليش هيج غيث ليش مو اني احترمك واحبك
قيس:-شني احبك لج مو ليش تخليني امطلج هنا
غيث:-اعذريني بس رجلج نذل الله يساعدج
ريم:-اي والله مشيبني عود طلعني يصالحني
رجع تعارك وياي
قيس:-مو صوجج اني مو تبت اسوي زين للناس بس اخ من كلبي
ضليت اضحك وجابولنة اكل
وغيث وصالي معلاك كعدنة ناكل بهدوء
وبس جود وعبود يسولفون بصوت مسموع
وكلشي ماينفهم من كلامهم
لحد ما خلصنة ردت اشيل روح
اجت بنية بيدها موبايل:-شو عادي اشوفها
ابتسمت وگلت:-اي عادي
وخرت عنها الغطا وهي بوستها:-عزة حلوووة
ملاك:-حبيبتي عيونج الحلوة
فتحت موبايلها وكالت:-خلي اطگلها صورة
هزيت راسي
وهي طگتلها صورة باوعت لغيث وجهه
احمر وفچة يتحرك قيس
كال:-الله بالمرصاد مايضيع حوبة احد
بوستها وتشكرت مني وراحت
طلعنة نتمشى ريم وقيس وابنهم راحوا
لغير جهه واحنة لغير جهه
لزم ايدي
وهمس:-للنَهاية؟
ابتسمت بحُب:-للنَهاية...
_ها نحنُ نقف عند آخر محطة
ولم نعُد من أجل راكب
_هذهِ نهايتي برفقة من أحب
هذهِ نهايتي عندها تعلمت دروس الحياة
وأيقنت أنّ
"البداية خدعة و النهاية درس"
_نهايتي هي عَبرة لكُم ولي
لاتكونوا مثلي
نفسكم في المقاعد الأولى
"في البداية دائماً"
_لا تكونوا مثلي
"في النهاية أدركت انني مُدينة
لنفسي بكثير من الاعتذارت"
_عَزة النفس ، الكرامة
السلاح ، الضلم ، القوة
الثقة ، الأحترام ، الحُب الصحيح
العوض
هي أهم عند كُل أمرأة
_اتمنى تعلمتم من أخطائي
وليس تتخذوها قدوة
بل اتخذوها خطوة للتقدم
_اقدم خالص الشُكر لكُم
ولقرائتكم لروايتي
مُمتنة لكَم
معلومات 👇🏻👇🏻
غيث "علي (الأسم الحقيقي)" 1985/3/1
ملاك 1990/5/1
عبدالله 2018/1/15
روح 2024/1/17
_اتمنى اكون وفيت بحق هذهِ الرواية
أعتذر من كُل شخص
مُمكن اذيتة بكلام او فعل
بقصد او بدون قصد
مُمتنة لكُل حرف انكتب داخل هذه
الرواية منكم
سب شتم مدح نصيحة كلها اخذناها
بمنضور آخر اتمنى استفاديتوا
ولو شي بسيط من هالرواية حتى ولو كان بمقدار ذرة
الأهم والمُهم طبع داخل عقولكم
شيء مُمكن تستفادون منة في المُستقبل
_انتضروني برواية جديدة
لها عُبر أُخرى
قصة تختلف تماماً عن ما يدور
في اذهانكم
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
